سلفتي دخلت العرسه علي طفلتي الرضيعه بقلم هويدا زغلول
تخرب الدنيا أكتر من كده انا بس يمكن بقول كلام من ورا قلبي بس اكيد عمري مهأذي أخويا
أميرة
مشاكل! هي الدنيا لسه فيها حاجة ما خربتش
أنا بقالنا شهور مش طايلة راحه لا في بيتي ولا في بيت امي انا عمري ما ارتاحت
سعيد
انا من بكرة هاخد كل حاجتي بالقانون ونصيبي في البيت
أميرة بتريقه
اميرة
القانون آه ماشي يا سعيد بس ساعات في حاجات بتتعمل من غير ورق ولا محاكم
سعيد يبصلها بخوف
سعيد
انتي قصدك إيه يا أميرة
أميرة بابتسامة فيها غموض
أميرة
ولا حاجة يا سعيد اعمل اللي تعمله
وتاني يوم
كانت أميرة قاعده لوحدها في البيت وعماله تفكر تعمل ايه وبيجيلها فكرة وتبدأ تنفذها بس اول حاجه لازم تبين ل هدي أن هي كويسه معاها ومش زعلانه منها وهدي كانت في شقتها بعد ما حست أن هي بقت كويسه
تاني يوم كان سعيد راجع متأخر وأميرة لابسة لبسها وبتحط ميك أب
سعيد باستغراب
سعيد
رايحة علي فين كده يا اميرة
أميرة
هروح أبارك لهدي على البنوته يا سعيد
سعيد
انت رايحه تباركي بعد كل اللي حصل ده انت ايه اللي في دماغك بقا
أميرة
مفيش حاجه يا سعيد وأيوه هاروح أبارك مش يمكن الدنيا تهدى شوية ويلا بقي المسامح كريم
سعيد بصوت مش مصدق
سعيد
بجد يا أميرة انت قلبك طيب اوي يا حبيبتي وانا اسف انا عارف أن هما جم كتير عليكي اوي ماتزعليش يا حبيبتي وصدقيني هجيب لك حقك
أميرة
ربنا يخليك ليا يا حبيبي
في بيت هدي
البيت كله هادي والبنت كانت نايمة وهدي قاعدة بتقرأ قرآن
بتسمع صوت الباب بيخبط
هدي بتقوم عشان تفتح
هدي
مين
أميرة
أنا يا هدي افتحي
هدي بتتوتر ولكن بعدين تفتح الباب
هدي
يا اهلا وسهلا ادخلي يا اميره ادخلي يا حبيبتي ده البيت نور والله انا مش مصدقه أن انت جايه لي يا اميرة انا اسفه والله علي اللي حصل انا مكنش في نيتي اعمل كده والله
أميرة
انا جايه ابارك لك يا هدي و أهو اللي حصل حصل واللي راح راح وربنا يرزقك كمان
هدي بخجل
هدي
ربنا يخليكي اتفضلي اقعدي انتي عارفه ان انا وانتي اخوات لوما حماتي بقا اعمل ايه بس
أميرة
ولا يهمك يا هدي اللي حصل حصل خلاص هو انا ممكن اشوف النونه
هدي
طبعا يا حبيبتي تعالي ندخل الاوضة دي حتي شبه أبوها أوي
أميرة
آه هي فعلا شبهه اوي وأميرة بتطلع ظرف فيه فلوس
أميرة
خدي ده ظرف فيه حاجه بسيطه للصغنن
هدي
طب والله انت تعبتي نفسك ليه بس يا اميرة مكمش ليه لزوم خالص
أميره
ده رزقها يا حبيبتي ما تقوليش كده انا نازله بقي لو احتاجتي حاجه كلميني علي طول
وأميرة بتنزل تحت وفي دماغها حاجه وهدي فرحت اوي ولما رجع احمد قالت له وقالها
احمد
معقوله الكلام ده طيب والله كويس
ولما حماتها طلعت عرفت وقالت
الحما
يا ختي احنا لازم نرقي البنت دي اااه انتي متعرفيش النفوس فيها إيه برضو ومتأمنيش علطول كده
احمد
تاني يا امي الكلام ده ما خلاص بقا احنا قولنا احنا جات هنا والمسامح كريم بقا
الحما
الحق عليا اني خايفه عليك وعلي بنتك يا احمد ماشي يا بني
وعدت الايام ويعيد برضو مش بيكلم اخوه بس هدي واميرة علاقتهم كويسه مع بعض وأميرة كانت قاعده مع هدي وقالت لها
هدي
والله انا نفسي اروح اشتري ليا هدوم وحاجات ومش عارفه أخرج من البيت خالص فقولت لو اسيب لك البنت بكرة واروح وارجع علطول
أميرة
لا ياحبيبتي انا مليش دعوه معلش يا هدي انتي عارفه حماتك لو عرفت حاجه زي دي هتعمل إيه
هدي
يابنتي متحطيش في بالك الكلام اللي بتقولي عليه ده هو ده كلام برضو طيب خلاص انا هسيبها مع حماتي
وفعلا تاني يوم هدي نزلت وقالت للحما
هدي
انا هسيب البنت معاكي يا حماتي لحد لما ارجع من بره
الحما
طيب سبيها في الشقه وخلي الباب موارب وانا هبقا اطلع ابص عليها يا هدي متنزليهاش هنا الجو برد هنا عليها وانتي اكيد مدفيا لها الاوضه
هدي
خلاص ماشي بس بالله عليكي اوعي تنسي تبصي عليها
وكانت اميرة مراقبه هدي واول لما نزلت دخلت علي البنت اربع عرسات عشان ياكلوا البنت وفعلا دخلتهم وطلعت تجري علي فوق وهدي نزلت لقت المحل قافل وقالت
هدي
يادي النيله وده قافل ليه ده بقا طيب لما اطلع تاني
وعدت علي حماتها وقالت
هدي
انا لقيت المحل قافل يا حماتي انا هطلع انا بقا اطمن علي سارة زمانها لسه نايمه انا ملحقتش أصلا
وطلعت ودخلت وشافت المنظر بتاع البنت وفضلت تسرخ تسرخ لحد لما اغمي عليها من المنظر والبنت سايحه في دمها وطلعت الحما وشافت المنظر فضلت تصوت وجه احمد والشارع كله اتلم وراحوا المستشفى والدكتور قال
الدكتور
للاسف البنت اتوفت ملحقانهاش
هدي
بنتاااااي اااه يا بنتي اااه يا حبيبتي
الدكتور
أرجوكي اهدي مش كده هو ايه اللي حصل والعرس اللي كانت عندكم واكلت البنت جات البيت ازاي للاسف انا مضطر اعمل محضر إهمال ضد الأم
الحما
احنا مش عارفين يا دكتور الحاجات ي دخلت بيتنا إزاي احنا عمرنا ما دخل بيتنا القرف ده
الدكتور
الحاجات دي يا حاجه بتدخل البيت بالزات لو البيت مفيهوش حد بس دي شكلها حد جابها لكم البيت احنا لازم نجيب الحكومه تحققفي الموضوع
احمد
انا عارف مين اللي جاب الحاجات دي يا دكتور هو اخويا مفيش غيره
الحما
واخوك هيعمل كده ليه بس يا احمد يابني اخوك عمره ما يعمل كده
احمد
ايوه هو عشان هددني يا أمي انه هيحرق قلبي على بنتي واهو حصل اهو
وفي بيت سعيد قال لاميرة
سعيد
يانري ايه اللي جاب الحاجات دي البيت عشان تعمل في البنت كده
أميرة
مش عارفه يا سعيد لا حول ولا قوه الا بالله انا زعلانه اوي عشان هدي واخوك
ولقت امها بتتصل وقالت لها
اميرة
في ايه يا ماما مالك متعصبه ليه كده بس اهدي
الام
الحقيني يا اميرة انا عرفت ان الموكوس طارق طلع متجوز عليا في السر شوفتي
أميرة
بتقولي ايه معقوله
الأم
أسمعي انتي تيجي دلوقتي حالا عشان تخليه يطلقني
أميرة
أخيرا هتطلقي ده يوم الهنا بس صحيح انتي عرفتي منين طيب ان هو متجوز عليكي
الأم
الزفت اللي هو اتجوزها جات وقالت لي انا عايزة
أميرة
طيب يا حبيبتي انتي تروحي لمحامي شاطر كده يطلقك منه عشان احنا في البيت عندنا مصيبه اكبر من جوزك
الأم
مصيبه ايه كفا الله الشر ياختي
أميرة
اصل البنت اللي لسه مولودة بنت احمد قال ايه دخل عليها عرس وكالوها
الأم بصدمه
يلهوي طيب والحاجات دي جات لهم إزاي بقا لا حول ولا قوة الا بالله طيب اقفلي وانا بقا هتصرف مع طارق
وفي القسم احمد صمم ان سعيد هو اللي عمل كده بس الشرطه حبست هدي بسبب الإهمال وقال
احمد
يافندم مراتي ملهاش ذنب في حاجة أبدا انا قولت لكم مين اللي عمل كده اخويا ده هددني ان هو هياذي بنتي
وراحوا الشرطة البيت عند سعيد وقبضوا عليه واميرة قالت لهم
اميرة
هو عمل ايه عشان تقبضوا عليه سعيد جوزي ملوش في اي حاجه أبدا
وراح هناك قدام الظابط وقاله
الظابط
اعترف يا سعيد انت هتنكر انك انت هددت اخوك احمد انك هتاذي له بنته
سعيد
انا فعلا قولت كده
بس ده كان كلام وبس ساعتك يعني انا عمري ما اعمل كده في طفله صغيره وبنت اخويا كمان
الظابط
بس انت هددت اخوك ان هتعمل كده فيها
سعيد
بس والله ما عملت كده انا عمرى ما اعمل كده أبدا
وبعدها دفنوا البنت وهدي كانت مش بتتكلم والحما راحت لاميرة وقالت لها
الحما
امشي من بيتي يا بت انتي ابني هيتعدم اكيد انتي اللي خلتيه يعمل كده منك لله
أميره
لا لا لا يمكن اسيب سعيد يحصله حاجه سعيد عمرة ما يعمل كده أبدا ايوه عمره ما يعمل كده
وجريت زي المجنونه علي القسم واعترفت بكل حاجه وبعدها سعيد خرج واعتذر لاخوه وقاله
سعيد
سامحني ياخويا انا كنت عايش مع عقربه وانا معرفش سامحيني يا أمي
الأم
انت واخوك ملكوش
وبعدها عدت الايام وهدي حملت في تؤام وعرفت ان ربنا بيعوض خير فعلا
وبكده تكون خلصت حكايتنا
