رواية مسك و آسر الراوي زي النهاردة كاملة جميع الفصول بقلم ايمان
المحتويات
فورا
برقت عيوني من وقاحته
فضلت في حاله من الذهول لا تقل عن الخمس دقايق بالتقريب فاتحة بوقي مبرقه عيوني ودمي حرفيا بيغلي في عروقي
سمعت صوت ماسدج مرة تانيه علي الواتساب فبصيت بلهفة لاقيته فك الحظر وكاتب
علي فكرة أنا لا معجب بيكي ولا اعرفك ولا نيلة وعلي فكرة أبوكي وابويا أصحاب و وبابا هو اللي فضل يضغط عليا علشان اكلمك اصل انا زيك رافض فكرة الحب والجواز والكلام الفاكس ده بس هو ضغط عليا يابني انا كبرت يابني نفسي اشوفك عريس يابني نفسك اشوفلك حته عيل فوافقت وكلمتك
شوفت الماسدج واتصدمت في الحقيقة!
مبترديش ليه
اخدت نفس عميق ومسحت دموعي وعملتله
حظر بعدها حطيت الفون علي الكمود وغمضت عيوني
فات اكتر من ساعه بحاول انام لكن مقدرتش
جوا دماغي دوشه وصراع
وجوا قلبي وجع وڼزيف مبيقفش
مش قادرة اتخيل فكره ان في راجل تاني يدخل حياتي
فكرة أن قلبي يكون ملك شخص اناني مشاعره جامده
شخص ميحافظش علي اللي باقي من مشاعري
شويه البراءة شوية الحنية شوية المشاعر اللي باقيه يستنزفهم بدون اي شفقه ويمشي زي اللي قبله
اعيش الباقي من عمري فاقده جميع مشاعري
اعيش واموت ام جاحدة ظالمة وزوجة تعيسة
اخلي حياه اولادي والشخص اللي هيكمل معايا الباقي من عمره چحيم!
صحيت تاني يوم علي هزة بابا ليا
فتحت عيوني كان قاعد علي طرف السرير بيبصلي بقلق وعيون بتلمع بالدموع
اتنفضت وانا بسأله بقلق
_في ايه يابابا
اخدني في ه وهو بياخد نفس عميق وبيرد بنرة كلها دموع
_الحمد لله قلقتيني عليكي
وانا بسأل بحيرة
_انا مش فاهمه حاجه ايه اللي حصل
_بقالي ربع ساعه بصحي فيكي مش بتردي قلقتيني
ته وانا بتنهد بتعب
_انا كويسة متقلقش ياحبيبي
_اومال اقلق علي مين انا مليش غيرك يا مسك من بعد موت امك الله يرحمها
اترميت في ه وانا بهمس بوجع واشتياق
_
_يالا قومي اغسلي وشك وتعالي حضرتلك فطار ملوكي
بوست أيده وانا ببتسم برقة
_تسلم ايدك ياحبيبي
_مستنيكي في البلكونه وقام خرج من الأوضة اما عني اتنهدت وانا ببص لأثره من جوايا متضايقه من اللي حصل لكن في نفس الوقت مقدره حبه ليا وخوفه عليا من بعده خوفه اني ابقي وحيدة زيه من بعد موت ماما
احساس الوحده مش هين علي الأطلاق!
احساس بشع مؤلم وصعب علي اي بني آدم
_عندنا ضيوف النهارده علي الغدا
قالها بابا وأحنا بنفطر فرفعت عيوني وسألته برفعة حاجب
_ضيوف مين عروسه متقدمالك!
رد بغيظ
_انت عارفه أن قلبي قفل علي امك اللي يرحمها
حطيت كوباية الشاي وانا ببصله بأبتسامة
_ياريت كل الرجاله كانت مخلصه زيك يا بابا
_اكيد في زي كتير لو ده حب بجد هيفضل مخلص
قالها وهو بيشاور علي قلبه فأتنهدت وحاولت اغير الموضوع وانا بسأله بجدية
_مين اللي جاي علي الغدا
_واحد صاحبي وابنه عزمتهم علي الغدا النهاردة
رديت بتلقائية وخضة
_طب مش تعرفني يابابا علشان اعمل حسابي و.....
_متقلقيش انا ظبطت كل حاجه هنطلب اكل من برا مش عايز اتعبك
_لا طبعا متقولش كده تعبك راحه اكيد
ابتسم ورد بهدوء
_ممكن اطلب منك طلب
_اكيد ياحبيبي
_ممكن تقلعي الاسود ده وتلبسي حاجة ملونه وتحطي ميك اب وترجعي زي زمان نفسي اشوف مسك بتاعه زمان اللي كانت بتضحك وكلها حيوية وحياه
_ايوة بس.....
_الحزن في القلب
ياحبيبتي مش في اللبس وماما دلوقتي في مكان احسن شايفاكي
وحاسة بيكي لو بتحبيها اعملي زي ما قولتلك
اخدت نفس عميق وانا بمسح دموعي وهزيت راسي
_حاضر يابابا
بعد شويه كنت واقفه في اوضتي قدام الدولاب محتارة هلبس ايه كنت عارفه
أن الضيوف صاحب بابا وابنه اللي كلمني وعملتله بلوك لكن في الحقيقه محبتش اتكلم!
معرفش ايه السبب
لكن يمكن كان عندي فضول
شكل المقدم آسر الراوي
المعقد الدبش اللي رافض الفكرة زي تماما
مكانش عندي اي نيه للحب
اعتقد هو كمان مكانش جاهز لده
لكن اللي حصل في اليوم ده لا كان علي البال ولا كان علي النية
_يالا يا مسك لسه مجهزتيش الناس علي الباب
كنت بلبس الشوذ فرديت بتوتر
_خلاص ياحبيبي خلصت اهو
_طب يالا
الجرس رن فجري بابا يفتحه بلهفه وحماس
اما عني قومت وقفت وانا ببص في المرايا علي شكلي لأخر مرة
كان شكلي جميل رقيق وجذاب
خرجت من الاوضة كان بابا استقبلهم
في الصالون
اخدت نفس عميق ودخلت وانا حاطه وشي في الأرض
_السلام عليكم
دخلت سلمت علي صاحب بابا كان لطيف وطيب فيه من بابا كتير اما عن ابنه سيادة المقدم آسر الراوي هزتله راسي ومسلمتش عليه فبصلي بقرف غالبا زيارة تحت تهديد السلاح
ضغطت فوق اسناني وقعدت وانا بهمس بغيظ
_قليل الذوق
_ماشاء الله ياحبيبتي كبرتي وبقيتي زي القمر
حطيت وشي في الأرض ورديت بكسوف
_ميرسي ياعمو
رد بخبث
_آسر وانتوا صغيرين كان بيحب يلعب معاكي وعلي طول كان يقولي انا هتجوزها لما نكبر
رديت انا وهو في نفس واحد
_هو احنا لعبنا سوا!
رد بابا بحماس
_طبعا ده أنت مكنتيش تحبي تلعبي إلا مع آسر وتفضلي تقوليلي انا بحب آسر اوي أنا هتجوز اسر
رديت بشرود وحيرة
_بس انا مش فاكره اي حاجه خالص انا.....
_اكيد ياحبيبتي مش هتفتكري لانك كنت صغيره
_بس انا مكنتش صغير!
قالها برفعة حاجب فرفعت عيوني وانا ببصله بتشتت
بابا بتوتر
_ا احم يالا ياجماعه الغدا جاهز
قعدنا علي السفره وبدأنا ناكل في صمت
كان بابا وعمو بيبصوا لبعض من تحت لتحت
أما عنه كان قاعد ياكل بلا مبالاه
خلصنا الاكل وعملتلهم قهوه
_ا احم اتفضل قهوتك
قولتها وانا واقفه علي بابا البلكونه فلف بصلي واخدها مني بهدوء
_شكرا
هزيت راسي وكنت لسه همشي
_انت مصدقه أننا كنا بنلعب مع بعض واحنا صغيرين!
هزيت اكتافي ورديت بحيرة
_لا انت مصدق
هز رأسه بسخرية
_اكيد لا شايفاني عيل صغير قدامك!!!
رفعت حاجبي ورديت بغيظ
_علي أساس أن انا اللي عيله صغيره
رد بهدوء وهو بيشرب بوق من الفنجان
_لا انا مقولتش كده
رديت بتوتر وإحراج
_جايز حصل
ا اكيد مش هنفتكر كل حاجه عملناها واحنا صغيرين يعني!
هز أكتافه ورد ببرود
_ممكن
_عن اذنك
_بالمناسبة
لفيت ورفعت عيوني ابتسم وهو بيرفع فنجان القهوه قدام عيوني
_لذيذة تسلم ايدك
ابتسمت برقه ورديت قبل ما اختفي من قدامه واجري علي اوضتي
_الف هنا
قفلت الباب ورايا وحطيت ايدي فوق قلبي
كان بيدق بشكل يخض
احساس غريب ومريب
عمري ما حسيته حتي مع عز
هزيت راسي وانا بقول لنفسي بعتاب
_ايه الجنان ده اعقلي مفيش حاجة اسمها حب
بليل كنت واقفة في البلكونة حاضنة فنجان النسكافيه بين ايديا ومغمضة عيوني بأستمتاع ريحة البرفيوم بتاعته مازالت موجوده في المكان وكأنه موجود تماما!
كنت في حاله من الشجن عايزه افضل مغمضة عيوني وصامتة عايزه اسرح بأفكاري لمكان بعيد عايزة اسيب قلبي هو اللي يوجهني بدون اي قيود من العقل والمنطق
_مسك
فتحت عيوني بأرتباك اول لما سمعت صوت بابا بينادي عليا
_ايوة يابابا جايه
_لا خليكي انا اللي جاي
قالها ودخل وقف جنبي لكن متكلمش وقف ساكت بيبص قدامه بشرود
اتنهدت بعدها بصتله بطرف عيوني وانا بسأله
سرحان في ايه
هز أكتافه بحيرة
_مش عارف في حاجة غريبه حصلت النهارده
ضميت حواجبي
في بعض ورديت بأستغراب
_ايه اللي حصل
_حامد صاحبي بيقولي آسر ابني من وقت ما نزلنا من عندكم وهو سرحان وحاله اتشقلب عمال يقوله انا عايز اتجوز مسك
حطيت ايدي تحت دقني وانا بسأله بسخرية
_فعلا!!!
رد ببراءة مصطعنه
_اه انا
بحكيلك اللي حصل
هزيت راسي يمين وشمال وانا بضحك اصل في الحقيقه بابا مبيعرفش ېكذب ابدا دايما عيونه وحركاته ڤاضحاه
رد بغيظ
_بتضحكي علي ايه
_تصبح علي خير
متابعة القراءة
