رواية مسك و آسر الراوي زي النهاردة كاملة جميع الفصول بقلم ايمان
يا ابو علي
رد بأحباط
_وانت من أهل الخير
بعد مرور أسبوع
_مسك ابقي حضريلي البدلة الكحلي يوم الخميس عشان عندي فرح
قالها بابا وأحنا قاعدين فنزلت الروايه اللي كنت بقرأها ورديت بأستغراب
_عندك فرح مين
رد بلا مبالاة وهو بياكل لب
_ابن واحد صاحبي
بلعت ريقي ورديت بتوتر
امممم مين صاحبك انا اعرفه
هز رأسه ببرود
_اكيد طبعا
_مين انكل مصطفي
_لا انكل حامد
رديت بدهشة
_آسر هيخطب
رد وهو بيضحك بخبث
_اه عقبالك
معرفش ليه حسيت اني متضايقة حسيت بغصه في نبرة صوتي وانا برد
_ربنا يسعده
شويه ودخلت اوضتي قفلت الباب روحت نحية سريري
اترميت فوقيه بتعب وإرهاق وحزن
مكانش عندي اي تفسير لسبب حزني
اكيد محبتهوش يا مسك!
انتوا حتي متقابلتوش غير مرة واحده
مش معقولة من اول مقابله مشاعرك هتتحرك من تاني
مفيش حاجة اسمها حب من اول حكايه ولا من أول نظرة ولا من اول سلام
الحب ليه معاني كبيره اوي
مش مجرد مشاعر بتحسيها فيعلن قلبك استسلامه فورا
قلبك زمان وبرائته كان سبب تحطيمك
وعقلك دلوقتي وحذره هيكون سبب في النجاة
ارجوكي ارجعي لعقلك
قبل ما تخسري نفسك
شويه كلام حاولت اقنع بيه نفسي
مع أن من جوايا كان نفسي اجرب
اجرب حب حقيقي
بدون خوف بدون قيود وبدون ماضي بيطاردني زي الشبح المخيف منين ما روحت!
غمضت عيوني ولسه هنام الفون رن بصيت علي الاسم كان رقم مجهول فرديت
_السلام عليكم
أتنهد وسكت شويه فضميت حواجبي في بعض
_الو!
_نمتي!
اتوترت وقلبي اتنفض اول ما سمعت صوته فرديت بنبرة مهزوزة
_آسر
رد بهدوء
_ايوة
قومت اتعدلت وانا بسأله بصوت حاولت ميكونش مهزوز
_اتفضل خير
_في حاجة كنت عايز اقولك عليها
رديت بأستغراب وفضول
_لعبة ايه
رد بمراوغة
_اكيد مش هقولك
رديت بغيظ
_وليه بقي أن شاء الله
رد ببرود
_كدة انا حر
جزيت فوق اسناني ورديت بعصبية
_طب وحضرتك بتكلمني ليه برضو مش فاهمه!
رد
بأستفزاز
_بعرفك أن في لعبه بسببها هنلاقي نفسنا مخطوبين
_انت مچنون مخطوبين ازاي انت مش خطوبتك يوم الخميس
رد بضحك
_اه خطوبتنا
رفعت حاجبي
_والله
_اه والله
_لا انت شكلك مچنون فعلا بقولك ايه مترنش عليا تاني أبدا مسموع !!
_ولو رنيت هتعملي ايه
نفخت وانا بتنهد تنهيده طويلة
_انت عايز مني ايه
_نرتبط
_يابني نرتبط ايه هي مش خطوبتك يوم الخميس متجننيش
_انت غبية
_من فضلك احترم نفسك
_لا بجد والله شكلك واقعه علي دماغك وانت صغيره والفهم عندك محدود
_ممكن افهم ايه اللعبة!
رد ببرود قبل ما يقفل السكة في وشي
_لا اصل هي عجبتني وقررت العبها معاهم باي باي اشوفك الخميس اللي جاي يا ياعروسة
بصيت للفون بذهول وصدمة لكن الغريبه
الغربيه اني كنت مبسوطة أن هو مش
هيخطب زي ما بابا قالي بالرغم فضولي اني اعرف القصه لكني برضو بحب المفاجأت والمغامرات
اللي من النوع ده علشان كده مش هفكر ومش هسأل مره تانيه طبيعه اللعبه هتكون ايه ولا ازاي خطوبتي وانا معرفش هسيب كل حاجه تمشي زي ما ربنا رايد لعله خير!
فات تلت ايام
حاولت كتير مفكرش لكن الإنسان بطبعه فضولي!
فكرت كتير وجه في بالي سيناريوهات اكتر
جه يوم الخميس صحيت من النوم
لكن المرة دي مش بابا هو اللي صحاني زي كل يوم
خرجت من اوضتي مكانش ليه اي آثر
خرجت البلكونه مكانش قاعد مستنيني
ومحضر الفطار زي عادته!
قلبي اتخلع وجريت علي اوضته فتحتها ودخلت بلهفة
كان نايم وباين عليه التعب
_بابا بابا مالك في ايه
مكانش بيستجيب ليا
_بابا حبيبي مالك رد عليا
_متقلقيش عليا انا كويسة
رديت والدموع بتلمع في عيني وجسمي كله بيتنفض
_اومال اقلق علي مين وبعدين انت مش كويس انت
شكلك تعبان اوي
أنا هقوم اكلم الدكتور بتاعك
كنت لسه هقوم لكن هو مسك ايدي وهو بيقول بضعف
_انا كويسة شوية برد وهبقي تمام متقلقيش عليا ياحبيبتي
اترميت في ه وانا بعيط وبقوله
_ارجوك يا بابا متعملش فيا كده انت كمان أنا مليش في الدنيا دي غيرك صدقني لو جرالك حاجه انا مش هقدر اعيش من بعدك والله!
وهو بيتنهد
_متقلقيش ياحبيبتي
شويه وبعدت عنه كان جسمه بارد ومغمض عيونه بكل هدوء
_بابا
مردش فهزيته وانا بنادي بصوت اعلي
_بابا بابا لا لا لا عشان خاطري لا متموتش لا بابا رد عليا
يابابااااااا رد عليا بقولك لا متسبنيش عشان خاطري متسبنيش ا انت بتعمل عليا مقلب صح صح انت عامل لعبه انت وانكل حامد عشان اوافق اتجوز آسر طب قوم طيب وانا هتجوزه والله انا موافقه بس اصحي عشان خاطري بابا بابا رد عليا بقييييييي مبحبش الهزار ده
كنت فاكره أنه مقلب لكن في الحقيقه بابا مردش عليا المره دي بجد وربنا اخد أمانته
اليوم خسارتي كانت كبيره بشكل يخض بابا مكانش مجرد اب عادي بابا كان كل حاجه بالنسبالي
ندي عيلتي حبيبي الاول واكتر قلب كان حنين علي قلبي
في نفس اليوم بليل خلصت إجراءات الډفن وخلص العذاء والكل قام بالواجب وسابوني محدش كلف خاطره وكان جنبي وقتها انا مكنتش عايزه حد انا في الحقيقه مكنتش في الدنيا ولا عندي استيعاب باللي بيحصل حوليا ولا حتي ركزت مين جه ومين لا مين قال كلمه تطيب خاطري ومين سكت مين خلص إجراءات الډفن وامتي اصلا اتدفن!
انا كنت في عالم موازي لا حاسه ولا شايفه ولا مركزة
_مسك
فوقت من شرودي علي صوت آسر جنبي فرفعت عيوني بعدها بصيت حوليا ملقتش حد غيرنا!
_آسر انت هنا بتعمل ايه
قولتها بخوف فشاورلي
_اهدي متخافيش انا
هنا علشانك
رديت بنبرة مبحوحة
_مينفعش من فضلك امشي
حط كفه فوق كفي وهو بيبص جوا عيوني
_لا ينفع أنت مراتي
_مراتك!!
اخد نفس عميق بعدها رد بهدوء
_باباكي الله يرحمه اكتشف أنه عنده کانسر من فتره لكن خاف يقولك مكانش حابب يقلقك عليه اول ما اكتشف كلم بابا وقتها كان خاېف جدا عليكي خاېف يسيبك من بعده لوحدك وخاصه بعد رفضك لفكرة الجواز وقتها بابا اقترح عليه فكره اني اظهر في حياتك يمكن تحبيني وانا كنت رافض في البدايه بس لما عرفت الحكايه وافقت وطبعا كلمتك وأنت رفضتي وجينا عندكم البيت و برضو رفضتي في الاسبوع ده باباكي حس أنه تعبان زياده حس بمعني اصح أنه بيودع وان العلاج مش جايب اي نتيجة هو كان دائما بيتحمل التعب قدامك علشان بس متقلقيش جه اول امبارح طلب مني اتجوزك من غير علمك لانه خاف عليكي تكوني لوحدك من بعده انا رفضت
ومكنتش هوافق ابدا لاني محبتش تكوني مجبرة
علي ده لكن مع إصراره وإصرار بابا اضطريت اوافق ومضيت علي عقد الجواز وأنت كذلك هو قال إنه هيمضيكي بشكل غير مباشر من غير ما تعرفي ولا تشكي في أي حاجه انا عارف ان كل اللي حصل ده مش صح وانك اكيد هتزعلي بس هو عمل كده
من خوفه عليكي باباكي كان بيحبك بجد ولو حاسه انك مش عايزه تكملي معايا انا مش هجبرك عليا لكن برضو انا مش هقدر اسيبك حاليا انا هفضل موجود حتي لو أنت رافضه وجودي علي الاقل الفتره دي!
کانسر
حقيقي الكلمه كانت صاډمة بالنسبالي سكتت كل حواسي فشلت ابدي اي رد فعل فشلت اعيط اصړخ اندهش ارفض
وضع مش مناسب ليا!
كنت في حاله من الشلل
لكن في بالي مليون سؤال ملهمش اجابه
امتي!
ازاي!
ليه
امتي بابا كان تعبان بابا كان كويس طول الوقت بيضحك
بيطبطب بيحتوي وبيتنطط زي الشباب!
طب ازاي انا محستش بده ازاي كنت بنام في ه وانا مش حاسه وجعه وهو لو بس كحيت كان يتنفض من خوفه
طب ليه قرر
يفرض عليا شخص ويظهره في حياتي من العدم ومع رفضي لوجوده يقرر بدالي أنه يجوزني!
مشاعر متضاربة حسيت بيها في اللحظة ديه صراع خوف ألم حزن رفض
_انت كويسة
رفعت
عيوني وسكت شويه بعدها رديت بتوهان
_انا هبقي لوحدي و وانا بخاف من الوحدة ب
_انت مش لوحدك انا معاكي
وقتها بدأت استوعب أن بابا مات كل مرة كنت بقول فيها انا لوحدي كان يجي صوته وضمته تقولي لا انا موجود انت مش لوحدك
لكن دلوقتي مجاش صوته ومجتش ضمته لقلبي!
جه صوت
بيطبطب عليا وساند رأسه فوق راسي وهو بيهمس
_انا عمري ما هسيبك حتي لو انت طلبتي ده مش هتخلي عنك ومش هسيبك وحيده
وقتها غمضت عيوني بأستلام
وكأني خاېفه يهرب
ومن وقتها وهو عمره ما سابني
لولا وجوده
لولا حنينه
ولولا
كان زماني تايهة ضايعة
مكنتش بقول له إني موجوعه
بس هو كان بيحس بيا
كل مرة كنت بحاول أقف لوحدي
كان يمد إيده من غير كلام
كل دقيقه وكل ثانيه كان بيثبتلي قولا و فعلا أنه مش هيمشي!
كان ممكن أضيع
بس وجوده كان طوق النجاه
خلي قلبي يتنفس بعد سنين من الخوف
خلي عقلي يصدق أن في حب حقيقي
وبقيت كل ما أحس إني لوحدي
أفتكر كلامه ليا قبل النوم
أنا هنا مش همشي ومش هسيبك ابدا انا ما صدقت لاقيتك
7 7 2026
كنت واقفة فى بلكونه شقتنا
حاضنة بين كفوفي فنجان من القهوه
مستنياه يرجع من شغله بفارغ الصبر!
مكنتش قادره أفسر
امتي حبيته
امتي اتطمنت
و ازاي تقبلت وجوده
الباب رن روحت فتحته كان ساعي بريد
في أيده بوكيه ورد اصفر جواه جواب
مضيت اني استلمت و شكرته و دخلت وانا بقلب الورد بين ايديا باستغراب
مسكت الكارت اللي كان ملفوف بشكل شيك وفتحته
وحشتيني جدا و اسف لو اتأخرت عليكي معلش انا الأيام دي عندي ضغط شغل علي فكرة أنا بحبك جدا وكنت عايز اطمنك و اقولك اني مش همشي ومش هسيبك أبدا عارف ان دماغك مسوحاكي وانك كل تلت ثواني عايزاني اقولك أن انا بحبك ومش ممكن اسيبك أبدا
قلبي كان بيرفرف
وعيوني بتطلع قلوب
انا فاكره زمان أني قولتله انا بحب الرسائل بخط الأيد جدا بحب اي حاجه عموما متعوب فيها فكره أن شخص يخصص وقته ويفكر يفرحك مفيش اجمل ولا الطف ولا ادفي منها وهو من وقتها كل كلمه وكل هديه وكل فعل بيعمله لطيف جميل ودافي زي قلبه تماما!
اخدت نفس عميق ورنيت عليه
_وحشتيني
رديت بنبرة مبحوحة
_انا بحبك
_انا كمان بحبك اوي
_الورد
حلو اوي والجواب اجمل
_بس مفيش اجمل منك!
رديت بخجل
_فعلا
_عندك شك
هزيت اكتافي بحيرة
_اكيد في بنات كتير حلوه
_بس أنت اجمل واحلي واحن بنت شافتها عيني
اتكسفت واتوترت زي العادة وسألته
_ انت جاي أمتي
رد بخبث
_وحشتك
_اوي
_طب افتحي الباب كده
جريت نحيه الباب وفتحته كان واقف قدامه
اترميت في ه فضمني
_وحشتيني
غمضت عيوني
_انت
كمان اوي
بعد شويه كنت قاعده علي الكنبه
كنت ببصله وانا بقول من جوايا
ازاي هو جميل كده
وقد ايه هو راجل حنين رقيق
اوقات بحسه هيدخل الجنه من معاملته معايا
بعدها بصيت للورد والجواب وانا بفتكر زي النهارده من سنة كان نفس بوكيه الورد ونفس شكل الجواب من شخص تاني شخص يمكن نسيته ومبيجيش حتي علي بالي بعد ما كان أقرب حد لقلبي!!!
سبحان الله
ربنا قادر يغير
قلوبنا
قادر يشقلب الموازين
وقادر ينسينا
ربنا عوضني
عوضني لدرجه
ﻳﻤﻜﻦ ﻷﻱ ﺷﺨﺺ
ﺃﻥ ﻳﺨﺘﺎﺭﻙ ﻓﻲ ﺗﻮﻫﺠﻚ
لكنني سأختارك
ﺣﺘﻰ ﺣﻴﻦ ﺗﻨﻄفئ
ﺗﺄﻛﺪ ﺑﺄﻧﻲ ...
ﻭﺇﻥ ﺭﺃﻳﺖ
ﺍﻟﻨﻮﺭ ﻓﻲ ﻏﻴﺮﻙ
ﺳﺄﺧﺘﺎﺭ ﻋﺘﻤﺘﻚ...
شمس التبريزي
من كتاب قواعد العشق الأربعون
تمت
زي النهاردة
إيمان
