أغرب حالة غسل مرت عليا حالة رفضت انها تتغسل

انا مغسلة اموات اغرب حالة غسل مرت عليا حالة رفضت انها تتغسل ومش بس كده واحنا رايحين ندفنها فضلت تصرخ في سيارة الموتى بجد انا كنت في حالة صدمة وقررت اني اعرف ايه سر البنت دي ودي المشكلة اللي معنا النهاردة
يلا بينا نعرف ايه اللي حصل وايه السر اللي هي اكتشفته
لكن مش قبل ما نصلي على الرسول عليه افضل الصلاة والسلام
وصاحبة مشكلة النهاردة بتحكي وبتقول
انا مغسلة اموات
وفي يوم وانا قاعدة لقيت ناس بتتصل بيا وبتقولي تعالي حالا عشان في حالة لازم تغسليها واللي انتي عايزاه هتاخديه
طبعا ساعتها روحت على العنوان اللي هم اداهولي
واول ما دخلت لقيت كذا حد واقف في الصالة وعمال يبكي
ومن ضمنهم عرفت احدد مين الام
هم كانوا قايلين لي البنت مش كبيرة يعني في السن
لقيت مامتها منهارة وبتعيط وبتقولي اتفضلي تعالي معايا على الاوضة
دخلت الاوضة وجهزت كل حاجة
انا مغسلة اموات بقى لي فترة مش كبيرة قوي
وكانوا دايما يقعدوا يقولوا ان بيبقى فيه علامات حسن خاتمة وعلامات سوء خاتمة
بس الصراحة ما اتعرضتش علي قبل كده
كنت بغسل عادي ومبحطش في دماغي
ومبركزش
واخلص شغلي وامشي على طول
لكن حالة بعينها
حالة غريبة
ما اتعرضتش عليا قبل كده
لحد ما جه اليوم ده
اول ما دخلت الاوضة وجهزت حاجتي
لقيت البنت نايمة على السرير
مكنتش لسة اتجوزت
كانت في العشرينات
ولا اتخطبت ولا اي حاجة
وتوفاها الله
قعدت ابص لوش البنت
تحس ان وشها مش غضبان
لا
تحسها

كانت مرعوبة
خايفة
كان واضح انها شافت حاجة قبل ما تموت
وشها شاحب جدا
المنظر كان غريب
قلبي اتقبض وخفت الصراحة
جهزت الحاجة ولسه هبتدي اغسلها
المفروض اني باسمي الله
وبقول ادعية
وباقلب الجثة يمين وشمال
وبتتحرك معايا عادي
الا الحالة دي
مكانتش بتتحرك خالص
كأنها لازقة في ترابيزة الغسل
اجيب يمين اجيب شمال مش قادرة
بيني وبينكم تعبت وعملت مجهود جامد ولسة ما غسلتش
اضطريت اطلع برة وقلت للناس لو سمحتوا ممكن حد يدخل يساعدني في غسلها
اتفاجئت بحاجة غريبة جدا لقيت كله رافض يدخل كله
استغربت وقلت ازاي كده
مامتها كانت بتعيط ومش قادرة تقف ولا قادرة تساعد
انا استغربت من رفض الناس
بس ما حطتش في دماغي
ودخلت تاني
وربنا الحمد لله اكرمني
وقدرت اغسلها
بس خدت مني وقت ومجهود كبير جدا
خلصت
وخرجت
وقلت لهم انا الحمد لله خلصت
تقدروا تروحوا تدفنوها
لقيت عمها بيقولي ماشي خلاص خدي اللي فيه النصيب
واداني فلوس كويسة
بس بعدها مباشرة صوته علي وبيزعق وبيقول
البنت دي مش هتتدفن عندنا في مقابر العيلة
دي تنجسها
امها كانت بتعيط ساكتة باصة في الارض
انا استغربت وفضلت واقفة وقولت يمكن يحتاجوني وبيني وبينكم كان عندي فضول
وساعتها عمها كان مصمم ان البنت دي ما تدفنش في مقابر العيلة
المهم قعدوا يقولوا طب هندفنها فين طبعا نصهم كان مؤيد كلام عمها والنص التاني كان رافض ويقول المفروض إكرام الميت دفنه ودي من لحمنا ودمنا إزاي هتدفن برة والكلام ده كله ومن أولهم والدتها كانت رافضة تماما إن البنت تندفن في مقابر تانية غير مقابر العيلة 
ساعتها عمها شخط فيها وقالها تسكتي خالص مش كفاية يا أختي تربيتك المهم أنا كنت مستغربة فقلت له طب في مقابر الصدقة اللي هي مقابر الصدقة دي ممكن ناخدها وندفنها هناك بيبقى مقابر لناس ملهاش أهل ناس ظروفها مش معاهم معندهمش مقابر ناس معالمهم مش باينة ما يعرفوش يتعرفوا على الجثث فبيدفنوهم في المقابر دي 
لقيت مامتها بتنهار من العياط أكتر وساعتها راح عمها قالها اسكتي بقى خلاص وبصلي وقال لي طيب انتي ممكن تخلصيلنا الحوار ده قلت له آه طبعا 
المهم ساعتها اتصلنا بسيارة موتى تيجي تشيل البنت وحطيناها في تابوت وطلعنا على مقابر الصدقة مرضيش حد يطلع معانا أنا الصراحة كنت زعلانة جدا على حالة والدتها وإنها لوحدها فقولتلها أنا هاجي معاكي وركبنا أنا وهي العربية اللي هي سيارة الموتى وفضلت معاها لحد ما وصلنا هناك 
بس الغريبة إن طول ما إحنا في الطريق كان في حاجة غريبة جدا بتحصل كل شوية السواق يوقف العربية ويفتح الباب اللي ورا ويبص على التابوت ويقلبه يمين وشمال والدتها قعدت تقول هو فيه إيه هو بيعمل كده ليه ليكون شارب حاجة ولا مسطول قلتلها مش عارفة والله أنا مستغربة زيي زيك مش فاهمين إيه اللي بيحصل 
المهم فضل كل شوية يوقف العربية وينزل يبص ويقلب لحد ما ربنا كرمنا ووصلنا المقابر نزلنا واتفقنا مع التربي ودفناها وكل حاجة تمت بسلام الحمد لله 
بعد ما خلصنا مسكت السواق بتاع العربية وقلت له خد هنا تعالى إيه اللي انت كنت بتعمله في الطريق ده هو انت كل شوية كنت توقف العربية تبص في إيه إيه اللي بيحصل
لقيته بيقول لي اسكتي اسكتي أنا مش قادر أمسك أعصابي هي مالها دي قلت له مالها إيه قال لي طول ما أنا سايق سامع صريخ رهيب جدا جاي من ورا العربية أنزل أفتكر يمكن البنت صاحية ولا ما ماتتش أفتح وأشوف ألاقيها عادي ميتة أنا مستغرب خالص مش فاهم اللي بيحصل 
قلت له يعني كنت كل شوية تسمع صريخ قال لي أيوه قلت له ربنا يحسن ختامنا أنا الصراحة ما أعرفش قصتها إيه 
المهم قلتله أنا هبقى أسأل والدتها كده واعرف هي ماتت إزاي 
المهم قال ربنا يحسن ختامنا ده إيه اليوم الغريب ده وراح طبعا سايبني وماشي وكان الراجل وشه مصفر وخايف جدا من اللي حصل المهم مامتها كانت تعبانة جدا وقالتلي سنديني يا بنتي وتعالي روحيني البيت قلت لها ماشي يا حاجة البقاء لله ادعيلها بالرحمة وكثفي الدعوات ربنا يحسن ختامنا معلش يا حاجة بس هو فضول مني هي بنتك ماتت إزاي قالتلي بس روحيني يا بنتي وخدي رقمي ولما أفوق هكلمك 
المهم روحت وبعد كده لقيتها بتتصل بيا بعديها بيوم وبتقولي بقولك إيه تعالي في العنوان اللي أنا هقولهولك وكان صوتها تعبان جدا المهم روحت لحد عندها في العنوان اللي قالتلي عليه وأول ما وصلت لقيتها تعبانة جدا وحواليها ناس كده شكلهم غريب المهم لقيتها بتقول لي سلمي على