أغرب حالة غسل مرت عليا حالة رفضت انها تتغسل
الأستاذ فلان ده سواق التاكسي اللي جابني عنده كتر خيره لسه في ولاد حلال قلتلها ألف سلامة عليك يا حاجة هو انتي تعبتي ولا إيه في الطريق قالت بس روحيني وأنا هحكيلك على كل اللي حصل
المهم خدتها وروحتها البيت وقلت لها معلش يا حاجة ما تزعليش مني ومن فضولي بس أنا هقولك على حاجة لاحظتها في الغسل وأنا بغسل بنتك بنتك كانت رافضة تماما إنها تتغسل وكانت لازقة في ترابيزة الغسل وكمان سواق سيارة الموتى اللي حصل معاه موقف غريب جدا أنا ما رضيتش أحكيهولك بيقولك طول الطريق كان فيه حد بيصرخ من العربية من ورا لدرجة إنه افتكر إن بنتك عايشة مش ميتة وكان يفتح التابوت ويلاقيها عادي متوفية وأنا الصراحة عايزة أعرف إيه اللي حصل لبنتك
لقيتها بتقول انت بعد ما سبتيني أنا كنت تعبانة قوي ومحستش بنفسي ونمت ولما نمت حلمت ببنتي حلم وحش قوي بنتي بتصرخ ووراها زي حاجة ضخمة حيوان مخيف بينقض عليها وبنتي عمالة تصرخ وتقولي الحقيني يا ماما خرجيني من هنا محستش بنفسي يا بنتي ولا بصيت في الساعة ولا عارفة إحنا ليل ولا نهار لقيت نفسي بلبس جلابيتي ونزلت ووقفت تاكسي وقلتله وديني عند المقابر
طبعا أول ما وصلنا هناك قال لي انتي نازلة فين يا حاجة إحنا في وقت متأخر وما ينفعش تدخلي مقابر زي دي دلوقتي ده يبقى خطر عليك قلتله ملكش دعوة أنا همي بس إني أطمن على بنتي المهم اديته الفلوس ودخلت لحد جوه ووقفت ببص لقيت مقابر البنت مفتوحة أنا كنت بصرخ لقيت واحدة حطت إيديها عليا
وعمالة تصرخ فجأة ببص ملقتهاش قدامي ببص على العين بتاعت بنتي المفتوحة لقيتها شكلها وحش قوي وزي حيوان بينقض عليها زي اللي شوفته في الحلم فجأة لقيت الحيوان ده بيقرب عليا روحت واقعة في الأرض وما حستش بنفسي اتاري السواق دخل ورايا لأنه كان قلقان عليا ولما لقاني مغمى عليا خدني لحد بيته الحمد لله أنا كان ممكن يحصلي حاجة ومحدش يحس بيا خالص
قلت لها يا ساتر يا رب إيه اللي وداكي يا حاجة بالليل للمقابر الناس بتخاف تروح بالنهار تقومي تروحي في عز الليل قالتلي أعمل إيه يا بنتي بنتي وضنايا لازم أطمن عليها أنا خايفة عليها قوي
قولتلها أنا عايزة أعرف يا حاجة ليه عمها كان بيتكلم كده وليه كانوا رافضين إنهم يغسلوها معايا وليه رفضوا كمان يدفنوها في مدافن العيلة قالتلي هقولك يا بنتي بنتي من كام سنة كانت هي وبنت عمها كده أخوات وأصحاب وملازمين بعض في كل حاجة كانوا بيروحوا مع بعض الكلية وييجوا مع بعض
قلت لها حلو قالتلي المهم كان في واحد زميلهم في الكلية بنتي كانت دايما بتحكيلي إنها متعلقة بيه وبتحبه جدا الصدمة إن الولد ده ما كانش بيبص لبنتي خالص وكان دايما متجاهلها واللي عرفته بعد كده إنه معجب ببنت عمها ومشدود ليها جدا وعايز يتقدم لها طبعا بنتي غارت جدا من بنت عمها وكرهتها لدرجة إنها أذتها أذى كبير قوي
أنا
وطبعا الولد لما عرف حاجة زي كده بعدها وقطع علاقته بيها البنت كانت في حالة انهيار تام من كتر الحزن والقهرة ونظرات الناس ليها في الجامعة وفي كل مكان ماتت ولما بعد كده عرفنا إن بنتي هي السبب في اللي حصل وهي اللي وزعت الصور وهي اللي سوت سمعتها عمها لما عرف نزل فيها ضرب وقالها مش هتعيشي معانا في البيت ده وامشي اطلعي برة حرام عليك حرمتيني من بنتي بنتي ماتت من الحزن والقهرة اللي انت عملتيه فيها انت أكيد بنت حرام مش من لحمنا ولا من دمنا وإحنا مش عايزين نعرفك تاني
وأنا الصراحة كنت لا حول ليا ولا قوة كنت هاخد إخواتها الصغيرين وأطلع بيهم فين اضطريت أمشي معاهم في اللي عملوه مع إني كنت زعلانة قوي من اللي بنتي عملته ما كنتش متخيلة أبدا إنها تعمل كده وبعد كده اللي عرفته إنها اتلمت على أصدقاء سوء واللي سمعته إنها ابتدت تشرب وكلام كتير قوي
انا كنت هموت من الحسرة على بنتي وكل ما اكلمها واقولها ارجعي انا مستعدية اسيب البيت يا ستي وامشي بس تبقي في وسطنا تقول لي لأ انا مش عايزة اعيش عيشتكم دي انا ما صدقت ان انا خلصت منكم اصلا انتم عيلة
المهم لحد ما في يوم لقيت صاحبتها بتتصل بيا وبتقولي الحقي يا طنط الحقي بنتك وقعت من طولها ومنعرفش فيها ايه ساعتها اتصلت بعمها وروحنا ونقلناها المستشفى وعرفنا ان هي ادت لوفاتها
كل ده اللي حصل انا حزينة اوي على بنتي وعلى اللي جرالها وان هي ماتت موتة زي دي
طبعا ساعتها انا سمعت كل ده زعلت قوي وقلت لازم احكي عشان تكون عبرة وعظة لان القصة دي فيها تلات دروس لازم نتعلم منهم حاجة عشان منعملهاش في حياتنا ونعمل حساب اليوم اللي احنا هنموت فيه لان الموت ده بييجي في لحظة انت مبتحسش بيه
اول حاجة الخوض في اعراض البنات انك تخوض في عرض اي واحدة حرام ربنا ما بيسيبش حرام انك تخوض في عرض اي واحدة طبعا
هي خاضت في عرض بنت عمها وبالباطل كمان وعشان كده ربنا ما سايبش وماتت الموتة البشعة دي
تاني حاجة الممنوعات دي بداية لكن نهايتها وحشة جدا
تالت حاجة ما ينفعش اي بنت تتصور اي صور خارجة على موبايلها او تحتفظ بصور بلبس البيت لان الدنيا معدش فيها امان ممكن اي حد ياخد الصور دي وينقلها على موبايله وانتي مش حاسة وممكن اي حد يهكر موبايلك برضه وانتي مش حاسة وفي الاخر نقول يا ريت اللي جرى ما كان يا ريت ان احنا ما نتصورش ولا نحتفظ بصور زي دي على موبايلنا
ودول تلات دروس يا ريت ان احنا ناخد بالنا كويس وربنا يا رب يحسن ختامنا ويا ريت كل واحد يعمل حساب ان زي ما في دنيا في اخرة وفي حساب وفي وقفة قدام رب العالمين وربنا يا رب يرحم جميع موتانا
Write to Samah
