رواية ثمن الخيانة (كاملة) بقلم سمر رشاد

هي بمرحها تزيل عنه أي تعب 
_خدي وقتي وعمري كله ياحنون 
كساها الخجل كعادتها ولم تستطع الرد
ضحك من خجلها مرة أخرى وقال 
_ها إيه ياستي عملتي ايه في القضيه 
_بص ياسيدي دي تقارير الطب الشرعي ومع تحريات النيابه وكمان خليت إسلام يسأل في المنطقه بتاعته عنه وكمان راح عند العماره وسأل عنه في حد شافه بواب العماره يعرفه أو شافه قبل كدا 
_هايل ياحنين وبعدين 
_اقرا بقى وشوف التقارير وصلت لايه يحيى دا هيخرج منها براءه بس مش عارفه ليه حاسه ان في حاجه ناقصه في القضية دي
رن هاتفها نظرت إلى الإسم وابتسمت إلى آدم وقالت دا رأفت أنا هقوله يجي على هنا وتيجي معانا البيت تتغدى ونكمل بكرا ها قولت إيه وكمان هشوفه وصل لايه 
_ماشي ياستي رغم إن عارفك لو رفضت هتزعلي وأنا مقدرش على زعلك وكمان أتفق معاه على كتب كتابنا 
ابتسمت حنين بخجل وقالت
_اللي تتفقوا عليه انا موافقه ثم خرجت من المكتب بسرعة من شدة التوتر والخجل
......................................................
يجلس رأفت وبجواره حنين ويجلس أمامهم آدم بعد الإنتهاء من تناول وجبة الغداء بدأت حنين بالكلام 
_بم إننا متجمعين إحنا التلاته فأنا عايزه اسألك شوية أسأله ياحضرة وكيل النيابه
انخرط رأفت وآدم في ضحك شديد لم يستطيعا تمالك نفسيهما وقال رأفت ومازال يضحك
_اتفضلي اسألي ياحضرة المحاميه 
_إيه الجديد في قضية يحيى سليمان المتولي
اعتدل رأفت قليلا في مكانه وقال 
_مستني تقرير الطب الشرعي وكمان لقينا كاميرات المراقبة الموجوده في مدخل العماره بايظه وكمان حارس العماره في أجازه بقاله شهر وماجابوش حد بداله لأن سكانها معظمهم بخله جدا ومافيش حد في العماره دي بيحب التاني ومحدش يعرف عن حد حاجه وبعدين خدي بقى ياست انتي اومال فين إسلام مش دا العصفور بتاعك انتي والاستاذ آدم
_أيوه ماهو أنا عارفه المعلومات دي أنا عايزه الجديد
_ياستي أنا وكيل نيابه وانتي محاميه اديلك اسرار شغلي ليه اجتهدي وشوفي شغلك ياحنين وبعدين انتي جايباني علشان تسأليني في الشغل ماتشوف خطيبتك ياآدم ولا عاجبك كلامها
رد آدم بحماس 
_بمناسبة اللمه الحلوه دي أنا عايزه أتجوز كفايه خطوبه كدا أنا زهقت بص بقى أنا عايز كتب الكتاب والفرح الشهر الجاي 
فتحت حنين عينيها على آخرهم من كثرة الاندهاش وتوقفت الكلمات في حلقها من المفاجأة 
عندما حل عليهم الصمت قال آدم وهو يتأملهم
_مالكم ياجماعه متنحين ليه هو أنا بقولكم معادله وجايبكم تحلوها بقولك عايز كتب الكتاب والفرح الشهر الجاي 
نظر رأفت إلى أخته قائلا 
_ها ايه رأيك ياحنون في الكلام دا 
صمتت حنين قليلا وقالت
_اللي انت تقول عليه يارأفت بس كنت عايزه القضيه اللي في إيدي دي تخلص الاول
_خلاص ياستي نكتب الكتاب الاسبوع دا وبعد القضيه ماتخلص نعمل الفرح ها أنا شايف دلوقتي مالكيش أي حجه 
_خلاص انا موافقه
....................................................... 
طرقات على باب مكتبها سمحت له بالدخول فعندما وجدته يحمل أشياء بيده ابتسمت بشده وقالت في فضول 
_ها يا إسلام عملت ايه 
_كل حاجه تمت بتمام ياأستاذه روحت سألت الناس اللي حوالين العماره بس لقيت ست كبيره في العماره اللي قصاد العماره اللي حصل فيها الجريمه بتقعد في البلكونه ليل نهار ولما لمحتها طلعت خبطت عليها طلع الست دي تعرف بلاوي عن المنطقه كلها تعرفي يا استاذه انا كنت خايف تكون مخاوية وتكون عارفه عني حاجه دي قالتلي تعال اقرالك الفنجان بس انا مارضتش والله انتي قولتيلي كذب المنجمون ولو صدقوا
صح يا أستاذه 
_صح يا إسلام المهم بعد الرغي دا كله فين المفيد 
_لامؤاخذه يا أستاذه كل اللي انتي عايزاه جوا الظرف دا أصل من كتر رغيها قومت مسجل ليها وهي بتتكلم 
_جدع يا إسلام يالا روح اعملي فنجان قهوه واستعد لما اطلبك في أي وقت 
_تحت أمرك ياأستاذه
_فتحت حنين الظرف وجدت به فلاشه وهاتف وبعض الصور
وضعت الفلاشه في الحاسوب الخاص بها جحظت عينيها وذهبت إلى آدم داخل مكتبه ودخلت دون استئذان جفل منها آدم ووقف متعجبا من دخولها فجأة هكذا وقالت بسرعه دون أن تعطيه أي فرصة للكلام 
_معايا أدله فيها براءة يحيى
_طايب اهدي واقعدي وفهميني كدا كل حاجه 
_بص ياسيدي رأفت قالي لما تفحصو الكاميرات كانت متعطله ودي مش أول مره تتعطل وقال إن السكان مابيحبوش يدفعوا حاجه فهي بقالها فتره عطلانه لكن لما بعت إسلام يتحرى كويس جابلي الفلاشه دي وكمان شوف الصور دي والتسجيل دا .
تفحص آدم مافي داخل الظرف كان هناك عدة صور للقتيله بصحبة المدعو منصور وتتردد كثيرا إلى هذه العماره وأيضا الفلاشه تحتوي على صور لعامل توصيل ذهب وعاد إلى العماره عدة مرات وبعدها دخل المتهم الثاني المدعو منصور للعماره بنفس الملابس اللتي يرتديهاالمتهم الاول في الجريمه أما التسجيلات تحتوي على صوت العجوز اللتي تحكي فيه أن اليوم الذي قتلت فيه حلا دخل إلى العماره عدة أشخاص وبم أن شباك غرفتها أمام شباك غرفة العجوز فكانت تلاحظ حركات غريبه وأيضا وجدت شخصا دخل وخرج أكثر من مرة في هذا اليوم 
_حلو قوي ياحنين التفاصيل دي كل دا يظهر في المحكمه وكمان التهديدات الموجوده على الموبايل بين القتيله دليل قوي على قتله ليها
................................................
بعد ظهور الادله الجديده اللتي ظهرت في المحكمه 
وبعد الاطلاع على أوراق القضيه اللتي قدمتها المحاميه والفحص الجنائي اللذي أثبت أن المجني عليها قتلت بواسطة سكين مطبخ وذالك بعد مشادة بينهما وأيضا اتضح