روايه ضائعه في قلب ميت (جميع الفصول مكتملة ) بقلم كانت لي
المحتويات
الظروف الى انت فيها وبرضو بت... ت
سيف مكملا بعاكس
ديما...........
خرج الطبيب من غرفة كارما فذهب سيف اليه
الطبيب الحمد لله هى فاقت تقدروا تشوفوها بس حضرتك والمدام بس ونظر باتجاه ديما
سيف يعنى هى بقيت كويسه
الدكتور اه احسن من الاول بس مش اكتر من اتنين فى الاوضه اه بالمناسبه جبت التقارير
سيف اه مامتها زمانها جايه بيهم
نظر الطبيب الى ديما نظره بمعنى من هذه
لم يرد سيف ولا ديما
الطبيب طيب زى ما اتفقنا مش اكتر من اتنين فى الاوضه وياريت بلاش تجهدوها بالكلام وممكن بليل لو الحاله مستقره تروح على بكره بليل
سيف شكرا يادكتور
ذهب الطبيب بعدما اعطى تعليمات صارمة للمرضى وخرج
سيف هتخشى معايا
ديما لأ شوف طنط رجاء وانا ادخل فى الاخر
سيف زى ماتحبى
دخل اشرف ورجاء وبعدها دخل سيف ومعه ديما
كانت كارما نائمه على السرير ووجهها شاحب وبان على ملامحها الإعياء
كارما بصوت ضعيف دودى انا مبسوطه انك جيتى
سيف كده يا كارما ومش مبسوطه ببابى
كارما لا طبعا مبسوطه يابابى
ديما الف سلامه عليكى يا كوكى
كارما انا خلاص بقيت كويسه عشان بابى وعدنى انه يخرجنى ويفسحني وانتى تيجى معانا
سيف قبل أن ترد ديما طبعا ياحبيبتى بس قومى بس انتى بالسلامه ونعمل كل الى انت عايزاه يلا يا ديما عشان الدكتور من هنا بلاش تعملى مجهود كتير فلازم تنامى ياله
كارما طب عشان خاطرى يا بابى سيب ديما معايا لحد ما اروح فى النوم
سيف لأ مش هينفع عشان الدكتور قال ترتاحى
كارما اوعدك مش هتكلم هى بس تقعد جنبى وانا هنام
نظر سيف الى ديما فأومأت له برأسها فتركهم وخرج
ظلت دائما مع كارما ممسكه بيده وبعدها أمسكت بالمصحف وظلت تقرأ القرآن وتمسح على شعرها
وصلت ريهام الى المشفى فاستقبلها سيف ببرود وأخذ منها الاوراق وأشار لها على غرفة كارما وتركها وذهب الى الطبيب ليريه التقارير
دخلت ريهام الى الغرفه فوجدت ابنتها نائمه على السرير وبجانبها فتاة جميلة تقرأ القرآن
ريهام انت مين
انتفضت ديما من مكانها آنا
كارما مامى
التفتت ريهام الى ابنتها حبيبتى عامله ايه
ذهبت ريهام الى ابنتها وقبلتها والتفتت إلى ديما
ريهام بأستحقار انتى آخر اصدارات سيف
ديما نعم مش فاهمه
ريهام يعنى انتى ونظرت لها من فوق لتحت ... انتى آخر ولا بلاش أدام البنت من فضلك اخرجى عايزه أكون مع بنتى لوحدنا
علمت ديما انها ريهام زوجة سيف كانت ستخرج ولكن كارما كان وكأنها تهتف بعيونها لا تتركينى ولكنها اضطريت ان تخرج لانها لا تحتمل أن تكون مع هذه الانسانة في غرفة واحدة
خرجت ديما من الغرفه فوجدت رجاء فقط واشرف فسلمت عليهم ونزلت الى الخارج
دخل سيف الى الغرفه فوجد ريهام مع ابنته وديما ليست موجوده.
سيف امال فين ديما
ريهام ببرود مشيت
سيف فجأه كده
ريهام اه طمني الدكتور قالك ايه
سيف ملحقتوش كلمته وقالي يشوفهم بكره الصبح
ريهام طب كويس ياله تعالى وصلنى عشان انا عايز انام تعبانه موووت
سيف مش هتباتى مع بنتك وتريحى ماما دى بايته هنا من امبارح
ريهام انا لا يمكن ابات هنا فى المستشفى انا هكون عندها الصبح بدرى وانتى تبقى تروح ترتاح
تعجب سيف من لا مبالاة ريهام وقال فى نفسه ان حسابها زاد ولكنه قرر ان يطمئن اولا على ابنته وبعدها سيكون حسابها عسير
خرجت ريهام من الغرفه وسلمت على أشرف ورجاء ببرود وودعتهم
سيف هروحها الفيلا وبعدين هاجى تانى
رجاء ماشى يابنى
ظلت ديما تحاول مع السياره ولكنها أبت أن تدور وبعدها ابلغها عامل الامن انها تركت انوار السيارة مضاءة مما ادى الى فراغ البطارية
زفرت ديما فى غضب ولملمت أشيائها ونزلت من السياره وقررت ان تطلب احدى سيارات الاجرة
رأى سيف ديما وهى خارجه من سيارتها فأسرع إليها
سيف ديما فى مشكله
ديما اه البطارية فضيت نسيت نور الكشاف والع
سيف طب تعالى اوصلك
ديما لأ انا هاخد تاكسى
سيف ديما الحته هنا شبه مقطوعه هتقفى ساعه عقبال ما حد يرضى يوصلك
علمت ديما ان سيف محقا فوافقت
ديما اوك معلش هتعبك
سيف لأ ده انجاز يعنى سيف واوكيه فى يوم واحد والله هعيط منك
نظرت له ديما شزرا ولم ترد
سيف خلاص انتى هتاكلى تعالى
فوجئت ديما بوجود ريهام معه في السيارة
ركبت ريهام فى المقعد الامامى وديما فى المقعد الخلفى
ريهام احنا شاكرين تعبك يامدام ديما معانا مش مدام برضو ولا انا غلطانه
ديما لأ مش غلطانه
ريهام اه واشكري لنا جوزك انه يسمحلك انك تزوري بنت مديرك خصوصا ان انهارده اجازه ولا انتى مش قايله له انك نازله
ديما ..........
ريهام وهو وافق انك تيجى عند كارما ولا قلتى له انك رايحه عند واحده صحبتك
لم ترد ديما على كلام ريهام لانها تعلم انها تستفزها وايضا لانها ذكرتها بأدهم وحياتها معه
سيف ريهام مدام ديما جوزها متوفى
ريهام اه عشان كده
سيف عشان كده ايه
ريهام طريقه قديمه وبايخه
ديما ممكن أفهم تقصدى حضرتك ايه
ريهام يعنى عشان تلفتين نظر سيف ليكى ف تبينى انك مهتمه بنته عشان يحس قد ايه انتى حنينه
ديما وقد استشاطت غضبا نعم مين ده الى الفت نظره
ريهام امال عايزه تفهمينى ان اهتمامك بكارما لوجه الله
سيف بغضب اخرسى يا ريهام
ديما لا وتخرس ليه يابشمهندس خليها تكمل بس احب ابلغ حضرتك ياهانم انى واحده مفيش لا فى دماغها ولا فى عقلها غير جوزها وبس ولو هفكر فى راجل هيكون جوز حضرتك آ خر راجل ممكن افكر فيه
كانت ريهام ستهم بالرد عليها ولكن سيف اوقف السياره
سيف وصلنا ريهام هوصل دايما وهطلع على المستشفى
ريهام بسخريه اشوفك بكره ياسيف بس اوعى تروح عليك نومه
فهمت ديما ماذا قصدت ريهام ولكنها أبت أن ترد
تحركت ديما من المقعد الخلفى الى المقعد الامامى دون اى كلمه
بعدما سار سيف قليلا بالسيارة
سيف ديما ريهام دى
ديما مقاطعه لو سمحت يا بشمهندس مش عايزه اسمع كلمه انا الصراحه اكتفيت اوى وسمعت كتير اوى منك ومن الملزقه بتاعتك الى كانت فى المكتب وأخرهم تختم بالمدام فأظن كده كفايه اوى مش عايز اسمع اى كلمه تانى
سيف صدقينى ديما انا اعرف شغلي معاها لما اشوفها بكره
ديما والله اى حاجه هتعملها مش هتفرق معايا خالص صدقنى يا بشمهندس مفيش اى حاجه تقدر تمحي الاهانة الى اتوجهت لى
سيف انا اسف ديما صدقينى بجد اسف
ديما وانا كمان اسفه حسابك تقل اوى يابشمهندس معدش ينفع اسف يمحيه
نظر سيف الى ديما ولم ينطق ببنت شفة الى ان اوصلها الى منزلها وانطلق في طريقه ..............
صعدت ديما الى شقتها ودخلت الى غرفتها والقت بجسدها على السرير كانت تحاول ان تمنع دموعها التى ظلت حبيسه لأيام ولكنها أبت ان تطاوعها فتساقطت دموعها على وجنتيها ظلت تبكى لساعات وساعات وكأن كل أحزانها أجتمعوا سويا الان يطالبون بحقهم من الدموع تذكرت والدتها وتذكرت أدهم وكيف دائما كان يطمئنها دائما ويخبرها انه معها بالفعل عندما كان بجانبها كانت لاتخشى شئ او أحد فهو كان دائما يحميها من اى أحد حتى والدته التى كانت لاتحبها وذلك لغيرتها الدائمه من والدتها التى كانت مفضله عنها فى كل شئ فى التعليم وفى حب من حولها حتى فى حب الرجال فقد كانت خالتها تحب مصطفى والدها وكانت تتمنى ان يتزوجها وعندما تقدم لخطبة ماجده والدتها كان ذلك بمثابة النهايه لعلاقتهما بعدها تزوجت خالتها وسافرت الى القاهره ولم تراها الا فى يوم وفاة والدتها وبعدها عندما جاءت الى مصر وهنا قابلت أدهم وتقرب منها وحاولت خالتها ان تتقرب مره اخرى الى والدها ولكنه رفض لانه مازال يعيش على ذكرى والدتها زاد ذلك من غضب خالتها عليها لذلك حاولت بشتى الطرق أبعاد ديما عن أدهم ولكنها لم تفلح أبدا لشدة تمسك أدهم بديما كم كبر فى نظرها عندما تحدى والدته واخته من اجلها واعلن للعالم انها حب حياته وانه مستحيل ان يتخلى عنها ولكن فى النهايه تدخل القدر ليفرقهما أسوء تفرقه ليرحل عنها حتى قبل ان تكون زوجته فعليا نعم فهم تزوجوا ولكن موعد الزفاف كان فى أيام عذرها الشرعى لذلك لم يتم الزواج وبعد ثلاث ايام من الزفاف وقبل انتهاء موعد عذرها لقى حتفه لم يعلم أحد انها مازالت بكر سوا صديقتها المقربه مى التى كانت معها فى المنصوره فهى الصديقه الوحييده لها .
٠٠٠٠٠٠٠٠٠٠٠٠٠٠٠٠٠٠٠٠٠٠٠٠
انطلق سيف بسيارته مسرعا ولكنه لم يعود الى المشفى مثلما كان مقرر بل قرر ان يذهب الى زوجته هو كان ينوي أن يؤجل حسابه معها ولكن ما فعلته مع ديما عجل بذلك الحساب
دخل سيف الى الفيلا وصعد اللى الغرفه التي يمكث فيها وفتح الباب دون أن يطرقه
ريهام بفزع ايه ده يابنى أدم حد يخش على الناس كده فزعتنى
سيف مش لما يكون الى فى الاوضه ناس مش حيوانات
ريهام مين دول الى حيوانات ياسيف
سيف حيوانات ياريهام عارفاهم الكائنات دى اللى لا بتفهم ولا بتحس زيك كده بالظبط
ريهام انا حيوانه ياسيف
سيف لأ مش حيوانه يمكن الحيوان بيحس عنك ياشيخه بيحب ولاده ويدافع عنهم عنك ياشيخ لكن انتى مش عارف اصنفك
الصراحه تكونى تحت اى صنف لا منك بنى ادمه ولا منك حيوانه انتي أقل من الحيوانه
ريهام سيف كلمه كمان ورحمة بابى لاندمك على اليوم اللى اتولدت فيه وانت عارف انى ممكن اقدر أذى يك بتليفون صغير وأدرك
سيف هو انتى لسه هتدينى مانتى دمرتينى وخلاص وانتى فكرك رقدة بنتى اللى فى المستشفى دى مش تدمير ولا حياتى الى مش عارف أعيشها بسببك ولا الحرام الى خلتنى الجأ له عشان مش لاقى مراتى جمبى كل ده وما دمرت ليش لأ ياريهام انتى دمرتينى ودمرتني جامد اوى
ريهام خلاص خلصت ولا لسه دور المظلوم ده عايز تعيشه شويه فوق ياسيف انا اكتر واحده فى الدنيا دى فاهماك وعارفاك فبلاش تمثيل
سيف انا بمثل ياريهام
ريهام اه بتمثل بس ممثل فاشل تقدر تقولى الثوره دى عشان ايه واوعى تقولى بنتى انت متحركتش غير لما قلت كلمتين سنكوحه بتاعتك شكلها كده مش مضايقك ريق حلو عشان كده محموق عشانها لكن اول ماتطولها هتبقى عندك زيها زى غيرها ماتفرقش عنهم سيف ياحبيبى حياتك الى مكنتش عجباك ديه انت كنت مقضيها بالطول والعرض ومافكرتش فى يوم تطلقني عارف ليه
سيف ليه يا ريهام نورينى
ريهام عشان كنت بتستفاد منى عشان كنت مستفيد من اسم عيلتي وعلاقات باباه عشان كده كنت عايش ساكت وراضي
سيف لأ ياريهام غلطانه انا كنت ساكت عشان كنت بحبك كنت مستنى فى يوم من الايام تفوقى لنفسك ونرجع زى زمان بس للاسف كنت غلطان كنت بوهم نفسى لحد ماسمعتك بودنى عرفت ساعتها ان مفيش امل
ضحكت ريهام بسخريه بتحبنى
بتحبنى ازاى ياسيف وانت كل يوم مع واحده شكل
سيف امال كنت عايزانى اعمل ايه انا راجل يا هانم ليه احتياجاتك ومراتى حرمانى اعمل ايه
ريهام ها طب ما كنت اتجوزت بدل ما يلجأ للحرام ده حتى يا اخى كان انضف
سيف صدقينى مش هتفهم انا عمرى ماحبيت ولا واحده من الى كنت بكون معاهم انا حبيتك انتى كنتى مستنيكى انتى عشان ترجعى ساعتها عمرى ما كنت هبص ظفر ست بس للاسف كنت حمار
ريهام الكلام ده ممنوش فايده دلوقتى
سيف صح ملوش فايده الكلام الوقت اتأخر ومعدش ينفع حاجة تتصلح ولا انا بقيت بحبك او بمعنى اصح اكتشفت ان ده مكنش حب هسميه تعلق اعمى باول ست احس ناحيتها بحاجه ..... ريهام احنا لازم تنطلق
ريهام لأ ياسيف قولت لأ
سيف ليه يابنت الحلال لا انتى بتطيقينى ولا بقيت طايقك يبقى عذاب وخلاص
ريهام انا قلت اللى عندى واظن انك وعدتني يوم ماسافرت
سيف حقيقى مابقتش فاهمك بس لازم تفهمى انى هتجوز
ريهام لو اتجوزت ياسيف انا هاخد كارما
سيف ايه طب ليه
ريهام هو كده وانا قلت اللي عندي اتفضل اخرج عشان تعبانه وعايزه انام
سيف الصراحه يا ريهام انا مش عارف انا كنت ازاى غبي وأعمى كده عن حقيقتك طول السنين دى
خرج سيف من غرفة ريهام وهو فى قمة غضبه وانطلق ذاهبا الى ابنته فى المشفى لانها الشئ الوحيد المفيد والجميل في علاقته مع ريهام وعاهد نفسه انه سيحميها و لن يترك احد يؤذيها
................................
نامت ديما ولم تشعر بنفسها من كثرة البكاء استيقظت على رنين هاتفها ووجدت ان صديقتها مي هي المتصلة
ديما الو
مى السلام عليكم ازيك يا ديما
ديما وعليكم السلام ازيك مى وحشتينى اوى
مى مالك يا ديما صوتك مش عاجبنى خالص فى ايه
ديما مفيش ياحبيبتى بس مخنوقه شويه
مى طب والى يقولك على خبر ممكن يفرحك
ديما ياريت يقولى
مى انا هنا فى مصر
ديما بجد مش ممكن
مى اه والله انا هنا بابا تعبان شويه وجاى يعمل تحاليل واشعه هنا
ديما سلامته انكل حسن طمنينى عليه
مى مفيش العادى انتى عارفه المشاكل بتاعت الكلى
ديما طب ايه مش هشوفك
مى عيب عليكى انا جايلك طبعا الحاج قالى اروح ابات معاكى عشان هو هيبات انهارده فى المستشفى
ديما بجد انا فرحانه اوى انتى ماتعرفيش انا محتاجلك ازاى
مي ديما متقلقنيش عليكى
ديما اطمنى يا حبيبتى وبعدين مش انتى جايه هستناكى و نرغى للصبح
مى ماشى ياحبيبتى فى رعاية الله
اغلقت ديما الهاتف مع صديقتها وكانت سعيدة جدا لانها اخيرا ستجد صديقتها التى تعلم عنها كل اسرارها
جاءت مى الى صديقتها
مى فتاة ذات ملامح جميلة بيضاء بعيون عسليه ومحجبه دائما ترتدى ملابس محتشمة
مى وحشتينى اوى اوى يا ديما
دايما وانتى كمان وحشتينى اوى ياامى تعالى نقعد فى اوضتى عقبال ما جميله تحضر الغدا
مى ماشى يالا تعالى
مى مالك ياستى قولى لى وما تقوليش مفيش حاجه عشان انا عارفه انه فيه
تنهدت ديما انا بقيت لوحدى يامى
مى اخص عليكى مش انا اختك روحت فين انا
ديما ربنا يعلم انتى اكتر من اختى بس انا عايزه حد يكون قريب منى اشكيله واحكيله يدبرني لما اكون محتاره
مى ياسلام هو فيه أقرب منه
ديما مين
مى ربنا ربنا يا ديما .... هو الى قال نحن أقرب اليه من حبل الوريد يعنى اقرب حد ليكى لو كل الناس اتخلت عنك هو مستحيل يتخلى عنك ممكن البنى آدم اللى مستشاريه يضللك لكن جربى كده تصلى استخاره وترمى حمولك عليا وانتى هتشوفى هيوديكي للطريق الصح
ديما ونعم بالله
مى بس قولى الاول انت لسه محافظه ع الصلاه ولا قطعتى
ديما لا والله بصلى وبقرأ ورد قرآن كمان
مى خلاص يبقى متخافيش من اى حاجه اوعى تانى تقولى انك لوحدك انتى معاكى إلى أعظم من البشر
ديما ابتسمت
مى ممكن اعرف سبب الابتسامه دى ايه
ديما اصلك الوحيده الى مش بتعقدنى وتقولى ماينفعش انى اصلى وانا مش ملتزمة ومش لابسه حجاب ويعنى لبسى فيه تجاوز
مى طبعا ده اللى مفروض يتعمل انك تلتزم تلبسى الحجاب وتغيير اسلوب لبسك بس لو انتى معملتيش كده مش معناه انى اقفلها فى وشك واقولك ماينفعش تصلى وانتى مش ملتزمه ساعتها الشيطان يلعب فى دماغك ويقولك بدل ما تغيري لبسك كله و تخنقي نفسك بالحجاب بطلى تصلى مدام كده كده صلاتك مش مقبوله
ديما انا بحاول التزم بس ........
مي انا واثقه ان قريب جدا الصلاه بتاعتك هتخليكى تلتزم تتحجبي بس ياريت تعجلى لان العمر مش مضمون واحنا فى اختبار لو سقطنا مفيهوش ملحق
ديما ادعيلى يامى
مى بدعيلك ياحبيبتى هممم ياله قولى ايه الى مضايقك تانى لسه فيه حاجه مخبياها
ديما ضحكت امال انا بموت فيكى ليه عشان الوحيده الى فهمانى
مى ممممم طب ياله قرى واعترفى
ديما هحكيلك كل حاجه
قصت ديما على مى كل شئ عن علاقتها بسيف وعن ابنته وزوجته وحتى عن طلبه الغريب منها بالزواج
مى ديما اسألك سؤال
ديما اسألى
مى انت حبتى سيف
دسما لأ طبعا انتى اتجننتى انا عمرى ماهحب غير ادهم وبس وبعدين انا حكيتلك عن حياته وانه متجوز وعنده بنت ده غير علاقته بالى اسمها ماهى دى
مى والله انا مسألتكيش انتى ليه مابتحبهوش انا بسأل سؤال تجاوبى بأه او لأ
ديما مش فاهمه
مى يعنى انتى حبتيه او بمعنى اصح بدأتى تميلى ليه بس بتحاولى تعددى
الاسباب لنفسك عشان ماتحبيهوش
ديما لأ طبعا مى انا مش هحب ولا فى قلبى غير ادهم
مى ادهم مات ياديما
ديما مات بالنسبالكم بس بالنسبالى ادهم جوا فى قلبى وعمر ماحد هياخد مكانه
مى ديما حبيبتى انتى لازم تعيشى حياتك ماينفعش توقفيها عشان ادهم مات
ديما ياسلام ماتقولى لنفسك الكلام ده مانتى من يوم ماسبتى خطيبك وانتى ما ارتبطيش بحد
مى عشان مش لاقيه حد مناسب مش عشان انا اتعقدت انا مش عايزه اتسرع واتخطب تانى ويحصل زى المره الى فاتت
ديما مهو انتى مواصفاتك صعبه اوى الصراحه
مى مين قالك كده عشان عايزه واحد ملتزم
ديما اه
مى انا مش عايز واحد ملتزم انا عايزه واحد معتدل وياسلام لو ربنا يهديه ويكون على ايدى واخد انا الثواب
ديما يعنى انتى مستعده تتجوزى واحد تكون حياته هلس ومليانه اخطاء
مى ومين فينا معصوم م الخطأ انتى عارفه ابله هناء اختى لما جت تتجوز حسين جوزها كان فلاتى وبتاع ستات وكل يوم مع واحده وفجأه خطب ابله هناء بقيت تصحيه ع الفجر وتعلمه قراية القرآن ويحفظ ويقول ازكار وتعالى شوفيه دلوقتى لما واحده تيجى تسلم عليه ويقولها اسف مابسلمش بعد مكان مش سايب بنت فى حالها سبحان الهادى ...... المهم سيبك منى خلينا فيكى
ديما انا ..... مش عارفه
مىخلاص سبيها على الى خلقك
ديما يارب
مى كان فيه كلام على اكل ولا ايه
ديما هههه .... تعالى يامفجوعه نشوف جميله عملت لنا ايه
ظلت ديما ومى يتحدثوا سويا طوال الليل وصلوا الفجر وبعدها ناموا قليلا واستيقظوا ذهبت ديما الى عملها ومى الى المشفى وبعدها ستعود الى منزلها
...............................
مر اليوم فى العمل عادى وذلك لتغيب سيف عن العمل حضر فقط اشرف واطمئنت منه على حال كارما واعلمته ان السمسار تحدث معها وسأتى ليشاهد الشقه اليوم
فى المشفى
سيف يعنى يادكتورتقدر تروح
الطبب اه بس ياريت بلاش مجهود وتراعوا حالتها النفسيه
سيف طب والتدخل الجراحى
الطبيب ما اكدبش على حضرتك هو ضرورى بس البنت ضعيفه جدا ومش هتستحمل عمليه دلوقتى فأنا افضل نأجلها شويه لحد ما تكون اقوى بس كله يعتمد برضو على حالتها النفسيه
سيف انا متشكر اوى يادكتور واوعدك انى هاخد بالى منها وهتابع مع حضرتك اول بأول
الطبيب وانا تحت امرك يابشمهندس
خرج سيف من حجرة الطبيب وذهب حيث والدته وريهام
رجاء طمنى يابنى
سيف الحمد لله هى بقيت احسن ونقدر ناخدها دلوقتى ونمشى بس لازم ناخد بالنا من صحتها وحالتها النفسيه
رجاء طب الحمد لله
ريهام اوك الحمد لله انى اطمنت عليها انا هسافر انا طيارتى كمان ساعتين
رجاء يهوووه يابنتى انتى هتمشى طب اقعدى مع بنتك يومين
ريهام مش هينفع يا أنطى انا عندى شغل كتير اوى متعطل هبقى اكلمك فى الفون ياسيف وتطمنى
سيف ماشى ياريهام روحى ماتعطليش نفسك
ذهبت ريهام من المستشفى
رجاء واللله يابنى انا ماشفت كده فى حياتى
سيف سيبك منها دلوقتى خلينا نركز مع كارما هى الاهم
رجاء على قولك يابنى ياله ناخدها من هنا ونمشى
اصطحب سيف ابنته ووالدته ورجعوا الى منزلهم ليقضى اليوم مع ابنته
........................
جاء السمسار مع الشارى الى شقة ديما واعجب بها واتفقوا على السعر ووعدتهم انها سترد عليهم بعد ان تعلم اخيها
اتصلت ديما بأخيها واعلمته بالسعر ووافق عليه واتفق معها ان يأتى اخر الاسبوع لوقع العقد
تغيب سيف طوال الاسبوع عن العمل وذلك ليتفرغ لابنته فكان يطعمها بيده ويخرجوا سويا ولكنها كانت دائمة السؤال عن ديما
مر الاسبوع طويلا على ديما اعترفت فى نفسها انها افتقدت سيف والمناوشات بينهم ولكن سرعان مانفضت هذه الفكره عن رأسها
.....................
وصل اخيها الى مصر ووقع العقد ووعده الشارى بوضع باقى المبلغ عند التسجيل فقام ياسر بعمل توكيل لديما لأ كمال الاجراءات اكملت ديما مع الشارى الاجراءات وحولت باقى المبلغ الى ياسر فى حسابها
ترك لها الشارى مهله اسبوع لتنهى حزم امتعتها ومتعلقتها وبالفعل قامت بحزم اغراضها وكانت كل يوم ترسل جميله لتضعهم لها فى امكانهم فهى حتى الان لم تقوى على دخول شقتها
علمت شيرين صديقتها بأمر انتقالها وحزنت كثيرا ولكنها وعدتها بالزياره دائما وذلك لان البيت لايبعد سوا بمسافة منزلين فقط من منزلهم
................
رجع سيف الى العمل فى اليوم الذى كان مقرر لديما ان تنتقل فيه الى المنزل الجديد
دخل سيف الشركه وكانت ديما تعمل على مكتبها
سيف احم صباح الخير ديما
رفعت ديما رأسها وشعرت انها لاتقوى على الرد هل من الممكن ان ماتشعر به الان هو أشتياق نهرت نفسها لهذه الفكره
ديما بجمود صباح النور يابشمهندس
اقترب سيف من مكتبها
سيف رجعنا تانى لبشمهندس ديما انتى لسه زعلانه منى
ديما انت ماعملتش حاجه تزعل يابشمهندس عشان ازعل منك
سيف وقف امام مكتبها ووضع يديه على يديها التى كانت تكتب بها على الكمبيوتر
سيف بجد ياديما انا آسف على كلام ريهام وكمان كلام ماهى
نفضت ديما يديها ووقفت
ديما خلاص يابشمهندس من فضلك ماتفتحش الموضوع ده تانى انا مصدقت نسيت
سيف انتى بتكدبى ياديما لو كنتى نسيتى مكنتيش عملتينى كدهبس عل العموم انا هسيبك براحتك ومش هطغط عليكى
ديما ياريت
دخل سيف الى والده وجلس معه قليلا وعلم منه ان شقة ديما بيعت وانها اليوم ستنتقل الى شقة زواجه القديم
خرج سيف من مكتب ابيه
سيف ديما
دييما نعم
سيف ممكن اطلب منك طلب بس وحياة كارما ماترفضيش
ديما ممممم طالما حلفتنى بكارما هحاول مقولش لأ لو كان فى ايدى
سيف ممكن
انهارده اوصلك لما تتنقلى من شقتك للبيت الجديد
ديما ليه
سيف من غير ليه ارجوكى ماتقوليش لأ
ديما نظرة له نظره طويله ......... موافقه
سيف بفرح بجد انا مش مصدق
ديما ده بس عشان حلفتنى بكارما
سيف المهم انك وافقتى هعدى عليكى على ٨بليل حلو كده
ديما تمام حلو اوى
سيف بأمتنان شكرا ديما
احتارت ديما لما يشكرها فهى من يجب ان تشكره فاللله وحده يعلم انها كانت تحمل هم دخولها الى الشقه لاول مره بمفردها خصوصا بعدما أبلغتها جميله انها ستترك العمل وستعود الى بلدتها
رجعت ديما من العمل وجمعت باقى اشيائها وجلست تنتظر سيف
دق جرس الباب فى تمام الساعه الثامنه وكان هو
ديما ادخل
سيف لو جاهزه ياله
ديما انا جاهزه
سيف معاكى حاجه غير الشنطه دى
ديما لأ جميله وديت كل حاجه على هناك
سيف انتى مارحتيش خالص
ديما آنا لا .... انا كنت مشغوله
سيف تمام ... ياله بينا
ديما هقول لشيرين جارتى انى ماشيه
رنت
ديما الجرس
شيرين كنت هزعل لو مشيتى من غير ماتقولى لى
ديما وانا اقدر فين مروان واحمد
شيرين طب خشى
نظرت ديما الى سيف
ديما مش هينفع
سيف انا ممكن استناكى فى العربيه وخليكى براحتك
شيرين هو انت مين
ديما ده بشمهندس سيف الى حكيتلك عنه ابن صاحب بابا
شييرين اه افتكرته اهلا وسهلا طب اتفضل يابشمهندس
سيف معلش انا هسبكم براحتكم هستنى تحت
ديما لأ ياله انا نازله
شيرين مروان يامروان تعالى سلم على ديما
احتضن مروان الصغير ديما
مروان هتوحشينى اوعى ماتجيش زى ماوعدتينى
ديما ازاى ماتخفش بس اسمع كلام مامى عشان ما ازعلش منك
مروان حاضر
ديما لما يجى احمد سلمى لى عليه
شيرين كان نفسى يكون موجود ويتعرف على البشمهندس
دسيما ماتخفيش هما اتعرفوا احمد شاف البشمهندس يوم ماكنت جايه من عندهم
ربط سيف بين الاسم والشخص الذى قابله وعلم ان احمد ماهو الازوج شيرين جارة ديما التى تقطن معها فى نفس الدور
ديما سرحت فى ايه
سيف ها اصلك عندك طريقه غريبه مع الاطفال بتخليهم يحبوكى
ديما عشان انا بحبهم لانهم عالم بيور مافيهوش كدب ولا خداع
سيف عندك حق
وصل سيف وديما الى شقتها لم تعترض ديما على عرض سيف بالصعود معها كانت صامته وتشعر انها فى حلم لا انها فى كابوس ..... هذا هو مدخل العماره .... وهذه هى الدرجات ..... وهاهو باب شقتها..... جميعهم يشهدوا على اجمل ليالى عمرها
سيف ديما ... ايه مش هطلعى المفتاح
ديما آيه ... ها اه اهو
أعطت ديما المفتاح لسيف وفتح باب الشقه ووضع الشنطه وافسح لها الطريق لتمر
سيف ديما مش هتخشى
دخلت ديما كالمنومه
اغلق سيف الباب كانت ديما تنظر الى كل جزء بالشقه وهى مكانها لم تتحرك منه ......
التفتت ديما الى سيف بعيون ممتلئه بالدموع وبصوت مخنوق سيف انا مش هقدر أقعد هنا
ووقعت فى الارض مغشى عليها...
الفصل الخامس عشر
تلفتت ديما من حولها والتفتت الى سيف
ديما سيف انا مش هقدر أقعد هنا
وسقطت على الارض مغشيا عليها
امسك سيف بجسد ديما قبل ان يهوى على الارض وحملها ووضعها على اقرب أريكه
سيف بقلق ديماردى عليه .. ديما ماتقلقنيش
دخل سيف الى غرفة النوم وبحث على اول زجاجة عطر ورجع الى ديما وظل يشممهها لها حتى افاقت
ديما أدهم .... أدهم كان هنا فى كل حته هنا ........... سيف انا عايزه امشى واعتدل واقفه مشينى من هنا
سيف طب اقعدى بس ياديما خدى نفسك هترتاحى ونمشى
ديما لأ دلوقتى مش هستنى دقيقه واحده هنا
سيف طب بس اهدى هنمشى
اخذ سيف ديما وشنطتها وخرج من الشقه وأعطاها المفتاح
ديما لأ مش عايزاه انا مش هاجى هنا تانى
سيف طب خلاص انا هخليه معايه
ركب سيف وديما السياره وانطلق بها كانت ديما طوال الطريق صامته ولا تتحدث مع سيف
ظلت ديما تتذكر حياتها مع أدهم
فلاااااش بااااااك.
ادهم ديمومتى حبيبتى عاييزك بكره بعد الجامعه تيجى معايه تشوفى الشقه وتقولى لى ايه رأيك
ديما انا زعلانه يا ادهم ازاى تفرش الشقه من غير ماتقولى يعنى فيه عروسه ماتختارش عفشها بنفسها
ادهم حبيبتى انتى مشغوله بأمتحاناتك واحنا خلاص حددنا ميعاد الفرح بعد اسبوع من لما تخلصى امتحاناتك معنى كده انك مش هتكونى فاضيه تفرشى معايه عشان كده انا قلت ان اسلم حل انى افرشها انا عشان نكسب وقتوبعدين انتى مش واثقه فى ذوقى ولا ايه
ديما طبعا واثقه فيه بس كان نفسى نفرش كل ركن فى بيتنا سوا
ادهم بصى ياحبيبتى الى مايعجبكيش فى الشقه نغيره فورا من غير نقاش ها ايه رأيك
ديما انا واثقه كل حاجه هتعجبنى بس نفسى اعرف انت ليه مستعجل كده اننا نتجوز بسرعه كنا استننا شويه عشان اخد نفسى من الامتحانات
ادهم لأ ياديما عشان خاطرى انا مش هقدر اصبر اكتر من كده دانا ممكن اتجنن
ابتسمت ديما ابتسامه خجوله
ادهم اهو الابتسامه دى هى الى مخلينى مستعجل عايز انام واصحى عليها
ديما يعنى بجد يا ادهم عمرك ماهتسبنى ولا هتزهق منى
ادهم لو روحى فارقت جسمى انت هتفرقينى
بكت ديما كثيرا عندما تذكرت هذه الجمله فبالفعل الموت هو من فرقهما وابعدهم عن بعض
كان سيف قلق جدا على ديما كانت صامته ولكنها كانت تبكى لم يتحمل اكثر فأوقف السياره
سيف ديما من فضلك كلمينى .... انا مش قادر اركز فى السواقه وانتى بتعيطى كده
ديما انا كويسه ياسيف بس من فضلك وصلنى لاى اوتيل وانا هبقى كويسه
سيف تبقى مجنونه لو افتكرتى للحظه انى ممكن اسيبك وانتى بالحاله دى انتى هتيجى معايه على الفيلا
ديما من فضلك ياسيف انا عايزه اروح اوتيل
سيف أنسى انتى شاكلك هتقعى من طولكتفتكرى ممكن اسيبك وأخليكى تروحى فى حته لوحدك
ديما سيف انا مش قادره اتكلم فمن فضلك ودينى اوتيل
سيف مدام مش قادره تجادلى يبقى تسبيلى نفسك خالص وبعدين انتى مش ملاحظه انك أخدتى علييه اوى وعماله تنادى سيف سيف من غير القاب
ديما بأرتباك انا ماخدتش بالى
سيف خلاص عقابا ليكى هتيجى معايه البيت وماتقوليش ولا كلمه
ديما ..........
سيف هعتبر السكووت علامة الرضا ان شاء الله ياله بينا
انطلق سيف بالسياره الى المنزل
كانت ديما متعبه ومنهكه فلم تقوى على مجادلته فاستسلمت للامر الواقع
وصلت ديما وسيف الى منزل سيف كان التعب وصل أقصى حدوده مع ديما وشعرت انها مستنفذة القوى سارت مع سيف مستسلمه الى داخل الفيلا وهو يجر ورائه شنطتها
وصلوا الى داخل الفيلا فوجدوا رجاء وأشرف وكارما فى الصاله يشاهدون التلفزييون اول ما رأت كارما ديما هبت واقفه وجرت عليها والقت نفسها فى حضنها
كارما وحشتينى اوى يادودى انا مبسوطه اوى انك جيتى
ديما وانتى كمان وحشتيينى ياكوكى عامله ايه دلوقتى
كارما انا بقيت كويسه بعد ماشوفتك
نظرت رجاء واشرف الى ديما بقلق وهى تتحدث مع كارما
أومئ سيف الى والديه برأسه بحركه بمعنى ان لا يسألها أحد عما بها ولكن رجاء بقلبها الامومى لم تحتمل لذلك سألتها
رجاء ديما حبيبتى فيكى ايه
نظرت ديما الى رجاء والقت بنفسها فى احضانها وظلت تبكى وتنتحب اصطحبت رجاء ديما الى غرفتها
كارما بغضب سيف ... انت ليه زعلت دودى
سيف بتلقائيه لا والله ما انا الي............... سيف مين سيف ده انتى بتقولى لى سيف ياكارما
كارما ايوه عشان زعلت كارما
سيف والله مانا ياروحى
كارما امال مين الى زعلها وخلاها تعيط
سيف هى ياحبيبتى زعلانه عشان..... عشان باباها مات
كارما ياسلام مهو مات من زمان
سيف لأ ياحبيبتى مهى زعلانه عشان افتكرته
وهنا تدخل اشرف
اشرف ايه الى حصل ياسيف
سيف هقولك بعدين يابابا بس والله مش انا السبب
اشرف ماشى يابنى
سيف لكارما ايه رأيك ياكوكى نطلع ننام دلوقتى وبكره تقعدى مع ديما زى مانت عايزه
كارما لأ يابابى انا هستنى دودى
سيف لا ياحبيبتى هى هتنام عشان تعبانه وبكره هنقعد معها اقولك على حاجه انا هنام معاكى
كارما ياهوووو ياله يابابى
سيف ياله ياحبيبتى
صعد سيف وكارما الى غرفة سيف ونام بجانبها حتى نامت وبعدها ذهب الى غرفة ديما وطرق الباب بهدوء
فتحت رجاء الغرفه وهى تشاور لسيف ان يصمت
سيف بصوت هامس نامت
رجاء اه نامت ياعينى بعد ما أنفطرت م العياط
سيف قالتلك ايه الى حصل
رجاء هى ماقلتش ... بس انا فهمت من كلامها
سيف انا قلقان عليها اوى
رجاء ماتخفش يابنى ساعات العياط بيريح روح يابنى ياله نام
سيف ماشى ياماما اه صحيح انتى نيمتيها على الملايه كده من غير ماتقلبيها
رجاء اقلبها اقلبها ليه
سيف ماما ديما جسمها حساس اقل حاجه بتعلم فيه وعشان كده لما جت نامت المره الى فاتت كانت بتقلب الملايه على ضهرها
رجاء اه يابنى بس انا معرفش وهى نامت خلاص واستحاله اقلقها تانى
سيف خلاص بئه ياماما بلاش نقلقها
رجاء ايوه يابنى تصبح على خير
سيف على فكره ياماما كارما نايمه عندى عشان ماتقلقيش عليها لو ملقتيهاش فى اوضتها
رجاء ماشى ياحبيبى
ذهب سيف الى غرفته ونام بجانب ابنته
......................
استيقظت كارما وأيقظت والدها
كارما بابى قوم ياباى عشان نروح لديما
سيف همممم سبينى انام خمس دقايق بس ياكوكى
كارما خلاص ابابى خليك نايم وانا هروحلها لوحدى
انتفض سيف م ع السرير لأ تعالى هنروح سوا
ذهب سيف وكارما الى غرفة ديما وطرقوا الباب
استيقظت ديما وشعرت انها بمكان غريب تذكرت انها فى منزل سيف
ديما أدخل
دخلت كارما اولا
كارما صباح الخير يا دودى
ديما صباح النور ياكوكى
دخل سيف الى الغرفه ونظر الى ديما كان شعر ديما مشعث من اثر النوم ولكنه مشعث بطريقه أضافة لها سحر فكان مثل هاله تحيط بوجهها الجميل وعيونها كانت صافيه وخدودها كانت حمراء ببساطه كانت جميله جدا جمال الجم لسان سيف عن نطق اى شئ
سيف احم صباح الخير
ديما صباح النور
احمرت ديما أكثر من نظرات سيف المتفحصه لديما فأطرقت رأسها الى اسفل
سيف كارما روحى قولى لنانا رجاء ان ديما صحيت وهتفطر معانه
كارما اوك يابى هستناكى تحت يادودى
ديما ماشى ياحبيبتى هغير هدومى وانزل
خرجت كارما من الغرفه جلس سيف على طرف السرير
سيف نمتى كويس
ديما اه ماحستش بنفسى
نظر سيف الى ذراعى ديما وبان عليهم أثر التطريز من الملايه امسك سيف بذراعى ديما ومرر يديه على طول ذراعها
انتاب جسد ديما قشعريره من أثر لمسة يد سيف لذراعيها فسحبتهم
سيف الملايه علمت فى دراعك
ديما اه ... مهو انا نمت علطول وماقلبتش الملايه
سيف هتفضل معلمه كتير
ديما من تلت لاربع ايام
سيف بس تعرفى شكلها حلو عامله زى التاتوووه
ديما اه هضطر افضل لبسه بكم لغاية لما تروح
سيف هو انتى علطول كده وانتى صاحيه م النوم
ديما كده الى هو ازاى
سيف زى القمر
احرجت ديما واحمرت خدودها واشاحت بوجهها بعيدا عنه
أمسك سيف بذقن ديما وأدارها الى ناحيته ونظر الى عيونها
سيف عارفه ان عيونك دلوقتى لونها اممممم ازرق صافى
أزاحت ديما يد سيف برفق
ديما هو فى ايه انت سخن ولا حاجه
سيف بجد ديما انتى قلبتى كل الموازيين التى بتقول ان أوحش حالات الست وهى قايمه من النوم
ديما طب ممكن تقوم وتبطل كلامك ده انت عارف ان جو المعاكسه ده مابيكلش معايه
سيف مانا قلت لك
انا مابعكسش انا بتحرش بس
ديما بغضب سيف قوم من فضلك
سيف أهى سيف دى بتجننى
ديما خلاص هرجع اقولك يابشمهندس
سيف لا والنبى ... دانا حبيت اسمى من بعد ماسمعتك بتنادينى بيه
ديما طب انت عارف ان مقمتش دلوقتى انا هقوم امشى خالص من الفيلا
سيف لأ خلاص قايم بس عايزك تعملى حسابك مفيش شغل انهارده
ديما والله انا بقيت كويسه
سيف معلش ياديما ريحى انهارده
ديما لأ
سيف ورحمة أدهم لتقولى ماشى
ديما بحزن حاضر
ديما سيف
سيف عيونه
ديما من فضلك ماتحلفنيش تانى برحمة أدهم
سيف حاضر هستناكى تحت نفطر سوا
بدلت ديما ملابسها ونزلت فطروا سويا هى وهو وكارما ورجاء واشرف بعدها انطلق كلا من اشرف وسيف الى الشركه
قررت رجاء ان ترفه عن ديما لذلك عرضت ان يخرجوا سويا مع كارما
بالفعل خرج رجاء وكارما وديما الى المول ولعبت كارما هناك وأكلوا كان يوم جميل تناست الى حد ما ديما همومها وعلى منتصف النهار عادوا الى المنزل
كارما ايه رايك نلعب انا وانتى بلاى استشن
ديما لسه عايزه تلعبى تانى ياكوكى ماشبعتيش لعب فى المول
بانت ملامح الحزن على كارما
كارما انتى هتعملى زيهم وتقولى لى بلاش تلعبى عشان ماتتعبيش
ديما حبيبتى كارما هما خايفين عليكى
كارما عارفه بس انا زهقت
ديما حبيبتى هما مش قصدهم يزهقوكى هما بس بيحبوكى اووووى عشان كده بيخافوا عليكى على اد حبهم ليكى
كارما وانا كمان بحبهم اوى وبحبك انتى كمان اوى
ديما وانا كمان ياروحى وعشان كده هروح العب معاكى بلاى استشن
كارما ياهووووه
ديما هطلع اغير هدومى واجى معاكى
كارما وانا هسبقك على أوضة بابى
ديما وليه أوضة بابى
كارما مهو البلاى استشن هناك
ديما ايه اصل
جرت ديما قبل ان تعترض ديما
كارما وهى على السلم هستناكى ماتتأخريش
ديما ح... اضر
ذهبت ديما الى غرفتها وبدلت ثيابها الى برمودا أسود قصير وعله بدى أسود بأكمام وقصيره وربطت وشاح رمادى اللون حول شعرها وتركته منسل على ظهرها طرقت ديما باب غرفة سيف ودخلت فوجدت كارما توصل اسلاك البلاى استشن
كانت هذه هى المره الاولى التى تدخل
كارما ها تحبى تلعبى ايه
ديما الى انتى تحبيه نلعبه
ظلت ديما وكارما يلعبوا ولم يشعروا بالوقت
فتح سيف باب غرفته وفوجئ بوجود ديما وكارما يلعبون على جهاز البلاى استشن خاصته
سيف ياصلاة العيد بئه اعدين تلعبوا هنا وغيركم مطحون فى الشغل صباح الروقان
ديما مش انت الى قلت خليكى
سيف غلطان من هنا ورايح مفيش اجازات بجد المكتب مش ماشى من غيرك خالص
ديما طبعا هو انا شويه
سيف ماشى ياستى عامله ايه ياكوكى مبسوطه
كارما اوى يابابى اتفسحنا انهارده فى المول
سيف والله طب كويس
تركت كارما المضرب وقالت لديما وقفى اللعبه لغاية ما أخرج م التويلت
ديما اوك
دخلت كارما الى الحمام
شعرت ديما بالاحراج فوقفت
ديما انا هخرج واما كارما تخرج خليها تجيلى أوضتى
اقترب سيف من ديما وامسك ذراعها ومرر يديه مره اخرى على ذراعيها مثلما فعل سابقا
سيف خرجتى ازاى بدراعك كده
كان سيف قريبا جدا من ديما وانفاسه تختلط مع انفاسها
تمالكت ديما نفسها قليلا انا ... لبست .... بكم
سيف انتى عارفه انا مكنتش اعرف ان امى بتطرز حلو اوى الورده شكلها تحفه على دراعك
قال سيف ذلك وهو يتبع بأصبعه العلامات على ذراع ديما لم تقوى ديما على الحركه او بببساطه لم تكن تريد ان تبتعد
فجأه فتح احدهم الباب بشده لدرجة جعلت كلايهما ينتفض ويبتعد عن الاخر
مازن يابن الايه عشان كده لابتيجى الديسكو ولا بتسأل ولا بترد ع التليفون
سيف مازن انت ايه الى جابك
مازن انت فاجر يامعلم جايب موزه فى البيت الى فيه امك وبنتك
سيف موزه... موزة مين
اقترب مازن من ديما الغاضبه
مازن أهى ... الحته الحلوه الى معاك دى بس ذوقك عالى اوى ليك حق تنفض لماريهان
سيف انت اهبل يا ض اقفل البتاعه الى فى وشك الى ضحكوا عليك وقالولك انها بؤك وهى فى الاصل صفيحة زباله
مازن بقولك ايه ماتشيلش الموزه منى عشان انا ناوى أخد دور بعدك ولا ايه ياقمر
امسك سيف بثياب مازن
سيف مازن بقولك اخرس
مازن ايه ياعم شير ف الخير ولا ايه ياموزه
خرجت كارما من الحمام ونظرت باتجاه مازن
كارما بابى مين ده
سيف ده عمو مازن الحمار
ياحبيبتى
كارما اها يعنى اسم بابته الحمار
سيف لأ ده وصفه ياروحى
كارما أها
كان مازن اثناء كلام كارما مع والدها ينظر الى ديما ويغمز لها
سيف بغضب ديما خدى كارما وروحى أوضتك
ديما بغضب ياله ياكوكى
مازن على فين ياقمر
سيف بغضب ماتتلم بئه. يامازن
خرجت ديما وكارما من غرفة مازن وهى غاضبه وصفقت الباب خلفها
سيف انت حمار ياض
مازن اه... لأ ... ليه بس
سيف دى ديما ياغبى
مازن وماله ديما ديما مايفرقش
سيف مش بقولك حمار دى ديما ياغبى
مازن ديما اه ماخدتش بالى
سيف عشان حمار
مازن معلش ياصاحبى بس اصلها حلوه اوى
سيف وله اتلم
كانت ديما فى غرفتها بعدما تركتها كارما ونزلت للاسفل سمعت ديما طرقات على الباب فعلمت انه سيف كالعاده جاء ليعتذر
فتحت ديما الباب
ديما لو جاى تعتذر يبقى وفر على نفسك الكلام
سيف بدون اي مقدمات ديما..... تتجوزينى ....
سيف ديما .... تتجوزينى
ديما ها......
أزاح سيف ديما من امام الباب ودخل الى الغرفه .....
سيف تعالى بس نتكلم جوا واقفلى بؤك ده ليخش فيه الدبان
دخلت ديما وراء سيف وهى لازلت تحت تأثير الصدمه
وجد سيف شنطة ديما فى وسط الغرفه وايضا حقيبتها الصغيره معده من الواضح انها كانت تستعد للرحيل
سيف هو انتى كنتى ماشيه
ديما اه هو انت فاكر انى هقعد هنا دقيقه واحده بعد الى صاحبك قالواانا مش عارفه يا اخى كل لما اقول انى مش عايز اتكلم معاك تانى ولا اشوفك ولا اشوف حد من تبعك ارجع تانى فى كلامى
سيف بخبث ايوه من انا عارف ان جاذبيتى لاتقاوم
ديما لأ دى مش جاذبيتك ده عبطى وغبائى
سيف بجديه اسمعينى ديما الواد مازن ده عبيط وبيدب الكلام زى الحمار بس والله اطيب واجدع حد ممكن تقابليه فى حياتى فماتاخديش على كلامه هو عرف غلطه وكان جاى يعتذر بس انا قلت اجى اتكلم معاكى انا الاول
سيف مفيش داعى للكلام الكلام خلص وكمان انا هستقيل من الشغل عشان ميكونش فيه احتمال ولا واحد فى الميه اننا نتقابل تانى
سيف ما اوعدكيش لانك لما تبقى مراتى ه...
ديما مقاطعه مراتكمرات مين مين قالك اصلا انى هوافق اتجوزك
سيف وليه ترفضى ادينى سبب واحد بس للرفض
ديما لا انا مش هديك سبب انا هديك اسباب اولها انك متجوز لو كنت انت ناسى وتانيها انى عمرى ماهتجوز حد بعد ادهم وتالتهم انى مابحبكش ولا بطيق اشوفك ادامى دقيقتين فازاى عايزنى اتجوزكها الاسباب دى كفايه ولا اقول كمان انا عندى كتير
تنهد سيف لأ كفايه كده ديما بس لازم تعرفى ان دى اسباب مش كفاييه
ديما بحنق كل ده ومش كفايه
سيف ايوه مش كفايهومن فضلك اهدى كده واسمعينى وتعالى اقعدى
ديما لأ مش هأعد اتكلم انا كويسه كده
سيف نفسى تبطلى العند ده على العموم خليكى واقفه أيكش رجلك تفقفق
ديما ملكش دعوه بيه واتكلمعشان انا عاييزه امشى
سيف اولا ديما انا مش متجوز وانتى عارفه طبيعة علاقتى بريهام وانها مقطوعه من خمس سنين وانا قلت لك انا ليه سايبها على ذمتى بس عشان ماتاخدش كارما واما حكاية انك متجوزه فانا متهيألى ان ادهم الى يرحمه مات من سنتين وماينفعش انك توقفى حياتك واخيرا فكرة انك مابتحبنيش دى فمش كل الجوازات بتكون مبنيه ع الحب فى حاجات تانيه اهم م الحب فى الجواز ومتهيألى بتبقى ثوابت اقوى فى الجواز من الحب والكلام الفارغ ده
ديما ثوابت ايه الى اهم م الحب فى الجواز يعنى بمعنى اصح وبصراحه عايزه اعرف اسباب طلبك الغريب ده منى
سيف هقولك ياستى اولا كارما الى انتى ماتعرفهوش ان كارما لازم تتعملها عمليه بعد شهرين بس لازم تكون جاهزه نفسيا وبدنيا للعمليه لانا عمليه مش سهله وكبيره فعشان كده انا فكرت انك تكونى جمبها عشان نفسيتها تكون احسن انا بحس انها بتبقى فرحانه اوى لما بتكون معاكى
ثانيا عشانك انتى ياديما انتى بقيتى لوحدك وده هيطمع كل من هب ودب فيكى لازم لك حد يحميكى ويكون جمبك ها دى اسباب كفايه ولا لسه عايزه تانى ياديما الجواز ده فى مصلحتك ومصلحتى واحسن ليه وليكى
ديما احسن ليك انت يابشمهندس لكن ليه انا لأ لانى مش محتاجه حد يحمينى لانى اعرف احمى نفسى كويس من اى حد
سيف بس لوحدك مفيش حد جمبك ومحدش بيعرف يعيش لوحده
ديما انا مش لوحدى انا عندى خالى وولاده ومى وداليا صحابى وشيرين جارتى وجوزها وابنها كل دول معايه يعنى مش لوحدى
سيف تقدرى تقولى انتى كنتى رايحه فين دلوقتى
ديما انا كلمت البواب بتاع شقتنا القديمه وخلتوا شافلى شقه مفروشه فى العماره الى جمب عمارتنا القديمه وهروح آجرها واقعد فيها
سيف انتى اتجننتى عايزه تقعدى فى شقه مفروشه لوحدك
ديما وفيها ايه
سيف مافكرتيش ان ممكن حد يتهجم عليكى بنت حلوه اعده فى شقه لوحدها يعنى يطمع فيها
ديما الى انت ماتعرفهوش انى معايه الحزام الاسود فى الكارتيه وبعرف مبادئ فى الدفاع عن النفس وكمان واخده بطوله فى الرمايه
سيف متفاجئا ايه رمايهانتى بتعرفى تمسكى مسدس
ديما بثقه ولا اجدعها قناص فى الداخليه
سيف مين علمك الكلام ده
ديما انت ناسى انى بنت لواء ومرات مقدم
سيف عرفتى بئه انا عايزه اتجوزك ليه عشان تحمينى لو حد اتهجم عليه
ديما وهى تضع يديها على خصرها ياسلام
سيف مهو ماينفعش بعد الى انتى قلتيه اقولك اتجوزك عشان احميكى انا كده الى عايز حمايه
ديما انت بتهزر
سيف لأ وانا اقدر انا اخاف على عمرى من هنا ورايح انا هديكى التمام
صاحت ديما سيف
سيف ايوه خلاص خلاص هتكلم جد ..... ها قولتى ايه
ديما لأ
سيف ليه بس يابنت الناس
ديما تانى اقول تانى
سسيف طب انا عندى فكره
ديما أشجينى
سيف وضع يديه وراء اذنه واغمض عينه ياليلى ياليلى ياااااه ليل
ديما بغضب سيف
سيف مش انتى الى قلتى اشجينى
ديما انا ماشيه
سيف خلاص والله هتكلم بصى ايه رأيك نتجوز لمدة سنه بس تكون كارما عملت العمليه واطمنا عليها وتكونى انتى اشتريتى شقه خاصه بيكى وفرشتيها تبقى بتاعتك وبلاها شغل المفروش ده
ديما برضو لأ
سييف طب آخر حاجه هيكون جواز على الورق بس ياديما يعنى مش جواز حقيقى
ديما وانا ايه الى يضمنلى انك ماترجعش فى كلامك
سيف لو تعرفينى كويس هتعرفى انى عمرى مابرجع فى كلامى ابدا
ديما ..........
سيف طب هديكى فرصه لاخر الاسبوع تفكرى ماتستعجليش ورحمة باباكى ماتردى دلوقتى
ديما ماشى ياسيف رغم ان قرارى مش هيتغير من انهارده لآخر الاسبوع بس هريحك تسمحلى امشى بئه
سيف ليه بئه
ديما سواء وافقت او موافقتش انا همشى مش هقبل انى اقعد هنا واتجوزك عشان صعبت عليكى عشان
مليش مكان على فكره انا معايه فلوس وهسمع كلامك وهشترى شقه وافرشها على مزاجى بس لغاية مايحصل ده انا مش هقعد هنا
سيف طب براحتك هاجى معاكى واشوف الشقه دى و...
ديما مقاطعه لأ
انت مش هتيجى معايه ومن هنا لغاية لما اديلك ردى ياريت مانتكلمش مع بعض خالص مش عايزه احس انك بتضغط عليه
سيف ماشى ياديما انا مش هضغط علييكى
ديما طب ممكن تخلى البواب يطلب لى تاكسى
سيف حاضر
خرج سيف من غرفة ديما
لم تكن ديما تعلم انها كانت تحبس انفاسها الابعدما خرج تهاوت ديما على حافة السرير وهى ترتعش هل ماقاله سيف وعرضه للزواج هو صحيح ام انها مريضه بالتهيؤات
طلب سيف من البواب ان يطلب لديما تاكسى
نزلت ديما الى الاسفل ووجدت السيده رجاء هى وكارما امامها
رجاء برضو يابنتى مصممه تمشى
ديما معلش ياطنط انا كده هكون مرتاحه
كارما انا زعلانه منك يادودى عشان هتمشى
ديما معلش ياكارما ياحبيبتى اوعدك هكلمك كل يوم فى التليفون وهاجى ف اخر الاسبوع ونخرج انا وانتى ونانا زى المره الى فاتت ها حلو كده
كارما بأستسلام طيببس لو مجتيش هزعل منك
ديما لأ هاجى ماتخفيش
سيف ديما التاكسى مستنى بره
رجاء ليه انت مش هتوصلها
ديما معلش ياطنط انا عايزه كده
رجاء ولو انى مش فاهمه حاجه بس الى يريحك يابنتى
قبلت ديما رجاء وكارما وخرجت وركبت التاكسى وذهبت
ظل سيف متابعا ديما حتى اختفت عن الانظار
رجاء سيف هو فيه ايه يابنى
سيف هقولك ياماما بس مش دلوقتى
رجاء طب طمنى يابنى
سيف لما اطمن انا الاول
رجاء ربنا يريح بالك يابنى
سيف يارب يا امى يارب
ركبت ديما السياره واخرجت هاتفها واتصلت بصديقتها مى
مى السلام عليكم
ديما وعليكم السلام ازيك يامى
مى الحمد لله مال صوتك ياحبيبتى
ديما دايما حاسه بيه
مى طبعا ياحبيبتى انا بعرفك من همسه
ديما الموضوع كبير مش هينفع فى التليفون انا جايه المنصوره يوم الخميس نتكلم براحتنا
مى خلاص ياحبيبتى هستناكى
ديما ماشى مى لا اله الا الله
مى محمد رسول الله
اغلقت ديما الهاتف وهى تشعر ببعض الراحه بعد حديثها مع صديقتها فهى تعلم ان مى ستساعدها فى اتخاذ القرار السليم
وصلت ديما الى مكان سكنها القديم وذهبت مع البواب الذى كان مجهز لها شقتين للايجار اختارت اصغرهم التى كانت فى العماره المجاوره لعمارتها القديمه اتصلت بجارتها شيرين واعلمتها بسكنها الجديد فلم تكدب خبر وزارتها هى وابنها وقضوا معها بعض الوقت وانسوها التفكير فى ماقاله سيف
مرت الايام على سيف وديما وهم يتحاشوا بعض كان بينهم العلاقه متوتره والكلام فى حدود المهم والمعقول فقط احترم سيف رغبة ديما ولم يقترب منها او يتحدث معها فى الموضوع او غيره
كان سيف مشغولا ايضا بتجهيز شركته التى اوشكت عل الانتهاء
جاء يوم الخميس وجهزت ديما حقيبه صغيره وذهبت الى عملها وبعد العمل انطلقت الى المنصوره
وصلت ديما الى المنصوره وقررت زيارة خالها اولا وبعدها تمر على صديقتها
فى منزل خال ديما
منى زوجة خال ديما مش ممكن ديماازيك ياغاليه يابنت الغاليه
ديما ازيك ياطنط وحشانى موووت
منى كده ماتقوليش انك جايه عشان احضرلك الاكل الى بتحبه
ديما مانا عشان كده مارضتش اقولك مش عايزه اتعبك معايه
منى وانا فى ديك الساعه لما اتعب نفسى لبنتى الغاليه بنت حبيبتى الله يرحمهادانا لما اشوفك بحس انى شفت ماجده الله يرحمها
ديما الله يرحمها امال فين خالو ومحمود وطارق
منى خالك فى البلكونه وطارق انتى عارفه فى الشغل فى السخنه ومحمود طلع اسكندريه يومين مع اصحابه
ديما طب انا دخله لخالو
منى ماشى ياحبيبتى
دخلت ديما الى خالها
عبدالله مش معقول الغاليه بنت الغاليه عندنا
احتضنت ديما خالها
ديما وحشتنى اوى ياخالو
عبدالله وانتى كمان ياحبيبتى
جلست ديما مع خالها تثرثر كثيرا حتى اعلنت زو جة خالها عن الغداء
ديما انا هتغدى عشان عايزه اروح لمى شويه
عبدالله وماله يابنتى بس ماتتتأخريش عشان السكه وحشه بليل
ديما لأ مش هتأخر عشان انام بدرى عشان عايزه اروح بكره ازور قبر ماما وبابا قبل ما امشى
منى تمشى وانتى لحقتى تقعدى انا مش عارفه يابنتى ماتيجى تقعدى فى وسطينا عشان نبقى مطمنين عليكى
ديما مش هينفع ياطنط انا اتعودت على هناك وكمان عشان شغلى
كانت منى سترد ولكن عبد الله منعها فهو يعلم ان ابنت أخته تعرف مصلحتها جيدا وهو يثق بها وفى قرارتها
بعد الغداء ذهبت ديما الى صديقتها مى
منزل مى كان عباره عن بيت من البيوت القديمه التى تشعرك بالدفء بمجرد تواجدك فيه كان والد مى يعمل اماما بالمسجد ووالدته ربة منزل ولديها اخت متزوجه واخ اصغر من مى بسنتين
استقبل اهل مى ديما بالترحاب الشديد وبعد السلامات جلست مع مى بمفردهما وقصت عليها ماطلبه منها سيف واسبابه
ديما بس ياستى ها ايه رأيك
مى رأيى وانت مالك ومال رأيى
ديما يامى انا باخد رأيك عشان تساعدينى اخد القرار
مى احنا اتفقنا قبل كده ان الانسان ممكن يضللك يعنى معنى كده انك تصلى صلاة استخاره وربنا هيوديكى للصح اما اذا كنتى عايزه رأيى فى الموضوع من باب بس المساعده بس يعنى مش هتعتمدى على كلامى وهتستخيرى زى ماقلتلك فليه لأ ياديما ياحبيبتى الحياه مابتوقفش عند حد الحياه بتستمر..... ديما حبيبتى انتى عارفه وانا عارفه انك يعتبر اصلا ما اتجوزتيش وانك لسه بنت بنوت ......... يعنى ما اتجوزتيش اصلا
ديما الفكره مش انى اتجوزت ادهم ولا لأ الفكره انى لسه بحبه وعمرى ماهقدر احب اى راجل تانى غيره
مى انتى الى مش مديه نفسك فرصه تحبى حد .... حاطه ادهم حاجز بينك وبين اى حد يفكر يقربلك
وضعت مى يديها على كف ديما واكملت
مى سيف عنده حق ياديما ماينفعش تعيشى طول عمرك لوحدك ده غير ياديما انك هتكسبى ثواب البنت الصغيره الى زى ماتكون يتيمه وتساعديها
ديما اهى كارما دى الحاجه الوحيده الى بتخلينى افكر اوافق على الموضوع ده
مى يابت طب عينى فى عينك كده
ديما ..........
خرجت ديما من عند صدييقتها مى وعقدت العزم ان تستخير ربها وهو سيلهمها الثواب
ذهبت ديما فى الصباح الى القبر وزارت والديها وبعدها انطلقت عائده الى القاهره
وصلت ديما الى منزلها ولكنها فوجئت بوجود سيارة سيف تحت عماراتها وهو يقف مستندا عليها
ديما بعدما نزلت من سيارتها سيف ايه الى جابك
سيف كنتى فين يا ديما البواب قالى انك مجتيش من امبارح انا كنت هتجنن من القلق عليكى
ديما بواب.... انت عرفت العماره منين
سيف من مدام شيرين خبطت عليها وهى قالت لى
ديما وليه كل ده
سييف انتى من امبارح مش بتردى على تليفوناتى ولا عارف لك طريق كنت هتجنن من القلق
ديما مش انا متفقه معاك اننا مش هنتكلم لآخر الاسبوع
سيف وانهارده آخر الاسبوع
ديما
انا كنت فى المنصوره من امبارح
سيف طب وماقلليش ليه
ديما واقولك ليه
سيف ياستى مش قصدى تاخد الاذن بس عشان اطمن المهم ماقلتليش ردك ايه
سكتت ديما ولم ترد
سيف من فضلك ديما ردى عليه
ديما انا موافقه يا سيف بس عندى شروط..............
الفصل السابع عشر
سيف حتى لو لاقدر الله اخد العلاج اكتر من سنه
ديما ايه
سيف اههو. كده
ديما موافقه ثالثا طبعا مفيش فرح مفيش زطه هو كتب كتاب واه مش هقلع دبلة أدهم
واشارت الى دبلتها فى اليد اليسرى
سيف وفرتى
ديما مش عايزه حد ييعرف ان جوازنا ع الورق ده هيكون بينى وبينك ولما ننفصل هنقول اننا مااتفقناش
سيف موافق
ديما هشتغل بعد الجواز زى ما انا مافيش حاجه هتتغير
سيف لأ طبعا
ديما ليه
سيف عشان انا مش عايز مراتى تشتغل المفروض انك تقضى اكبر وقت مع كارما
ديما سيف انا برجع م الشغل الساعه خمسه والشركه جمب الفيلا عندكم يكون مش هيكون فيه تعب وبعد الشغل هيكون وقتى كله لكارما
سيف اسف جدا مش هكرر غلطتى مع ريهام تانى
ديما انا ديما ياسيف مش ريهام ولو انت حاسس انى هكون زيها يبقى بلاها منها الجواز خالص
سيف طب انا موافق تشتغلى بس لغاية لما مدام سميه ترجع مش اكتر من كده وده اخر كلام عندى
ديما ماشى
سيف في حاجه تانيه
ديما بتفكير اممم لأ كفايه
سيف انا عندى كلام
ديما عندك شروط
سيف لأ طلب رجاء بس مش رجاء امى
ديما قول
سيف جوازنا مش عايز حد يعرف بيه غير القريبين منا بس بابا ماما وصاحبى مازن وبالنسبه لك اخوكى وخالك
ديما ليه بئه ان شاء الله مستعر منى
سيف عشان ريهام ياديما
ديما ........
سيف صدقنى ياديما لو مكنتش كارما تعبانه انا كنت هعرف اوقف ريهام عند حدها كويس بس عشان كارما تعبانه وانا مش عايزها تضايق ولا تزعل فبحاول انى اتفادى اى صدام مع ريهام دلوقتى
ديما ماشى بس انا كمان ليه واحده صحبتى من المنصوره دى انا هقولها لانها صحبتى جدا
سيف لو واثقه فيها يبقى مفيش مشكله كده يبقى كله تمام نكتب الكتاب الخميس الجاى
ديما ايه لأ طبعا
سيف بكره
ديما انت بتهزر مش قبل شهر ع الاقل
سيف ليه ان شاء الله هتجيبى الصينى والبيركس
ديما لأ طبعا بس هو شهر حلو
سيف بصى احنا نقسم البلد نصين اسبوعين حلو كده
ديما امممم ماشى
سيف خلاص يبقى الخميس الى بعد الى جاى هجيب المأذون ونكتب الكتاب
ديما هنا
سيف هو ايه الى هنا
ديما كتب الكتاب هيكون هنا
سيف ليه مانكتبه فى الفيلا
ديما لأ هنا
سيف ليه عايزه زفة عربيات ولا ايه
ديما لأ طبعا بس هو كده وخلاص
سيف ماشى ياديما الى انتى عايزاه اى طلبات تانى
ديمالأ
قام سيف واقفا
سيف طب كويس اقوم انزل انا
ذهب سيف باتجاه الباب ووضع يده على المقبض ولكن ديما استوقفته
ديما سيف
سيف نعم
ديما انت كلت
سيف مستغربا ايه
ديما بقولك كلت
سيف لأ ليه
ديما طب تاكل معايه
سيف ايه
ديما ت ا ك ل م ع ا ي ه
سيف اشمعنى يعنى
ديما خلاص بلاش
سيف لأ بلاش ليه شوفى عايزه تاكلى ايه ونطلب دليفرى
ديما لأ انا هعمل اكل وناكل سوا
سيف ايه انتى تعملى
ديما ايه مستغرب ليه مش عايز بلاش
سيف لأ عايز بس مستغرب ليه عايزانى اكل معاكى
ديما مفيش مش عايزه اكل لوحدى فيها حاجه دى
سيف لأ ياستى وانا اطول اقعد مع القمر وكمان يطبخلى
ديما طب بطل كلامك ده وروح اسبقنى عل المطبخ
سيف ايه ليه ان شاء الله هغسل المواعين
ديما ايه هتقف معايه وانا بطبخ ولا عايز تقعد هنا لوحدك
سيف لأ اجى معاكى ياله
دخل سيف الى المطبخ وبعده دخلت ديما
كان فى منتصف المطبخ طاوله صغره يحيط بها اربع كراسى جلس عل احدهما يراقب ديما وهى تتحرك بخفه حوله
سيف والله الشقه حلوه
ديما وهى تخرج احدى محتويات الفريزر وتضعها فى الميكرويف لتفكك تجمدها
ديما اه عجبانى انا كمان بتحب النجرسكو
سيف جدا
ديما كويس هعملك نجرسكو
سيف كنتى بتعملى ايه فى المنصوره
ديما زرت خالو عبدالله وزرت مى صحبتى وانهارده الصبح رحت المقابر زرت ماما وبابا
سيف مى صحبتك من زمان
ديما اها من ايام ماكنا فى المدرسه
لما كنت فى المنصوره ولما جيت مصر كنا دايما على اتصال ودايما بتجينى لما بتنزل مصر لينا واحده زميلتنا تانيه اسمها داليا بس مى اقرب لى
سيف متجوزه
ديما كان مكتوب كتابها وماحصلش نصيب
سيف هو خالك عنده ولاد
ديما اه محمود وطارق طارق فى سنى تقريبابينى وبينه شهر ومحمود لسه بيدرس فى الجامعه
سيف وطارق ده متجوز
انتبهت ديما ان سيف ستجوبها
ديما هو فى ايه ده تحقق
سيف لأ بنتسلى
ديما بس دى مش تسليه انت عامل زى رئيس المباحث عمال تستجوبنى
سيف على فكره لو عايزه تسألينى عن اى حاجه انا هجاوبك
ديما امممم طب خلاص انت سؤال وانا سؤال
سيف موافق
ديما انا هسأل انت سألت كتير
ديما اتعرفت ازاى على ريهام
سيف هقولك ياستى بعد الجامعه كان طموحى افتح مكتب ديكورات فى الوقت ده فرعنا فى الغردقه كان فيه مشاكل كتير طلب منى بابا اسافر اروح امسك الشغل هناك واظبط الدنيا سافرت وهناك قابلت زايد الفيومى والد ريهام راجل غنى جدا وعنده تلت فنادق الغردقه تقريبا ده غير قريتين سياحيتينوكان ليه شغل عندنا قابلت معاه بنته الى هى ريهام هى كانت دايما معاه فى الشغل عارفه كل كبيره وصغيره فى الشغل حستها مختلفه بنت صغييره فى السن وجميله وبدل ماتكون بنت دلوعه مش فى دماغها غير السهر واللبس والخروج لقيتها بنت ذكيه وشاطره جدا فى الشغل هو ده الى شدنى ليها.... قربت منها واتجوزنا
ديما كنت بتحبها
سيف اظن ان احنا قولنا سؤال واحد لكل واحد فينا دورك خلص دورى
ديما بس انت سألت كتير ده مش عدل
سيف الاسئله التانيه كانت بره اللعبه التزمى بالقواعد
ديما اوك اسأل
سييف فضلتوا انتى وادهم متجوزين اد ايه
ديما بحزن ٣ايام بعدها لغوا اجازته واستدعوه فى مأموريه مهمه وبعدها حصل الى حصل
سيف دورك
ديما جاوب على سؤالى
سيف اه حبيتها حبيتها لانى حستها مختلفه الفتره دى انا كنت بسهر مع اصحابى كتير كانت دايما البنات الى حواليه دماغهم فى اللبس والصحوبيه والخروج والميكب .......ريهام كانت مختلفه عن كل دول عشان كده حبيتها
سكتت ديما
سيف دورى فرانكو كان بيقولك ايه وبصراحه
ديما انت ليه مصمم تعرف
سيف احنا اتفقنا كل واحد يجاوب على اسئلة التانى
تهربت ديما من الاجابه
ديما الاكل جهز تحب تشرب حاجه جمب الاكل
سيف لأ مش عايز وماتتهربيش وردى
ديما طب هقولك بس الموضوع ده مايتفتحش تانى
سيف اوك
دسما وقد احمرت وجنتيها بص هو فى الاول قالى ان عينيه حلوه وبعدها كان عايز
سيف وقد بان عليه الغضب
سيف كان عايز ايه
ديما يعنى حاجه زى نتصاحب
سيف شفتى انى كان عندى حق انى اقوله انك تبعى
ديما على فكره الهانم بتاعتك قالت له
انى مجرد سكرتاريه وانى مفش حاجه بنى وبسينك بس انا قلت له انى متجوزه وهو ده الى خلاه اعتذر وطلب نبقى اصحاب وانا رفضت بطريقه شيك وقلت له ان لا دين ولا اخلاق يسمحوا بالصداقه بين ست وراجل غريب عنها خلاص كده ارتحت من فضلك ماتسألش تانى فى الموضوع ده ولا تفتحه
سيف اوكدورك
ديما لسه بتحب ريهام
سيف على فكره النجرسكو تحفه
ديما سيف ماتتهربش وجاوب
سييف وقد ترك الاكل لأ ياديما مابقتش احبها وعمرى فى حياتى ما هحب تانى عشان الى اكتشفته ان الحب ده اكبر وهم ممكن يعيش فيه الانسان حاجه بنوهم نفسنا بيها عشان نستحمل شريكنا رغم ان شايف ان فيه ثوابت كتير فى الجواز تخليه انجح من انه يقوم ع الحب
ديما بس انا جوازى من ادهم كان عن حب ومتهيألى انه لو كان ربنا اراد ومد فى عمره كنا هنبقى سعدا جدا مع بعض
سيف بيتهيألك انتى ماجربتيش ماعشتوش سنين مع بعض عشان تحكمى
ديما وقد امسكت السلسله التى تتدلى من عنقها
ديما انا وادهم عرفنا بعض من وانا عندى ١١سنه وعمرى مانمت وانا زعلانه منه
سيف الجوازحاجه تانيه
ديما مش معنى ان كان ليك تجربه فاشله يبقى كل الجوازات الى قايمه على حب فاشله
سيف مش عارفه هو من الى كان عله الدور
ديما لأ خلاص كفايه لعب كده
نظر سيف الى ساعته
سيف ياخبر ده الوقت اتأخر اوى انا لازم امشى بجد ياديما الاكل حلو اوى تسلم ايدك
ديما تسلم
سيف انا همشى وانتى ياله روحى نامى اكيد تعبانه من السفر
ديما اه هنام علطول
قام سيف متجها الى الباب وقبل ان يذهب امسك ديما وقبلها على جبينها
ديما سيف
سيف همممم
ديما ماتعملش كده تانى
سيف دى بوسه اخويه
ديما ماتعملش كده تانى ياسيف
سيف حاضر تصبحى على خير
ديما وانت من اهله
خرج سيف من الباب واغلقت ديما الباب خلفه واسندت ظهرها عليه وهى تبتستم ولا تعرف ما سر ابتسامتها
الفصل الثامن عشر
بعدما اغلقت ديما الباب اسندت ظهرها عليه وشعرت بالسعاده سعاده لا تعلم ماهيتها
بدلت ديما ملابسها واستعدت للنوم ولكن هاتف رنينها أوقظها
نظرت ديما الى شاشة هاتفها فوجدته سيف
ديما الوووو
سييف الو ديما
ديما حصل حاجه بتتصل ليه
سيف حد يقول لحد كده انا قولت اقولك انى وصلت البيت عشان اطمنك
ابتسمت ديما ومين قالك انى عايزه اطمن
سيف مهو كل المخطوبين بيعملوا كده بالمناسبه نسيتى تقولى لى وانا نازل تي كير يابيبى
ديما فيه ايه ياسيف انت سخن ولا حاجه
سييف طب غيرتى اسمى ع التليفون من سيف الى حبيبى او ماى لف او ماى سويتى او اى حاجه من الحاجات دى
ديما لأ ولا واحده من دول حاجه تانيه
سيف بلهفه ايه ها
ديما غيرتها لبشمنهدس
سيف بخنقه بشمهندس طب روحى ياديما نامى تصبحى على خير
ديما بضحك اوك وانت من اهله يابشمهندس
اغلق سيف الهاتف وهو مبتسم وقال فى نفسه عسل بنت اللذينه
اغلقت ديما الهاتف وهى تشعر انها سعيده جدا ونامت والابتسامه لاتفارق شفتيها
نامت ديما اول ما لمست رأسها الوساده ولكنها حلمت بنفس الحلم مره اخرى حلمت بأدهم وهى تقترب منه وهى سعيده بأنها وجدته لكن ظل يدفعها بعيد عنها وكلما اقتربت منه دفعها بعدا ظلت تبكى وتترجاه ولكنه ظل يدفعها حتى سقطت على الارض قامت ديما من نومها وهى مستمره فى البكاء التفت الى جانبها واخذت صورة ادهم من ع الكومود ظلت تنظر له وهى تبكى وهى تتسائل هل ياترى هو يدفعها عنها لانه غاضب عليها وذلك بسبب موافقتها عل الزواج من سيف
ديما ببكاء وهى تنظر لصورة ادهم انا اسفه ماتزعلش منى صدقنى عمرى ماهكون لحد غيرك انا مراتك انت بس ولو ان ربنا ما أردش انى اكون مراتك بجد هستنى لما تجمعنا الجنه سوا انا اسفه انا مضطره اكون معاه عشان كارما انا بشوف فيها نفسى حاسها انا لوحدها عايزها تفرح وتعيش طفوله حلوه زيى اول ماتخف انا همشى مش هكون مراته ولو ليوم واحد انا مراتك انت انا حبيبتك انت وانت حبيبى انت وبس.
اسندت ديما رأسها مره اخرى ع الوساده وهى تفكر هل ياترى ان السبب الاساسى لزواجها هو كارما ام انها تتخذ من كارما سبب للتقرب من سيف
اول ما فكرت فى هذه الفكره نهضت من مكانها لا لا يمكن ان يكون ذلك صحيح لاتنكر انها معه تكون سعيدهلكن الحب احساس آخر سمعت أذان الفجر فقامت توأت وصلت وجلست فى شرفتها تشعر ان النوم جافاها ظلت تفكر وتفكر وفى النهايه قررت انها لن تسمح لسيف ان يتخلل دفاعاتها ولا يخترق اسوارها العلاقه بينهم ستكون فى اضيق الحدود اذ كان السبب فى هذه الزيجه كارما اذن ستكون تركيزها مع كارما
تفاجئت ديما بمرور الوقت وشروق الشمس فقامت من مكانها وهى تشعر بالخدر فى كل جسمها وبعيونها تؤلمها من كثرة البكاء ارتدت ملابسها السوداء كحالتها النفسيه ولملمت شعرها فى كعكه اعلى رأسها ونظرت فى وجهها ووجدت وجههاشاحب وعيونها حمراء من البكاء لايمكنها اخفاء ذلك فهى لم تلجأ فى حياتها الى استعمال ميكياج ولم تبدأ فى ذلك الان
ذهبت ديما الى عملها بخطوات متثاقله وهى تشعر بأنها لاتقوى ع المواجهه ان كانت قد قررت البعد عن دروب سيف فهى تعلم ان ذلك ليس سهلا وستكون حربا ليست سهله
استيقظ سيف من نومه وهو سعيد جد ا ويشعر بالانتعاش وبلغ والديه بخبر زواجه الذين شاركوه فرحته وركب سيارته وهو يشعر بأنه يريد ان يطير يريد ان يذهب الى ديما حتى يراها كان يسر بسيارته ومشغل الاغانى بصوت عالى ويسير سريعا
وصلت ديما كالعاده اول واحده فى المكتب جلست على مكتبها بعدما انتزعت سترتها وبدأت فى عملها لاتعطى فرصه للافكار ان تطرق بابها
وصل اولا اشرف دخل الى المكتب
اشرف صباح الخير ياديما ولا اقول يامرات ابنى
ارتبكت ديما فهى لم تكن تعلم ان سيف سيبلغهم بالخبر بسرعه
ديما لأ حضرتك قول ديما لسه بدرى على مرات ابنى
اشرف بس سيف قالى انكم اتفقتم على الخميس الى بعد الى جاى
ديما ايوه بس
اشرف يعنى مش بدرى ولا حاجه
ديما اه اكيد
اقترب اشرف من ديما
اشرف ديما هو فى حاجه لو فيه حاجه قولى لى انتى زى بنتى واغلى كمان عندى والله
ديما مرسى يا اونكل وحضرتك كمان فى غلاوة بابا بس صدقنى مفيش حاجه يمكن بس التوتر العادى قبل الجواز
اشرف ماشى يابنتى ع العموم لو احتجتى حاجه انا هكون فى انتظارك
ديما ميرسى يا أونكل
دخل اشرف الى مكتبه وتابعت ديما عملها حتى شعرت بوجود سيف فى المكتب تعمدت ان لا ترفع رأسها من على الاوراق التى تعمل بها
اقترب سيف من ديما
سيف ديما
ديما ومازالت على وضعها همممم
سيف بتعملى ايه
ديما بشتغل
سييف كلمتى ياسر ومى
ديما هكلمهم امتى ياسيف بس انت نازل من عندى الساعه كام
سيف شعر ان ديما تحاول تجاهله فقرر ان يجبرها ان ترفع رأسها
نادى سيف على ديما بصوت عالى ديماااا
انتفضت ديما ورفعت رأسها من ع الاوراق
ديما فى ايه
بتزعق كده ليه
سيف صباح الخير
ابتسمت ديما غصبا عنها
سيف ايوه كده خلى الشمس تطلع
انتبهت ديما الى انهيار خططها فأرجعت رأسها مره اخرى الى اوراقها
شعر سيف ان هناك شئ خاطئ فأقترب من مكتبها قائلا بهدوء
سيف فى ايه ياديما مالك شكلك تعبان
ديما انا كويسه مافياش حاجه
سيف لأ فيهاحنا كنا كويسين امبارح ايه الى حصل فى الكام ساعه دول
ديما ماحصلش حاجهانا عندى شغل وعايزه اخلصه فلو سمحت ياسيف روح على مكتبك وسبنى اشتغل
سيف مش قبل ما اعرف فيكى ايه
ديما بغضب مفيش حاجه ياسيف قلتلك مفيش حاجه ممكن تسبنى اشتغل
تفاجأ سيف من غضب ديما الغير. مبرر ولكنه قرر ان يتركها
قام سيف ودخل الى مكتبه وصفق الباب خلفه
شعرت ديما انها كسبت بداية المعركه وانها لو استمرت على نفس المنوال سيمكنها ان تنجح خطتها فى الابتعاد عنه ولكن على رغم انتصارها لم يحقق لها ذلك اى فرحه لم تفرح بأنتصارها بالعكس شعرت بالحزن الشديد
مراسبوع وديما تتعمد تجاهل سيف كان سيف فى الاول يحاول
ان يكسر الحواجز التى صنعتها حول نفسها لكنه يأس من ان يحطم هذه الحواجز فأستسلم وابتعد هو ايضا
دخل المهندس ماجد السيوفى الى شركة الجيار للمقاولات وهو يختال بمشيته فهو علم انه وسيم ومحط انظار كل البنات هذا بالاضافه الى انه مهندس معمارى شاطر
ماجد السيوفى من عمر سيف كان صديقه فى الجامعه ولكنهم دائما كان على غير وفاق سويا فكان دائما بينهم تنافس على اعجاب البنات ومراهنات على من يكسب قلوبهن حتى بعد اختيار كل منهم مجال بعييد عن الآخر فاختار سيف الديكور وماجد المعمار ومع ذلك ظلت المنافسات بينهم
يكره سيف طريقة ماجد فى العمل رغم انه يعلم انه شاطر جدا فى مجاله ولكنه يخلط بين العمل والمتعه وهو اكثر مايكره سيف فى العمل فرغم حب سيف للجنس اللطيف ولكن دائما يكون ذلك بعيد عن مجال عمله
دخل ماجد الى مكتب ديما واول ماوقع عينه عليها ابتسم لانه لاحظ جمالها اقترب منها
ماجد صباح الخير
ديما صباح النور يافندم
ماجد بغرور انا ماجد السيوفى معايه ميعاد مع مستر اشرف
ديما اه يافندم ثانيه اديله خبر
ذهبت ديما من امام ماجد تحت نظراته الجريئه والمتفحصه
ماجد لنفسه شكل الشغل هنا هيكون حلو اوى
ابلغت ديما ماجد عن انتظار اشرف له مر من امامه وهو مازال يرمقها بنظراته المتفحصه والجريئه التى لم تعجب ديما
دخل ماجد الى اشرف
اشرف اهلا ماجد ازيك
ماجد ازي حضرتك يامستر اشرف
اشرف اقعد يابنى اخبارك ايه واخبار والدك ايه فينه من زمن ماشفتوش
ماجد والله من ساعة مافضنا شركتنا وهو خد والدتى وسافروا دبى عند اختى منار ومرتاحين هناك
اشرف طب وليه فضيتم الشركه
ماجد والله ياعمى احنا كان معانا شريك عمل تلاعب فى بعض الصفقات فلما بابا عرف قال ان يفضى الشركه ويدفع الشروط الجزائيه للعملاء عشان اسمه مايتوسخش وده طبعا خسرنا كل السيوله الى معانا تقريبا فطبعا فضنا الشركه
اشرف وانت من يومها مابتشتغلش
ماجد والله اشتغلت فى كام مشروع كده لشركات ناس حبايبى
اشرف طب اقدر اعتبر نفسى من حبايبك دول واطلب منك مساعدتنا فى المشروع الجديد
ماجد اكيد طبعا انا يشرفنى انى اشتغل معاكم
اشرف خلاص يبقى على بركة الله انت دلوقتى روح لسيف وهو هيفهمك على تفاصيل المشروع
ماجد ايه ده هو سيف هنا اه ده يفسر وجود الصاروخ الى بره
عرف اشرف ان ماجد يقصد ديما بكلامه
اشرف ماجد ديما تخصنى انا شخصيا تقدر تقول بنت اخويه فياريت ملكش دعوه بيها
ماجد اه طبعا يامستر اشرف مليش دعوهاستأذنك اروح لسيف
لم يعلم اشرف ان بكلامه اشعل روح التحدى القديمه بينه وبين سيف فهو يعلم ان مادام ديما تخص اشرف اذا تخص سيف لذلك اتت الفرصه ليرد لسيف كل رهان خسره معه
خرج ماجد من مكتب اشرف ونظر الى ديما
ماجد هو مكتب بشمهندس سيف فين
ديما اهو الى جمب مكتب مستر اشرف
ماجد طب ممكن تبلغيه ان عايز ادخله
ديما اوك
طرقت ديما باب سيف وقالت فى اقتضاب بشمهندس سيفبشمهندس ماجد طالب يقابل حضرتك
انتفض سيف من مكانه خليه يدخل واتفضلى انتى
استغربت ديما من رد فعل سيف ولم تعلق
دخل ماجد الى مكتب سيف
ماجد سيف الجيار والله زمان
سيف ببرود اهلا ماجد اتفضل
برود سيف اكد لماجد ظنونه فعلم ان الفرصه اصبحت سانحه امامه
ماجد انا وافقت ادخل معاكم المشروع الجديد وعرفت انك معاك التفاصيل فممكن تدينى فكره عن المشروع
حدث سيف ماجد عن مشروع القريه الايطاليه تحمس ماجد جدا للمشروع وذلك لانه مشروع ضخم وفرصه لاى مهندس ليصنع اسما
ماجد حلو اوى انا كده بئه عندى فكره عن الموضوع ادينى الملف بتاعه ادرسه على مهلى
ظل سيف يبحث عن اوراق المشروع ولم يجدها فأضطر اسفا ان يطلب مساعدة ديما
دخلت ديما الى مكتب سيف
ديما افندم يابشمهندس
سيف من فضلك ديما انا عايز ملف القريه الايطاليه مش لاقيه
ديما هو هنا فى مكتبة الملفات ثوانى
كانت مكتبة الملفات عباره عن مكتبه صغيره موضوع على الار ض وضعت فيها الملفات بترتيب بالحروف الابجدى
لكى تحصل ديما على الملف فيجب عليها ان تميل بجزعها للاسفل مما يجعل تنورتها القصيره ترتفع اكثر
لم يفت سيف نظرات ماجد لديما منذ دخولها المكتبوما جعله يستشيط غضبا هو نظراته عندم مالت لتحصل على
هب سيف واقفا امام ماجد ليحجب عنه رؤيته لديما
سيف بغضب ماتخلصى ايه ساعه
ديما لأ خلاص لقيته
سيف طب هاتيه واتفضلى على مكتبك من فضلك
ديما اوك
خرجت ديما من المكتب وتوجه سيف الى ماجد ووضع امامه الملف
شم ماجد الملف وقال
ماجد البرفيوم بتاعها تحفه لزق فى الملف
سيف ماجد لانا ولا بابا بنحب الحاجات فى الشغل وانت عارف فياريت تلتزم بكده لو عايزه تشتغل معانه
ماجد وانا قلت حاجه ماتبقاش حمقى انا بعبر عن اعجابى بالبرفيوم مش بيها
سيف لا والله ع العموم انا حذرتك
ماجد ماشى ياسيدى انا ماشى
سيف هوصلك ياله
خرج سيف مع ماجد حتى لايعطيه فرصه للتحدث مع ديما ولكن ماجد حب ان يغيظه قليلا
ماجد فرصه سعيده يا انسه ديما
سيف قبل ان ترد ديما مدام ياحبيبى مدام
ماجد بعدم تصديق لا والله اوك مع السلامه مدام ديما
ديما مع السلامه
بعدما خرج ماجد من المكتب التفت سيف الى ديما وقال بغضب
سيف ممكن اعرف الى انتى عملتيه جوا ده
ديما بعدم فهم عملت ايه
سيف يعنى مش عارفه
عقدت ديما ذراعيها امام صدرها لأ مش عارفه ياريت تعرفنى انت
سيف ازاى تسمحى لنفسك توطى ادامه كده بجيبتك القصيره دى ايه مش واخده بالك هو بيبصلك ازاى من اول ما دخلتى ولا واخده
متابعة القراءة
