رواية سواد القلوب (الفصل الحادي عشر 11 : الفصل السابع عشر 17) بقلم ام سامان
um_saman
البارت_الحادي_عشر
سواد_القلوب
براء
الايام تفوت وبابا وبعد يقنعوني اوافق يكولون ماتلاكين أحسن من مروان
_ واذا أدهم اتدخل وخرب بيتي منو الراح يخسر بالنهاية آني
حجه بابا
_ انخطبو وكتها راح تعرفين اطباعه يشبه اخوج يسمع لبرا لو قراراته منه اهله اصدقائه يأثرون عليه لولا براء انتي ذكية بابا عمرج حيصير 27ماتردين تكونين عائلة واطفال
_ ماادري بابا و الله حيل متخوفة مااحس راح اكمل حياتي ويه شخص إله علاقة بادهم
_ أدهم أدهم . .بابا خلاص انسي السواه بيج
باوعت الفهد هو هم حاير اكثر مني
كضيت اسبوعين افكر. قررت أطول فترة الخطوبة ومنها اعرفه واعرف طبعه واذا ماعجبني افسخ
بابا خابر ابوه وانطاهم الموافقة ثاني يوم اجو وتفقنا عالمهر والمقدم والمؤخر وكل شي كالو كرايبنا هوايه حنسوي الخطوبة بقاعة
الاسبوع كله كضيتها ويه فرح اشتريت فستان واجرت فستان منفوش اختاريت لون وردي منفوش نفس باربي وربع ردن وبيها حزام قصة كرستال والصدر نفس الشي
واجرنا صالون والذهب قبل الحفلة بيوم أجا مروان وطلعنا اخذت ماما وهو جان وحدها
اخذت ذهب نازكات
باوعلي قبل لايروح
_ ان شاء الله ماعندج نواقص
ابتسمت له
_ لاتسلم ماقصرت
_ حالي ومالي الج يابراء
خجلت باوعتله
_ مروان
_ روحه
اخذت نفس
_ باوع آني بعدني مااعرفك ومتخوفة من هالخطوبة بس لان صديق أدهم يمكن أنت ماتعرف أدهم شسوه بيه ادهم غدرني خلتني اوقع على اوراق تنازل بحصة ابويية من بيت جدي هيج شخص برايك يتأمنله او تثق بشخص مصادقة
_ ادري بالسواه ادهم وهوايه نصحته ماسمع مني وجان راح ينقطع صداقتنا لان اخذت صفج قبل لااشوفج حتى صدكيني ادهم من يوم التزوج حيل تغير وماادري ليش هيج متغير وورا خطف ابنه انتهى بايدي صدكيني ايام وليالي جان ينوح وهاي راح يصير اكثر منسنين لا يعرف كتلوه عايش
_ صدك جم مرة سمعت عن هالسالفة شكد جان عمرابنه من انخطف
_ خطية جان عمره 5سنوات
_ دمعت يعني هسه عمره 14اذا عايش
_ ان شاء الله عايش أدهم عايش على هالامل
رجع فهد واجانا وكفت
_ عفته ويه مروان مروان اترخص وراح
رحت سبحت ونمت افكر معقولة كل هالتغيير لان ابنه مختفي بس آني شنو جان ذنبي أدهم حيل غامض يعني قبلها جان مقاطع امه والكل جان متأكد مستحيل يتصالحون خالف توقعهم ورجع علاقته بامه. .ولافوكاها اتزوج وحدة ميحبها على حد كلام رنا جان يحبها وبعدين انخطف ابنه أكو سالفة جبيرة كعدت الصبح ركض بركض طلعنا بابا اصر ماما تروح ويانه الصابون وبالذات من درى عمامي كلهم راح يجون كال متأكد راح تحب ام أدهم هم حتجي حتى تموت بقهرها و الله عليه سوالف بابا
ماما لبست قاط تنورة وجاكيت أنيق واكسسوارات نازكه
وآني أول شي لبست الفستان الاجرته
طبعا احنا قبل يومين عقدنا سيد بوجود اهله واهلي وعمو هادي وعبدالله وعبدالرحمن
بابا راح يسلمني لمروان
شعري جنت مسويه تسريحة بسيطة بس رافعتها وملفوف من جوه وتاج من فصوص الكرستال يعني اني انغرمت بنفسي
مااكول جمالي خارق بس كل شخص عنده ثقه بروحه راح تشوف روحها ملكة جمال والصالون والمكياج هوايه غيرو من شكلي
لازمه أيد بابا العيونه مدمعه أنطا ايدي لمروان وكأل
_ راح أسلمك جوهرتي النادرة دير بالك عليها وخليها ببطن عينك
_ هي مو بس بعيوني بكلبي وروحي هم عمي لاتشيل هم
اخذ ايدي وركصنا سلو على اغنية هو كلبها وصار يغنيها واحنا نركص
وااه على قلب هواه محكم
آه على قلب هواه محكم
فاض الجوى منه فظلما يكتم
ويحيى أنا بحت لها بسره
أشكو لها قلبا بنارها مغرم
ولمحت من عينيها نارى وحرقتى
قالت على قلبى هواها محرم
كانت حياتى فلما بانت بنأيها
صارت الردى آه على أرحم
كل القصايد من حلا عينيكي من دفا ايديكي كتبتن وقلتن
هودي القصايد مش حكي يا روحي هو بكي القصايد هو لكي كلن
هودي الاغاني غرامي سنين هودي دموع ونغم وحنين
هودي ايامي معك قلبي اللي بيوجعك
انا لو لا الهوى انا مين
كل القصايد من حلا عينيكي من دفى يديكي كتبتن وقلتن
همسلي
_ جنت أحلم بهاللحظة صار اكثر من سنتين ابتسمت إله كملنا ورحنا نكعد جر ايدي تصرفاته حيل جريئة وآني اموت من المستحى انداريت واشوفه كاعد وصافن بيه وسرى بصفه تباوعله بحب غمضت عيوني ورجعت اباوع للحضور حتى بيبي الماتروح قاعات تحت لخاطري همست لمروان
_ خلي نروح نسلم على عمامي
_ أكيد كلبي
رحنا عمو هادي بقوة وعيونه مدمعه
_ ماشفتج وانتي تكبرين كدام عيونه بس الحمدلله كدرت أحضر اختيارج لشريك حياتج
_ الله يحفظك النا عمو
حضنت بيبي نزلت دموعها
_ ياريت ضياء موجود ويشوف اميرته راح تتزوج
سلمت عالكل ورجعنا كعدنا اصدقائه كوموه ركصو اشوف السعادة مبينه ببعيونه دعيت ربي ماانخذل منه هم
خطوبتنا استمرت 6شهور بهالشهور ماشفت منه غير كل خير والحب بس للأسف مااكدر اقدمله نفس المشاعر قبل زواجي باسبوعين كعدنا على فاجعة وفاة سرى
رحنا للعزه ماشفت امها استغربت رحت لرنا كاعده ومخليه ايديها على راسها
_ البقاء لله رنا الله يرحمها ويصبركم
رفعت راسها العيون حمر دم.
_ الله لايرحمها ان شاء الله نارجهنم يحركها.
استغربت كلامها التفتت خاف سمعها احد شفت ماكو احد
رنا
راح يصير 3سنوات مرت وأنا حياتي جحيم رضوان متغير حيل لو مااعرف ويه شاهين جان كلت وياريت ياريت لو خايني ولاالصار بينا ايامي وليالي مرت يطلع كل غضبه بيه مااحجي لان من كسرني أدهم هو الاجا وقنعني نتزوج ويدري كلبي يم غيره بصبره وحبه الي خلتني احبه وانسى أدهم. ومن أكوله شبيك يكولي عدنا طلبيات هوايه واتعب واعصابي تعبانة عذرته لان شغله متعب رضوان عنده محل حداده
قبل اسبوع زيارات شاهين كثرت
قبل ليلة من موت سرى اجا رضوان ولزم ايدي
_ تردين تعرفين الصاير يارنا
هزيت براسي اي
_ الصار يابنت عمي اختي فاتت بطريق شيطاني بس حتى تحصل شاهين تعرفين سرى جان خطيبة صاحب شاهين الاستشهد
_ للأسف اختي البلا شرف جانت مسلمه روحها لخطيبها تعبت بيوم. ومن وديناها عرفنا حامل اسودت الدنيا بوجهي أنا وابوي ليش وشلون ويمتى مامصدكيين وديناها للبيت موتتها كتل شاهين وابوج طلعوها من بين ايديه وابوج وكتها جبر شاهين يعقد عليها والطفل يحسبه ابنه بس في سبيل ماننفضح
يحجي وانا ممصدكة يعني شاهين اضطر. يشيل غلط غيره
_ كمل رضوان اسمعك
_ الحمدلله الحمل ماكمل ونزل ارتاحيت حيل بس الصار بمرور الوكت احنا جنا متفرقين ويه شاهين جم سنة ويطلكها وهو كال لا من الاكي الحب وكتها ننفصل واحنا وافقنا لان حقه من شاهين حب براء وسرى عرفت هاهيه راح تتطلك .جابت حبوب هلوسه حتى شاهين يتمم زواجهم وماكتفت بهيج راحت سوتله سحر وتعرفين شنو المقابل السحر بلعت ريكي وهزيت براسي لا المقابل هالسحار يحبها
هزيت براسي لاا يعني
_ اي اي مو ابن شاهين وياريت لو بقت على هاي تعرفين شلون شاهين رجعها وكسر كلب براء هددته
_ بشنو
_ بفديو يخصنا أنا وياج وبغرفة نومنا كمت لحيلي مامصدكة مخليه رأسي بين اديه احس رأسي حينفجر شاهين راد يذبحها كالتله عادي ميهمني بس تلمس شعره مني الفديو ينشر شاهين اضطر يسكت وينفذ التريده أول شي يرجعها وثاني شي يكسر كلب براء وهو وافق لان مابيده حيله
_ لا لا مستحيل هاي شيطاااانةة يعني مصورتنا والفديو يم شخص غريب
_ لا طمني الفديو مو عد شخص غريب
_ باوعتله ومنتظره يكمل كلامه
_ الشخص الثاني جانت امي
بلعت ريكي ودمعي على خدودي يجري
_ مو كتلج كاعدين بين وحوش
_وهددت شاهين إذا يطلع عالكلام من بينهم بدون تردد ينشر الفديو سنتين ونص واحنا نراقبها ونراقب موبايلها لحد ماعرفنا الشخص الثاني جانت امي
_ معقولة كل هاي بس حتى ترجع لشاهين زين وهسه شراح يصير
_ باجر سرى راح تموت وابنها راح نلاكيله حل
_ مافهمت شنو يعني راح تموت
_ باجر راح اكتلها واسلم روحي
_ شدتحجي رضوان
_ جا اعوفها بعد كل الصار
_ وتضيع روحك وتضيعنا وراح تفضحون نفسكم خله اصبعه على حلكي
_ اششش ماكو شي يخليني اتراجع لو أعرف بيها اعدااام طلع
اخذ موبايلي وطلع لااخابرها
قفل الباب وأنا ادم والطم اطفالي اجو على صوتي
_ ماما شكووو
_ ولكم رااح ابوكم راح الله لايسامحج ياسرى عساج محتركة على هالعملة ياشيطانة
الليل مانمته ورضوان مارجع انفتح الباب الصبح
_ فات رضوان ضهره منحني رحتله بسرعة وأنا اشهك
_ لاتكولللي سويتها رضوان
_ للأسف مو انا الكتلتها عبالي شاهين
_لاتكول شاهين
_ لا الكلبة حركت روحها هي وابن الحرام
_ شتقصد شلوون
_ بالليل لزمتها جانت عد اهلي حجيت لابويه اللزم امي موتها كتل وطلكها وذبه لاخوها وآني كل ساعة أروح وابرد روحي بيها وصلت للموبايلات واتاكدت ماكو غيرها من فديوات كتلها منتظر شاهين يجي يريد كلبه بيج وادزج لنار جهنم أثناء ماخابرت شاهين واحجيله خلاص لكيت الموبايلات سمعت صياحها ركضت جوه قافلة على روحها وحاركه روحها هي والطفل
_ حسبي الله ونعم الوكيل يعني عاشت بذنب وماتت بذنب أكبر
_ زين والسحار ماكو مختفي كانو الارض انشكت وبلعته بس وين يروح من ايدي
_ خله رأسه على جتفي شسوي رنا راح اتخبل و الله ماجانت هيج انتي تعرفيها جانت حيل فطيرة ليش هيج تغيرت
_ حجيت بحقد ماكو غيرها الحولتها لنفس حقدها
_ باوعلي بحيرة منو
_هدية
_ فتح عيونه مصدوم قصدج ام أدهم اي قبل رجعتها لشاهين وبعدها حانت يوميه هدية تحب لاهلك وتفوت هي وسرى وامك زرتها يطلعون سوه أكيد هي علمتهن على هالدرب وبالذات بس حتى تكسر ببراء
خله رأسه بين لديه
_ ماعدنا دليل يثبت هالكلام اهم شي هالحجي ماتحجينه لاحد رنااا مااريد احد يعرف
_ أنا مراح احجي بس صدكني مايضل شي مضموم للأبد
_ كعدت على كلام براء
_ ليش هيج تحجين
_ جا وحدة تحرك طفل وياها تستاهل ندعيلها بالرحمة
_
_ مااعرف باوعتلها اخخ يابراء بعد السوو بيج وبعدج تفكرين وطلعيلها اعذار
_ العالم كلها اسال وين امها امي كالت من الصدمة بالمستشفى نايمة .
خلصت ايام العزه بس الحزن الي بداخلنا آني وشاهين ورضوان وعمو فلاح أكبر من انو يتنسى لابينا نحجي لاحد وصدرنا متنك من هالقهر الشفنا والسمعنا . رضوان حرك الموبايلين دوم صافن حقه اخته التربو سووه تجي تصوره ويه زوجته وتهدد بنشره منو يتحمل هالقهر والمصيبة شاهين مختفي سئلت رضوان كال يكول مااكدر ارجع هسه الظاهر النار مراح تنطفي بداخله
_ براء مروان اصر نسوي العرس بوقته رفضت باجر يدكولي طبل
اجلتها لبعد شهرين وبدون حفلة عيب لخاطر عمامي
تزوجنا بدون حفلة فقط زفة من بيت اهلي لبيتي بيتي بعد فرعين من بيت عمامي وبين عيالي قريب منا وعيال رؤى هم بفرعنا بس لاحظت عمتي ماتحبهم أبد تكول من جماعة القيل والقال .وعمتي ماتحب النميمة ابد وآني نفس طبعها
الحمدلله كسبت محبتهم طبعا مروان عنده اخوان أكبر منه متزوجين وكلمن ببيته بس معدهم بنات بس يشهد الله عمه حاسبتنا بناتها كل اسبوع اطلعنا احنا النسوان وحدنا نفتر ونروح مطعم حتى مرت حمويني نفس ذبتي معدهم تكبر وغرور وماعدهم النميمة حتى من نكعد كل سالفهم على أطفالهم ومدارسهم وطلعات وطبات توالمت ويه اطباعهم .
بس الناغص عليه جيات رؤى بين يوم ويوم لبيت عيالي خاصة من تدري آني هناك وآني محاجيتلهم عن علاقتي بيهم .واحنا مقاطعين
غلست عليها صارت كل ساع تغرد وتعلق
_ها هالشهر هم ماكو لحد مامرة عمتي بزعت وكالت
_ شبيج يمه تدخلين اكثر ممااحنا ندخل واذا عالخلفة بيد الله قابل بيد البشر
عاد سكتت بس صارت تجيب عمتها وحماتها مر على زواجي 6شهور مااكول مو حلوة بس ناقصني اثق بي اتخيل بكل لحظة ممكن
بيوم رحت لعمتي آني اقرب وحدة الها البقية بغير منطقة لان مروان اصغر اخوانه وحيل متعلق باهله فمشتري بيت قريب منهم
اندك الباب بقوة
_ راحت عمتي واسع صياحها
طلعت واشوف وحدة واكفة وملابسها حدث بلاحرج
_ وتصيح أريد مروان افندي وينه
_ وشتردين منه
_ فلوووسي
_ فلوس شنوو بالله
_ جان عاقد عليه متعة ومانطاني غير نص المبلغ .
فتحت عيوني مصدومة وعمة باوعتلي صدمتها ماتقل عني
_ لا لا براء مايسويها ابني أنا مربيته أحسن تربية
_____
يتبع
um_saman
سواد_القلوب
البارت_الثاني_عشر
براء
عمة مصدومة باوعتلها ورفعتلها حاجبي
وين اليثبت كلامج وين العقد
ويه كلامي فات هو ويلهث عبالك جان يدري بوجودها جتفت ايدي واباوعله باستهزاء عمه تقدمت ولزمته من ياخته وتعت بي
_ كووول جذابة . كول تربيتنا الك ماضاعت كوول احجي
_ جذااابه يمه
_ لا لا ياحضرة النقيب عيب على مركزك وشخصيتك تجذب هالجذبة
_ انجبييي يالك لو ماجنتي تركضين وراي وأنا الجنت ارفضج
ضحكت ضحكة خليعة
_ ماانكر مرتين أنا الركضت وراك بس بالثالثة وافقت وكضينا أحلى ايام
_ جذذابة اجاني لزم ايدي براء لاتصدكيها إذا تتذكرين أنا كتلج جان عندي علاقات بس علاقات مستحيل أعقد على بنات بهالرخص
_ هههااااي هسه صرت رخيصة يامروان من جنت تناااام هناك وتكول راححتتي هنا ماجنت رخيصة. باوعتلي وكملت كلامها بس الشهادة لله من يوم الخطبتو أجا اخذ العقود ونهى كل شي استغربت شون واحد يكدر يبطل وهو متعود على هيج نوع علاقات تالي عرفت انتي اخت النقيب ادهم الي جان يشهد على زواجاته المتعة دمعت
_ حتى بهاي أنت موجود ياادهم اااهه.
باوعتلي ببرود
_ لم زبايلك واطلللع
_ براء شتحجين
حجت عمة
_ حجت الاانا ردت احجيك اخذ زبالتك وووووولي
_يييمممه حجه باعتراض قاطعته عمه
_ كتتلللللك ولللللي مااريد اشوف خلفتك من دون اخوانك خذلتني وأنا الجاان روحي بيككك.
اجاني الي
_ براااء جذابة
_ لامو جذابة شوفي بالصور طلعت موبايلها صوره وهو نايم بدون قميص وهي بملابس يخزززي وهي شويه سمينه وضخمة لعب نفسي وردت اتقيء ركضت للحمام البرا وعمة تطرد بيهم اجتني ركض
_ يمه برراء تمسح على ظهري
_ تقيئت وآني أصلا جنت ماخذه برد وتعبانة باوعتلها بتعب عمه كولي ميسويها
حسيت جسمي خاوي
_ بعد ساعة طب عمو وشاف وضعنا عمة حجتله وهي تبجي ضاعت تربيتنا بي يبو هاشم
عمو عصب حيل وخابره
_ هسه تجي عوف البايدك وتعاال ياناقصص
سد الخط اجا كعد يمي يمسد على رأسي
_ عذريني بوية
_ لا السموحة منك عمو أنتو شنو ذنبكم
_ والله ماجنا نظري عنده هالسوالف ولا جان فصمت ظهره
فات بعد نص ساعة عمو اقرب وضربه راشدي
_ بووويه صدكني
_ جببببب ولك ياناقصص متعةةة
_ بوية صدكني أنا كلت لبراء عندي علاقات بس ماتوصل للزواج والصورررر
نزل رأسه غلطة بوية قبل لااخطب براء حجيت باستهزاء
_ والسنين الحفيت وراي وأنت على أساس تحبني كله جذذب جان
_ لا لابراء والله أحبج اكثر من روحي الصور ماجذب واكول مو حقيقية
_ اثبتلي
_ وراح تصدكيني
_ اي ووعد مااحجي بهالموضوع اببدد
_ خوش راح اثبتلكم
طلع وآني كعدت تعبانة عمه جبرتني آكل أكلت بس حتى تفك مني والا أنا ابدماطايقة اللكمة
بتت يمهم مااكول حبيت مروان بس من يوم خطوبتنا وهو يفضل راحتي حتى على روحه إذا تمرضت عبالك هو المريض يداريني وحتى ميعوفني جان بداخلي مامصدكة يسوي هيج شغلات مروان انسان من يجذب بلين عليه او من يضم شغلة يبين التوتر والارتباك بوجهه بس اليوم جان خايف بس خوفه لااعوفه أتذكر بكل لحظة يكولي خسارتج بس اليخوفني
ثاني يوم اجت وياه كعدت رجل على رجل وعمو اعصابه فارت ويخزر لمروان المنزل رأسه وخجلان من الموقف
_ البارحة جذبت أنا مروان احبه وجان بياتنا طبات وطلعات بس من عافني وراح تزوج انقهرت وردت أخرب عليه وجذبت
_ والصورة
_ الصورة مرة جان مريض وأنا اصريت يفوت وياي واسويله كهوة من فات قصدا وكعت الكهوه عليه وخليته ينزع القميص واغسله ياه لبين ماغسلتله رجعت جان نايم فخطرلي اصوره خاف بيوم احتاج هالصور
باوعتلي يباوعلي برجاء اصدك
_ وليش هسه اجيتي واعترفتي
_ أنا هدفي الأساس الموني وهو أنطاني وأنا اجيت احجي الحقيقة
_ مروان طلع هالزبالة ورجعها لمستنقعها عوجت حلكها على حجي عمو وطلعو باوعلي عمو
_ ها بابا صدكتي
_والله مااعرف شكول عموو الايام تثبت الصادق الجذاب
_ طلعنا على أساس نرجع اشرلي تعاي صعدي
_ شعجب جايب السيارة بيتنا قريب شبيك
_ أجا على بالي نطلع ونسهر
رفعتله حاجبي قصده عود ينسيني
_ صعدنا ولزم ايدي وشغل نفس الأغنية مال مروان خوري ويردد وياها ويباوعلي وآني ملامحي بارده هي التبريرات جزء احتمال بيها منطقية بس بداخلي انولد الشك وآني سبحان من اشك بشخص اضل وراه حتى لو ادري أخرب حياتي بيدي مااحب الاستغفال وصارت بيه بسالفة أدهم ماريد يتكرر من اطلع المكان وياشرولي هاي الغبية الرجلها يدور نسوان عليها لازم ارااقبه واطمن
_باوعلي وغنى
ولمحت من عينيها ناري وحرقتي قالت وعلى قلبي هواه محرم
باوعتلي ببرود وعوجت حلكي باس ايدي
_ من يوم الحبيتج حتى حجيي ماحاجي وياهن فرديها ياحبيبة ئلبي
ابتسمت
_ فديت الضحكة وصاحبتها أكول ملكتي هو من يوم زواجنا مدلعني بهاللقب
_ اممم
_ شحسيتي من جابت اسم أدهم
حجيت ببرود
_ عادي مااشك لان سبق وغدرني مو شي جديد ويصدمني
_ ملكتي ليش ماتحاولين تصلحين علاقتج بي مهما كان هو اخوج الجبير
طكيتها بضحكه
_ صدك ضحكتني مروان اخ منو وياجبير الجبير اليلمنا مو يغدر ويبوك حقنا ورجاءا لاتعيدلي هالحجي ماعندي مانع بوجوده وياك بس لاتحجيلي عنننه لو سمحت
_ تمام براحتج دك موبايلي شفته فهد
_ هلاحبيبي حسيت بكرصة بايدي خزرته وهو يخزرني مايقبل أكول لاحد حبيبي
_ الحمدلله أنت شونك فروحه عاد هاي ايامنها وتجيبلنا أحلى ولد ان شاء الله يكون مثلك ومثل اخلاقك ياعمري وأنا الاشوق ان شاء الله قبل ولادتها اجيلكم تمام بايات حبيبي سديت الخط باوعتله كالب الخلقة
_ شبي ابو المرامر كلب خلقته
_ يعني و الله عيب عليج تعرفين اضوج من شغله وتسويها بالعناد كرصته من خده فدووة للغيور بس سبق وكتلك اخوااني واختي روحي من الدنيا وراح يضل الأولوية لاهلي يعني هسه لو الاختيار بيني وبين اهلك منو تختار
_ ماجاوب
_ شو سكتت
_ يمكن ماتصدكين بس اكثر شي أخاف منها هو فراكج
_ ابتسمت إله معناها لاتلعب بذيلك ابو المرامر
_ جر رأسي حيللل أحبج براء بحياتي ماتخيلت ممكن بيوم أحب لهالدرجة طريقة حبي الج يخوفني
_ ليش
_ لان يضعفني هالحب تصدكين من اشوف دمعة بعيونج احسهاا تيزاب وينرش على كلبي براء يمكن انتي ماتحبيني ربع هالحب بس صدكي لو بعز تعبي وقهري إذا مرني طيفج اتنشط واحس روحي طاير لان انتي ملكي وعلى اسمي
_ مااعرف شحجي مروان صدكني كدام هيج كلام انثول ومااعرف شجاوب
_ لاتحجين شي بس ضلي يمي وب وباوعيلي بهالعيون بعد مااريد شي
______________
فرح
خلال السنتين الفاتت بابا رجع بدون مايبلغ احد
خابر فهد كاله أريد عنوانك دادزلك شي دزله فهد وهو موفاهم شي
بالليل اندك الباب فهد طلع مااحس غير صوت صياح صارلي سنين منتظره صاحب والصوت رجفو رجليه طلعت آخر وحده واشوفه الرجال الي جان بعز وعبه وضيمه يرجع من شغل العمالة ويجي يلاعبني ويدرسني
واشوف طيبته واحتوائه لامي ماكال بيوم أنا تعبان ومايهتم النا دوم جان بفضل راحتنا على راحته
_ رجفت وصحتله بويييه
اندار ووكف بعد ماجان يدفع بفهد ويتعارك وياه
_ فتحلي ايديه تعاي ياااروح ابوج ابوج تعاي يااول فرحتي تعاي لحضن ابوج ياوحيدتي وحيدة جمعة ومدللته ركضت لحضنه وآني انحب
_ ماااضليت مدلله بخلافك يابويه. . انذليت وانهانت مدللتك يابويه. دمرو احلام وحيدتك ياابوي
خلوني حتى الك أكرهك عااضيم الشفته
وخرني وباوع لفهد بحقد
_ اعذريني يبعد ابوج ضنيته ادمي ودزيته يطمني عليج
باوعتله باستفسار
_ شقصدك يبووويه
_ باوعلي بدموع حجولي خالج وامج شلون هالغدار اخذج منهم بلا زفه ولافرحة ومهددهم ينهبج إذا يرفضون أمج كالت حتى ميخليج تحاجيهم. هزيت براسي لااا وهو باوع الفهد وكمل
_ يلا بويه تعاي خلي نروح يجرجر بيه جريت
