رواية سواد القلوب (الفصل الحادي عشر 11 : الفصل السابع عشر 17) بقلم ام سامان
المحتويات
باسم ابوك وافتخر بيك لان ماناسي ابوك وأنا مستحيل أغار بالعكس فرحان لان راح يرجع اسم صاحبي ينذكر ببيتي فهد باس رأسه
_ أنت مو جنت عوض بس لامي جنت العوض الي ولبراء حبيتنا اكثر حتى من أطفالك الي من صلبك لوشمانسوي مانجازيك
_ انجب لك أنتو اولادي أنت بكري وصديقي
حضنه وآنا مدمعة وابويه هم مدمع ماما ليالي لكتله مرية أرملة وعدها ولد عمره 5سنوات كعدو واقتنعو ببعض وان شاء الله الشهر الجاي يأخذها حتى يجهز البيت
بيوم كعدنا فهد وهو حاير شيحجي خوفنا حالته
_ حجه براء راح تنفصل عن مروان شهكت ماما وبابا استغرب لان كلنا نعرف مروان شكد يحب براء ويبوس الكاع التمشي عليه
_ ليش بويه صاير بينهم شي
_ متزوج عليها
شهكنا كلنا مامصدكين وحجالنا كل شي ماما نهارت عليها ورادت تروحلها بالكوه فهد قنعهم وياريت لو رايحين لا اختفو مروان وبراء ولاكأن جان الهم وجود عرفنا مروان خطفها
ووالولد وبابا راح يتخبلون وعيالها نفس الحال وفهد تهجم على أدهم وهو يخاف مايعرف وينه
يتبع
البارت_الرابع_عشر
um_saman
سواد_القلوب
براء
ماادري يمتى كعدت احس براسي حيل ثكيييل فتحت عيوني واشوفه كاعد بالكاع ومنتجي بظهره عالحايط
كمت لحيلي بتهجم
_ وييين جبتني رجعني لاهلي مستحيل ارجعلك مروان ردت اوكع دايخة بالكوة وكفت حجه وهو بعده يباوع عالسكف
_ انني محبيتيني براء مووو
سكتت وآني استمعله
_ لو حبيتيني ماجان لعبتي هاللعبة عليه
ضحكت بقهر
_ وبعدك الك عييين وتحجي فوك سوايتك
قاطعني
_ ماتقربت منها
باوعتله وآني ممصدكه تذكرت من راحلها وباسته من طلع
_ لاتجذب بعيوني شفتك تبوسها
_ هي جانت تتقرب مني وماانكر جانت تبوسني هم بس طول هالوكت مابادلتها ولاانطيتها جزء صغير. من مشاعري
_ وبهيج يعني أنت بريء وماخنتني
_ لا أنا صدك خاين وغدار همم بس يشهد ربي من قررت أتزوج مو بس لخاطري ماانكر ردت طفل بس الله شاهد جنت مقهور عليج اكثر واتفقت وياها أول طفل الج وماتطالب بي بيوم ويكون باسمج لو ممجذبة مجان وصلنا لهنا
_ تتذكر شكتلي من كتلك تتخلى عن ابوتك لخاطري كتلي أتخلى عن الدنيا لخاطرج ولم ماصبرت حتى سنة وركضت لحضن أول وحدة حتى تخلفلك لو مامسويه هيج جنت راح اضل اشك أنت جنت راح تختارني لو تختار الأطفال وماخاب ضني من جنت أشوفك غدار مثل أدهم
وكف وتقدم ولزم ايديه
_ براء خلي ننسى ونرجع مثل قبل
ضحكت بقهر
_ وليش حتى أتخلى عن امومتي آني هم أريد نطلك واروح أتزوج ويصير عندي أطفال
نزلت دموعه
_ وربي ومااعبده ماكدرت اتقربلها كلما أريد تجي عيونج كدامي واعوفها حارت شتلبس وشتسوي وآنا ماببالي غيرج انتي وبس اعتبريني غبي وغلطت هالغلطة واذا عالاطفال راح اتعالج رجعيلي سنة وحدة إذا ماتعالجت وداعت ربي وداعت عيونج اطلكج بنفسي أنا مو اناني لدرجة احرمج من الاطفال بس سنة براء مو كتيلي عشتي وياي أحلى سنة لخاطر هالسنة بس انطيني هالفرصة
_ دموعه وكلامه كسر كلبي عليه ادري غلطان وملازم اسامحه وماردت اعوفه هسه وبعدين اتندم
_ تمام بس عندي شروط
_ موافق
حجيت وآني رافعة حاجبي
_ ماترجع سوسن ابددد
_ مستحيل إذا وجودها يخسرني الج اذبها بالزبالة
_تكطع علاقتك بادهم نهائي
بهت وسكت
_ واذا بيوم عرفت متصالح وياه اعوفك وطلكني بهدوء
_ واخر شي تحجيلي سالفة زواجك من البداية
_ مستعد وموافق لكل شروطج بس ادهم لا براء ادهم ماله صاحب غيري
حتفت وحجيت ببرود
_ وأنا كتلك شروطي وأنت الك الحق تقبل او ترفض
اخذ نفس مدمع
_ تمام موافق
كعد وجرني بالكوه وكعت بحضنه عالسرير
ثاني يوم من دريت مراح تكونين ام أبد ماتحملت ردت احجي قهري عليج لشخص وملكيت غير صاحب روحي
_ شبيك مروان صاير بينكم شي
_ اوووف أدهم راح اموت قهر على براء
حجه ومبين مهتم
_ ليش شبيها براء
_ الدكتورة كايلتلها مستحيل تكونين ام لو تشوف كسرتها ياادهم
اخذ نفس
_ هاي قسمتها وقدرها
بعد اسبوع خابرني أدهم
_ رحلته وكعدت وفاتت امه وحجت يمه سمعت بذاك اليوم الصار وحيل انقهرت عليك شنو ذنبك تضل بلا خلفة لو تسمع مني أنت مو صغير يمه بكد أدهم شوف أدهم لو ابنه عايش جان هسه عمره 14سنة برايي تزوج وهي مستحيل تتطلك لان منو يقبل بمره ناقصه
انتفضت.
_ مرتيند مو ناقصه كاملة والكمال لله ياام أدهم مااقبل كلمة تحجون عنها بوجودها او بغيابها
_ لا يمه قصدي لان عاكر اكعد يمه انا يفهمني مصلحتك تزوج وخليها كدام امر الواقع وكللها جهالي همه جهالج وأكيد راح تقبل وأنا عندي العروسه التقبل
_ منو التقبل تتزوج بالسر
_ سوسن حماة بنتي رؤى هي من زمان تحبك
_بس أنا خالفت توقعهم من اشترطت أول طفل الج وباسمج ومااعقد محكمة لحد ماتحبل وتنطيج الطفل وافقو واستغربت باسل وافق العرفته بعدين أدهم المقنعه من حاجيت أدهم
_ شلون تقبل بكسرت اختك
_ بالعكس أنا أحافظ على بيتها مااريد تنكسر وتتطلك
ماادري شلون قبلت بكلامهم بس كل الردته يكون عندج طفل وماتضلين محرومة من كلمة ماما
_ نزلت دموعي مامصدكه أدهم مقنعة ومقنع نسيبه ليمتى اضل صابره على
باوعتله
_ مااكدر اسامحك مروان كسرتني يم ناس أنت تعرف يتمنولي الشر والدمار
_ كلامج صح حتى مستحي اطلب تسامحيني بس وعدتج سنة وحدة ياملكتي حتى لو ماكملنا ورا السنة بس أريد هواية ذكريات بينا تخليني أعيش ورا انفصالنا
بقينا اسبوع عرفت جايبني لبغداد وبحكم رتبته محد موكفه
اخذني لكل الاماكن وقافل الموبايل موبايلي ماكو شكد ردت اقنعه بس اطمن اهلي ماقبل
رجعنا من وعدته انطيه هالسنة وماعوفه شمااصار أول ماوصلنا ماحسينا غير بصوت وكفة سيارة ويندك الباب حيل فتح مروان انضرب بوكس فات فهد ركض
_ يعمري سوالج شي
كام مروان وتقرب راد فهد يرد يضربه لزمت ايده باوعلي مامصدك كلت لمروان
_ عوفني ويه اخويه آني اتفاهم وياه
عافنا .
_ ياتفاهم براء ردنا نموت فص ملح وختفيتو
_ تعال حبيبي نكعد بالحديقة ونحجي
_ حجيتله كل شي
باوعلي بعتب
_ وشجابرج عالمر
_ أنت تثق بيه
_ اكثر من نفسي
_ معناها الك الصافي بس أنت قنع اهلي يقبلون اضل اخذت نفس باوعت للسما
_ مااريد أكون غداره مثل أدهم
_ باوعلي بحيرة
_ آني أكبر جذابه فهد جنت أعرف ومتاكدة راح يسوي هالشي إذا مو لخاطره لخاطري
جنت انانية رغم أعرف يحبني حتى اكثر من اهله جذبت هالجذبة يمكن حتى اذب اللوم عليه هو ومحد يجيب طاريي ردت اعوفه ومالكيت غير هالطريقة
_ لييش
_ لان خايفة خايفة اتعلق بي واحبه وأدهم واهله يكسرون كلبي ردت انخذل هسه قبل لااتعلق بي واعشقه
_ يعني حبيتيه
_ يمكن بس كل الأكدر اكوله مااتخيل حياتي بدون مروان مروان الماشفت منه غير الحب والاهتمام ويدور سعادتي ورضاي أريد انطيه هالفرصة مااريد اتندم بعدين لان عفته
خابر امي
_ هايمه عرفت خبررعنها
دمعت وحجيت
_ ماما
بجت
_ ياروحي اذاج سوالج شي
_ لا لا ماما آني بخير اخذت نفس وكملت وسامحته ماما
_ سكتت وحجت بعدين شلون ماما ليش
_انا السبب ماما جذبت جذبة ودمرت حياتي وطلع هو مامتقرب منها وطلكها أريد انطيه سنة وحدة وعدني إذا خلال هالسنة ماصار عدنا أطفال هو اليطلكني
_ هيج راح تتعلقين بي اكثر
_ وهذا الاريده ماما أريد اكمل حياتي وراه أريد اسامحه واعيش وياه كل العمر
_ جا ليش جذبتي يبعد أمج
دمعت وكملت
_ غبية لان
باس فهد رأسي وطلع ضليت بمكاني
كعد بصفي ووجه لكدام
باوعتله العيون حمر عرفت سمع كلامي لان مكان الكعدة قريب من شباك غرفة الضيوف
رجعت باوعت لكدام آني هم لزم ايدي
_ آسف لان خذلتج آسف لان غدرتج آسف لان خنتج آسف لان بسببي نزلت دموعج
آسف لان كسرت كلبج اوعدج راح اعوضج بهالسنة
اندك الباب حيل راح مروان يفتح بعد مااستغفر وكأل
_ اليوم يوم الهجمات
_ سمعت صوتها كمت لحيلي وتقربت شفتها سوسن وامها سوسن واكعةعلى رجل مروان
باوعتلي حسيتها انصدمت بوجودي. .
تجتفت اباوعلهم ومتشمته اي حيل متشمته
_ مروان احلفك باغلى شي عندك. ردني واصيرلك خدامة بس جم شهر العالم تاكل بوجهي إذا درو اطلكت بعد اسبوع ردني للشقة ولاتجيني بس لخاطر كلام الناس من شافت سكوته اجت وكعت على رجليه
_ دخيلج ادري آني استاهل الصار دخيلج بس يردني جم شهر وراها خليطلكني بس يذبني بالشقة كل شي مااريد انتي بنية مثلي مايهون عليج بنية تنفصح وينحجي عليها بسببج
_مااعرف شكول وشحجي موقف صعب
تقربت امها
_ وألله يمه هاي اختج الشيطانة ظلت تقنع بينا حتى ماادري شلون كلنا قبلنا بزواج بالسربنيتي دخيلج و الله مانريد بس يردها جم شهر ويطلكها بكل الاحوال مابينهم عقد محكمة باوعت لمروان اليباوعلي ببرود عافنا وفات ماعرفت شنو قصده من عافنا
طلع وذب مفتاح الشقة عليها
_ بكل الاحوال ماكو بينه غير عقد سيد وأنا طلكتها ومامتقرب منها يعني مالها عده كعدي وياها انتي بهالجم شهر وراهاارجعو وكولو اطلكو مال اردها كطنة وشيلوها من اذانكم أنا نفس حالكم ادهم وامه قنعوني وأنا بوكتها جنت حاير بزماني وكدرو يقنعوني والا أنا مااخذ عليها لو اموت تبدل حالها ولاكانو الجانت هسه اتوسل
_ وأنا مراح اقبل اتنازل عنك يامروان وراح اجيبك الي راكع جرتهها امها من حجابها وهي تعتذر بعد مااخذت المفاتيح
حسيت بكلامها تريد تلتجئ للسحر باوعتله وحجيت
_ ماادري أنت تعرف هدية تشتغل بالسحر من زمن بابا فانصحك ماتشرب شي برا احتمال تلتجئ للسحر عن طريقها عرفت مروان قطع علاقته نهائي بادهم
بيوم اترخصت من مروان أروح لبيت عمي
فتت واسمع صوت رضوان وشاهين من غرفة شاهين
_ بعده ماراجع الكو
جاوبه رضوان
_ لااا وعايف امه المعوقه بس ماخذ زوجته وجهاله رحت اخذتلها مرة تساعدها وانطيتها موبايل إذا رجع باي وكت تبلغنا
_ ااخخخخ رضوان مامصدك السوته سرى
_ عود أنا المصدك غلطت مرة وسامحناها ترجع تغلط غلط أكبر زنا وسحر مامصدك هاي ترباتنا ياشاهين كله من هدية مااعرف شلون نلزم عليها دليل ونفضحها هي وكوا
_ زين المرة الدزيته لامه من نفس المنطقة ونكدر نامن بيها
_ اي من نفس منطقة بينهم فرعين وتعرفهم
طلعت ومامصدكة السمعته
_ اووف السحار
خابرت موبايل بيبي
_ من خلال كلامنا بالشقة كتلها شنو بيبي ماناوية ترجعيلنا لو اخوانج مسويلج سحر يم شسمه السحار الجان هنا
_ ضحكت قصدج سعدون الكو
_ اي رجعيلنا مشتاقيلج كملت واتفاجأت بعمو هادي
_ استغربت من رجعتي لمروان حجيتله كل الكلته الفهد
هز رأسه
_ عين العقل بابا ليش واكفة فوتي
جنت احجي ويه بيبي
دخلنا وطلعو رضوان وشاهين
_ شلونج بنت العم
ابتسمت هلا
_ رضوان شلونك رنا شلونها والجهال
_ بخير عيوني يلا من رخصتكم.
_ سلملي عليها
_ يوصل بنت العم
فات عمو يصيح زوجته
باوعلي بعتب
_شلون قبلتي ترجعيله
_ لان يستاهل فرصة ثانية من رخصتك وكفتنا هيج غلط
ساعة وطلعت للمنطقة الذكروه طبعا قبلها اشتريت نقاب وجبة سئلت عن بيته وحده جاوبتني ودلتني راحت وسمعتها من بين الكلام كالت
_ بنات بعمر الورد يخسرون اخرتهم بهيج شغلات
دكيت الباب فتحت المرة الحجه عنها رضوان
انطيتها تقريبا 200الف مقابل ماتحجين للمشغليج وحدة اجت تشوف امه
اخذتها ودخلتني
_ أريد احاجي ام سعدون دخلتني يمها مرة حيل ضعيفة وعلى عربانة تباوع للحيطان
باوعت للمرة
_ عمايل ابنها مخبلها
_ اشرتلها تعوفنا تقربت منها من شافتني بالعباية والنقاب رفعت ايدها وهي خائفة
_ مامسوية شي هدية و الله ماحاجيه لاحد
عكدت حواجبي افتهمت هدية جانت تجي هيج متخفية
تقربت منها وآني أكبر بصوتي
_ شحاااحججيه انتي
_ لاتضربيني و الله ماكلت لاحد عنها
_ عن منو
_ بنتج انتي وسعدون
فتحت عيوني مصدومة تقربت اكثر
_ بنتي شسمها احجي لااحركج
_ لا لا و الله جسمي يوجعني من ضربج انقهرت عليها حتى مرة جبيرة ماخلصت منج ياهدية جاوبتني بالصدمة الجبيرة
_ بنتج رؤى
_ شنوووو رؤى بنت منووو
اجاني صوت من ورايه
_ بنت هدية وسعدون انداريت شفتها المرة كملت كلامها
من يوم الجيت بس تحجي بهالموضوع
_ انتي تعرفيهم
هزيت براسي اي وآني ممصدكة عفتهم وطلعت بسرعة استوعبت ورجعت
_ الشغلة بيها موت لاتحجين للمشغليج هالكلام لان يخصهم وهمه عشايير انتي وعائلتج تنضرون هزت براسها اي وهي خايفة طلعت وآني مامصدكة السمعته رؤى بنت سعدون موبنت بابا يعني هي مو اختي شلون اثبت للكل إذا احجي محد راح يصدك وعبالهم انتقم منها عالسوته بيه
و الله وكعتي بين ايدي هدية كتلج خليتج براسي وياويلج مني رفعت رأسي للسما شكرا ربي لان ساعدتني وخليتني اكتشف هالسر الخطير
يتبع
um_saman
سواد_القلوب. 15__16
البارت_الخامس_عشر
براء
ماحسيت بالوقت الى من دك موبايلي جنت قريبة من بيتي جان تلفون من مروان
حاقدة عالكل وأريد بنار حقدي آحرك الكل
جاوبته
_ هلاا_ شونج ملكتي
وينج رجعت انتي ماكو
_ جاوبته ببرود جنت مخنوكة وطلعت افتر شنو ممنوع
_ شبيج كلبي بس خفت عليج لان الساعة ب
_ تمام جايه
رجعت واني أريد انتقم من الكل
رجعت صفيت سيارتي
بالكراج الباب مال الكراج مفتوح استغربت سديتها وصلت لباب المطبخ فتحت الباب بعد مادكيتها جم مرة ومروان مافتحها فتحتها بمفاتيحي دخلت للمطبخ هدوء فتت للهول اشتغل الضوه
مزين الهول نفس عيد زواجنا كدام عيوني
لزم ايدي وهو مبين فرحان
_ ملكتي شرايج بالسبرايز
_ لو شايفتهة قبل جم شهر جان طرت من الفرح
بس هسه اشوفها شي تافهه
_ بهت من كلامي ونزل أيده من ايدي براء انتي بخير
_ لا مروان موبخير ومراح أكون بخير صدكني دااحاول انسى خيانتك بس مدااكدر تصدك هسه من شفت هالمنظر كبل شخطرلي
_ جاوب وهو يبلعم شنو
_ تخيلت مسوي نفسها لسوسن
_ لزم وجهي بين ايديه لا لا كلبي وداعت ربي لغيرج مامسوي هالسوالف
_ مديتله ايدي أكيد ماخذين صور بالمهر والزفة أريد اشوفها
_ براء شبيج
_ احسبني مخبلة كتلك أريد الصور اريد اشوف عيونك بالصور وبتصرفاتك وياها
_ وربي ماعندي اي صورة ولاطكيت صور حتى يم مصور مااخذت
_ نزلت ايدي
وتخطيته تصبح على خير
صاحني بخفة وهو مصدوم
_ براء صدك تحجين
_ شتريد مروان شتريد
كلت أريد فرصة وانطيتك بعد شتريد تريد من اول يوم ارجع وياك ولاگانو خنتني راد يحجي قبل لاتقاطعني مو شرط الخيانة تكون جسديه يكفي خنت الوعد وكتبت على وحدة ثانية
خلاااص انطيني فرصة استوعب حجم الكسرة الكسرتني ياها عوووفوني كاففي دمرتوووو حياااتي
انهاريت ودخلت الغرفة وسديت الباب بقوة
ماادري شكد بجيت من وجع رأسي نمت بمكاني كعدت احس الدنيا صبح باوعت بعدني بملابسي كمت لحيلي جسمي يووجعني اووو بس لااتمرض
طلعت اشوف الهول كله دخان
شفته كاعد ومرجع رأسه لحافة التاج مال القنفة
تذكرت انهياري وكلامي
ومندمانة عليها الكل يكسرني ويريدني أنسى بمجرد كلمة آسف
رحت غسلت وجهي ومسحت مكياجي ورحت لبست ملابس مريحة ورجعت طلعت كعدت بصفة
يلعب بشعره ومطفي الجكارة
_ صباح الخير فتح عيونه خوفني عيونه حمر دم صفن بوجهي جرني بسرعة لحضنه
حسيت بدموعه بركبتي
_ اخذت نفس مرمر مراح اعتذر لان إذا عديتها راح أكون جذابة ومااهتم
آني أحبك مرمر بسرعة فز أول مرة اكولها من نفسي
_ اي لتباوعلي وبكد حبي انكسرت بفعلك آني مكسورة مرمر
رجع أقوى وعصرني بحضنه
_ الله لو ماخذني ولاكسرتج
_ اشش اسم الله لاتحجي هيج
_ اذيتج براء
_ اذيتني مروان بس ادري راح تعوضني وتنسيني اتمنى تنسيني مرمر اتمنى ارجع مثل كبل وياك مااريد اخسرك مرمر مااصدك كدرت أحبك وآني الجنت آكول مستحيل أحب بعد
حبيتك من كل كلبي آني أكولك مروان أريد طريقة أنسى بيها
باس رأسي
_ اوعدج اسوي المستحيل بس تسامحيني أنا المااكدر بدونج براء
_ كدرت مروان كدرت اسبوع تعوفني وتكعد ويه وحدة ثانية بببيت ووحدكم
باوع بعيوني
جنت يم أدهم ابات
_ شنو
_ من جنت مااكدر اتقربلها احط الصوج بيها واعوفها واروح لادهم
_ ابتسمت باستهزاء وأكيد هو جان يقنعك تروحلها
باوع وسكت
_ براء
_ ششششش مااريد كلمة دفاع عنه
اخذت نفس ومسحت دموعي يلا كون خلي نسوي ريوك سوه مثل قبل كمت لحيلي مديتله ايدي كام وهو مسح وجهه
_ شرايج نتريك بره
_ لاا أريد نسوي الريوك سوه مثل قبل
_ تمام أروح اغسل وجهي وابدل
لميت الهول شلون ماجان بعدين انظفها اكثر أجا وسوينا الريوك تريك وراح لدوامه بونص
للماصبرت خابرته
_ الو كلبي انتي بخير
ابتسمت
_مو بس بخير طااايرة
_ امم معناها تصالحتو
_ يامصالحةعوف هالمووضوع عندي الك قنننبببلة واخيرا يافهد وكعت هدية بين ادينا
_ شللون
_ السحار الي جان عندها علاقة بي عرفت منهزم لان شاهين ورضوان يدورون عليه قاطعني
_ ليش يدورون عليه
سكتت ماحبيت افضح وحدة ميته
_ شمدريني المهم عرفت عايف امه العاجزة
ورضوان دازلها مرة اداريها وسمعت العنوان ورحتلهم قاطعني
_ وهو معصب انتي عندج عقلللل بنية شاابة وحدج تروحين لبيت رجال نجسسس بالله جذاب وجان موجود براااااء ليش تخليني أجي اسحلج واحبسج كدام عيوني
شبعت طن هوه من صياحه هسه به الاعصاب شون اكوله رؤى مو اختنا
_ جاووووبي
_ اسفة خلاص راح أسد الخط
_ اي سدي حتى أجي اسوي الكلته
_ اوووف ضوجتني فوفو
_ لاتحجين هيج مراح امررها هالاستهتار
كملي شلكيتي عنها
_ رؤى
_ شبيها نعال
_ رؤى مو اختنا سكت ورجع كال
_ شلون يعني .
_ حجيتله الكالته امه
_ بلكي مخرفة
_ادري نحتاج دليل قوي لعد آني وين رحت هي جم خصلة تتكطع بعركة بنات
_ اي اي صيري بنت شارع هممم
_ إذا هالشي يحرك كلب هدية وأدهم اي يافهد راح اصير بنت شارع
ندخل لمكان لأول مرة ندخلها
كاعدة بالبيتونة الذبوني بي باوعت عالحياطين نزلت دمعتي أتذكر امي وابويه واخويه الجبير
عافوني بايد هالشياطين
الثلاثة ماتو بابا وماما بانفجار وقبلهم مات علي اخويه الجبير بحادث سيارة واخواني البقية بدل لايصيرولي سند سووني خدامة لنسوانهم واذا اعترض كلمةمعناها اليوم انكتل
البارحة حسين ضربني بس لان كلت لمرته بصوت عالي اي اي جايه
يكولي المفروض تعوفين البايدج وتركضيلها
طلعت صورتهم
_ شوف علي شوف شصاير بحالتي شوف حسن وحسين وين وصلوني شهكت انفتح الباب فزيت اباوع الفات جان حسن
_ اووهو هااا هم تعوييين كومي سوييلي زقنبوت يمتى تموتين ونخلص منج
كمت بسرعة نزلت احميله الاكل
فاتت زوجته
_ اي عفية هيج اريدج ماجاوبتها اجت ضربتني على رأسي من احاجيج جاوبيني لاتغلسين
_ خير ام فارس
_ والخير من وين يجينا وانتي موجودة بينا فاتت لين
_ لاعاب حلكج رسل
بس يلا خدامة وبلاش شنريد اكثر طلعوونزلت دموعي اخ لو جان عايش صكاركم جان لعب بيكم طوبة بالليل .
جنت متمددة وميته حر نزلت واسمع كلام رسل
_ أسمع مني يارجال جيران بيت اهلي عنده كومة فلووس وبعدين بعد منو يريد اختك البايرة يامنفصل يامطلك
على الاقل هذا كومة فلوس مكومة على كلبه هم اختك تستفاد وهم احنا
_ ومنو يكول رفل تقبل
_ وهي وين تكدر ترفض واذا رفضت ضلو طكوها أنتو وحسين لماتوافق كتلك ابو محمد عريس مايتفوت
_ بس ابو محمد مو جبير
_ليش جبير بينه وبين اختك 20سنة يامه أكو نسوان زلمهم أكبر منهم بهالكد وهو شافها مرة وكايل لامي اريدها أريد ارجع بيها شبابي وتطلب الفلوس التريده
هاي فرصتنا هم نأخذ حق لكمتها مال جم سنة وهم نخلص منها البايرة
رجعت فوك وآنا ارجف مامصدكة
طلعت الرقم اتذكرت من ابويه أنطاني هالرقم ورا وفاة اخويه علي من شاف معاملتهم الي كال إذا بيوم اذوج روحي لابن عمي باوعت الرقم همزين ماذبيتك
استحملت كل شي بس لهنا وكااافي كافي عمري الفنيته لخاطركم ومااحجي لاحد التسوو بيه
الا افضحكم بين العشيرة كله
حسين دوم يشرب ومرته تطرده للهول لازم أجيب موبايله
نزلت على كيف بعد ساعة
_ شفته مثل ماتوقعت.
اخذت موبايله ورجعت للبيتونة وسديت الباب
_ دكيت بسرعة ادري الوكت متأخر دكيت لماجاوب
_ السلام عليكم
_ عموو هادي شلونك
_ منو انتي بنيتي
عمو آني بنت ابن عمك راضي عمي فدوة الحكلي يردون يزوجوني لرجال جبير
_ هدية بنتي اخوانج وين
_ هذولة
_ ماشي بويه هذا موبايلج
_ لا لا هذا موبايل حسين انفتح الباب فزيت واشوف حسن يباوعلي وعيونه حمر دم ووراه رسل تباوعلي وهي مبتسمة ومتشمتة
_ خفت تكون هاي نهايتي طبو وسد الباب وبيده حزامه غمضت عيوني وآني أكول
_ أشهد ان لا إله الا الله واشهد ان محمد رسول
متابعة القراءة
