رواية سواد القلوب (الفصل الحادي عشر 11 : الفصل السابع عشر 17) بقلم ام سامان
المحتويات
ايدي منه
_ أنت شتحجي بوييه تحجي على فهههد فهد الخلصني من ضيم امي وخالي المصدك بيهم فهد الخلاني احس أنا بنيه والي احلام واستاهل الحب
فهد الخلاني اواجه مخاوفي وارجععع أعيش بعد ماخالي وآمي حرموني من طفولتي ومراهقتي واحلامي
يباوعلي مصدوم وكع بالكاع ركضوله فهد واياد وعمو تقرب
_ تعال فووت ياابو فرح أنت مو غريب البيت بيتك دخل وفهد وياي والبقية عافونا
_ كعدوو كعدوو احجزلي من البداية
_ نزلت دموعي وآني حاضنه أريده اخاف لايرجع يعوفني
_ شحجيلك يابويه بعد روحتك سنة وحدة عشت براحة تالي خالي وآمي بلشو باذيتهم امي حرمتني من مدرستي بحجة خالي مايكدر على مصروفي اتوسل بيهم واكول مراح اطلب منهم فلس بيومها امي شبعتني كتل لان جنت ابجي وأريد اكمل
وراها سووني خدامة وآمي قابله كلما احجي تكول سكتي حمدي ربج خالج ينطينه آكل اذوني بويه وآمي بصفهم امي الجانت تلبس أحسن الملابس
وأنا ماعندي غير جم عبايه سوده ردت احجيله عن تحرشات فايز تراجعت خفت لايسوي شي وارجع انحرم منه بس ماانسى مكالمات امي للزلم كمت لحيلي وكتله بعد كل السمعته مني يابويه أنا راح اخيرك بيني وبين امي
بين وحدة جانت تحسب يوم بيوم تاتشوفك وبين وحدة ماصانت امانتك إذا اختاريتها راح تخسرني وانهي علاقتي بيك
_ شتحجين بويه شنو هالخيارات الصعبة
حجه فهد
_فروحه إذا ضايجة من امج مو معناها تجبرين ابوج يطلكها
_ وأنا هذا العندي إذا اختاريتها تخسرني
_ عم جمعة لاتسمعلها وهي فترة قاطعته وأنا اطلع بسرعة توضيت ماهتميت بالكاعدين بالدخول جريت القرآن
وكفت كدام ابويه
_ وداعت ربي وداعت هالقران ياابو فرح إذا اختاريت امي يحرم عليه لساني يطخ بلسان
خزرني فهد من شاف ابويه بهت
_ شنوووو هالحجي فرح ابوج ما رتاح ااجاج ركض بنص تعبه
هي تجازيه
_ ولان ابويه متعوب أريده الخيير امي موووكفو وماتستاهل ابوي
_ هالشي ابوج يقرره مو انتي
_ شكلت يابو فرح
كام وتقدملي بتعب
_ الترديه يجرالج ياوحيدتتي وغاليتي انتي أغلى حتى من روحي ومثل ماكلتي أمج مو كفو مدام إذا أغلى شي عندي مستحيل تضل على ذمتي
_ عم جمعة لا تسمع
قاطعه بابا وحضنه
_ شكرا بويه فهد صنت الامانه وأحنا جديد نعرف بعض والعاشرتهم ماصانو الامانة
_ بويه فرح تحبين فهد وتردينه
لو بس تزوجتيه حتى تخلصين من ضيمهم
باوعتله وأنا اشوف أعظم انتصاراتي وافضل قرارتي
_ فهد أحلى شي صار بحياتي يابويه لون السواد الجنت عايشه بي
_ ابتسم ربي يديمكم لبعض ياغاليتي
بالكوه قبل يبات وفهد اخذ موقف لان كبرت ابويه يطلك امي
وفعلا طلكها بيومها ماادري شلون محصله رقمي خابرتني رقم غريب مارديت دزتلي رسالة ردي أنا ااامج
جاوبتها
_ خيرر شرايده
_ هاااا هيج صارت فرح
_ شرايده فضيني
_ شكلتي لابوج وخليتي يطلكني
_ ابتسمت بقهر لاتخافين ماحجيتله عن عهر وماحجيتله عن خياناتج إله. .بس خيرته بيني وبينج وهو اختارني
اختار اميرته ووحيدته اختار الامنج عليها وانتي خنتي الامانة وخنتي الركض لدول الغرب حتى يامنلج حياة مثل ماتتمنيها بشنووو جازيتيه بالخيانة استحي أكول للعالم انتي امي يااريتج متي ولاتصرفاتج الرخيصة جنتي تكولين عليه رخيصة وانتي متأكدة أنا مو رخيصة أنا السنين احارب ابن اخوج الناقص شرف في سبيل احفظ نفسي واضل البريئة والنظيفة العافني ابوي انتي جنتي الرخيصة انتي الرخصتي روحج لخاطر جم فلس لاتخابريني مرة ثانية مااتشرف بيج كأم
سديت الخط ماحسيت يمتى نزلت دموعي نداريت واشوفه واكفه يباوعلي باسف أكيد سمع كل الكلام مااعرف يمتى فات ولايمتى قاافل الباب
تقرب مني يمسح بدموعي
_ ليش ما حجيتيلي
_ شي مو مشرف حتى احجيلك ياه
_ جرني لحضنه اششش انتي مالج ذنب وزين السويتي
_ فوك السوته بعد الها عين وتجي تعاتبني
_ خلاص حبي اهدي. .
_ ماكدرت احجيله شي
مااريد ارجع اخسره
_ زين سويتي حتى أنا ماحجيتله. .بس أنا ضام عليج شغلة باوعتله بخوف خاف شي يكسرني
_ انتي ماسامعة بالصار غير بيوم أنا وولد عمامي اخذنالج ابن عمج وأنا ملثم وربيناه من اول وجديد فرحت وباوعتله
_ كوول و الله يعني كسرت أيده الجان تلزمني طفيت عيونه الجانت تباوعلي بشهوه شلعت شفايفه الي مرت تجرأت ورادت تلمس وجهي
_ باوعتلها وأنا اتمنى سامع هالكلام قبل لااخطفه حسيت السويته جان كولش قليل
_ وداعتج حتى حواجبه وشعره دكيته صفر
_ بليلتها مانمت من الفرح بابا اجر شقة قريب مني كنت اروحله ويجينا بس الأكثر أنا اروحله يستحي من عيالي اكثر الأوقات عشانا أنا وفهد يمه لكى شغل بمطعم هو جان يطبخ بالمطاعم باوربا فعنده خبره بالاكل والحمد لله يكول مو متعب الشغل يمكن لان يحب يطبخ جان فرحان بيه بس ادري يحب امي حيل وجبرته على شي بس بابا يستاهل الاحسن من ماما صارله سنتين هنا قنعته بالكوه يتزوج مرة ثانية وأنا وماما ليالي دندورله مرة وافق من سمع ماما تزوجت حسيته حيل مقهور بس اجت بصالحي لو ماتزوجت جان مستحيل بابا يقبل يتزوج
_____________
براء
فاتت الايام والشهور
تقريبا قبل الظهر بنص ساعة اندك الباب فتحتها واشوفه شاب شايل بوكس
_ بيت مروان
_ اي نعم
_ هالطلبية الكم
استغربت
_ شكد السعر
_ مدفوع اختي دخلت جوه خابرته
_ مرامر اجى طلبك
_ هاي مو الي ملكتي الج اريد من ارجع أشوفج بي
ودعته وفتحته
_ واشوف بيها فستان يخبل
ردنه شفاف ولونها اخضر غامق وينضب عالجسم كلها من فوك تول
وحذاء اسود
وبيها بطاقة
_ الى ملكتي
شكرا على وجودك في حياتي
في مثل هذا اليوم ملكت العالم
و السعادة أموت في هواك.
مروان
ابتسمت لاارادي رحت سبحت قريب وكت رجعته ورا العصر لبستها سويت مكياج يناسبه وشعري سويتله تسريحة بسيطة ولبست اكسسوارات يناسبه
انفتح الباب بعد مادخل سيارته استقبلته
خله أيده على كلبه
_ لا مااتحمل هالجمال اليوم راح ابات بالانعاش
_ اسم الله عليك ابو المرامر
تقرب ولزم ايدي
_ نفس ماتخيلتها عليج واحلى هم اليوم عوفيلي روحج اريد احسسج بالسعادة والراحة نفس ماحسيتها انه كبل سنة بهيج يوم
صعدنا اخذني لشقة لزم ايدي وخله جاكيته على جتفي وحاضن جتفي وصلنا جان بالطابق الثاني
دخلنا للشقة واشوف كبل الهول مخلي ميز واكو ورود بالكاع وعالميز محطوك كيك وشموع بس مامشتعلة لزم ايدي وخر الجاكيت وذبها عالقنفة تقرب باسني
_ كل عام وأنتي الخير والسعادة بحياتي
كل عام وأنتي حبيبتي وملكتي واميرتي
أحبج براااء
دمعت مااعرف شحجي وشكول
حضنته بقوة
_ شكرا مرامر شكرا لوجودك بحياتي
كل عام وأنت موجود بحياتي
_ كوليها براء كوليها
_ أحبك مرامر
_ اعشقج ملكتي طلع ورقة
_ هاي الطابو مال الشقة باقي توقيعج ونثبتها بالمحكمة
انصدمت باوعتله
_ مستحيل اقبل مرووان تسمع مستحيل
_واذا كلت لخاطري بروئتي
_ مااقبل مروان وجودك بحياتي كافي بس مستحيل اقبل بهيج هدية
_ ملكتي
_ أنسى مروان
ضل يحجي ويقنعني احس أكو شي ورا اصراره
اقتنعت مااريد يخرب مزاجي وتشوف الضامته الايام الي
يتبع
um_saman
البارت_الثالث_عشر
سواد_القلوب
براء
اليوم معزومة ببيت عمو من يوم زواجي هاي ثاني مرة أروحلهم وعمو عتب عليه فكلت لمروان وافق هو يعرف بخطوبة شاهين الي والصار بس الحمدلله ماعلق كال حقهم عليج تزوريهم وأنا اعتذر لان جنت ناسي اهلي كل اسبوع أروح اشوفهم يوم يومين وارجع من عده فهد اليجي مرات بس مايبات بس يمكن عليه ويروح
علاقة مروان وأدهم كولش مقربين بس الحمدلله أبد ماجتيي لبيتي بس رؤى بعدها جياتها لعيالي مستمرة ويه حماتها وعمتها عمة كامت تضوج بس ماتحجي لخاطري ماتدري أصلا أنا مو طايقتها
بعد شهرين قررت أنا ومروان نروح نفحص ونشوف ليش تأخر الحمل آني مامستعجلة بس مروان يريد أطفال
رحنا لبيت عمو ستغربت. شاهين ولامهتم لموت سرى على حسب كلام رنا بعد موهوب عافني لخاطرها لعد وين حبه ولاباوعلي أبد ولااني الاهتميت حسيت مروان يراقبنا بعيونا يشوف بعده أكو حب بينا او نظرات ماكو حسبته ارتاح ثاني يوم رحنا لدكتورة مرت حماية بشرى هي متابعة يمهها
فحصنا خابرو مروان رادو ضروري عافني وعافلي سيارته وراح بتكسي بعد ساعات طلع نتيجة تحليل مروان لان تاخر حيل
وديتها الدكتورة تحليلي وتحليله باوعتلي باسف
_ ماادري شكولج بنيتي للأسف زوجج نسبته صفر دمعت مقهورة عليه
_ ماكو آمل
_ كل شي بيد ربج إذا تردين نكتبله علاج
_ لا دكتورة آني راح ابلغه ونجي سوه واكتبيله
_ يكون افضل بنتي
طلعت وآني اباوع عالتحاليل
_ جم شهر تاخيرمراح يكون أكو تأثير كبير لازم اخاطر واختبرك إذا أنت مثل ماتكول آني اهم شي عندك اولا راح اشوف لو خيروك بيني وبين الأطفال شراح تختار يازوجي
وادري احتمال بهالتصرف ينخرب حياتي وياك بس هالاختبار ضروري يثبتلي إذا تستاهل أخسر امومتي لخاطرك اولا رجعت للبيت بوقت متأخر رجع شفت التحاليل بمكان حتى مايشوفه وينكشف خطتي
تقرب مني مثل كل يوم وجرني لحضنه
_ شلونها ملكتي باوعتله جزء مني يخاف لايخسره بس مااكدر اضل بقلق وشك وهذا الشئ الوحيد يكسر الشك
_ شبيج كلبي صافنة
_ نزلت دموعي مدري خوف لو قلق مرمر
_ كلبه
_ مرمر الدكتورة كالت مستحيل تصيرين ام ذبيت روحي بحضنه من شفت صدمته مااريد انكشف
_عصرني بحضنه شتكولين كلبي
_ كلتلي مستحيل اكووون ام كعدت عالقنفة واباوع لملامحه المصدومة والخايفة
_ كعد بصفي ولزم ايدي كولي يالله كلبي لو ادري أبيع الكدامي والوراي المهم تتعالجين
_ كتلك اكوول مستحيل لو تروحين لاوربا وحتى بحالتي الانابيب مايفيد
_ ضل ساكت وآني اراقب ملامحه جر ايدي
_ خلاص كلبي اهم شي وجودج بحياتي أنا من ردت طفل حتى يخبط دمي ودمج ويكون ثمرة لحبي الج مدام ماتخلفين أنتي معناها حتى أنا ماريد
_ وأنت شنو ذنبك مرامر
_ ابتسم وباس رأسي انتي ضلي كوليلي مرامر ودلعيني وحبيني وأنا احمدالله عالنعمة العندي ومارايد اكثر
_ صدك تحجي مرامر يعني تتخلى عن
_ واتخلى عن الدنيا كلها
مرت شهرين وتصرفاته تغيرت صار اعصاب شكيت الموضوع يخص هالسالفة ابتسمت بقهر
_ جنت متأكدة كلكم جذابين إذا الصوج بالزلم تطلبون منها تتحمل بس إذا جان الصوج من المرة لا كبل يدور بديل
بالليل حضرتله سفرة حلوة ولبست فستان هو جابها قبل سنة جان ماروني وبيها فتحة للفخذ ورفعت شعري وحمرة ماروني ومخليه العطر اليحبه
جان طالع ويه ادهم لعرس صديقهم رجع متأخر فات وانصدم بالمفاجئة تقربت واكول بداخلي أريد تاكل بروحك لتصرفاتك وياي
فتحلي ايديه تقربت وآني اشغل اغنية
_ انطيني وعد للموت
انطيني وعد للموت
روح بروحك تشدني
قلي راح اضل وياك
بس الموت يبعدني
وأحلفلي بشرف الجروح
ما تنساني اوعدني
لو بتشوني كل الناس
اريدك انت تسعدني
واذا يمك طلبت ارتاح
اذا حزني يهددني
ليغرك بشر وتروح
وبنص البجي تهدني
لو من هسه الله وياه
لو للموت رايدني
دك صدرك وكلي وياك
ما عوفك ولا ليلة
واذا همك كبر لا تخاف
عندك قلب لي يشيله
ابتشيلك غيوم سماي
وانزل دمعك كل حيلة
واللي يزعلك اجرم بيه
مني ويله يا ويله
خيمه فوكي كون القاك
بهاي الدنيا الطويلة
يالغيرك بعد ما اريد
ولا اكتب واغنيلك
واصيرله القمر بسماه
حتى بالليل اضويله
ارفع ايده وافتر من جوه ايده وارجع الزمن خصره دوخته بحركاتي بسته
_ ورجعت اكررله المقطع
دك صدرك وكولي وياك
مااعوفك ولاليلة
حسيت بعيونه مدمعة استغربت ابتعدت ورحت طفيت التسجيل وتقربت منه
_ شبيك مرامر
خله رأسه على جتفي حسيت بدموعه على جتفي عرفت مروان مسوي شي جبير وراح يكسرني بي وبداخلي اتوسله مايطلع الي ببالي
_ آسف ملكتي آسف يادنيتي
_ شبيك مرمري
_ يروحلج فدوة مرمر وعشيرته سامحيني إذا بيوم اذيتج
_ مافهمت شمسوي
_ ولاشي بس حبيت اكولج خاف بيوم اذيتج وأنا ماادري
عيشته ليلة كاملة بعذاب الضمير مانام ليلتها كلما اباوعله يباوعلي وعيونه مدمعة
_ استغربت اختفاء رؤى من سئلت عمتي كالت صار اسبوعين ماتمرلها حتى هي مستغربه لان عمتي هم حبيت جانت تعرض بحماتها لمروان
بيوم دك موبايل وهو وياي تغير ملامحه يباوعلي وصافن بعيوني
كام اترخص وكأل شغل لحكته على كيف
_ شتردين لج مو كلت من ارجع البيت مااريد حتى رسالة لاتخليني أجي هسه والعن والد والديج انجبي بنت الجلب ماشي ولي راح اجيلكم باجر
مااعرف يمتى نزلت دموعي
رجعت لمكاني وأنا امسح بدموعي وامثل القوة
رجع ورجع لمكانه وجرني لحضنه
_ سويتها مروان سويتها وخنتني معقولة عمتي وعمي واهله يدرون
_ لامستحيل عمتي ماطيقهم مستحيل تقبل بوحدة بهالسرعة ان شاء الله مو الي ببالي وماتطلع سوس
ليلتها مانمت صافنة عليه
_ معقولة كل هالحب جانت جذبه موكلت أبيع الكل لخاطرج ليش مروان مو بديت أحبك ونسيت الماضي لاعبالك صدكت بسالفة هذيج البنيه جنت متأكدة جان كلامها صحيح بس تخطيت كلامها لان كلت ماضي ومااحاسبه تالي تخوووني هيييج بهالبساطة ومنو حماة بنت ابويه التكرهني
الصبح كعد جهزتله الريوك لبيت ملابسي
خير كلبي
_ ابتسمت أروح لعمة
_ لا كلبي عليها غير يوم امي ناويه تروح لبيت اخويه محمد عرفت هي لان بينهم قريب من اهله لااشوفه
_ ابتسمت بقهر تمام براحتك
_ طلع طلعت وراه بنص ساعة وصلت لراس الفرع نزلت واباوع مثل ماتوقعت سيارتي مصفوفة كدام بيت عيالي رؤى الكاعدة وياهم انتضرت ساعتين ضبط وآني صافنة على باب البيت طلع وهي طلعت وراه وجرته باسته نار وشبت بيه
_ أنت البيت يامروان وأنت الراح تخسر غالي
رجعت للبيت سكتت أريد يتزوج وهملته قصدا حتى مايانبه ضميره وراها اكسره واكسرها مثل ماكسروني بيوم كعدت هو ماكو عرفت ديحاجيها بالسر
_ تقربت كلام هوايه مااريد سوسن ماعندي مانع باجر أجي واطلكج وطزز بيج أنا من قررت اخذج عليها بس حتى انطيها أول طفل الي ماكلت مااريدج وراح اطلكج مستحيل أكسر بيج بس مستحيل أكسر بيها راح انطيها ابني حتى تتقبل زواجنا اي إذا عرفت قبل وطلب اطلكج من باجر اطلكج هي أغلى من روحي وكلت الج ولاخوج وامج براء خط احمر
_ رجعت تمددت وغمضت لاحنين مرمر عود تجبر بخاطري وتجبرني ابقى وياك لان ياحرام آني مااخلف ولازم اسكت وانجب
تمام كثر يامرمر وراح يجيك الصافي
حددو عرسهم بعد اسبوع لان كال راح يطلع سفرة ويه أدهم عرفت. اخويه المحترم هم عنده علم وأكيد الشيطان الاكبر هدية
وصار وتزوج وتاكدت ولا واحد من عيالي يدرون مر الاسبوع واليوم رجعته وآني خابرت كل عمامي حتى اخوية المحترم عزمتهم وعزمت رؤى وعيالها بلكي عود تستغفلني وتجيب حماتها وعزمت عيالي بس اهلي لا حجيت لفهد الراد يجي ماقبلت ردت اثأر لنفسي ولكرامتي
طلب الاكل من برا ماجان الي واهس وصل مروان
_ لوتدرين شكد مشتاكلج اتمنيت الاسبوع يخلص وارجعلج ركض
_ حجيت باستهزاء جان سفرة سياحة لو مشتاقلي ترجعلي
_ هااا مو استحيت اعوف أدهم
_ صح عيب
_ بس شعجب عازمة الكل حتى أدهم ورؤى
_ مااريد اهلك يحسون بالمشاكل البينه
_ صح زين ماكو تصبيره دفعته
_ لامحضرتلك خوش سهرة
_ اويلي اموت على مفاجأتج
_ متأكدة راح تحب هاي اكثر شي
عمامي كلهم اجو حتى شاهين
بعد ماعزمت كل عمامي وعوائلهم حتى ادهم وزوجته ورؤى وزوجها وهي جابت حماتها وياها ماتعرف بهالتصرف شكد ساعدتني
كمت لحيلي بعد ماكملنا عشاء قبل طلعت الكل
آني اليوم عزمتكم بمناسبة مهمه
_ باوعت لعمو هادي وكلت طبعا آني منتظره هاليوم من شهور حتى ابينلكم حقيقة زوجي الغدار سبحان الله وين مااكو غدار الله يذبهم بطريقي من اخويه وشيل ايدك وآني اباوع لشاهين ومروان وادهم
حجه عمو وهو يباوعلي بعتب
_ بابا عيب هالحجي هذا زوجج
ضحكت من قهري
_ كتلي زوجي عمي زوجي الغدرني ومتزوج من اسبوع عليه
الكل نصدم اجاني صوتها القبيح
_ حقه انتي مابيج خلفة وهو موصغير يريد يشوف بزرته
باوعتلها
_ ياهلا هدية و الله لوماجايه كان شكيت مالج أيد
واخيرا طلع صوته بعد ماعمامي تهجمو عليه
_ مثل ماكالت من حقي اشوف جهالي وهي مايصير عدها أطفال وبعدين تزوجت بموافقة أدهم هو الجان شاهد وموافق
باوعت لادهم بخذلان رديت باوعتله
_ كلت من حقك يصير عندك أطفال زين إذا السبب جان منك جان لازم آني أصبر وانتظرك تتعالج مووو
تقرب مني ولزم ايديه
_ ادري غلطان من ساسي لراسي بس متفق وياها أول طفل الج وباسمج أنا ماتخيل حياتي بدونج انتي حبيبتي وروحي وملكتي
_ضحكت بصوت عالي عمة تقدمت بتهجم واخوانه وحمويني ومرت حمويني وكفو بصفي يباوعولي بقهر
_ لا لا هو المحتاج هالشفقة مو انييي هو الناقص موووو انيييي
عمة لزمته من ياخته
_ منو هالبنت الحرام التقبل تزوجها بدون ماحد من اهلك يعرف احجيي
_ يوم هدي
_ لاانت مستحيل أنت تكووون ابني مستحيل باوووعت و اشرت لعمي ليش بس هو الطلع ناقص من بين اخووانه .
_ صااااح سويت هالشي لخاطري وخاطرها
رجعت ضحكت مرة ثانية وآني اطلع ورقة من جيبي وذبيته بوجهه
وكتله بشماته
_معناها آني هم أريد أصير ام ليش اضل ويه واحد يريد يحرمني من امومتي وعقيم مثلك لان ماتستاهل اضحي بشي لخاطرك
باوعولي الكل مصدومين وهو اكثر شي شاب الورقة الوكعت من ذبيته بوجهه وقرا مامصدك تقربت من حماة رؤى سوسنمبروك عليج ان شاء الله بالرفاه والبنين ولو اشك ضحكت ضحكة عالية وآني احس بالنصر من نضراتهم وصدماتهم
_ شوفي مرت اخوج رادت تكسرني بهالزواج بس ياحرام انتي انكسرتي تزوجتي واحد عقيم وماتكدرين تطلكين لان مصار اسبوع من تزوجتي شتكول العالم مو كافي ماخذج بالسر والنوبه ترديلهم بعد اسبوع لا لا ميصير
باوعت لزوج رؤى
_ ماتخيلت بيوم توكف ويه الباطل كالولي ابو ظافر دائما حقاني
_ نزل رأسه وماجاوب وامه سكتت وتباوع بتشتت ماتدري شتسوي بنفسهم دمرو حياة بنتهم
رفعت رأسي
_ مروووان باوعلي بتشتت رفعتله حاجبي
_ طلكني
باوعلي وصفن بعيوني تقرب مني ببطء
_ حللللم اعوفج براء حللللم اطللكج
باوع لسوسن
_ سوسن انتي طالللك
شهكت واامها الا اخوها زوج رؤى طلع بدون صوت
تقربت من هدية المصدومة لعبتها انكلبت عليها هي وبنتها
_ اما انتي سكتت مرة واثنين وثلاثة باوعتلي بحقد خافي مني هدية خااافي لان خليتج هناااا دكيت على دماغي باوعت لادهم
_ اما أنت مانصدمت هلكدودته اشرتله باصابعي لان ادري من زمان الغدر يمشي بدمك اطللللع من بيتي بيتي انظف من يدخلها ناس مثلكم باوعتلهم براااااا
طلعو بعد ماسمعت عركة سندس وامها ويه هدية ورؤى ناركم تاكل حطبكم
تقربو عمو وعمة
_ اعتذر بنيتي
لزمت أيده
_ لا لا. عمو آني الاعتذر خليتكم بهالموقف
_ حجت عمه بالعكس السويتي حقج وأكثر بنيتي
اعتذرو مني عيالي وطلعو وهم خجلانين أبد ماتمنيت اخليهم بهيج موقف بس النار البداخلي جان اكبررر من افكر بأي شخص
بقيت ويه عمامي كعدت وهنا راحت قوتي وكعدت خليت وجهي بين اديه حسيت بحضن لمني عرفته عمو هادي
_ اااااخ ياحظج يابنت ضياء
_ ليش عمو ليش الاحبه لو يعوفني لو يغدر بيه ليش وخرت منه شنووو ناقصني انغدر ليش تغدروووني كلكم ليش باوعت لشاهين وتقربت منه
_ أنت هم غدرتني كوولي شاهين ليش الكل يغدرني اني مانحب لو ماستاهل الحب لو غبية كوولي اريد أعرف شفت دمعته نزلت على حالتيي ضربته على صدره بعد ماكام و كف يباوع لانهياري
_ لا يابنت عمي مو بيج الصوج احنا الناقصين والغدارين طلع وهو مامتحمل حالتي طردت الكل شكد عمو عبد وعبدالله رادو يبقون وياي مسحت دموعي
_ أريد ألم اغراضي براحتي
عافوني براحتي كل ركن بهالبيت بي ذكريات حلوة أحلى سنة كضيتها ويه مروان ماعتقد بعد أكو راحة وحب وثقة بحياتي بعد خابرني فهد انفجرت يمه وهو بس يكولي تردين اجيلج
_ لاباجر آني أجي بالليل حسيت الباب ينفتح اي أريد اواجهه لاخر مرة فات وهو يباوعلي والعيون دم باوعتله بقهر نزلت دموعه مارفله كلبي أبد تقرب وهو يمشي وحادب ظهره
_ تتذكرين بيوم عيد زواجنا شكتلج
باوعتله بحيرة وتذكرت قبل لاينام كال
_ براء احنا بس الموت يفصلنا عن بعض
باوعتله بخوف شقصصدك مروان رفع أيده
فرح
جبت ابني واجت براء بقت جم يوم وطايرة بي فهد سماه ضياء ووعد عمو الثاني يسمي أركان ابتسم عمو وكله
_ مايحتاج بويه آني من عيونك اعرفك تحبني وحاسبني ابوك وحقك تسمي أول ولد
متابعة القراءة
