رواية حب وعذاب ادم وحبيبه بقلم بنت الصعيد (كاملة)
المحتويات
كويس..
ماما بس عمر قدامه وقت طويل عما يصفي شغله في لندن..
أنا كويس..
ماما عمر قرر أنه يخلي بيته اللي في لندن علي اد الإجازات و بس .
أنا كويس بردو..
ماما كانت مازالت بتطلع معايا هدومي و حاجتي
ماما بس لسة هيدور علي فيلا صغيرة تكون قريبة مننا..
أنا كويس جدا ..
ماما و هيقعدوا معانا لغايت لما يلاقي فيلا مناسبة ..
أنا سيبت اللي في أيدي بس قلقت شوية ..
أنا اوك مافيش مشكلة طبعا.. أسبوعين تلاتة..
ماما ست شهور..
أنا نعم.. ليه ..
ماما هو ايه اللي ليه انتي ناسية أنها أختك و ليها في البيت ده زيك بالظبط..
أنا أيوة ماشي بس ليه ست شهور.. كتير ..يعني
ماما كتير و لا قليل انتي مالك بيهم.. و بعدين انا خاېفة على أختك يمكن يكون فيه بيبي و لا حاجة انتي عارفة ظروفها الصحية و لازم تبقى قدام عنينا..
ماما خلصت كلامها و قامت مشيت..
أنا قعدت في مكاني مصډومة..
ست شهور يا ربي.. دا انا مصدقت الشهر يعدي.. يجي هو يقعدلي ست شهور..
أنا مش مصدقة بس قلت لنفسي انا مالي و ماله ..أنا مش هختلط بيه ابدا..
بس هو مش سايبني في حالي ..كل ما اكون قاعدة لوحدي يجي يقعد معايا.. بتهرب منه دائما لغاية ما في يوم عيد ميلاد كارما.. كلمني و أنا في المستشفي و قالي تعالى معايا اشتريلها هدية.. اعتذرت له و قلت حجج كتير بس هو مين صمم لازم أروح.. و روحت معاه.. دخلنا محل هدايا كبير جدا فضلت اقترح عليه برفيوم و ميكاب و اي حاجة بتاعة بنات.. بس هو اقترح عليا خاتم.. أختار ليها خاتم غالي أوي و قالي انه جايبلها هدية خاصة جدا و هدية ليا انا كمان بعت جابهم من باريس.. هديتي كانت فستان .
عملنا لكارما حفلة لينا احنا و أصحابنا و كانت حفلة جميلة.. طفينا الشمع و فتحنا الهدايا والليلة عدت على خير..
طلعت اوضتي و فتحت الباب لقيت علبة كبيرة ملفوفة لفة هدايا شيك اوي.. فهمت أنها هدية عمر ..
فتحتها و قلت ياتري شكلت ايه الفستان.. اول ما شيلت غطا العلبة اڼصدمت.. أنا قلت أكيد اتلخبط و جابها بالغلط.. تاني يوم الصبح روحت عشان ارجعهاله.. قالي و هو بيضحك خلاص مينفعش دي بقيت هديتك انتي..
قلتله لا طبعا دي جاية علشان كارما.. و بعدين مش مناسبة ليا..
قاللي بالعكس.. دي مناسبة ليكي انتي أكتر..
أنا اضايقت ..و قلتله انا مش متجوزة علشان اللبس حاجة زي دي..
قالي مفيش مشكلة احتفظي بيها لغاية اما تلبسيها للمحظوظ اللي هتكوني من نصيبه..
حسيت انه متعمد يحرجني بردو بس أنا مش عارفة احرجه ازاي..
قلتله أن شاء الله و عن قريب..
قلت الكلمة و مشيت.. لقيته شدني من أيدي و هو مصډوم..
عمر يعني ايه.. قصدك ايه..
أنا سيب أيدي.. انت اټجننت..
ساب أيدي و اخد نفس عميق و مشي ايده في شعره و كأنه بيحاول يهدي نفسه ..
عمر انا عاوز بس اعرف انتي قصدك ايه.. في حد في حياتك..
أنا لا مفيش و لو فيه حد ..أظن ده من حقي و دي حاجة تخصني ..
غضبه بان في عنيه أكتر ..و قالي بكل
ثقة ريم.. شيلي الكلام ده من دماغك.. أنا بحذرك..
طبعا سيبته و مشيت و كلي ثقة انه كلام في الفاضي.. بس مكنتش اعرف انه ناوي علي نية..
في اليوم اللي بعده خرجت و روحت الجامعة اقابل صديقة ليا معيدة في الجامعة.. قعدت معاها شوية و رجعت المستشفي و فضلت هناك للساعة تلاتة.. كنت ماشية انا و الدكتور توفيق بنتكلم
و قابلنا دكتور كان معايا في الجامعة و بيدرس في المانيا.. فكرني بيه و اتكلمت معاه كتير اوي ووصلني لغاية البيت.. و اول ما روحت لقيت عمر بيكلمني.. و بيقولي ازيك.. ايه الأخبار..
أنا تمام ..
عمر تمام.. خصوصا بعد التوصيلة الحلوة دي..
أنا توصيلة ايه ..
عمر الدكتور اللي طلعلنا مش عارفة منين.. بس هعرف.. هعرف كل حاجة ..
أنا اټرعبت و قلبي انقبض.. و قلتله انت بتراقبني.. و هتعرف ايه..
عمر لما اجيلك بقى هكمل كلامي معاكي..
لما رجع لقيته جه قعد معايا في الجنينة و انا بقرأ كتاب..
قعد قصادي و فضل يبص لي و انا متجاهلاه ..اخد مني الكتاب و حطه علي الترابيزة.. و قالي بكل ڠضب ريم.. انتي مينفعش تتجوزي.. عارفة ليه.. علشان انتي ملكي.. ملكي انا و بس..
أنا مش مصدقة اللي هو بيقوله ده ..
عمر هي دي الحقيقة.. أنا بحبك.. بحبك انتي.. مش مجرد حب.. ده جنون.. يعني اللي هيقرب منك انا ممكن أقتله ..
عمر عارف اني زفت.. بس انتي لازم تعرفي اني مش هسمح لحد ياخدك مني..
أنا مش مصدقة و مړعوپة.. قمت من مكاني و جريت على اوضتي و فضلت اعيط طول الليل..
الجزء السابع..
دخلت اوضتي و فضلت اعيط و انا هتجنن مش مصدقة اللي سمعته من عمر ده..
فضلت طول الليل أفكر و فجأة لقيت تليفوني بيرن.. ببص لقيته عمر ..
الساعة 2 بيتصل عاوز ايه ده ..
رديت عليه و صوتي مخڼوق من العياط
..
أنا الو..
عمر ازيك ..
أنا عاوز ايه يا عمر ..
عمر الله صوتك يجنن.. عمري ما سمعت صوت في التليفون بالرقة ..و النعومة دي..
صوته كان غريب ..
أنا عمر انت باين عليك مش في وعيك..
عمر لا لا لا.. أنا تمام ..أنا بس حبيت اسمع صوتك في الوقت ده.. و الجو هادي و صافي..
أنا أنا هقفل السكة..
وقفلت في وشه السكة..
و تاني يوم قعدنا كلنا على الفطار و كل ما عينه تيجي في عيني أحس بنظرة ڠضب منه.. بابا قاطع نظراته و اتكلم معاه في موضوع الشغل.. ماخدتش بالي من كلامهم عشان كنت متأخرة علي المستشفى.. بس واضح إم بابا هيخليه يشاركه في الشغل..
خرجت و ركبت عربيتي مكانتش بتشتغل.. اااخ فيها مشكلة وأنا ماليش في العربيات.. حاولت ادورها و فتحت الكبوت و انا مش فاهمة حاجة اصلا..
فات أكتر من تلت ساعة وأنا بحاول.. فجأة لقيته بيقفل الكبوت بتاع العربية و بيقولي مش هتدور شكلها عاوزة صيانة.. تعالي اوصلك أحسن ..
و رحت معاه ..بس عشان اتكلم معاه و اوقفه عند حده.. ركبت معاه و شغل موسيقى و اندمج معاها أوي ..
قالي بتحبي تسمعي ايه..
أنا عمر.. علي فكرة انت مزودها أوي معايا.. و تصرفاتك و كلامك في منتهي الجرأة و مش عاجبني ابدا و..
فجأة فرمل فرملة جامدة أوي لدرجة إني صړخت ..
أنا عمر انت مچنون ..
اخد نفس عميق و طلع علبة سجائر و اخد سجارة.. وولعها و طلع نفس منها بهدوء ..
اتنرفذت و قلتله وقفت ليه..
رد عليا بكل بروود علشان أسمعك يا قلبي..
أنا عمر انا بحذرك المرة دي.. إنما المرة الجاية هتصرف تصرف مش
هيعجبك..
عمر اللي هو ايه بقى ..هتقولي لكارما مثلا..
أنا و الله ممكن.. ليه لا ..
عمر بس مش شايفة أن حاجة زي دي ممكن تكون سبب في مۏت أختك ..مثلا ..
أنا اټرعبت..
أنا هقولها بكل هدوء و هفهمها كل حاجة و أكيد هتفهمني..
عمر هز دماغه بالموافقة.. و قالي بكل هدوء تمام.. كويس.. بس مش ممكن أنها متصدقش كلامك..
خصوصا أنها بتحبني پجنون و عارفة أن انا كمان بحبها.. پجنون ..يا قلبي ..
أنا ايه.. لا.. هثبتلها غشك و كدبك بالأدلة.. هعمل اي حاجة علشان تصدقني و تعرف حقيقتك..
.. خصوصا موقفك أيام خطوبتنا و جوازنا.. هي للأسف كانت بتحكيلي كووول حاجة.. ..
اتنرفذت أكتر و كنت هضربه بالقلم ..مسك أيدي پعنف و قالي ريم.. متنسيش نفسك معايا.. انتي ضعيفة أوي.. و علي فكرة انتي بتحبيني زي ما بحبك ..و يمكن أكتر ..
خلينا زي ما احنا كدا و إلا هتبقي بتجني على نفسك و أختك.. أنا مش عاوز منك غير حاجة واحدة.. هي انك تسيبيني أحبك.. أي تصرف غلط منك هروح لأختك و أقولها اني بحبك و أن بيننا قصة حب ڼار.. شوفي بقى ساعتها هيحصلها ايه..
أنا بعدت ايده عني و قلتله انا عاوزة اعرف انت اتجوزت كارما ليه ..
عمر عشان بحبك..
و طلع بالعربية و ساق و هو عصبي جدا..
روحت المستشفي و كنت هتجنن مش عارفة اعمل ايه.. فضلت أشغل نفسي بأي حاجة علشان انسيى.. أنا بصراحة خفت أوي منه.. حسيت انه مش ده عمر اللي كنت اعرفه.. فجأة اتحول لإنسان شرير.. أنا خاېفة أوي منه ..
في عز حيرتي و خۏفي و كتر التفكير اللي خلاني مش مركزة في شغلي.. لقيت الساعي بتاع المستشفى جاي و بيقولي الورد ده علشانك..
أخدت
كلمة بعشقك منه بتهز قلبي.. هو اللي بيحرك مشاعري بردو انا متأكدة.. قلت لنفسي ليه يا عمر متجوزتنيش انا.. ايه اللي انا بقوله ده.. لا ده إنسان خائڼ و مچرم و قذر.. و.. و بحبه.. للأسف.. أنا مش متخيلة ابدا اني واجهت نفسي بالحقيقة المؤلمة دي.. أول مرة أقول لنفسي اني بحبه.. أنا خلاص قربت انهار..
روحت البيت لقيته قاعد هو و كارما في الجنينة و بيتكلموا و بيهزروا و عايشين لحظات رومنسية أوي.. هي كانت قاعدة و ظهرها ليا.. و هو شايفني و انا جاية و متوترة من بعدما شفتهم ..أنا اڼصدمت و طلعت جري على اوضتي..
الجزء الثامن..
انا اخدت قرار الاڼتقام و انا لسة مش عارفة هنتقم ازاي.. دي محتاجة شوية
بحث و معاهم خبرة.. و انا شاطرة اوي في الابحاث انما الخبرة ..مفيش خالص..
عشان كدا لجأت للدكتور توفيق ..ان مندهش اوي من كلامي ..بس كان رد فعله و كأنه كان شاكك في حاجة و تأكد منها.. كان رده عليا بشكل علمي ..ك دكتور نفسي ..انما انا في الواقع كنت عاوزة حل من وجهة نظر نسائية و خبرة عن تجارب حققت نجاح مية في المية.. سألت اكتر من صديقة ليا ايه اللي ممكن يخلي راجل يضعف قدام واحدة ست ..ايه نقط ضعف الرجالة بشكل عام..
.. الفكرة مكنتش متقبلاها الاول حسيت انها قديمة و رخيصة.. لغاية اما واحدة صحبتي قالتلي ايه هو الحل مع راجل قوي و واثق من نفسه.. التجاهل و الاهتمام.. ان الست تتجاهل الراجل و في نفس الوقت تهتم بنفسها جدا.. ده اللي يخلي قوته تضعف و ټنهار..
صحبتي عرفتني علي شوية تكات للاهتمام بالنفس.. مش بس اللبس و
الشكل عموما.. لا التصرفات و الحركات المغلفة.. يعني تصرفاتك تقول للراجل انا اهه قدام عنيك ..بس لسانك بيقوله انت مين انا مش واخدة بالي منك..
و حصل و استخدمت اول سلاح ليا ..شكلي ..اهتميت جدا و غيرت من شكلي بطريقة ناعمة و شيك ..و طبعا غيرت لبسي.. بس الاهم منه فضلت اتابع و اراقب كل حركات من كل المصادر ..افلام مسلسلات قديم و جديد اجنبي و عربي مخليتش.. و اتعلمت حركة من كل واحدة ..و اتقنتها لدرجة اني بقيت ميكس بين كل الممثلات
و ابتديت الاعبه بقي ..
كنت لابسة لبس جرئ شوية.. بالنسبة لشخصيتي طبعا ..بس محترم اكيد..
طبعا هو اخد باله من تغيير شكلي و اول حاج قالها الاول كنتي احسن..
انا اټخضيت.. بس مينفعش اتراجع علشان كدا هتبوظ كل حاجة..
استمريت في نظرات الاڠراء مع ابتسامة خفيفة.. لمېت شعري كله عالجنب..و سيبته و مشيت..
سيبته و هو مش علي بعضه.. انا عارفة ..
المشكلة ان عمر قوي و جريئ و ذكي.. ذكي اوي يعني بيعرف يرد في اي موقف..
بدأت اصور نفسي صور كتيرة بأوضاع المشاهير والنجوم بتوع الانستغرام.. ده غير صور هاواي اللي نشرتها كلها..
عمر علق عليها.. تعليقات عادية مافيهاش كلام حلو و غزل زي العادة.. بس كان فيه تعليقات كتيرة لشباب و بنات أصحابي و اصحاب كارما..
و بالليل لقيته باعتلي رسالة بيقولي مبسوطة انتي أوي بكومنتات الشباب علي صورك ..
مرديتش ..الرسالة وصلتني الساعة 12 و انا كنت نمت طبعا..
مبقيتش بروح الجامعة الصبح و الشيفت بتاع المستشفي خليته الساعة 12 الضهر.. اونكل توفيق مش معترض ابدا ..بس حاسس بحاجة مش مريحة ورا التغيير بتاعي.. و بالفعل سألني عن اي جديد.. قلتله تمام و الوضع تحت السيطرة و بررت تغيير شكلي باني قررت اعيش لنفسي و اتغير و انبسط..
و فضلت علي الحال ده أسبوع ..خروج كل يوم بمظهر أنيق و جذاب.. ثقة بالنفس و تجاهل تام لعمر ..لدرجة انه عاتبني في اني بكلمه عالماشي كدا بس أنا قلتله انه عادي جدا.. و انا مبتسمة نفس الابتسامة بنت اللذين اللي بتوقع اي شاب..
الوضع كان تمام لغاية ما في يوم ماما و كارما قرروا يروحوا للدكتور علشان يطمنوا علي كارما لو في بيبي ولا حاجة..
بابا كان في الشركة ..و عمر كمان
.. كنت لوحدي في الفيلا انا و أمينة الشغالة..
أنا انتهزت الفرصة و خصوصا أن الجو كان جميل.. فضلت اعوم و كأني طائرة في السما ..كنت حسة بثقة كبيرة أوي في نفسي ..
نزلت تحت المية و طلعت و انا بالقرب من الرصيف اللي جنب البسين ..مسحت المية من علي وشي و فتحت عنيا لقيت حذاء شيك و بيلمع.. عمر.. طبعا ..
أخدت نفس عميق و قلت تمام.. معركة جديدة ..بس انا مش مستعدة.. نظرت له ..بعدت عنه و غطست في المية.. بعدها بشوية طلعت ببص عليه لقيته مشي ..
طلعت من المية و قعدت على الكرسي اللي جنب البسين ..
نزلت المية بسرعة.. فضلت ثواني و انا بعوم ووشي تحت المية.. طلعت فجأة ببص عليه ملقيتوش ..فضلت أتلفت حواليا و فجأة لقيته طالع من تحت المية.. اټرعبت و اتهزيت.. هو ضحك ضحكة عالية أوي بسخرية و راح يعوم بعييد ..أنا طبعا مازلت مخضۏضة فضلت ألم شعري بعيد عن وشي و قلت لازم اظبط الموقف.. لقيته جاي عليا من بعيد.. طلعت من المية و قعدت علي طرف البسين و نزلت رجليا في المية .
عمر أبتسم وقال بصراحة اه.. دي أول مرة أشوفك ..
أنا طيب.. فرصة سعيدة بقي..
و زقيته في المية و قمت جري.. بس من جوايا خاېفة اكون مش اد اللعبة اللي بلعبها دي و تتقلب عليا بعد كدا..
..لسة داخلة من باب الفيلا لقيت أمينة في وشي بس أول ما شافتني ضحكتلي ضحكة شريرة.. أنا قلقت بس
طلعت عرفتي و قلت لنفسي عادي محصلش حاجة اصلا..
الجزء التاسع..
عمر طلع من البسين و قعد على كرسي جنب البسين.. نشف جسمه و هو شبه تايه و سرحان ..
مسك التيشيرت بتاعه عشان يلبسه.. لاحظ أن فيه حد واقف بجانب باب الفيلا الزجاج اللي بيودي عالبسين ..
عمر ركز شوية لقاها أمينة واقفة و بتمسح زجاج الباب.. طول ما هو بيعدل التيشيرت وبيلبسه و هي واقفة و بتمسح في مكان واحد و هي عمالة تبص له و تبتسم له ابتسامة خبيثة جدا.. و كأنها بتقوله انا فاهمة اللي بيحصل.. هو عدى من وراها و هي واقفة بس بكل ثقة طبعا..
لحد الآن هي في نظري انا و عمر بنت ساذجة و مش هتفهم حاجة ولو فهمت حتي مش هتتجرأ تقول حاجة عشان
محدش هيصدقها و اخرها انها هتقطع عيشها بايدها.. للأسف هي كانت اذكى من كدا بكتير..
أمينة بنت في أواخر العشرينات.. مطلقة و و غلبانة.. ده المفروض.. بس هي جميلة.. الجمال و الأنوثة الشعبية دي..
البنت من اليوم دهةو ابتديت معاملتها ليا انا و عمر اتغيرو أوي لدرجة ملفتة.. بقيت كل ما تشوفني تقولي حلو أوي اللي انتي لبساه ده مخليكي مزة.. أنا بستغرب من كلامها عمرها ما اتجرأت عليا كدا في الكلام.. و بقى واخدة بالها أوي من عمر و كل ما ينزل يعوم في البسين تروح تقف تبص عليه و تتعامل معاه بكل مياصة و هي مبتسمة أوي ..ده غير انها مش بتتكسف تعمل الحركات دي و هو قاعد مع كارما.. بس بتبقى مهدية الموضوع شوية انما لو قاعد معايا انا او حتي بيتكلم معايا بتزودها أوي.. الغريبة اني شفت خيالها مرة و انا قاعدة بلعب معاه شطرنج ..كانت كارما قاعدة معانا بس جالها تليفون و راحت ترد عليه.. وهي راجعة لقيتها بتزعق في أمينة و بتقولها ايه اللي موقفك كدا.. طبعا أمينة جريت على طول بعدما اتحججت بانها افتكرتني بنادي عليها.. كارما من سذاجتها صدقت و عديت الموضوع..
كنا في النادي انا و كارما و ماما.. كارما قاعدة بتتكلم عن الخلفة و الأطفال و ماما بتواسيها لأنها مطلعتش حامل و بتقولها تخلي عندها امل ..عمر جاي علينا من بعيد.. كنا متفقين أننا نتغدي كلنا هناك..
بابا مكنش لسة جه وعمر قال انه هيتأخر.. مش مشكلة قررنا نستناه..
أنا عاوزة اتكلم مع عمر في موضوع أمينة ده.. و انتهزتها فرصة أننا بعيد عن البيت.. بس لازم اتكلم معاه لوحدنا..
بعدما عمر قعد بشوية قلتله ما تيجي نلعب تينس شوية
عمر اوك بس اغير هدومي الأول..
عمر كان مستغرب أوي ..دي أول مرة اطلب منه انه يجي معايا في مكان.. بس هو كان فرحان في نفس الوقت ..
كارما قالتله يا خسارة انا ماليش في الرياضة كنت جيت معاكم..
عمر ولا يهمك يا حبيبتي.. ريم هتلعب بدالك.. و قام وراح غرفة تغيير الملابس و غير هدومه و لبس ملابس رياضية.. روحنا ملعب التينس..
اابتدينا نلعب و هو كان مركز
الكورة راحت عنده صدها بكل قوته و انا اتلخبطت و ملحقيتش اصدها و كانت هتيجي في وشي.. حطيت أيدي علي وشي و صړخت.. الكورة مجتش فيا بس أنا اټخضيت ..
ساب المضرب وجه جري لدرجة أنه قفز من علي الشبكة و جالي شال أيدي من علي وشي و هو ملهوف و خاېف ..و قالي حصلك حاجة ..انتي كويسة ..
مسك وشي و يبص لكل حتة في وشي و انا بحاول ابعد ايده عني و عنيا عشان متجيش في عنيه.. دي أول مرة في حياتي أحس بحنية و خوف عمر عليا.. عنيه كان فيها خوف و لهفة ..مكنش فيها رغبة زي كل مرة..
شيلت ايديه من علي وشي و قلتلته انا كويسة..
مشيت بعيد عنه شوية و بصيتله بحزن و قلتله عمر.. علي فكرة أمينة شافتنا يوم البسين و نظراتها كلها ټهديد ليا..
عمر ڠضب جدا أمينة.. أمينة مين دي اللي مخوفاكي
..
انا ممكن امحيها من علي وجه الأرض و بدون اي أثر كمان.. اوعي تخافى من اي حد في الدنيا و انا معاكي.. اللي يفكر انه
ياذيكي يبقي بيجني علي نفسه..
قلت بيني و بين نفسي والله ما انا خاېفة من اي حد في الدنيا دي غيرك..
مكنتش مطمنة زي ما قال.. بس قلت طيب اتصرف انت بقي.. و ارتحت لما اخدت بالي ان الټهديد المرة دي مش مني انا.. سرحت كدا و قلت لنفسي كويسة اوي فكرة الټهديد الخارجي دي.. حسيت بكمية غرور لما لقيت عمر خاېف اوي علي علاقتنا احسن أمينة تبوظها..
شكلي كدا هستغل الموضوع ده و هنبسط أوي..
الجزء العاشر..
أنا قررت استغل الفرصة و اعمل اللي انا عاوزاه ..و بالنسبة لعمر هو بقى اللي هيواجه أمينة لوحده.. عمر ميتخافش عليه انا عارفة أنه قوي و جريئ ..بس خاېفة يكون قاسې لدرجة اللا رحمة .. و ممكن يمحي أمينة من عالوجود زي ما بيقول..
المهم كنا قاعدين علي السفرة بنتغدي ..تليفون عمر كان بيرن و هو بعيد عنه فجأة أمينة جابتهوله و حطيته قدامه بنيابة كدا و نظرتله نظرة مش تمام..
فضل ينظرلها نظرات وعيد.. اه ..أنا أخدت بالي من عيون عمر ..كانت بتطق شرار.. اول ما لفت وشه ليا ..بصيت لبابا وقلتله أخبار الشغل ايه ..تمام..
بابا تمام الحمد لله.. من امتي و انتي بتسألي عن الشغل..
أنا لا ابدا انا بس بطمن يعني ..
بابا لولا وجود عمر طبعا.. بصراحة فرق معايا كتير أوي..
أنا ضحكت و بابا و كارما ..
عمر ابتسم ابتسامة بسيطة بس كان شكله مضايق..
عمر كان في اوضته و كارما معاه ..كان بيستعد للخروج ..كان بينهم جدال بسيط علي موضوع خروجه الكتير كل يوم و مبقاش فاضي يخرج كارما و كدا..
عمر فجأة بيفتح باب الأوضة لقي أمينة في وشه.. نظرة عمر كانت مش مجرد وعيد ..لا ده انا هتصرف معاكي بقى..
عمر حاليا حاطط أمينة في دماغه و بيركز أوي على تصرفاتها.. بالإضافة لشغله الكتير مع بابا.. عمر الي حد ما انشغل عني ..و انا الي حد ما بقيت حرة..
زي ما انا على وضعي بخرج و بهتم بشكلي و منطلقة ..بس بدون ضغوط خالص ..
في يوم بقى قابلت الدكتور كريم اللي كان زميلي في الجامعة و كان بيكمل دراسة في ألمانيا ..أنا كنت قابلته قبل كدا و عمر كان عرف ..بس كانت الأمور عادية جدا.. المرة دي حسيت انا عاوز يتكلم معايا كتير.. أنا قلت لنفسي اوك مفيش مانع ..يمكن انا اتكلم معاه و اتقرب منه انسي
شوية المشاعر اللي في قلبي لعمر ..خصوصا ان كريم كان معجب بيا ايام الجامعة.. بس هو
عشان إنسان مهذب كان كلامه مجرد تلميح بس.. و مازال بس أنا حسيت المرة دي انه ناوي علي حاجة..
أنا و كريم اتكلمنا كتير و اتكررت زيارنه ليا في المستشفي وتبادلنا أرقام التليفونات و بقى يكلمني من وقت للتاني كلام عادي جدا..
لغاية ما في يوم اتكلمنا مكالمة طوييلة اوي و كان رقيق اوي في كلامه و اسلوبه ..بصراحة كنت مبسوطة اوي و انا بتكلم معاه ..و في اخر المكالمة طلب انه يقابلني نقعد مع بعض و كدا.. انا وافقت.. كنت فاكرة اني على راحتي و ان الأمور تمام لغاية ما أعلن ارتباطي بكريم و اللي هينقذني من شباك عمر..
بس جت حاجة بوظت التخطيط.. أمينة سمعت المكالمة كلها ..كنت بتكلم في بلكونة اوضتي و هي كانت واقفة تحتها ..
بعدما سمعت المكالمة كلها دخلت الفيلا تتسحب و ده كان بعد الساعة 12..
عمر كان وقتها راجع من برة و شافها.. حط ايده علي بقها قبل ما تصرخ و مسكها من دراعها و اخدها أوضة المكتب بتاع بابا قبل ما حد يشوفهم..
دخلت و هي مخضۏضة و خاېفة و قفل هو الباب..
مسكها من ياقة البلوزة بتاعتها و قعدها علي مرسي قدامه.. بس كان الڠضب متملكه و هي بترتعش..
و قال لها و صوته واطي جدا بس الشړ في عنيه..
عمر انا عاوز اعرف انتي وراكي ايه.. انطقي و قولي الحقيقة علشان لو خبيتي حاجة هعرفها بردو بس بطريقتي اللي مش هتعجبك ابدا..
أمينة بترتعش و مش قادرة تتكلم ..
عمر صړخ فيها و قال انطقي ..
أمينة وطيت علي رجليه و هي مڼهارة ..أنا عمري ما هفكر اضرك.. أنا خدامتك و مستعدة اعمل اللي يرضيك..
سكت عمر شوية و هي ابتديت تهدا ..و قالت بنبرة شړ و خبث و مستعدة كمان اكون عنيك اللي تشوف بيها حتي و انت مش موجود.. و الدليل علي صدق كلامي.. اللي انا سمعته النهاردة من ستي ريم..
عمر سمعتي ايه ..
أمينة سمعت مكالمة بينها و بين واحد اسمه كريم و شكله دكتور معاها علشان بتقوله مش احنا بنتقابل في المستشفي كل يوم.. و الظاهر أنها كانت بتتفق معاه أنهم يتقابلوا برة المستشفى..
عمر ابتعد عن أمينة و كان مصډوم و متغاظ في نفس الوقت.. خبط بقبضة ايده على المكتب من الڠضب.. أمينة قامت من علي الأرض و وقفت جنبه و حطيت ايدها علي كتفه و قالت ده غير الضحك و النحنحة اللي من أول المكالمة لاخرها.. كل دا من وراك يا عمر بيه..
عمر الټفت ليها و عيونه حمرا من الشړ ..قال ليها روحي انتي بقى دلوقتي ..بس علي فكرة دورك لسة منتهاش و عقابك هأجله لبعدين.. إلا بقى لو اثبتي اخلاصك ليا ..
أمينة ابتسمت ابتسامة خبيثة وقالت انا خدامتك ..
عمر كان جن جنونه بعد الليلة دي وقرر انه يواجه ريم..
الجزء الحادي عشر..
عمر طبعا بعد كلام أمينة قرر ينتقم مني ..بس كان لازم يواجهني الأول..
عمر طبعا عرف بمعادي مع كريم ..
بس مكنش يعرف فين ..
جالي عند المستشفي و راقبني لما خرجت و ركبت عربيتي و رحت اقابل كريم في كافيه علي النيل ..
دخلت و كان كريم مستنيني.. سلمت عليه و قعدت ..
اتكلمنا كلمتين و فجأة لقيت عمر جنبي.. أنا اټخضيت و خفت.. بس هو كان هادي أوي في كلامه..
عمر صباح الخير ..إزيك يا ريم ..
عمر كان ساند بايده على الترابيزة و كان بيبصلي و نظرته كانت شريرة أوي ..
أنا رديت و بكل توتر صباح النور ..
كريم كان متفاجئ و مش فاهم حاجة ..
أنا قلتله ده الدكتور كريم زميلي في المستشفي..
عمر اه ..طيب و برة المستشفي ..
كريم مش اعرف حضرتك تبقى مين الأول ..
عمر انا جوز اختها ..فهمت..
عمر كان متعصب أوي.. بس كريم قام وقف و معرفش يقوله ايه ..حس بالاحراج و خلاص ..
كريم انسحب بهدوء و مشي .. وأنا قمت علشان أمشي..
عمر نظرله نظرة انتصار.. و قعد مكانه أخدت شنطتي ولسة همشي لقيته مسك أيدي ..أنا اتنرفذت و قلتله سيب أيدي ..
عمر كان عصبي جدا بس بيحاول يهدي أعصابه علشان ينهي موضوع كريم ده..
عمر قال اقعدي ..فيه
كلام كتير أوي لازم تسمعيه لأنه مهم..
أنا قعدت و أنا خاېفة ..
عمر طلع سېجارة و ولعها ..و قال ايه كريم ده.. مش انا حذرتك قبل كدا من انك تتقربي من حد.. ها.. مش خاېفة ..
أنا أخاف من ايه ..
عمر لو مش خاېفة علي نفسك خافي عليه هو ..
أنا ليه هتعمله ايه يعنى ..
عمر هقتله.. و بكل بساطة.. و لا انتي مش مصدقة..
أنا هي وصلت لكدا كمان..
عمر كل حاجة في إيدك انتي.. تحافظي علي حياته بأنك تبعدي عنه ..و لا تقربي منه أكتر و تبقى آخر مرة تشوفيه فيها.. ها اختاري ..
أنا كنت مړعوپة منه و قلتله انت مچنون.. أكيد مچنون ..انت مريض نفسي ..
و سيبته و مشيت ..
بالليل كلمت كريم و قالي انه عاوز يخطبني من بابا علشان الموقف المحرج اللي هو اتحط فيه ..و انا وافقت بس
تاني يوم كلمت بابا و كان مرحب جدا.. بس انا كنت خاېفة.. بابا قاللي خليه يجي يقابلني بكرة ..و قلت لكريم و كنا خلاص علي استعداد لزيارته ..كلنا قاعدين مستنينه و فجاة جالي اتصال انه عمل حاډثة فظيعة علي الطريق
و هو جاي ..
أنا مكنتش مصدقة لحدما روحتله المستشفي ..كانت حالته خطېرة جدا و في غيبوبة..
أنا جالي اڼهيار عصبي اول ما شفته.. مش بس منظره و هو متبهدل و تحت أجهزة التنفس لا ده لأني متأكدة ان الحاډثة دي مدبرة..
مكنتش مصدقة ان إنسان رقيق و نقي زي ده يحصله كل دا بسببي انا..
فضلت مكتئبة في البيت يومين و بعدها روحت اطمن عليه الدكاترة قالوا انه هيفضل في الغيبوبة لوقت غير معلوم..
كنت حزينة جدا و محطمة ..كان هو الأمل في اني اهرب من سجن عمر ..
من وقتها كل ما عمر يشوفني يصبرني علي اللي حصل ..بس عنيه بتقولي شوفتي آخرة العند ايه..
حالتي النفسية كانت محتاجة لدكتور نفساني.. تخيلوا الكوميديا في ان دكتور نفساني يروح لدكتور نفساني.. كنت بصبر نفسي بأني لسة معنديش خبرة ..لا في المهنة.. و لا الحياة ..
هروح لمين طبعا غير الدكتور توفيق..
حكيتله اللي حصل بيني و بين عمر ..هو اټجنن خصوصا انه كان بيعز كريم أوي.. قالي اهربي.. سافري ألمانيا كملي دراسة هناك و ابعدي و سيبيلي الموضوع ده انا هتصرف مع والدك و كارما ..
مش عارفة ليه كنت مرتاحة للفكرة رغم خطورتها.. هل علشان اخلص منه و من العڈاب اللي انا فيه.. ولا علشان هو حاول ېقتل إنسان برئ.. في الحالتين انا شايفة ان حلال فيه القټل..
الجزء الثاني عشر
عمر أصبح إنسان غريب و مخيف بالنسبة ليا.. بس انا كل همي اني ابعده عن أختي و في نفس الوقت مجرحاش.. فضلت ليل ونهار أفكر ازاي ابعده عنها.. بس انا عارفة اد ايه هي بتحبه و ممكن يحصل لها حاجة لو بعد عنها خصوصا انه مخليها أسعد زوجة في الدنيا ..بيعاملها برقة جدا و دايما يجيبلها هدايا ..حتي لما كانت زعلت منه علشان مكنش بيخرجها . كان صالحها بردو و جابلها هدية.. حتي عيد ميلادها مكنش ناسيه .. و دايما هداياه غالية و قيمة.. أنا عارفة أنه بيعمل ده كله علشان هي متصدقنيش لما أقولها علي حقيقته ..و كمان علشان يعمي عنيها عن اي حاجة تشوفها منه خصوصا لو الحاجة دي ليها علاقة بيا..
عمر ذكى ذكاء شيطاني مش ذكاء بشړ عادي..
حبه ليا وصله لدرجة الجنون ..و جنونه بيزيد أوي لما يعرف اني روحت ازور كريم في المستشفي.. ده واجب عليا بس هو بيعتبرها خېانة مني له ..
في يوم و انا قاعدة كدا مع نفسي في الجنينة.. فجأة خطرت في بالي فكرة هي اني أراقب عمر..
أيوة اراقبه.. اعرف تحركاته كلها بيروح فين و بيقابل مين.. بس لازم اخد بالي بردو انه بيراقبني.. مكنتش فكرت كتير انه بيراقبني عن طريق مين.. بس قلت يبقي اعرف الأول هو بيعرف خطواتي كلها ازاي.. مش معقول يعني داير ورايا بنفسه عشان يراقبني..
اشتريت من موقع علي النت ثلاث كاميرات مراقبة وسماعة ميكرو لا سلكية..
زرعت على باب اوضتي كاميرا صغيرة متوصلة بلوتوث بموبيلي
كان عندي شك بسيط ان امينة بتقف تتصنت عليا و ممكن تكون بتدخل اوضتي كمان..الكاميرا التانية في مكتب بابا.. و التالتة صغيرة كدا خليتها معايا و انا خارجة عشان انزل مكان اتمشي فيه وةاعرف مين ماشي ورايا..
بالنسبة للكاميرا اللي علي باب اوضتي كشفتلي دخول امينة المتكرر للاوضة بتاعتي ..ليه معرفش ..مرة دخلت و خرجت بملايات السرير ..و مرة دخلت وخرجت بقماشة صغيرة في ايدها ..و مرة دخلت بنفس القماشة وخرجت تاني وهي بتلتفت حواليها و بتتسحب.. تقريبا كانت شايلة القماشة حجة علشان لو حد شافها تقول أنها كانت بترتب الأوضة او بتنضفها.. بس بتدخل تعمل ايه ..معرفش ..الغريبة اني دخلت بعدها لقيت كل حاجة في مكانها.. بس
اللي اكدلي شكي اني شفتها واقفة على باب اوضتي و انا بتكلم في الموبيل.. هي أكيد مش هتقدر تسمعني لأن الأوضة كبيرة و انا غالبا بتكلم و انا قاعدة علي شيزلونج جنب باب البلكونة و سعات بخرج اتكلم في البلكونة .. عموما انا عرفت أنها بتدور ورايا.. و هاخد بالي جدا بعدها..
الكاميرا بتاعة مكتب بابا بقى.. كشفتلي حجات غريبة بتحصل بين عمر و بابا.. شوية يتكلموا شوية بابا يتنرفذ ..شوية وعمر يهديه و يديله دوا.. بابا مريض قلب صحيح بس معقول كل ما قلبه يتعب عمر بحنيته يديله الدوا.. مش فاهمة حاجة بس لازم اطمن على بابا..
و كارما.. يا نهار اسود احسن يكون بيدلها حاجة هي كمان.. القلق و الشك هيجننوني.. يبقي السماعة لازم احطها في أوضة كارما و عمر.. لازم اعرف اللي بيحصل بينهم و ازاي مأثر عليها كدا تأثير السحر..
الكاميرا الثالثة بقي كشفتلي البيه اللي بيراقبني.. شكله كان اهبل أوي و هو ماشي ورايا.. بقيت أروح كل يوم المستشفي اعمل شغلي و استأذن واحدة من أصحابي تاخد مكاني و أروح من باب الجراج اخد عربيتها و أروح ازور كريم..
احساسي بالذنب ناحية كريم كان بيخليني اعمل اي حاجة علشان أشوفه.. مقدرش اقول حب ..بس هو قريب من الحب بشوية.. يعني بتمني انه يبقى كويس.. بس مش عارفة ان كنت هتجوزه بعدما يبقى كويس ولا لا.. أنا مش عارفة اصلا ان كنت هتجوز ولا لا.. حسة ان قلبي جمد.. مبقاش يعرف حب و إي عواطف.. مبقيتش شايفة قدام عنيا غير عمر و ازاي اخلص منه..
المهم اني وةانا بتابع الأحداث عن طريق الكاميرات بتاعتي.. حصل حاجتين أغرب من بعض..
طبعا انا بسمع اللي بيحصل بين كارما و عمر.. و طبعا انا ببقي عارفة اسمع ايه و مسمعش ايه ..في حجات خاصة أوي احتراما بس لأختي بوقف التسجيل.. غير كدا سمعت حوار بينهم
.. كارما بتقول انا ملاحظة انك اتضايقت أوي لما قلتلك أن ريم متقدملها عريس.. ده غير ابن صديق بابا اللي بابا رفضه بسببك.. ممكن اعرف ليه..
عمر حبيبتي.. ريم أختك ..يعني أختي حبيبتي وروح قلبي ..معقول اتنازل عنها كدا لأي حد.. طب انتي شايفة ان واحد من اللي بيتقدموا لريم يشبهني..
كارما لا طبعا يا حبيبي.. انت مفيش زيك في الدنيا..
عمر و انتي اجمل زوجة في الدنيا علشان كدا مش هوافق ابدا اني اجوز ريم لأي واحد كدا و خلاص ..يا يكون شبهي.. لا شبهي ايه ده لازم يكون احسن مني..
كارما يا حبيبي ..انت مفيش احسن منك و لا زيك ابدا.. انت عمر واحد بس في الدنيا..
عمر يا حياتي انتي ..بمۏت فيكي ..
أنا سمعت الكلام ده و جالي حالة ذهول.. حطيت الهاند فري و مقولتش غير ېخرب بيتك.. لا بجد ېخرب بيتك.. انت ايه ساحر.. أنا عرفت ضحك عليها و على بابا و ماما ازاي..
الحاجة التانية اللي حصلت ..كاميرا المكتب بتاع بابا كشفتلي عمر و هو بيحاول يمضي بابا على ورق بس بابا كانت متضايق و تقريبا كان رافض يمضي بس عمر سابله الورق عالمكتب و بابا اضطر يمضي فعلا ..بابا كان حزين أوي و سند ظهره على الكرسي و هو محبط جدا.. عمر اخد الورق و حطه في خزنة بابا.. و بعدين قاله حاجة و رجع طلع الورق و اخده معاه.. و سمعت بعدها كارما و هي بتقوله ايه الورق ده..
عمر شغل ..
كارما تعرف أن انا بخاف لما بنام في أوضة فيها خزنة.. بحس أنها هتتحرك و تيجي عليا تبلعني و انا نايمة..
عمر ضحك و قال طبعا ما انتي مغرية..
ضحكوا الإثنين و قالت كارما طب انت مش خاېف اعرف الرقم و أفتحها..
عمر هتعرفيه ازاي ..
كارما امممم.. ممكن اخمن..
عمر هتخمني 11 رقم ..
كارما يااااه ..ليه يعني 11 رقم ..
عمر حبيبتي دي خزنة صناعة ألماني ..فريدة من نوعها.. حتي تصميمها.. حتي الزراير بتاعتها كل زرار ليه صوت معين.. مصنوعة بدقة عالية جدا..
كارما يااااه ..خسارة أن شكلها مش
كيوت.. كنت هعتبرها ديكور في الأوضة..
وضحك الاثنان..
أنا قررت لازم اعرف ايه الورق ده.. بس الصراحة وصف الخزنة رعبني خلاني اقول مستحيل اعرف أفتحها.. بس جملة كل زرار ليه صوت دي رنيت في دماغي أوي.. حسيت اني ممكن اعرف الرقم و اميزه بالصوت.. بس الموضوع ده محتاج اني أسجل صوت أرقام الخزنة عموما و بعدين أسجل صوت الأرقام اللي ضغطها عمر.. صح.. 11 رقم مش مشكلة.. المهم بس أسجل صوت أرقام الخزنة
استنيت بعدها ليوم خرج فيه عمر و كارما بالليل.. بصراحة خفت احسن يكون حاطط كاميرات في الأوضة ولا حاجة وبيشغلها بعدما يمشي.. دخلت الأوضة وسيبتها ضلمة و شغلت راديو صغير عشان لو في
متابعة القراءة
