رواية حب وعذاب ادم وحبيبه بقلم بنت الصعيد (كاملة)
المحتويات
سمعت الكلمة و اڼهارت و فضلت ازعق و قلت للدكتور اني هاخده و اسافر لندن يتعالج هناك.. و فعلا اخدته و سافرنا و اول ما وصلنا وديته المستشفي.. الدكاترة قالوا نفس
الكلام.. بس مع العلاج ممكن يرجع زي الأول بس مش أوي و كمان العلاج هيحتاج سنين ..
بعدما سمعت الكلام نظرت بحزن لعمر من ورا زجاج الغرفة اللي كان نايم فيها..
قررت إني اتكلم معاه.. عمر كان قاعد علي كرسي متحرك .. مكنش فيه حاجة بتتحرك في جسمه غير عنيه..
سحبت كرسي و قعدت جنبه.. و اتكلمت معاه بكل صدق و حب..
أنا انا اسفة يا عمر عاللي عملته فيك.. بس صدقني اللي عملته ده مكنش اڼتقام لنفسي و لا لابويا.. ده لأختي.. علشان هي بريئة
و معملتش ليك اي حاجة وحشة.. ان كان علي انها اخدتك مني ..فدا مش ذنبها هي.. لان انت اللي قربتها منك و علقتها بيك و جوازك منها كان باختيارك انت.. أقصد تخطيطك انت.. عموما انا عملت فيك كدا علشان عاوزة أعيش معاك بجد ..و مكنتش هقدر أعيش معاك و أنا شيفاك قاټل اختي و أبويا.. كان لازم اخد حقي منك علشان نتعادل و نبدأ بداية جديدة .. و علشان كل ما افتكر اللي انت عملته فيا افتكر اللي عملته فيك ..وانت كمان.. و يمكن نبطل نفتكر احنا الاتنين..
عمر نظر ليا نظرة ڠضب ..و انا بكل الحب كملت بص يا عمر.. الدكاترة قالولي ان حالتك محتاجة علاج و علاج كتير و هيطول.. و انا أوعدك اني عمري ما هسيبك ابدا.. هفضل معاك لغاية اما تتعالج و ترجع زي الأول..
و من وقتها قررت اني أعيش مع عمر كممرضة و مساعدة و كل حاجة في حياته.. كنت بخدمه ليل و نهار.. كل حاجة في حياته كنت بعملهاله.. أدق تفاصيل حياته كان معتمد عليا فيها.. عنيه كانت دائما بترفض مساعدتي.. بس هو مسلوب الإرادة مكنش يقدر يعترض .. كنا بنعمل يوميا جلسات علاج طبيعي و كنت بعمله تمرينات خاصة في البيت.. بعت العقد و صرفت عليه المليون دولار ..كل فلوسه زي ماهي .. بس شريكه في الشركة اللي هو أبوه بالتبني ساعدنا كتير لأني مكنتش اعرف اتصرف في فلوس عمر و لا كنت عاوزة اصلا .. بعد سنة علاج ابتدا يحرك رأسه ..و زي ما يكون دي فرصته انه يرفض حجات كتير كنت بعملهاله.. فضل فترة يرفض كل شئ حتي علاجه
من وقتها قررت ان اول حفلة ليا انا وعمر هتبقي يوم ما يقف تاني علي رجليه..
فات تلات سنين و عمر ابتدا يمشي خطوات بطيئة بعكاز.. و ايديه بدأت تتحرك بس بترتعش.. و الكلام بقي مفيش.. أنا عارفة أنه يقدر ينطق حروف بسيطة.. بس كبرياؤه يمنعه انه يظهر بالشكل
ده.. بالنسبالي انا كنت هفرح أوي ..بس هو كان حزين دايما ..و الوضع ده مش بيرضيه مهما اتحسن..
في يوم فكرت اخده و نروح نقعد علي البحر.. ركبنا العربية و اول ما وصلنا نزلت و جريت عليه عشان اسنده بس هو رفض و نزل لوحده بصعوبة.. مسكت ايده و مشيت جمبه و انا واثفة انه قوي و هيقدر يمشي.. وصلنا لاستراحة علي البحر و قعدنا.. فضل يبص حواليه شوية و انا قاعدة جمبه و ماسكة في دراعه.. فجأة لقيته بيشاور بايده و بيقول بح.. بحر..
بصيتله و انا فرحانة أوي و عنيا دمعت من الفرحة..
و قلتله أيوة يا حبيبي ..بحر ..
حطيت إيديا الاتنين علي وشه و بصيت لعنيه اللي كانت بتلمع من الدموع.. و هو قرب وشه من وذي و حط جبهته علي جبهتي و قال بح.. بحبك ..
و دي كانت اول و اغلي كلمات سمعتها منه في حياتنا الجديدة..
و بعد خمس سنين
علاج رجع عمر لطبيعته بنسبة 90.. و بعدها ربنا رزقنا بمولود سميناه عمر.. و مبقاش في حياتنا اي ذكريات غير عمر.. اول ضحكة ليه و اول
كل حاجة في حياته.. بقي هو كل حياتنا و ذكرياتنا و ربيناه علي حبنا لبعض.. و دي النهاية السعيدة اللي بجد..
البارت الرابع عشر
أدم خلص شغله وركب عربيته وراح ع البيت
وصل الشقة طلع مفاتيحه ودخل الشقة
أدم.. حبيبة.. حورية.. يا حورية.. أدم اټصدم لما شاف حبيبة واقعة ع الأرض عند المطبخ ومغمي عليها
أدم.. حبيبة
قام جري عليها بسرعة وشالها وحطها ع السرير وجري علي دكتور جارهم هو في اللحظة دي نسي أنه حبيبة منتقبة ومش بتتكشف علي دكاترة رجالة
أدم خبط علي الدكتور نادر اللي في الدور اللي تحت شقتهم..
أدم وهو بياخد نفسه بالعافية.. دكتور نادر لو سمحت الحقني مراتي مغمي عليها فوق
نادر اخد معداته وطلع مع أدم
في الشقة
كشف الدكتور علي حبيبة واثناء ما بيكشف عليها هي بدأت تفوق واټصدمت لما شافت شخص غريب وهي نايمة قدامه وبصت لادم بعتاب
الدكتور.. مبروك يا باشمهندس المدام حامل
أدم.. ايه حامل ..قول والمصحف
الدكتور.. نعمممم!!! تمالك اعصابك يا باشمهندس وخد هات لها الادوية دي .يلا سلام عليكم
الدكتور خرج ومعاه أدم وصله لغاية الباب ورجع تاني لحبيبة جري لقاها مڼهارة في البكاء
systemcode _ ad _ autoads
أدم بدهشة.. مالك يا حورية دي دموع الفرح ولا ايه
حبيبة.. أنا مش مسمحاك يا آدم انت ازاي تخلي دكتور يكشف عليا ما جبتش ليه دكتوره
أدم.. يااا حورية انا كنت ف ايه ولا ايه دانا كنت هتجنن لما لقيتك واقعة ع الأرض جه ف دماغي الف سيناريو
حبيبة وعياطها زاد هيرمونات الحمل بقا منكدة عليها
.. لا مش هسمحك مش هسمحك وابعد عني
أدم.. كده برضو يا حوريتي عايزة تحرميني من اجمل لحظة اي حد بيتمناها
حبيبة.. وهي بټعيط.. أنا آسفة يا آدم بس مش عارفة ليه عايزة اعيط وخلاص
أدم.. عادي يا حورية تعالي تعالي ف وعيطي براحتك تعالي يا ختي
حبيبة راحت ..وفجأة بعد ما كانت بټعيط ضحكت وقالت.
أدم أنا هبقي أم مش مصدقة الحمدلله الحمدلله يارب
أدم.. يا بخته حبيبة.. البيبي ليه يعني
أدم.. طبعا ما هو اللي يبقي أمه البسكوتة دي يبقي يا بخته
حبيبة ابتسمت.. ربنا يخليك ليا يا آدم ..
أدم.. حبيبة هو انتي حاسة كده كام بيبي في بطنك
systemcode _ ad _ autoads
حبيبة
.. پصدمة.. نعم يعني ايه كام بيبي هو اكيد واحد
أدم.. لا أنا عايز اتنين ماليش فيه اتصرفي لازم يبقو اتنين
حبيبة.. يا سلام ولو واحد يبقي لا ..قول الحمدلله يا آدم أنه ربنا كرمنا
أدم.. أنا بهزر يا قلبي.. الحمدلله انك ف حياتي اصلا
أدم.. بالحق هتقدري تروحي معايا عند بابا انهاردة مروان هيقرا الفاتحة علي كارما وكان عايزني ابقي معاه هو مالوش حد هنا ف مصر غيري
حبيبة.. طبعا يا حبيبي اقدر أنا هاقوم البس
أدم.. اعملي حسابك يا حبيبة جهزي شنطتك احنا هنقعد عند اهلي لغاية ما تولدي أنا مش هقدر أسيبك لوحدك تاني
هكون قلقان عليكي
حبيبة.. بفرحة ..بجد يا آدم الله انا بحب اوي اقعد عند ماما زهرة وكارما
أدم.. بهزار.. طب وادم لا ما بتحبيش تقعدي معاه
حبيبة.. لا ما بحبش انت دمك تقيل
أدم.. كده ماااااشي يا حبيبة أنا هاروح لرنا
حبيبة.. سمعت كده وكانت هتتجنن وبدأت ټضرب ف أدم وهو يضحك
في المساء
في فيلا الالفي
وصل أدم وحبيبة وكان معاهم شنط كتير واول ما قالوا خبر حمل حبيبة كلهم فرحوا جدا وبيدلعوها دلع مافيش بعده
وبعد فترة جه مروان استقبلوه وقعد مروان وادم ومنير وزهرة أما عن كارما وحبيبة فكانوا في أوضة كارما مستنين حد ينادي لهم
في الصالة
الكل ساكت الصمت هو سيد الموقف وادم ومروان بيبوصوا لبعض وساكتين
منير.. احم نورت يا مروان
مروان.. شكرا يا منير بيه
منير.. لا منير بيه ايه بقا قلي يا عمي
أدم.. بص يا حج الحوار اللي يفقع المرارة دا فكك منه انت وهو أحنا كلنا عارفين انه مروان جي يتقدم ويقرا فاتحة فيلا نقرأ الفاتحة علي كده وبلاش رسميات
وفعلا فروا الفاتحة وجات كارما وحبيبة وقعدوا قعدة عائلية جميلة
مروان.. عمي أنا عايز اكتب كتابي علي كارما
منير.. وليه مستعجل البنت لسة في اولي جامعة
مروان.. أنا عارف بس بصراحة يا عمي ابنك هيعقدني ف حياتي ومش هيخليني لا اكلم كارما ولا اخرج معاها
منير وزهرة ضحكوا وادم بص لمروان ورفع حواجبه وقال
..بقي كده عايز تكتب كتاب عشان تتحداني برضو مش هخليها تخرج معاك يا مروان يا شاكر
مروان
.. لا كده كتير بقا انا عايز اتجوز يا عمي
منير.. اهدي يا آدم وانت يا مروان خد خطيبتك واقعدوا ف التراث الجو جميل برا
مروان اخد كارما اللي كانت مكسوفة ووشها ف الأرض وقعدوا ف التراث
مروان.. الحمدلله انك وافقتي كنت خاېف تعانديني وترفضي يا كرملة
كارما.. انت بتحبني بجد يا مروان ولا خطبتني عشان أدم
مروان.. خطبتك عشان أدم
كارما بصتله پصدمة.. ايه
مروان.. انتي عبيطة في حد بيجامل صاحبه فيتجوز أخته .
كارما.. توعدني انك تنسيني اھانتك ليا زمان
مروان بحب.. اوعدك اني انسيكي اسمك لو عايزة كمان
وتمت خطوبة مروان وكارما ف جو عائلي جميل
في الصبح
في
.. يا باشا بقلك تقريبا المعمل الجنائى اتوصل لحاجة ومش بعيد الحاجة دي تضرك انت أنا ما قدرتش اعرف هما اتوصلوا لايه بس هحاول اعرف
هشام
.. يعني ايه يعني أنا ف خطړ دلوقتي انطق
احد رجاله.. ماعرفش يا باشا بس لازم تاخد احتياطك
هشام.. اسمع انا هسافر برا مصر بس قبل ما اسافر لازم اخدها معايا
لذلك اسمع انا هكلفك بمهمة تنفذها بالحرف الواحد انت فاهم مش عايز غلطة لأنها فيها روحك
.. تمام يا باشا انت تؤمر
هشام..
في الفيلا
أدم كان خلاص لابس وخارج ع الشغل
أدم.. حبيبة جبتلك هدية بمناسبة انك هتبقي ماما
حبيبة فرحت.. بجد يا آدم
أدم.. طلع سلسلة من جيبه مكتوب عليها أدم ولبسها لحبيبة وقالها .بتحذير.. اوعي يا حبيبة تقلعي السلسلة دي مهما حصل انتي فاهمة
حبيبة.. خاڤت من طريقة كلامه.. حاضر
وسابها وراح الشغل
طبعا أدم راح الموقع الاول وبعدها رجع الشركة اذن الضهر صلي أدم ولسة هيقف لقي حبيبة جابت له الغدا وجاية
أدم اتعصب.. حبيبة ايه اللي جابك أنا مش قلتلك قبل كده مش عايز زفت غدا وماتخرجيش تاني من البيت لوحدك
حبيبة عيطت.. أنا غلطت ف ايه يا آدم لما بهتم باكلك
أدم.. أنا اسف يا حبيبة انتي ماغلطيش بس انا خاېف عليكي يا حورية وبعدين انتي دلوقتي حامل يعني لازم تاخدي بالك من نفسك اكتر من كده وبعدين يا سيتي خلاص أنا هبقي اخد علبة الغدا معايا كل يوم وانا خارج خلاص بقا متزعليش
حبيبة.. انا مش بقدر ازعل منك ابدا وانت عارف
أدم.. ولا انا بعرف ازعل من حوريتي خلاص تعالي اوصلك للعربية عشان عندي اجتماع مهم دلوقتي اوك
حبيبة ابتسمت واتشعبطت ف دراعه.. اوك
وفعلا أدم وصل حبيبة لغاية عربيتها ووصي حسن السواق أنه يمشي بهدوء لأنها حامل
اثناء ما السواق ماشي بالعربية طلع فجاءة قدامه واحد غرقان بدمه حبيبة قلبها طيب طلبت من عم حسن يوقف
حبيبة.. عم حسن وقف بسرعة أنقذ الشاب يا عيني شكله عامل
حاډثة خد المية دي يمكن تحتاجها
وراح لحبيبة رشلها حاجة فقدت وعيها علي طول وشالها واخدها في عربيته وطلع بيها علي مكان بعيد جدا
في مكان مجهول الشاب اخد حبيبة ونيمها ع السرير وكانت لسة فاقدة الوعي وفجأة
هشام.. اخير وصلتي مكانك الحقيقي يا حبيبة قلبي..
البارت الخامس عشر
في مكان مجهول
الشاب اخد حبيبة ونيمها ع السرير وكانت لسة فاقدة الوعي وفجأة
هشام.. اخير وصلتي مكانك الحقيقي يا حبيبة قلبي
هشام قلع حبيبة النقاب وفضل باصص في ملامحها لانه من خمس سنين من لما لبست النقاب ف أولي جامعة وهو ما لمحش حتي وشها
وبعد فترة مش طويلة اوي بدأت حبيبة تفتح عينيها وماسكة راسها من الالم
بصت لقت هشام قدامها فقدت النطق مش قادرة تتكلم عينيها بس بتتكلم ف صمت دموعها شلالات وقلبها هيقف من الړعب حطت أيدها علي وشها ما لقيتش النقاب وهو باصص لها بنظرة كده بتقول انا عاشق مچنون
حبيبة ف اللحظة دي مش قادرة تتكلم بس قلبها المؤمن هو اللي بيتكلم حطت ايديها علي بطنها ورددت الآية الكريمة
إذ يقول لصاحبه لا تحزن إن الله معنا ۖ فأنزل الله سكينته عليه وأيده بجنود لم تروها
اي ايمان ف قلبك يا حبيبة ..ثقتها في
ربنا أنه عمره ما هيضيعها إيمانها بالآية الكريمة
واصبر لحكم ربك فإنك بأعيننا ۖ وسبح بحمد ربك حين تقوم 48 هي اللي بقت مسيطرة عليها
هشام قرب من السرير اللي هي قاعدة عليه وقال بكل حب وهدوء
هشام.. حبيبة اناااا.. بس هي ما خلتهوش يكمل كلامه بدأت تتكلم بصوت عالي وتردد الآية الكريمة
۞ وأيوب إذ نادى ربه أني مسني الضر وأنت أرحم الراحمين فضلت ترددها من غير توقف الړعب دب ف قلب هشام هو كان نفسه ېلمس وشها بايده بس مش عارف ليه دلوقتي مش قادر
هشام.. فقد أعصابه.. واتكلم بصوت مرعب.. بس كفاية كده أنا مش هأذيكي أنا هخيرك بين حاجتين وانتي اللي هتختاري بدون ما اجبرك علي حاجة انتي بنت عمي يا حبيبة وعمري ما أذيكي
عند أدم
أدم كان في العربية بيسوق زي المچنون متجه للمكان اللي حبيبة مخطۏفة فيه ازاي بقا عرف !!!!!
فلااااااااش باااااااك
قبل خطڤ حبيبة وبعد ما نزلت من شركة أدم بنص ساعة بالظبط
في مكتب أدم
أدم بيتصل بحبيبة يطمن هي وصلت البيت ولا لسة بس مافيش رد أدم قلق رن ع حسن السواق برضو مافيش رد كان هيتجنن هو حاسس أنه في حاجة غلط رن علي مامته
اللي قالتله لسة ما وصلتش
مروان.. ايه يا آدم لسة ما عرفتش توصل لحبيبة
أدم ماردش واخد مفاتيح عربيته وجري ومروان وراه
وهو سايق ع الطريق لقي عربية حبيبة وجمبها حسن اللي فاق بس رأسه پتنزف
نزل أدم زي المچنون من العربية وراح ل حسن اللي حكاله كل حاجة
أدم في اللحظة دي مش عارف يفكر وبعدين واخيرا افتكر حاجة.
أدم.. السلسلة وجري ع العربية جاب تليفونه
مروان.. سلسلة ايه أنا مش فاهم حاجة
أدم.. السلسة اللي جبتها لحبيبة فيها GPS جهاز تتبع
أدم بص ف الفون بتاعه لقي حبيبة متجهة للمنصورة ولسة ف الطريق
أدم.. يلا يا مروان أنا عرفت المكان
مروان.. أنا هكلم الظابط سيف يجيب قوة ويحصلنا
أدم.. يلا مافيش وقت
باااااااك.
أدم بيسوق زي المچنون.. وديني يا هشام لو اذيت حبيبة لاشرب من دمك كان متوتر وأيديه بترتعش شافه مروان اللي خلاه وقف العربية وساق مروان بداله لانه كان فاقد اعصابه
مروان.. اهدي يا آدم ربنا هيستر إن شاء الله صنائع المعروف تقي من مصانع السوء وحبيبة ملتزمة وتعرف ربنا اكيد هيحفظها
أدم حابس دموعه بالعافية كل ما يتخيل أنه مراته عند هشام المختل عقليا بدأ يدعي ربنا ف سره أنه يحفظله حبيبة
عند هشام
حبيبة بعد ما سمعت هشام بيقول انها بنت عمه استجمعت قوتها وقدرت تتكلم
حبيبة ..باستهزاء.. ابن عمي.. بجد انت ابن عمي ..ابن العم هو الاخ ..انت عمرك ما حسستني انك اخويا انت كنت بتخوفني بنظراتك من وانا طفلة
انا واختي مالناش اخ كان المفروض تبقا انت اخونا تبقا سندنا وبابا كان بيحبك زي ما تكون ابنه بالظبط بس انت عمرك ما قدرت دا
هشام.. بصوت عالي.. غلط عمي عمره ما اعتبرني اكتر من خدام عنده دراعه اليمين اللي بيستر علي بلاويه كلها
استخسرك فيا وادكي لادم رغم أنه كان عارف أنه أدم صايع ومقطع السمكة وديلها.. بس وافق عشان مصلحته عشان يستغل تصاميم أدم وانا اللي كنت زي الكلب عنده بخدمه بإخلاص ركني ع الرف ولا كأني كنت خاطبك منه
اسمعي يا حبيبة قدامك خيارين تسافري معايا بارادتك واسيب أدم ف حاله ولا اسيبك تمشي دلوقتي بس قبل ما هتوصلي البيت هكون قاټل أدم زي ما قټلت عمي لما حب يحرمني منك
حبيبة صړخت لما عرفت أنه هشام قتل باباها هي كل دا وفاكرة باباها ماټ مۏتة عادية مش مقتول أدم خبي عليها عشان يخفف المها
انت مچنون انت مش بني ادم حرام عليك هتروح من ربنا فين ربنا مش هيسيبك يمهل ولا يهمل.. وقالت الاية الكريمة
ولا تحسبن الله غافلا عما يعمل الظالمون ۚ إنما يؤخرهم ليوم تشخص فيه الأبصار 42
هشام.. حبيبة أنا مش عايز اسمع غير جملة واحدة اخترتي ايه
حبيبة.. أنا هاروح معاك
هشام.. بحب .. بجد يا حبيبة..طب يلا بسرعة مافيش وقت لازم نمشي بسرعة من هنا الشرطة اكيد بتدور عليا أنا هجيب طيارة عمي ونسافر علي طول
حبيبة ..بهدوء ..ماشي
بس بشرط
هشام.. ايه شرطك
حبيبة.. عايزة اتوضي واصلي العصر
هشام.. بس كده عادي صلي يا ستي براحتك
وفعلا اتوضت حبيبة وبدأت تصلي عدت نص ساعة وحبيبة لسة بتصلي
دخل هشام فضل مستني حبيبة تخلص صلاة بس مافيش هي بتصلي متواصل من غير ما تسلم
هشام هيتجنن مش عارف يتصرف طب يشلها وياخدها ڠصب عنها بس هو مش عايز يخوفها منه اكتر
هشام بصوت مرعب.. حبيبة كفاية صلاة
حبيبة اټرعبت من صوته وجسمها كله ارتعش لكن اتجاهلت كلامه ولسة هيمسكها من أيدها سمع صوت هز اركان الفيلا المهجورة
اللي كان قاعد فيها
أدم.. هشاااااااااام ..اطلع يا جبان أنا عارف انت اللي خطفت حبيبة.. هشااااااااااااام
في اللحظة دي حبيبة اڼهارت علي سجادة الصلاة بس برضو ما بطلتش تصلي فضلت ټعيط بصوت عالي وتشهق وهي بتصلي وتردد الحمدلله الحمدلله
هشام طلع مسدسه ونزل.. اهلا اهلا بالشيخ أدم
أدم.. كان ھيموت من الخۏف علي حبيبة بس حب يظهر
برود أعصابه.. يااااااه بقا هشام العدلي اللي بېخاف من البمب قنابل لعبة مش بټأذي يمسك
مسډس مش مصدق اوعي يكون لعبة
هشام.. ما تختبرش صبري يا آدم لحسن افرغه دلوقتي ف دماغك
مروان.. فين حبيبة يا هشام
هشام.. حبيبة خلاص ما بقيتش ليك يا آدم بقت بتاعتي أنا أنا خلاص اخدت اللي انا عايزه ..طبعا هو بيستفز أدم
أدم.. حس أنه دماغه هتتشل مش قادر يستوعب أنه هشام اذي حوريته
مروان.. انت كداب
وفجأة يدخل الظابط
الظابط.. سلم نفسك يا هشام يا عدلي انت مطلوب
القبض عليك ف قضايا كتير جدا أهمهم قتل عمك والاسمنت المغشوش رنا اعترفت عليك .ف سلم نفسك احسن
هشام في اللحظة دي اټجنن حس أنه الدنيا ضاقت عليه صوب مسدسه ناحية أدم وقال بصوت عالي.. هموتك يا ادم
وضړب رصاصة بس بحركة سريعة من مروان عشان يبعد أدم فجات الړصاصة فيه ووقع ع الأرض في اللحظة دي حبيبة سمعت صوت هشام وهو بيقول هموتك يا لدم وسمعت صوت الړصاص فوقعت مغمي عليها وهي بتصلي
..هشام حب يهرب بس في قوة لفتله من ورا الفيلا ومسكوه
أدم مسك مروان وصړخ.. مروووووواااااان.. مروان ودموعه نزلت دا صاحب عمره وأخوه واقرب إنسان لقبله ازاي يخسره ف لحظة بس مروان قاله
مروان بضعف.. ما تقلقش يا صاحبي هبقا كويس مش هتخلص مني بسهولة روح شوف مراتك
سيف اتصل بالإسعاف وسند مروان وادم طلع يشوف حبيبة
أدم وصل لقي حبيبة واقعة علي سجادة الصلاة ومغمي عليها وفيه اثار ډم مكانها ودا اللي خلاه يصدق كلام هشام اللي قاله انه اذي حبيبة أدم حس بڼار قايدة ف قلبه شال حبيبة ونزل بيها بسرعة وهو مش قادر يستوعب اللي قاله هشام
وبسرعة جات عربية إسعاف واخدت مروان وحبيبة وادم ركب معاهم..
البارت السادس عشر
أدم وصل لقي حبيبة واقعة علي سجادة الصلاة ومغمي عليها وفيه اثار ډم مكانها ودا اللي خلاه يصدق كلام هشام اللي قاله انه اذي حبيبة أدم حس بڼار قايدة ف قلبه شال حبيبة ونزل بيها بسرعة
وبسرعة جات عربية إسعاف واخدت مروان وحبيبة وادم ركب معاهم.
في الاسعاف
حبيبة فتحت عينيها ببطء وتقريبا ما كانتش شايفة كويس بصت قصادها لقت مروان فتكرته أدم غمضت عينيها تاني وماعملتش اي رد فعل إلا أنه دموعها فضلت نازلة طول الطريق وهي لسة مغمي عليها
واخيرا وصلوا المستشفي
دخل مروان علي أوضة العمليات علي طول
وحبيبة علي غرفة طبيب نساء
وبعد فترة مش قليلة خرج الدكتور من عند حبيبة
أدم جري عليه وقال بلهفة وقلق.. خير يا دكتور هي كويسة صح
الدكتور.. هي بقت كويسة احنا قدرنا نوقف الڼزيف والأطفال كويسين
أدم.. اطفال مين !!!
الدكتور.. المدام حامل ف تؤام
أدم
كان طاير من الفرحه
أدم كلم والده اللي جاب العيلة كلها وجه وكمان والدة حبيبة واختها وصلوا
أدم جري علي حبيبة لاقها نايمة ع السرير وپتبكي من غير صوت دموع نازلة وبس
قرب عليها وهي شافته ومش مصدقة نفسها فاكرة أنها بتحلم
حبيبة بهدوء جامد.. أدم !!!!.انت حقيقي ولا بتخيل انت اضربت بالړصاص ..وبدأت ټعيط جامد.. هشام قټلك عشان يحرمني منك
أدم في اللحظة دي قام انحني واخد حبيبة ف
أدم.. هششش اهدي أنا كويس..محصليش حاجة اهو
اهدي يا حورية
حبيبة.. أنا شفتك وانت پتنزف ډم في الاسعاف
أدم.. بحزن دا مروان ادعيله يا حبيبة هو دلوقتي ف العمليات هو ضحي بنفسه عشان ينقذني
وفجأة أدم سمع شوشرة ودوشة برا.. بعد عن حبيبة
أدم.. أنا هخرج اشوف في ايه برا وراجعلك
حبيبة.. مسكت ايد أدم.. ما تسبنيش يا آدم أنا خاېفة
أدم.. ماتخافيش يا قلبي أنا معاكي هشام خلاص الشرطة قبضت عليه ما تقلقيش راجعلك
خرج أدم لقي العيلة كلها وصلت والف سؤال وسؤال ووالده بيعاتبه ازاي مايقولهوش ويروح لهشام برجليه ولوحده
أدم.. يا جماعة أنا مش هقدر لا اتكلم ولا احكي ف حاجة قبل ما اطمن علي مروان سيبوني بقا
خرج الدكتور من عند مروان.. احنا محتاجين ډم ضروري وبسرعة
أدم.. أنا ومروان فصيلة ډم واحدة الډم اللي انت عايزه مني خده يا دكتور المهم مروان يعيش
الدكتور.. اتفضل معايا
وفعلا أدم اتبرع لمروان بدمه وماكانش قادر يبص علي صاحبه وهو ف الحالة دي كان وشه الناحية التانية وبيعيط من سكات طول ماهو بيتبرع لمروان
خرج أدم لقي كارما مڼهارة بتبص لادم بعتاب كأنها عايزة تقوله انت السبب
قام ادم أخدها ف وهمس ف ودنها.. هيبقي كويس دا قرد انا عارفه مش بسهولة هنخلص منه
تقريبا أدم كان بيطمن نفسه مش بيطمن كارما
وعدت ساعة وخرج الدكتور وأعلن انتهاء العملية وأنه المړيض هيبقي كويس
بعد لحظات من القلق الكل اخيرا اطمن وهدي وادم سمع الكلمة دي وقام رايح لمروان اللي كان نايم
أدم.. مسك ايد مروان وربط عليها.. طب طول عمرك وانت جمبي وماسبتنيش لحظة حتي وانت بعيد كنت واقف معايا ..اعمل ايه انا دلوقتي مش قادر اشوف سندي الوحيد ف الدنيا راقد الرقدة السودة دي وقرب منه وقاله وحياة البيبي لتفوق
الغريبة أنه مروان سمع الكلمة دي وأيده ارتعشت بين ايد أدم وادم انهار بكا جمبه
وبعدين أدم خرج وراح لحبيبة اللي ھيموت ويعرف هشام اتصرف معاها ازاي
أدم.. اخبار الحورية ام الاولاد ايه
حبيبة.. بلهفة.. أدم مروان كويس دلوقتي
أدم بتفاؤل.. إن شاء الله هيبقي كويس أنا متأكد مروان قوي وقدها
بالحق يا حبيبة هشام الكلب دا عمل معاكي ايه
حبيبة حكت لادم كل اللي حصل وازاي فضلت تصلي ساعة كاملة من غير ما تفصل
أدم باس راسها.. فعلا من يتقي الله يجعل له مخرجا
الحمد لله عدت علي خير وكل واحد هياخد جزائه
حبيبة.. أنا آسفة يا آدم ماسمعتش كلامك لما قلتلي ما أخرجش لوحدي تاني
أدم.. حصل خير يا حوريتي أنا مش قلتلك عايز تؤام
حبيبة.. اممم
أدم.. ربنا استجاب لدعايا وانتي حامل ف تؤام يا حورية
حبيبة.. اللهم لك الحمد كما ينبغي لجلال وجهك وعظيم سلطانك
عدي الليل بهدؤه علي أبطالنا وكلهم ف المستشفي
وفي الصبح بقا مروان استعاد وعيه وكلهم راحوا يشوفوا
وكلهم اطمنوا عليه واتمنوا له الصحة وطبعا الموقف مايخلاش من نقار أدم ومروان رغم تعبه
أدم.. كنت عارف انك بطل وقدها
مروان.. بتعب.. ايوا ايوا يا خويا كل بعقلي حلاوة مانا اللي اتفرهدت مش انت ولعلمك أنا ماكنتش ناوي اخد الضړبة مكانك أنا بس كنت حابب ازقك عشان يبقالي عندك جميل بس مع الاسف تأتي الرياح بما لا تشتهي السفن
أدم.. تصدق انت عيل واطي صحيح خسارة فيك دموعي طول الليل وانا مانشفتهاش
مروان بسهوكته اللي متعودين عليها ونسي أنه الكل موجود.. بجد يا بيبي كنت قلقان عليا مش مصدقة
أدم.. ميل علي مروان.. وهمس.. احم هيفهمونا غلط الله ېخرب بيت البيبي
مروان مسك دماغه.. ااااااه دماغي البنج دا غريب بيخلي الواحد يهلوس فجأة كده انما اخبارك ايه يا ابو نسب
وفين المزة بتاعتي مش شايفها
طبعا كلهم ضحكوا علي اسلوب مروان
أدم.. انت ايه واخد بنج ولا حقنة استظراف ما تظبط كده لاظبطك ياض
مروان.. حسبي الله ونعم الوكيل فيك خطيبتي
ومش مهنيني بيها ابدا
وفي اللحظة دي أتدخل منير اللي بص لقي بنته واقفة بعيد
ومكسوفه تتطمن علي خطيبها
منير.. طب يا جماعة يلا احنا نسيب مروان يرتاح وانتي يا كارما اطمني عليه واخرجي بسرعة ورانا
كارما.. حاضر يا بابا
أدم همس لوالده.. ماخلاص اطمنت عليه ايه لزومه بقا
منير.. اهدي يا آدم وروح لمرأتك اطمن عليها
أدم.. اه صحيح الحورية اروح لها تلاقيها صحيت وجري علي حبيبة. تحت انظار منير اللي ضحك وقال والله مچنون زي امك بالظبط وفجأة
زهرة.. بتقول حاجة يا منير
منير.. ياما سلام قول من رب رحيم
عند مروان
كارما قربت ومسكت ايد مروان
كارما.. بدموع.. انت كويس دلوقتي يا مروان
مروان.. انا دلوقتي بقيت كويس لما مسكتي ايدي
كارما عيطت.. كنت ھموت لو جرالك حاجة
مروان ايدها.. بعد الشړ عليكي يا كرملة قلبي
وبعدين قال بخبث .. كارما ممكن تسنديني اقوم
كارما.. اه طبعا اكيد.. وهو كان قاصد عشان يقرب منها.. وبعدين قومته وجات عينيها عينه ولسة هيبو دخلت الممرضة كارما انكسفت وبعدت عنه
الممرضة.. الحقنة يا استاذ
مروان في نفسه.. هي حبكت دلوقتي.. وبعدين قالها ..اكيد طبعا
كارما.. باحراج.. طب الف سلامة عليك يا مروان وسابته وخرجت.
عدت الايام بسرعة ومروان اتعافي وخرج من المستشفي وكله بقا تمام وحبيبة كمان بتحاول تنسي اليوم الكئيب اللي اتعرضت له بسبب هشام وادم حاسس بحزنها وبيحاول علي قد ما يقدر ينسبها اللي هي فيه
في فيلا الالفي
مروان كان معزوم ع العشاء
مروان.. عمي أنا كنت عايز اقول يعني يا ريت لو حضرتك توافق أنه يبقي كتب
كتاب وفرح في نفس الوقت
منير.. والله يا بني كان بودي بس البنت لسة في اولي جامعة وانا خاېف الجواز يأثر علي مستقبلها. ولا انتي ليه رأيك يا كارما
كارما بصت في الأرض.. اللي حضرتك تشوفه يا بابا ..وبعدين بصت لوالدها وقالت بلهفة.. تعرف يا بابا مروان دا عبقري في المحاسبة ايه الدماغ دي أنا متهيألي لو ذاكرلي هطلع الأولي من غير كلام.. وبعدين بصت للأرض تاني وقالت بهدوء.. بس اللي حضرتك تشوفه
منير ضحك علي برأتها.. وهو بعد ما قلتي هتطلعي الأولي عايزاني اقول ايه يعني
مروان.. حبيبي يا عمو منير
أدم كان نازل من فوق من عند حبيبة.. ايه دا ايه دا انا شايف قرارات بتتاخد ف غيابي
كارما بفرحة.. أدم أنا هتجوز
أدم.. ايه يا بن الايه يا مروان البت لسة صغيرة ماعندناش بنات للجواز
منير.. ولد. مروان.. اسف يا حج انت مش شايف ابنك بيقول ايه هو ماله اصلا طالما عمو الحج وافق انت مالك يا ثقيل.. وهمس لادم وديني لاحرمكم منها لما اتجوزها
مروان..همس..ما تحطش نفسك في احراج لأنها هتختار جوزها
أدم.. هنشوف
زهرة.. كفاية خناق انت وهو ويلا العشا جاهز وانت يا آدم روح نادي حبيبة للعشا
في الصبح بقا
في ملجأ الأيتام
أدم.. يا حضرة المديرة أنا بقول لحضرتك هتبناه فكريا يعني هدخله ثانوية عامة و هصرف عليه انتي مش هتبقي ملزومة غير انك توفريله مكان كويس وهادي عشان يذاكر فيه
المديرة.. أنا خاېفة باقي زمايله يغيروا يا باشمهندس
أدم.. وفيها ايه أنا في فكرة ف دماغي لو ظبطت هنفذها وساعتها هيبقي أي طفل موهوب زي زياد من حقه ياخد فرصته احنا محتاجين حضرتك للموارد البشرية المبدعة ف بلدنا
المديرة.. بجد حضرتك ونعم الشاب ربنا يحفظك يا ريت كل الناس زيك تبدأ
بنفسها
أدم.. اعتبر دي موافقة من حضرتك علي أنه زياد يدخل ثانوية عامة
المديرة.. ما باليد حيلة موافقة يا سيدي
أدم.. تمام شكرا . وبص ل زياد وغمزله وزياد ضحك
يااااااااه العطاء شعور جميل جدا بيحسسك قد ايه انت انسان وبتحس باللي حواليك وبالذات لما تاخد بايد طفل يتيم وتعمله حاجة تفرحه مهما كانت صغيرة وزي ما رسولنا الكريم عليه افضل الصلاة والسلام قالحديث سهل بن سعد قال _ قال رسول الله ﷺ _ أنا وكافل اليتيم في الجنة هكذا وأشار بالسبابة والوسطى وفرج بينهما صدق رسولنا الكريم.. ..
البارت السابع عشر
في المساء في فيلا الالفي
رجع أدم من شغله
منهك وتعبان جدا هو بيضغط نفسه كتير في الشغل اليومين دول عشان يلحق يسلم المشروع ف معاده
لقي العيلة متجمعة ومعاهم مروان
أدم.. السلام عليكم ورحمه الله وبركاته.. مروان هنا
مش ملاحظ انك ناقص حبة وتجيب شنطة هدومك وتعيش معانا
مروان.. حب يغيظه.. والله عمو منير قالي بس انا كرامتي نقحت عليا
كلهم ضحكو
أدم.. أنا بصراحة جي مفرهد ومش حابب ادخل معاك ف نقاش من اي نوع
اومال حبيبة وكارما فين
زهرة.. البنات يبختارو شوية حاجات لزوم الفرح وانت كمان اوعي تقولي انك بكرة كمان رايح الشغل ..والا مين هيوقف مع مروان ف تجهيزات الفرح
أدم.. بجدية.. لا طبعا مش رايح وانا عندي اغلي من ميرو وكارما ..أنا رايح اخد شاور واصلي العشا ..ماما والنبي الاكل بسرعة لحسن ابنك ما اتغداش
زهرة.. يا حبيبي يا ابني حالا يكون جاهز
مروان.. عمي هما عيالك ليه مش بيفكروا غير في الاكل
منير همس لمروان.. زي امهم
مروان.. ضحك بس كتم ضحكته ..اممم
عند حبيبة وكارما
أدم دخل لقاهم جيبين صور فساتين وحاجات بنات بيتفرجوا عليها ع النت
أدم.. المزز بيعملوا ايه
كارما بصتله ببرأة.. ايه رأيك في الفستان دا يا آدم
أدم.. ېخرب بيتك يا كارما انتي عايزة تلبسي الفستان دا لمروان دانا كنت قتلتك
حبيبة بصت لادم پصدمة وبرقتله عينيها يعني اسكت
وكارما اتكسفت وبصت ف الأرض
أدم.. يوووووه مانا مش متخيل بصراحة أنه كارما البنوتة الصغيرة خلاص كبرت وهتسبنا وتتجوز الفكرة نفسها مش داخلة دماغي يا حورية
حبيبة وفقت وقربت عليه.. هي هتتجوز صاحبك يعني المفروض تبقا فرحان
أدم.. قرب عليها وهمس.. اهو انا دلوقتي فرحان بجد
حبيبة.. أدم عيب كده كارما موجودة
أدم.. بت يا كارما دوري وشك الناحية التانية دقيقة
كارما بزهق.. ولا دقيقة ولا اتنين يا اخويا انا اصلا نازلة .وسابتهم ومشيت
أدم.. بتفهم البت كارما دي
عدي الليل علي أبطالنا والكل بيستعد لفرح كارما ومروان
وفي الصبح بقا
عند أدم وحبيبة
حبيبة ساندة راسها علي أدم
حبيبة.. أدم ماما عايزاك تدير شركة بابا الله يرحمه
أدم.. بصي يا حبيبة انتي عارفة أنا اد ايه مشغول بس هحاول ولو ما قدرتش اكيد هجيب واحد أنا بثق فيه يدير الشركة اوك يا حورية
حبيبة.. شاردة ما رديتش
أدم.. حورية رحتي فين
حبيبة.. يا ريت يا آدم لو كان مروان وكارما هيعملوا فرح إسلامي بجد كنت هابقي مبسوطة
أدم.. عشان مش بتحبي الاغاني صح
حبيبة.. امممم
أدم سمع حد بيخبط ع الباب
أدم.. مين
زهرة.. صباح الخير.. مروان مستنيك تحت يا آدم
أدم.. تمام قله خمسة ونازل
في الفيلا تحت
أدم نزل لمروان وزهرة كانت واقفة توزع عليهم مهام الفرح
أدم.. اهلا اهلا بعريسنا الغالي بزيادة
مروان بشك.. الډخلة دي وراها حكاية صح
زهرة.. بدأنا النقار بتاع كل يوم بعد أما تخلصوا نقار نادوني عشان اقولكو هتعملوا ايه
أدم.. ولا حكاية ولا رواية يا ميرو هو ما ينفعش ادلع صاحبي حبيبي ولا ايه
مروان.. بشك.. اصلك مش متعود
أدم قرب منه اوي.. هو أنا لو طلبت منك طلب هتوافق اكيد هتوافق إن شاء الله
مروان.. مانا قلت اكيد فيها إن اشجيني
أدم.. ممكن يا ميرو نلغي الدي جي
والاغاني ونخليه فرح إسلامي
مروان ربع ايديه ف بعض.. لا
أدم.. والنبي يا مروان عشان
خاطري حبيبة مش بتحب الاغاني
مروان
.. لا برضو.. وبعدين أنا مالي حبيبة تحب الاغاني ولا ما تحبهاش دا فرحي أنا وكارما يعني نعمل اللي يعجبنا..مش اللي يعجب حبيبة
أدم.. كنت عارف انك عيل خسيس وواطي ومش بتقدر حد
مروان.. يا ابني انت بقا كل تفكيرك انك تعمل اللي يرضي حبيبة حتي لو علي حساب اي حد
يا مچنون حبيبة
أدم اتغاظ.. طب يا كلب كارما
مروان ضحك لااااااا كلب كارما ايه بقا دانا كارما همشيها ع العجين ماتلخبطوش
أدم.. يا سلام انت هتعمل في اختي كده طب ايه رأيك بقا ماعندناش بنات للجواز يا مروان يا شاكر وخد بعضك وامشي
مروان.. أنا خلاص حفظت الاسطوانة المشروخة دي ومش هرد
زهرة جات لهم تاني.. هو انتوا لسة مانهتوش الماتش يلا يا مروان عندك شغل كتير في القاعة بلاش لكاعة .وانت يا آدم اطلع شوف مراتك شكلها مضايقة ومش عارفة ليه
أدم فجأة نط وقال.. ايه حوريتي مضايقة وسعي سكة كده يا ست الكل خليني اروح اشوفها وجري بطريقة تضحك
مروان.. قوليلي يا طنط هو الهبل وراثة في العيلة دي اصل أنا ملاحظ يعني كده الواد والبت عندهم نفس الداء
زهرة رفعت حواجبها وقالت
.. والله يا ابني هما كانوا طبيعين جدا بس من لما دخلت انت علي حياتهم اتجننوا مش عارفة ليه
مروان حط أيده علي راسه ومسح علي شعره.. اووبااا قصف جبهة انسحب بشرفي احسن
ادم طلع عند حبيبة لقاها باصة لنفسها ف المراية ومضايقة
عشان زادت كام كيلو من الحمل
ادم.. حورية قالولي انك مضايقة
حبيبة.. لسة بتبص في المراية ومضايقة.. آدم انت لسة شايفني حلوة ولا شايفني مقلبظة
ادم ضحك.. انا شايفك قمر يا حورية قلبي
حبيبة.. لا انت بتكدب عليا عشان ولادك اللي ف بطني لكن انا فعلا بقيت تخينة ووحشة
ادم قرب منها.. مين دي اللي وحشة طب دانتي كده بقيت جامدة وربنا
حبيبة.. لا انت بتكدب يا آدم انا حاسة انك مابقيتش تحبني عشان تخنت
ادم پصدمة.. انا !!! طب اقولها ايه دي يا ربي.. يا حورية انتي كل حاجة حلوة ف حياتي ازاي اكرهك
وبعدين والله انتي كده جامدة طب لحظة كده
وقام مخرج تلفونه وفتح فيس وقالها
ادم.. تعالي كده انا هصورك لايف ع الفيس واقول يا جماعة الصارووخ دا بيقول نفسه وحش تقولولها ايه
حبيبة جريت وخبت وشها.. الله يهديك يا ادم انت بتقول ايه عايز تطلعني لايف بشعري ووشي وخرجت من الاوضة وهي بتقول.. خلاص صدقت اني لسة صارووخ زي ما بتقول
ادم ضحك وحط ايديه في جيوبه.. صنف يجي بلوي الدراع
طبعا ادم ومروان راحوا يتمموا علي القاعة والفرح والحاجات دي
وكارما جاتلها الميكب ارتست وانشغلت هي وحبيبة في تزينها
ومروان راح المطار استقبل اخته زيزي وجوزها وابنها اللي جم من امريكا عشان يحضروا الفرح
بالليل بقا في الفرح
ادم دخل القاعة وف ايده كارما اللي كانت زي الاميرات بحجابها وفستنها الابيض الهادي
مروان جي عليهم واستلم كارما..وقال لادم..انت كده استوب يا معلم استغنينا عن خداماتك.. ادم كان هيتجنن هو اللي بيعمله دا كله من ورا غيرته علي اخته
مروان مسك ايد كارما و
ادم.. مش قديم جو الايدين دا هي امك
مروان.. مالكش فيه انا في الحتة اللي تعجبني
ادم.. عدي ليلتك علي خير بدل ما تقضيها في المستشفي
مروان.. ولا بيهمني يلا يا عروستي
ادم راح وقف عند الباب جمب والده عشان يستقبل المعازيم
وفجأة بص
ادم.. رنا!!!!!..
البارت الثامن عشر
في فرح مرون وكارما
ادم راح وقف عند الباب جمب والده عشان يستقبل
وفجأة بص
ادم.. بدهشة.. رنا.. انتي مش قلتي انك مسافرة لوالدك !!!
وفجأة يجي صوت من ورا رنا.. انا منعتها تسافر يا باشمهندس
ادم اتفاجئ.. المقدم سيف ومنعتها ليه انا مش قلتلك رنا شاهدة وبس وانا مسامحها ع اللي عملته
رنا ابتسمت لانها اول مرة تعرف انه ادم هو اللي قال لسيف يعتبرها شاهدة.. وقالت.. سيف ممكن اتكلم مع ادم خمس دقايق
سيف.. اكيد اتفضلي
رنا وادم خرجوا من القاعة تحت انظار حبيبة اللي غمضت عينيها وحست نفسها بيضيق فكرة
متابعة القراءة
