رواية حبي الغامض ادهم وليلى جميع الفصول كاملة بقلم سلسبيل احمد
اية دا أدهم!
بصتله بحب ولهفه.. انا بشرب شاي اعملك شاي
اتكلم من غير ما يبصلي.. لاء قولتلك قبل كده الشاي بتاعك ماسخ و طعمه وحش
بلعت ريقي ولقيته داخل تاني.. استني رايح فين
دخل ومردش عليا
وانا فضلت فالبلاكونه لوحدي وبرجع بذاكرتي كالعاده وافتكر كان بيعاملني ازاي زمان
فلاش باك
يلا نلعب يا ادهم
لا تعالي اشتريلك الشوكولاتة الى بتحبيها
وبعدين نلعب
اها بس من غير غش يا ليلي
ببراءهانا بغش!
اها بتتقمصي عشان اخليكي تكسبي
رفعت كتافي.. خلاص ابقي سبني اتقمص!
لاء مقدرش ازعلك انتي صحبتي
باك
لسه كنت هدخل لقيت امير اخو ادهم خرج
اكيد نكد عليكي
كالعاده ده طبيعيي
قولتلك قبل كده ادهم بقي غريب معانا كلنا و جبلة سيبك منه حبيني انا
ضحكت.. لاء و متقلش عليه جبلة
يابنتي اخويا ادهم وانا عارفه عديم الدم والاحساس ومعندوش زوق ولا
ليلي برقت و ظهر صوت من ورا.. كمل ها واية كمان
امير بص وراع وغمض عينه وليلي كانت مخضوضة وكاتمه ضحكتها بالعافيه
ادهم بحده.. هحاسبك بعدين على كلامك ده
و سابهم و دخل و ليلي عينها كانت متعلقه عليه
امير.. كفايه بحلقه فالواد مشي خلاص
بحبه ياربي
نفسي اللقي مغفله تحبني كده
ضحكت بثقه.. انا مش مغفلة ادهم هيحبني انا عارف
ادهم ده انا اخوه ذات نفسي مش فاهمه فا بلاش تتعلقي بيه اوي كده يا ليلي لانه اتغير
مهما اتغير اكيد لسه جواه حته كدا حنينه لازم اطلعها
موت يا حمار
طب اسكت بقي!
سمع صوت ادهم من جوا.. انت يابني ادم !
امير.. احم طب هدخل انا بقي
ليلي بضحك.. اتلقي عقابك احسن .
دخلت انا كمان اقعد على مكتبي وسرحت في مذكرتي
سنه 2004
ادهم جه مع اهله وسكنوا جمبنا
كان عنده 7 سنين وانا 5 سنين بابا مات وانا عندي تلت سنين ولما وصلت 5 كنت مع ادهم اتعودت عليه مكنش ليا غيره صحاب وجيران وكل حاجه وكنت بحب باباه و مامته جدا وكنا بنلعب كل يوم
سوا وبنروح المدرسه سوا
201012
اليوم الى اتغير معايا فيه كان عنده 13 سنه وانا 10
وهو نفس اليوم الى باباه و مامته ماتو في كانت حدثه انا عارفه ان الفراق صعب وانه كان لسه طفل يعتبر كان عنده 13 سنه بس ! لكن ده اتغير وقتها شوفت قدامي حد مسؤول كان بيربي امير اخوه الى فضله والى كان عمره كان 6 سنين بس ادهم عمل له كل حاجه لعب دور الاب بشكل كويس لكن الاب وبس من غير حنيه الام لانه كان شديد معاه ودلوقتي في نهايه 2022 ادهم هيتم 26 سنه في شهر 1 يوم 1 عيد ميلادة مميز زيه. لكن لسه متغير معايا معرفش ليه بقي غامض وبعد عني مع اني بحبه بس شخصيته بقت حاده انا عمري ما شوفته بيعيط حتي حتي يوم الحدثه الى باباه و مامته ماتو فيها معيطش!!
قلبت الورقة وكملت كتابة فالمذكره
2023422
فات سنه ولسة ادهم متغير..
قفلت المذكرة ونمت
تاني يوم صحيت ولقيت ماما فالصاله
ماماااااااا
ايييه!
بكره الجمعه
وبعدين
متعزمي ادهم و اخوه عندنا
ادهم و اخوه اها
مش احنا جيران!
جيران طبعا امال اية جيران بس
خلاص بقي يا حجه الله اعزميهم وهساعدك فالاكل
جبتك يا عبد المعين تعني
يااه سمعتي فالمطبخ يااااه
كنت بفتح الباب عشان انزل اشتري حاجات لقيته خارج هو كمان
ازيك!
برضو رد ببرود ومبصليش
كويس
كان ماشي بسرعه فا قولت غصب عني.. شكلك حلو
حطيت ايدي على بوقي من الصدمه وهو وقف ثواني وكان مديني ضهره وبعدين نزل
اتنفست بصعوبة لقيت امير خرج.. كنت جايلك عشان اية وشك احمر كدا ليه .. ليلي يا بنتي !
هاه في اية
انتي في اية
قولت ل ادهم شكلك حلو
ضحك.. يخربيتك ياشيخه واقعه وهتجبلنا
دخلنا البلاكونة .. ها كنت هتجيلي ليه
هنفضل مستنين البيه يحبك لحد امته
لحد ما يحبني
قصدي اتحركي اعملي اي حاجه من بتاعت البنات قولي جايلي عريس
ايتاا مانا جايلي فعلا ورفضته
اللطم على وشي !!!
مالك
كنتي خليته يجي واتكلمتوا مثلا اي حركه نعرف الولا ادهم بيغير ويحس زي البني ادمين ولا لاء
لا ياعم لحسن يزعل مني
يارب صبرني يا ليلي ده لامواخذه يعني مش شايفك اصلا
الله يسامحك وبعدين هو عنده وقت يغير ولا يهتم اصلا اخوك ده بيروح فين انا هموت واعرف!
بيقول شغل
ايوا بيشتغل اية
مش عارف
ازاي ده اخوك ! عندك كام سنه دلوقتي
18 وهتم 19
كل دي معاه ومتعرفش بيشتغل اية!
مش بيرضي يقولي كلامه غريب مره يقولي كنت بعمل اعمال ادارية وحاجات من دي معرفش اية دا بس ساعات كتير يجي متبهدل وساعات متعور زي ما قولتلك
انا مش هتجنن غير من متعور دي اية شغال فتوة تفتكر ولا بلطجي بس لا لا ابننا محترم
انتي اصلا الي مفروض تعرفي عندك 23 سنه صح
اها
فين بقي متعرفيش شغال اية ازاي
انا اعرف اني دكتورة بالعافيه ونبي اتلهي
فكرتيني والله سناني بتوجعني
انا دكتورة جراحه!!
كله منفد على بعضه
اسكت يا امير انا رايحه شغلي وسع
انا هقعد مع فوفا حببتي
جت فاطمه مامت ليلي بصنيه.. يبقي تاكل الاكل ده وتشرب اللبن ده كمان سمعت ان سنانك بتوجعك
امير بتراجع.. يوووه عليكي يا فوفا انا بهزر!
ليلي.. يلا يا حبيبي انت ثانويه عامه اشرب و كل مش عايز تقعد مع فوفا هتشرب وهتاكل هتتزغط من الاخر
سبتهم و مشيت وانا فرحانه ف امير اوي ركبت العربية وقبل ما امشي بيها فتحت الفون ابص على صورة ادهم الى صورتها له فالخباثه لانه مش بينزل اي صور لي روحت المستشفي و اتفاجئت بخبر اني مطلوبة في ألمانيا عشان مؤتمر لدكاترة الجراحه ده اول مؤتمر يجيلي!!!!! خلصت شغلي والحمد الله مكنش في حالات طارئة روحت جري وخبطت على امير صديقي الصدوق عشان احكيله واتفاجئت ب ادهم بيفتح فضلت مبلمه او سرحانه فيه!
خير
عايزة امير أ..أنا هستناه عندنا
دخلت عندنا بسرعه وعلى وشي ابتسامه طبعا عارفين سرها لحد ما الباب خبطت فتحت بسرعه لكن لقتهم الاتنين سوا ادهم و امير
يتبع.
روحت جري وخبطت على امير صديقي الصدوق عشان احكيله واتفاجئت ب ادهم بيفتح فضلت مبلمه او سرحانه فيه!
خير
عايزة امير أ..أنا هستناه عندنا
دخلت عندنا بسرعه وعلى وشي ابتسامه طبعا عارفين سرها لحد ما الباب خبطت فتحت بسرعه لكن لقتهم الاتنين سوا ادهم و امير!! !!
اتفضلوا
ناديت ماما وقعدنا وعملت لهم شاي
فاطمه.. عامل اية يحبيبي
ادهم.. كويس انا بس جيت لحضرتك شوية عشان هبقي مشغول بكره احتمال مقدرش اجي عالغدا
النار غليت فيا واتغظت جدا منه ابنال!!!
علامات الحزن واليأس بانت على وشي وامير فضل يهمسلي مبينش بس انا كنت عايزه اعيط
فاطمه.. ليه ياحبيبي كده هو شغلك ده مش بيدي اجازة
بدأت اركز فكلامه.. لاء كل فين و فين
بصتله واتكلمت بشجاعه.. هو انت بتشتغل اية يعني
تجنب السؤال وبصلي خلاني اتوتر وقال.. انتي عاوزاني اشتغل اية
بدات اتهته.. ماا مم معرفش انت قول
اعمال فالادارة
قام وقف.. انا هستأذن بقي عشان هنزل بدري بكره
بصيت على كوبايه الشاي بحزن.. مشربتش الشاي بتاعك مش انا الى عملاه
معلش مره تانيه
مشي وقعدت مع امير فالبلاكونه
شوفت بيعاملني ازاي ده ده ده مشربش الشاي قاصد
ابدا ده مسكر وزي الفل ولا تزعلي نفسك
ومرضيش يرد عليا واتخابث فى موضوع شغله
ايوا خبيث هوا فعلا
انا مستحيل اكلمه تاني
انتي بتقولي كدا بقالك عشر سنين وبترجعي تكلميه
امير تفتكر بيحب حد غيري
معتقدش
ليه بقي ! يمكن بيحب ومخلص ليها
مش عارف بس هو عنده قلب اصلا
ضربته فدراعه.. ولا!
خلاص خلاص بس هنعرف منين
هو اكيد بيحب انا خلاص خدت قرار مش هكلمه اصلا ربنا يسعده بقي مع بنت ال الى خدته منه
امير فضل يضحك.. هو انتي كنتي عاوزاني ليه
عارف ألمانيا
مين ميعرفهاش
جالي مؤتمر هناك بيتعمل كل سنه مؤتمر طبي هيديني فرص حلوة اوي وهستفاد جدا يا امير انا مبسوطه اوي مع اني هقعد كتير ومش هشوف ادهم بس انت هتطمني صح
اية ده اية ده حيلك اصبري انتي جبتيلي فكره تحفه فمخي انا هقول لادهم الكلام ده واشوف رد فعله ولو رفض يبقي بيغير وبيخاف عليكي
لا لا انا خدت قرار هسيبه واخاصمه
يابنتي خلينا نتأكد!
ماشي موافقه اصلا انا معنديش دم منه لله سحبه كله
بس انتي بتتكلمي كأن ألمانيا فالشارع الى ورانا هي فوفا قالت اية
معرفتهاش لكن هقنعها هي بتثق فيا
بس اعتقد هتقولك هنعرف ادهم لانه بياخد باله مننا يعني فاهمه
فاهمه بس هي هتوافق انا دكتورة يا امير
عارف واحسن الدكاترة كمان يا لولي بس لاحظي انها اول مره واكيد هتخاف عليكي
فاطمه.. اخاف عليها من اية
امير.. احم امشي انا
مسكته.. اترزع ياض متسبنيش
فاطمه.. في اية
بصتلها.. ماما انا جالي مؤتمر في ألمانيا وهسافر كمان تلت ايام
امير بدهشه.. انتي معندكيش ثقافه المقدمات بتجبهلها وش كدا اهي هتسورق مننا
فاطمه بصدمه.. ألمانيا الى بنروح لها بطياره
الله ينور عليكي ياست الكل
ينهارك مش فايت انتي اتجننتي
اصل بصي هفهمك
تفهميني اية مش موافقه
امير ضحك
شوفت يا امير انا مش قولتلك امي بتثق فيا وشوحت كده
بعد كتير من الكلام والاقناع اني فعلا محتاجه اروح وان المؤتمر مهم ليا موافقتش برضو ياه نبع الحنان بموت فيها قالتلي هتاخد رأي ادهم نينينيني
صلي على محمد
عند ادهم و امير
طلع ينام وقال بصوت مسموع.. ادهم انت صاحي
لاء
امير.. طيب شوفت ليلي هتسافر فين
لا مشوفتش
ألمانيا عندها مؤتمر طبي تبع شغلها
مسألتكش
امير اتكلم تاني
ادهم
ايييييه !
انت لسه بتشتغل فالحاجات الغريبة بتاعتك
اها
زي اية بقي
انت هتحقق معايا انت كمان
لاء بس معرفش بتشتغل اية هو ده طبيعيي
اها طبيعيي بشتغل ف اعمال حره زي ما قولت
طيب.
صلي على محمد
انت يابني ادم انت رد بدل ما احدفك بمشبك من البلاكونة
عايزه اية
انت ازاي تسخن ماما عليا وترفض اني اسافر
والله طنط سألتني بحكم خبرتي وجاوبتها السفر مش سهل وانتي مستهتره
وانا مش هبقي لوحدي
برضو لاء كلامي قولته روحي اتناقشي مع طنط
انت انسان بارد
.
ومستفز
.
انت مش بترد ليه !
دخل و سابني !!!! من كتر غيظي وبما ان شقته فوش شقتنا خرجت وروحت ارزع عالباب بتاعهم وامير فتح مخضوض
في اية يابت !
وسع كده فين البارد ابن ال.. اعاااااااااا انا مش هسيبه انهارده
ادهم خرج وهوا قالع التي شيرت وبصلها من فوق لتحت
يتبع.
انت يابني ادم انت رد عليا بدل ما احدفك بمشبك من البلاكونة اجيب اجلك
عايزه اية
انت ازاي تسخن ماما عليا وترفض اني اسافر
والله طنط سألتني بحكم خبرتي وجاوبتها السفر مش سهل وانتي مستهتره
وانا مش هبقي لوحدي
برضو لاء كلامي قولته روحي اتناقشي مع طنط
انت انسان بارد
.
ومستفز
.
انت مش بترد ليه !
دخل
في اية يابت !
وسع كده فين البارد ابن ال.. اعاااااااااا انا مش هسيبه انهارده وحيات اني ل..
ادهم خرج وهوا قالع التي شيرت وبصلها من فوق لتحت
ليلي لفت بسرعه ومن الصدمه تقريبا رجلها لزقت فالارض لكن اخيرا اتحركت بصمت لحد عندهم
حد يطلع بعضلاته دي للناس كده ولا انا عشان بحبه و وقعت عيل مش محترم صحيح وبعدين مانا استاهل اية خلاني اروح شكلي اية دلوقتي بس
مالك يابت يا ليلي
ها يا ماما
مش عندك شغل بدري نامي
حاضر فكري فموضوع السفر ها لسه فاضل اسبوع فكري براحتك وسيبك من الخرابة ده
ادهم بيحبك زي اخته وخايف عليكي
بيحبني زي اختة ءءءء الضربة طلعت بتيجي من اقرب الناس ليك فعلا قال اختة قال انا مليش اخوات
ماما ده مجرد جارنا
والله ومين الى كانت بتعزمهم امبارح عالغدا
ده حسن جوار بس
يابت ده انا مربياكوا انتوا التلاتة وكنتوا بتلعبوا سوا زي المجانين
اديكي قولتي كنا واحنا عيال بقا تصبحي على خير
مشيت وانا بفتكر قد اية كان حنين واحنا اطفال !
صلي على محمد
فلاش باك
ادهم
ليلي ! تعالي تعالي متعيطتيش خلاص
بعياط.. انا مكنتش عارفة ارجع و..
بشحتفه.. خ خ خايفة ءء اوي
بس بس متزعليش انا لاقيتك اهو مش هخليكي تضيعي تاني
بعياط وغضب اطفال.. انا خلاص مش لاعبة تاني لما بنجري وبستخبي بتوه وانا بخاف وكمان وقعت
طبطب عليها ومسك ايدها نفضها من التراب.. خلاص يا لولي معلش وبعد كدا هنستخبي سوا
باك
مسحت الدموع من عيني و ابتسمت على ذكرياتنا واحنا عيال وافتكرت نفس الموقف لما حصل لكن واحنا كبار شوية كان عنده 12 سنة وانا 9
فلاش باك
ادهم الحمد لله انك جيت
كنتي فين كل ده
رفعت كتافها ببساطه.. امير ضيع الدبدوب وكنت بدور عليه عشان ميزعلش
وبعدين
ضحكت ببلاهه.. معرفتش ارجع كنت هنادي حد يرجعني
ادهم مسك كتافها.. ليلي اوعي تطلبي مساعده من حد وتعرفيه انك تايهه لحسن يخطفك
طيب خلاص انت لقتني اهو تعرف انا مستنياك اصلا ازاي بتعرف بتلاقيني دايما
ادهم ابتسم لها وقال ببراءه.. بحس ان في حاجه بتجبني ليكي دايما لما تبعدي معرفش اية هي!
امممم اكيد الملايكه
ادهم ضحك.. ههههه ايوه يلا بينا
مسكوا ايد بعض ومشيوا..
باك
كالعاده هقعد اسأل نفسي ازاي اتغير معايا اكيد مش فقدان اهله الى عمل كده لازم في حاجه يارب رجعه ليا زي زمان يارب
_____
صلي على محمد
يلا يا ماما هتأخر عالمستشفي !
اصبري
بصي خلاص هنزل مش لازم اشتريلك الخضار انهارده
اهي اهي ورقه الطلبات خدي
فتحت بسرعه وكنت هنزل لقيت ادهم كان طالع عالسلم ببطء حاولت مبصش
ينهار اسود!! اية دا!
ايدي بدأت تترعش وصوتي يتهز.. دي عايزه خياطه!!!
ادهم سحب ايده.. ششششش سبيها هعالجها
ليلي بعصبية.. بقولك عايزه خياطه
فاطمه خرجت على صوتها و امير كمان
في اية
الاستاذ يا ماما متعور جامد! ومش راضي يخيطها
امير جري عليه بخضه و ادهم اتنرفز بسبب ليلي جداا وحاول يلم الموقف.. انا سليم اهو مفيش حاجه دي مجرد تعويره بسيطه
فاطمه بقلق.. يحبيبي انت نزفت كتير!!! ياحول الله حصل اية بعدين لازم تروح المستشفي
ادهم فكر و قرر يهرب احسن من سؤال اية عمل فيك كده ويروح المستشفي فا نزل مع امير و ليلي و راح
في اوضة كانت ليلي قاعده بتخيط ايده بعد ما حطت بنج وهو ساكت تماما خلصت وبدأت تلف ايده كل شوية تبصله تلاقيه مش باصص
انا خلصت لازم ايدك ترتاح ومتشلش بيها اي حاجه و كمان لازم يتغير لك عليها كل يوم وتتنضف
طيب
مين عورك كده
هو انتي دكتورة ولا ظابط عشان تحققي معايا
ابتسمت بسخرية.. لا انا صحبتك الوحيده مش كنت بتقولي كده زمان
