رواية رعد ونغم عشقت عدوي اللدود(جميع الفصول كاملة)بقلم إسراء ابراهيم

عشقت عدوي اللدود
انتي يا بت خدي بالك هخبطك اوعيي
كان رعد بيزعق وهو راكب حصانه اللي تمرد عليه وجري بسرعة ناحية نغم اللي كانت قاعدة عند الترعة السماعات في ودنها والعيون مليانة دموع ومش سامعة صريخه ولا صهيل الحصان
في لحظة واحدة الصوت قرب منها وهي لسه مش مستوعبة غير لما الحصان وصل عندها ورعد شد اللجام بكل قوته بس الحصان عنيد فاضطر ينط بيه في المية عشان يتفاداها
نغم وقفت مصدومة وهي بتشهق بخضة يا نهار اسود انت كويس يا اخينا انت يا ناس الحقونا واحد بيغرق
رعد طلع من المية بصعوبة هدومه غرقانة وشعره مبلول ملزق في وشه ملامحه معصبة وعينه سودا كلها غضب
وهو بيحاول يسيطر على نفسه قال انتي غبية واقفة كده ليه في نص السكة عاجبك كده انا اللي اتبهدلت ورميت نفسي في المية عشان مخبطكيش
نغم كانت لسه مصدومة بس منظر رعد بالشكل ده خلاها تضحك غصب عنها وقالت والله تصدق انك تستاهل وانا غلطانة اني كنت بنادي حد ينقذك
رعد اتنرفز وقال انتي بتضحكي ده انا اللي وقعت بسببك يا غبية انتي
نغم ردت بسخرية وانا مالي يا فارس الاحلام مش انت اللي مش عارف تسيطر على حصانك وبعدين لما انت غشيم ومتعرفش تركب خيل بتركبه ليه
رعد لف ناحيتها وقرب منها خطوة عينه في عينها وصوته واطي بس مليان حدة وقال انا لو منك مطولش لساني عشان انتي متعرفيش انا مين انا فارس الهواري يا حلوة
نغم فجأة عنيها وسعت وصوتها اتغير من التحدي للغضب وقالت بدهشة انت انت رعد
رعد رفع حواجبه بغرور بس استغرب نبرتها وهو بيقول ما انتي شكلك عرفاني امال عارفاني منين
نغم وقفت مصدومة جسمها بيتنفض عينيها كلها غضب ودموع بتلمع وصوتها عالي وهي بتواجهه وقالت طبعا عارفاك ابن الراجل اللي دمر حياتنا ابن اللي رمى ابويا في الشارع وهو بيموت
رعد بصتلها باستغراب حقيقي واتقدم خطوة ناحيتها بس نغم رجعت لورا وهي بتحاول تمسك نفسها
قال ببرود وصوته فيه شك انتي بتقولي ايه بتتكلمي عن ابويا ازاي يعني وايه علاقته بابوكي
نغم ردت بصوت عالي وهي بتقاوم دموعها ازاي يعني مش عارف عاوز تقنعني انك عمرك ما سمعت ان ابويا كان شغال عندكم

في القصر كان بيخدم عند ابوك ليل ونهار ولما تعب رماه بره كأنه ولا حاجة سابوه يموت في الشارع محدش فكر يساعده وانا وامي كنا بنتفرج عليه وهو بيموت قدام عينينا مش قادرين حتى نجيبلوه علاج لولا رحمة ربنا بالست خالتك اللي رق قلبها علينا وهي اللي ودته يتعالج
رعد اتجمد مكانه ملامحه تصلبت عينه مليانة حاجة مش مفهومة خليط بين الصدمة والغضب باين عليه انه مصدوم بجد
قال بحدة انتي بتكدبي اكيد بتكدبي
نغم حست قلبها بيتكسر أكتر ودموعها نزلت ڠصب عنها بس ضحكت ضحكة مکسورة
نغم بصوت مخڼوق 
انا بكدب! طب روح اسأل أبوك بنفسك ! شوف لو عنده ضمير كفاية إنه يعترف! ولا اقولك اسأل خالتك مريم
رعد قعد يبصلها للحظة عنيه كانت مليانة ڠضب مكبوت بعدين فجأة لف ضهره وبدأ يمشي من غير ما يقول ولا كلمة زيادة وقتها نغم بصتله وهو بيمشي بعيد وحست بقبضة قوية في قلبها حست إنه شبه أبوه بارد قاسې ومتكبر وده خلاها تكرهه أكتر وأكتر
نغم پغضب
ابن أبوك فعلا متفرقوش عن بعض حاجة!
رعد وقف للحظة لما سمع كلامها بس ملفش ليها مشي واختفى وسط الأشجار وساب نغم واقفة لوحدها قلبها مليان ڠضب وۏجع
كانت داخلة نغم من الباب عيونها لسه محمرة من الدموع بس بتحاول تدارى ۏجعها وقابلته اامها
كوثر بلهفة وقلق
كنتي فين يا بنتي طول اليوم برا قلبي وجعني عليكي!
نغم بهدوء
كنت بتمشى شوية هويت نفسي بس
كوثر بصتلها بتركيز عشان ملامح نغم كانت حزينة بشكل غريب بس قررت ما تضغطش عليها
كوثر بتردد 
أبوكي تعبان يا نغم النهاردة الدكتور قال لازم نجيبله العلاج بسرعة والفلوس اللي معايا مش
مكفية
نغم حست كأن الدنيا دارت بيها
مفيش أي طريقة طيب حد يسلفنا طيب يا امي
كوثر بحزن
يا بنتي انتي عارفه حالنا مفيش غير ربنا ان شاء الله تتدبر
نغم دموعها كانت هتنزل تاني بس فجأة جت فكرة في دماغها فقامت بسرعة وراحت ناحية الدرج الصغير اللي في زاوية اوضتها وفتحت العلبة اللي فيه وحطت إيدها على حلق دهب صغير بسيط لكنه كان أغلى حاجة عندها الهدية اللي أبوها جابهالها لما نجحت
كوثر پصدمة
نغم إنتي بتعملي إيه
نغم بحزم وعينيها بتلمع بدموع متحجرة
هبيعه وهنجيب بتمنه العلاج يا امي هو مش عندي اغلي من بابا
كوثر شدت إيد نغم ومنعتها وهي بتترجاها
لا يا بنتي! ده أبوكي اللي جابهولك ده الحاجة الوحيدة اللي فضلالك منه!
نغم بصوت مخڼوق وهي بتكتم شهقتها
أبويا نفسه أهم! أهم من أي حاجة يا أمي!
كوثر دموعها نزلت وهي شايفة إصرار نغم شافت في بنتها نفس العين اللي كانت في أبوها زمان العين اللي مستعدة تبيع الدنيا عشان الناس اللي بتحبهم
كوثر بابتسامة ربنا يخليكي لينا يا ضنايا خلاص الصبح انزلي بعيه
نغم برفض لا يا ماما مش هينفع بابا تعبان وانا هجيبله العلاج دلوقتي انا هنزل ومش هتأخر متقلقيش
كوثر بتنهيدة ماشي يا بنتي خدي بالك من نفسك اهم حاجة
نغم بابتسامة حاضر يا ست الكل مش هتأخر هبيع الحلق واجيب العلاج واجي علطول يلا هاتي الروچتة
رعد كان داخل ڤيلته بسرعة وعينيه باين فيها الڠضب وهو مش قادر يصدق اللي سمعه بس كان لازم يسمع بنفسه لازم يشوف الحقيقة بعينه ووقتها يقرر هيعمل ايه
رعد بصوت عالي أول ما دخل الصالة للخدم 
بابا فين
الخدم بصوا لبعض بقلق وحد فيهم كان ناوي يرد بس قبل ما ينطقوا صوت رجولي تقيل جه من فوق السلم وكان صابر ابوه
صابر بضيق
بتزعق ليه كده يا رعد ! وقالب الدنيا كدة ليه
رعد رفع عينه وشاف أبوه واقف و ماسك كوباية الشاي بتاعته و ملامحه هادية جدا كأنه مش فارق معاه حاجة
رعد بصوت قوي
أنا عاوز أسألك سؤال واحد انت بجد عملت كده
صابر وهو بيحط الكوباية عالترابيزة ببرود
عملت إيه بقي مخليك متجنن كدة
رعد بصوت مهزوز وهو بياخد خطوة قدامه
طردت الراجل ده من القصر رميت راجل خدمك طول عمره في الشارع وهو تعبان
صابر بص عليه للحظات وبعدين اتنهد بملل
صابر ببرود
اه مشيته كان خدام ومالوش لازمة بعد ما بقى عاجز مهو شغله إيه بقى لو مش قادر يخدمني
رعد اتجمد في مكانه الكلمة دي كانت كأنها قلم على وشه ملامحه كانت باين عليها الصدمة والاشمئزاز والڠضب اللي كان بيغلي جواه
رعد بصوت مكتوم
انت بتتكلم عن بني آدم عن راجل عاش عمره في خدمتك عن حد كان بيعاملك بما يرضي الله !
صابر بابتسامة ساخرة
هو كان مجرد خدام ومكانش عندي نية أفتح دار مسنين جوه بيتي! وبعدين انت ايه اللي عرفك اكيد خالتك مش كدة
رعد حس كأن حاجة اتكسرت جواه نظراته لأبوه كانت مليانة إحباط كأنه لأول مرة يشوفه على حقيقته لأول مرة يحس إنه مايعرفوش أصلا
رعد بصوت مهزوز بس حاد
عشت عمري برة بس عمري ما تخيلت إني لما أرجع ألاقي أبويا بالمنظر ده تفكيرك ده غلط وبجد انا مش عارف اقولك ايه !
صابر وهو بيحط إيده في جيبه ببرود
لا يا رعد ده التفكير الصح إنت اللي مكبر الموضوع على الفاضي ده حتة خدام خلاص انسي الموضوع
رعد هز راسه بيأس وعيونه كانت مليانة مرارة
رعد بحزن عميق
أنا اللي كنت فاكرك حاجة تانية كنت فاكرك راجل عنده ضمير بس واضح إن الغربة كانت أحسنلي على الأقل مكنتش هشوف الحقيقة المرة دي بنفسي
صابر وهو بيضحك بسخرية
ومين قالك إني محتاج رأيك أنا اللي بنيت الاسم ده واللي مش عاجبه الباب يفوت جمل!
رعد بص لأبوه ولأول مرة حس إنه مش شايف راجل قوي بل شايف شخص قاسې متبلد الإحساس فاقد لأي إنسانية وكان متأكد إنه مستحيل يكون زيه ومن غير ما ينطق كلمة زيادة لف ضهره وبدأ يخرج وصوته كان مليان ڠضب مكتوم وهو بيقول
بس أنا مش زيك والراجل ده هياخد حقه ڠصب عنك
خرج رعد من الفيلا عيونه كانت مليانة ڠضب وكان مقرر إنه يعوض الرجل ده عن كل اللي حصله حتى لو اضطر يقف ضد أبوه نفسه
في الشارع كان رعد سايق عربيته بسرعة وعيونه متعلقة بالطريق بس عقله لسه مع كلام أبوه مع الصدمة اللي ضړبته في قلبه لما سمع الحقيقة كان بيسأل نفسه إزاي عاش بره طول عمره ورجع يكتشف إن أبوه بالشكل ده
إيده شدت على الدركسيون وغضبه كان بيزيد كل ما يفتكر ملامح نغم وهي بتحكي حزنها الۏجع اللي كان في صوتها فجأة لمح من بعيد نغم داخلة محل دهب فوقف فجأة على جنب ونزل بسرعة وهو مش عارف ليه قلبه اتقبض وهو شايفها هناك
دخل المحل بخطوات سريعة بس وقف قدام الباب لما سمع صوتها كانت واقفة قدام الراجل العجوز اللي قاعد ورا المكتب وبتحطله الحلق الدهب الصغير على الترابيزة ووشها كله حزن
نغم بصوت حزين
والنبي يا عم الحاج ده دهب كويس وانت عارف ان سعر الدهب غالي اليومين دول زودلي حاجة بسيطة بس أنا محتاجة الفلوس ضروري لازم