رواية سيف وولاء جميع الفصول كاملة زوجي الامريكي بقلم مريم سرور
رواية زوجي الامريكي
انتو اكيد اتجننتو انا اتجوز واحده من مصر!!!!!!
مالهم المصريين ي استاذ سيف
اتعصب سيف وهو بيطلع سجارة من جيبه
ملهمش .بس انا مش بعد م عيشت ف اميريكا لمدة تلاتين سنه ارجع اتجوز واحده جاهله مبتعرفش تلبس ومتوحدين كمان
انا شكلي دلعتك اووي ي سيف انا سيبتك تعيش مراهقتك بس كده كفايه لازم تستقر وتتجوز واحده محترمه
ضحك سيف جامد
وهو يعني عشان بتلبس اللي ع دماغها اللي بتسموه حجاب ده تبقا محترمه ده جهل .. ليه تغطي جسمها ما هنا كله براحته ومرتاحين وي سلام بقا تفضل تقولي حرام وغلط ...ده على جثتي ي بابا م هتجوز جارية
حلو اووي ي سيف ...بس من انهارده ملكش شغل عندي وخلي اميريكا تنفعك
ي بابا ....
مشى باباه وهو نام ع الكنبة بيفكر ليه باباه مصمم يعيشه ف جحيم مع واحده شايفه انه مينفعش تسلم ع رجاله وتلبس حجاب قعد وهو متعصب
انا عندي اشحت ولا اني اعيش مع واحده بالتفكير ده سيف نزل يدور ع شغل بس ملقاش وراح للبار عشان يسهر مع صحابه
طبعا هما بيتكلمو انجليزي بس هكتبه بالمصري عشان نفهم
تخيل ي مايكل بابا عايزني انا اتجوز واحده مصريه محجبه!!!
نعم! شكل باباك خرف ...بس انا سمعت ان بنات الشرق الأوسط حلوين وعنيهم واسعه وحلوه
ي عم انت كمان بطل قرف عمرك شوفت واحده محجبه حلوه!!
ضحك مايكل جامد
انا مشوفتش واحده محجبه قبل كده اصلا
جت عليهم واحده لابسه فستان سيلفر قصير وشعرها بينك
تحب نشرب سوا!!
ضحك سيف وهو بيبص لمايكل
حد برده يسيب الدلع اللي هنا ويتجوز ويتقيد وكمان من مصر !
قام سيف معاها.
صحى تاني يوم لقا نفسه ع سرير ف بيت باباه وباباه واقف قدامه
انا كل يوم هجيبك وانت
سيف تافف
بابا بطل وسيبني ع حريتي
حريتك انك تعمل ذنب.. حريتك دي ...وانت تلاتين سنه ومش فالح في حاجة غير في الهلس
سيف بص له باستفزاز
بس تنكر انها كانت حلوه!!
باباه ضربه بالقلم وسيف اتصدم
اطلع بره بيتي ملكش لا شغل ولا بيت ومن انهارده اعتبر ملكش اب.
سيف حط ايده مكان الضربه واتعصب وخرج برا البيت
كله بسبب زفته اللي عايزني اتجوزها ...انا سيف اللي من اغنى الشباب هنا والبنات بتجري عليا اتجوز فلاحه مصريه جاهله .
جه الليل وسيف مش عارف يعمل ايه حتى باباه طرده من غير فلوس وقفل عليه الفيزا .
قعد سيف ف الشارع اربع ايام زي المشردين
بابا انا موافق اتجوز البنت اللي انت عايزني اتجوزها
عين العقل ...ان شاء الله ننزل مصر وتجوزو ع طول
وهي وافقت!
اه اكيد وقررنا معاد الفرح
دخل سيف اوضته
يعني كمان راضيه تجوز واحد مشفتهوش قبل كده ...جاهله...بس اقسم بالله لاخليها تخلع الزفت اللي ع دماغها ده
نزل سيف مصر مع باباه وكان محتقر كل الناس وشايف انهم جهلة ومحتاجين يتطورو من نفسهم...
ناس بيئة بجد.
سيف اول مره ينزل مصر وحس احساس غريب
المكان لطيف بس الناس خالص .
سيف فضل كام يوم ياخد جولات ف مصر وعجبته جدا بس كان طول الوقت مدايق من جهل الناس او زي ما هو شايف انهم جهلة
واخيرا جه اليوم اللي هيشوف فيها ولاء
حتى اسمها مش مفهوم ايه ولاء ديمعناها ايه اصلا
ضحك باباه
وبتقول عليهم جهلة
قعد سيف مع ابو ولاء وفضل طول القعده متعصب ومدايق ودخلت عليه ولاء وياريتها لابسه حجاب دي لابسه خمار !
ما تلفي ستارة حوالين رقبتك احسن
رفعت عنيها ليه وكانت عيونها مدمعه وحمرة اول ما شاف عنيها اتخض ...هي
سابو سيف وولاء لوحدهم وفضلت ساكته طول الوقت وفضل يبص للبسها كتير وفضل يكلم نفسه
انا هعيش مع القرف ده ...ناقص تخبي وشها
طيب انتي هتفضلي ساكتة كتير !!!
بصت له
هقول ايه ...انا مش عارفه
مثلا تعرفيني انك وافقتي ليه اه او ترفضي ازاي واحد غني زيي واضح ان الستات ف كل مكان كده كلاب فلوس
ولاء قامت وضربته بالقلم
اياك ثم اياك تكلم عني بالطريقة دي انت سامع !
دخل باباه وابوها ع صوتهم
ف ايه !!
سيف ضحك بخبث وعروقه بارزه وهو بيتوعد لولاء
مفيش كنا بنقرر بس الفرح يبقا بدري عشان اعرف اتعامل معاها احسن
ومشى ع صوت الزغاريد وهو بيقول جوا نفسه
هربيكي ي ولاء الجاهله .
جه يوم الفرح وكان سيف كل شويه يفتكر القلم اللي ولاء ضربته له وهو بيتوعد انه يكسر لها انفها المغرورر ده بس افتكر عيونها
هي معقول مجبوره !
لا مجبورة ايه ي سيف واحد غني ووسيم زيك ترفضه اكيد لا
قعد جمبها وهي لابسه الفستان الابيض وخمارها الستان وعينها ف الارض
بارك الله لكما وبارك عليكما وجمع بينكما في خير
انتهت بانهم اخدو صورة مع بعض وروحو ..
اول ما دخلو ولاء قعدت تعيط جامد وتشهق
انا بكرهك .
سيف اتصدم ازاي واحدة تقوله كده.
انا بكرهك وبكره انهم اجبروني عليك .
ودخلت الاوضه وقفلت ع نفسها وهو فضل واقف مصدوم متصنم اول مره ف حياته واحده ترفضه .... طول عمره محبوب النساء
خبط ع الباب جامد وهو بيزعق
افتحي ي زفته انتي ...والا هكسر الباب فوق دماغك
فتحت الباب وهو وقف مذهول من اللي شافه
يتبع
البارت الثاني
وقف سيف مذهول من ولاء اللي كانت خارجة له بعد م اتوضت بص لشعرها البني القصير نهايتة احمر
خير!
كان واقف بيفكر
انتي عندك شعر!!
ولاء فضلت تضحك جامد وعنيها دمعت من الضحك
اه معلش الجهل وحش برده حد قالك اني قرعه !
اومال لابسه حجاب ليه!
عشان ربنا أمرني بيه وانا بسمع كلام ربنا .
سيف كان بيسمع كلامها بزهق
طيب طيب مش فارقه ...لحظه!!!!
ولاء كانت متعصبه منه وم طيقاه
ي نعم !!!!
انتي رفضاني انا ...انا!!!
فيك ايه عدل عشان احبك او اعجب بيك
سيف اتصدم صدمة عمره ازاي واحده تقوله كده ده كانت البنات بتجري عليه عشان وسيم وغني
انا وسيم وغني ازاي ترفضيني !!
ف حاجات اهم من الفلوس والشكل.....بعدين مش حلو اووي زي ما انت فاكر
ولاء دخلت الأوضه وقفلت تاني في حين ان سيف كان واقف مبلم ومشى ناحية المرايا بسرعه وهو بيبص ع نفسه وقعد يمسك شعره وبيبص ع عيونه وعضلاته
انا مش وسيم!!
ضحك بغرور وهو بيبص لنفسه ف المرايا
مستحيل ... انا اوسم واحد ف المجرة .
مسك تلفونه وهو بيكلم بنت يعرفها.
هاي مونيكا ...انا ف مصر
فضل يتكلم معاها وهو مضلم الاوضه وفجاه لقا شبح حد واقف قدامه
سيف صرخ وهو بيفتح النور لقاها ولاء كانت لابسه خمار الصلاة
ايههه مالك حد يدخل ع حد كده!!
يلا عشان تصلي
اصلي !!! روحي انتي انا مصلي .
مصلي ايه بالظبط ..!
سيف اتوتر محبش يبان قدامها جاهل لانه ميعرفش حاجه عن الصلاه وميعرفش حاجه اصلا
انتي مالك مصلي وخلاص
طيب اكيد مصلتش قيام الليل قوم صلي معايا .
دخل الحمام وعمل نفسه بيتوضى وهو مش عارف ازاي بص وراه لقى ولاء وراه ومكشرة
بتلخبط ساعات.
انا برايي انك تستحمى احسن عشان ريحتك تقرف .
وللمرة الالف ولاء بتصدمه وتخليه يشك ف نفسه
قعد يشم ف التيشيرت ويشوف ريحته حلوه ولا لا
ع فكره ي انتي
اسمي ولاء ...ثانيا ريحتك تقرف انا لسه مستحميه...ي جاهل
جاهل!!!!!انا !انا متعلم ف احسن جامعه وعايش
