سبت بنتي عند جدتها ولما رجعت اخدها قالتلي انتي مجبتيش بنتك بقلم هويدا زغلول

سبت بنتي عند جدتها ولما رجعت اخدها قالتلي انتي مجبتيش بنتك عندي انا مشفتهاش اللي حصل
وقبل ما بدأ حكايتي اعرفكم بنفسي انا اسمي ليلي عندي 30 سنه ومتجوزة وساكنه في بيت قريب من امي اللي عايشه لوحدها في بيتها وفي يوم اتصلت بيها وقولت لها
ليلي
الووو ازيك يا ماما طمنيني عليكي عامله ايه يا حبيبتي
الام
انا الحمد لله يا بنتي انتي مجتيش ليه مش كنتي بتقولي انك هتعدي عليا انا كنت مستنياكي حتي ولا اخوكي جالي يبص عليا
ليلي
معلش يا ماما انا هاجي لك يا حبيبتي انتي عارفه ظروفي شغلي وكمان هتلاقي حسام اخويا مش عارف يجي لك برضو عشان شغله
الأم
والله يا بنتي براحتكم بقا ادي عايشه زي ما انا اهو يا بنتي اللي عايز يجي لي يجي البيت مفتوح لاي حد يجي
ليلي
خلاص يا ماما حاضر انا هبقي اجي لك
وقفلت معاها ولقيت عادل جوزي بيقولي
عادل
في ايه يا ليلي امك مالها كده
ليلي
مفيش يا عادل اصلها زعلانه عشان انا مش بروح لها ولا اخويا كمان بيروح لها بس انا شغلي اللي بيخليني مش عارفة اروح لها يا عادل ما انت وبعدين انا برجع بعمل الأكل واقعد مع ملك احل معاها الواجبات اعمل ايه بس
عادل
معلش يا ليلي ابقي عدي عليها في يوم كده وخلاص يا حبيبتي وبعدين دي حتي امك قريبه مننا اومال بقا لو كانت بعيده كنتي عملتي إيه
ليلي
ما انا بقول كده والله يا عادل بس انا غصب عني برضو يلا بقا ربنا يعيني طيب بقولك ايه ايه رايك لو رحت لها بعد بكرة وسبت ملك قاعده معاها طول النهار ولما ارجع بالليل ابقي اروح لها وانت تبقي تعدي علينا
عادل
خلاص تمام مفيش مشكله يعني كده تقصدي

انك هتغيبي ملك من المدرسه مش هتروح في اليوم ده
ردت ملك وقالت
بس انا مش بحب اغيب من المدرسة يا ماما انا بحب اروح عشان أصحابي
ليلي
معلش يا ملك ده يوم واحد بس يا حبيبتي ماشي وتاني يوم ابقي روحي المدرسة زي ما انتي عايزه
ملك
حاضر يا ماما اللي تشوفيه انا خلصت الواجبات اهو ممكن بقا ادخل انام عشان اروح بكرة المدرسه
ليلي
ماشي يا حبيبتي ادخلي نامي
وبعدها اتصلت باخويا وقولت له
ليلي
ايوه يا حسام انا نفسي اعرف انت ليه مش بتاخد مراتك وتروح لماما تبص عليها كده وتقضي معاها اليوم انت ومراتك
حسام
بقولك ايه يا ليلي انا مش فاضي لامك ولا لغيرها كفايه اللي انا فيه انا اصلا مش عارف اعمل ايه بالديون اللي ورايا دي
ليلي
وهو في حد قالك اتداين يا حسام مش انت اللي كل يومين تروح تستلف عشان الست هانم مراتك اللي مش بتشبع دي
حسام
جرا ايه يا ليلي هو انتي يعني مش عارفه المصاريف عامله إزاي انتي بتتكلمي وخلاص ومتعرفيش حاجه
ليلي
لا يا حبيبي انا عارفه المصاريف والدنيا عامله إزاي هو انت يعني فاكرني ايه بس انا عندي بنت وفي المدرسة وبتحتاج مصاريف انما انت لوحدك انت ومراتك بتصرفوا في ايه يعني
حسام
بقولك ايه يا ليلي ملكيش دعوه بنصرف في ايه ولا مش بنصرف في إيه احنا حرين وبعدين امك اصلا معاها فلوس بالهبل ومش راضيه تسلفني
ليلي
ماهي عارفه انها لو سلفتك مش هتطول منك حاجه علي العموم بس ابقي بص عليها وخلاص دي امك برضو وليها حق عليك ومتسمعش كلام مراتك
حسام
هوووف ماشي يا ليلي ان أن شاء الله لما اكون فاضي هبقا أروح يلا سلام دلوقتي عشان انا عايز انام تصبحي علي خير
وقفل معايا وانا قولت لنفسي
ليلي
ايه ده هو بيعمل كده منها لله مراته اللي كرهته فينا دي انا عارفه انها هي السبب في كل ده منك لله يا رشا
وفي بيت حسام رشا مراته قالت له
رشا
هي اختك عايزة مننا ايه هي لا منها ولا كفاية شرها هي بتكلمك في ايه بالظبط
حسام
مفيش عايزاني بس ابقي اروح لماما ابص عليها
رشا
ماما مين يا حبيبي اللي تروح لها دي هي امك دي بتحس بينا ولا حتي اختك دي كمان ماهما الاتنين سايبينك غرقان في ديونك أهو كان في واحدة فيهم قالت لك خود سد اللي عليك ده مفيش عندهم إحساس ياخي
حسام
خلاص بقا يا رشا وبعدين هما اصلا ذنبهم ايه بس يا حبيبتي هما كانو قالوا لي اروح استلف عشان نصرف
رشا
لا يا حبيبي محدش قال بس المفروض انهم اهلك أمك واختك وهما اللي مسؤلين عننا صح ولا إيه
حسام
معلش يا حبيبتي بقا خلاص انا هبقي اتكلم مع ماما تاني وأشوف هتعرف تتصرف ولا لأ
وبعدها تاني يوم في الشغل لاقيت ولاء صاحبتي بتقولي
ولاء
كويس انك جيتي يا ليلي عشان المدير كان عايزك عشان هتسافري بكرة
ليلي.
هسافر بكرة فين يا ولاء دي حاجه تبع الشغل ولا إيه
ولاء
ايوه طبعا تبع الشغل وفيها مصلحة حلوه اوي ليكي ادخلي له بقا وهو هيعرفك
ودخلت للمدير وقالي
المدير
في الحقيقة يا ليلي انا ملقتش حد مناسب للسفريه دي غيرك انتي بس عشان انتي بتعرفي تتصرفي في الامور اللي زي دي انتي هتروحي تعملي ميتنج مع الوفد اللي جاي في اسوان
ليلي
طيب يا فندم هو لازم انا يعني ماهو اي حد مكاني يقوم بالمهمة دي عادي
المدير
لا انا عايزك انتي عشان انتي اللي بتعرفي تتكلمي لغات كويس ياريت تحضري نفسك للسفر بكرة علطول الطيارة هتطلع الضهر
ليلي
حاضر يا فندم تحت امر حضرتك
ورجعت البيت وقولت لعادل وقالي
عادل
طيب ولما انتي تسافري ملك هترجع من المدرسه تقعد مع مين وانتي عارفه اني برجع متاخر وانتي هتباتي طيب ايه الحل
ليلي
ملك انا كده كده كنت هوديها عند ماما مش انا كنت لسه متفقه معاك امبارح انها هتروح عند ماما وأحنا نروح اخر النهار انا هوديها وخلاص وهي تبات عند ماما انت عارف ملك عاقله وهتتفهم الوضع
عادل
خلاص اعملي اللي يعجبك يا ليلي المهم انك تسافري ليله واحده وتاني تاني يوم وطالما هتسافري بالطياره مش هتاخدي وقت في السفر
ليلي
حاضر يا عادل انا الصبح بدرى هودي ملك عند ماما واسيبها عندها
وفعلا تاني يوم رحت مع ملك عند ماما وقولت لها
ليلي
عامله ايه يا ماما شوفتي اديني جيت لك اهو زي ما وعدتك وكمان جبت لك ملك عشان هتفضل معاكي لحد بكرة كمان قولتي إيه
الأم
طيب يا بنتي كويس انك جبتيها تباتي معايا بدال ما انا كل يوم ببات لوحدي كده
ليلي
ربنا يخليكي لينا يا ماما المهم انتي مش محتاجه اي حاجه اروح اجيبها لك قبل ما امشي وانتي يا ملك مش عايزة حاجة
ملك
لا يا ماما مش عايزة حاجة بس متتاخريش عليا بكرة بقا عشان انا عندي مدرسة بعد بكرة ماهو انا مش هغيب من المدرسه كام يوم كده
ليلي
متقلقيش انا هاجي لك بكرة علطول بس خلي بالك من تيته واوعي تنزلي من هنا يا ملك ماشي
الأم
متخافيش عليها يا ليلي ماهي قاعده معايا اهي هي هتروح فين يعني ولا احنا هنروح فين يلا اتكلي انتي علي الله
ليلي
ماشي يا ماما انا همشي اه يلا مع السلامه
وسبت ملك مع ماما ومشيت وبالليل راح لها حسام وقالها
حسام
اسمعي بقا يا ماما انتي لازم