سبت بنتي عند جدتها ولما رجعت اخدها قالتلي انتي مجبتيش بنتك بقلم هويدا زغلول
خليكي انا جاي لك دلوقتي عند ماما
وقفل معايا ورشا قالت له
رشا
هو في ايه يا حسام وانت رايح فين كده
حسام
رايح لحد ماما يا رشا اصل ليلي بتقول انها ودت ملك عند ماما وماما بتقولها انها مش عندها ومش عارفين حاجة
رشا
طيب وانت بقا أن شاء الله هتروح تعملهم ايه يعني ما تسيبهم يدورو عليها هما احنا مالنا
حسام
مالنا ازاي يا رشا اسمعي متخليش كرهك لامي واختي يخليكي تمنعيني اني اساعدهم
رشا
طيب يا حبيبي اعمل اللي انت عايزة انا مالي انا بيهم بس اسمع بقا انا بقول اكيد الوليه امك عملت في بنت اختك حاجه ااه دي وليه عقلها طاقق
حسام
تاني هتغلطي في امي يا رشا بقولك ايه انا مش هستحمل كلمه عن امي انتي سامعه ولا لأ
رشا
ياخويا خلاص اديني سكت أهو روح شوفهم واقطع دراعي ان ما كانت امك دي عملت فيها حاجه
ولقيت حسام جالي عند ماما وقالي
حسام
ايه يا ليلي ملقتيش ملك برضو
ليلي
يا حسام انا جيباها عند ماما قبل ما اسافر امبارح وجيت النهارده عشان اخدها بتقولي اني مجتهاش هو انت لما كنت عند ماما مشوفتهاش بجد
حسام
لا انا جيت عشان اتكلم مع ماما شويه وبعدها مشيت من غير ما اشوف ملك
ليلي
طيب هتكون راحت فين يعني يا حبيبتي يا بنتي
عادل
احنا كده لازم نبلغ يا ليلي عشان البنت كده مش موجوده في اي مكان
وفي اللحظة دي افتكرت موبايل ملك وقولت بسرعه
ليلي
موبايلها فين موبايلها هو كان بيدي جرس لما انا كنت جايه في الطريق هرن تاني عليه كده
وفعلا رنيت وكان بيدي جرس في الاوضه وجبت الموبايل وقولت لماما
ليلي
الموبايل بتاع ملك اهو يا ماما البنت فين بقا ارجوكي افتكري يمكن تكوني خلتيها تروح تجيب حاجه
عادل
انا هطلح اشوفها في السطوح وانت يا حسام دور عليها في بقيت البيت يمكن تكون في اي حته
حسام
انا هدور في كل حته في البيت
وفضلنا كلنا ندور علي ملك ومفيش اي فايدة وماما كانت قاعده ومستغربه وقالت
الأم
هو انتو بتعملوا إيه بالظبط
ليلي
حرام عليكي انتي عايزة تعملي فيا ايه ما تقولي بنتي فين وتخلصيني ارجوكي يا ماما
الأم
انا مشوفتهاش اصلا بنتك دي
عادل
احنا كده نروح القسم وهناك هما بقا يعرفوا كل حاجه انا تعبت انا مش عارف بنتي فين بالظبط
وفعلا رحت انا وعادل وحسام والظابط قال
الظابط
يعني ايه الكلام اللي حضرتك بتقوليه ده ازاي يعني تودي بنتك عند والدتك وبعدين لما تروحي تاخديها تقولك انها ماشفتهاش هي بنتك عندها كام سنه الأول
ليلي
ملك عندها عشر سنين وبعدين هو ده اللي حصل يا فندم والله انا وديت ملك بنتي عند ماما عشان تبات معاها ورحت النهارده عشان اخده اكتشفت ان ماما بتقولي اني مجبتهاش عندها وده اللي هيجنني
الظابط
هو حضرتك بتاخدي حبوب منومه او مهدئه او اي حاجه من دي
ليلي
لا طبعا انا مش باخد اي حاجه خالص ليه يا فندم هو حضرتك فاكرني بخرف ولا إيه
عادل
يا فندم ليلي وصلت البنت عند جدتها انا مكلم ملك امبارح واطمنت عليها وقالت لي ساعتها ان جدتها في المطبخ معني كده ان هي كانت عندها
الظابط
طيب الموبايل بتاعها بتقولي معاكي
ليلي
ايوه اهو اتفضل انا دروت فيه لتكون كلمت حد ولا حاجه لقيت انها لا اتصلت بحد ولا حد رن عليها بعد انا وباباها مكلمناها
الظابط
غريبة اوي الحكايه دي طيب هو كاميرات قدام البيت عند والدتك يعني هل في محلات مركبه كاميرات
ليلي
ايوه فيه
الظابط
طيب احنا بكرة هنروح علي هناك ونفرغ الكاميرات دي ونشوف هل فعلا حضرتك دخلتي ببنتك البيت وهل البنت خرجت من البيت ولا لأ
ليلي
طيب مانروح دلوقتي حضرتك
الظابط
مش هينفع طبعا الوقت اتاخر واحنا لازم نجيب امر من النيابة الصبح
ليلي بتعيط
يعني انا هفضل كده الليلة دي معرفش بنتي فين يا حبيبتي يا بنتي ياتري انتي فين بس
عادل
ان شاء الله بكرة هنعرف مكانها فين يلا بينا نمشي يلا
وبعدها روحنا علي البيت وفضلت طول الليل
عادل
تفتكري مامتك تكون عملت حاجه في البنت يا ليلي
ليلي
لا طبعا يا عادل ماما عمرها ما تعمل كده أبدا ازاي يعني تكون ماما اذت بنتي
عادل
اومال ايه بس ان شاء الله الحكومه هي اللي هتعرف كل حاجه
وفي بيت حسام رشا قالت له
رشا
يعني بعد كل اللي انتو عملتوه ده ملقتوش البت انا حاسه ان امك والله عملت حاجه فيها
حسام
تاني يا رشا تاني ما تسكتي بقا خلينا نشوف هنعمل ايه
رشا
يعني أختك بتقول انها ودت بنتها عند امك وانت لما كنت عندها مشوفتش البت عندها تبقا راحت فييين لا لا الحكايه دي فيها أنه
وتاني يوم الصبح رحنا القسم والظابط جه معانا ورحنا علي عم محمد البقال وطلبنا منه تفريغ الكاميرات والظابط قال
الظابط
هو فعلا باين قدامي اهو حضرتك يوم لما دخلتي البيت بالبنت مش دي بنتك برضو
ليلي
ايوه انا وملك بنتي واحنا داخلين عند ماما اهو عشان حضرتك تصدق اني فعلا رحت بيها
الظابط
بس في بقيت اليومين البنت مخرجتش من البيت
ليلي
ماهو ده اللي هيجنني انا مش عارفة هي راحت فين بس
الظابط
يبقا ندور عليها في البيت هي اكيد موجوده في البيت
والظابط خلي العساكر اللي معاه يدورو في البيت كله وكان في دور تحت والظابط قال
الظابط
هي الشقه دي فيها حد ولا مقفوله
ليلي
لا الشقه دي مفقوله من زمان واصلا مفتاحها مش عارفين هو فين
الظابط
طيب اكسروا الباب يا عسكرى انت وهو يلا
وفعلا كسروا الباب ودخلنا جوه وفضلنا ندور في الشقه كلها وفي اوضه مقفوله كسروا الباب ودخلنا ولقيت ملك مرميه في الأرض وقولت
ليلي
بنتي بنتي ملك مالك يا حبيبتي ردي عليا مين اللي عمل فيكي كده ملك
عادل
احنا لازم نودبها المستشفى يا ليلي يلا بينا نوديها وبعدين نعرف ايه اللي حصل لما تفوق
وفعلا ودينها المستشفى وملك فاقت وانا قولت لها
ليلي
إيه اللي حصل يا ملك مين اللي حطك في الدور اللي تحت
ملك بتعب
تيته يا ماما هي اللي حبستني تحت
عادل
طيب وتيته عملت كده ليه معاكي
ملك وبدات تحكي اللي حصل وقالت
ملك
لما خالو حسام كان عند تيته واتخانق معاها ومشي
فلاش باك
ملك
هو انتي كنتي بتتخانقي مع خالوا ليه وايه الفلوس اللي هو عايزها دي
الجده
ملكيش انتي دعوه وخليكي في حالك يا بنت اوعي تتدخلي في حاجة مفهوم يلا اشربي العصير ده انا عملت لك معايا يلا اشربي
وبعدها ملك شربت العصير ولقت جدتها بتفتح الباب وتنزل تحت وهي نزلت وراها براحه وشافتها دخلت الاوضه وفتحت صندوق مليان فلوس وملك قالت لها
ملك
ايه كل الفلوس دي يا تيته معقوله انتي معاكي كل ده وقولتي لخالوا انك مش معاكي فلوس
الجده
انتي ايه اللي جابك هنا يا بنت انتي جيتي امتي
ملك
انا معاكي اصلا يا تيته من الصبح هي مش ماما جبتني عندك وبعدين انتي كدبتي علي خالوا ليه هو مش الكداب بيروح النار
الجده
انتي هتفضلي هنا ومش هتخرجي ابدا ماشي
وقفلت عليها الجده وسابتها وعشان عندها زهايمر نسيت بس محدش يعرف ان عندها زهايمر
بااااااااااك
الظابط
يعني جدتك هي اللي عملت فيكي كده احنا كده مضطرين نقبض عليها
ليلي
لا يا فندم ارجوك مش هينفع دي مامتي برضو وانا
عمري ما اكون السبب انها تدخل السجن
عادل
خلاص يا حضرة الظابط احنا مسامحين في حقنا
ليلي
يلا بينا نخرج من هنا ونروح لماما
وفعلا خرجنا من المستشفى ورحت لما اللي قالت لنا
الأم
انتو مين وجاين عايزين مني ايه امشوا من هنا يلا امشوا
ليلي
يا حبيبتي يا ماما هو في ايه بس ايه اللي حصلك مالك يا حبيبتي
الأم
انتي مين وكلكم مين بقا انا مش عايزة حد انا معنديش قرايب انتو جاين تخطفوني صح
عادل
اهدي يا حماتي اهدي امك شكلها عايزة دكتور يا ليلي
ليلي
انا بقول كده برضو
وفعلا جه الدكتور وقال
والدتك عندها زهايمر وهو ده اللي عمل فيها هي للاسف وصلت لمرحله صعبه جدا الله يعينكم عليها
ليلي
يا حبيبتي يا ماما ربنا يزيح عنك يارب
وبعدها طبعا حسام
وبكده تكون خلصت حكايتي
