سبت بنتي عند جدتها ولما رجعت اخدها قالتلي انتي مجبتيش بنتك بقلم هويدا زغلول

تشوفي لي حل في موضوع الفلوس ده انا كده هتسجن
الأم
ما تتسجن ولا تروح في داهيه هو انا يعني اللي قولت لك تاخد فلوس من حد انت شاطر بس تاخد فلوس من الناس وجاي عايزني اسدها لك ليه هو انتي شايفني قاعده علي بنك ولا ايه
حسام
هو مش المفروض اني ابنك انا عارف انك معاكي فلو وعمرك ما قولتي لي انتي بتحطيهم فين بالظبط
الأم
ومين قالك اني معايا فلوس وانا لو معايا انا هخبي عليك ليه بقا يا بني انا عمري ما اخبي عليك أبدا
حسام
يعني انتي متاكده انك مش معاكي فلوس ياماما علي العموم انا مش عايز حاجه بس ربنا يسامحك بقا لو معتكي وانتي مخبيه عليا عشان انا في محنه ومزنوق جدا
الأم
والله مش انا اللي قولت لك حط نفسك في الزنقه اللي انت فيها دي
حسام
ماشي يا ماما انا همشي ومش هتشوفي وشي تاني أبدا
وبعدها مشي حسام وملك كانت في الاوضه وكانت سامعه كلام خالها مع ماما ولما مشي ملك قالت لجدتها
ملك
هو في ايه يا تيته هو خالو حسام كان بيزعق معاكي ليه كده انا كنت سامعه صوته وانا جوه
الأم
ملكيش دعوه انتي يا ملك بقولك ايه انا هاقوم اعمل حاجه اشربها تحبي تشربي معايا حاجه
وبعدها تاني يوم رجعت البيت عندي واتصلت بعادل وقولت له
ليلي
الوو ايوه يا عادل بقولك ايه انا رجعت البيت اهو وقولت احط الشنطه وبعد اروح عند ماما اجيب ملك من عندها هو مكلمتهاش ولا إيه
عادل
لا انا كلمتها امبارح قبل المغرب كده واطمنت عليها ومكلمتهاش تاني
ليلي
طيب انا هاروح لها انا اصل انا برن عليها هي وماما من امبارح باللي ومش بيردوا خالص مش فاهمه في ايه يلا انا هقفل بقا واروح لهم
ونزلت رحت البيت عند ماما ولقيتها بتفتح لي وقالت
الأم
مين
ليلي
مين ايه يا ماما انا ليلي يا حبيبتي هو انتي كنتي نايمه ولا إيه
الام بارتباك
هااا اااه الظاهر كده يا بنتي غفلت شويه انتي جايه دلوقتي ليه هو في حاجة ولا إيه
ليلي باستغراب
في حاجة ايه بس يا ماما انا جايه عشان اخد ملك من عندك
الأم باستغراب
ملك ملك مين
ليلي
ملك بنتي ياماما هو في ايه بس مالك كده ده أنتي الظاهر أن النوم مأثر عليكي خالص يا ملك ملك
الأم
انتي بتنادي علي مين يا ليلي وهي ملك ايه اللي هيجبها عندي يا بنتي بس
ليلي بصدمه
هو ايه الكلام اللي انتي بتقوليه ده يا ماما ازاي يعني ايه اللي هيجيب ملك عندك هو انا مش جيت امبارح وسبت ملك عندك هنا ومشيت عشان كنت مسافرة
الأم
امتي حصل الكلام ده لا طبعا انتي مجبتيش ملك بنتك عندي هنا يا ليلي ولا شوفتها
ليلي بعصبية
ازاي يا ماما الكلام ده ازاي انا جبت ملك هنا عندك امبارح وسبتها عندك ازاي يعني بتقولي كده
الأم
الله وانا هكدب عليكي ليه يا ليلي ما البيت عندك اهو دورى عليها زي ما تحبي هو انا يعني هخبيها عنك ليه انتي مجبتيش بنتك عندي
ليلي بانهيار
يا لهوي يا لهوي اومال البنت راحت فين يا ماما بنتي فييين
وقومت بسرعه ادور في الشقه كلها مش لاقيه ودخلت البلكونه وكمان طلعت فوق السطوح ملقتهاس وقولت
ليلي
هي هتكون راحت فين طيب انتي خلتيها تروح تجيب لك حاجه من تحت ولا حاجه الله يخليكي يا ماما بلاش تعملي فيا كده ارجوكي
الأم
لا حول الله ياربي يا بنتي انا بقولك انا مشوفتش بنتك من زمان وانتي مجبتيهاش عندي خالص الله انتي مش عايزة تصدقي ليه
ليلي
لاااا انا كده هيجرا لي حاجه والله
واتصلت بسرعه بعادل جوزي وقولت له
ليلي
الحقني يا عادل الحقني بسرعة
عادل بخضه
في ايه يا ليلي في ايه انتي فين دلوقتي وايه اللي حصل
ليلي
انا عند ماما في البيت عندها تعالي بسرعة يا عادل تعالي
عادل
هي مامتك حصلها حاجه ولا إيه يا ليلي ردى عليا في إيه
ليلي
تعالي بس والنبي ماما كويسه مفيهاش حاجه ارجوك تعالي بقا
وبعد شويه عادل وصل عند ماما وقالي
عادل بخضه
في ايه يا ليلي في ايه جبتيني علي ملا وشي يعني ايه اللي حصل عشان تكلميني وتجبيني كده
ليلي بتعيط
انا انا انا جيت هنا عشان اخد ملك من عند ماما لقيتها بتقولي ان ملك مجاتش عندها ولا شافتها خالص
عادل
نعم ده ايه الكلام ده بقا ازاي يعني ملك مجاتش اومال انتي سبتيها فين هو انتي مش قبل ما تسافري امبارح جبتيها عند مامتك هنا وانا كنت مكلمها امبارح العصر واطمنت عليها ازاي بقا مامتك بتقول انها مش هنا
ليلي
وانا كمان كنت مكلمه ملك وقالت لي انها قاعده مع جدتها انا مش فاهمه حاجه يا عادل مش فاهمه حاجه
عادل
هي ملك راحت فين يا حماتي هو انتي بعتيها تجيب لك حاجه من تحت والبنت مرجعتش ولا حاجه أرجوكي قولي بنتنا فين
الأم
يابني انا مشوفتش بنتكم هو انا يعني هكون مخبياها ولا إيه انا معرفش عنها حاجه بقولك ايه خود مراتك وقوموا من هنا انا دماغي وجعاني يلا
ليلي
يا ماما حرام عليكي ركزي وقولي لي بنتي فين الله يخليكي انا قلبي مش مستحمل ولا قادرة اقف علي رجلي من ساعت لما جيت ملقتهاش
الأم
وانا مالي انا روحي شوفي بنتك راحت فين وسبيني في حالي يلا يا حبيبتي انتي وجوزك من هنا
عادل
نمشي من هنا ازاي من غير بنتنا طيب هو حسام جالك هنا طيب يمكن حسام جه وخداها معاه وهو ماشي يا ليلي
ليلي
ماهو انا مش عارفة هو جه ولا لا هو حسام جالك هنا يا ماما ولا مجاش
الأم
حسام اااه ده جه امبارح وكان بيزعق معايا قال ايه واخد فلوس من ناس وماضي وصولات أمانه وعايزني انا اسدها له عيل واطي هو ومراته
عادل
طيب اتصلي عليه يا ليلي واساليه عن ملك كده
واتصلت بحسام وقولت له
ليلي
الووو ايوه يا حسام هو انت كنت عند ماما امبارح يا حسام
حسام
ايوه يا ليلي كنت عندها ليه هي قالت لك طبعا اشتكت لك مني وقالت لك اني كنت رايح اخد منها فلوس وانها مش معاها والكلام ده صح
ليلي
سيبك من الحكايه دي دلوقتي يا حسام هو انت لما كنت مع ماما امبارح ماخدتش ملك معاك وانت ماشي
حسام باستغراب
ملك هاخد ملك فين وهخدها منين يا ليلي
ليلي
تاخدها من عند ماما هو انت مش كنت عند ماما هنا امبارح بتقول
حسام
ايوه انا كنت عندماما بس ماشوفتش ملك وبعدين هي ايه اللي هيودي ملك عند ماما لوحدها هي بتعرف تروح عندها
ليلي بتعيط
لا يا حسام انا جبتها امبارح عشان سافرت ورجعت النهارده اخدها ماما بتقولي اني مجبتهاش ومش لاقيها مش لاقيه بنتي يا حسام
حسام بصدمه
انتي بتقولي ايه يا ليلي يعني ملك كانت عند ماما امبارح ازاي ده وانا قعدت مع ماما يجي ساعه وكنا بنتكلم ونزعق ومشوفتش بنتك
ليلي
طيب اومال هتكون راحت فين المصيبة ان ماما بتقول انها ماشفتهاش انا مش عارفة بنتي راحت فين بس
حسام
يعني ماما قالت انها مرحتش عندها خالص مع انك بتقولي انك ودتيها بنفسك ده اسمه ايه ده بقا أن شاء الله يعني هتكون بنتك فين
ليلي
معرفش معرفش انا هتجنن يا حسام هتجنن
حسام
طيب