استغليت سفر جوزي وجبت كلـب

استغليت سفر جوزي وجبت كلب وقولت له ده اللي هيعوضني عن غيابك انت مش فارق
وقبل ما بدأ حكايتي اعرفكم بنفسي انا أسمي سمر عندي 30 سنة متجوزة وعايشة مع جوزى الدكتور بس ربنا لسة مرزقنيش باولاد وفي يوم كان جوزي وليد رايح شغله الصبح وكنت بعمله الفطار وقولت له
اعمل حسابك النهاردة اننا رايحين عند ماما عشان عيد ميلاد ابن اخويا انت عارف انهم عاملين حفله كبيرة وعزمنا
وليد
بس انا مش هقدر اكون موجود ياسمر انتي عارفه شغلي في المستشفى بالليل مش بعزف أفضى خالص
سمر
يعني ايه يا وليد يعني مش هتيجي معايا برضو كالعاده يعني انت دايما كده كسفني قدام اهلي وعمرك ما تيجي معايا في مكان
وليد
الله هو في ايه ياسمر ما انتي عارفه اني دكتور ولازم ابقي متواجد ليل نهار يعني اسيب الناس تروح عشان خاطرك مش هينفع اسيب الناس ارواح الناس مش لعبة
سمر
ماشي يا وليد اعمل اللي انت عايزة خلاص براحتك انا هروح لوحدي بقا اوك يا وليد شكرا اوي اللي انت بتعمله معايا ده
وليد
يوووه بقا ياسمر والله انا مش عارفه انت بتعملي ليه كده حرام عليكي بقا سبيني بقا في شغلي
سمر
وكمان انت اللي زعلان وبتزعق كمان يا وليد
وليد
ماهو انتي اللي مش مقدرة يا سمر مش مقدرة انا بتعب اد ايه عشانك وانتي مفيش فايدة فيكي
سمر
كل ده عشان عايزة جوزي يبقا معايا في كل مكان انت اللي دايما تعمل فيا كده ومزعلني على العموم انا خلاص مش عايزة منك حاجة خالص
وليد
خلاص ياقلبي اوعدك بس لو فضيت انا هاخدك ونروح في اي مكان نقضي الويك اند ماشي
سمر
والله مبقتش استني خلاص يا وليد خليها تيجي بظروفها

بقا زي ما تيجي
قولت له كده وسبتة ودخلت اوضتي وفضلت اعيط على حالي وهو اخد بعضة ومشي وبعدها ماما كلمتني وقالت لي
ازيك يا سمر يابنتي عامله ايه انتي ووليد هنستناكم بقا النهاردة زي ماقولت اوعو متجوش ولا جوزك يقولك متروحيش
سمر
لا هو مايقدرش يقولي ماروحش عندك هو مش جاي معايا يا ماما البيه عنده شغل كتير قال هو كده طول عامل فيا كده
الام
وهو ده بقا اللي مزعلك ومخلي صوتك متغير كده ياحبيبتي عنه ما جه تعالي انتي افرحي مع اخواتك وانبسطو وافرحو بلا هم ده جوزك ده نكدي
سمر
الصراحة هو فعلا كده يا ماما عشان كده مبقتش بحط في دماغي بقا عادي انا هاجي وانبسط
وعدي اليوم واخر النهار رحت عند ماما البيت وأخواتي اتجمعوا ومرات اخويا قالت لي
ايه ياسمر هو الدكتور وليد مجاش ليه عيد ميلاد ابني ولا احنا مش اد المقام ولا ايه انا مش فاهمة يعني هو بيعمل كده ليه
سمر
معلش يا ناديه اصل وليد زي ما انتي عارفة بقا دكتور في المستشفى ومينفعش يجي وبعدين احنا كلنا هنا اهو ولا هو جوزي يعني اللي هيعمل اللي ما يعمل
نادية
لا ابدا مقصدش انا بس بقول يعني ان الدكتور وليد عمرة ما جه في تجمع عائلي لنا لما بنكون مع بعض زي ما يكون بيتعمد مايجيش عشان مش بيحب يبقا معانا
سمر
لا يا نادية على فكرة بقا بلاش التفكير اللي في دماغك ده وبلاش تولعي الدنيا بكلامك ده بعد اذنك يعني وبعدين هو فين ايمن حبيبي عشان جبت له الهدية اللي كان نفسه فيها
نادية
اوعي تكوني جبتي له الايفون ياسمر انا مش عايزة اعوده على انه لما يطلب حاجة يلاقيها كده
سمر
ليه بقا ياحبيبتي وفيها ايه يعني لما يتعود يطلب وبعدين ده ابن اخويا وحبيبي ولو طلب ايه انا هجيب له اللى هو عايزة بس هو يطلب براحتة
ناديه
برضو ياسمر انتي شكلك عايزة تتدلعيه اوي بقا يا سمر على العموم براحتك بس استحملي بقا اللي ايمن هيطلبة منك
سمر
ملكيش دعوة يا نادية وفي الوقت ده لقيت اخويا عمر بيقولي
منورة يا سمورة برضو الدكتور وليد معرفش يجي
سمر
لا يا عمر مجاش هو انتو بقا كلكم هتفضل تسألوني ياجماعة المفروض انكم عرفتو انه هو مش بيروح ولا بيجي واتعودو على عدم وجوده زي ما انا اتعودت على عدم وجوه معايا
عمر
خلاص ياحبيبتي وبعدين هو الله يكون في عونة ماهو دكتور وأرواح الناس مسؤله منه اهم حاجة انتي بس ما تكوننيش زعلانة منه وخليكي ايزي ياقلبي
سمر. حاضر يا عمر اديني هبقا ايزي انا داخله المطبخ اشوف ماما بتعمل ايه هو ابراهيم اخوك لسه مرجعش هو مش عارف ان النهاردة عيد ميلاد ابنة
نادية
لا ياحبيبتي ده ابراهيم فوق في شقتنا بس بيعمل شوية شغل ونازل ما انتي عارفه ان اخوكي مش فاضي دايما لانه عامل اي جوزك اللي مشغول دايما ده
سمر
طيب فين ايمن عشان ادي له الهدية بتاعتة
عمر
ايوه بقا الواد المفعوص ده جاله الايفون
ودخل ايمن وقال لنا
عمتو حبيبتي انا سمعت انك عامله لي مفاجأة هي فين دي بقا
سمر
طيب غمض عيونك الأول عشان المفاجأة كبيرة اوي ومحتاجة انك تقفل عنيك وتتمنى انها تطلع اللي في بالك مش انت كان نفسك في حاجة
ايمن
ايوة فعلا كان نفسي في ايفون وحضرتك قولت لي انك هتيجي لي الايفون لما يجي يوم عيد ميلادي صح
سمر
ااه يا لئيم انت بتثبتني يعني ماشي يا حبيبي هات حض ن كبير لعمتو الأول وافتح عيونك وخود الايفون بتاعك اهو
ايمن
الله دي احلي هدية جات لي في عيد ميلاد يا عمتو الله انا فرحان اوى
عمر
ايوه بقا اللي اداك يدينا يا ايمن
ايمن
ايه ياعمو انت هتبص لي في الايفون بقا ولا ايه لا لا ده بتاعي انا
وفي اللحظة دي خل ابراهيم ابوه وقال
ايفون ده مين ده اللي جالة ايفون ان شاء الله
ايمن
انا يا بابا عمتو سمر جابت لي الايفون شوف يا بابا جميل ازاى
إبراهيم اتعصب وزعق وقال
ايفون ايه ياسمر انتي ازاى تجيبي له فون زي ده انتي ايه جرا لعقلك حاجة
سمر
هو في ايه يا ابراهيم ايه اللي انت بتقوله ده هو فيها ايه لما اجيب لابن اخويا تليفون انا مش فاهمة انت ازاى تقول كده
إبراهيم
عشان ده مش اي تليفون وسعره غالي جدا ومكنش ينفع عيل زي ده يشيل تليفون زي ده من دلوقتي اومال لما يكبر هنجيب له ايه
سمر
والله بقا دي حاجة بتاعتي انا يا ابراهيم وانا شايفه انه مفيهاش حاجة لما اجيب لابن أخويا الحاجة اللي هو نفسه فيها انا مش شايفه فيها مشكلة عشان تزعق وتطلع فيا كده
عمر
ما يصحش كده يا ابراهيم علي فكرة اختك جابت لابنك هدية فيها ايه ده بدال ما تشكرها يا ابراهيم
إبراهيم
اشكرها على ايه يا عمر علي انها راحت بعزقت فلوس جوزها على هدية غاليه اوي كده الراجل يقول علينا ايه اننا بنستغلها ولا ايه
سمر
لا يا ابراهيم وليد عمره ما يفكر في كده ابدا ووليد عمره مايبص لاني صرفت ايه وجبت ايه هو ملوش دعوة بحاجة ويسبني اتصرف دي ما أنا عايزة
الام
خلاص يا ابراهيم اختك وجابت لابنك حاجة هو كان نفسه فيها متعملهاش قصه وحكايه كده
ابراهيم
بس انا اسف ياماما انا مش هقبل الهديه دي لابني ترجعو سمر وتاخد فلوسها
الام
وتزعل