استغليت سفر جوزي وجبت كلـب
انا هشغل حاجة على اليوتيوب وننزل نرقص يلا يابت يلا رجاله بلا هم
سمر
ههههه يخربيت عقلك طول عمرك مجنونة والله انا شكلي كده هنحرف على ايدك انتي يا بت يا ابتسام
ابتسام
ما أنا بقولك بلا رجاله بلا هم يلا يابنتي فكي كده ياروحي فكي بلاش النكد ده كله انتي تتعبي أعصابك يلا يابنتي يلا واقولك خودي اشربي السيجارة دي كمان خودي محدش واخد منها يلا يا سوسو
وفضلت قاعده مع ابتسام لحد بالليل وشربت معاها سجاير والآخر قولت لها
انا همشي بقا يا ابتسام عشان زمان وليد راجع البيت وانا كنت عند ماما يعني لازم ارجع النهاردة
ابتسام
ماشي يا قلبي بس عايزة اقولك ان اليوم النهارده كان جميل بوجودك جنبي يا سمر والله انتي اصلا كنتي وحشاني جدا يا حبيبتي الزيارة دي تتكرر تاني اوعي متجيش
سمر
لا ازاى طبعا هاجي اكيد
وفي الوقت ده وانا خارجة من باب شقتها لقيت شاب جاي عندها وقالت له
اهلا يا حبيبي احب اعرفك يا سوسو على كمال صديق كده احم وهو اللي جاب لي الكلب عشان ياخد بالو مني اصل كمال قلبة حنين اوي عليا
سمر
أها اهلا وسهلا طيب يا ابتسام انا همشي بقا عن اذنك وخلي بالك من نفسك بقولك ايه يا ابتسام انا كنت عايزة كلب زي ده اجيبة منين
كمال
ياسلام انا ممكن اجيب لك الكلب اللي انتي عايزاه يا مدام شوفي النوع اللي انتي عايزاة بس خلي سمسم تبقا تقولي وانا اجيبه علطول
سمر
سمسم مين
كمال
ااا سوري اقصد ابتسام يعني احم بدلعها يعني وكده أصلها الصراحة تستاهل كل الدلع اللي في الدنيا ارجوكي يا مدام سمر لازم تعرفي ان ابتسام دي عزيزة عليا اوي
سمر
أها هي عزيزة علينا كلنا والله يا استاذ كمال ربنا يخليكم لبعض يارب انا همشي بقا يا سمسم دلوقتي وبعدين ابقى اجي لك وقت تاني
ومشيت من عند ابتسام وكل ده وانا النار قايدة جوايا من الغيرة ومعرفش الغيرة دي كانت ليه يمكن عشان انا مفتقدة الحب والدلع ده
وعند ابتسام كمال قال لها
تفتكري صاحبتك دي هاتقول حاجة يعني عشان شافتني عندك هنا انا خايفه
ابتسام
خليها تقول اللي تقوله يا حبيبي دي واحده اصلا جوزها سيبها علطول لوحدها ومبتصدق تشوف اتنين بيحبو بعض دي هي مفقتده للكلام ده اوي
كمال
يعني تفتكري هتبقا عايزة كلب خليني استرزق بقا انا كمان دي هيبقا فيها مصلحة حلوه اوي وبعدين انتي بينوبك من الحب جانب ولا ايه
ابتسام
اومال يا حبيبي انا لازم يبقا ازغلل عنيها بالمصلحة واخليها توافق انها تشتري الكلي دي جوزها على قلبه اد كده
وعدت الايام وفعلا اتصلت انا على ابتسام وقولت لها
انا كلب يا سمسم انا خلاص قربت اتجنن لوحدي انتي لازم تتصرفي لي في الكلب عشان متجننش ياناااس ارجوكي يا سمسم
ابتسام
بس كده يا قلبي من عنيا انا هتصل بكمال حالا واخليه يجيب لك احسن وانضف كلب واجيبة لحد عندك ياروحي
وقفلت معايا وانا كنت فرحانة اوي بموضوع الكلب ده وفضلت مستنياهم وطبعا مجبتش سيرة لوليد خالص بحكاية الكلب عشان هو كان ممكن يرفض.
وبعدها فعلا لقيت ابتسام وكمال جاين وجايبين ليا كلب وقالو لي
ابتسام
ازيك يا قلبي احنا جبنا انا وكمال قالي
اهلا وسهلا بست الكل اتفضلي ادي الكلب اللي طلبتيه
سمر
تعالو ادخلو انتو هتسيبوه وتمشو ولا ايه لا لا خليكم معايا الله يخليكم ده لسه مخادش عليا انا خايفة منه اوي
ابتسام
خايفه ليه يا قلبي متخافيش ولا حاجة ده كيوت وقمر اهوه يابت دخليه انتي بس وحبيه وهو هيحبك ويبقا معاكي علطول
سمر
تمام على ما اتعود عليه هو بكام تمنه يا استاذ كمال عايز مني فلوس اد ايه
كمال
لا انتي تخلي بقا يا مدام سمر وتمنة وصل طبعا انا مش عايز احد منك حاجة الله يخليكي خلي
سمر
ميرسي يا استاذ كمال قولي بقا عشان اذا كان كده هاخده لو مش كده مش هاخده
وفعلا بعدها قالي سعرة مع انه كان غالي اوي بس قولت مش مهم المهم اني الاقي حد يسليني
وبعدها بالليل رجع وليد البيت وكان بيفتح الباب بالمفتاح ودخل والكلب اول لما شافه فضل يهوهو كتير اوي وقالي
يا سمر يا سمر الحقيني يا سمر هو في ايه يا سمر ايه الكلب
سمر
لا طبعا يا وليد الكلب بتاعي وانا اللي جيباه وهيعيش معايا هنا
وليد
نعم ياسمر يعني ايه الكلام الفارغ ده انتي عايزاني اسمح للكلب ده انه يفضل هنا معايا في بيت لا طبعا انا لا يمكن اوافق على كده ابدا
سمر
لا ياحبيبي هتوافق لاني انا مش هقدر اعيش من غيره ما انت بره البيت بالكام يوم ولا تعرف عني حاجة حرام عليك سيب لي الكلب واياك تهوب منه ابدا
وليد
يعني اخرتها يا سمر انتي عايزة تخلي كلب عندي في بيتي انتي مش عارفه ان الكلب ده غلط في البيت اصلا وحرام
سمر
ايوه شوف لك بقا اي حجة مش هتلاقي يا وليد لاني واخده القرار اني مش هتنازل عنه ابدا هيفضل معايا ماشي وأتفضل بقا روح نام في الاوضة التانيه عشان روكي بينام معايا
وفعلا استسلم وليد للأمر الواقع وراح الاوضة التانية ونام فيها وانا اخدت روكي ونمت
وعند ماما كان وليد اشتكى ليها هي واخواتي وانا رحت وقالو لي
صحيح الكلام اللي جوزك بيقول عليه ده ياسمر انتي جايبه كلب في البيت عندك من امتى واحنا بندخل الحاجات المقرفة البيت
سمر
في ابراهيم مالك بتزعق لي كده ليه ما تهدا كده اومال وبعدين هي فين الحاجات المقرفة دي بقا مفيش حاجة مقرفة ولا حاجة
إبراهيم
يعني انتي مش جايبة كلب عندك في البيت ياسمر وبتخليه ينام جنبك وتقولي لجوزك ينام في الاوضة التانية
سمر
اه حصل يا ابراهيم
الام
ياحوستي يا سمر انتي اتجننتي يا بنتي ولا ايه ايه اللي بيحصل ده بس يابنتي ازاى تخلي الكلب ينام جنبك وانتي راضية كده
سمر
وفيها ايه ياماما بس انا راضية بكده وحابه كده يبقا ايه المانع سيبوني الله يخليكم انا حرة في اللي انا عملتة وبعدين ده مسليني طيب تصوري يا ماما انا امبارح وقعت في البانيو ودخت وهو اللي انقذني والبيه جوزي مش موجود
الام
يلهوي ازاى يا بنتي ايه اللي حصل بقا عشان تقولي كده
سمر
انا كنت امبارح بستحمي وبعدين وانا في البانيو دوختك ووقعت وهو فضل يفوق فيا وانا ملفوفة الفوطة
عمر
انتي بتتكلمي بجد ياسمر الكلام ده حصل فعلا خلاص يبقا تطلقي منه يا حبيبتي وبلاها جواز وخليكي عايشة معانا هنا في بيت ابوكي
إبراهيم
انت عايز تخرب على اختك يا عمر ولا ايه بلاش كلامك ده يابني اختك بس زعلانة مع جوزها شوية وانت مش لازم تسخنها بالكلام عشان تخرب بيتها
عمر
يعني انت ماسمعتش يا ابراهيم اللي هي قالتة
إبراهيم
احنا نقعد ونتكلم معاه ولو رجع بالحسنى اهلا وسهلا مرجعش يبقا كل واحد منهم يروح لحاله صح ولا ايه يا ماما
الام
عين العقل يا ابراهيم يابني خلاص ياسمر اسمعي كلام
اخوكي احنا هنجيب وليد ونقعد نتكلم معاه
وفعلا بعدها وليد جه عند ماما وإبراهيم قاله
يعني ينفع اللي انت بتعمله ده يا وليد انت ازاى بس تخليها توصل لأنها تجيب كلب تربيه وتنيمة معاها
وليد
انتي بتعاتبني انا يا ابراهيم ده بدال ما تقول لاختك عيب اللي هي عملته ده لا لا يا ابراهيم انا كنت فاكر انك هتقول لها هي عيب
إبراهيم
انا قولت عيب بس لما عرفت ان الكلب انقذها قولت لازم اتكلم معاك واقولك اهتم بمراتك شوية يا اخي
عمر
احنا اختنا صعبانة علينا يا وليد هو انت ايه مبتحسش يا اخي
الام
بس ياعمر مش كده يا بني اسمع يا دكتور انت ومراتك يا بني ملكوش غير بعض وانت لازم تهتم بيها شوية اكتر من كده حرام عليك انا خايفه على بنتي ياما كل واحد منكم يروح لحاله
وفي الوقت ده لقيت وليد داخل عندي الاوضة وقالي
بقا كده ياسموره جايه تشتكيني لاخواتك وبتقولي ان الكلي عندك اهم مني
سمر
ماهو الكلب اللي كان بيخاف عليا يا وليد وهو اللي كان معايا في كل وقت وانت اهملتني اعملك ايه يعني
وليد
طيب خلاص حقك عليا يا سمورة ايه رايك انا هاخد اجازة ونروح اي مكان نقضي فيه الاجازة شوية ايه رايك
سمر
طيب وشغلك وهترجع تاني تغيب وتتاخر عليا وسبني وتهملني يا وليد
وليد
لا والله ابدا انا مش هسيبك ابدا يا قلبي وهفضل معاكي دايما انا مقدرش استغني عنك
بعدها فعلا لقيته اهتم بيا جدا وبقا معايا علطول وعشان هو كان معايا انا خلفت منه بنت وولد
وبكده تكون خلصت حكايتي
