استغليت سفر جوزي وجبت كلـب

ابنك يا ابراهيم انت ماشوفتش فرحة الولد بالايفون ولا ايه حرام عليك يابني لما تك سر فرحة الولد
سمر
سبيه يا ماما يعمل اللي هو عايزة بس اسمع يا ابراهيم الفون ده مش هيرجع ولو عايز تك سرة وتك سر فرحة ابنك معاه اعمل كده اصلك انت بتحب الغم وانا ماشية ومش قاعده يا ابراهيم
نادية
. رايحة فين يا سمر خليكي اومال مين اللي هيطفي الشمع مع ايمن ده كان مستنيكي
إبراهيم
خلي جوزك يطفيك لوحده هو حر في اللي هو بيعمله عن اذنكم
الام
عجبك كده يا ابراهيم انت هتخلي اختك تمشي من عندي زعلانة ليه كده يا بني صالح اختك يا ابراهيم وخليها ترجع خلينا نعمل الحفله ونفرح الولد
عمر
يلا يا ابراهيم اسمع الكلام عشان نعمل الحفله لابنك واليوم يعدي وخلي ابنك ياخد الهديه بتاعته اللي عمتة جابتها يلا بقا
نادية
انا مش فاهمة انت عملت كده ليه والولد كان فرحان ومبسوط مضعيش فرحتة بقا ارجوك يا ابراهيم وخليها تعدي على خير
ولقيت ابراهيم جاي ورايا بعد ما نزلت من فوق عشان امشي على بيتي وقالي
استنى يا سمر انتي رايحة فين بس طيب وعيد ميلاد ايمن مين هيحضره ويعمله الليله
سمر
على اساس انك منكدش علينا يا ابراهيم باللي عملتة وزعقت فينا عشان انا جبت لابنك هديه فيها ايه يا ابراهيم ابنك كان نفسه فيه وانا حبيت افرحة
إبراهيم
ربنا يخليكي لينا ياحبيبتي انا بس كنت بقول ان ماينفعس تكلفي جوزك وتاخدي منه فلوس وتروح تجيبي هديه غالية زي دي
سمر
ياعم هو انا كنت اشتكيت لك ولا جوزي كان اشتكى لك ماتخليك في حالك يا ابراهيم الله
إبراهيم
خلاص بقا يا حبيبتي عديها بقا الا صحيح هو جوزك مجاش ليه مشغول برضو كالعاده
سمر
ما انت عارف يقا يا ابراهيم شغله والمستشفى وكده هعمل ايه بقا اني مستحملة اهو ياخويا
إبراهيم
معلش يا سمر هو وليد بس شغله ده صعب المفروض نعذرة لو مجاش ونعديها وخلاص بقا
سمر
اديني مستحمله يا ابراهيم يلا بينا نطلع بقا فوق للجماعة اللي مستنينا وانت تصالح ايمن ابنك انت فاهم ولا لا
وطلعت مع اخويا وعملنا الحفلة وكانت ليلة جميلة جدا في وسط اخواتي وماما وعدي اليوم انا فضلت عند ماما عشان وليد مجاش ياخدني وتاني يوم الصبح قولت لماما
انا مش راجعة البيت وهفضل عندك يومين ياماما انا مش عايزة ارجع
الام
ليه بس يابنتي ازاى مش هترجعي لبيتك انتي عايزة تعملي زعله مع جوزك وخلاص يابنتي انا مش عايزة مشاكل بينك انتي وجوزك
سمر
يعني يرضيكي كده اني افضل عندك من امبارح وهو مايفكرش حتى انه يكلمني يطمني عليا او يجي ياخدني
الام
طيب هو هيعملك ايه بس يابنتي ماهو اكيد الراجل مش فاضي يعني اعذرية وبلاش عيند يا حبيبتي
سمر
هو مين اللي عايز مشاكل دلوقتي يا ماما انتي شايفة اني عايزة اعمل مشاكل وانا اللي شيطان وهو يعني اللي ملاك بقا وبجناحات
الام
معلش يا بنتي ارجعي بيتك بس دلوقتي وعيشي ياسمر انت مش هتتحملي اصلا انك تبقى بعيدة عنه انا عارفاكي كويس
سمر
ليه ياماما ماهو دايما بعيد عني وسايبني يعني انا مصعبتش عليه ليه زي ما هو بيصعب عليا
الام
معلش انتي الست يبقا تتحملي يا حبيبتي على العموم يلا بس انتي افطري كده وخودي قهوتك وارجعي على شقتك
وفضلت قاعده عند ماما لحد لما اخدت القهوة بتاعتي بعد الفطار ونزلت اروح ولقيت وليد بيتصل بيا وبيقول لي
انتي فين يا سمر ايه يا حبيبتي انتي لسه مرجعتيش من عند ماما ليه انتي لسه عندها ولا ايه
سمر
ايوه يا وليد انا عند ماما وهي واخده بالها مني ومن اكلي وشربي وكل حاجة انتي بقا فينك من كل ده يا وليد ولا حتى سألت عني
وليد
تاني ياسمر انتي عايزة تعملي مشكلة وخلاص انتي عايزة ايه بس انا مش فاهم
سمر
ولا حاجة يا وليد انا بس كنت بسال جوزي فين ولا حتى عبرني من وقت لما جيت عند ماما امبارح وانت ولا على بالك
وليد
هو انا مش قولت لك اني مش فاضي وورايا شغل كتير ياحبيبتي ووعدك اني اول لما ربنا يكرمني واخد اجازة هاخدك ونخرج في اي مكان ياقلبي انا عارف انك زعلانه مني بس انا هصالحك
سمر
براحتك يا وليد اعمل اللي تعمله ولما يبقا يجي وقت الاجازة اللي بتقول عليه يبقا حلها حلال وعلى العموم انا هفضل عند ماما هنا مش هرجع البيت بدال ما ارجع وابقي لوحدي
وليد
خلاص يا قلبي خليكي براحتك انا بس كنت راجع البيت دلوقتي عشان اغير هدومي ونازل تاني عندي عمليات مهمة النهاردة خلي بالك من نفسك مع السلامة
وقفل معايا الخط وانا فضلت اعيط وماما جات قالت لي
ايه يا حبيبتي انتي هتفضلي قاعده كده قافله على نفسك تعالي اقعدي معانا برة عشان اخواتك بيسالو عليكي
سمر
معلش ياماما انا تعبانة شوية ومش عايزة اخرج انا هاقوم البس واروح لابتسام صاحبتي ابص عليها وارجع
الام
مابلاش ابتسام دي ياسمر دي مطلقة وسمعتها زي الزفت ياحبيبتي
سمر
ايه ياماما كلامك ده ليه كده انتي بتقولي عليها كده ليه دي غلبانة خالص والظروف هي اللي حطتها في اللي هي فيه ده
الام
طيب يا سمر على العموم لما تروحي لها متتاخريش بقا ياحبيبتي وخلي بالك من نفسك انا هسيبك بس تروحي يمكن تفكي عن نفسك
وبعدها نزلت ورحت لابتسام وقالت لي
سمر حبيبتي اهلا ياروحي نورتي والله ياقمر تعالي اتفضلي
سمر
ازيك يا ابتسام انتي وحشاني جدا والله ايه ده يا ابتسام ده كلب انتي عندك كلب يامامي انا ماشية ياختي لا مش قاعده عندك
ابتسام
ادخلي يا سمر انتي خايفة من الكلب طب لعلمك بقا ده ظريف جدا ولطيف ومفيش منه ده انا مليش حد في الدنيا اللي هو ده بيخاف عليا جدا
سمر
ازاى يا بنتي الكلام ده انتي بتتكلمي عن الكلب يا ابتسام الكلب بيخاف عليكي
ابتسام
اومال ايه انتي عارفه اني انا عايشة لوحدي يا سمر ومش معايا حد انا بقا من يوم ماجيت الكلب ده وهو مالي عليا حياتي وبيخاف عليا خوف مش عايزة اقولك
سمر
ياسلام وده ازاى بقا يعني بيعمل ايه عشان بيظهر خوفة عليكي
ابتسام
استني انا هوريكي دلوقتي
وفي الوقت ده راحت ابتسام عملت نفسها مغمى عليها ووقعت في الأرض وراح الكلب عليها زي الملهوف وعماله يلف حواليها ويطبطب عليها وانا قولت
ياسبحان الله ده فعلا كان خايفه عليكي يا ابتسام ده ايه ده يا بنتي ده معجزة والله طيب وعلى كده بقا بياكل ايه
ابتسام
بصي انتي عارفه محلات اكل القطط والكلاب هناك بتلاقي كل أنواع الاكل ليهم وانتي بقا تجيبي له الاكل الصحي اللي يقوي عضامه
سمر
عجبتني حكايه الكلب دي يا ابتسام وانا كنت عايزة واحد زية عندي في البيت
ابتسام
طيب والدكتور وليد هيوافق يا سمر معتقدش انه ممكن يوافق باللي انتي عايزة تعمليه ده
سمر
وهو بقا ان شاء الله وليد فاضي لي اصلا ده يابنتي طول النهار والليل في المستشفى ومش بيرجع منها غير الصبح ده ياستي يلا هم خليني ساكتة احسن
ابتسام
يلهوي يابت يا سمر ده انتي شكلك معبيه اوي بقولك ايه يا بت قومي نفك كده ونرقص يلا