رواية مشوهة غيرت العالم كاملة جميع الفصول بقلم إيمان شلبي
المحتويات
حضرتك مفيش حاجه انتي كويسه
يونس!!!
قالتها بصدمه وهي بتبصله من المرايا لف وشه ودقق في ملامحها بفضول شديد لحد قدر يجمع اتعرف علي صاحبه الملامح المميزة يمكن في البدايه مقدرش يتعرف عليها بسبب شعرها اللي كان نازل علي خدها مداري التشوه!
تحاشى أنه يبصلها وهو بيسأل بذهول
انت لابسه كده ليه وليه كنتي بتجري بالشكل ده
حكتله كل اللي حصل بالتفصيل ولما خلصت بصلها وقال بجدية وثبات
تتجوزيني!
رفرفت جفونها أكتر من مرة بتحاول تستوعب كلامه بعدها شاورت لنفسها بدهشة
انت بتكلمني انا
ايوه بكلمك انت تتجوزيني
انا مش بحكيلك علشان تشفق عليا عن اذنك
فتحت الباب فقال بلهفه
استني انت بتقولي ايه انا مش بشفق عليكي
وايه اللي يخلي واحد زيك يتجوز واحدة زي
مالها اللي زيك يا فريدة!
هزت راسها برفض
اسفة يا يونس بس مش هقدر أوافق على عرضك
ليه
لأني ببساطة معرفش عنك حاجه ولا انت تعرف عني غير جزء بسيط من حياتي الجواز عندي بيتلخص في كلمة واحدة الأمان واسفة انا معرفكش كفاية عشان أديك الأمان وأثق فيك
يعني لو وثقتي فيا هتوافقي تتجوزيني!
ابتسمت بدهشة
وايه اللي يخليك تتجوز واحدة زيي
عقد حاجبيه بتساؤل وجديه
ومالها اللي زيك يابنتي مش فاهم برضو
ابتسمت ابتسامة موصلتش لشفافيها وقالت بمرارة
في مجتمعنا متنفعش ولا تليق ب دكتور زيك يا يونس
انا ماليش دعوة بالمجتمع الناس كده كده بتتكلم في كل الحالات
بلعت ريقها وسكتت شويه بعدها ادركت أنها بشعرهاومنامتها اللي بتظهر اكتر ما بتخفي
شهقت بعنف
يونس لف وشك
رد بقلق وهو بيلف
في ايه!
متبصليش وانت بتتكلم ا انا
لف المتاح للطريق ورد وهو بينطلق بالعربية
دلوقتي هنروح مكان واجيبلك حاجة تلبسيها
مش عايزه اتعبك معايا
تنهد بهدوء وقلع الجاكيت بتاعه ومدلها أيده
بما انك مش موافقة تتجوزيني خليني علي الاقل اساعدك
تساعدني ازاي!
أولا هنروح نجيب حاجة تلبسيها بعدين نروح مطعم نتغدى وبعدين نطلع على بيتي
قالت بشراسة
لا طبعا أكيد مش هاجي بيتك!
ومين قال اني هقعد معاكي
اومال
العمارة اللي ساكن فيها ليا تلت شقق واحدة بتاعتي واحدة بتاعه ماما وبابا واحدة بتاعه أخويا والتلاتة متوضبين هتقعدي في بتاعتي أو بتاعه أخويا زي ما تحبي!
ايوه بس.
بس ايه
مش عايزه أسببلك مشاكل
ابتسم بهدوء ولطف
متقلقيش اهلي متفاهمين جدا
ابتسمت بامتنان واتنهدت براحة
شكرا بجد مش عارفه أقولك ايه انت ربنا بعتك ليا نجدة من السما
ابتسم ومتكلمش تاني وانطلق على طول لمحل بيبيع ملابس شرعية اشتري لها اكتر من حاجة وبعدها اتجه بيها لمطعم علشان يتغدوا.
انا اسفه بوظتلك يومك وكلفتك
قالتها فريدة وهي قاعدة قدامه في المطعم
ابتسم ابتسامة ردت فيها الروح وقال بصوت رخيم
يومي مبظش ولا حاجه ومفيش أي تكلفه تحت أمرك
بصت له بشرود ودموعها رجعت تلمع تاني جوا عيونها
تعرف يا يونس انا نفسي في ايه
نفسك في ايه ياست البنات
نفسي اعيش في جزيرة لوحدي
اشمعني!
عشان ابعد عن نظرات الناس وكلامهم انا تعبت اوي
وهو في حد ممكن يعيش وحيد
انا أتمنى أعيش وحيدة انا كده كده أصلا وحيده
عارفة يا فريدة لو كل واحد فينا ركز فى كلام الناس الناس هتقول ايه أوبتبصله ازاي مكانش حد عرف يعيش حياته مشكلتك انك مركزة مع كلام الناس ومستسلمة للإهانة واسف على الكلام بس انتي عندك لسان وقادرة تردي على أي حد يقول كلمه تضايقك
ابتسمت بسخرية وهي بتقلب الشوربه في الطبق اللي قدامها
انت عايزني ارد على أحمد ولا تيتا ولا حد من قرايبي دول كانوا يقت لوني انت مش متخيل قد ايه عيلتي بتكرهني
طب ممكن متتكلميش عن اهلك وتاكلي
رفعت عيونها وبصتله وهي بتسأله فجأة
انت بتساعدني ليه
ايه السؤال الغريب ده
رفعت اكتافها بحيرة
مجرد سؤال
ساب المعلقة واتنهد وهو بيشبك صوابعه في بعض
لأني اتربيت كده لما أشوف حد محتاج مساعدة امدله ايدي
حتى لو حياتك ممكن تتعرض للخطر
حتى لو هتعرض للخطر
شوقتني اشوف مامتك وباباك عشان أشكرهم إنهم طلعوا شخص زيك
بس انا بقي كان نفسي اقابل حمايا وحماتي واشكرهم على جودة الانتاج ده
حماك وحماتك مين
مامتك وباباكي
ارتفع حاجبها الأيمن بمراوغة
بس انا رفضت عرضك
لكن عرضي مخلصش هيتجدد أول ما احس انك وثقتي فيا
ابتسمت بخجل وبصت حواليها على كل مكان إلا عيونه بعدها رجعت تكمل اكل بشرود
بليل كانت قاعدة فوق الكنبة بتبص حواليها براحة وإعجاب البيت كان الراقي بشكل يجنندافيصوت القرآن في الراديو طاغي علي المكان مريح قلبها وروحها
حض نت بكفوفها كوباية هوت شوكلت دافية وابتسامة حالمة مرسومة فوق شفايفها
هي
افتكرت أول ما قابلت عيلته كان استقبال حافل نظرات حنينةكلام كلام دافي خلاها تحس إنها فراشة طايره بحريه وسعاده
اتهز فونها الجديد اللي اشترهولها يونس برقم غريب خمنت صاحب الرقم وردت
ألو
نمتي
ابتسمت بخجل وهزت راسها بالنفي
لسه
قولت أطمن عليكي قبل ما أنام محتاجة حاجة
لا شكرا والله مفيش حاجة ناقصاني كتر خير مامتك نزلت جابتلي شوية حاجات تكفيني أسبوع.
قال بنبرة طالعة من القلب خلت قلبها يتنفض بين ضلوعها
مرات ابنها المستقبلية بقى
ا احم ط طيب أنا هنام بقى تصبح على خير
فريدة استني
حطت الكوباية على الترابيزة قدامها وقالت بهمس
نعم
كنت عايز أقولك أنا شوفت ملامح كتير بس عمري ما شوفت ملامح جميلة بالشكل ده زي ملامحك!
ابتسمت ابتسامه مكسورة
شكرا على المجاملة اللطيفة دي
دي مش مجاملة دي الحقيقة. انتي فعلا جميلة وده بشهادة كل العيلة مش كده يا ماما!
سمعت صوت والدته وهي بتقرب من السماعة
هي مامتك كانت نحلة عشان تطلع العسل ده كله
قالت فريدة بنبرة باكية
حضرتك اللي جميلة والله شكرا
انتي بتعيطي
ل لا لا خالص
يونس بعد ما بعد عنهم ودخل أوضته كرر سؤاله بس المرة دى بصوت دافي
احكيلي مالك
هدوشك معايا
عايزك تدوشيني ملكيش دعوة
أنا خايفة أوي يا يونس
خايفة من إيه
من أهلي خايفة يعرفوا مكاني ويجوا ياخدوني ويجوزوني لأي حد وخلاص أ أ أنا مش هقدر أتحمل ده ح حتى لو مش من حقي أطلب مواصفات معينة فأنا من حقي على الأقل أرتاح مع الشخص اللي هتجوزه انت فاهمني مش كده!
فاهمك بس انتي من حقك تختاري مواصفات معينه ومن حقك تبقي مرتاحة كمان.
لا يا يونس متكذبش عليا. أنا مش من حقي أحط مواصفات لشريك حياتي لأني مستحيل هلاقيها. مفيش حد ممكن يدفن نفسه مع واحدة زي!
فريدة انتي ليه مش واخدة عرضي إني أتجوزك بجدية!
لإني مش عايزة أظلمك معايا. انت دكتور وحلو ومثقف وفيك كل حاجة أي بنت تتمناها حتى أنا بس مش معقولة أبقى أنا آخر صبرك يا يونس. انت تستاهل حد أحسن مني بكتير.
بس أنا عايزك انتي!
برضو مصمم
أيوه وهفضل وراكي لحد ما تحسي إنك مرتاحة وواثقة فيا ومش همل أبدا. ولو أهلك عرفوا مكانك ساعتها هتقدملك ومش هيبقى قدامك
تتمنى أهلي يعرفوا مكاني!
أتمنى توافقي أتجوزك.
ا احم ط طب يلا أنا هنام دلوقتي عشان من بكره هنزل أدور على شغل.
وليه تدوري ما تيجي تشتغلي معايا.
أيوه بس ا أصل بصراحة أنا مكملتش تعليم مع إني كنت جايبة مجموع حلو في ثانوي بس من بعد الحادثة مفكرتش أكمل.
تمام مفيش مشكلة. امسكي حسابات المستشفى كده كده البنت اللي على الحسابات هتمشي الأسبوع الجاي علشان هتتجوز. انزلي خليها تفهمك الشغل ومن بكره تشتغلي. وإن شاء الله بداية السنة نقدملك في كلية.
بلاش يا يونس.
بلاش ليه!
ا احم ب بص ا أنا كنت هدور على حاجة أشتغلها من البيت عشان عشان يعني
عشان شكلك
بالظبط.
اتنهد بضيق ومسح علي وشه
فريدة بكره الساعة ٨ تكوني جاهزة علشان تروحي معايا الشغل. ولو سمحتي مش عايز اعتراض.
حاضر.
يلا تصبحي على خير.
وانت من أهله.
قفلت المكالمة وضمت الموبايل لقلبها بابتسامة رقيقة
دي كانت أول مرة في حياتها حد يتمسك بيها بالشكل ده أول مرة ودانها تسمع كلام دافئ يخليها تحس إنها جميلة فعلابعد سنين من التعب بعد سنين مع أهلها اللي ك سروا فيها ثقتها بنفسها
في اليوم التالي صحتاخدت شاور دافيفطرت فطار صحي لبست هدومها الجديدة مقررة في جواها تحب شكلها ملامحها تشتغل على نفسها أكتر وأكتر قررت تتحدي العالم تك سر خوفهاتحدي أهلها اللي حطموها سنين طويلة هتقدم في كليه الطب هتذاكر هتجتهد
وتعافر
نزلت لتحت كان واقف واقف قدام عربيته مستنيها. قربت منه وهي مبتسمة ابتسامة مشرقة
صباح الخير
يا صباح الجمال
قالها وهو بيفتح باب العربية الأمامي استنشقت الهوا بنفس الابتسامة وهي بتطلع العربية. قفل يونس الباب ولف على عجلة القيادة وانطلق بأقصى سرعة ناحية المستشفى اللي بيشتغل فيها.
نمتي امبارح كويس
هزت راسها اكتر من مرة
جدا جدا أول مرة أنام وأنا مطمئنة كده
بصت له بحزن
من وقت ما ماما وبابا الله يرحمهم ما توا وأنا عايشة مع أختي وجوزها وعيالها المفروض جوزها ابن خالتنا كمان والمفروض زي أخويا الكبير بس هو بني آدم قذر أنا عمري ما كرهت بني آدم قد ما كرهته في الحقيقة.
كان بيعمللك ايه
كل ما كنت أرفض عريس يضر بني
وانتي كنتي بتسكتي!
سألها بدهشة فهزت راسها بتأكيد وقلة حيلة
لو اشتكيت
واختك كان رد فعلها ايه
أختي مكانتش تقدر تنطق حرف عشان متتضر بش هي كمان.
معقولة
متابعة القراءة
