رواية مشوهة غيرت العالم كاملة جميع الفصول بقلم إيمان شلبي

انتي إزاي كنتي عايشة مع العيلة ديه
بصت من الشباك وهي بتتنفس بعمق
أنا مكنتش عايشة أصلا يا يونس
أوعدك إني هعوضك عن كل اللي فات.
بعد مرور أسبوع
يونس أهلي عرفوا مكاني
يونس وهو بيقوم من علي الكرسي بفزع زي اللي لدغه عقرب 
ايه عرفتي ازاي
كان جسمها بيرتجف وشفايفها بتترعش ولونها اتحول للأزرق من شده الخوف الهلع 
ا حمد ج جالي دلوقتي هنا و و هددني وقالي لو مجتيش برجلك لحد عندي هجيبك وهجوزك غصب عنك ا ارجوك يا يونس ا ارجوك أعمل حاجه انا انا مش عايزه ارجع تاني عندهم ا انا خايفه اوي ا ارجوك
يونس وهو بيقرب منها بلهفه وقلق
طب اهدي اهدي ومتخافيش والله مش هخليكي ترجعي أبدا
ه هتعمل ايه
هروح اطلب ايدك من جوز اختك
ايوه بس.
بس ايه يا فريده انتي خايفه مني
هزت راسها بنفي وتوتر
لا لا ب بس انا لسه معرفكش كفايه و..
قاطعها بحده
مجرد كتب كتاب على ورق لحد ما تحسي انك واثقه فيا
يونس انا اسفه والله بس
متتأسفيش حقك تاخدي وقتك لكن احنا في ظروف ومضطرين نتصرف!
خليكي واثقه فيا ولو لمره واحده بس وانا اوعدك مش هتندمي
حطت ايديها فوق قلبها وهي بتبص في عيونه
انا هسلمك اغلي ما أملك واللي هو قلبي واتمني يا يونس مترجعهوش مكسور أو حزين لانه اكتفي حزن ووجع من كل اللي حواليه
مسك ايديها وحطها فوق قلبه اللي سمعت دقاته
وانا اوعدك طول ما هو معايا هيفضل في امان العمر كله
بعد مرور عشر سنين
وقفت فريده على منصة عاليةقصادها حشد من الجماهير من مختلف أنحاء العالم بيسقفولها بحراره وليه لا وهي اللي قدرت بعقلها المدبر قدرت بمجهودهاقدرت بأصرارها تنقذ معظم البنات من التشوه!
بفضل دكاترتها بفضل ذكائها بفضل ربنا أولا وقبل اي حد اخترعت جهاز بيساعد على حل مشكله التشوه اللي بيعاني منه كتير من البنات وكمان الرجاله بعد حريق أو حادث سياره
بلعت ريقها بتوتر وجسمها ارتجف وبصت بعيونها بين الحاضرين في محاوله منها أنها تشوفه لحد ما قدرت تلمحه كان قاعد في أول صف بيشجعها بعينيه بلهفه شديده انها تبدأ الكلام
بدأت تهدي وزال توترها شويه شويه وابتدت بالكلام أخيرا 
م مساء الخير أولا شرفني حضوركم ثاني حاجه طبعا معظم اللي قاعدين هنا عارفني وعارفين قصه حياتي عشان انا نزلتها قبل كده في فيديو انا جايه النهارده علشان أوصل للعالم كله ان مش معني أنك معيوب سواء بعيب خلقي أو اكتسبته مؤخرا تبقي نهايه العالم بالنسبالك!
العيب اللي ظاهر للناس في ثانيه بيتحول لميزه بس بإيديك الشخص اللي راهن على فشلك في ثانيه هييجي عندك طالب مساعدتك بإيدك تخلي العالم يقف بإحترام لما يشوفك وبإيدك تخليه متخدك ماده للسخريه انت بإيدك تغير العالم وتساعد نفسك وتساعد غيرك فأرجوك متستسلمش وحاول مره واتنين وتلاته وألف لحد ما توصل وتبقي من الشخص اللي بيحكوا عنه وعن عيوبه لشخص بيحكوا عنه اساطير شكلك إعاقتك بيئتك كلها حاجات مش ممكن توقفك عن تحقيق حلمك وأخيرا كنت حابه اشكر شخص غالي على قلبي أوي عشان احنا لما بنلاقي اللي يشجعنا بنروح لحتت ابعد من إمكانياتنا جنب حد مؤمن بينا ومصدقنا ويونس جوزي كان مؤمن بيا ومصدق اني هوصل وبالرغم خوفي من الحب وخوفي انه يمل من شكلي إلا انه كان بيحاول يثبتلي طول الوقت اني أجمل بنت في العالم وان هو بيحبني زي ما انا
دموعها غرقت عيونها وبصت له وده خلا الكل يبص على يونس
فاكرر يا يونس لما قولتلك
انا هسلمك اغلي ما أملك واللي هو قلبي واتمني مترجعهوش مكسور أو حزين عشان اكتفي حزن ووجع من كل اللي حواليه
وقتها انت رديت وقولتلي
وانا اوعدك طول ما هو معايا هيفضل في امان العمر كله
هز راسه وعينيه بتلمع اتنهدت ونزلت من فوق المنصه وراحت نحيته سلمته الجايزة
انا بهديلك الجائزة دي
وقتها اتوجهت الكاميرات نحيتهم فأبتسم ومسك ايديها وسط تصقيف حار من الجميع
انا بحبك اوي يا يونس
قربها منه وهو بيرد بنبره حنينة
وانا بمو ت فيكي
وقفت على أطراف صوابعها وقربت من ودنه وهمستله
انا حامل
عيونه اتسعت بذهول وبص لها من غير ما يتكلم فهزت راسها كذا مره
شالها فجأه وفضل يدور بيها والكل بيسقف حواليهم
بليل كانت قاعده هي ويونس في البلكونه وبتبص للسما بشرود
فريدة
امممم
ردت من غير ما تبصله فلفها وبصلها بهدوء
انا فخور بيكي اوي
ابتسمت وقالت
وانا بحبك اوي
طب بما انك بتحبيني ممكن اطلب منك طلب
طلب ايه
اهلك
بعدت عنه وزحفت بجسمها لورا بتوتر
مالهم
كلموني وعايزين يجوا يباركولك
ردت بهستريه وهي بتهز رأسها بنفي
لا لا يا يونس لا مش عايزه اشوفهم لا انا ما صدقت نسيتهم ما صدقت نسيت اللي عملوه فيا عايز تجيبهم تاني في حياتي عايز عايز تشوفهم بيأذوني و..
قاطعها بلهفة
ولا عاش ولا كان اللي يفكر يمس شعره منك ده انا كنت اكله بأسناني!!!
طب علشان خاطري اوعي تخليهم يجوا هنا علشان خاطري يا يونس انا مش قادره اشوفهم ولا قادره اتقبلهم تاني في حياتيانا حياتي هي انت والبيبي اللي جاي واهلك اللي كانوا احن عليا من نفسي
وهو بيطبطب عليها
بس اهدي ياحبيبي خلاص مش هخليهم يجوا ولا حتي اختك طيب
هزت راسها بنفي وهي بتمسك في التيشيرت بتاعه
مش عايزه اشوف حد مش عايزه ريم كمان مش عايزاها
كلهم بيكرهوني يا يونس كلهم بيكرهوني والله
همس بحزن
مش مهم اي حد انا بحبك
ردت بهمس وهي بتغمض عيونها
وانا بحبك ومليش غيرك اوعي تسيبني يا يونس
وامتي بتبقي محتاجه أكون ليك امان أن يلزم
واقولك امتي تحديدا بأن غرامنا لن يهزم
إيمان_شلبي