رواية منقذتـي حسام وسما كاملة تمصير اسما السيد

جزء في نظام الفرامل وقال إن ده أمر من الإدارة
بس كان فيه توقيع مش واضح
وبعدين نفس الشخص رجع بعد يومين وقال سيبوه زي ما هو
وأنا حسيت إن فيه حاجة غلط
بس أنا غلبان يا باشا.
حسام عينه اتسعت.
مين الشخص
الراجل اتردد وبعدين قال اسم واحد
مروان الدمنهوري.
الكلمة وقعت زي قنبلة في الأوضة.
سيف بص لحسام.
حسام قال بصوت واطي مرعب
طيب انت قلت الكلام ده للشرطة
الراجل هز راسه بسرعة
لا أنا جيتلك عشان أنا خايف منهم.
حسام قال
عملت الصح
وبص لسيف
خليه معانا لحد ما نبلغ المقدم كريم.
سيف هز راسه.
بس قبل ما حسام يلتقط نفسه
نور الأوضة قطع فجأة.
تمة واحدة
ظلام.
صوت جهاز المراقبة بقى أعلى
وخطوات سريعة في الممر.
سيف صرخ
حد هنا!
وفجأة صوت طقة معدنية
ثم طلقة!
الرصاصة خبطت في الحيطة جنب السرير.
حسام اتجمد
الراجل الميكانيكي صرخ ووقع على الأرض.
سيف رمى نفسه ناحية الباب حاول يقفله
بس حد كان بيدز.
حسام بص على جهاز المراقبة
النبض بيجري.
في اللحظة دي
صوت صفارات حركة
الأمن في الممر صرخ.
الضلمة اتزاحت فجأة لما النور رجع.
الباب اتفتح بعنف
ودخل المقدم كريم ومعاه قوة.
كريم بص بسرعة حوالين المكان
شاف الرصاصة في الحيطة
شاف الميكانيكي واقع وبيتنفس بالعافية
وبص لحسام.
حسام قال لأول مرة بصوت ثابت
مش حادث.
وبص لكريم
كانوا عايزين يكملوا شغلهم.
كريم قرب من الميكانيكي وسأله
مين اللي ضرب شفته
الميكانيكي بصعوبة قال
لابس أسود
وبعدين أغمي عليه.
كريم بص لحسام وقال
من هنا ورايح ده بقى قضية محاولة 
وبص لسيف
الأمن اتضاعف مفيش دخول ولا خروج إلا بتصريح.
حسام سكت وبعدين قال
سما فين
كريم اتفاجئ بالسؤال.
سما
حسام قال بعصبية
البنت اللي طلعتني
كريم رد
لسه عندنا بنحاول نوصل لأخوها.
حسام قال جملة ماحدش كان متوقعها
هاتها هنا.
مواجهة بين عالمين
سما دخلت أوضة حسام بعد شوية.
كانت لابسة جاكت بسيط جابهولها المستشفى وشعرها لسه مش مرتب من المية.
أول ما شافته على السرير وقفت.
حسام بص لها ولأول مرة نظرته كانت شبه الاعتذار.
إنتي كويسة
سما ردت بسرعة
أنا كويسة أخويا فين
حسام بلع ريقه
أنا هساعدك تلاقيه.
سما ضحكت ضحكة قصيرة فيها مرارة هتساعدني
وبصت حواليها
إنت عايش هنا وأنا عايشة في الشارع.
وبعدين قالت وهي بتضغط على كل كلمة ليه فجأة بقيت طيب
حسام اتألم من السؤال أكتر من الرصاصةقال عشان إنتي أنقذتيني
وبعدين زود بصوت واطي
وعشان يمكن أنا كنت محتاج حد يثبتلي إني لسه إنسان.
سما سكتت لكنها ماانهارتش.
قالت
الإنسان مش بيتقاس لما يبقى فوق.
بيتقاس لما يقع.
الجملة دي خلت حسام يحول وشه بعيد.
كريم كان واقف على الباب بيسمع ومش قادر ينكر إن البنت دي مش طفلة عادية.
خيط يقلب اللعبة
في نفس اليوم الشرطة وصلت لورشة الديب وفعلا لقوا حمزة.
الطفل كان نايم على كرتونة ووشه شاحب وذراعه عليه آثار ضرب قديم.
لما سما شافته في القسم بعد ما جابوه جريت عليه حضنته وبكت أخيرا.
حمزة كان هادي زيادة كأنه اتعلم إن الدموع رفاهية.
كريم بص للمشهد ووشه اتشد.
وبعدين بص لسما وقال
سما مين اللي خلاه يشتغل
سما ردت
الظروف.
كريم قال
الظروف مش بتضرب طفل
وبعدين بص للأمين
اعمل محضر ضد صاحب الورشة واستدعاء اجتماعي.
سما كانت هتتكلم
بس سكتت لما شافت حسام داخل القسم بهدوء ومعاه سيف.
الناس كلها قامت ده حسام الرفاعي.
سما وقفت قدامه وهو بص لحمزة وبعدين قال
ده أخوكي
سما قالت
أيوه.
حسام ركع على ركبه قدام حمزة حركة غريبة على شخص زيه.
إنت شجاع زي أختك.
حمزة ما ردش بس بص له بعيون حذرة.
سما همست
هو مش بيصدق حد بسهولة.
حسام قال
ولا أنا
وبعدين بص لسما
أنا مش هسيبكم.
السر اللي سما خايفاه
بعد أيام من التحقيقات تقرير فني طلع من مركز صيانة تابع للشركة
فيه تلاعب في جزء من الفرامل.
الكاميرات على الطريق كانت بتصور العربية وهي بتبدأ تزحلق من غير سبب واضح.
وأسوأ حاجة شاهد الصيانة والرصاصة اللي اتضربت في المستشفى كلهم بيشاوروا على اتجاه واحد
مروان الدمنهوري.
لكن مروان كان ذكي.
اختفى.
وسافر ولا متخبي
مش واضح.
في نفس الوقت حسام اكتشف حاجة تانية من الملف الاجتماعي بتاع سما.
اسم الأم وفاء عبدالمجيد.
اسم الجد عبدالمجيد شحاتة.
الاسم ده رجع له ذكرى قديمة.
عبدالمجيد شحاتة كان موظف قديم في شركته اتفصل بقرار منه زمان.
حسام قلبه اتقبض.
دخل على كريم وقال
أنا محتاج أشوف ملف سما كامل.
كريم رد
قانونيا مينفعش بسهولة لكن أنا فاهم ليه
وبعدين قال
انت تعرف أهلها
حسام قال
أظن إن أنا كنت جزء من اللي حصلهم.
الكلمة دي كانت صعبة عليه.
لأول مرة يعترف إن قراراته الباردة كانت بتكسر بيوت.
في نفس الليلة حسام طلب يقعد مع سما لوحدهم.
في مكتب صغير في الشركة بعيد عن الناس.
سما دخلت وهي متحفزة.
انت جايبني هنا ليه
حسام فتح درج وطلع صورة قديمة لموظفين واقفين قدام مصنع.
وأشار على رجل بسيط في النص.
ده عبدالمجيد شحاتة.
سما بصت للصورة وشها اتغير.
حسام قال
ده يبقى جدك صح
سما ما ردتش.
بس دمعتها نزلت.
حسام كمل بصوت مكسور
زمان اتسرقت مخازن وأنا صدقت تقرير كاذب وقررت أفصله
والراجل ده اتكسر
وبعدها سمعت إنه مات
أنا ما سألتش ما دورتش
أنا كنت بحمي اسمي مش الحق.
سما رفعت عينها بعنف
يبقى أنت السبب
حسام قال
جزء من السبب أيوه.
سما قامت فجأة وصرخت
أمي ماتت من القهر!
أمي فضلت تقول حق أبويا راح
وبعدين المرض أكلها
وأنا وأنا شلت أخويا
وبعدين تقولي جزء!
حسام كان ساكت لأنه يستاهل.
وبعدين قال بهدوء
أنا مش جاي أطلب منك تسامحيني.
أنا جاي أقولك إن لو فيه عدل فأنا لازم أدفع.
سما كانت بتترعش
بس في لحظة قالت جملة خلت حسام يتجمد
اللي كتب التقرير الكداب زمان كان اسمه مروان.
مروان الدمنهوري.
حسام حس كأن دماغه اتفتحت.
إيه!
سما قالت
أمي كانت بتقول الاسم ده كتير
كانت بتقول مروان اللي ضيعنا
وأنا افتكرته كلام كبير
بس دلوقتي واضح إن الدنيا بتلف.
كريم لما سمع المعلومة دي قال
كده بقى عندنا دافع قديم ومحاولة جديدة
ده مش بس شريك طماع ده مجرم متسلسل.
النهاية العادلة والاختيار الصعب
الشرطة شدت الحصار.
مروان حاول يهرب من طريق سخنة الزعفرانة بعربية دفع رباعي.
لكن تم رصده من كمين وحصلت مطاردة على الطريق في عز الليل.
العربية اتقلبت بس مروان طلع يجري.
المقدم كريم كان بنفسه هناك.
صرخ
قف!
مروان طلع سلاح
ويا إما ي يا إما يهرب.
في اللحظة دي
حسام كان موجود لأنه أصر ييجي كمبلغ ويواجه الحقيقة.
مروان شاف حسام وضحك وهو بينزف.
بص يا حسام العالم ده بتاع اللي يضرب الأول.
وبعدين بص لسما اللي كانت مع كريم كانت مصممة تبقى شاهدة
والبنت دي أنت كنت فاكر إنك هتطلع بطل قدامها
دي ضحاياك يا حسام مش جمهورك.
حسام اتقدم خطوة.
أنا غلطت أيوه
بس انت كنت بت ناس بدم بارد وبعدين تلبسهم للتانيين.
مروان رفع السلاح.
كريم صرخ
سلاحك على الأرض!
مروان قال بسخرية
هحطه بس قبل كده
وبص لحسام قولهم إنك مش بريء
قولهم إنك كنت بتوقع وتفصل وتهد بيوت وأنت مبتفكرش.
حسام سكت
ثانية.
اتنين.
وبعدين قال بصوت عالي قدام القوة كلها
أيوه.
أنا كنت بعمل كده.
وأنا مستعد أتحاسب
بس مش هسمح لمجرم زيك يطلع منها.
الجملة دي كانت مفاجأة للجميع.
حتى كريم اتجمد لأنه نادرا ما يشوف كبير بيقول الحقيقة على نفسه.
مروان اتوتر
السلاح اهتز في إيده.
كريم استغل اللحظة وصرخ
اضربوا السلاح! طلقات مطاطتأمين حسب القوة خلت مروان يقع والسلاح يطير.
اتكتف.
سما وقفت بعيد ومش بتضحك.
هي منتظرة حاجة تانية
العدل لأهلها.
بعد القضية حسام اتفتح ضده تحقيقات قديمة