رواية خطيبه اخي كاملة جميع الفصول زين ومي بقلم إيمان شلبي
المحتويات
زين!
مؤنس وهو بيدخن
وينفخ الدخان ببرود
أيوه زين.
إنت متعرفيش
القلب دق بعنف.
القلق بان على ملامحها
أعرف إيه
مؤنس فجر القنبلة
اللي من بعدها كل حاجة اتغيرت
زين مريض نفسي.
اتجوز واحدة في السر
وقتلها.
بعد ما عقله المريض صورله
إنها خانته مع الحارس بتاعها.
مسكينة
كانت طيبة وهبلة
صدقته
ووافقت تتجوزه.
وفي الآخر شك فيها
وقتلها
زي ما هيعمل معاكي بالظبط.
أصل بعيد عنك
هو مريض بالشك.
كانت بتسمعه
وقلبها مع كل كلمة
بيدق أسرع أسرع
لحد ما قرب يقف.
جسمها كله جاب عرق.
عيونها لمعت بالدموع.
شفايفها بتترعش
إنت كذاب
إنت كذاب!
زين ما يعملش كده أبدا!
مؤنس بحزن مصطنع
صدقيني
دي الحقيقة اللي محدش يعرفها غيري.
مي بصراخ وهي بتنهار
لا!
زين ما يعملش كده!
إنت كذاب!
أنا أعرف زين أكتر من نفسي!
عارفة إنه مستحيل يعمل كده!
مؤنس بابتسامة غامضة
مستعد أثبتلك.
مي بلعت ريقها بصعوبة
ت تثبت إيه
مؤنس
إنه مريض.
مستعدة تسمعي الإثبات
هزت رأسها بتحدي رغم الخوف اللي كان مالي قلبها.
مستعدة علشان أثبت إنك كداب وحقير.
مؤنس بحزن مصطنع
ربنا يسامحك يا ميوش
أنا دلوقتي هدخل الأوضة عنده وهسيب السماعة مفتوحة.
ت تمام.
وبالفعل خبط على الباب وبعد ثواني زين سمح له يدخل.
زين باستغراب
مؤنس غريبة يعني.
مؤنس ببرود وهو بيقعد على الكرسي
ما غريب إلا الشيطان.
آه صحيح سمعت إنك هتتجوز مبروك.
زين بهدوء
الله يبارك فيك يا سيدي عقبالك.
مؤنس بخبث
ويا ترى بقى مي كمان هتكون ضحية ولا دي استثناء
زين رفع حاجبه
فكرك إيه
مؤنس بخبث أكتر
ضحية طبعا مش كده
زين ضحك ضحكة خبيثة وشريرة
طبعا كلهم ضحايا كلهم هشرب من دمهم.
مؤنس بحزن مصطنع
حرام عليك مش كل صوابعك زي بعضها.
إزاي تعمل كده في مي دي بتحبك.
زين ضرب بإيده على المكتب بعصبية
مفيش حاجة اسمها حب!
كلهم خاينين كلهم زي بعض.
مؤنس وهو بيحاول يهديه
طب اهدي خلاص يعني إنت مش بتحب مي
زين ضحك بقوة
حب ههههه حب إيه يا ابني
هو أنا بتاع الكلام الفارغ
أنا بضحك عليهم علشان أتجوزهم وأخلص عليهم وبس.
غير كده مفيش حاجة في قاموسي اسمها حب.
مؤنس تنهد
تمام يا زين ربنا يهديك.
عن إذنك.
قالها وخرج من الأوضة وابتسامة خبث وشر على وشه.
كان مبسوط إنه قدر يوقع ما بينهم وإن قصتهم الأسطورية هتنتهي على إيده.
أما مي
دموعها كانت نازلة على خدها وقلبها بينزف.
كأن خنجر مسموم اتغرس فيه بكل قسوة من غير رحمة كأن اللي عمل كده إنسان بلا قلب.
الموبايل وقع من إيديها وبعده هي وقعت فاقدة الوعي.
دخلت في غيبوبة استمرت حوالي أسبوع ومحدش كان عارف السبب.
كل حاجة اتغيرت لما فاقت.
قررت تبعد من غير ما تقول أسباب.
كانت عارفة إن استحالة رماح أو باباها يصدقوها.
مؤنس صاحب رماح من أيام الثانوي وباباها بيحبه وبيعتبره زي ابنه.
طول الوقت كانت بتحاول تتجنبه.
هو يقرب خطوة هي تبعد عشرة.
كل ما تشوفه قلبها ينقبض.
عقلها يصور لها ألف سيناريو كلهم أبشع من بعض.
وفي يوم
مؤنس عرض عليها الجواز.
وافقت.
ولأول مرة مي تاخد قرار يخص حياتها من غير ما تفكر ألف مرة.
لأول مرة ما تفكرش في العواقب.
الكل اتصدم
حتى مؤنس نفسه.
كان فاكر إنها هترفض.
عارف إنها مش بتتعامل معاه بالسهولة دي.
موافقتها كانت حاجة غريبة فعلا.
باباها رماح كارلا وحتى زين
الكل كان بيحاول يفهم إيه اللي في دماغها.
ليه بين يوم وليلة غيرت تفكيرها
لكنها رفضت تتكلم.
رفضت خوفا على نفسها منه لو واجهته بالحقيقة
وخوفا على أهلها.
باك
فاقت من شرودها على صوت موبايلها بيرن باسمه.
حطت إيديها على قلبها اللي انقبض ونفسها بقى سريع.
جسمها كله غرق عرق وكانت بتترعش
كأن ملك الموت قرب منها.
فتحت بإيد بتترعش وردت بصوت حاولت تخليه طبيعي بعيد عن خوفها
ألو
أنا بكلمك علشان أسألك لآخر مرة ليه اتغيرتي
أنا متغيرتش ولا حاجة.
مي أنا لآخر لحظة بايع الدنيا كلها ومشتريكي.
مي بقسوة ولأول مرة
وأنا شارية الدنيا كلها وبايعاك.
يعني مش عايزاني
إطلاقا.
مي فكري صدقيني لو مشيت مش هرجع تاني.
أتمنى.
هتندمي.
بتحلم.
تمام يا مي دي كانت آخر محاولة.
بعد كده مفيش محاولات تاني.
مفيش زين تاني في حياتك ولا في حياة حد.
اعتبري زين مات.
بس ما ترجعيش تندمي
ولا حتى تفكري تدوري علي بعدين.
اللي مات ما بيرجعش أبدا.
سلام.
يتبع
بيقول الشاعر
يا حبيبتي
مش لاقي بنات بعدك غيرك
ولا ليا بلاد شبهك تاني
يا الفعل الخارج من قلبي
يا الكلمة الصادقة على لساني
كل ما تبعدي بيزيد قربك
وشاريكي في عز ما سيباني
قولي اتحرك وأنا أطير عندك
قولي استنى وهبقى مكاني
طيبي خاطري بكونك جنبي
كملي ناقصي وشدي عيداني
الحزن في قربك يرضيني
مر أسبوع
كل شيء اتغير في حياته.
شغله.
بيته.
أصحابه.
حبيبته.
حتى هو اتغير.
شكله قلبه نفسه.
كان قاعد في بلكونة أوضته في البيت البسيط اللي اشتراه أول ما سافر إسكندرية.
ضحك بسخرية مرة وهو فاكر قراره إنه يبعد عنهم ويسافر مكان بعيد
قرار ضرب بيه عرض الحائط.
قدامه فنجان قهوة بخاره طالع مع نسمة هوا باردة.
كان بيراقب البخار وهو بيختفي ويطير
زي أحلامه بالظبط
كلها طارت كلها اختفت وبقت سراب.
غمض عينه واستنشق الهوا البارد
زي قلبه البارد الفاضي الحزين من غيرها.
ضرب على قلبه بقوة
كأنه بيعاقبه على دقاته اللي لسه بتطلع كل ما يفتكرها
أو ينطق اسمها بين شفايفه.
قلبه اللي لسه شاريها
وفي المقابل قلبها بايعه.
رفع راسه للسما ودمعة شاردة نزلت على خده
وهو بيدعي بقلبه قبل لسانه
إنه ينسى
ويعيش
ويقاوم حبها
اللي لسه مسيطر على كل ذرة في كيانه.
في مكان تاني وتحديدا في أوضة ضلمة مفيش فيها أي بصيص نور.
كانت نايمة على جنبها متكتفة من إيديها ورجليها ودموعها نازلة على خدها وهي بتفتكر اللي حصل واللي وصلها للمكان ده.
فلاش باك
كانت لسه قاعدة في أوضتها بتسترجع كل ذكرى ما بينهم وكارلا قاعدة بتراقبها بصمت لحد ما قررت تتكلم معاها يمكن تقدر تفهم إيه اللي حصل وإيه اللي وصل زين للحالة الغريبة دي.
قربت منها ولمست كتفها وعلى أثر اللمسة دي مي اتنفضت
كارلا
اهدي اهدي أنا كارلا.
مي اتنفست براحة وقالت بهدوء
معلش كنت سرحانة شوية.
كارلا بنظرات ذات مغزى
في زين مش كده
مي وقلبها بيدق قالت بتوتر
ه لا طبعا وهفكر فيه ليه
كارلا بخبث
وإيه اللي يخليكي ما تفكريش فيه
مي وهي بتهرب منها
لو سمحتي يا كارلا أنا عايزة أنام.
كارلا وهي بتهز راسها برفض
مش قبل ما تقوليلي اللي حصل.
مي باستغراب
أقول إيه مش فاهمة.
كارلا وهي بتبصلها في عينيها بتحدي
إيه السبب الفظيع اللي يخليكي تسيبي زين
مي بتوتر
أ أسباب خاصة.
كارلا بخبث
بس ده ما يمنعش إنك بتحبي زين.
مي بتوتر أكبر وهي بتفرك إيديها
لا لا أنا مش بحب أخوكي.
كارلا
كذابة.
مي بعصبية
لا أنا مش بكذب أنا مش بحبه.
كارلا بسخرية
عيونك عمرها ما تكذب يا مي عيونك وقلبك اللي بيدق لدرجة إن صوت دقاته وصلني من هنا.
دموعك المعلقة في عينك اشتياقك لزين كل ده عمره ما يكذب أبدا.
مي بعصبية ودموع
أيوه بحبه كنت بحبه قبل ما أعرف حقيقته.
كارلا باستغراب
حقيقته!
مي وهي بتبص قدامها وبتهمس
أيوه حقيقة إنه مريض نفسي حقيقة إنه كان متجوز واحدة في السر وهو موهمني بالحب ومعشمني حقيقة إنه مجرم قتلها عشان شك فيها حقيقة إنه عايز يتجوزني عشان ينتقم منها فيا حقيقة إنه هيخليني ضحية مرضه.
أنا ما بكرهش في حياتي قده.
كارلا صرخت في وشها
إنتي بتقولي إيه! زين عمره ما يعمل كده! إيه الكلام ده!
مي بصراخ أعلى
أنا كنت زيك كده لحد ما سمعته بودني وهو بيقول إنه هيخلص عليا.
كارلا وهي بتهز راسها بهستيريا ودموع
لا لا أخويا مش مجرم! إنتي إزاي تصدقي الكلام ده إزاااي!
مي بتحدي
مؤنس بنفسه هو اللي أثبتلي.
كارلا
آه قلتي مؤنس
وإنت صدقتي الحيوان ده
مي بعصبية
ده أخوكي!
كارلا بزعيق
مؤنس مش أخويا ولا عمره هيكون أخويا!
هو ابن مرات بابا وبس.
الحق علينا أنا وزين لما اعتبرناه أخونا والحق علينا إننا دخلناه بيتنا وشغلناه معانا ومقولناش لحد إنه ابن مرات أبويا.
مؤنس ده أحقر بني آدم شوفته
طول عمره بيكره زين عشان هو أحسن منه طول عمره بيحقد عليه وبيحاول يوقعه ويكره الناس فيه.
هو اللي مريض مش زين سامعة زين مش مريض مؤنس هو اللي مريض!
وإن كان على الإثبات فهو
متابعة القراءة
