رواية خطيبه اخي كاملة جميع الفصول زين ومي بقلم إيمان شلبي
ذكي فعلا يقدر يخليكي تصدقي عشان عنده برامج تغيير أصوات ومحترف فوتوشوب.
بجد أنا مشفقة عليكي إنك وقعتي في المصيدة.
ومشفقة على زين إنه حب واحدة زيك صدقت بسرعة إنه ممكن يعمل كده وسابته.
سابته بعد ما ضحى بكل حاجة عشانه بعد ما فتح قلبه اللي كان مقفول بخمسين قفل.
أنا اتخدعت فيكي يا مي كلنا اتخدعنا فيكي وفي حبك المزيف لزين.
أنا مش عايزة أعرفك تاني.
وآه على فكرة
زين كلمني قبل ما يكلمك. قالي إنه هيسافر إسكندرية وقال إنه كان هيختفي من غير ما حد يعرف بس ما هانتش عليه.
أنا اللي أقنعته يكلمك للمرة الأخيرة ويديكي فرصة أخيرة بس واضح إنك ما كنتيش تستحقي الفرصة دي.
صدقيني زين لما بيقفل من شخص قلبه عمره ما يفتح تاني حتى لو شافه بيموت قدامه.
قالت كلامها وخرجت من الأوضة وسابت مي واقفة تسمعها بذهول وصدمة.
عدت ثانية اتنين تلاتة
وهي لسه واقفة بتعيد كلام كارلا في عقلها.
وفجأة بصت قدامها وعيونها حمرا كأنها كاسات دم وقالت بشر
نهايتك على إيدي يا حقير.
بعد مرور ربع ساعة
كانت واقفة قدام باب الفيلا بتاعة مؤنس اللي محدش يعرف مكانها غيرها هي وزين.
افتكرت أول مرة راحت المكان ده لما زين كلمها يستنجد بيها عشان تلحقه بعد ما كان غايب عن الوعي بسبب اللي بياخده.
ولأنها دكتورة طلب زين مساعدتها وطلب منها ما تقولش لحد عن اللي حصل خوفا على سمعته.
ثواني والباب اتفتح
وهو واقف بيتطوح يمين وشمال وبيضحك
ببلاهة.
مؤنس بضحكة خبيثة
ميووووش وأنا أقول المكان منور ليه!
مي وهي بتفرك إيديها بتوتر وخوف
أ أنا كنت عايزة أتكلم معاك.
مؤنس وهو بيبعد عن الباب وبيفسحلها طريق
اتفضلي يا قمر.
مي بخوف
ل لا مش هينفع أنا هستناك برا.
مؤنس قال بخبث
مش هينفع ليه بس تعالي.
مي
إنت اتجننت
مؤنس بحزن مصطنع
كده
مي وهي بتترعش
م مؤنس أرجوك أرجوك اعمل حاجة صح في حياتك.
ز زين فعلا مريض ولا إنت بتكذب عليا
قولي الحقيقة صدقني والله مش هقول لحد على أي حاجة بس قولي الحقيقة.
مؤنس ببرود
هتفرق في إيه الحقيقة
مي بذهول
هتفرق في إيه!
مؤنس أنا وأخوك بنحب بعض ليه عايز تفرقنا
مؤنس بشر
عشان بكرهه.
مي بلهفة
يعني زين مظلوم
مؤنس وهو بيضحك بقوة وبيهز راسه
وأنت شربتي المقلب وفرقتكم عن بعض.
مي ضربته كف قوي صدى صوته رن في المكان.
يا حيووووان! يا حقير! يا حقير! منك لله!
حرام عليك ليه عملت كده
حرام علييييك!
كانت منهارة بتهزه بكل قوتها وهو بيضحك بقوة.
وفجأة رفع إيده ورد لها القلم أقوى لدرجة إنها وقعت على الأرض.
قعد قدامها على ركبته وبيجز على سنانه بعنف
أنا هوريكي مين الحقير.
ورحمة أبويا لأندمك على القلم ده
هحرق قلب حبيب القلب عليكي.
قال جملته وهو بيجرها على الأرض وهي بتحاول تفتح عينيها ومش قادرة
لحد ما غمضتهم واستسلمت
وآخر حاجة فاكرها إنه حطها في أوضة ضلمة وخرج.
باك
سمعت صوت الباب بيتفتح فاتنفضت من مكانها ورفعت راسها تشوف مين.
وأول ما شافت مؤنس جسمها كله اترعش وعيونها لمعت بالدموع.
كانت بتدعي إن زين يلحقها
جواها أمل إنه يكون موجود زي كل مرة بتحتاجه فيها بيكون حاضر من غير ما تتكلم.
غمضت عينيها باشمئزاز وقرف ومؤنس قعد على ركبته قدامها
وريحته كلها سجاير وقرف.
مؤنس وهو بيشيل خصلة من شعرها ورا ودنها وبيهمس بخبث
إزيك يا ميووش
يا ترى زين لما يعرف إنك هنا هيعمل إيه
هممم هييجي يعمل بطل وينقذك من الأشرار وكده
ولا لا استني صح زين مش هنا ده سافر إسكندرية
يعني مش هيقدر يلحقك.
وضحك ببلاهة فجأة وهو بيقول
لا مش معقول هيطير وييجي هنا وينقذك مني!
قرب إيده من وشها ولسه هيلمسها بعدت بعنف وصرخت في وشه
ابعد إيدك القذرة دي عني!
وزين هييجي وينقذني منك وأنا متأكدة من كده!
مؤنس وهو بيهز راسه بسخرية
ولو قلتلك إني كلمته وقلتله حبيبتك عندي
وقالي مش فارق
مي بجنون
كذاب! كذاااب!
مش هصدقك تاني!
زين بيحبني زين هييجي وهتشوف!
مؤنس بهزة راس وأسف مصطنع
مش هيقدر للأسف
لا هو أنا ما قلتلكيش
مي بخوف
ق قلتلي إيه
مؤنس بضحك
إن حبيبك حاليا بين الحياة والموت هههههه!
مي بدموع وهي بتهز راسها
لا لا لا إنت كذاب!
زين زين حبيبي زين!
مؤنس وهو بيهمس في ودنها بنبرة كلها شر
حبيبك بيموووت.
لااااااا! لاااااا! زين زييييين!
صوت ثابت قوي
حبيبها قدامك بصحته يا جبان.
ثانية اتنين تلاتة من الصمت.
ومؤنس لف ببطء كأنه مش مصدق ودانه.
بلع ريقه بتوتر وهو شايف زين واقف قدامه بكل هيبة
بالرغم من الخدوش والخرابيش في وشه
إلا إنه كان واقف بقوة كأن ولا حاجة حصلت.
أما مي فرفعت راسها وهي بتتنفس بسرعة
كأنها كانت في أعماق البحر على حافة الموت
وطلعت في آخر لحظة.
إزاي إزااااي!
قالها مؤنس بجنون وهو شايف زين قدامه بعد ما بعت له صور بتأكد إنه بيموت.
زين قرب منه وشده من هدومه وبيجز على سنانه بعنف
طول عمرك و
مكملش جملته وانهال عليه ضرب.
ومؤنس حاول يرد بس مقدرش.
زين خلاص عشان خاطري!
كان زين بيضرب فيه وهو مش حاسس بنفسه
بيطلع كل غضبه
فاكر إحساسه لما قالتله مش عايزة تكمل
فاكر الدبلة اللي في إيدها باسم مؤنس
كل ده بسبب كذبة حقيرة اخترعها عشان يفرق بينهم.
فاق على صوتها
وفي اللحظة دي دخل رماح ومعاه مجموعة ظباط
وقبضوا على مؤنس بتهمة قتل مراته اللي كان متجوزها في السر.
السبب اللي اخترعه عشان يفرق بينهم
طلع هو نفسه اللي عمله فعلا مع مراته.
زين قرب من مي ببطء قعد
إنت كويسة
وعلى عكس توقعه اتنفضت بقوة
أنا لو كان جرالك حاجة كنت ممكن أموت فيها
أنا آسفة سامحني يا زين أنا آسفة.
كانت متعلقة في رقبته وهو مغمض عينيه بقوة
صدره بيطلع وينزل بعنف في صراع بين قلبه وعقله.
قلبه
إنت بتحبها سامحها.
عقله
بس هي صدقت مؤنس وسابتك.
قلبه
أي حد مكانها كان هيصدق مؤنس لعبها صح.
عقله
بس اللي بيحب حد ما يصدقش إنه ممكن يأذيه.
قلبه
مي بتحبك وإنت بتحبها.
غلطت وعرفت غلطها سامحها.
اللي بيحب بيسامح.
أنهى الصراع وقربها لقلبه بكل قوته
لدرجة إنها حست ضلوعها هتتكسر.
مي بدموع
سامحني.
زين وهو بيمسح دموعها برقة
ما تعيطيش أنا مسامحك من زمان.
ابعد عن أختي يا حيوووان!
قالها رماح وهو بيقرب وبيشده بغيرة.
زين برفع حاجب
إنت قد اللي عملته ده
رماح بثقة
أه
اكتب عليها وأنا أسمحلك.
غير كده نووو!
مي بمرح
يا دككككري!
رماح بغرور مصطنع
ومش هجوزك أختي غير لما تجوزني أختك.
زين وهو بيغمزله
طب إيه رأيك نكتب الكتاب في نفس اليوم
رماح بفرحة وهو بيسقف
أشطا! أنا بحب كده!
أنا رايح أجيب المأذون!
زين بذهول
هنا!
رماح بجنون
أه!
أصل أختك برا والحبايب كلهم متجمعين
مفيش وقت للتفسير!
قالها وخرج وزين ومي واقفين يضحكوا على جنونه.
مي قربت منه ولمست وشه بحزن
إيه اللي حصل لوشك
زين وهو بيتنهد
كارلا كلمتني وحكتلي كل حاجة.
كلمت مؤنس وهددته وأنا معاه على الفون.
إنت دخلتي وهو نسي يقفل السماعة فسمعت كل حاجة.
ركبت عربيتي وسوقت بأقصى سرعة
مؤنس كان شايل الفرامل
ولولا ستر ربنا العربية خبطت في شجرة بس الإصابة ما كانتش قوية.
غيرت عربية وجيت على هنا الحمد لله إني لحقتك.
مي وهي بتمسك إيديه بين إيديها وتبوسها برقة
أنا آسفة.
زين وهو بيتنهد
ما تتأسفيش
مي
بحبك.
يا بنت الجزمة ابعدي! ده مش حلالك!
لما تكتبوا الكتاب الاول!
قالها طارق وهو داخل الأوضة وبيحدفها بشبشب.
مي وهي بتتفادى الشبشب بتذمر
يا بابا بحبه يا بابااا!
تمت
إيمان شلبي
