رواية غفوه (كاملة إلى الفصل الأخير) بقلم دينا محمد
ياتري اللي عملتو ده صح ولا غلط هونت عليك تطلقني يا احمد، بس برضو انا اللي غلطانه وزودتها شويه انا عارفه انه بيتعب في الشغل وانه بيعمل كل ده علشاني وعلشان البنات بس انا برضو محتجاه يحس بيا ويبقي متواجد في حياتي انا وحشني احمد اللي كان في الخطوبه وفي اول الجواز وحشني اهتمامه بيا ودلعه ليا، بس برضو انا مبقتش بهتم بيه زي الاول بسبب طلبات البنات اللي مش بتخلص، للاسف احنا الاتنين غلطانين بس خلاص فات الاوان، يعني ايه هستسلم بسهوله وهخسر حب عمري، طيب والبنات اللي بيعملو كده من دلوقتي، هيعملو ايه اما يكملو بقيت حياتهم بعيد عنه، وبعدين هتسبيه للزفته اللي اسمها نسرين ايوه انا واثقه فيه وعارفه انه مش بيفكر في حاجه بس انا عارفه هي بتفكر في ايه مش كفايه الرسايل الزفت اللي كانت بتبعتهالي علي الموبيل علشان تعرفني ان في حاجه بينها وبينه، زمانها دلوقتي بتخطط وبتلعب براحتها، بس انا استحاله اخليها تعمل اللي هي عايزاه ومش هخرب بيتي وحياتي بإيدي
طرقات علي الباب
ندى فاقت من شرودها
اتفضل
الام:ندى حبيبتي ممكن اتكلم معاكي شويه
انتي عارفه انك أغلي حد عندي في الدنيا دي كلها، صدقيني انا خايفه عليكي خايفه يسيطر عليكي عندك وتفوقي بعد فوات الاوان، ندي القرار اللي هتأخديه ده هيحدد حياة بناتك قبل حياتك، انا مش عايزه ادخل في حياتكم بس مش ده احمد اللي اتحديتي الدنيا كلها علشان تبقوا مع بعض مش هو ده اللي اتقدم لباباكي مره واتنين وثلاثه لحد اما باباكي حس ان ده هو الشخص اللي
فوقي يابنتي فوقي قبل اما تندمي وتخسري كل حاجه
صدقيني احنا لو شايفين ان احمد زوج واب وحش كنا هنقف معاكي وهندعمك، بس انتي عارفه ان هو كويس وانك مش هتعرفي تكوني مع حد غيره، بلاش تحكمي علي بناتك انهم يعيشوا من غير ابوهم
وبلاش تقدمي احمد علي طبق من دهب للزفته اللي قولتي عليها دي
ندي:ليه بتقولي كده
اخرجت الموبيل
بقول كده علشان دي
ندي:ايه ده، الصوره دي كانت امته، طبعا منزلاها وعملاله منشن علشان اشوفها، بس ازاي نبقي في الموقف ده وهو يخرج معاها وكمان يتصور، هتقوليلي برضو انه مش غلطان
الام:ممكن يكون غلطان بس برضو الغلط عليكي انتي اكبر
انتي اللي قدمتلها الفرصه دي، انتم الفتره دي حياتكم كلها مشاكل وخناق وهي اللي بتطبطب وبتهون عليه، طبعا هو كان لازم يعرفها حدودها بس انا عارفه انه هو كمان هيفوق لنفسه ومش هيضيعك انتي والبنات، احمد راجل بجد بيحبك وبيحب بناته
يالا هسيبك دلوقتي علشان احضر الاكل
الفصل الرابع والاخير
عند احمد في البيت
كان شارد الذهن
ايه اللي انا عملتو في نفسي ده ازاي اطلق ندي ازاي قدرت انطقها اصلا، ليه وصلنا للي احنا فيه ده، ازاي قدرت اخرب بيتي بإيدي، انا غبي ايوه غبي، ندى كان معاها حق نسرين دي فيها حاجه غلط اسلوبها وطريقتها معايا انهارده خلتني اتأكد
بس للأسف انا اللي مكنتش واخد بالي، بس انا هعرف اتصرف معاها كويس المشكله دلوقتي في ندى لازم اتكلم معاها مستحيل اللي بينا ينتهي كده، احنا
صوت رنة الموبيل
احمد: ايوه يانسرين
نسرين: ازيك طمني عليك عامل ايه دلوقتي
احمد: بتتكلمي ليه في الوقت ده في حاجه
نسرين:لا انا قولت اطمن عليك بس
احمد: انا كويس الحمد لله، بس مينفعش تتكلمي في الوقت ده ولازم تعرفي ان في حدود مابينا واننا زمايل مش اكتر ومينفعش نتخطي الحدود دي، يالا مع السلامه
ازاي كنت بتعامل مع واحده بالمنظر ده ليها حق ندى متبقاش طيقاها كده
انا مش هقدر استني لبكره انا لازم اروح دلوقتي واتكلم معاها
عند ندى في البيت
ماما معلش ممكن تقولي لبابا اني عايزه انزل
الام باستغراب
تنزلي دلوقتي ليه ياحبيبتي
ندي بتوتر
عايزه اروح بيتي، عايزه اشوف احمد واتكلم معاه
الام بفرحه
ايوه حبيبتي بس الوقت متأخر اوي استني لبكره
ندى: علشان خاطري ياماما انا عايزه اروح دلوقتي
الام: حاضر هقول لبابا
صوت جرس الباب
استني في حد بيرن الجرس، ربنا يستر يارب خير
الاب باستغراب
اهلا يا احمد اتفضل يا ابني، انت كويس
احمد : شكرا ياعمي، انا الحمد لله تمام
انا عارف ان الوقت متأخر بس انا محتاج اتكلم مع ندى
الاب:متقولش كده ده بيتك
بس ده ميمنعش اني زعلان منك ومحتاج اتكلم معاك
احمد: انا عارف اني غلطان بس صدقني عرفت غلطتي كويس في الاسبوع اللي ندي والبنات كانوا بعاد عني فيه
عمي انا رديت ندى، بعد اذنك انا محتاج اتكلم معاها
الاب:
طرقات على الباب
اتفضل
ندي بمشاعر كثيره استغراب، فرحه، حزن، حنين، عتاب
احمد، انت عارف اني كنت لسه بقول لماما اني عايزه اروح لك دلوقتي بس هي قالتلي استني لبكره الصبح
احمد: بس انا مقدرتش استني للصبح، وحشتيني يانودي وحشتيني اوي
ندي بنظره عتاب ودموع
احمد:انتي عارفه ان اكتر حاجه بتوجعني دموعك
انا اسف حبيبتي انا غبي مش عارف عملت كده ازاي انا مقدرش اعيش من غيرك، الاسبوع ده كان بنسبالي جحيم
ندى انا رديتك
ندى :قدرت تنطقها ازاي، ازاي هونت عليك، وحشتني اوي وحشتني يا احمد، انت عارف انا مقدرش اعيش من غيرك كل ماكنت افكر ازاي هعيش حياتي انا والبنات من غيرك كنت بحس اني هعيش في كابوس فعلا حياتي من غيرك
كانت كابوس
احمد: انا مكنتش عارف قيمة النعمه اللي في ايدي بس الدرس ده علمني وخلاني اعرف ان مفيش اغلي منكم عندي
وحشتيني اوي والبنات كمان وحشوني جدا
ربنا يخليكم ليا ويديمكم اجمل نعمه في حياتي
ندي:وانت كمان وحشتنا اوي ياحبيبي انا اسفه انا كمان مكنتش مقدره كل اللي انا كنت فيه انا بحبك اوي ربنا يخليك ليا انت والبنات يارب
ندى ندى قومي حبيبتي انا اسف اتأخرت عليكي انهارده كان في شغل كتيييير اوي
ندى: ولا يهمك ياحبيبي
احمد: بس ايه الجمال ده عشاء وشموع وورد كمان، ايه الدلع ده كله
ندى: طيب يالا روح غير عقبال ما اسخن الاكل علشان زمانه برد
احمد: تمام حبيبتي مش هتأخر عليكي
ندى تمسح دمعه هربت من عيناها
ايه اللي كنت هعمله في نفسي وفي
الحمد لله اللهم لك الحمد يارب احفظ عائلتي وبارك فيهم.
تمت
