رواية ما بين الضلوع ( الفصل 10 الى الفصل 17) بقلم أماني السيد

بتبرير 
بص يا جابر انا ام ومريضه وبنام مش عارفه هصحى ولا لاء وكل قلقى فى الدنيا دى على بنتى لو جرالى حاجه خاصه انها وحيده لا اخ ولا اخت 
يمكن تفكيرى قديم وشايفه ان البنت مالهاش غير بيت جوزها وراجل يصونها زى ابوها الله يرحمه مكان صاينى وتكون عيله ويكونلها سند 
ده تفكيرى بلاش تلمونى على خوفى على بنتى وانى عايزه اطمن عليها 
طبطب جابر على يدها وتحدث بتفهم وحنان 
ولا يهمك حقك تخافى عليها بس تأكدى إن محدش هيحبها ولا يصونها غيرى ورينا يديكى طول العمر وتشيلى احفادنا 
بس انت يومك بسنه يا جابر 
ابتسم جابر على مراوغه والدتها واستعجالها على الزواج وقرر الرضوخ لها فهو تفهم حالتها
مش مهره عيد ميلادها الخميس 
اه 
اعتبريها يوم خطوبتنا وهبتعلك ناس تظبطلك الشقه وقوللها عايزه احتفل بيكى 
انت ناوى على ايه 
بعدين هتعرفى 
وبالفعل ذهب جابر بعد ذلك لمنزله وتحدث مع اهله ورغبته في الزواج من مهره وانه سيتقدملها ويخطبها 
رحب عمها بذلك رغم رفض والدته فى البداية لكن مع حماسه وفرحته لم تريد أن تضايقه ووافقت 
تانى يوم فى العمل ظل جابر يتجاهل مهره مما جعلها تشعر بغضب تجاهه 
مر يومين ومازال جابر يتعامل معها ببرود غير معتاده عليه ففى الفتره الاخيره كان جابر يهتم بها ويأتى لها بالفطور ويتحدث معها عن حياته الشخصيه 
إنما الان اصبح يتعامل معها ببرود الاجابه فقط على اد السؤال 
فى مكتب جابر دخلت مهره اليه محاوله ايقاعه فى الحديث 
صحيح يا جابر بقالك كام يوم متغير كده 
ايه ده بجد تحدث معها بلؤم فهو يعلم ما تحاول فعله 
معلش يا مهره اصلى بالى مشغول فى واحده كده 
بجد انت حبيت ولا ايه 
اقترب منها جابر وهو مبتسم على حزنها الذى بدا واضح فى ملامحها 
شكلى كده حبيت وعايز اتجوز كمان 
هو ده ليه علاقه باليوم اللى خرجت فيه بسرعه
اه صح انتى ملاحظه بقى 
صحيح يا مهره مش احنا بقينا صحاب وقريبين من بعض عايزك تنزلى انهارده تختارى شبكه معايا للعروسه اصلى عايز اعملها مفاجأة 
ليه وهى هتوافق تلبس حاجه على ذوق واحده تانيه 
منا مش هعرفها انا هقولها انا جايبها هديه 
لا انا اسفه انا مشغوله 
انا مديرك وهديكى إذن ساعتين عشان تيجى معايا فيهم يلا بينا
ثم جذبها من معصمها تحت غضبها واعتراضها
البارت السادس عشر 
ذهبت مهره مرغمه مع جابر وحاولت أن لا تعطى رأيها في شئ لكن جابر ظل يناغشها حتى ساعدته 
يا مهره مالك متضايقه ليه اللى يشوف كده يفتمر إنك بتحبينى وغيرانه عليه 
لا طبعا انت بتقول ايه انت زى أخويا وعشان اثبتلك هختار معاك اهو 
ها اكتر دبله عجبتك ايه 
دى حلوه ورقيه 
طيب قيسيها كده 
افرض استها وجت مقاسى ومقاس العروسه مختلف هتعمل ايه 
ماتقلقيش هبقى اجبها تغيرها تانى 
وضعت مهره الدبله بإصباعها وكانت تناسبها تماما ثم امسك جابر بعدها خاتم ووضعه بيدها فوق الدبله 
وبدأ يتحدث معها بإنسجام وعندما نظرت اليهم مهره تمنت أن يصبحوا ملكها بما فيهم جابر 
حلوين اوى فى ايدك لايقين عليكى 
فعلا شكلهم حلو اوى اوى 
ذوقك حلو 
مكنتش متخيل انهم هيبقوا حلوين اوي كده عليكى 
ولا انا يا بختها 
فاقوا من شرودهم ووضعهم على صوت الصائغ وهو يتحدث معه واتى ومعه مجموعه من اطقم الدهب 
اتفضل يا أستاذ جابر دى مجموعه اكقم دهب لو عجبك حاجة 
شعرت مهره بإحراج شديد من وضعهم كيف لها أن لا تستطيع التحكم فى نفسها ولما فعل جابر معها هكذا هل ظن انها حبيبته 
قام جابر باختيار طقم من الدهب واعجبت به مهره وجعل الصائغ يضعهم فى حقيبه مناسبه وقام بدفع الحساب وخرج مع مهره 
تعبتك معايا انهارده عشان كده انا ناوى اعزمك على الغدا 
لا مش هينفع انا عايزه اروح ماينفعش اتغدى من غير ماما 
طيب سهله هناخد الاكل ونروح نتغدى عندكم فى البيت 
مالوش لزوم انا بحضر الغدا بسرعه 
هو انتى كل حاجه لازم تجادلى فيها كده انا قولت كلمه ومش هرجع فيها تانى 
وبالفعل اخذها جابر واوصلها للمنزل واشترى الكعام فى طريقه 
وعندما دخلوا المنزل لم يعطيها جابر فرصه للحديث مع والدها حتى لا تتسرع والدتها بالحديث 
بقولك يا مهره جهزى الاكل انا هموت من الجوع 
حاضر 
وذهبت لتحضر الطعام على الطاوله واخذ جتبر والدتها بعيدا 
بصى انا محكتش لمهره حاجه خليها لبكره وقت عيد ميلادها وانا هبلغها بكل حاجه اتفقنا اوعى توقعى بلسانك فى الكلام 
لا ما تخفش مش هقول حاجه 
وبالفعل جلسوا سويا على الطاوله وبدؤا يتحدثوا فى امور مختلفه 
الى أن تذكرت والده مهره أن تهنئها بعيد ميلادها
كل سنه وانتى طيبه يا نور عينى بكره عيد ميلادك 
واننى طيبه يا ست الكل وتفضلى منورانا كده دايما
بقولك ايه انا قررت بكره اعملك عيد ميلاد واعزم صحابك كمان 
يا ماما انا كبرت على الكلام ده 
بس فى نظرى هتفضلى طفله روحى كلمى صحابك وانا هرتب كل حاجه 
وعلى ايه التعب مابلاها
ماتقلقيش انا هجيب ناس تظبط الترتيبات انتى كل اللى عليكى اعزمى صحابك والجيران وكده واهى فرصه تتجمعى مع صحابك مره تانيه 
عندك حق خلاص هعزمهم بعد الغدا وكده كده بكره اجازه وبإذن الله يجوا كلهم 
اه وانزلى اشترى فستان جديد حلو كده وخدى مهره معاكى 
منا عندى فساتين كتير 
لا اشترى واحد جديد عشان السنه الجديده تبقى وشها حلو عليكى 
خلاص هكلم ليالى واقولها تيجى معايا لما تخلص شغل 
وبالفعل قامت مهره واتصلت على ليالى صديقتها
فبعد انفصال مهره توطدت العلاقه بين ليالى ومهره وعادوا اصدقاء كالسابق وكانت مهره تتحدث مع ليالى عن جابر مما جعل ليالى تشك بوجود علاقة حب بينهم لكنها التزمت الصمت حتى لا يكون ظنها صحيح وتنجرح صديقتها مره اخرى
فى الشركة عند ليالى كانت تجلس وتباشر العمل وتشعر بملل كبير رأتها سيلا وهى تنفخ بغضب فقررت الحديث معها حتى تخفف حده الملل
مالك يا ليالى انتى كمان زهقانه 
اه جدا جدا جدا حتى الشغل بقى ممل ومافيش جديد 
طيب ما تاخدى اجازه وتسافرى 
اسافر مع مين لواحدى عشان بدل ما اكون ملانه هنا ادفع فلوس واروح مكان تانى احس بملل فيه 
الايام بقت روتينيه بشكل ممل .
والله عندك حق 
وأثناء حديثهم انصلت مهره على ليالى واجابتها ليالى بمجرد الرنين 
ازيك يا مهره عامله ايه 
انا كويسه الحمد لله انتى عامله ايه 
بخير يا قمر 
بقولك فاضيه انهارده بعد الشغل عايزاكى تيجى معايا اشترى فستان جديد عشان ماما عامله حفله لعيد ميلادى بكره وهعزم صحابى 
اه طبعا فاضيه أنا اصلا زهقانه ومش لاقيه حاجه اعملها وكمان عايزه اجيب فستان عشان فرح واحده صحبتى كانت شغاله معايا ومشيت 
خلاص يبقى خلصى شغل ونتقابل فى مول 
تمام هستناكى هناك 
وبعدها قامت بالاتصال بباقى اصدقائها ورحبوا بها وقرروا أن يحضروا عيد ميلادها 
خلال ذلك الوقت كان جابر يجلس مع والده مهره يتحدثوا بخصوص الحفل غدا واخبرها جابر أنه اشترى الشبكه وقص لها ما تم ولكن دون ذكر جميع التفاصيل 
خرجت مهره بعد انتهائها من الاتصال باصدقائها وجدت امها تجلس مبتسمه وتضحك مع جابر عكس عادتها فى الفتره الاخيره 
ابتسمت على ذلك المنظر وجلست بجانبهم 
يارب دايما كده يا ماما مبسوطه احنا نجبلك جابر كل يوم طالما بيبسطك كده 
ياريت والله جابر ده راجل جدع ومافيش منه اتنين 
ابتسم جابر على حديث والدتها ثم وجهه حديثه لمهره 
ها قررتى ايه 
هقابل ليالى كمان نص ساعه فى المول اللى على اخر الشارع هنا ده 
طيب خلاص هوصلك فى طريقى
مالوش لزوم انا هنزل دلوقتي وهتمشاها 
لا اسمعى الكلام انا هوصلك وبلاش تجيبى فساتين ضيقه ومجسمه هاتى حاجه واسعه
انت ليه محسسنى انك خطيبى او اخويا 
يا ستى ابن عمك وخايف عليكى وبعدين انتى حلوه وهتتحسدى اسمعى الكلام 
حاضر تحب تختارهولى بنفسك 
لا انا واثق فيكى وغير كده هيكون معاكى صاحبتك مايصحش 
شكرا على كرم اخلاقك يلا بقى عشان نلحق ومنتأخرش وليالى تتخانق معايا 
وبالفعل قام جابر بإيصالها والتقت مهره باليالى وظلوا يتجولون فى المول إلى أن اختاروا ما يناسبهم 
صحيح يا ليالى محستيش بندم على تامر وانك سبتيه وكده 
خالص على فكره عارفه كنت فاكره نفسى هتضايق وهزعل لكن مش حاسه بحاجه كأن مكنش فى بينا حاجه وسيلا بتحاول تحترم مشاعرى ومش بتتعامل معاه فى الشغل حتى هما لبسوا الدبل مع قرايه فاتحه ومعزمتش حد من الشركه 
جدعه سيلا شكلها محترمه 
بصراحه أه وغير كده علاقتى بتامر كان فيها حاجه ناقصه او حاجات كتير ناقصه كانت العلاقه بينا بارده المكالمات اللى بينا تحسيها تقضيه واجب مكناش بنتخانق زى اى اتنين مخطوبين كانت علاقه غريبه الحمد لله انها انتهت 
رينا بكره يعوضك بالاحسن 
بإذن الله 
فى منزل جوهره كانت تجلس مع جاسر يتحدثون بخصوص النواقص حتى ينتهوا منها ويستعدوا للفرح 
كانت جوهره جالسه صابه جميه اهتمامها فى صور غرفه النوم التى ارسلها لها النجار تحاول تحديد لون يتناسب مع الدهان 
استغل جاسر تركيزها وظل يقترب منها وقبلها من خدها كادت جوهره أن تضربه لكنه ابتعد عنها 
جاسر قولت ايه على فكره كده ماينفعش عيب بقى الله 
يا بت انتى مراتى 
لسه لسه مابقتش عارف لو عملت كده تانى مش هقابلك لحد يوم الفرح 
لا خلاص 
ثم امسك يدها وقبلها 
سماح مش هعمل كده تانى 
سحبت جوهره يدها منه 
على فكره انت بتخم فرقت ايه ايدى من خدى عيب يا جاسر 
يا ستى تصبيره لحد الفرح 
هانت خلاص كلها اسبوعين 
لسه هتسنى اسبوعين 
لا انت حالتك بقت صاعبه خالص انا هقوم واجبلك بابا يكمل معاه 
لا استنى عشان خاطرى طيب 
تركته جوهره وهى مبتسمه وذهبت مسرعه لوالدها الذى اتى وجلس معاه 
بقى كده يا جوهره ماشى والله لطلعه عليكى اصبرى عليا
البارت السابع عشر الجزء الاول
نص ساعه وهنزل باقى الفصل 
عندما انتهت ليالى ومهره من التسوق اصرت مهره على أن تعزم ليالى على مشروب فى شقتها صعدت ليالى منزلها ووضعت المشتريات وجلست مع والدتها بضعت وقت وعادت لمهره مره اخرى فى خلال ذلك الوقت جهزت مهره المشروبات ووضعتها فى الشرقه
اتت ليالى وجلست مع مهره داخل الشرفه وبدؤوا يتحدثوا عن الماضى وزكرياتهم سويا وفى ذلك الوقت ذهبت والده مهره لوالده ليالى حتى تخبرها بأمر خطوبه مهره حتى لا تشك بها أو يحدث سوء فهم 
داخل الشرفه بدأت ليالى بالحديث 
اليوم انهارده طويل اوى كده ليه يا مهره 
تصدقى عندك حق انا عملت انهارده حاجات تتعمل فى اسبوع 
انا حاسه إن بكره خطوبتك مش عيد ميلادك 
أنا بدأت اشك في كده 
مخو غريب فعلا بالعقل كده فى واحده تروح تنقى شبكه واحده تانيه لا وكمان تجبها مقاسها ويقولك هاتى فستان واسع 
وبعدين من أمته مامتك بتهتم بأعياد ميلاد 
قصدك ايه 
بصراحه انا كنت شاكه فى حاجة بس خايفه اتكلم تكون مجرد ظنون 
اوعى يكون اللى بفكر فيه 
طيب افرضى طلعت ظنونا صح 
وقتها هيبقى احلى يوم فى عمرى 
ايه ده هتقبلى بسهوله كده 
هههههههههههه دانا ما هصدق انا قلبى وقف أصلا لما قالى انه بيحب واحده تانيه 
دانتى واقعه بقى طيب افرضى لا قدر الله إن كلامنا مجرد ظنون 
ربنا يستر وقتها هتضايق اع بس هرجع اكمل 
انتهوا من الحديث وذهبت ليالى لمنزلها وجلست مع والدتها تتحدث معها فى امور مختلفه واختاروا ما سوف ترتديه والدتها غدا 
ماما هى طنط ماقلتلكيش حاجه 
حاجة زى ايه 
هو بكره عيد ميلاد بس
انتى سوسه وعايزه توقعينى بالكلام بس انا مش هقولك ويلا روحى نامى عشان تقضى اليوم مع مهره بكره 
حديث والدتها اكد لها ظنونها 
فى اليوم التالى بدأت التحضيرات فى منزل مهره بشكل بسيط وحضر عدد قليل من الاقارب والأصدقاء كان الحفل بسيط وراقى ووضعت مهره لمسه مكياج خفيفه فى وجهها مما جعلها تبدوا كالعروس الراقيه 
بدأ العيد ميلاد ولم يحدث شيء مميز مما جعل الاحباط يتوغل لمهره والحزن بدأ يظهر 
قامت والدتها بجمع المدعويين خلف الطاولة الخاصة بالحلوى ووقف جابر بجانبها ومن الجهه الاخرى والده ووالدته 
يلا يا جماعه نهنى مهره بعيد ميلادها 
وقفت مهره فى الوسط وكادت ان تقطع الكعكه لكن اوقفها جابر 
يا جماعه انهارده يوم مميز ليا انا كمان لان مش بس بنحتفل بعيد ميلاد مهره لا وكمان خطوبتنا 
لا اراديا ابتسمت مهره وهى ناظره للكعكه امامها
وتحول الحزن والابتسامه المرسومه كمجامله للجميع إلى ضحكه من القلب وعيون مليئه بدموع الفرحه 
اقترب منها جابر وامسك يدها وبدأ يلبسها الشبكه 
طيب مش تسألنى عن رأيى مش يمكن ارفض 
وهو فى واحده بتفكر ترفض الضحكه فى وشها تبقى من الودن دى 
مغرور اوى اوى على فكره انا بس مرضتش احرجك قدام الناس وقبلت البسها 
يا شيخه طيب كملى جميلك عليا ولبسيتى دبلتى يلا 
انت جبتها امته دى 
امبارح من نفس المول اللى اشتريتى منه الفستان
قامت مهره بالباسه الدبله تحت نظرات الجميع وتصفيق حار من ليالى التى شعرت بسعادة من أجل صديقتها
انتهى الحفل وذهب الجميع وظل جابر جالس برفقه مهره يتحدثوا بخصوص ما تم بالحفل 
ممكن اعرف بقى اللى حصل ده ايه 
كنت عايز اعملك مفاجأة 
طيب ليه مقولتليش او حتى لمحتلى افرض انا مش بفكر فى ارتباط 
مهره انا بحبك من زمان وبعد طلاقك قررت ادى نفسى واديكى فرصه إننا نقرب من بعض وطبعا مكنش اقدر اعمل كده وانتى فى فتره العده ولما لقيتك كلمتى بابا عشان تشتغلى استغليت الفرصه وطلبت منه انك تنزلى معايا 
ماتنكريش أنى كانت اغلب تصرفاتى بتعبر عن إن فى مشاعر تجاهك وانا مش صغير يا مهره عشان مفهمش من نظرتك ليا إن جواكى مشاعر ليا 
ابتسمت مهره بخجل وظلوا يتحدثوا عن مشاعرهم
فى منزل ايهاب علم من بعض المعارف بخطوبة مهره وتأكد أن العوده اليها اصبحت مستحيلة 
ظل يبكى فى غرفته كالاطفال نادم على تفكيره 
حاولت امه مواساته