رواية ميرا وعيسى كاملة حتى الفصل الاخير بقلم حنين عبد الرحيم
المحتويات
لقلبي بعد ما تاه
بقيت انا وانتي حدوتة
بيحكوها البشر عنا
وعارفة اني ماليش غيرك مكان يتراح
ماليش في الدنيا دي غيرك دفا وبراح
في وقت الدنيا ما تعاند يا ايد بتشدني لقدام
وضهر عليه انا ساند بحبك حب مش بكلام
بحبك ايه كلام الحب لو يتقال هيظلم معنى احساسي
صحيح اني ساعات عصبي يجوز اوقات بكون قاسي
لكن عارفة اني ماليش غيرك مكان يتراح
ماليش في الدنيا دي غيرك دفا وبراح
يبان ضعفي قصاد زعلك
وشايفك ليا أهل وبيت
بكيت ع الماضي من قبلك
ومن الفرحة معاكي بكيت
فشكرا ياللي فهماني
وعارفة انا مين وعارفة انا ايه
بحبك ايوة والله
ومش عارف بحبك ليه
مهران طول ما هو بيسمع الاغنيه باصص في عيون ميرا وسرحان وكأن هو بيقولها كل كلمة وهكذا ميرا
فاق من شروده لما الاغنيه خلصت وميرا قالت له
ها ايه رايك
مهران ها حلوة حلوة الاغنية
ميرا تحب تشوفهم بقي الباند اللي بيغنوا الاغنية
انا بحبهم بجد اوي
مهران شوقتيني اشوفهم
بدأت ميرا توري لمهران الصور
ميرا دول قلوبي دا قلبي..وده قلبي التاني وده الحتة الشمال بقي بعشقهم بجد
مهران بعصبية ايه قلبي ده والحته الشمال
مش حلوين اساسا قال قلبي قال
انا داخل يا ميرو
للكاتبة حنين عبدالرحيم حنون
ميرا استني استني بس في ايه
مهران بعصبية بتسألي في ايه
عماله تقول لي ده قلبي ومش قلبي وكلام فارغ
ما فيش حد المفروض يبقى جوه قلبك غير . ..
وبعدين سكت.
ميرا بإبتسامة غير مين يا مهران
مهران بتوتر غير عيلتك علشان بتحبيهم يلا تصبحي على خير ودخل
ميرا وانت من اهله يا مهران حرام عليك قلبي مش مستحمل كل ده
والله شكلي بجد حبيتك يا باشمهندس مهران ...
انا عارفه قلبي معندهوش كرامة مهزق عادي يتوجع تاني
اعمل فيه ايه بقي
ايه ده ايه ده
انا بقول ايه
يعني انا فعلا
لا مستحيل
بس ايه اللي انا قلته ده دلوقتي
وميرا دخلت قاعده بتتنطط
وتقول يعني انا بحبه ايوه
وبعدين هديت وملامح وجهها تحولت من الفرحة إلى الحزن
بس لأ يا ميرا
انتي مش حمل غدر ثاني
كفايه وجع قلب لحد هنا
قلبك حب مهران ايوة الحقيقة حبه
بس هتدوسي عليه و بس
و اساسا انا بخمن من تصرفاته انه بيحبني
بس جايز يكون ما بيحبنيش اساسا
بلاش يا ميرا
تعلقي نفسك بحبال دايبه ثاني بلاش
و حطت جسمها على السرير وراحت في سابع نومه من التفكير
للكاتبة حنين عبدالرحيم حنون
على الجانب الآخر
في حد كمان قلبه وعقله مشغولين
في غرفة مهران
مهران بعصبية قال قلبي قال
ايه اللي هي بتقوله ده
بس هو انا مزعل نفسي ليه
انا بغير ولا ايه
وايه اللي انا كنت هاقوله ده
انا مش عارف كنت هاقول ايه بس
بس انا مش خابر انا ليه كدة
معقول أكون حبيتها
مفيش غير التفسير ده
ايوة يا مهران ما تكذبش على نفسك اكثر من كده انت حبيتها بس هي هتحبني مثلا ههههههه مخابرش .
مهران انت مش حمل وجع جلب تاني
افرض انها فعلا ما بتحبكش هتعيش في وقع فراق ثاني يا مهران
طب انا مش خابر اعمل ايه ضلوك
أتأكد اذا كانت بتحبني الاول او لا
لاني مش هقول لها ألا وانا واثق وشايف في عيناها الحب
أعمل ايه وطبعا مهران بيطلع كل كابته و تفكيره في الرسم نزل وقعد بدأ يرسم
وهو طول الوقت سرحان وبيفكر في ميرا لحد ما خلص الرسمة وشافها لقي نفسه رسم...
يتبعجاي يشوف نفسه رسم ايه لاقي نفسي رسم ميرا
مهران يوووووه بقى هو في أيه ميرا
ميرا في كل حاجه في حياتي
وبعدين طلع غرفته فرد جسمه على السرير
ونام من التفكير .
جاء الصباح
كالعاده ميرا صحيت اخذت شاور و لبست ونزلت على الفطار
ومهران نفس الكلام صحي اخذ شاور ولبس ونزل
نزلوا على الفطار وميرا بصت لمهران ومهران بص لها بعدين قاعدوا على الفطار .
والكل فطر وكلهم قاموا
وميرا طلعت على اوضتها وشويه لقيت باب الاوضه بيخبط
ميرا ايوه جايه ثانيه بس
ميرا راحت تفتح باب الاوضه لقت مهران
للكاتبة حنين عبدالرحيم حنون
ميرا مهران اتفضل ادخل
مهران دخل وهو ساكت
ميرا مالك في ايه
وكمان صح انت امبارح دخلت وانت متعصب ليه انا عملت حاجه ضايقتك يا مهران
مهران ودقات قلبه بدات تعلي لما سمع صوتها بتناديه
لا بس ما فيش حاجه انا جئت اديلك حاجه وبتمنى تقبليها .
ميرا في نفسها
يا ابني انت لو عطتني شوك هقبله يا قلب ميرا انت
وبعدين ردت احم اتفضل
طلع من خلف ظهره كيس وعطاه لميرا
ميرا ايه ده يا مهران
مهران احم افتحيه
ميرا فتحته ووجدته لبس صعيدي
ميرا لبس صعيدي
للكاتبة حنين عبدالرحيم حنون
مهران بصراحه نفسي اشوفك لابسه اللبس الصعيدي يعني عادي انا جبته لكي
ممكن تعتبريه تغيير للوك بتاعك
احم وهدية بما اننا بقينا اصدقاء
بس لو مش عايزه تلبسيه خلاص براحتك وعموما ده بقى بتاعك
وسابها ومشي
ميرا لبس صعيدي بس ماقدرش ارفض لك طلب يا عيون ميرو
ده كفاية حلاوه اسمي و انت بتقوله
اول حاجه تجيبيهالي يا استاذ مهران
مهران بعد ما خرج من عند ميرا طبعا راح على غرفته
يا ترى هتقبل تلبسه
لو قبلت تلبسه يبقي اكيد عندها شويه مشاعر تجاهي
لو لأ. يبقى انا مهمهاش اصلا
يعني هتلبسه ولا لا ...
بس انت يا مهران يا غبي ماستنتش ردها
انت مشيت حتى قبل ما هي تقول ولا كلمه...
ايه الغباء ده
بس مش عارف في ايه لما ابقى قدامها ما بعرفش بحس اني كلماتي بتتلخبط كده
وه مين اللي بيقول الكلام ده مهران عيشت و شوفتك متلخبط وحالك متشقلب يا سي مهران وبعدين ضحك
للكاتبة حنين عبدالرحيم حنون
المهم عدي بعض الوقت كده
لحد ما جاء وقت الغداء
والكل نزل على السفره
بس كانت ميرا لسه منزلتش
الجد ام فوزي صوتي على ميرا علشان تتغدى ويانا
ميرا انا هنا يا جدو
وفجأة كلوا وجه نظره لميرا لما الكل لقاها لابسة الزي الصعيدي
مهران فضل سرحان فيها وفي نفسه بيقول
يلهوي على الجمر ده. . طب البسك ايه طيب انتي في الصعيدي احلي كمان من العادي طب اجبلها نقاب دي ولا اعمل فيها ايه يا ربي
حسام مش مصدق بنتي ميرا وبالزي الصعيدي قوليلي اللي انا بحلم يا ام ميرا
ميرا نزلت و قعدت على السفره
حسام ايه التغير ده غريبه بنتي ميرا واللبس الصعيدي مع بعض انتي كويسه تعبانة طيب سخنة
ميرا ايه يا بابي في ايه
قولت اغير مش حلوه كده ولا ايه
حسام قمر
الجد كيف الجمر يا بنيتي
ميرا تسلموا لي يا رب
محمود ايه الجمدان ده يا ميرو لا انتي على طول بقى تلبسي صعيدي
ميرا بضحك لا والله يا اخي بطل مجامله
محمود مش مجامله المره دي حلوه
ميرا بإبتسامه تسلملي يا اللي رافع من معنوياتي انت
مهران سامع الكلام ده وهينفجر من الغيظ
ميرابتبص لمهران على اساس انها تاخذ رايه
لقيته عينيه مليانه عصبيه وغضب
ميرا في تفكيرها
يا ربي انا اعمل ايه للوحش ده
مش هو اللي جاب لي اللبس يعني ولا ايه
انا قلبي مهزق اساسا
بقى تسمعي كلامه...
ده من نظراته دي حاسة انه عايز يولع فيا اساسا
المهم خلصوا الغدا و قعدوا شويه وبعدين كل واحد راح على غرفته
ميرا اتصلت بمحمود حودة انت جايب اندومي
محمود اه جايب معاي هاجيلك نعملوا سوا تمام
ميرا تمام يلا مستنياك
محمود جاء لها ونزلوا هما الاثنين مع بعض عملوا الاندومي و بدأوا ياكلوا
ميرا يااااا والله يا حوده انت اعظم شخص في الكره الارضيه لأنك بتجبلي أندومي
محمود بضحك انتي انسانه مادية اوي
ميرا بضحك عادي ما انا عارفه
لا ما انت لازم تكون أعظم شخص مش اخويا برده يا برو
محمود بضحك يا لهوي على التواضع
ميرا بضحك والله يا ابني انت اجمل شخص بحب اقعد معاه
وجاه صوت من وراها بيقول
بتحبي تقعدي معي
بيلفوا لقوا مهران وهو متعصب
مهران محمود اطلع اوضتك
محمود احنا كنا بناكل اند
للكاتبة حنين عبدالرحيم حنون
مهران قاطعه وقال بعصبية محمود قولت اطلع جاعتك
محمود اتنفض من مكانه وطلع يجري على اوضته
.ميرا يا محمود يا واطي. يا واطي
جريت وسيبتيني والله لأوريك .
وبعدين وجهت نظرها لمهران اللي في كامل عصبيته
ميرا بخوف احم اهدي كده يا وحش
انا والله ما عملت حاجه
احنا كنا بناكل اندومي
علشان انا بحبه فهو جابهولي
مهران بيقرب منها كنتي قايلة بقي من شوية بتحبي مين
.
ميرا بخوف بس بتحاول تبين الشجاعة
بحب الاندومي
مهران بتحبي تقعدي مع محمود
ميرا بلعت ريقها اكيد مش صديقي زيه زيك
مهران بعصبية زيه زيي
ميرا بخوف ايوه. والنبي أهدأ ربنا يبارك لك في عضلاتك يا شيخ
ومهران بيقرب منها اكتر.
ميرا جاية تمشي مهران شدها من ايدها
ميرا دقات قلبها عليت جدا
وبعدين همس
ايه في ايه لكل ده دقات قلبك واصلة عندي لحد هنا خايفة ومتوترة من أيه
ميرا بلجلجة لأ. ه. و أنا هت ت...و ت..ر ليه لا هو انا هتوتر ليه
مهران ما هو باين بوصي بقي يا عيون مهران
بعد كده بلاش قعاد كثير مع اي شخص
حتى لو الشخص ده كان محمود
ميرا بس
مهران حط ايده على بوقها قبل تكمل
اششششششش. يريت تسمعي الكلام
ميرا حاضر.
مهران كده انتي تبقي شطوره
وخلاص هسيبك اهو انا بعدت عنك ...
بلاش التوتر ده يا ميرو
وبعدين مهران كان هيمشي
ميرا بتوتر في ايه
مهران بضحك متخافيش و متتوتريش كده
مش هقرب منك ثاني
بس كنت عايزه اقولك انك قمر اوي ودخلتي قلب مهران يا عيون مهران باللبس الصعيدي كان نفسي احطك هنا وشاور على قلبه جوه قلبي ومحدش يشوفك غيري
ومشي
ميرا فضلت واقفه مصدومة شويه وسرحانه وبعدين فاقت من شرودها
ايوه هو كان هنا صح
قال لي يا عيون مهران
ايوه هو
يا اخي تبا لك و لجمالك
هيغمي عليا مش قادرة
للكاتبة حنين عبدالرحيم حنون
المهم ميرا لمت الاطباق وطلعت اوضتها ولبست بيجامه ووقفت في البلكونه في ايديها القهوه .
فجأة فونها رن
ميرا ألو
. .
ميرا الحمد لله تمام حضرتك عامل ايه
. .
ميرا ليه
.
ميرا بس مش هينفع دلوقتي ارجع اسكندريه
.
ميرا بس.
. .
ميرا خلاص خلاص بكرة هبقى في اسكندريه
.
وقفلت الفون
لقت صوت من البلكونة اللي جنبها بلكونة مهران
نازلة اسكندرية ليه يا ميرا
ميرا عاا خضتني قولتلك اعمل اي صوت بعد كدة الاول اه راجعة إسكندرية لأن..
يتبعميرا لمت الاطباق ولبست البيجامة ووقفت في البلكونة
فجأة موبايلها رن
ميرا ألو
ألو يا ميرا عاملة إيه
ميراالحمد لله تمام حضرتك عامل إيه
الحمد لله بقولك لازم تنزلي إسكندرية يوم واحد بس
ميرا ليه بس يا مستر احمد
في خبر مهم جدا عايزك انتي بالذات اللي تغطيه معلش مش هينفع حد غيرك ده حاجة مهمة جدا وانتي اكتر واحدة بثق فيها
ميرا بس مش هينفع دلوقتي ارجع اسكندرية
معلش يا ميرا عارف اني هقطع اجازتك بس ده هو اقل من يوم شغل كمان وانتي هتخلصيه في وقت قليل جدا
للكاتبة حنين عبدالرحيم حنون
ميرا خلاص هاجي اسكندرية بكرة مش هغيب
تمام يا ميرا تسلميلي وسلميلي على والدك
ميرا حاضر ماشي وتحت امر حضرتك بكرة هبقي في اسكندرية
لقت صوت من البلكونة اللي جنبها بلكونة مهران
نازلة إسكندرية ليه يا ميرا
ميرا عا خضتني يا كابتن بصراحة اه نازلة إسكندرية مستر احمد صاحب الشغل قال ان في حدث مهم ومفيش غيري. اللي هيغطي الحدث ده
هنزل بسرعة بس وهرجع بسرعة
مهران ايه الرذالة دي ما في اكيد صحفيين كتير
ميرا بغرور مصطنع معلش بقي اصلي بلي فخر انا اشطر صحفية
مهران يالهوي على التواضع طب هتنزلي لوحدك هاجي معاكي لو حابة
ميرا لا لا مش محتاجة هو حدث هغطيه مشة هغيب
مهران لا مينفعش هاجي معاكي ونيجوا مع بعض
ميرا لا علشان خاطري علشان متعبكش
مهران تتعبيني ايه بس تعبك راحة
ميرا معلش وحياتي
مهران ما اقدرش بعد الكلمه دي خلاص بس ممكن رقمك وهفضل اكلمك علشان متمليش وكده
ميرا اكيد اتفضل
مهران تمام خلي بالك من نفسك هتمشي بكره الصبح
للكاتبة حنين عبدالرحيم حنون
ميرا ايوه بس الاول هروح اشوف بابا يا رب مايكونش نام علشان اقوله
مهران ان شاء الله يكون لسه صاحي يلا روحي
ميرا يلا تصبح على خير
مهران وانتي من اهله
مهران دخل بس حاسس قلبي مقبوض مش عارف ليه
بعدين فكر شويه ونام
وميرا راحت لوالدها حسام لقيته صاحي دخلت كلمته
بس يا بنتي اخاف عليك تسافري لوحدك خدي معاكي حد
ميرا يا بابي والله ما تخاف انت مش واثق في بنتك ولا ايه انا اساسا بالسواقة بتاعتي اشترك في سباق عربيات اساسا
حسام ما انا عارف انتي هتقولي لي طب خلي بالك من نفسك يا روحي
ميرا ماشي يا بابي ده هو نص يوم شغل بالكثير وراجعه
للكاتبة حنين عبدالرحيم حنون
المهم جاء الصباح
ميرا جهزت علشان تمشي والكل ودعها وبعدين مهران خرج معها لحد العربيه
مهران يعني هيكون فيها حاجه لو جئت معاكي مش مستريح...
ميرا ما تخافش انا كويسه والله وبعرف اسوق كويس كمان ومش هغيب يعني هوصل على ممكن اقول على حسب الطريق قبل بالليل اكيد هخلص الشغل واريح في بيتنا شوية
وهركب على الفجر واجي
مهران طب هسيبك لوحدك بس ممكن معلش علشان خاطري ومن غير مناقشات خذي معاكي السواق ده علشان متتعبيش معلش علشاني
ميرا ما اقدرش اتكلم خلاص ماشي يا ميمي
مهران ميمي
ميرا اه ده دلعك حبيته اخف من مهران بكثير...
مهران لا ده اسم مايع
ميرا لا هناديلك بيه يا ميمي
مهران بعصبية ميرا اركبي يلا اركبي توصلي بالسلامه يا عيون مهران
ميرا بخجل احم الله يسلمك سلام
للكاتبة حنين عبدالرحيم حنون
مهران سلام
ميرا ركبت و اخذت السواق زي ما مهران قال ومشيت
حسام بخاف اخليها تسافر لوحدها بخاف عليها اوي.
مهران ماتخافش يا عمي عاد
انا بعت معاها سواق غصبا عنيها.
حسام بجد يا ابني يا زين ما عملت يا مهران
مهران اهم شئ سلامتها يا عمي
حسام بص في عين مهران ولاحظ القلق والخوف عليها في عيونه
للكاتبة حنين عبدالرحيم حنون
بعد مرور بعض الوقت .
على الجانب الاخر
ميرا في طريق السفر كل شوية مهران او حسام يرنوا عليها
مهران ها بقيتي فين دلوقتي
ميرا خلاص اهو قربت اوصل اسكندريه مهران انت تعبان معايا اوي طول النهار عمال بترن عليا
مهران لو مش هتعب معاكي هتعب مع مين يا عيوني
ميرا في نفسها
يا عم بطل كلامك بقى حرام عليك خلاص قلبي حبك هيعمل ايه اكثر من هو يحبك
وبعدين ردت احم احم. يعني
مهران بضحك كان نفسي ابقى معاكي دلوقتي علشان اشوف خجلك وتوترك
ميرا احم. لا هتوتر من ايه. عموما ميرسي يا حبيبي تسلملي ده من ذوقك
مهران انتي قولتي ايه دلوقتي
ميرا ده من ذوقك
مهران لا لا اللي قبلها
ميرا تسلملي
مهران ايوة بقي اللي قبل تسلملي
ميرا ميرسي
مهران لا بقى اللي بين ميرسى وتسلملي
للكاتبة حنين عبدالرحيم حنون
ميرا بابتسامة مش فاهمه يا مهران بقى انا اساسا تعبانه من السفر ومش مركزه
مهران ماشي ماشي اعملي نفسك مش مركزه دلوقتي بس هخليكي بطريقتي لما ترجعي تفتكري الكلمه
ميرا ماشي سلام
مهران سلام
ميرا قفلت معاه و الابتسامه على وشها بسبب حبيبها وجنونه
صح صح متنسوش تتابعوني هنا البيدج الرسمية بتاعتي بلاش تبعتوا ادد
على الجانب الاخر
مهران لا مش قادر
انا لازم اقو لها خلاص بقى
واللي يحصل يحصل
اول ما تيجي هنا اشوف طريقه بقى واعترف لها
ياااااا...
قد ايه انا مستني اليوم ده
ميرا بابتسامة قد ايه يا مهران متشوقه اليوم اللي اقول لك فيه بحبك
بحبك يا عيون ميرا وروحها وقلبها
وبعدين نامت شويه وصحيت على صوت السواق...
السواق ست ميرا وصلنا
للكاتبة حنين عبدالرحيم حنون
ميرا قالت له انه يروح على مكان الحدث
لانها عارفاه ومعها ادواتها
خلصت شغل و كل حاجه
ورجعت بيتها و قعدت
ميرا يااااااا بيتنا وحشني اوي اوي
دخلت اخذت شاور وقعدت خلصت بقيت الشغل
وبعتته كله المستر احمد .
جايه تنام شويه لقيت موبايلها بيرن
الو يا بابي
حسام ايه يا روحي عامله ايه
ميرا والله كويسه الحمد لله انت ومهران كل ساعة ترنوا عليا
حسام نطمن عليك يا روحي
ميرا والله كويسه ما تخافش يا بابي انا هريح ساعتين كده واطلع من هنا على الفجر كده
حسام ماشي يا حبيبه قلبي تصبحي على خير
ميرا وحضرتك من اهله يا بابي
مهران ها يا عمي قالتلك ايه
حسام اهدي يا ابني قالت ان هي هتطلع بكرة علي الفجر كدة
وبعدين سابه ومشي.
وطبعا حسام ملاحظ تصرفات مهران
للكاتبة حنين عبدالرحيم حنون
ميرا نامت وصحيت بعد ساعتين بالظبط قامت وصلت وطبعا السواق مستنيها في العربية تحت
ولسه نازلة لقت حد بيخبط على الباب
ميرا ده اكيد السواق وميرا راحت فتحت الباب
لقت...
يتبعميرا لقت الباب بيخبط
ميرا ده اكيد السواق
وميرا راحت تفتح الباب لقت مازن.
تررارارا مفاجأة يا فوزي مش كدة
ميرا اتفاجأت انت مازن انت اللي جابك هنا دلوقتي
مازن انا عرفت انك كنتي مسافرة ورجعتي وبصراحة مستنتش اكلمك في وقت تاني لانك ماشية مش كدة.
ميرا انا بحبك
ميرا بكرهك
مازن ارجوكي متقوليش الكلمة دي لانها بتوجعني انا فعلا بحبك.
ميرا بس انا مبحبكش
مازن ميرا والله العظيم انا حبيتك بجد ومش طالب منك غير فرصة واحدة بس صدقيني هعوضك عن كل حاجة
للكاتبة حنين عبدالرحيم حنون
ميرا بعد اذنك انا اكتشفت بجد اني عمري ما حبيتك والدليل عادي انك كنت مجرد حاجة عدت في حياتي وانا دلوقتي عادية بس انا دلوقتي بحب الشخص الصح
الشخص اللي جمع قلبي بعد ما انت كسرته حتت
بحبه هو بس حبيبي مهران هو وبس
مازن بحزن يعني مفيش فايدة
ميرا انا اسفة يا مازن مفيش حد عاقل بيروح للجرح تاني برجليه
مازن بندم وحزن انا بحبك حبيتك بجد يا ميرا
علشان كدة اكيد هبقي عايزة اشوفك مبسوطة بتمني بس تسامحيني واللمعة اللي انا شايفها في عيونك بتقول انك حبيتي بجد ربنا يسعدك
بس عايزك تعرفي اني عمري ما حبيت ولا هحب حد غيرك
ميرا بعد ما شافت فعلا الندم في عيونه
انا مسمحاك خلاص يا مازن
مازن ربنا يسعد قلبك يا ميرو
بس عايزك تعرفي ان دايما ليكي صديق اسمه مازن لو عايزة اي حاجة وفي اي وقت تحت امر قلبي رقمي اللي انتي عملتيله بلوك تقدري تتصلي بيا في اي وقت ومتقوليش بقي هرذل عليه لأني على الاقل ممكن احاول اصلح حاجة من اللي عملته زمان
سو تقبلي نكون اصحاب واخوات
ميرا
اوكي ماشي اكيد طبعا
مازن بابتسامة اوكي انتي مسافرة دلوقتي
ميرا ايوة نازلة اهو
مازن طب تحبي اوصلك او حاجة وصدقيني مفيهاش تعب خالص
ميرا لا والله شكرا السواق والعربية تحت
مازن طب مفيش مشكلة انا هوصلك عادي وخلي السواق بالعربية ورانا
ميرا لا لا انا عادي هروح مع السواق شكرا
للكاتبة حنين عبدالرحيم حنون
مازن بابتسامة طب توصلي بالسلامة يريت معلش تكلميني بس تطمنيني انك وصلتي لاني هفضل مستني المكالمة علشان اطمن على صديقتي واختي
ميرا اوكي ماشي يلا هنزل دلوقتي
مازن يلا
وميرا نزلت ومازن كان معاها لحد ما ركبت العربية
مازن سلام
ميرا سلام
جماعة اكيد في ناس مش عاجبها ان ميرا تسامحه بالسهولة دي بس ميرا عرفت ان هي مكنتش بتحب فبالتالي قلبها مش شايل منه اوي هي بس زعلانة علي خداعه ليها ولما شافت الندم في عيونه قررت تسامحه
لان اوقات بيكون فعلا الشخص راجع ندمان لازم نحاول نعفو ونصفح و نسامح ده حتي ديننا اسمه الدين الإسلامي يعني جاي من السلام والهدوء
بلس كدة كمان
مازن واحد من الاشخاص اللي فهمت الحب صح
جماعة الحب مش تملك الحب تضحية
ميرا مشيت بالعربية وفجأة موبايلها رن لقت مهران
ميرا حبيبي ده مش بيرتاح ابدا
وبعدين ردت عليه وقالت الو يا ميمي
مهران ما بلاش ميمي دي بقي قولت بتعصبني
ميرا بضحك احم خلاص يا مهران ايه اللي مسهرك بقي لحد دلوقتي
مهران وانتي مالك اصل مش جايلي نوم
ميرا ليه بقي يا استاذ مهران مش جايلك نوم
مهران اصل بعيد عنك في حد شاغل تفكيري وقلبي ومش مرتاح خالص
ميرا بغيرة مين بقي ده يا مهران اللي مسهرك
مهران وانتي مالك مزعلة نفسك ليه هتبقي تعرفي المهم انتي دلوقتي ركبتي
ميرا اه لسه اهو.
مهران طب ماشي توصلي بالسلامة
وبعدين الطرفين فضلوا ساكتين.
وقطع صمتهم ميرا ايه يا ميمي روحت فين
مهران ميمي تاني
ميرا خلاص خلاص انا هسيبك تنام علشان متقولش عليا اني مش عايزك تنام ورذلة وكدة.
مهران في نفسه رذلة ايه بس انا لو اطول اكلمك كل دقيقة في يومي كنت عملت كدة وبعدين رد
لا انا هفضل كدة احكيلي عملتي ايه بقي في إسكندرية.
ميرا روحت للحدث وعملت كل حاجة ورجعت البيت غيرت وخلصت بقية شغلي وبعدين بعته لمستر احمد المدير بتاعي وبعدين طبعا بابي اتصل ونمت ساعتين وصحيت على الفجر لبست وبعد كدة قبل ما انزل
وبعدين ميرا سكتت
مهران في ايه سكتي ليه كملي ايه اللي حصل قبل ما تنزلي.
مبرا بكذب احم عادي خت اللاب بتاعي ونزلت
مهران خلي بالك بقي باين من صوتك انك بتكدبي جامد قولي يلا علشان خاطري كدة هقلق عليكي ايه اللي حصل
ميرا بتردد احم بصراحة لقيت الباب بيخبط وبعدين لقيت .
مهران بعصبية انطقي لقيتي ايه
ميرا بصراحة لقيت مازن جايلي
مهران بصوت جوهري وعصبية اكتر
وده ايه اللي جابه ان شاء الله اوعي يكون عاملك حاجة حاول يقرب منك قوليلي يا ميرا والله لاقتل الحيوان ده وامحيه من على وش الأرض
ميرا بخوف مهران اهدي هو بصراحة معملش حاجة هو جاي يعتذر مني بوص هو اللي حصل كالآتي
وحكت لمهران الحوار بينها وبين مازن كامل
بصراحة بقي هو معملش حاجة بالعكس ده جاي عايزني اسامحه
مهران بعصبية عاجبك يا اختي خلاص روحي له شكلك حنيتي لحبك مش كدة.
ميرا بعصبية هي كمان
حنيت ايه بس انا سامحته عادي لانك قولتلي انه ميستهلنيش علشان كدة هو ولا حاجة فوجوده من عدمه مش فارق فقولت اسامحه والمسامح كريم
وانت بتقولي حنيتي لحبه انت مجنون ازاي تقول كدة انا عمري ما حبيت حد بجد ولا حسيت بالامان الا معا
مهران كملي في حرف ناقص قولي بقي اللي هتقوليه كدة
ميرا بعدت ما هدات وادركت هي قالت ايه
ها لا ولا حاجة انت عارف والواحد متعصب مبيعرفش هو بيقول ايه معلش
مهران بخبث اهربي اهربي يا عيون مهران ولما تجيلي هعرف ازاي اخليكي تقولي كل اللي انا عايز اسمعه
ميرا بابتسامة مش هقول حاجة لان معنديش حاجة اقولها أساسا المهم روح بقي نام وكلمني اول ما تصحي.
ومتقولش لا معلش علشاني روح نام
مهران صدقيني انا مش عايز انام دلوقتي انا كويس اهو
ميرا معلش وحياتي عندك ممكن تنام شوية بس انت كدة كدة عارف ان الطريق قدامي لسه طويل
مهران ماشي علشان خاطرك خلي بالك من نفسك يا عيون مهران
ميرا اتكسفت شوية وبعدين ردت
ماشي حاضر سلام
مهران اوعي على الجميل المكسوف دلوقتي يلا سلام
ميرا قفلت
ميرا هو عرف ازاي ده وبعدين ضحكت
ورجعت راسها لورا ونامت وقت طويل جدا.
وصحيت على صوت الموبايل وهو بيرن
للكاتبة حنين عبدالرحيم حنون
ميرا الو ايه يا حودة
محمود ايه يا ميرو ها فينك
ميرا انا جاية اهو السواق بيقول فاضل زي ساعة ونص كدة ونوصل
محمود ماشي توصلي بالسلامة انا محضرلك اندومي علشان ناكل
لانك بتحبيه وانا اللي هعمله يا ستي
ميرا ماشي يا برو انا جاية بسرعة اهو علشان الاندومي
محمود بضحك ماشي يلا سلام.
ميرا سلام
ميرا اونكل حضرتك كويس باين عليك منمتش ولا ايه.
السواق لا منمتش يا ميرا هانم بس متخافيش انا واخد بالي من الطريق
ميرا مش مهم انزل وانا اسوق يا اونكل كدة كدة مش فاضل كتير
السواق لا لا انا زين يا ميرا هانم وبسوق اهو
ميرا متأكد
السواق ايوة
بعد مرور بعض الوقت
ميرا الو يا مهران
مهران ايه يا ميرا فينك كلنا مستنينك هنا على فكرة
ميرا خلاص كلها نص ساعة او ساعة اللي ربع بالكتير وابقي عندكوا.
مهران تمام طب اسألي السواق كدة انتوا فين بالظبط
ميرا حاضر هو احنا فين
السواق احنا في
ميرا السواق بيقول ان احنا في
مهران تمام ماشي يلا توصلي بالسلامة
ميرا الله يسلمك
مهران صح صح لو عايزة ممكن تكلميني باقي الطريق كدة كدة مش فاضل كتير
ميرا بضحك ما انا بكلمك اهو اونكل خلي بالك من الطريق خد باااااااالك عاااااااااااااااا خد باااااالك يا اونكل الحقني يا مهران عاااااااااااااااااااااا
وبعدين الخط قطع
مهران بخضة وبصوت هز البيت ميراااااااااااااااا ميرا ردي عليا..
يتبعمهران ميرااااااا ميرا ردي عليا
الكل جاء على صوت مهران
حسام في ايه مالها ميرا يا ابني
مهران ميرا كانت بتكلمني وفجأة صوتت والخط قطع ...انا هروحلها بسرعة كدة كدة هي كانت لسه قايلة لي المكان اللي هيا فيه
للكاتبة حنين عبدالرحيم حنون
الخبر وقع على العائلة كالصاعقة كله اتخض
حسام بخضة بنتي انا جاي معاك يلا بسرعة
وركبوا بسرعة العربية ووراهم حامد ومحمد ومحمود بالعربية
مهران بيسوق باقصي سرعة وقلبه دقاته خلاص هتقف مش قادر يتصور
مش قادر
وخايف يروحلها ومع ذلك بيسوق بأقصي سرعة علشان يشوفها
وقلبه مقبوض وخايف
كل اللي في باله هو حبيبته وبس
وبيدعي جواه كتير انعا تطلع بخير وكويسة
ومفيش حاجة حاصلة معاها.
ده غير والدها اللي كانت الدموع مغرقة وشه وبيدعي
وبعدين مهران وصل تقريبا للمكان اللي المفروض تكون فيه
وقلبه اتقبض جامد لما شاف العربية اللي المفروض كانت فيها مقلوبة
وفي حد جنب العربية وشايل ميرا على ايديه ورايح بيها على عربية
مهران طلع يجري عليه وضربه واخد ميرا من ايديه وشالها انت بتعمل ايه في ميرا انت مين
وبعدين جاه حسام من وراه مازن
مهران اتفاجئ ده مازن
مازن عمي مش وقت تفاجئ دلوقتي ميرا لازم تروح المستشفي وهحكي لكم انا ازاي وصلتلها وكل حاجة يلا يلا هاتوا السواق هو كمان بينزف يلا
مهران شال ميرا وحاطها في عربيته وقعد جنبها ومازن ساق وحسام قعد جنب السواق
للكاتبة حنين عبدالرحيم حنون
وحامد ومحمد خدوا السواق في عربيتهم ومشيوا وراهم
مهران بخضة ميرا حبيبتي قومي يلا ميرااااااا.
قومي يلا بطلي دلع مهران والدموع مليت عيناه
يلا يا ميرا قومي وبعدين مقدرش يمسك نفسه بعد ما شاف الدم على وشها والجروح اللي في ايديها ورجليها ودموعه نزلت. مش قادر اشوفك كدة يا عيوني قومي بقي يلا
ميرا فتحت عيناها ببطئ وبصوت مبحوح مهران
مهران مالية عيناه عيونه عيون مهران
حسام حبيبتي انتي كويسة
ميرا مهران انا ب وبعدين فقدت وعيها تاني
مهران بخضة وصراخ ميرااااااا قومي يلا ردي عليا
مازن بيسوق العربية باعلي سرعة وشاف مهران وقد ايه هو بيحب ميرا
متقلقش هتبقي كويسة انا متأكد متخافش
المهم وصلوا المستشفى ودخلوا ميرا اوضة العمليات
والجميع قدام غرفة العمليات
حسام بعياط بنتي اللي مليش غيرها لا مش قادر مش هقدر من غيرك يا روحي مش هقدر
مهران قرب منه وبيحاول يهديه
اهدي يا عمي ميرا مستحيل تسيبنا انا متاكد صدقني هي طيبة جدا واكيد ربنا هيخليها لينا
كل ده ومازن واقف هيموت من القلق على ميرا ومش مركز مع حد لحد ما حسام قرب منه ومسكه من لياقة قميصه وقال
انت ايه اللي جابك هنا واوعي يكون ليك علاقة بحادث ميرا انطق مش مكفيك اللي انت كنت عامله فيها
مازن بحرقة ودموع انت بتقول ايه بس يا اونكل انا والله ما اقدر حتي افكر آذيها انا بعشقها
والله العظيم
الكلمة دي اثارت غضب مهران وراح ضربه بوكس
امال ايه اللي وصلك ليها انطق هي كانت
مازن حكي لهم كل اللي حصل
مازن بدموع وبس وبعدين عرضت عليها اني اوصلها
رفضت فقررت اني الحقها بالعربية بس من بعيد واطمن عليها لحد ما توصل
وطبعا وانا ماشي وراها لقيت العربية بتاعتها
عملت حادثة
وحصل اللي حصل
وقعدت كتير عقبال ما عرفت
افتح باب العربية واخرجها وبعدين انتوا جيتوا وانا لسه كنت مخرجها وبس كدة
بس والله العظيم انا خايف عليها جامد كمان وعمري بس ما افكر مجرد تفكير اني ممكن آذيها
قاطعهم خروج الممرضة من اوضة العمليات الكل جري عليها بلهفة
ومهران جري عليها ها هي كويسة
الممرضة ايوة بس خسرت دم كتير علشان كدة محتاجين واحتمال كبير فصيلة الدم دي متبقاش موجودة عندنا
طب هي فصيلة دمها ايه
الممرضة O
مهران ومازن في صوت واحد انا فصيلة دمي O
وممكن اتبرعلها
وبعد كدة الممرضة قالت
احسن برضه علشان محتاجين دم كتير والافضل اتنين يتبرعوا لان لو واحد بس هيتبرع بالدم ده كله ممكن توصل لغيبوبة لانها كمية كبيرة
مهران خلاص خلاص بعد اذنك انا اللي هتبرع بس
مازن لا لا مينفعش انا كمان هتبرع معاك
مهران بعصبية قولت خلاص انا هتبرع
مازن بوص بقي هتبرع معاك لانك لو أتبرعت بكل كمية الدم دي لوحدك ممكن يحصلك حاجة وبعدين قرب منه وقال بصوت مفيش حد سمعه غير مهران
ولو حصلك حاجة ميرا هتنهار لانها قالتلي اد ايه هي بتحبك يا مهران
مهران الكلمة دي دخلت قلبه اخيرا محبوبته بجد بتحبه ولكن كان بيتمني انه يسمعها منه
طب يلا
وبدأوا الاتنين يتبرعوا بالدم وفعلا خلصوا وحسام دخل عليهم ومعاه عصير وكدة
حسام مش عارف اقولكم ايه بجد شكرا
انا ميرا دي حياتي اللي مقدرش اعيش ثانية واحدة بس من غيرها فانتوا يعتبر انقذتوا حياتي
مهران انت بتشكرني ليه يا عمي انا كنت بنقذ حياتي اساسا احم قصدي حياة حضرتك هي حياتي
مازن ربنا يسعدها يا رب و يقومها بالسلامه
انا غلطت في حقها زمان وعارف ده بس صدقني يا اونكل انا ندمان جامد وخلاص دلوقتي
كل حاجة اتصلحت
حسام خلاص يا ابني انا مصدقك ويلا اشربوا العصير ده وانا اطلع اقف معهم بره وخرج
مهران بجد شكرا يا مازن
مازن لا ما تشكرنيش ده واجبي وكمان ما تخافش انا هطمئن على ميرا بس وهمشي بس عايزك توعدني بحاجه من فضلك
مهران اتفضل
مازن عايزك توعدني انك عمرك ما هتزعل ميرا
وانك هتحميها وتحبها جامد ميرا قلبها طيب اوي
مهران متخافش دي في عيوني
وبعدين شربوا العصير وهما الاثنين خرجوا
اول ما خرجوا العايلة سألت علي مهران وبعدين الكل واقف مستني ميرا اللي هي في اوضة العمليات
ومهران واقف هيموت من القلق وحقيقي حابس دموعه بالعافية.
مش متخيل ان معشوقة قلبه يحصلها حاجة
لا مش قادر يتخيل حتي
قاعد يدعي ربنا يرجعلها لقلبه بالسلامة
ده غير كل العايلة اللي عمالة تدعي وقلقانين وصوت عياطهم عالي نوعا ما
لحد ما الدكتور خرج من اوضة العمليات فجأة الصمت حل علي المكان
وكله طلع يجري على الدكتور بلهفة محدش نطق كلمة بس عيونهم كلهم كانت بتسأل الدكتور
لحد ما الدكتور قال بصراحة
كنت هوقف الحلقة على كدة بس علشان تعرفوا بس اني بحبكم ومش عايزة اشوقكم واوعي اشوف حد كاتب تم او ملصقات هرجع اشوقكم تاني والله
الدكتور بصراحة الانسة ميرا الحمد لله كويسة بس لسه لما تقوم هنشوفها لانه جايز يبقي فيه اعراض جانبية او مضاعفات نتيجة للحادثة
مهران بخوف يعني يا دكتور هي كويسة
الدكتور اه هي الحمد لله كويسة بجد كانت خاسرة دم كتير بس الحمد لله انها عاشت و ان شاء الله ربنا يقومها بالسلامة بإذن الله
مهران طب نقدر ندخل نشوفها يا دكتور
الدكتور ..
يتبعمهران طب نقدر نشوفها امتي يا دكتور
الدكتور هي دلوقتي تحت تأثير البنج عموما مش هتفوق الا كمان شوية هننقلها لاوضة عادية
وتقدروا تشوفوها بس ياريت يعني في البدايه كده شخص واحد يدخل يشوفها
تمام هنقلها دلوقتي وربنا يقومها لكم بالسلامه ان شاء الله
حسام الحمد لله يا رب الحمد لله يا رب
ما كنتش هقدر اعيش من غيرها الحمد لله
حامد اهدا كده يا اخوي الحمد لله هي زينه
حسام الحمد لله يا اخوي الحمد لله
مهران الحمد لله هي كويسه يا عمي اهدي عاد
للكاتبة حنين عبدالرحيم حنون
وبعد مرور بعض الوقت
الممرضة احنا دلوقتي نقلناها لاوضه عاديه يقدر شخص واحد بس يدخل يشوفها لحد ما تفوق كده
مهران كان عايز يدخل يشوفها جامد قلبه كان عايز يشوفها قبل عينيه
حسام طلع يجري وكان لسه داخل يشوفها بس افتكر مهران
وقال ادخل انت يا مهران يا ولدي
مهران لا يا عمي انت قلقان اوي
حسام ما انت كمان قلقان يلا ادخل
مهران بصراحه ما تجادلش معاه كثير لانه فعلا
كان هيموت ويشوفها
وطلع يجري للاوضه
مسك المقبض وفتح الباب وقفل وراه
اول ما ادخل شافها وهي نائمه على السرير وجنبها الاجهزه وفجأه و غصبا عنه
قلبه مقدرش يستحمل ونزلت دمعة من عينه
مش قادر يشوف محببوته بالوضع ده
قرب منها ومسك ايديها وكان لسه هيبدأ يتكلم بس قلبه سبقه ومن غير اي مقدمات قال
بحبك يا ميرو
بحبك اوي
اكثر ما تتخيلي
انتي مش عارفه انا حاسس بايه دلوقتي قلبي مش قادر يستحمل شكلك وانتي تعبانه
ياريتني كنت مكانك يا ريتني كنت مكانك يا عيون مهران
وبعدين ضحك وسط دموعه وقال
ياريتك كنتي صاحيه دلوقتي كنت هتتوتري وتتكسفي لما قولت يا عيون مهران
يلا بقى يا روحي قومي
ارجوكي يا ميرا مأقدرش اشوفك كده
فتحي عيونك يلا يا قلب مهران وعيون مهران.
يلا بقى ما تتعبيش قلبي معاكي يا روح قلبي يلا
للكاتبة حنين عبدالرحيم حنون
وبعدين مسك ايديها اكثر ونام على ايديها وهو بيعيط
فجاه حس بصوابع ايدها بتتحرك و تمسح دموعه
ماصدقش نفسه وقام بلهفة وقال
حبيبتي انتي كويسه صح يا روحي انتي
علشان خاطري جاوبيني
ميرا بصوت مبحوح انا كويسه يا حبيبي
وبعدين رفعت ايديها حطيتها على خده وقالت
ما تخافش وبلاش دموع ارجوك انا عمري ما شفتك كده ولا عايزه اشوفك كده
مهران انتي روحي يا ميرا مش هقدر اعيش من غيرك. صح صح العيله كلها بره ما دام انتي فوقتي خلاص يقدر يدخلوا وهنادي الدكتور .
الكل دخل يطمئن على ميرا
محمود ايه يا ميرو قلقتني عليك
ميرا انا كويسه يا حوده ما تخافش يا برو
وبعدين مهران محمود معلش روح نادي الدكتور علشان يجي يشوفها
ميرا بعد ما شافت الكل لاحظت مازن
ميرا مازن انت هنا
مازن ايون يا ميرا
مش مهم تعرفي جئت هنا ازاي مهران يبقى يقولك اهم حاجه حمد لله على سلامتك
ميرا الله يسلمك يا مازن شكرا
حسام مش بس كده يا بنتي ده هو و مهران
اتبرعوا لكي بالدم لانك كنتي محتاجه دم كثير
ميرا بجد
وبعدين بصت لمهران باصة مليانه حب وقالت
شكرا
ووجهت نظرها لمازن شكرا يا مازن
للكاتبة حنين عبدالرحيم حنون
مازن لا لا كده زعلت احنا مش قولنا خلاص بقينا اصحاب يبقى مفيش شكر بينا وبعدين اكمل بمرح
يلا يا ستي عطيتك شويه من دمي كمان علشان تسامحيني
ميرا بابتسامة انا اساسا انا قولت لك مسامحاك ربنا يسعدك يا مازن وتلاقي الانسانه اللي تحبك
مازن ربنا يسعدك يا ميرو.
ويقومك بالسلامه
طب انا همشي بقى اهم حاجه اطمنت على ميرو ...
ولو احتجتي اي حاجة يا ميرو انا موجود
ميرا بابتسامة اكيد
وبعدين مازن مشي
ومحمود جاب الدكتور وجاه
الدكتور حمد لله على السلامه
ميرا الله يسلمك يا دكتور
الدكتور ها حاسه بإيه
ميرا كويسه شويه دوخه بس
الدكتور طب معلش لازم نعمل شويه حاجات كده نتاكد انك تمام خالص
والحادثه مش مقصره يعني بصي حرك يدك الاثنين كده
ميرا حركتهم
الدكتور تمام انتي فاكره كل حاجه مش كدة
ميرا اه تمام
كل ده مهران واقف متابع
الدكتور شايفه كويس و سامعه كويس ولا حاسة ان فيه اي مشكلة ولو بسيطة
ميرا لا تمام انا كويسة
الدكتور حركي رجليكي كدة طيب
ميرا جاية تحرك رجلها
ميرا ايه ده انا من بدري حاسة برضه بس قولت ممكن عادي يكون تشنج عادي وهيروح
الدكتور اهدي اهدي في ايه
ميرا وبتحاول تهدي مفيش مفيش هحرك رجلي اهو
مهران بقلق قرب منها حبيبتي حاسة بأيه
ميرا بدموع مش حاسه برجلي يا مهران
مش قادره أحركها خالص حتى .
مهران اهدي اششششش اهدي يا روحي حاولي تاني كدة بالراحة
للكاتبة حنين عبدالرحيم حنون
ميرا بدموع عاااااا مش عارفه اه
العيله كانت بره بس طبعا ما عدا مهران كلهم دخلوا لما سمعوا صوت ميرا
حسام في ايه
ميرا بدموع مش عارفه احرك رجلي يا بابا
مش حاسة بيها اساسا
عاااا مش عارفه خالص
حسام بدموع ازاي يعني يا ميرو حاولي
الدكتور اهدوا ممكن كلكم تخرجوا وانا هاشوفها و اقدر اقول لكم في ايه
حسام انجز يلا من فضلك بسرعه يا دكتور
الدكتور ارجوك يا استاذ اخرج بس علشان اعرف اشوف شغلي
الكل طلع الا مهران .
الدكتور من فضلك يا استاذ يلا .
بس ميرا ماسكه جامد في مهران ومش عايزه تسيبه وبدموع بتقول متسبنيش علشان خاطري
مهران بدموع محبوسة في عيناه
معلش يا دكتور انا هفضل ومش هعمل حاجه خالص
الدكتور بتنهيد ماشي
وبدا يكشف على ميرا وهي تعيط
مهران ها يا دكتور
الدكتور بصراحه هي حصل لها شلل
شهقات ميرا زادت ومهران اتصدم
مهران لا لا حضرتك بتهزر صح
وبعدين قال بعصبية اكشف عليها تاني
الدكتور اهدى يا استاذ من فضلك
ماتخافش ده اثر من اثار الحادثه
وكمان ده شلل مؤقت
بالعلاج والعلاج الطبيعي باذن الله هترجع وهتبقى كويسه ما تقلقش
وبعدين الدكتور خرج والكل جرى عليه وقال لهم بره كل حاجه .
الكل دخل يجري على ميرا اللي كانت ماسكه في مهران ومهران ماسكها جامد وعماله تعيط .
حسام اهدى يا حبيبتي الدكتور قال ان ده شلل مؤقت وهيروح
محمود اهدى يا ميرو مافيش حاجه صدقيني
الجد اهدى يا بنيتي ما تعمليش في روحك
متابعة القراءة
