رواية نورهان وحمزة كاملة إلى الفصل الاخير ترويض الاسد للكاتبة شيماء عبد الحكم
المحتويات
ماليش حد غيرك. .ولا عندى حد اروحله.
حمزه خاف يضعف من كلامها اللى نزل فى قلبه
بۏجع وقهر على حالها. هي فعلا ملهاش غيره.. .قام بسرعه دخل الحمام.
شروق بتساءل نورهان نزله وراك ياحمزه عشان تفطر. ولا اخلى صالحه تطلع لها بالفطار.
سلطانه بلؤم
لا ابعتيلها الفطار فوق ياشروق.
حمزه بعدم فهم هي فين ديه مش فوق. محدش فيكم شافها
مروان بقلق مراتك فين
حمزه پخوف معرفش انا فاكرها نزلت قبلي.
سلطانه كملت عليه. واستحلفتله انها لازم تخضه عليها لتكون سافرت مصر ولا اسكندريه لوحدها.
حمزه هنا عينه برقت واتنفض من مكانه. طلع يجري على الاوضه. فتح لقى شنطتها وهدومها زي مهما دخل اوضه ولاد مروان. ملقهاش. فتح اوضه عمار برضو ملقهاش نزل يجرى على تحت. وبقلق هاتكون راحت فين ديه
مروان خرج للحراسه بره يسألهم. الحراسه قالوا له محدش خرج من الفيلا. حمزه خرج لمروان يسأله
مروان بنرفزه انت عملتلها ايه تاني. لما طلعت. مش قولتلك ماتتكلمش تاني
حمزه بيمسح وشه بأديه وكله ڠضب. انا متكلمتش فى حاجه. .. شروق شكت فى سلطانه. اللى قعده بمنتهي الهدوء وبتفطر عادى ولا كأن فيه حاجه
شروق بشك سوسو انتى عارفه نورهان فين مش كده
حمزه بشك هي فين ياامي.
سلطانه هي مين ديه
حمزه مرراتى. نورهان فين
سلطانه ببرود انت اللى لازم تعرف مش انا.
حمزه دخل اوضه سلطانه لقي نورهان نايمه فى سابع نومه وشعرها مغطي وشها استند على الحائط واتنهد بأرتياح. وقفل الباب وخرج حمزه راح قعد معاهم
حمزه لسلطانه ليه مقولتليش من الاول انها نايمه عندك فى الاوضه خلتينى اطلع ادور عليها زي المچنون.
سلطانه بصتله بعتب عشان انت محسبتهاش كويس لو كنت حسبتها كنت عرفت ان مراتك ملهاش حد غيرنا تروحله لو كان ليها حد تلجأله من الاول ماكنتش جتلنا هنا تتحامي فينا. تتحامي فيك يا اسد وانا قولتهالك وهقولهالك تانى. نورهان امانه عندى وطالما انت مش هتاحفظ عليها سيبهالى انا هاعرف احافظ عليها. ..
مروان پغضب متزودهاش يا أسد بقا.
سيد وثابت نفذوا اتفاقهم مع بعض سيد باع كل اللى يقدر عليه بشكل سري وسريع وقدر يجمع فلوس كانت ليهم بره وبالاتفاق مع ثابت. قرر يدى رجاء وصفيه حقهم وطبعا عاصم بيه غرقان فى مشاكله مع ولاد الچارحي مش مركز. وساب البيت ومشي قاعد فى مكان لوحده. ..
سيد فى بيت صفيه ومعاهم رجاء. ..
سيد انا عارف ان ده اقل من حقكم بس ده اللى قدرت عليه دلوقتى باقي حقكم هيكون حصصكم فى الاراضي جزء منها هنعمل بيه مخالصه وهجبلكم العقود المحامي بيخلصها والجزء التانى فى ايد عاصم للاسف. بس هحاول معاه تاني وان شاء الله ارجعلكم باقي حقكم كامل.
صفيه بصراحه ياسيد انا خاېفه عليك من عاصم.
سيد ضحك بثقه عاصم اخويه ياعمتي ومستحيل يأذيني سيبك من كلامه اللي بيقوله وهو ڠضبان هو بس متضايق اني بكلمه وبواجهه بالحقيقه.
رجاء بغموض وابوك يا سيد عارف باللي انت عملته ولا هو كمان ما يعرفش.
سيد بحب عارف يا عمتي وبيقول لكم تسامحوه
رجاء طب وحق نورهان عملته فيه ايه
سيد هروح لها هي كمان عشان دول اكتر ناس اتظلموا وهي بالذات اتظلمت بسبب اللي عاصم عملوا فيها.
رجاء فيك الخير ياولدى ربنا يقدرك على فعل الخير ماجتش من ابوك. مع أن ده واجب عليه.
سيد بتأكيد لعلمك ياعمتى كل حاجه حصلت بعلم ابويه وبأمره. .وانا معملتش كده تحدى لعاصم انا بحاول اصلح مسار غلط ابويه مشي فيه من البدايه وربنا يقدرني واقدر ارجع لكل واحدة فيكم حقها كامل بس انا ليا رجاء عندكم اذا مقدرتش ارجع بقيت حقكم. سامحونى وسامحوا ابويا. .
صفيه پخوف متوقفش قدام عاصم ياسيد. واذا كان على باقي حقنا انا عن نفسي مسمحاك. ا ابتسم لها سيد وقبل يداها ويد رجاء معتذرا منهم على مافعله عاصم لهم واستئذن منهم وخرج
في فيلا الچارحي. ..وبعد ماعدا اسبوع اخر. وبكده يكون عدا على فرح عمار اسبوعين كاملين عمار وضحي رجعوا من شهر العسل. وكا اي عروسين. طايرين من الفرح والسعاده وقعدوا بعد الترحيب كلهم لم ينقصهم الا
نورهان اللى كانت طول الوقت قعده فى الغرفه اللى سلطانه خصصتهالها تجنبا لرؤيه حمزه هي عارفه انه زعلان منها اوى بس هي حاولت معاه كتير تصالحه بس الاسد مش بيتصالح بسهوله زعلت على كرامتها وقررت متحاولش تانى. لحد لما يروووق لوحده حمزه قاعد معاهم بيسمع حكايات عمار. ...بس عقله وتفكيره مع نورهان اللى بعدت عنه ومبقتش جنبه. رغم انها معاه فى نفس البيت بس مش بيشوفها.
عمار بتساءل اومال فين نورهان. من وقت ما جينا مشوفتهاش. ...حمزه بص للارض وسكت.
شروق اصلها نايمه انتوا عارفين بقا الحمل والوحم جيلها بالنوم.
ضحي بعفويه الفتره ديه مهمه جدا لازم ترتاح جسمنيا ونفسيا. عشان بيأثر جدا على الحامل وكفايه عليها تقلب هرموناتها
سلطانه بصت لحمزه بعتاب. ..
سلطانه خد عروستك ياعمار واطلع ارتاح وانزلوا على العشا. ...طلع عمار ومعاه ضحي
سلطانه بصت لحمزه بلوم ماكنتش اعرف انك قاسې كده ياحمزه ليه ياولدى ليه كل ده
حمزه پغضب مش قادر انسي اللى حصل نورهان كدبت عليا.
مروان بتأكيد لا يا أسد انت بتفكر نفسك بلي شوفته فى تسجيل الكاميرات ومحمل نورهان الذنب بس هي ملهاش ذنب
مكنتش عارفه انها هاتشوفه هناك غيرتك عمتك يااسد ومبقتش قادر تفرق بين الجاني والمجني عليه. ..
مروان حط حمزه قدام الحقيقه وحمزه الڠضب والغيره تملكوه هي فعلا ديه الحقيقه كل مايجى فى باله اللقطات اللي شافها بيفور جواه بركان ڠضب وتلقائيا بينصب على نورهان
شروق انت جيت عليها اوى ياحمزه وكسرتها.
حمزه بحزن تأكدى ياشروق انها كسرتنى الاول. لما خبت عليا.
مروان ياسيدى هي غلطت وحست بغلطها وجت اعتذرتلك اكتر من مره وحضرتك مش عايز حتى تبص فى وشها.
حمزه بغرور وهو اللى حصل ده هايعدى كده بأسف واعتذار.
شروق بأستفزاز يبقا هي عندها حق على فكره. .هي قالتلي انها حاسه انك اتسرعت فى جوازك منها. ويمكن تكون ندمت. وقالتلي كمان هتفضل رخيصه فى نظرك عشان امها اللى طلبت منك تتجوزها حمزه بيسمع كلام شروق. .وقلبه وجعه مش ديه الحقيقه ديه نورهان اللى من اول ماشافها انغرم بيها.
حمزه اتنهد بحزن وغمض عينه پألم ده كلام فاضي وانا مش عايز اسمعه.
مروان بعتاب وحزن شايف انت عملت ايه وخليتها تفكر ازاي. ..
شروق بأستفزاز اكبر فى حاجه كمان. هي قالتلي عليها وانا متردده بصراحه اقول ولا لاء. ..حمزه بص لشروق بأستفهام.
سلطانه متفقه مع شروق على الحوار ده بس عملت نفسها متفجأه
سلطانه بتمثل القلق قولي ياشروق قالتلك ايه.
شروق نورهان عايزه ترجع اسكندريه عند مامتها. ...شروق قالت كده وهي خاېفه من رد فعل الاسد ضد نورهان بس هي وسلطانه ألفوا الكدبه ديه عشان يصلحوا مابينهم.
حمزه ضحك بسخريه وملامحه احتدت پغضب تروح فين. ...طب تفكر كده تطلع من البيت من غير ماعلمى وتابع بسخريه.
الهانم فاكره نفسها متجوزه طرطور بقا.
مروان ما تلم الموضوع بقا ياأسد بدل الكلام ده كله.
حمزه قام پغضب وبينفخ دخل الأوضه عند نورهان. سلطانه ضحكت لشروق لنجاح الخطه
نورهان اتنهدت بحزن فى ايه انت بتدور على حاجه حمزه كان نفسه يقولها انه بيدور عليها. بس الكلام مش عايز يطلع منه. مستتقل الكلام. جدا.
نورهان استغربت حالته وقربت عليه بقلق مالك ياحمزه انت كويس حمزه مردش عليها هزت راسها اوضتك واياكى اللى حصل ده يتكرر تانى لاي سبب فاهمه
نورهان بدموع وحب حرمت يا أسد
حمزه بغرور بتقولي ايه مش سامع.
نورهان بحب بقولك عمرى ما هاخبي عنك اي حاجه تانى حمزه مسك ايد نورهان وخرج وكلهم لما شافوهم فرحوا جدا
مروان بحب اخيرا ده انت نشفت ريقنا معاك.
شروق بصت لنورهان بحب وغمزتها
.ونورهان ابتسمتلها.
نورهان بصت لحمزه بحب ماكنتش اعرف ان الاسد زعله وحش اوي كده.
حمزه بعتاب ابقى كرريها تاني بقا. .
نورهان خلاص حرمت عمرى ما هزعلك تانى ابدا.
مروان بأبتسامه شفت طيبتها واحده غيرها كانت خدت الموضوع اوى على كرمتها وسابتلك البيت كله ومشيت.
حمزه ما الهانم كانت بتفكر تعملها.
نورهان بعدم فهم بفكر اعمل ايه
حمزه مش كنتي بتفكرى تروحي اسكندريه عند مامتك.
نورهان بأستغراب لاء طبعا محصلش انا مقدرش ابعد عنك يا أسد.
حمزه بص لشروق بأستغراب شروق ارتبكت واتوترت. حمزه ضحك بسخريه يا ولاد اللازينه بتضحكوا عليا.
شروق بصتله وضحكت عديها يا أسد بقا.
سلطانه انا اللى قولتلها تقولك اكده ولا كان عجبك حالك زي اللى ميتله مېت.
نورهان بعدم فهم هو في ايه انا مش فاهمه اي حاجه. ..
نزل عمار وضحي وقعدوا مع بعض واتعشوا وبقوا يتكلموا ويهزروا وعمار فتح سيره عاصم. واللى حصل وعلى طول قفلوا على السيره والوقت كان لذيذ وعمار رجع يحكي عن مغامراته فى شهر العسل واتفرجوا على الصور. واتشاركوا مع بعض الاحاديث المختلفه.
فى فيلا ثابت
سيد بيبص لثابت بحب بعد ما اخد منه اوراق ورث نورهان
سيد اوعاك ټندم يابوى. اللى بتعمله ده هو عين العقل وكان لازم يحصل من زمان. كان لازم كل واحد ياخد حقه بعد ۏفاة جدى الله يرحمه.
ثابت بندم انا ندمت فعلا انى زمان كبرت عاصم عليك وخليته هو دراعي اليمين واديته اسرار كل حاجه وفى الاخر غدر بيا. وطعني فى ظهرى. .كان لازم انت اللى تبقا مكانه. .كنت فاكر ان الطيبه ضعف.
سيد الحمد لله يا بوي ان ربنا نورلك بصيرتك قبل فوات الاوان واديك اهو بتحاول تصلح الغلط. وتابع سيد. مش عيب يابوى ان الواحد يغلط لكن العيب
ثابت عندك حق ياولدى عندك حق روح لبنت عمك وسلملها حقها. وقولها تسامحنى ومتعوجش عليا ياسيد مش هاتعشي غير لما تاجي.....سيد باس ايد والده وخرج ومعاه حق نورهان متجها نحو فيلا الچارحي. ....
وسمعت عفاف
كل حاجه دارت بين سيد وثابت.
عفاف بخبث بقا كل ده يحصل وعاصم نايم فى العسل نوم طلعت سوسه ياسيد ومانتاش سهل كلت بعقل الراجل حلاوه وخدت منه فلوسه. وقال إيه رجعت لكل واحد حقه. ..فينك ياعاصم تيجي تشوف اللى بيحصل من ورا ضهرك. ..
في فيلا الچارحي كلهم قاعدين مع بعض بيتكلموا وبيضحكوا دخلت صالحه عليهم.
صالحه حمزه بيه
حمزه فى ايه ياصالحه
صالحه سيد بيه القاضي. عيزك
حمزه خليه يستني فى المضيفه وانا خارجله.
صالحه بس يابيه هو واقف قدام. الباب اهنا.
حمزه قام وقف فى مكانه مستغرب. ...مروان خليه يدخل ياصالحه. وشاور لستات البيت. ادخلوا انتو جوا دلوقتى.
وفضل حمزه ومروان وعمار دخل سيد بأحترامه وادبه وعينه اللى مش بتترفع من الارض.
سيد السلام عليكم ورحمه الله وبركاته. ..كلهم ردوا السلام
حمزه بترحيب اهلا وسهلا ياسيد بيه
سيد من غير بيه ياحمزه بيه.
حمزه اتفضل. ياسيد.. سيد قععد
سيد لعمار الف مبروك يادكتور عمار لو أنها متأخره
عمار بأبتسامه الله يبارك فيك
سيد بخجل في البدايه انا حابب اعتذر لكم عن اللي حصل من عاصم اخويا
حمزه سمع اسمه فورا ملامح الڠضب سيطرت عليه
مروان بجديه يا سيد انت كبير كفايه وعارف ان اللي اخوك عمله ده ما فيهوش اعتذار وحتى لو اعتذر هو بنفسه مش هنقبله برده مش هقول لك لو انت مكاننا كنت عملت ايه واللي احنا عملناه فيه ده اقل من اللي المفروض يحصل بكتير
و خسارته الكبيره دي برده ما شافتش غاليلنا منه خد بالك احنا ماسكين نفسنا عنه بالعافيه لو فكر بس مجرد تفكير انه يعترض طريق نورهان تاني اقسم لك بالله ساعتها بس ما حد هيقدر يخلصه من ايدينا.
سيد بتأكيد انا عارف ان عندكم حق في كل كلمه بتقولوها وانا ما عنديش رد على كلامكم ومش ده اللي انا جايه علشانه من الاساس
حمزه بص بأستغراب. سيد اتبسم. وطلع الدوسيه اللى فيه ورق ورث نورهان. وحطه قدامهم على الترابيزه.
حمزه لسه مستغرب وبتساءل ايه ده يا سيد.
سيد ده حق عمي ورث نورهان هي وامها واختها.
حمزه بأستغراب ليه واشمعني دلوقتى.
سيد بتسم هو ايه اللي ليه يا اسد حق وبيرجع لاصحابه دلوقتي ليه. ...يمكن ده وقته كان غلط من البدايه اللي ابويا عمله وانا ما كنتش موافق بس يمكن ابويا ما كانش مستوعب حجم الغلط اللي عمله غير لما عاصم اخويا وقف قدامه. ..انا مش هخبي عليكم ابويا اتغير كتير عن الاول وربنا جعلني اكون سبب من اسباب تغييره اختلافه الكبير مع عاصم اللي كان ابويا واثق فيه ومؤمنه
على كل حاجه وتذكيرى الدائم ليه ان اللي عمله ده غلط وخوفه من ربنا دلوقتي كان دافع قوي ان ابويا يرجع في قراره اللي كان غلط زي ما قلت.
مروان ديه خطوه كويسه
سيد بتردد وبأحراج ممكن اشوف بنت عمي يا حمزه بعد اذنك...
حمزه بس لمروان بتردد ومروان اشار لحمزه بالموافقه عن طريق هز راسه.
سيد تابع انا عارف انك متحفظ عن مقابلتها لينا بس ما تنساش ان نورهان في الاخر بنت عمي وتعتبر اختي الصغيره.
حمزه حاضر ياسيد وقام حمزه عشان ينده لنورهان. ..رجع حمزه وفى ايديه نورهان.
نورهان مساء الخير
سيد بص للارض ورد التحيه على نورهان حمزه قعد ونورهان جنبه وهو ماسك ايديها عشان يطمنها ويقل توترها.
سيد كيفك يا بنت عمى.
نورهان. الحمد لله ياأبيه اناكويسه. ..سيد مسك الدوسيه اداه لنورهان.
نورهان بعدم فهم ايه ده يا ابيه
سيد ده حقك انت ووالدتك واختك
نورهان ازاي يعني.
سيد بحزن انا عارف من الاول ان اللي حصل كان غلط وما كانش لازم يحصل لكن اديني فرصه اصلح الغلط ده
واخفف عن ابويا حسابه يكون في علمك ابويا هو اللي باعتني ليكي هو معترف انه غلطان واهو اديه بيحاول يصلح غلطه
نورهان ابتسمت بسخريه وتكلمت بحزن بس في حاجه تانيه حصلت غلط وما اعتقدش هيقدر يصلحها عمي كسرني يوم وفاه ابويا مش عشان اخذ مننا حقنا كسرني لما حسيت منه انه ما يقدرش يبقى سند لينا ما هو ما فيش سند يهدك ما فيش سند يحطمك مروان وعمار وحمزه كانوا بيسمعوا نورهان بتأثروحمزه حس قد ايه هو جه على نورهان وزودها معاها قوي شد على ايديها بحب.
وتابعت نورهان انا عشت عمري كله في حمى بابا وكنت مكتفيه بيه بس لما شفت عمي في المستشفى ما تخافيش انا معاكي انا ابوكى التاني لقيته كل اللي فارق معاه حق بابا ولما حصل اللي حصل في بيتكم كان عندي امل يحميني من شړ ابنه لكن بمنتهى البساطه فتح لي الباب وقال لي ارجعي من مكان ما جيتي قفل كل باب في وشي حتى باب الحمايه مش قادره اتخيل لو ما كانش حمزه موجود في الليله دي كان ممكن يكون حصل لي ايه.. انا اسفه يا ابيه مش عايزه الحق ده لو رجوع حقى ليا هيخليني اسامح والدك على اللي عمله فيا مش هقبل حقي يرجع.
سيد بحزن اقسم لك يا نورهان ان عمك اتغير كتير وزعلان من نفسه وكل همه انه ما يروحش من الدنيا وهو شايل ذنبكم
نورهان بجمود قوله يطمن مش هيروح من الدنيا غير لما هيدفع ثمن ظلمه لكل اللي ظلمهم......
سيد بخيبة امل كان عندي امل اصلح ولو جزء من اخطاء ابويا لكن يظهر ما حسبتهاش كويس بس عايزه اقول لك حاجه انا مش زعلان من كلامك انتى معاكي حق في كل كلمه قولتيها بس انا كان نفسي اقدر اصلح غلطه ابويا في حقك انتى بالذات لانك اتظلمتي مننا قوي.. سيد قام وقف استعداد لذهابه وتابع نورهان حقك هيفضل معايا في الحفظ والصون وقت ما تحبي هيرجعلك تانى. .
نورهان بهدوء ابيه سيد انا مقدره موقفك النبيل ده وما غيرتش رايي فيك من اول مره شفتك فيها فهمت انك تشبه بابا الله يرحمه في طيبته بتمنى ما تزعلش مني..
سيد بأبتسامه انا مش زعلان منك انا عارف انك لسه واخده على خاطرك واكيد هيجي اليوم اللي هتنسي فيه عشان الدنيا مش مستاهله احنا اللي بنصعبها على نفسنا رغم ان احنا ضيوف فيها حمزه انا مش هوصيك على بنت عمي خد بالك منها انا عارف انها في حماك ودخلتك وانت ماسك ايديها طمنتني عليها في الحقيقه انا اطمنت عليها من يوم جوازك بيها بس انهارده زادت طمئنينتى وسلم سيد على مروان وحمزه وعمار بكل حب وقال لنورهان
_ ما اعرفش هيبقى لي نصيب اشوفك تاني ولا لا بس عايزه اقول لك حقك امانه عندي واللي عندي مش هيروح حتى لو هدفع روحي ثمن اني احافظ لك عليه اشوفك على خير يا بنت عمي. ...
وخرج سيد تحت نظرات احترام واعجاب الموجودين...
بقلم شيماء عبدالحكم عثمان.
الفصل الخامس عشر من هنا
عفاف بارتباك انا انا. كنت بقول لك اللي بيحصل من ورا ظهرك بس وتابعت بجمود وبعدين انت هتضحك عليا ولا هتضحك على نفسك انت اللي غيرت من قرب سيد لابوك في الفتره الاخيره عشان ابوك سلم دماغه لسيد ولغى وجودك بعد ما كانت الكلمه كلمتك في البيت رغم انك الصغير وقلبك اللى معبي منه عشان جوز حبيبه القلب للاسد مش هاتعرف تضحك عليا بالكلمتين دول. ياسيد الرجاله مقولتليش
باعتلي ليه.
عاصم محتاج فلوس.
عفاف بأستغراب فلوس. فلوس ليه.
عاصم پغضب ما لكيش دخل فلوسي وانا حر فيها.
عفاف بنرفزه اومال مين اللي له دخل دي فلوسي وفلوسي عيالي ولا نسيت ان عندك ثلاث بنات مني...
عاصم ما نسيتش بس اللي انا طالبه ده ما يجيش اي حاجه من اللي تحت ايدك...
عفاف عايز كام يعنى.
عاصم ٢ مليون جنيه عفاف اتسعت عنيها پصدمه ووووو. ......يتبع
بقلم شيماء عبد الحكم عثمان
رواية ترويض الاسد الفصل السادس عشر 16 بقلم شيماء عبده
ترويض الاسد
البارت السادس عشر
عاصم منستش بس اللي بطلبه ده ميجيش حاجه من اللى تحت ايديك.
عفاف عايز كام يعنى.
عاصم ٢ مليون جنيه
عفاف پصدمه واتسعت عنيها ٢ مليون جنيه. مره واحده. ليه تكنش ناوى تهرب.
عاصم لاء ناوى اخد حقي من ابن الچارحي.
عفاف سيبنى افكر وارد عليك الزياره الجايه.
عاصم پغضب هاتفكرى فى ايه. ديه فلوسى انا هتفكرى تدينى منها ولا لاء. ...سكت عاصم بتفكير لمده كام ثانيه وبعدين تابع كلامه خلاص خلاص اعتبري نفسك مسمعتيش حاجه منى. وانا هبقا اشوف صرفه تانيه. وقام من مكانه ومشيى.
عاصم لما فكر. خاف عفاف تبلغ عنه. وتوقعوا فى مشكله جديده لأنه شاف فى عنيها الكره والشماته ولو بلغت عنه هتبقا افسدت على عاصم مخططاته. ..
فى فيلا الچارحي نورهان فى غرفتها بتذاكر. وحمزه جه قعد جنبها وكان جيبلها صنيه عليها كوب عصير وكيك
حمزه بهزار ايوه بقا شكلك ناويه تنفسينى. وتبقي معيده.
نورهان بأبتسامه مش لدرجه دي. وبصت للصنيه. ايه ده ياحمزه هو ده النسكافيه.
حمزه ممنوع ياروحي عشان خاطر هيتعبك. وغلط على نورهان الصغيره.
نورهان بسخريه نورهان الكبيره. محتاجه تركز يا أسد. الامتحانات قربت اوى وتابعت بقلق. والله انا مش عارفه هامتحن ازاي ياحمزه انا مړعوبه ياريتك كنت وافقت أجل السنه ديه.
حمزه ياحبيبتى فات الصعب كله وباقي اقل من شهر هتئجلي سنه بحالها عشان شهر وممكن متعرفيش تذاكرى برضو. وانتى معاكى بيبى.
نورهان انا شيله هم السفر اوى اديك شفت بنفسك اخر مره كنا فى مصر حصلي ايه وضحي محذراني انه ميتكررش تانى
حمزه متقلقيش ان شاء الله مش هيحصل حاجه هنسافر بالطياره اقل من ساعه ونبقا فى مصر.
ف
عمار پغضب ضحي ضحي اصحي عايز اتكلم معاكى.
ضحي بصوت نعسان ومتعب الصبح ياعمار مش قادره انا عيزه انام.
عمار بتصميم قومي فهمينى ايه ده. ..ضحي انتبهت لكلامه. فتحت نص عين شافت شريط الكبسول.
عمار پغضب ايه ده بيعمل ايه عندك فى الدولاب. .
ضحي اكيد انت عارف ده ايه وبيتاخد لأيه. .
عمار اه عارف بس برضو مش عارف بيعمل ايه عندك فى الدولاب
ضحي عمار احنا متفقين على فكره.
عمار متفقين اه بس متفق معاكي على حاجه معينه فا حضرتك متتصرفيش من دماغك.
ضحي المبدء
واحد طالما متفقين مفرقتش اتصرف من دماغي او اخد رائيك فى الاخر النتيجه واحد
عمار بصوت جهوري. وڠضب لا مش واحد انا اتفاقي معاكى واضح نأجل الحمل شويه بس متفاقتش مع حضرتك تبقي حامل وتجهضي نفسك من غير علمي.
عمار بعصبيه. صوت مرتفع ومسكها من دراعها پعنف انتى ازاي تبقي حامل وانا معرفش.
وتروحي تجهضى نفسك وبرضو انا معرفش هو انتى فاكره نفسك راجل البيت. بتاخدى قرارت مع نفسك فكرانى ايه اهبل. هاثق فيكى ازاي. بعد كده. فهمينى. ..
ضحي قامت من على السرير بتعب ياعمار افهمني انا مكنتش هقدر اوفق بين شغلي وبين الحمل.
عمار بنرفزه كل الستات بتحمل عادى وهي بتشتغل وهنروح بعيد ليه. نورهان اهيه. حامل ولسه بتدرس. وبتسافر عشان جامعتها والدنيا ماشيه. .
ضحي على اساس انت شايفها كويسه. انا اكتر واحده عارفه هي تعبانه ازاي ومتابعه حالتها. واكتر من مره حملها كان مهدد انه ينزل بس لولا ربنا ستر. ..وتابعت بهدوء ياعمار ياحبيبى انت مكبر الموضوع اوى اهدى عشان نعرف نتفاهم.
عمار پغضب التفاهم ده كان قبل ما تعملي عملتك السوده دلوقتي مافيش بينا تفاهم. .واخد تيشرت لبسه وخرج من الاوضه ورزع الباب وراه كان حمزه هو كمان نازل على تحت نورهان. كانت هتنزل لما شافت عمار خرج من غرفته راحت
لشروق وخبطت عليها ودخلتلها
نورهان تعالي ندخل عند ضحي صوتهم كان عالي اوى.
شروق بضيق سمعت وفهمت. ضحي غلطانه يانورهان متنكريش.
نورهان بحزن عارفه ياشروق. بس كل واحد أدرى بنفسه وبظروفه.
نزل عمار وهو بقمه غضبه وعصبيته. .دخل لمروان وحمزه المكتب عمار قاعد عمال ينفخ.
حمزه بص لمروان.
مروان اهدى ياعم الحمش وبعدين بتعلي صوتك وتقلقنا ليه. متراعي انه جنبك جيران. قلقت مزاجنا الله يقلق مزاجك.
حمزه ضحك خلاص يامروان بقا متحملهوش ذنبك. .وتابع مالك ياعمار بتتخانق ليه
عمار پغضب الهانم. بتتصرف من دماغها. بتاخد قرارات لوحدها وكأني مش موجود بتلغي وجودى
حمزه معظم الستات كده بتحب تاخد قرارات مع نفسها.
عمار مش لدرجه تبقا حامل وتنزل الحمل من غير علمي.
مروان وحمزه بصوا لبعض. پغضب.
مروان استغفر الله العظيم الصبر يارب.
حمزه بلوم انت كمان غلطان ياعمار طالما من البدايه اديتها مؤشر انك موافق. على تأجيل الحمل يبقا اتصرفت وكأنك موافق
عمار پغضب انا اتفاقي معاها كان واضح. تأجيل لفتره معينه. مش لما تبقا حامل تروح تجهض نفسها وكمان من غير علمي يعنى لا تعرفني انها حامل ولا تعرفني انها هاتجهض نفسها ديه مش شيفاني بقا.
مروان خلاص اهدى اللى حصل حصل هي اكيد فهمت غلطتها واكيد ندمانه. ...
مع شروق ونورهان فى غرفه ضحي
ضحي پتبكي ونورهان بتغمز فى شروق تخف عليها شويه
نورهان خلاص ياشروق بقا خليكى محضر خير
شروق اسكتي يابت انتى مش هرتاح غير لما اطلع كل اللى فى نفسي فى ناس عاقله تعمل عمايلكم ديه يعنى ايه تأجلي الخلفه ياهبله. ده رزق من عند ربنا ما انتى لو كنتي اتشحتفتي شويه كنت عرفتى قيمة اللى ربنا ادهولك ورفضتيه انتى عملتى زي اللى كسب جايزه كبيره اوى ورفض يستلمها تسقطي نفسك ياغبيه. انا مش قادره استوعب. .ضحي زادت بكاء. .وتابعت شروق. عيطي. عيطى كمان يمكن ربنا يسامحك على عملتك ديه
نورهان بسخريه شروق فى جلد الزات مبترحمش. انا غلطت انى دخلتلك عشان نيجي نواسيها ونهديها. .
شروق بحب انا بعتبركم اخواتي الصغيرين. وبنصحكم عشان بحبكم. .
نورهان بحب واحنا كمان بنحبك والله والحمد لله اننا بنعتبر بعض اخوات فعلا
شروق بصت لضحي قومي يابت ياهبله انتى اغسلي وشك وكفايه عياط بقا..وتابعت شروق بزمتك ياشيخه مش ندمانه على عملتك السودا ديه. ... نورهان وضحي ضحكوا
ضحي پبكاء ندمت والله وندمت اكتر. بعد كل اللى قولتيه. .
نورهان ان شاء الله ربنا يعوضك يا حبيبتى.
ضحي بتساءل تفتكروا عمار. ممكن يسامحنى بسهوله
نورهان لو زعله زي الاسد. يبقا هاتتعبي كتير
شروق بتأكيد ولاد عبد الواحد كلهم واحد يختي انتى وهي.
نورهان بعدم فهم تقصدي ايه ياشروق.
ضحي فهمت قصد شروق قصدها اني هاتعب. ..
عدا شهر كمان على ابطالنا. .نورهان بقت فى الشهر السابع وبقت تمتحن وهي جايبه اخرها من التعب وصعبانه على حمزه بس خلاص اخر ماده. وتخلص. .عمار لسه مخاصم ضحي حتي انه بينام. فى اوضه نورهان اللى كانت بتنام فيها وهي متخاصمه مع حمزه..وعاصم لسه بيتحاكم وثابت على وضعه. والبيت كله عرف بحمل احلام
فى شقه حمزه فى مصر.
حمزه رجع من الشركه لقي نورهان واقفه بتظبط شنطة سفرهم وكانت نزلت اشترت حاجات للبيبى وهتاخدهم معاها البلد. ..
حمزه مش قولتلك متعمليش حاجه ومتقوفيش على رجلك كتير مبتسمعيش الكلام ليه ياست هانم..
نورهان بزهق زهقت ياحمزه. قولت اقوم امشي رجلي شويه. ...
حمزه وفالاخر بتقولي انا تعبانه.
نورهان بدموع بص هقولك على حاجه النوم بيتعبني. والمشي بيتعبنى الوقوف بيتعبني والقعده بتتعبني وكل حاجه بتتعبني والله العظيم. ...
نورهان خلاص اللى حصل حصل وتابعت پبكاء. بس يارب بعد كله انجح.
حمزه بيهديها طب خلاص هو انتي كل كلمه تعيطى.
نورهان ديه هرمونات الحمل يا حبيبى
حمزه بتريقه ومناخيرك ديه برضو هرمونات.
نورهان بصت لنفسها فى المرايا. وبدموع شكلي بقا بشع مش كده انا عارفه.
حمزه بنفي لا والله انا بهزر انتى زي القمر وهتفضلي قمر على طول فى نظرى لو ايه اللى حصل.
نورهان بجد ياحمزه لسه عجباك.
حمزه طبعا ياروح حمزه عارفه انا بفكر فى ايه ان شاء الله بعد ما تولدى وتقومي بالسلامه هاخدك واسافر نعمل شهر عسل من اول وجديد. ..
نورهان طب والبيبى هنسيبها فين.
حمزه شروق. والحجه. و مټخافيش هجبلها ان شالله عشره بيبى سيتر ياخده بالهم منها
نورهان تؤتؤ. انا لايمكن
اسيب بنتى مع مربيات ابدا
حمزه اممم. طب هنشوف الموضوع ده بعدين.
تاني يوم فى الجامعه وكان اخر امتحان لنورهان. حمزه كان واقف مستنيها. ..حمزه ساند على عربيته وماسك فونه وفجأه سمع بنات كانوا بيتكلموا عن بنت حامل وتعبت اثناء الامتحان قام وقف بأعتدال وكان هايتجنن لسه هايدخل يسئل على نورهان شافها خارجه عليه وكانت بلبسها المتناسق ونظارتها الشمسيه اللى بلون الوردى. بمبى..وكانت فعلا زي الملاك. خطفت عين حمزه وكأنه بيشوفها لأول مره. ..ابتسم بحب وافتكر لما شافها اول مره فى نفس المكان ده لما خبطت فيه. نورهان بصتله بأستغراب.
حمزه بحب ولسه حاضنها خفت عليكي اوي.
نورهان خلاص ياحمزه احنا فى وسط الناس.
حمزه وايه يعني انتى مراتي ووحشتينى
نورهان حمزه حبيبى. مراتك فى البيت مش فى الشارع زمانهم صورونا مليون صوره هتنزل على كل جروبات الجامعه.
حمزه وقف وبحب فاكره يانورهان اول مره شوفتك فيها هنا
نورهان بأبتسامه اه طبعا فاكره كانت هنا فى نفس المكان لما خبطك وانا سرحانه ووقعتلك تليفونك الا قولي صحيح هو حصله ايه
حمزه بحب هو ايه التليفون ولا صاحب التليفون.
نورهان حطت ايديها على ذقن حمزه صاحب التليفون وعرفنه اللى حصله انما التليفون بقا فين
حمزه موجود. شيلته مع
دفتر رسوماتك والنوووت فكراها.
نورهان بحب وكسوف طبعا فكراها.
حمزه انتي لسه بتتكسفي مني بعد كل ده طب اشفطي بطنك ويلا ياحبيبتى.
نورهان يلا يادكتور اسد عشان انا جعانه فطرت ٣مرات ولسه جعانه.
حمزه ياماما. انتى هاتكلينى ولا ايه
نورهان اه انا حامل ومش باكل لوحدي على فكره. .
حمزه يلا واحنا طالعين على المطار هناكل اي حاجه
نورهان بأصرار لا. انا لايمكن اسافر بالطياره تاني انا كنت بمۏت ضغطي ارتفع وكنت حاسه روحي بتطلع. مستحيل
حمزه ياحبيبى كده اريحلك كلها ساعه تناميها تصحي تلاقي نفسك فى البيت. ..احسن ماتقعدى كام ساعه فى العربيه وتتعبي اسمعي الكلام.
نورهان بتصميم ممكن تسمعي كلامي انت بقا المره ديه. وتسيبنى على راحتي.
حمزه بحب انا خاېف عليكى انتي عشان ممتعابيش.
نورهان لا ان شاء الله مش هاتعب انا حاسه نفسي كويسه انهارده.
فى العربيه مع حمزه ونورهان كانوا خلاص فاضل ساعه ويدخلوا البلد. ..نورهان كانت نايمه وصحيت بتعب
نورهان حمزه فاضل كتير
حمزه لاء ياحبيبتى خلاص قربنا نوصل حمزه بيبصلها شيفها تعبانه وهي مش بتشتكي نورهان انتي تعبانه
نورهان بصتله وسكتت خاېفه تتكلم.
حمزه پخوف انا كنت عارف انك هاتتعبي
نورهان بتحاول تقلل خوفه وبتهاديه لاء لاء متعبتش انا كويسه وفجأه بتئن من الۏجع وبتغمض عينيها من الۏجع ومش قادره تبوح لحمزه. ...حمزه شايفها پتتوجع وبتأن من الۏجع وكاتمه مش عارف يعمل ايه
حمزه بقلق نورهان طمنيني من فضلك. .
نورهان مش بترد وخلاص مش قادره تستحمل. .وفجأه شاف ميه كتير مغرقه بنطالون نورهان. بصلها بقلق وهي بصتله بدموع.
حمزه بعدم فهم ده معناه ايه.
حمزه پخوف مټخافيش هوديكى اقرب مستشفي وبتوتر كلمي ضحي. .نورهان مش قادره حمزه كلم عمار بسرعه يسأله يعمل ايه عمار جري على ضحي. اللى كانت قاعده فى اوضتها. .عمار دخل بلهفه. ضحي شافته اتخضت.
ضحي بقلق فى ايه عمار پخوف حمزه اتصل يسألك على حاجه انزلي ورايا بسرعه
حمزه پخوف ضحي
ضحي معاك ياحمزه اتفضل
حمزه فى ميه كتير ڠرقت نورهان وهي تعبانه اوي
ضحي نورهان انتي سمعانى
نورهان پبكاء سمعاكي ياضحي
ضحي الميه ديه نزلت من امتي
نورهان بتعب معرفش بس مش من كتير
ضحي نورهان غير الميه. حاسه بأيه تاني
نورهان مغص شديد اسفل بطنى وخبط فى ضهرى. ومش قادره ابقا قعده وعندى احساس شديد بالتقيء
ضحي حطت ايديها على بقها وبتردد نورهان. ديه ولاده ياحبيبتى.
نورهان خاڤت وازدادت بكاء حمزه مسك ايديها وهو كمان خاف
ضحي
نورهان اهدى متقلقيش تمام اهم حاجه حااسه بحركه البيبى كويس.
نورهان ايوه ياضحي حاسه بيها.
ضحي بأبتسامه اطمني ان شاء الله هتكونوا بخير. ...وعشان تزيل القلق والخۏف جهزي نفسك عشان هتشوفي نور الصغيره وتابعت حمزه انت قدامك اد ايه
حمزه بقلق تقريبا اقل من ساعه
ضحي حمزه سوق بسرعه. هستناك فى المستشفي.
وهجهز كل حاجه على ماتيجي.
شروق بدموع ضحي نورهان هتبقا كويسه مش كده.
ضحي يارب ياشروق يارب. انا هطلع اكلم المستشفى على مااجهز.
سلطانه انا كمان هاجي معاكم.
مروان طب يلا اجهزوا. كلكم. واتحركوا كلهم على المستشفي.
مره تانيه مع حمزه فى العربيه حمزه بيبص لنورهان پخوف وقلق مټخافيش هاتبقي كويسه
نورهان بدموع بنتي ياحمزه انا خاېفه عليها اوي
حمزه بطمأنينه متقلقيش ان شاء الله انتو الاتنين هتبقوا كويسين. ..
حمزه عمال بيدعي ربنا يوصل بقا. الطريق ليه طويل مش بيخلص. ..نورهان التعب والۏجع بيزيد عليها. ..وحصل اللى كان غير متوقع. حركه البيبى قلت وكمان بقا فيه ډم. .. اصبحت نورهان والبيبى فى خطړ اخيرا وصلوا المستشفى وكانت نورهان خلاص فقدت كل طاقتها...
مروان وعمار كانوا اول اللي في استقبالهم مروان فتح باب نورهان وكان عايز يشيلها نزل حمزه بسرعه البرق وشالها هو وساب ابواب عربيته مفتوحه دخل بيها يجري كان الممرضين جايين بالنقاله. .
حمزه بقلق وخوف عمار انا عايز ادخل معاها
عمار تعالي هنحاول
شروق شافتها كده اڼهارت من العياط. نورهان ماسكه ايد حمزه وضاغطه عليها. .قدام غرفه العمليات الدكاتره بيمنعوا حمزه..
. نورهان بدموع ما تسيبنيش يا حمزه انا خاېفه قوي..
حمزه بتصميم هدخل واللي يحصل يحصل.
ضحى للممرضين جهزوه من فضلكم..
دخلت ضحى وعمار وحمزه مع نورهان الدكاتره قرروا اعطاء نورهان بنج نصفي لبطء نبضها وكثره الډماء اللي نزفتها نورهان ماسكه ايد حمزه باحكام وهو كمان ماسك ايديها باحكام شديد بس مودي وشه الناحيه التانيه.
نورهان بتعب حمزه انت مش باصص لي ليه
حمزه بص لنورهان وعينه مليانه دموع انا هنا معاكي يا حبيبتي
نورهان ابتسمت بحب ما تسيبش ايدي يا اسد مش مطمنه غير وانت جنبي..
حمزه بحب انا معاكي اهو شدي حيلك انتى.
نورهان بدموع بحبك يااسد. لو جرالي حاجه. ..حمزه بسرعه قطع كلامها
حمزه هشششششششش. ما تكمليش ارجوكي دخلنا اثنين وهنطلع ثلاثه ان شاء الله
نورهان بقلق هي ساكته ليه يا عمار. ..حمزه البنت مش بټعيط ليه. حمزه بص عمار. ..وبسرعه شديده سلمها لدكتور الاطفال. ودكتور الاطفال قام بفحصها. ..نورهان لسه بټعيط وقلقانه حمزه بنتي فيها ايه بنتي مالها.
ضحى اهدي يا نورهان بنتك كويسه
حمزه بيبص لعمار وهو كمان القلق تملكه. ..وفجاه صړاخ الصغيره هز اركان غرفه العمليات تنفسوا الصعداء نورهان تنهدت براحه وطلبت منهم. ممكن تجبيبوهالي. تاني
للمره التانيه عمار جبها لنورهان. ..نورهان اشتمت رائحه صغيرتها بشده وحب. .وبدئت عنيها تغرب
عمار لاحظ نورهان. خد البنت بسرعه.
عمار بهلع وصوت عالي نورهان فتحي عيونك نورهان لاء خليكى هنا.
حمزه بصلها وضغط على ايديها بشده.
حمزه پبكاء متسبينيش يانورهان خليكى معايا. نورهان الصغيره عيزاكى وانا مقدرش اعيش من غيرك. .نورى حبيبتى يانور عشان خاطرى خليكي معايا. ...وغمضت نورهان عنيها وهي متمسكه بأيد الاسد
حمزه بصوت جهورى وصړاخ نورهااااااان. نورهاااااان. .........يتبع
بقلم شيماء عبد الحكم عثمان
الفصل السابع عشر من هنا
الفصل السابع عشربقلم شيماء عبد الحكم عثمان
حمزه پبكاء متسبينيش يانورهان خليكى معايا. نورهان الصغيره عيزاكى وانا مقدرش اعيش من غيرك. .نورى حبيبتى يانور
ن خاطرى خليكي معايا. ...وغمضت نورهان عنيها وهي متمسكه بأيد الاسد
حمزه بصوت جهورى وصړاخ نورهااااااان. نورهاااااان. .ردي عليا. نورهااان. .. عمار شده بالقوه طلعه بره غرفه العمليات
شافوا. كلا من مروان وشروق وسلطانه قربوا عليه. مش فاهمين بيحصل ايه حمزه بيبكى.......بيبكى بشده. مروان اول مره يشوفه بالحاله ديه. مروان قرب من حمزه وعمار.
مروان پخوف فى ايه ياعمار.
عمار بحزن ودموع نورهان دخلت فى غيبوبه. مروان غمض عينه بۏجع وشد حمزه له وحمزه فضل يبكى زي العيل الصغير. ....سلطانه اختل توازنها. شروق صړخت عمار جرى سند والدته وقعدها
بعد مرور اسبوع نورهان الكبيره فى العنايه المركزه والصغيره فى الحضانه وحمزه مش بيسيب المستشفي خالص من غرفه الحضانه للعنايه المركزه عيونه دبلت والحزن احتل ملامحه. دقنه زادت عن معدلها الطبيعى. ....
حمزه واقف خلف الزجاج ينظر لصغيرته ومروان بجانبه يربت على كتفه
مروان اطمن يا اسد ان شاء الله هيبقوا كويسين نورهان هتفوق وهيرجعوا ينوروا البيت تاني ان شاء الله هترجعوا ثلاثه
حمزه بحزن نورهان لو جرى لها حاجه مش هسامح نفسي ابدا قالت لي اكتر من مره تاجل الامتحان انا اللي رفضت.
مروان ياحبيبى ده مقدر ومكتوب.
حمزه لا انا كنت اناني بفكر في نفسي كنت عايزها تخلص بسرعه عشان تفضالي كنت بتضايق لما بشوفها قاعده مشغوله جت على نفسها عشان بتحبني. خاڤت تصمم على رايها عشان ما ازعلش منها. .جت على صحتها وراحتها عشاني شفت انا طلعت اناني ازاي..
مروان ان شاء الله هتخف وهتبقى كويسه.
عمار جالهم بسعاده حمزه دكتور الاطفال بلغني ان نورهان الصغيره بقت كويسه وممكن تخرج من الحضانه..
حمزه كأنه مسمعش حاجه
.مروان بفرح سمعت ياحمزه
حمزه بحزن هتطلع لمين وامها مش موجوده ومش حاسه بيها. عمار سرح في كلام حمزه وسابه وجري راح لضحى والدكتور المتابع لحاله نورهان عرض عليهم فكره ان ياخدوا الطفله لنورهان تشم ريحتها تنام على صدرها والطفله تحس بريحه امها تسمع دقات قلبها الدكتور استقبل الفكره بصدر رحب في نفس اليوم بالليل كان حمزه قاعد عند غرفه نورهان وشاف عمار شايل الصغيره وبيديها لحمزه وشرح له الفكره
ودخلت ضحى مع حمزه لنورهان وضحى كشفت صدر نورهان ووضعت الطفل عليها وحمزه ماسك ايد نورهان والدموع بتتساقط من عيونه وهو بيراقب الموقف الطفله بقت تطلع اصوات وكانها بتسمع صوتها لنورهان ضحى كمان بتشوف الموقف وهي بټعيط.
حمزه دموعه مستمره في التساقط ونزلت دمعه على عين نورهان استجابت نورهان وحست بدموع حبيبها الاسد. وأدت رد فعل بإشاره من عينيها. شافها حمزه واتاكد ان نورهان حبيبته هتعود لوعيها. ..فرح جدا وفضل يضحك ويبكي بصوت عالي في نفس الوقت ضحى كمان كانت عماله بټعيط من كتر الفرحه..
استمر هذا الوضع ثلاثه ايام كمان وكل يوم عن اللي قبله كانت نورهان بتدي رد فعل اكثر من اللي قبله في اليوم الثالث حمزه ومروان وشروق وعمار كلهم كانوا عند الطفله عنده غرفه الحضانه....
في غرفه نورهان دخلت
الممرضه تتفقد وضع نورهان الصحي خرجت بسرعه البرق وفي لحظه كانت الدكاتره ملت الغرفه عند نورهان
في نفس الوقت كان حمزه ومروان وشروق وعمار راجعين من عند الحضانه متجهين نحو غرفه نورهان..
وفجاه حمزه شاف كم الدكاتره الموجودين في غرفه نورهان وقف مكانه من الصدمه والخۏف خاصتا ان الدكاتره واقفين ونورهان مش باينه من وسطهم لفت ضحى لقت الجمع بره خرجت بسرعه نحوهم حمزه بيغمض عينه من الخۏف انه يسمع خبر سيء.
ضحى قربت عليهم والدموع في عينيها حمزه شافها كده خاف اكتر بصتله بفرحه.
ضحي بدموع الفرح حمزه نورهان فاقت يا اسد نورهان رجعتلك يا حمزه. رجعت يا اسد. .حمزه مش مستوعب سمع ايه بص لهم كلهم پصدمه. والبكاء سيطر عليه...
مروان بلهفه ودموع سمعت يااسد نورهان فاقت. مبروك ياحبيبى. ....
عمار و ضحي بلهفه وبصوا لبعض بعتاب وحب. وكانت نورهان وازمتها سبب في رجوع عمار وضحي لبعض
عمار ربت على كتف حمزه جري حمزه على غرفه نورهان
وكانت الدكاتره خلصوا فحصها وخرجوا من الغرفه.
حمزه جري لحبيبته وبكى بشده وسند جبينه على جبينها وقالها بحب. سمعينى صوتك. ساكته ليه. قولي اي حاجه نورهان انتى سمعاني
نورهان بحب وتعب سمعاك ياحبيبى
حمزه اتنهد بحب وحزن يااااااااه. .يااااااااه وحشني صووتك اووي. .حمزه محسش بنفسه ولا بحد والكل كان بيراقب الموقف بتأثر ودموع من لهفة حمزه على نورهان
عمار بسخريه ماخلاص ياأسد بقا ابعد عنها سيب البت تتنفس انت كده هتموتها بأيديك. .
حمزه انتبه انه مش لوحده بصلهم وبأبتسم ومسح دموعه. ..شروق جريت على صديقتها بدموع مروان كمان نورهان بحب. وبدموع قالها خوفتينا عليكى يانورهان. ..انتي موتينا من الړعب حمدلله على سلامتك
نورهان ابتسمتله بحب والدموع ملت عنييها الله يسلمك يا أبيه.
عمار بصي بق انا بقالي 10 ايام هنا مع جناب سعادتك ما بروحش البيت خالص ولا انا ولا ضحى..
ضحي بدموع ولا يهمك كله يهون علشان خاطرك المهم انك رجعتلنا بالسلامه..
نورهان بنتباه ياه هو انا بقى لي 10 ايام نايمه انا تعبتكم كلكم معايا. ..انا اسفه سامحوني..وتابعت بلهفه
مروان اطمني بنتك زي الفل وتابع اسد متنساش تطمن الحجه. ..
حمزه طلع فونه واتصل على والدته وفتح مكبر الصوت
سلطانه بلهفه طمني ياحمزه.
نورهان بتعب اطمني ياسوسو انا الحمدلله بقيت كويسه اهو
سلطانه بفرح ودموع نورهان انتي نورهان صح الحمد لله يارب الحمدلله. كنت بدعيلك فى كل صلاه. والحمد لله يابنتي انك قومتي
متابعة القراءة
