رواية منعطف خطر الفصل الخامس والثلاثون 35 والفصل السادس والثلاثون 36 ياسمين وخالد للكاتبة ملك ابراهيم
استناش. قرب منها بسرعة.. مد إيده وخد منها الشنطة من غير ما ينطق بكلمة. ملامحه كانت حاسمة.. وحركته فيها حنية مكبوتة. مسك إيدها بخفة وسحبها وراه.. وهو بيحاول يخرجها من المكان اللي بقى كله توتر وانهيار. خرجوا سوا بسرعة.. وسابوا وراهم بيت الشرقاوي مليان وجع وصدامات ما خلصتش.
فتح خالد باب العربية لياسمين بصمت.
نظراته كانت جامدة.. ملامحه مشدودة.. والزعل باين في كل حركة. هو مش بس متضايق.. هو موجوع من تصرفها. كسرت كلمته.. عرضت نفسها للخطر.. وجت بيت جدها رغم كل التحذيرات.
ركب جنبها وسحب الباب بقوة.. وساد بينهم صمت تقيل.. بيقطع القلب.
ياسمين بصت له.. عينيها كانت مليانة إحساس بالذنب.. كانت عارفة إن جواه
قالت بهدوء.. صوتها شبه هامس
كنت عارفة إنك هتيجي تاخدني على فكرة
وعشان كده جيت.. كان لازم الموضوع ده يتقفل.. عشان محدش يتأذى بسببي تاني.
كلامها ما ريحهوش.. بالعكس.. زاد النار جواه.
قال بعصبية نارية وهو بيبص قدامه
مين اللي طلب منك تيجي هنا مش أنا قولتلك هنرجع زينة
فاهمة عملتي إيه
لما كلمتي الزفت اللي اسمه يحيى.. وخلتيه ييجي هنا يساومك
في نفس اللحظة.. كنا بنقتحم المكان اللي زينة كانت مخطوفة فيه.
كان هيتقبض عليه متلبس
لكن دلوقتي
دلوقتي يقدر يثبت إنه ماكنش هناك.. وإنه ملوش علاقة بالخطف.. ولا برجالته اللي اتقبض عليهم.. ومفيش واحد من رجالته هينطق بكلمة واحدة ضده!
نزلت
خفت عليها من جنانه.. وهي ملهاش ذنب.
خالد هز راسه ببطء.. صوته كان مليان خيبة وحزن
مكنتيش متخيلة
عشان مش بتثقي فيا يا ياسمين.
حاولت تتكلم.. تشرح.. تعتذر.. لكنه قاطعها بحسم.. صوته مش بس غضبان.. صوته موجوع
خلاص يا ياسمين.. مش عايز أتكلم أكتر من كده.
أنا فعلا متعصب ومش طايق نفسي.
دلوقتي هنروح شقة معتصم.. تطمني على زينة.. وتنزلي معايا.
هنبات الليلة دي في أوتيل.. وبكره هنروح شقتنا.
ماقدرتش ترد.
هي عارفة إنها غلطت.
سكتت.. وسابوا الكلام وراهم.. وكمل معاهم صمت تقيل.. صاحبهم طول الطريق.
في بيت الشرقاوي...
الظابط علي
الحاج شرقاوي حاول يمنعهم.. صوته عالي وانفعاله واضح
حفيدي معملش حاجة ! مفيش دليل ضده.. مش هتاخدوه من هنا !
لكن ماحدش سمع له.
ويحيى خرج معاهم بخطوات واثقة.. كأنه مش أول مرة.. وكأنه متطمن إنه هيطلع منها زي كل مرة.
الشرقاوي ما ضيعش وقت.. مسك تليفونه واتصل على طول باللواء وحيد.
قال بانفعال واضح
يحيى حفيدي اتقبض عليه بتهمة خطف بنت! لازم يخرج.. بأي تمن.
اللواء وحيد رد بصوت غاضب.. مليان ملل
مش أنا قلتلك تبعده عن الموضوع ده يا شرقاوي
حفيدك مجنون.. وهيودينا كلنا في داهية!
الشرقاوي انفجر فيه
وإنت يا سيادة اللوا...
الرواية من الفصل
httpspub153 lamha news21908
