رواية ابيه يونس ملك ويونس كامله جميع الفصول بقلم إسراء ابراهيم
المحتويات
مستني اللحظة دي...اتفضلي دي هديتك.
ملك اخدت العلبة وهي مبهورة إيه دا! انت كنت مجهز كل حاجة
يونس بابتسامة هادية كنت عارف إنك هتنجحي من غير كلام... وكنت مستني أفرح بيكي بس بطريقتي
فتحت ملك العلبة ولقت سلسلة فضة ناعمة فيها قلب صغير محفور عليه حرفها
ملك انبهرت بيها
ياااه دي أحلى حاجة حصلتلي انهاردة... تسلم إيدك يا ابيه يونس
يونس وهو بيبتسم ليها وملك وقتها ابتسمت بخجل وهي بتبص في الارض باحراج
يونس بابتسامة
مش يلا نروح بقي ماما وبابا وتيتة وجدو مستنينك علي ڼار
ملك بانتباه
يا خبر ده انا نسيت حمزة.... اكيد لية واقف مع صحابي هناك
يونس باستغراب
حمزة هو هنا معاكي
ملك بابتسامة
اه انا اتفاجأت بيه هنا... قالي انه جاي عشان يشوفني وانا بتخرج... اهو جاي هناك اهو
يونس لمح من بعيد نظرة حمزة أخوه اللي كان بيقرب عليهم وعينه مثبتة على ملك بس مش نظرة عادية..دي فيها إعجاب فيها اهتمام... فيها حاجة مش مفهومة فابتسم ليه بخفة مصطنعة بس جواه ڼار غيرة مش عارف يتحكم فيها
يونس بصوت منخفض حمزة... انت هنا من إمتى ومقولتليش ليه
حمزة بتلقائية منجيت من بدري عشان اكون مع ملك ..... وبعدين هو تحقيق ولا ايه يا استاذ يونس ولا دي كمان هتعمل فيها كبير
يونس حاول يضحك بس قلبه كان مقبوض بنظرات حمزة وطريقة ملك في الكلام عنه كأنها... كأنها مرتاحة كأنها مش شايفاه اخ.... حاجو تانية
بدأت دماغه تلف فكان بيراقبها وهي بتتكلم مع حمزة و بتضحك معاه وبترد عليه بارتياح. كل كلمة كل حركة كانت بتطعن
يونس في سكوته.
يونس بجدية
مش يلا بقي عالبيت ولا هنفصل واقفين كدة
ملك بهزار مع حمزة
ايوة يلا عشان الواد ده رخم مش هسلم من رخامته عليا
حمزة بضحك
ده عشان انتي اوزعة يا اوزعة لكن لو طويلة شوية
ضحكت ملك وحمزة معاها وكانو ماشين يهزرو مع بعض ومتابعهم يونس بغموض
باب الفيلا اتفتح على وسعه ودخلت ملك بين يونس وحمزة وهي لابسة فستان التخرج وشعرها مفكوك على ضهرها ووشها منور بضحكة ما حصلتش.
سمر وهي بتجري
تعالي يا حبييتي.... أنا مش مصدقة إنك خلصتي خلاص... الف مبروك يا نور عيني
أحمد
رفعتي راسنا يا بنتي... أبوكي وأمك أكيد فخورين بيكي
ملك بدموع فرحة
كل ده بسبب دعمكم ليا... ربنا يخليكم ليا يارب
حسين جدها بصوت هادي ودمعة ف عينه
ربنا يحميكي يا بنت عاصم كنت طول عمري شايف فيكي حاجة كبيرة واديكي حققتيها
عايدة بابتسامة
مبروك يا بنتي.... الف مبروك يا قمر العيلة..... فعلا تربية يونس
ملك بصت ليونس وابتسمت بعيون بتلمع وهي بتبصله
حمزة فاجأها وهو بيرمي عليها مخدة
بس يا تيتة متنسيش انها شبر ونص.... دي لحد امبارح كانت بټعيط عشان مش عارفة حاجة في المحاسبة
ملك بغيظ وهي بتحدفه هي كمان بالمخدة
بلاش كدب بقى! أنا اللي كنت بفهمك نسيت ولا علشان اتخرجت خلاص من سنتين هتعمل ابو العريف
حمزة بيجري وراها
طب اقولهم اني كنت بعملك الواجب بتاعك يا ڼصابة
ملك ضحكت وهي بتجري منه وسط الصالة ولما قرب منها حمزة فجأة استخبت ورا يونس وقالت بمرح
ملك بسرعة
احميني يا ابيه يونس... حمزة عايز ېقتلني
يونس واقف ساكت و عينيه بتتنقل بينها وبين نظرة حمزة اللي كان باصص لملك بطريقة خلته يحس بنغزة في صدره والكلمة طلعت من قلبه قبل لسانه
يونس بحدة مفاجئة
كفاية هزار بقي.....وانت يا حمزة ملوش لزوم هزارك السخيف ده
سكت الكل وكانو بيبصو ليونس باستغراب
حمزة مستغرب
إيه يا يونس مالك إحنا بنهزر بس... في ايه
ملك بحزن
هو أنا عملت حاجة يا ابيه
يونس
ملك بهمس لنفسها
هو مالو يونس ليه اتغير كده فجأة
سمر وأحمد اتبادلوا النظرات بس محدش رد والجو اللي كان مليان ضحك فجأة بقى ساكت وحمزة كان بيبص بعيد وهو بيفكر في حاجة وعقله مشغول بيها
كانت واقفة ملك مترددة قدام باب أوضة يونس قبل ما تخبط وكان وشها باين عليه قلق واضح عليه
ملك وهي بتفتح الباب
ابيه يونس... إنت صاحي
يونس كان قاعد على السرير ضهره مسنود ووشه مدفون بين كفيه بيقلب في حاجة في دماغه بس أول ما سمع صوتها بيقوم بسرعة وبيعدل قعدته
يونس بابتسامة
آه... صاحي... ادخلي يا ملك
ملك بتدخل وتقفل الباب وراها وبتمشي بخطوات هادية وبتقعد على طرف السرير
ملك بتردد
كنت عايزة أطمن عليك...
من ساعة ما سبتنا وطلعت وأنا حاسة إنك مش طبيعي.
مالك هو انت زعلت مني في حاجة
يونس بيبصلها باستغراب وبعدين بيتنهد
يونس بتنهيدة
لأ طبعا... هزعل منك ليه....انا عارف اني اتعصبت عليكي انتي وحمزة ... بس أنا مخڼوق شوية من الشغل ضغط كتير ومواعيد مش ماشية وأنا مش حابب أزعلكم بحاجة ملاش لازمة فعشان كدة طلعت
ملك بهدوء وحنان
تعرف ان أنا بحس بيك وانت متضايق من غير ما تتكلم.
يونس... أنا أكتر واحدة مفروض تعرفك لانك انت اللي مربيني
يونس بابتسامة باهتة
أيوه... يمكن عشان كده مش بحب أبان ضعيف قدامك إنتي بالنسبالي...نقطة ضعفي يا ملك
سكت كأنه وقف نفسه من إنه يكمل حاجة كان هيقولها بصراحة بس هتقلب كل حاجة
ملك وهي بتبتسم
ضعيف إيه بس يا ابيه انت دايما شايل حمل كل حاجة .....
بس حتى اللي بيشيل بيحتاج يرتاح شوية...وإنت تستاهل ترتاح... انا خاېفة عليك من الضغوط دي اوي
يونس سكت وبص في عينيها فترة طويلة وملك حست إن نظرته فيها حاجة مختلفة دفى غريب وابتسامة خفيفة مالهاش تفسير
يونس بصوت واطي
عارفة إن وجودك بس بيهديني
مجرد ما بتقعدي جنبي بحس الدنيا بتهدى اوي معايا
ملك بتبتسم بخجل
مهو أنا أختك الصغيرة برضه ولازم أطبطب عليك شوية... اشمعني انت علطول بتعمل معايا كدة
يونس بيضحك ضحكة مخڼوقة وفي عينه ۏجع
يونس ببهتان
أختي...آه طبعا.... انتي بنتي كمان يا ملك
يونس بصدق
إنتي مش واخدة بالك إزاي وجودك بالنسبالي بيغير كل حاجة...حتي زعلي بتقدري تمحيه
ملك ببراءة
ربنا يخليك ليا يا ابيه يونس.
أنا فعلا مش متخيلة حياتي من غيرك.....
يونس خبي خيبة امله وقام اول ما سمع كلمة ابيه يونس منها
يونس وهو بيديها ضهره
أنا كمان يا ملك... مش متخيل حياتي من غيرك ولا يوم.
ملك بابتسامة دافية
طيب هتفضل مكشر كدة بقي انا جيت اصالحك حتي
يونس بابتسامة
صدقيني مفيش حاجة.. يلا روحي نامي انتي يا ملك.... ومتنسيش دايما اني معاكي وجمبك
ملك بابتسامة
انا متأكدة من ده يا ابيه... تصبح علي خير
بعد يومين كان يونس واقف عند السور الحديد للجنينة ودماغه مشغولة بنظرات حمزة لملك اللي بقت واضحة وضحكتها وهي معاه بقت بتوتره اوي وتخليه ېخاف قلبها يكون مال ليه
انتبه يونس لحمزة اللي قرب منه فجأة
حمزة بهدوء
أنت سرحان في إيه كده بكلمك بقالي شوية
يونس بابتسامة باهتة
في الدنيا وسرعة الوقت... لحد امبارح كنتو لسة عيال انت وملك
حمزة
باستغراب
مالك يا يونس حساك متغير بقالك فترة هو ده بسبب ملك طيب
يونس اتلفت ليه بسرعة والنظرة في عينيه كانت شبه الصدمة
يونس بغموض
وانت مالك ومال ملك
حمزة بابتسامة خفيفة ونظرة شبه واضحة
مالي ايه يا يونس.... ملك متربية
يونس اخد
نفسه پغضب
وحاول يتحكم في نفسه
يونس بصوت هادي
متابعة القراءة
