رواية تركته فعاد عاشقا جاسر وبسمة كاملة بقلم إسراء ابراهيم
كانت بتجري في البيت وهي بتلبس الطرحة وتعدل شنطتها على كتفها
بصت بسرعة لمامتها وقالت انا خارجة يا ماما عشان ما اتأخرش عالدرس
صوت خطواتها كان بينط على السلم وهي نازلة بسرعة وعنيها على الساعة
همست لنفسها بقلق يارب الحق قبل ما يمشي
طلعت من باب العمارة وخطوتها سريعة ووشها كله توتر
قربت من البقالة اللي بعد كام بيت
وأول ما دخلت المحل عينها لمعت من الفرحة
لقيت جاسر واقف
ابتسمت وقالتله ازيك يا جاسر
هاتلي البسكويت اللي باخده كل يوم
جاسر ابتسم ومد إيده بيه وقال الحمد لله اتفضلي يا آنسة بسمة ده بابا موصيني اشيله ليكي مخصوص
بسمة ابتسمت بحب وقالتله عم محمد ده حبيبي والله ابقى اشكره لما تشوفه يا جاسر لو سمحت
جاسر رد وهو بيبتسم حاضر يا آنسة بسمة
بسمة كانت مبسوطة أوي وهي واقفة معاه وكان نفسها الوقت يطول
بس فجأة الباب فتح وجميلة جارتها دخلت المحل
بس اللي شد انتباهها مش جميلة نفسها
لا
ده نظرة جاسر
عنيه لمعت أول ما شافها وقرب منها بسرعة
وابتسم ابتسامة غير اللي متعودة تشوفها منه
ابتسامة فيها حاجة تانية
حاجة وجعتها
قلب بسمة اتقبض
وحست ان في حاجة
جاسر مش بيبصلها كده
ولا عمره قرب منها كده
لأ
النظرة دي مش عادية
بسمة ماستحملتش
سابتهم وخرجت بسرعة وهي بتقول لنفسها
اكيد ده وهم
جاسر مستحيل يحب جميلة
مستحيل
بعد فترة كانت بسمة بتعمل فيه زي كل يوم وتتلكك عشان تروح تشوف جاسر ابن منطقتها اللي بتحبه كانت راجعة بليل بعد ما حضرت درسين عليها وكانت بتتمني تشوف جاسر وهي معدية زي كل يوم بس قبل ما تدخل الشارع بتاعها لقت
شابين واقفين بس شكلهم مش من المنطقة وباين عليهم انهم مش تمام فخافت بسمة وحاول تسرع في خطوتها
كشرت بسمة بغضب وردت علي الشاب وهي بتشد ايديها منه بعصبية احترم نفسك وامشي من هنا احسن اصرخ والم عليكم الناس
الشاب كان هيتكلم بس قاطعه جاسر اللي قرب منه وضربه وشد بسمة منه وحطها ورا ضهره وهو بيبصلهم بغضب لو حد فيكم فكر يتعرضلها تاني هيكون اخر يوم في عمره
جري الشابين بسرعة بعد تهديد جاسر ليهم وكل ده وبسمة واقفة ورا جاسر ومش مركزة في حاجة غير ان حلمها اتحقق وجاسر واقف قدامها وكمان بيدافع عنها عشان خايف عليها انتبهت بسمة لجاسر اللي كان بيتكلم بقلق وهو بيبصلها بسمة ردي عليا انتي كويسة
حركت بسمة راسها كذا مرة وهي بترد بتهتهة اانا كويسة هو انت خوفت عليا
اتفاجئ جاسر بسؤال بسمة بس رد عليها بجدية اكيد طبعا مش بنت حتتي المهم انتي كويسة ولا حد فيهم اذاكي
ردت بسمة بابتسامة واسعة وهي فرحانة اوي من جواها باللي حصل انا كويسة انا مبسوطة اوي انك دافعت عني وحمتني منهم
رد جاسر بهدوء غير مناسب لرد فعل بسمة المهم انتي متتأخريش تاني برة البيت عشان الاشكال دي كترت اوي يلا تعالي هوصلك لحد البيت
مشيت بسمة بفرحة مع جاسر وهي مش مصدقة انه ماشي جمبها اصلا وكانت في قمة سعادتها واول ما وصلو البيت بصتله بسعة وقالتله بسرعة انا بجد متشكرة اوي ليك يا جاسر لولاك مكنت عارفة ايه اللي هيحصلي
رد جاسر بابتسامة وهو بيبص لبسمة مفيش حاجة عشان تشكريني بس ياريت متخرجيش
لوحدك في وقت زي ده ولو الدرس هتتأخري فيه عن تسعة يبقي متروحيش الدنيا دلوقتي مش امان يلا خدي بالك من نفسك وسلميلي علي معاذ
قال جاسر كلامه ومشي وكانت واقفة بسمة متابعاه بفرحة وهي حاسة انها في عالم تاني وبعدين طلعت علي فوق
............................................
بعد يومين كانت واقفة بسمة بتعمل الفطار بحماس وهي بتفكر في جاسر لحد ما دخل عليها معاذ اخوها اللي قالها بتلقائية ده ايه النشاط ده كله يا بسمة مش بعادة يعني تفطريني قبل ما انزل
ردت بسمة بتلقائية وهي بتحضر الفطار بسرعة مفيش يا سيدي اصلي انهاردة عندي درس بدري فقولت احضرلكم الفطار قبل ما انزل ايه ارجع في كلامي ولا ايه
ضحك معاذ ورد بتلقائية وهو بياكل حاجة بسرعة من الطبق لا وعلي ايه الطيب احسن وبعدين لو كل ما يبقي عندك درس بدري هتروقي علينا كدة يارب يبقي عندك دروس بدري علطول
ضحكت بسمة وبعدين اتكلمت بتوتر وهي بتبص لمعاذ صحيح يا معاذ جاسر بيسلم عليك اصله قابلني من يومين وانا راجعة من الدرس وقالي اسلم عليك
خبط معاذ بايديه علي دماغه وهو بيبص لبسمة وقالها بسرعة ياربي كويس انك فكرتيني ده انا كنت ناسي خالص معادي معاه انهاردة
ردت بسمة بلهفة وهي بتقرب من معاذ اايه ده بجد هو انت هتشوفه انهاردة
رد معاذ بتلقائية وهو بيبص في ساعته باستعجال اه ده قايلي من يومين اصله هيخطب انهاردة جميلة بنت عم كريم جارنا
بسمة ملامحها بهتت وردت بصدمة هيخطب
معاذ بتلقائية وهو بيخرج من المطبخ باستعجال اه منا لسة بقولك يلا هروح انا بقي اجهز عليما تحضري الفطار احسن ورايا كام مشوار قبل ما اروح لجاسر بليل
خرج
معاذ وبسمة عيونها اتملت دموع وقلبها كأنه اتكسر وفاقت علي كابوس صعب اوي
...........................................
عدي كام يوم كانت بسمة فيهم حالتها
خرجت بسمة بعد ما لبست وكانت بتتكلم بضيق يا ماما انا قولتلك اني مش عاوزة اروح كنتي روحتي انتي وخلاص
ابتسمت نعمة وردت بحب وهي بطبطب علي بسمة يا حبيبتي هتقعدي هنا لوحدك انا قولت تيجي معايا خطوبة جاسر صاحب اخوكي واهو تغيري جو بدل ما انتي مش عاجباني كدة ليكي كام يوم
بسمة بقلة حيلة وهي بتعدل طرحتها تمام يا ماما يلا بينا بس فين معاذ مش هو هيجي معانا
ابتسمت نعمة وردت بفرحة وهي بتقرب من بسمة معاذ خلص لبس من بدري وراح لجاير يقف معاه وبعدين في مفاجأة حلوة معاذ اخوكي هيخطب منة اخت جاسر انهاردة وهو متفق مع جاسر وهيفتحو الموضوع انهاردة مع منة واخوكي احتمال يلبسها دبلة
ابتسمت بسمة بسعادة عشان اخوها وردت بفرحة ما شاء الله طب والله ده احلي خبر سمعته بس بعدين هنفخ ابنك ده عشان يخبي عليا حلو
ردت نعمة بتلقائية وهي بتبص لبسمة بعتاب وهو هيقولك ازاي وانتي بقالك كام يوم كأنك بتهربي مننا وعلطول لوحدك وقافلة علي نفسك بحجة المذاكرة انا مش هضغط عليكي واسألك في ايه بس هستناكي تيجي تتكلمي معايا لوحدك
ابتسمت بسمة بحزن وهي بتحاول تمسك نفسها وبعدين قالت بحزن حقكم عليا اوعدكم اني ارجع زي الاول انا بس كنت مضغوطة اوي وحاسة اني مخنوقه المهم يلا بينا بقي احسن هنتأخر علي الفرح
طبطبت
نعمة علي بسمة بحنان ومشيو سوا وبسمة من جواها مقررة تنسي حبها لجاسر واتمنتله السعادة من قلبها حتس لو مع غيرها
.........................................
في الخطوبة كانت بسمة عينيها علي جاسر اللي نازل من العربية ومعاه
