رفيقي الي محكمة الاسره يزن وتسنيم جميع الفصول كاملة بقلم فرح وائل

إنها هتتجوز فجأة ومن غير ما يكون ليها أي ذنب.
سكت واكتفى بنظرة طويلة ليها... كانت غريبة مش مفهومة لكن هادية ومليانة مشاعر.
قال بنبرة ساكنة
ينفع تاكلي
ردت تسنيم بعناد واضح
مش هاكل يا يزن ومش عايزة منك حاجة.
ليه بتكابري على نفسك
نظرت له بعصبية
ما أنت قولت بنفسك... نفسي. يعني أنا حرة أضرها أنفعها حتى لو ولعت فيها دي حياتي.
رد بنبرة ما تحتملش نقاش
لا مش حرة... يا تاكلي أكلك دلوقتي يا إما أنا اللي هآكلك وساعتها ما يهمنيش مين شايفنا ولا مين سامع!
اتسعت عينيها في دهشة بتحاول تستوعب... هو بيهزر ولا فعلا جاد بس الحقيقة إن صوته ماكانش بيقول هزار. ومع ذلك فضلت العناد.
قالت بإصرار
مش واكلة.
وقالتها وهي مرصدة تحركاته بس ما توقعتش إنه فعلا هيقوم من مكانه ويتجه ناحيتها.
رايح فين!
هآكلك بإيدي.
اقعد يا يزن... بطل تهريج.
مش بهزر يا تاكلي بإيدك يا أنا اللي هآكلك!
زفرت وقالت وهي بتكتم غضبها
خلاص هاكل... اقعد بس مكانك.
ابتسم بثقة وقعد يراقبها وهي بتاكل بالعافية كل لقمة كانت بتكسر حاجة جواها. ولما خلصت سابته وطلعت أوضتها وهو لسه قاعد بيبصلها بابتسامة خفيفة وهو بيقول لنفسه
شكل الأيام الجاية هتبقى فل يا توتا!
اليوم اللي بعده كان يزن في شغله بس كان غير أي يوم... نشاط ضحكة كأن الدنيا بتغني له. مش شكل واحد داخل على جوازة إجبار. أما تسنيم فكانت رسمية لدرجة الصقيع. مشي اليوم عليها كأنه جنازتها. عايزة تصرخ وتقول أنا مش عايزة ده!... لكن ولا صراخ هيوقف زفة ولا دموع هتمنع كتب كتاب.
ولما جه المساء...
نزلت تسنيم بفستانها الأبيض اللي اختاره يزن بنفسه. كان متوقع إنه يليق عليها لكن اللي شافه فاق التوقعات. جمالها فيه خلى أي حد يبصلها يبتسم من غير ما يقصد.
جلست جنب يزن اللي كان لابس بدلة سودة بتبرز قوته وهيبته وبص لها وهمس
إيه الجمال ده كله
ردت وهي بتكتم عصبيتها
اخرس.
ضحك وقال
اخرس طب بس استني لما الشيخ يكتب الكتاب وهوريكي تقولي لجوزك كده إزاي.
قالت له
بطل تمثل وخليك في حالك أنا مش طايقاك.
أنا بحب أمثل وبحب أعيش الدور... دي متعتي.
يزن...!
بيقلب يزن...
كانت هتنفجر فيه بس نهى بنت عمها دخلت وسط الكلام قالت بمرح
إيه يا عرسان بتتوشوشوا على إيه
مالك يا فضولية إحنا عريس وعروسة!
مراد دخل في الحوار
بتقولها إيه بقى
وليد ضحك وقال
أكيد مش بيسألها عن البورصة!
يزن قال بنبرة تهديد
بالله لو ما سكتوش هقوم أطرشكم كلكم.
ضحكوا وفجأة دخل واحد من الغفر وقال إن الشيخ وصل. بدأ الشيخ يجهز أوراقه لكن لحظة دخوله قطعت بصوت عالي بيصرخ
وقف اللي بتعمله يا شيخ! الجوازة دي مش هتتم! أنتو اتجننتوا ولا إيه!
وبمجرد ما شافته جريت تسنيم عليه باكية
بابااااا!
قال أبوها وهو 
اهدي يا بنتي... اهدي.
مهران قال
يا ألف مرحب يا أخويا نورت!
رد بكير والد تسنيم بحدة
إزاي تجوز بنتي من غير ما أكون موجود!
مهران قال باستغراب
ما أنا كلمتك وبلغتك إن كتب الكتاب النهارده!
بلغتني وكأني ضيف ده كتب كتاب بنتي يا مهران!
قال مهران بحزم
تعالى جوه نحكي ونتفاهم.
دخل الاتنين وساد صمت. يزن كان واقف وعينيه كلها وجع وهو شايف دموع تسنيم بتنزل. مسك إيدها وخرج بيها على الفرندة وسط أنظار الكل. حاولت تعترض بس ما لحقتش.
قالت وهي بتبكي
سيبني يا يزن.
قعدها قدامه وقال بصوت هادي
هو أنا وحش قوي كده دموعك دي كلها علشان هتتجوزيني
سكتت بس دموعها كانت كافية ترد. سألها وصوته كان مهزوز من الخوف
في حد في حياتك يا تسنيم حد كنتي مستنياه ييجي يتقدملك
اتنفضت من جواها غضبت إزاي يفتكر إنها بتحب غيره بس كرامتها كانت مكسورة فقررت تجرحه زي ما هي موجوعة.
قالت باندفاع
آه في حد... وكنت مستنياه... وإنت بوظت كل حاجة!
كأنها طعنته في قلبه اتحول لوحش... ضرب على الترابيزة بصوت رج المكان
مين! قوليلي مين!
اتجمدت مكانها مرعوبة.
ردي عليا يا تسنيم! مين اللي سرق مكاني!
ما نطقتش. قام ولف حوالين نفسه زي الأسد المحبوس 
أنا مش هسيبك حتى لو في حد! أنتي ليا من أول يوم في حياتك... ومش هسمح لأي حد ياخدك مني. فاهمة
هزت راسها بالموافقة وهي بتترعش.
وفي اللحظة دي جه مراد وقال
المأذون مستنيكم.
أومأ يزن .
قال بكير لتسنيم
الجوازة دي لازم تتم.
قالت له وسط دموعها
بابا أنا... مليش دعوة أنا...
رد
عارف... بس دي لمصلحتك ولسمعتك.
أكتر حاسس بالذنب طول عمره كان قاسي بس ماكانش يعرف غير القسوة خوفا عليها.
قال لها
هقعد يومين معاك وبعدها هارجع. واثق إن عمك مش هيقصر معاكي.
ابتسمت له بوهن ورجعت تقعد جنب يزن اللي بدأت ملامحه تهدا بعد ما شاف دموعها وعاهد نفسه إنه ينسيها أي حد تاني حاول يدخل قلبها.
بارك الله لكما وبارك عليكما وجمع بينكما في خير.
نطق المأذون كلمته وقف يزن وضم تسنيم ناحيته وهو بيهمس
مبروك يا توتا...
كانت بتحاول تبعد عنه لكن همس تاني
ششش اهدي... محدش ياخد باله.
الابتسامة كانت على وشه ووسط تصفيق الموجودين قال مراد
خلاص يا عم يزن ده مش فيلم!
رد يزن
اسكت يا عانس.
وليد همس
اللي يشوفك يقول كنت مرتب للجوازة من زمان!
يزن قال وهو بيضحك
كلمة كمان وهشنقك بالكرافتة اللي شبه بتاعة فطوطة!
رد وليد
يا عم بهزر والله!
نهى هييييح... الواحد لما بيطلع من كتب الكتاب بيبقى حاسس إنه طاير فرحة مش طبعية وطاقة كده تخليه عايز يبدأ حياته فورا وأخيرا الجواز قرب.
يزن ساب إيد تسنيم وبص لها للحظة طويلة. ملامحها كانت مليانة غضب بس الغضب ماغطاش الكسوف اللي مالي وشها. كانت باصة في الأرض ووشها محمر كأنها مش عارفة تواجه ما بين زعل وخجل متلخبطين.
البنات خدوا تسنيم على جنب ودخلوها أوضة مخصوص يحتفلوا بيها ويهزروا وهي بتحاول تضحك بالعافية. وفي الناحية التانية الشباب خدوا يزن يهنوه ويهزروا معاه على طريقتهم.
وجه الليل...
ومع أول الليل كل واحد دخل أوضته. أصل ده مجرد عقد قران ومهران كان حاطط حدود واضحة
لحد الفرح كل واحد في أوضته.
الحال فضل زي ما هو.
يزن قعد في أوضته مش قادر ينام حاسس بحاجة بتخبط جواه.. أرق ولا اشتياق مش عارف يفرق!
بس اللي كان متأكد منه إنه مش هيخبط على بابها.
هي كانت مرهقة وعقلها الصغير شال أكتر من طاقته والنهاردة دموعها نزلت أكتر من اللازم.
لذا...
يكفيها ما مرت به الليلة... هكذا حدث نفسه وهو يترك الغرفة ليمنحها بعض الراحة النفسية التي هو نفسه يفتقر إليها. اتجه نحو الشرفة عله يجد فيها مهربا من الأرق الذي أنهكه وما إن وطأت قدماه بلاط الشرفة حتى لمح ظلها واقفة تتحدث إلى أحدهم بهدوء. اقترب دون أن يحدث صوتا وجعل أذنه تلتقط كلماتها
والله يا بني الموضوع حصل فجأة جدا... أنا مش عارفة أقولك إيه عندك حق تزعل بس والله ما كان بإيدي.
صرخ فجأة وقد احتد صوته
أنتي بتكلمي مين يا تسنيم!
ارتعبت تسنيم بشدة حتى كاد الهاتف أن يسقط من يدها المرتعشة. نظرت له باضطراب تحاول أن تجد مخرجا من الموقف
ده... ده إبراهيم.
إبراهيم مين!
قالت وهي تهم بالبكاء
ابن خالتي يا يزن مالك
حاول أن يهدأ قليلا حتى لا يزيد خوفها ثم مد يده يطلب الهاتف منها. سلمته الهاتف بتردد ورفعه على أذنه
ألو.
يا مرحبا يا يزن ألف مبروك يا نجم... والله كنت ناوي ألبس وأنورلك