رفيقي الي محكمة الاسره يزن وتسنيم جميع الفصول كاملة بقلم فرح وائل
الفرح بنفسي.
الموضوع جه بسرعة والله... بس إن شاء الله تبقى أول المدعوين ونيجي نولعها.
حبيبي... خلي بالك من تسنيم أنا عارف إنها في أمان معاك بس لازم أقول كده كنوع من الواجب.
عينيا ليك سلام.
أغلق الهاتف ثم نظر إليها نظرة جامدة أربكتها جلس بعدها على أحد الكراسي وأشار لها أن تجلس أمامه. جلست بخوف صامت تنتظر ما سيقوله.
ممكن أعرف هو كان بيكلمك ليه دلوقتي
هو رن... وأنا رديت بس مش أكتر.
وبيكلمك ليه في الوقت ده أصلا
بيتطمن عليا عادي.
وليه افتكرك دلوقتي فجأة
قالت بعفوية دون تفكير
هو كل يوم بيكلمني يطمن عليا.
اتسعت عيناه والنار اشتعلت في نظرته لكنه لم يتكلم فقط كان ينظر لها بنظرة نارية أربكتها. بادرت بالتبرير
إبراهيم زي أخويا إحنا اتربينا سوا وكان عندنا في البيت كل يوم تقريبا... فطبيعي يطمن.
وأنا المفروض موقفي يكون إيه من كل ده
مفروض تتفهم إنه مجرد ابن خالتي وبيسأل عني من باب القرايب مش أكتر.
أنا عارف إنه زي أخوكي... بس مش أخوكي. والكلام معاه لازم يبقى بحدود. وبلاش تقوليلي أثق فيكي... أنا واثق فيكي أكتر من نفسي حتى بس دي مش مسألة ثقة... أنا بتضايق.
كانت تستمع له وفي عينيها شيء من الدهشة لكن الشفاه ارتسمت بابتسامة خفيفة وخرج منها سؤال دون تفكير
يزن... أنت بتغير!
تفاجأ قليلا لكنه رد بابتسامة خبيثة
لا يعني عادي مش موضوع غيرة.
والله! ردت بغيظ.
والله. ضحك وأكمل حديثه.
تركت تسنيم المكان متوجهة لغرفتها وهي تضرب الأرض بقدميها غيظا أما هو فابتسم في هدوء سعيدا بأنه استطاع زرع شيء من الاهتمام في قلبها.
غرفة تسنيم
تحدث نفسها وهي تمشي في الغرفة بعصبية
أنا مالي اتضايقت ليه وليه مبسوطة إنه بيغير أنا إيه اللي بيحصل لي أووف يارب يولع.
وفجأة جاءه صوته من خلف الباب
والله عيب يا توتا دا لسه عرسان جداد... اتقي الله.
وضعت يدها على فمها خجلا من نفسها فقد كانت كلماتها بصوت مرتفع بما يكفي ليسمعها.
بالمناسبة... أنا كنت غيران فعلا. تصبحين على خير.
غادر وترك خلفه ابتسامة غامضة على وجهها... لم تعرف لها تفسيرا لكنها كانت سعيدة وهذا يكفي.
مرور الوقت
مرت الأيام وتمكن يزن من كسب قلبها شيئا فشيئا. لم تعترف له بكلمات الحب بعد لكن العلاقة بينهما بدأت تتحول إلى صداقة جميلة فيها بعض الود والكثير من العشرة. كانا يتناولان الطعام سويا يسهران في الشرفة ويتبادلان الحديث حتى منتصف الليل ويتراسلان خلال
يزون اتأخرت ليه تسأل تسنيم عبر الهاتف.
توتا عندي شغل متراكم كلي من غيري النهارده.
مش هتعرف تزوغ
صعب والله بس هنعوضها إن شاء الله.
ربنا يوفقك يا يزن.
كده أنا هغلق الشركة وأجي خليك جدعة متحننيش.
ركز في شغلك يا عسل.
حاضر يا قمر.
قطعت نهي الحديث مازحة
كنتي بتكلمي المز بتاعك
مز إيه ده جوزي.
وهو مش مز يعني دا أنتي قليلة الأدب!
الله يحرقك وبعدين مين يقول لأخوها الكبير مز
وفي لحظة غير متوقعة حضر أحد رجال الأمن يحمل رسالة.
الجواب ده ليكي يا آنسة تسنيم.
أخذته منه وهي تبتسم متوقعة أنه من يزن لكن الابتسامة اختفت فور قراءته وملأت الدهشة عينيها.
مالك في إيه سألت نهي بقلق.
الكلية باعتلي استدعاء... وتهديد بالفصل... عشان انقطعت فترات طويلة ولازم ولي أمري يروح معايا بكرة... أنا خايفة جدا يا نهي.
هدأتها نهي
طب متقلقيش امتى المفروض تروحي
لازم أتحرك من هنا مع الفجر.
يبقى لازم حد يوصلك يزن مثلا.
هو تليفونه مقفول... ومش عارفة أتواصل معاه.
حين فتحت الرسائل وجدت رسالة منه
توتا معلش مش هقدر أجي على العشاء... في شغل واجتماع مفاجئ. كلي وانتي طيبة وحاولي ماتناميش وحشتيني.
تنهدت بضيق
إجتماع إيه بس... ده مش هيلحق يجهز علشان نروح الكلية الصبح.
فجأة لمعت في ذهنها فكرة وذهبت إلى عمها
عمي عايزة أروح الشركة عند يزن ضروري.
فيه إيه
شرحت له الموقف فقال
روحي يا بنتي جوزك لازم يعرف.
بس أنا مش عارفة طريق الشركة!
روحي جهزي نفسك هخلي مراد يوصلك.
ربنا يخليك يا عمي.
لبست تسنيم فستان أزرق بسيط وطرحة بيضا وطلعت بسرعة من أوضتها ونزلت تحت لقت مراد واقف مستنيها عند العربية.
مراد بضحكة أهلا بالهانم اللي مطلعالي روحي من الصبح!
تسنيم اتبهدل براحتك وساكت!
مراد بقيتي بجاحة برو ماكس كمان وبعدين إيه اللي انتي لبساه ده
تسنيم بتدور حواليها في إيه الفستان شكله حلو أهو!
مراد حلو وكل حاجة بس هو مفيش غير الأزرق إنتي لابسة كده ليه خايفة من الحسد ولا إيه
تسنيم بزهق بالله عليك يلا عشان مش ناقصة صداع.
مراد ساخر أنا لحد دلوقتي بحترم فرق السن اللي بينا بس والله كلمة كمان وأنا هفرش وشك على الأرض!
تسنيم طب ما أنا أقول إيه قليل الذوق!
ركبوا هما الاتنين العربية ومراد بدأ يتحرك بيهم على الشركة اللي يزن شغال فيها وهي شركة صاحب أبوه اللي كان له فيها شراكة بأسهم. يزن شغال هناك كمهندس بس مش أي مهندس ده ماسك قسم كامل
مراد وهو سايق بصي أول ما تدخلي اسألي أي حد جوا على مكتب الباشمهندس يزن مهران هيدلوكي عليه.
تسنيم وانت مش هتطلع معايا ولا إيه
مراد لا عندي شوية مشاوير أول ما تخلصي ابعتيلي رنة وأنا أجي آخدك.
تسنيم تمام سلام.
نزلت تسنيم وسألت واحدة من البنات على الاستقبال دلتها على مكان مكتب يزن. وهي ماشية لقيت بنت قاعدة على مكتب قدام باب أوضته.
تسنيم بهدوء لو سمحتي مكتب يزن فين
السكرتيرة بتحدها الباشمهندس يزن!
تسنيم بابتسامة مستفزة أيوه يا سكر أقوله يزن ولا باشمهندس ولا إنت إنتي مالك
السكرتيرة لا يا فندم دي شركة محترمة مش شارع! وبعدين حضرتك مين وجاية ليه
تسنيم أنا مراته يا عسل.
السكرتيرة متفاجئة ااااه تشرفت طبعا... ماكنتش أعرف.
تسنيم دلوقتي عرفتي ينفع أدخل
السكرتيرة هو معاه واحدة دلوقتي ف
تسنيم قاطعتها واحدة!
السكرتيرة أاه هي بس
بس تسنيم ما استنتش تكمل ومدت إيدها وفتحت الباب فجأة من غير استئذان. لقت يزن قاعد على مكتبه وقدامه بنت شيك جدا جسمها ممشوق وشعرها مفكوك لابسة جيبة حمرا قصيرة جدا وتي شيرت أسود ضيق شكلها استفز تسنيم من أول لحظة.
أول ما شافها يزن قام بسرعة وراحلها قلقان.
يزن إنتي كويسة يا تسنيم في حاجة إيه اللي جابك
تسنيم كانت بتبص للبنت اللي قدامها بنظرات كلها نار وفجأة قررت تغيظها وقالت بدلع
تسنيم لأ يا زوني بس وحشتني فقولت أعدي أقعد معاك شوية بس واضح إنك مشغول.
البنت كانت باصة لهم بصدمة ويزن وشه اتلون من الصدمة والحرج.
يزن لا لا مشغول إيه بس لأ طبعا.
بص للبنت وقال
يزن نڤيهان معلش نكمل كلامنا بعدين.
نڤيهان أكيد مفيش مشكلة تشرفت بيكي يا آنسة.
تسنيم بابتسامة عبيطة مدام حرم يزن مهران.
نڤيهان بإحراج اها ألف مبروك عن إذنكم.
أول ما قفلت نڤيهان الباب تسنيم بعدت عنه بعصبية
تسنيم مين دي يا يزن!
يزن متوتر يا بنت المجنونة إهدي بس!
تسنيم إهدي إيه! أنا بسألك مين دي!
يزن دي عميلة جايين نشتغل على مشروع سوا بس كده.
تسنيم وعلشان كده قافل تليفونك من الصبح!
يزن لا والله! كنت ف اجتماع ونسيت أفتحه تاني.
تسنيم يا خاين! ربنا أراد إني أجي النهارده وأكشف خيانتك بعنيا!
يزن خيانة إيه بس يا بنت الناس! إنتي هتنطيلي كده ليه شكلك فرقع لوز!
قعدت على الكنبة وهو قعد جنبها.
يزن ممكن تهدي
شوية عشان أفهمك! أنتي كنت حاجة ودلوقتي حاجة تانية خالص هو إيه اللي حصل فجأة
تسنيم افهمني
بدأ يحكي لها إن البنت دي مجرد عميلة وفيه شغل بينهم مش أكتر وإنه عمره ما شاف غيرها ولا هيفكر في غيرها وساعتها تسنيم بدأت تهدى.
يزن طيب قوليلي كنتي جاية ليه بقى
تسنيم جالي جواب وقلت أجيلك.
يزن جواب إيه
تسنيم مدياله ورقة خد اقرأ.
فتح الجواب ووشه اتغير كان بيضحك وبقى متوتر بس حاول يفضل متماسك عشان ما يقلقهاش.
يزن الموضوع بسيط يعني متخافيش.
تسنيم بعيونها الواسعة بجد!
يزن بص لها وهو بيضحك بخفة
بجد يا روح يزن!
تسنيم بقرف
اتلم وسبني أمشي بقى عشان أنا أصلا مش طايقاك لحد دلوقتي.
طب استني أوصلك.
وشغلك
هأجله لحد ما نرجع من الجامعة.
ماشي.
وفعلا راحوا سوا وقضوا اليوم كله مع بعض. الموضوع طلع أبسط مما كانوا متخيلين ويزن خلص كل حاجة ونقل ملفها لجامعة قريبة من بيتهم.
بعد شهر في التليفون
يزن إيه يا توتا خلصتي ولا لسه أنا جاي أهو.
تسنيم بتبكي اسكت يا يزن الكعب بتاع الجزمة اتكسر!
يزن وانتي جايبة جزمة ليه ما قولتيليش إنك هتجيبي كوتشي!
تسنيم ما انت طويل أوي وكنت هبقى قصيرة أوي جنبك!
يزن طب اهدي بقى بلاش عياط. هاجيبلك بدل اللي اتكسرت دي.
تسنيم طب هتيجي امتى
يزن عشر دقايق وأكون عندك.
بعد نص ساعة...
دخل يزن ال بيوتي سنتر على أغنية شوفي قلبي الجامد متكتف وكان بيرقص وبيتمرجح ببوكيه ورد في إيده...
ما إن شافته تسنيم غيرت دموعها لضحكة من قلبها.
يزن خلاص بقى يا نكد! مكنش كعب جزمة فداكي يعني.
تسنيم مش زعلانة عشان الجزمة.
يزن أمال ليه
تسنيم عشان اتأخرت عليا.
يزن حقك عليا كنت بجيب الجزمة... بس إيه القمر ده أنا كده هبدأ أغير بجد!
تسنيم بتضحك بطل أوڤر!
يزن لا بجد... قمر فرز أول بيتمشى قدامي.
تسنيم وانت كمان قمر أوي... طب فين الكوتشي
يزن اهو بس للأسف ملقتش جزمة مقاس ٣٦ الراجل كان فاكرها لبنت أختي!
تسنيم يزن اتلم! استنى ألبسهم عشان نمشي.
كانت هتلبس الكوتشي لكن يزن نزل على ركبته وبدأ يلبسهولها.
تسنيم سيبه يا يزن هعرف ألبسه لوحدي!
يزن مبسوط وهو بيضحك اتنيلي على عينك... تلبسي إيه بالفستان ده كله أنا مش فاهم أنا هقف فين من الفستان ده!
تسنيم ما تقف مطرح ما تقف متشغلنيش!
يزن بنظرة فيها خوف تسنيم... أنا حاسس إني اتسرعت!
تسنيم آه يا حبيبي... إنت كده كده لبست خلاص! يلا عشان نلحق البوفيه.
يزن أنا حاسس إني داخل على مجاعة!
سكت شوية وبعدين قال وهو بيبصلها بحب
بس والله ده أسعد يوم في حياتي... وأنا بجد بحبك قوي.
تسنيم وأنا كمان بحبك... ده إنت حتى هتبقى رفيقي لمحكمة الأسرة.
ضحكوا سوا
النهاية
أحب ما لا تحبيه فيك... فأطمئني.
