رواية اصابك عشق الفصل الخامس 5 بقلم اسما السيد
5
اصابك عشق
اسما السيد..
التاخير بسبب قله التفاعل
احبك ياكهل عمري..
بالعزبه..
عمران بتهكم.. موجهها كلامه لابناءه الواقفين ينظرون بذهول لما يحدث.
يالا يابدر انت وباسم.. عاوز البلد كلها تعرف ان فرح باسم عمران الرشيد بكره علي نيره صابر الناظر..
باسم بصدمه.. بابا..
عمران بحده.. اللي قولت عليه يتنفذ ويالا سيبوني مع صابر وحمدي نتكلم في الحااجات العائليه دي..
بقوه دفع بدرالدين باسم المصدوم امامه..
يالا ياباسم مش ناقصين ابوك مادام عينه احمرت هيخلص علينا كلنا..
باسم.. بغل من اخيه.. منك لله يابدر انت السبب..
بدر بتهكم.. ماانت كنت هتموت وتجوز.
باسم.. اه عاوز اتجوز بس مش كدا يااخي..
اوعي يابدر مش طايقك..
بدر بضحك.. وفر طاقتك لنسرين هانم لما تعرف
باسم بغيظ.. طيب ماشي شكرا..
ابعد عن اهلي بقي.. بدل ماالعب البخت في باقي وشك..
بدر بغيظ.. متفكرنيش بقولك.. وديني ماانا سايبها..
باسم بشماته.. مش لما تبقي تطولها..
بدر بحده.. هجيبها لو في باطن الارض
باسم بتهكم.. كان ابوك طال خالتها..
بدر بغيظ.. خليك في نفسك ياباسم ومتدخلش
باسم بغيظ.. وانا مالي ياكش تولع..
أغلق عمران الباب بهدوء بعد خروج ابناءه
رفع عمران نظره بوجه صابر المصدوم..
صابر بحده..
ايه اللي حصل دا ياعمران بيه
انا عاوز بنتي.
بنتنا احنا اولي بيها..
جلس عمران ووضع قدما علي الاخري وبهدوء..
اخرج سيجارته واشعلها..
دقيقه.. اثنتان من الصمت القاتل..
الا ان تكلم حمدي بغل.. جرا ايه ياعمران بيه احنا هنفضل قاعدين كدا ولا ايه
ماقولنالك سلملنا بنتنا واحنا احرار فيها.. ودور الشهامه بتاعك دا.. ميكلش معانا..
عمران بهدوء.. نظر له بتمعن..
عاوز كام ياصابر وتلم الليله..
صابر بصدمه.. هااا..
هو انا هبيع بنتي ولا ايه
عمران بتهكم..
ماتسيبك من الشويتين دول ياصابر..
وخلينا نلم الليله علي كده.. انت هتعوز ايه يعني.. بنتك وكدا كدا كنت هتجوزها للي هيطلبها منك..
زي ما عملتو
امور الحب والكلام الفارغ دا مبياكولش معاكو..
دورها في دماغك.. بنتك وهتتجوز ابني وهديك مهر مكنتش تحلم بيه.
ومفيش حد هيدفع اكتر منه.. حتي جهازها كله عندي..
يعني مش هتخسر حاجه.. بالعكس.. هتاخد شرف انك هتناسبني اناا..
هاا قلت ايه
حمدي بلهفه.. كام المهر دا ياعمران بيه
عمران بتهكم.. هديكو 100الف جنيه مهر.
ومن انهارده ملكوش بنات عندي..
دورك هينتهي اول ماابني يكتب علي بنتك..
صابر بخوف.. بس بنتي لسه مكملتش 18 يابيه.
عمران بتهكم.. وانت يفرق معاك ولا ايه.. ياصابر ماانتو من زمان وانتو بتجوزو بناتكو في السن ده..
زي ماكنت هتجوز بنتك ياحمدي.. تجوز بنت اخوك..
حمدي بلهفه.. المحامي يكتب ونوثقه وبعدين لما تم 18سنه الماذون يكتب كتابهم..
عمران.. ماانت فاهم اهوو..
عموما.. حضرو نفسكو بكره تكونو هنا عشان نعقد عليهم.. تمضي ياصابر وتاخد فلوسك..
ودلوقتي اتفضلو..
خرج صابر وحمدي وبقي عمران ينظر للغرفه التي لم يتغير الا لونها واثاثها العصري علي هوي ابناءه..
استقام ينظر من شرفه الغرفه..
يسأل نفسه.. ويجلدها..
هل فعلا كما قالت له اخته يوما.. لم يكن يستحقها..
الم يدافع عنها كفايه.. ولكن ماذا كان يفعل هو.
كان شابا صغيرا.. لم يكمل العشرون بعد
احبها.. واحب جنونها وعنفوانها..
كان متهورا.. معها.. فعل اشياء لم تغتفر بعشقها لو لم يتهور هذه الليله لما انتهت ملحمه عشقهم هكذا..
ولكنه الشوق الملعون من كان يدفعه دوما لها..
قصه عشق الفتي الثري والقرويه الفقيره لم تنتهي كما كان يسمع دوما بالزواج والانتصار علي الظلم
ولكنها انتهت بمأساه..
اسند راسه علي الشرفه شاخصا بنظره للخارج.
مازالت العذبه كما هي.. ومازال الكوخ البعيد امامه يزينها..
اكثر ما كان يخيفه هو ان يأتي لهنا ويجد معالمها طمست كما طمس العشق في قلوبهم..
ابتلع غصه حلقه ورحل بذاكرته لاعوام مضت..
اعوام واعوام حيث كان شابا مراهقا وكانت هي مشاغبه.. جميله واقع بعشقها العذبه بأجمعها
ابنه
اعتادو علي المجئ لهنا بالعطلات والاجازات لقرب العذبه من المدينه..
عائله بدرالدين الرشيد واخيه فواز
بدرالدين وابنه عمران وعاليه ابناءه من زوجته الاولي.. وزوجته ألفت الحيه
وعائله أخيه.. وفواز وابنتاه
نوران ونسرين.. ووالدتهم مديحه
كانت عاليا بسيطه.. ودوده كوالدتها.. تعشق حياه الفلاحين وبساطتهم..
تعرفت عاليا علي سهر ونشأ بينهما صداقه قوبه ومن خلال عاليا تعرف عمران ونسرين ونوران عليها ولكن نسرين لم تحب سهر يوما
كانت تلقبها بالفلاحه الغبيه
عكس نوران التي كانت تحب مجالستها والتي اكتشفو انه غرضا لنقل اخبارها لشقيقتها فقط
كانو حيتان يخططون كوالدتهم وزوجه ابيه..
كانت سهر فتاه مشاغبه جميله لدرجه ان من ينظر اليها يفتن بها..
عشقها عمران عشقا مجنونا..
عشقا لم يعلم احد به الا نوران وعاليه شقيقته ونسرين التي كانت حاقده علي سهر كثيرا.. ولا احد يعلم السبب
وفي ليله من ليالي الصيف الحاره..
flash back.
وصلو متأخرين للعذبه.. ولم يستطع ان يبقي للصباح..
رايح فين ياعمران.. دلوقت الوقت عدي نص الليل
اهمد بقي لو حد شم خبر باللي بتعمله وخصوصا ابوك مش هيرحمك..
عمران بهمس لاخته عاليا التي تصغره بعام فقط..
اسمعي ياعاليا انتي عارفه بقالي شهر مشوفتش سهر.. ومدام وصلنا مش هقدر مشوفهاش
هشوفها بس وهرجع علطول..
عاليا بخوف عليه.. طب افرض حد شافك وانت خارج هتقول ايه
عشان ابقي عارفه ومتفقين سوا..
عمران.. حد مين.. نوران واكيد عارفه اني رايح هناك وبردو نسرين..
ولو ابوكي سأل قوليله راح الاسطبل..
عاليا بتوتر.. بقولك ياعمران اوعي تجيب سيره لنوران ونسرين انك بتكلم سهر..
وياريت تخلي سهر تاخد بالها متحكيلهاش حاجه..
عمران بقلق.. ليه بتقولي كده..
عاليا.. مش وقته نفذ اللي بقولك عليه بس وبعدين نتكلم.. وهقولك فاهم..
عمران بلا اهتمام فاهم.. يااحلي اخت في الدنيا..
عاليا بضحك.. طب روح يااخويا
ياحبيب انت..
اصابك عشق.. اسما السيد..
نزل
خرج مسرعا.. ولم يلحظ عيون الشر التي ينظران له..
نسرين.. بغل ماشي ياعمران..
نوران هو دا وقتنا لو عاوزه البت البيئه دي تبعد عنه يبقي لازم نفضحهم
ونقولهم.. بس هنقولهم ازاي.
نوران.. نقول لماما وطنط الفت وهما يتصرفو
نسرين.. اول مره تقولي حاجه صح..
نسرين.. بشماته.. يالا بسرعه نقولهم..
صعدت نوران ونسرين واخبرو والدتهم التي نشرت الخبر بسرعه البرق واخبرت فواز وبدر
تحت بيت الناظر..
بحث عن حجر صغير ليقذفه بنافذتها..
كانت تجلس وبيديها كتابا تذاكر به حينما استمعت لصوت شيئا ما يقذف بالنافذه
فرح قلبها واسرعت للنافذه..
فتحت شباكها.. وصدمت بانه هو..
عمران..
عيون عمران.. وحشتيني ياسهر.
انت جيب امتي
لسه واصل دلوقت.. انزلي
لا الوقت اتأخر.. حد يشوفنا..
دقيقه بس وهطلعك تاني..
سهر بخوف.. لا انا خايفه..
عمران بحب.. متخافيش انا معاكي..
سهر بتردد..
طب هات السلم اللي هناك دا انزل.. عليه
عمران بسعاده..
حاضر..
نزلت بهدوء الي ان اصبحت امامه..
عمران بلهفه.. .. وحشتيني اوي..
سهر بسعاده.. وانت كمان وحشتني ياعمران..
عمران بلهفه.. .
تعالي نروح عند الكوخ لا حد يشوفنا هنا..
سهر بخوف.. بلاش ياعمران الله يخليك الصبح نتقابل..
عمران بلهفه.. نص ساعه وهروحك متخافيش..
سهر بقله حيله وحب اعمي ذهبت معه
بالكوخ..
عمران بلهفه .. وحشتيني ياسهر..
سهر . كفاية بقا نحنحة
عمران بغيظ.. فصيله.. يالا اترزعي
سهر بخوف.. لا انا خايفه وقلبي مش مطمن حاسه اني حاجه هتحصل..
يالا ياعمران روحني لو حد شم خبر اني مش هناك هيقتلوني
بعد نصف ساعه..
انت متأكد يافواز من اللي بتقوله دا..
فواز بخبث وهو ينظر لزوجته..
انا كنت عاوز اقولك من زمان يابدر
بس كنت خايف عليك..
وقولت بكره يعقل بس مابيعقلش.. وطيش شباب
ابنك هيحط اسم العيله في الارض ولو حد لمحه من الفلاحين هنخسر الانتخابات ومحدش هيدونا اصواتنا منهم..
وهيتجوز بنت الفلاحين وهو وريثك الوحيد
وهو الوحيد اللي هيشيل اسم العيله
ماانا مخلفتش واد يابدر
ومكنتش عاوز خيري وخيرك يتفرقو للغرب..
انت لازم توقف ابنك
