رواية حين تتبدل الأقدار(جميع الفصول كاملة) روهان وحور بقلم ايات عبد الرحمن
كنت راجعة من عند أهلي الساعة تلاتة الفجر كنت في فرح أخويا وراجعين بيتنا عادي وفجأة العربية عطلت بينا في مكان فاضي وهادي خالص مفيهوش بني آدم ونوره كله من القمر جوزي نزل يشوف العربية فيها إيه
في اليوم ده أمي أصرت أسيب الأولاد عندها عشان الجو كان برد وهما نايمين من كتر اللعب والفرح
استنيته نص ساعة بيلف حوالين العربية لا هو اللي بيصلح ولا هو اللي فاهم هو بيعمل إيه وشكله أصلا مش عارف فيها حاجه بس بيحاول وربنا يستر
قلتله يا معتز إيه اللي حصل العربية مش عايزه تشتغل ولا إيه
قاللي مش عارف يا حبيبتي بس شكلها فيها حاجه غلط
قولتله غلط ولا إنت اللي مش عارف هي عطلت ليه مش أنا قلتلك بلاش تشتري النوع ده
انت فضلت مصمم تجيب عربية آخر موديل وعامل فيها هركليز المصحصح
قاللي هركليز ومصحصح شكلك الفرح مأثر عليكي العربية عطلت وهنبات في الشارع
قولتله هنبات فين يا عم دا إذا ما وافقتيش على اقتراحي
اقتراح إيه
تعالي نسحب العربية لحد البيت
نهارك إسود يا معتز عايزني أنا فيفي الصياد أسحب عربية من هنا لحد البيت دي المسافة أطول من اللي مشيناها مرتين
رد عليا وقال نهاري إسود يا فيفي وبعدين حد يقول على فاطمة فيفي إيه فيفي دي
قلتله أمال يقولوا إيه يا قرة عيني
قاللي يقولوا فطوم
قلتله اسكت بالله عليك وسيبنا نفكر في المصيبة السودة دي
قاللي أنا عندي اقتراح
قلتله لا بلاش تقترح واسكت
قاللي كان اقتراح رومانسي على فكرة
قولتله طب اقترح بس بالراحة
قاللي بما إن العربية عطلت ومفيش حد حوالينا
قلتله وبعدين
ضحك وقاللي تعالي نمشي شوية تحت ضوء القمر
قولتله إيه
قاللي تعالي نمشي يلا
وفضلنا ماشيين وبنتكلم وبنسترجع ذكرياتنا الحلوة إحنا متجوزين على قصة حب كبيرة كنا بنفتكر وبنضحك لحد ما سمعنا صوت طفل بيصرخ بصوت عالي
قلتله سامع اللي أنا سامعاه يا معتز
قاللي آه في صوت طفل
قلتله المكان ده شكله مهجور بجد وأنا سامعة صوت بكاء
قاللي تعالي نروح نشوف
مشينا ورا الصوت لحد ما لقينا طفل صغير شكله لسه مولود
بصيت لمعتز كان باين عليه صدمة حقيقية
ندهت عليه وقلتله معتزززز
قاللي إيه
قولتله دا بيبي مولود ولسه سخن من جسمه هنسيبه في البرد كدا أمه سابته من غير هدوم حتى
بص للطفل وبصلي وقاللي أم الطفل دي هنا حوالينا
قولتله إزاي مش فاهمة
نزل شاله وغطاه بالجاكيت بتاعه وقاللي خديها انتي
كانت بنت
خدتها منه وحطيتها على صدري وحسيت إنها حتة مني
فضلت ببصله وهو بيبعد ويمشي لحد ما لقيته واقف وبيبص بذهول وشاورلي أروحله
روحتله لقيت واحدة ست باين إنها أم الطفلة بتتوسل له ياخد البنت ويمشي ومايعرفش طريقها ولا يعرف هي مين
كنت واقفة مصدومة مش مصدقة اللي بيحصل إزاي أم ترمي بنتها في مكان فاضي كده إزاي قلبها جمد وسابت بنتها من غير حتى غطا
ماكنتش شايفة ملامحها لأنها كانت مغطيه وشها بس صوتها كان باين فيه كسرة كبيرة
وبعدها لقيتها بتقول خدوها مش عايزة أعرف مكانها وسابتنا وفضلت تجري
بصيت لمعتز لقيته واقف مكانه كأنه حد ضربه على دماغه وكل ملامحه فيها وجع وسكون
نص ساعة واحنا واقفين مش قادرين ننطق بكلمة واحدة من تأثير
لحد ما قطعت الصمت وبصتلي
هنعمل إيه يا معتز
مش عارف هنعمل إيه يعني هنسيبها مكانها مثلا دي مش صعبت على أمها هتصعب علينا يعني
حرام عليك يا معتز هنسيبها إزاي لوحدها في مكان زي ده يمكن العربية تعطلت في الوقت ده والمكان ده عشانها
عايزاني أعمل إيه يا فاطمة يعني
هناخدها معانا نربيها مع الأولاد
نعم بتقولي إيه
عشان خاطري يا معتز تعال نربيها مع الأولاد لو سمحت مش هقدر أسيبها حساها
حساها مني إزاي وانتي لسه شايفاها من كام دقيقة بس
عشان خاطري يا معتز لو سمحت وافق بقى
هعمل إيه مش بإيدي حاجة غير إني أقول تحت أمر سلطانتي الحلوة
سلطانتك تعرف إن أنا ما سمعتش منك كلمة سلطانتي الحلوة من بعد ما شرف أستاذ روهان على الدنيا واديني قولتها دلوقتي ها هنسميها إيه بقى
حور هنسميها حور
الاسم حلو حور
كده بقى معانا روهان وراكان وراما وأدي حور
يلا تعالي نرجع عند العربية عشان الجو بقى برد شوية
أيوه يلا رجعنا عند العربية وقعدنا فيها شوية وبدأ النهار يطلع والعربيات بدأت تظهر كمان وحور كانت بتموت من الجوع
لحد ما سمعت صوت حد بيكلم معتز بيقوله محتاج أي مساعدة
معتز قال أيوه لو سمحت العربية معطلة من كام ساعة وبنتنا محتاجين نروح لأقرب صيدلية نشتريلها حليب بودرة ومش عارفين نتصرف إزاي
الشخص قال محلولة إن شاء الله تعالي يا رزان مع المدام وشوفي الطفلة وأنا هشوف العربية مع الأستاذ
الشخص ده ومعتز كانوا بيشوفوا سبب العطل ومراته خدت حور وبدأت تطعمها والحمد لله هديت خالص وعرفت منها إنها عندها بنت عندها سبع شهور
وبعد شوية العربية اشتغلت وسلمنا عليهم ورجعنا البيت
ماقدرتش أرتاح غير لما نزلت اشتريت ليها لبس كتير وكلمت جارتي تهتم بتغذيتها مع طفلها لمدة ست شهور بمبلغ كبير زي مرتب كده
العصر أذن وأخويا جاب الولاد هو وماما وشافوا حور وطبعا ماوقفوش كلام
إزاي تجيبيها هنا دخليها أي مكان سيبيها لأي حد كفاية أولادك
بس كل كلامهم ماكانش في دماغي أصلا
كنت متمسكة بيها جدا
وماسمعتش كلامهم وقررت أخليها معايا
ماما وأخويا مشيوا وعرفت أولادي عليها
وعشان لسه صغيرين قولت ليهم إن دي أختهم وإن أنا اشتريتها عشان يلعبوا معاها
في الأول كانوا فرحانين بيها جدا
بس بعد كده بدأوا يغيروا منها
كانت حلوة أوي عشان كده ماكنتش بسيبها
أولادي كمان حلوين
بس هي دايما تضحك لي
عشان كده ماكنتش بروح مكان غير وهي معايا
حبيتها أوي
كنت بتطمن بجد لما بشوفها
وفي يوم كان صعب جدا عليا
واتشغلت عنها
كان أهل معتز وأهلي هييجوا عندنا بالليل
دخلت المطبخ وبدأت أجهز العشا وسيبتها
استغربت لما الوقت عدى وماسمعتش صوتها
وفجأة صوتها طلع
ابتسمت
سيبت اللي في إيدي ودخلت أطمن عليها
لقيت روهان حاطط المخدة عليها وبيقولها نامي تاني
روهاااااان
إيه يا مامي
إنت بتعمل إيه
بنيمها
طب يلا اطلع برا
شيلتها بسرعة وقلبي بيجري
وأخدتها لحد معتز ما جه
وقال كلمة ضايقتني جدا
لدرجة إني سيبت التجهيز كله وفضلت واقفة
اسمع يا معتز
مهما قالت مامتك
أنا مستحيل أتخلى عن حور
واسيبها تعيش في ملجأ
مستحيل
حور بنتي
أنا مش بنت حد تاني
فاهم
فاهم يا معتز
اسمعيني
مش عايزة أسمع حاجة
مش هسيب حور
لو إيه اللي حصل
فااااااهم يا معتز
اسمعيني بقى
هو أنا دايما رأيي ملغي عندك
وكلامي ما بيتسمعش
لأخره
حور مش هتمشي من هنا
ومش لازم تظهر قدامهم
لإمتى يا معتز
لإمتى
فيفي
يا روحي
ممكن تهدي شوية
ماما هتقول كلام كتير بخصوص حور
مش عايزك تردي عليها
عشان خاطري أنا يا فيفي
هيقعدوا ساعتين ويمشوا
مش عايزين مشاكل خلاص
خلاص يا معتز
بس عايزاك تعرف
إن لو قالت حاجة تضايقني
أقسم بالله ما هسكت أنا
مر الوقت وأهل فاطمة وأهل معتز وصلوا وفيفي ومعتز حطوا خلافاتهم على جنب ورحبوا بيهم بطريقة حلوة جدا
فيفي جهزت العشاء والكل كان موجود على السفرة
والدة معتز كانت بتقول كلام مش حلو
لكن معتز كانت نظراته لفيفي كلها توسل عشان ما تتكلمش ولا تتضايق
انتهوا من العشاء والكل قعد يتكلم ويضحك
وفجأة سمعوا صوت بكاء حور
فيفي قامت بسرعة تشوفها
والدة معتز قالت مش هي دي البنت اللي لقيتوها من كام يوم ومالها مراتك بتجري عليها كده ليه دي ما جرتش على أولادها كده
وبعدين إيه اللبس اللي أولادك لابسينه ده
دي تاني مرة أجي عندك وأشوفهم لابسين كده
معتز قال عادي يا ماما دي مجرد صدفة مش أكتر ولا أقل
حضرتك عارفة إن أولادي بيلبسوا أجمل حاجة
ردت وقالت لا ما هو واضح يا معتز إن أولادك بيلبسوا أجمل لبس فعلا
فيفي فضلت شوية مع حور وده في حد ذاته كان كفيل يعصب والدة معتز ويجننها
قالت إيه يا فيفي هانم هتفضلي جنب المحروسة طول الليل
ردت فيفي مش اسمها المحروسة اسمها حور
قالت لا ده انتي عديتي مرحلة الصمت يا مرات ابني
ردت فيفي وهو حد قال لحضرتك مثلا
صرخت والدة معتز في ايه يا معتز ربي مراتك شوية دي حتى مش محترمة وجودك
قال معتز خلاص يا فيفي بقى
قالت فيفي هو ده اللي قدرت عليه يا معتز
بدل ما ترفع إيديك عليها قول مين
ردت والدة فاطمة وقالت هو مين ده اللي يرفع إيده على بنتي
لو ابنك اتجرأ ورفع إيده على بنتي
قسما بالله ما أخليه يشوفها تاني
قالت فيفي ده على أساس إنه متجوز ملكة جمال العالم
ردت والدة معتز مش ملكة جمال العالم ولا حاجة بس أنا قولت اللي عندي
وقالت بص يا معتز قدامك اختيار واحد
يا أنا يا بنتها
لو اختارتني فورا تطلقها وبالثلاثة
نسي إنك كنت متجوز واحدة زي دي
وأولادك أنا هتكفل بتربيتهم
ولو اختارتها تنسى إنك ابني
خدها وامشوا من البيت ده
لإن زي ما انت عارف البيت باسمي
الاختيار كان صعب جدا على معتز
يختار بين أمه ولا حبيبته
كان واقف ومحتار
يختار مين
حب عمره وحياته وأم أولاده
ولا اللي ربته وتعبت عليه
الكل كان مستني الجواب
لكن هو كان في حالة صمت
بص لفيفي
هو قال ليها مهما حصل ما ترديش ولا تعلقي على الكلام
عشان ما نوصلش للي هما عايزينه
لكن فيفي ما بتسمعش الكلام وعنيدة
وحاليا عنادها ده ممكن يخليها تخسر معتز للأبد
ناس من أهل معتز وأهل فيفي حاولوا يتدخلوا في الموضوع
عشان ما يبقاش في خسائر
وعشان كمان أولادهم
لكن والدته كانت مصممة على رأيها
هي أصلا من الأول ما كانتش موافقة على الجوازة
وحاولت كتير توقفها لكنها ما قدرتش
قالت ها يا معتز خلاص
اختارتها
ما هو سكوتك
ونسيت كل أفضالي عليك
اختارتها وسيبت أمك
يا خسارة تربيتي
حرام عليكي يا أمي
انتي بتخيريني بين قلبي وروحي
قالتله آه ومين قلبك ومين روحك يا معتز هي دي
رد وقال أرجوكي يا ماما كفاية
بلاش تضغطي عليا كده
قالت خلاص يا معتز
أنا اتأكدت من إحساسي
وكان في محله
بس أنا همشي
ومن النهاردة انساني
انسى إن ليك أم
مش عايزة أشوف وشك تاني
عشان شوفتي ليك بتفكرني بخيبتي فيك
ولسه هتمشي
معتز نادى عليها
وقال بوجع
هختارك يا ماما
في لحظة البيت هدي
ولا كإن فيه نفس
قالتله انت قولت إيه
غمض عيونه وهو حرفيا من جواه بيموت
على حبيبته اللي ضاعت منه
وعلى أولاده
وقال
قولت اختارتك يا ماما
قالتله هو ده ابني فعلا اللي ربيته
يلا بقى القعدة دي ما بقتش ليها أي لازمة
خدي أهلك ويلا بره من هنا
فيفي كانت واقفة
ودموعها نازلة على خدها
ومش قادرة تتكلم
ولسه قبل ما تمشي
قالت والدة معتز
في حاجة أحب أسمعها من ابني ليكي
معتز طلقها
قال بصدمة
إيه اللي انتي بتقوليه ده يا ماما
انتي عارفة إني بحب فيفي أكتر من نفسي
ومستحيل أسيبها
قالتله قولت طلقها يا معتز
قال معتز بصوت مكسور
مش هقدر
عشان خاطري اعفيني
قالتله ده اللي عندي
بص لفيفي
اللي كانت مصدومة
وواضح على ملامحها الصدمة
وقال بصوت متقطع ومش مسموع
انتي طالق
قالتله عيد اللي قولته
غمض عيونه
ودموعه لسه بتنزل
وقال بكل وجع
انتي طالق يا فيفي
طالق يا حب عمري
يا أم أولادي
يا حلم سنين
عشتها وبتمنى تكوني معايا ولو يوم
قالتله سمعتي طلقك
يعني ما بقاش ينفع تفضلي في بيته ولا ثانية
يلا برا
فيفي ماقدرتش تتكلم ولا حتى تعاتبه استكفت بالنظرة وخلاص ومشيت مع أهلها
ومجرد ما مشيوا معتز بص لوالدته بلوم وسابها ودخل أوضته وفضلت الأم لوحدها في المكان
بصت على الحيط وشافت صور معتز وفيفي قد ايه كانوا عيلة مثالية وهو هديتها بإيديها
بصت لباب الأوضة اللي معتز دخلها بحزن وغمضت عينيها
تفتكروا ممكن يكون قلبها حن على حالة ابنها
وزي ما فرقتهم تجمعهم من جديد
ولا قدرهم خلاص اتبدل ويفضلوا مفترقين
النقاش بهدوء يا ه واحدة واحدة كده واللي انتوا عايزينه هيكون
زي ما اتفقنا إن بعد ما الأم خربت حياة ابنها وورها
وبعد ما معتز دخل أوضته
دخلت عنده وحاولت تهديه بس بأسلوب هادي وبطريقتها الخاصة
ايه يا معتز هو انت هتوقف حياتك عليها
دي حتى بنت دلوعه ومتعرفش تشيل مسؤولية بيت ولا زوج ولا أولاد
تعالى وانا هزوجك ست ستها
هزوجك بنت فريدة صاحبتي
بنت هادية وحلوة قوي وكي مش زي فيفي دي
ايه فيفي دي كمان
معتز ابتسم بخفة
ايه موافق اكلم فريدة ها
موافق
هههههههه
موافق
بجد
بجد
حبيب ماما يا ناس
أكيد طبعا
هي فيفي دي ايه كمان عشان أوقف حياتي عليها
ولا تطلع مين ولا بنت مين هي
هي فيفي دي ايه
غير أم ولادي
وزوجتي
وحب عمري كله
اللي حضرتك خربتي حياتي وحياتها وضيعتيها
وفوق دا كله
عايزاني أروح وأتجوز من غيرها
لسه البنت ماشية من البيت بسبب حاجة مالهاش ذنب فيها
دا أنا لسه يادوب مطلقها بالكلام
وايه يعني لو عينها جات على واحدة تانية
ما انت الشرع محلله أربع
بس فيفي عندي بكل ستات العالم
عارفة
أنا
هعيش معاها عشان ولادي
عشان مايبعدوش عني
عشان هما
أنا لو وافقت على طلاق فيفي
واختياري ليكي
فعشان ما أكسفكيش قدام الناس
ولا أحسسك بخيبتك زي ما قولتي
وهو دا برضو من ضمن بريي بيكي
إني ما أحرجكيش قدام حد
ودا اللي عملته
أنا هرجع فيفي تاني ليا
ومستحيل أكون لغيرها مهما حصل
انت بتقول ايه
انت
