سمر وشريف كاملة جميع الفصول بقلم ايه موافي

قامت بسرعة تدخل الاوضة عشان ميشوفش شكلها بس وقفت مكانها لما بدأ يتكلم.
شريف بإعتذار..
انا اسف مكنش ينفع اضربك
سمر ببرود..
لا ولا يهمك مجتش على دى
شريف..
صدقينى يا علا مكنش ق.....
قاطعته سمر بصدمة وقالت..
ايه..!!
يتبع
بقلم آية الموافى
سمر بصدمة..
انت قولت علا...!!
شريف بتنهيدة حزن..
انا اسف يا سمر مكنش قصدى.
ضحكت بسخرية وقالت بمرارة..
ماعدتش تفرق قصدك ولا مش قصدك انا هعفيك من كل حاجة.
بصلها بحيرة وقال بعدم فهم..
قصدك ايه.
بصت عليه ببرود مميت ودخلت اوضتها وطلعت شنطة سفر واعدت تحط فيها كل هدومها
دخل عليها بصدمة وقال..
انتى بتعملى ايه..!
مردتش عليه وفضلت تلم فى حاجتها شدها جامد وقال بعصبية.. لما اسألك تجاوبى عليا
ضحكت ببرود وقالت بوجع..
انا معنتش هقدر استحمل اكتر من كدا طاقتى خلاص خلصت وكفايا عليا كل الوجع دا انا زهقت من كتر ما انا عمالة بدى ومباخدش حاجة فى المقابل زهقت كتر الحجج والأعذار اللى بحطهالك وباجى على نفسى كل مرة.
بص عليها بذنب وقال بحزن..
قلبى مش بإيدى يا سمر.
زقته بعصبية وقالت بغضب..
وانا مطلبتش منك انك تحبنى انا كنت عايزة منك شوية اهتمام شوية مشاركة كنت عايزة احس انى زوجة.
تجنب النظر ليها وهى كملت بدموع..
يا أخى يارتنى كنت مت قبل ما اعمل فى نفسى كدا انا اللى رخ صت نفسى من البداية بالرغم من انى غالية اوى.
فضل ساكت متكلمش وهى راحت ناحية شنطتها وقفلت شنطتها وهى بتقول..
بس انا فوقت وعرفت قيمة نفسى انا محتاجة حب محتاجة حنان محتاجة حد يحسسنى انى مهمة عنده وكل الحاجات دى للأسف محستهاش معاك ولا هحسها لانك مش راضى تتقبل الواقع اللى انت فيه صدقنى انت هتندم على اللى بتعمله فى نفسك دا بس بعد فوات الأوان.
خلصت كلامها وراحت على بيت مامتها من غير ما تبصله اول ما وصلت فضلت تخبط جامد لحد ما أمها فتحتلها
اول ما سها مامتها شافت منظرها وشافت الشنطة جنبها وهى شهقت بصدمة وقالت بخوف..
مالك يا سمر فيه ايه وايه الشنطة دى.
سمر فضلت تعيط وقالت بك سرة..
انا هطلق يا ماما.
ضغطت سها على سمر وقالت بحزن..
بسبب ايه.
فضلت تبكى بإنهيار وهى بتقول..
انا تعبت اوى يا ماما تعبت وماعنتش مستحملة ولا هقدر اكمل معاه انا كل طاقتى خلاص استنذفت وهو ماعدتش حاسس بيا ولا هيحس.
فضلت سها تطبطب على سمر بحزن على حالها وسمر فضلت تبكى لحد ما أغمى عليها.
صرخت سمر وفضلت تهز فيها وهى بتقول..
سمر قومى قومى يا سمر.
صحت من النوم وهى بتشهق وبتقول لسها..
فى ايه...!!
سها بقلق.. انا بقالى كتير بصحيكى وانتى مبترديش قلقتينى عليكى حرام عليكى.
بصت سمر حواليها وقالت بعدم تصديق..
انا متجوزتش شريف صح.
بعدت سها عنها ببرود وقالت..
للدرجة دى هتموتى وتتجوزيه صدقينى بكره هتندمى يا سمر وهاتقولى ماما قالت.
فرحت سمر وقالت بضحك..
ماما انا مش موافقة.
بصتلها سها بتعجب وقالت بعدم فهم..
مش موافقة على ايه....!!
ضحكت سمر وقالت..
مش موافقة انى اتجوز شريف انا عايزة حد يكون شارينى و احس معاه انى ملكة.
ضحكت سها وقالت بفرح..
صدقينى يا سمر بكره هيجى اللى هيعوضك ويشيلك فى قلبه
تمت
نصيحة للبنات اوعوا تشتروا حد هو بياعكم لمجرد انكم بتحبوه الحب مش كل حاجة انا عارفة ان الحب شئ جميل بس مش هو اللى هيبنى بيت سوى ويخليكى سعيدة فى حاجات اهم بكتير زى المودة والرحمة والاهتمام والإحترام والمشاركة صدقينى لو الحب ناقص الحاجات دى اعرفى انك هتعانى مع شريك حياتك وهتندمى على تمسكك بيه من الأول رغم تحذير المقربين ليكى.