المدرس والمدرسه المسحوره بقلم هويدا زغلول

انت عايز ايه وانا هعملهولك
أسامه
تعجبيني يا أيه بس خليكي علي مبدأك عشان هطلب منك كتير اوي قدام
وفجأه أسامه بيختفي من قدامها وبتبقي مرعوبه من اللي حصل
وتاني يوم في المدرسه البنات في الفصل بيبقوا قاعدين خايفين من أسامه وكل واحده خايفه ليقول سر محدش يعرف عنه حاجه غير صاحبة السر
أسامه بيبص لهم ويضحك بخبث
أسامه
ايه يا بنات خايفين ليه كده ما تخفوش مني بس بيبص لواحده من البنات وبتكون ساره وكان بيبص لها جامد
وساره بتبقي خايفه ومرعوبه منه
أسامه
بقولك ايه يا سارة هو فيه حد بيخبي المبلغ ده كله في البيت ما طبيعي حد يدخل عندكم و يسرقه
سارة
هو حضرتك عرفت منين أن انسرق مننا فلوس من البيت
أسامه
لو عايزاني كمان اقولك مين ابقي عرفيني ولكن بلاش اصدمك
وبتتكلم بنت اسمها نورا
نورا
هو يا مستر حضرتك بتعرف منين الحاجات دي ما تعرفنا انا كلنا مستغربين من اول ما حضرتك دخلت لنا الفصل وحضرتك عارف كل حاجه عننا
وفي الوقت ده اسامه بيضحك
أسامه
بصي يا نورة ونورة بتتخض لأن هي ماقلتش اسمها اصلا
أسامه
انا بقول اتفق معاكم اتفاق ايه رأيكم كل يوم هلعب معاكم لعبه مختلفه هي العاب مخيفه شويه بس هتفرحوا اوي بيها وايه رأيكم نبتدي اول لعبه من بكرة عايزكم تكونوا جاهزين
والبنات بتخاف وفي نفس الوقت بيبقوا حابين الاقتراح وبيوافقوا
واستاذه هاله كانت ماشيه في طرقة المدرسه بتلمح أيه واقفه مدياها ضهرها
هاله
ايه يلا يا حبيبتي علي فصلك انت واقفه هنا ليه مش الحصه بدأت
وهاله مش بتلاقي رد من أيه خالص
هاله
انا مش هقرر الكلام تاني يلا يا أيه علي فصلك لو سمحتي يا اما هعملك استدعاء ولي أمر انك بتهربي من الحصص
وهاله بتقرب من أيه وبتكون لسه مدياها ضهرها وبتسمع أن هي بتعيط
هاله
ايه هو انت بتعيطي مالك يا بنتي في ايه
وهاله بتحط ايديها علي كتف أيه وفجأه بتلفلها وبتكون عينيها وبوقها شكلهم غريب
أيه
قولتلك انقذينا وانت مسمعتيش الكلام ومصدقتنيش
وهاله بتصرخ جامد من المنظر و فيه بنات بتطلع من الفصول جري ومدرسين وبيلحقوها وفيه مدرسه بتطمن عليها
المدرسه
هو حضرتك كويسه فيكي حاجه
هاله
اه اه انا كويسه ما تقلقيش انا بخير
وهاله بتقوم عشان تروح مكتبها وبتعدي علي الفصل اللي فيه ايه وبتبص الشباك بتلاقيها قاعده ومركزه في الحصه
وفي بيت ساره لما بتحكي لمامتها كل حاجه اللي بتحصل في المدرسه
الام
بجد يا بت يا سارة ممكن يقولنا مين اللي عمل كده بس هو عرف منين انا بردو مستغربه
ساره
والله يا ماما كلنا مستغربين المدرس الجديد ده ايه رايك تبقي تعالي معايا بكرة المدرسه وشوفيه وخليه يقولك مين اللي عمل كده
وتاني يوم سارة ومامتها بيروحوا المدرسه وماما ساره بتروح ل اسامه مكتبه هي وساره
الام
صباح الخير ازي حضرتك يا مستر انا مامت سارة وكانت بنتي حاكتلي اللي حصل و أن حضرتك عارف مين اللي سرق الفلوس
أسامه
لا ما هو الكلام مش ببلاش بردو يا ام سارة عايزة تعرفي حاجه زي كده يبقي تكرميني الاول
والام بتفهم أنه عايز فلوس وبتطلع مبلغ كبير وبتدهوله
الام
ايه رايك كده كويس والله مع اني ماكنتش عامله حسابي بس كويس أن جيت بفلوس ها قولي بقي مين
أسامه
تعجبيني يا ام ساره هقولك مين ابنك الكبير عايز اقولك أن هو مدمن مخدرات وهو اللي سرق الفلوس لما محدش كان في البيت وللاسف صرفهم كلهم عشان الشرب ومتصدقهوش أن هو مسافر ده واحد سكن هو أصحابه وبيتاجروا في الحاجات دي
الام بتصوت وبتلطم علي وشها
الام
ابني انا لا بجد انا مش مصدقه ابني انا يعمل كده وبتطلع جري هي وساره من المدرسه
وبيكون أسامه دخل الفصل وايه واحده من البنات بتتكلم
البنت
ها مستر حضرتك هتلعب معانا النهاردة زي ما قولتلنا
أسامه بيضحك بخبث
أسامه
اه طبعا بس اول حاجه مفيش حاجه من اللي هتحصل هنا تطلع برة أبدا اتفقنا
والبنات كلها بتتجمع حواليه وهما متحمسين هيعمل ايه
أسامه بيجيب وبيقسمها مربعات وفي كل مربع بيكتب فيها طلاسم وكلام غريب علي الورقه
وبيحط قلم في نص الورقه وأسامه بيبدأ يتكلم كلام غريب مش مفهوم والقلم بيبدأ يتحرك والبنات بتتخض والقلم بيقف ناحيه بنت واقف وأسامه بيشاور لها
أسامه
تعالي يا ملك هنا اللعبه اختارتك أن انت تلعبي
وملك بتقرب وهي مرعوبه ومش عارفه ايه اللي هيحصل
أسامه يسألها سؤال
أسامه
انت متقبله اي حاجه تحصل الاول مهما كان ايه
ملك وهي بتكون خايفه
ملك
اه يا مستر انا موافقه
أسامه
خدي الورقه دي اكتبي فيها كل الامنيات اللي انت عايزاها بس بشرط فيه امنيه واحده بس اللي هتحقق ومقابل الامنيه دي بيحصل حاجه ممكن توصل المو ت ايه رايك نكمل
ملك بتكون مرعوبه وخايفه من اللي بيحصل ويتمثل أن قلبها جامد
ملك
نكمل يا مستر
وبتاخد الورقه تكتب فيها اللي هي بتتمناه وأيامه بيطلب منها ترمي الورقه من الشباك
أسامه
انا هقولك الامنيه اللي هتتحقق لك و انت قافله ايدك لما اخلص كلام الورقه هتكون في ايدك ومتحدد فيها الامنيه
ملك
اللي هو ازاي يعني انا خلاص راميتها من الشباك
أسامه
انت اتمنيتي أن انت تسافري بلاد برة وتكملي تعليمك هناك احب اقولك هتروحي هتلاقي اهلك مستنيك عشان تسافروا ايطاليا بس فيه حاجه مش هتلحقوا توصلوا
ملك
ازاي يعني مش هنلحق نوصل
أسامه بيضحك
أسامه
مش مهم تعرفي ازاي افتحي ايدك كده وافتحي الورقه
ملك بتفتح ايديها وفجآه بتلاقي فعلا الورقه في ايديها وبتتصدم لما بتتفتح بتلاقي الامنيه اللي هي كانت عايزاها متحوط عليها بقلم أحمر
وجرس الفسحه بيض رب
أسامه
يلا يا بنات عشان الفسحه وبكرة هيبقي فيه لعبه حلوة كمان هتعجبكم اوي
وهما نازلين فيه بنت بتكون صورت كل اللي حصل من اول ما أسامه بيدخل الفصل وبتجري علي هاله عشان تعرفها ولما بتشوف الفيديو هاله بتتصدم وبتشد منها التليفون
هاله
ايه يا بنتي ده ده بجد حصل ولا أنت مركبه الفيديو بجد لو طلع الفيديو متركب انا هبهدلك وهحولك للتحقيق
البنت
والله يا مس هاله ده اللي حصل وانا قولت اصور عشان تصدقيني عشان للاسف محدش هيقدر يتكلم 
هاله بتبقي مش عارفه تعمل ايه بس بتمسح الفيديو من علي تليفون البنت لان بتخاف الفيديو ينتشر
هاله
انا مسحت الفيديو ومش عايزة اشوف اي حاجه من دي وانا لو فيه اي حاجه انا هبقي اتصرف وانت عارفه كويس أن ممنوع تصور المدرسين في الحصه ولا لا يلا روحي فسحتك
وبعد المدرسه ملك بتروح البيت واهلها بيقابلوها بفرح
الاب
انا عملك مفاجأه يا حبيبتي وحقق لك اللي انت عايزاه
ملك
هو ايه يا بابا مفاجأه ايه
الاب
احنا هنسافر ايطاليا وهنعيش هناك يلا روحي اجهزي عشان معاد الطيارة ايه رايك في المفاجأه وكمان هتكملي دراسك هناك
ملك بتكون فرحانه جدا وبتنسي الشرط اللي بيحصل بعد تحقيق الامنيه من كتر فرحتها
وملك وأهلها بيجهزوا وبيأجروا سواق يوصلهم المطار وهما في الطريق بيحصلهم حادثه فظيعه وكلهم بيمو توا
والخبر بيوصل لهاله بليل
هاله
لا حول ولا قوة الا بالله بجد مش مصدقه اللي حصل
مصطفي بيسمعها
مصطفي
مالك يا هاله فيه ايه
هاله
بجد يا مصطفي انا مش مصدقه فيه طالبه كانت مسافرة وعملت حادثه وماتت هي واهلها الغريبه أن انا شوفت فيديو النهاردة كان أسامه بيلعب معاهم لعبه غريبه وقالها أنه هيحصل ده فعلا هو بجد عرف