نزلت جري من بيتي رايحة على بيت أختي لعنة الأقارب بقلم حور حمدان

نزلت جري من بيتي رايحة على بيت أختي وعيوني بتدمع بوجع وخوف على توأمي.
ركبت العربية وأنا ببكي بانهيار وكل لحظة بتفكرني باللي حصل من كام سنة.
بالضبط من 6 سنين كنا وقتها في أولى ثانوي.
كنا بره الفصل بنشتري حاجة ناكلها ورجعنا أنا ومايا الفصل قبل كل البنات.
بس الصدمة كانت لما لقينا سلمى واقعة ووشها مجروح بطريقة بشعة.
صرخت ومايا قعدت تحاول تفوقها بس ما كانتش بتفوق.
قطعت النفس
ماتت! معقولة
وقتها محدش عرف مين اللي عمل كده خصوصا إن أنا ومايا دخلنا في حالة انهيار تام بسبب المنظر اللي شفناه.
عدت السنين وبدأنا نحاول ننسى الموقف ونتعايش.
ومايا اتجوزت من شخص بيحبها أو دا اللي كنا فاكرينه.
لحد ما في يوم لقيته باعتلي صورة لخد مايا مشوه
وكاتبلي
إيه رأيك في شكل أختك الجديد قريب هتكوني زيها...
كنت مصدومة لا مرعوبة.
كتبت له وإيدي كانت بترتجف
أختي! أنت بتقول إيه يا محمد! عملت إيه في أختي انطق يا حيوان!
بس الصدمة لما رد وقال
اللي أنت شايفاه دا أنا اللي عملته وقريب هتكوني مكانها يا حور هندمكم على اللي عملتوه في أختي زمان خلتوها تتشوه بسبب لعبة قذرة منك ومن أختك!
اتصدمت أول مرة أعرف إن محمد دا يبقى أخو سلمى!
ما كنتش أعرف نهائي.
كتبت له برجفة
إنت إنت أخو سلمى!

والله العظيم ما إحنا اللي عملنا كده! إحنا لما دخلنا عليها الفصل لقيناها واقعة وشكلها كده كانت ماتت!
كنت بدعي ربنا يقولي أي حاجة غير إنه ناوي ينتقم من أختي عشان فاكرها هي السبب في اللي حصل لسلمى.
لحد ما وصلتني منه مسدج هز كياني كله
بطلوا كذب أنا معايا فيديوهات وإنتوا بتعملوا فيها كده ومش هرحمكم.
فوقت من شرودي وأنا تحت بيت أختي فتحت باب العربية وطلعت جري على السلم لحد ما وقفت قدام باب شقتها.
مرعوبة
خايفة
تايهة
والأهم موجوعة.
لقيت الباب مفتوح
زقيته بسرعة ودخلت وكانت الصدمة لما لقيت مايا مرمية على الأرض نفس الجرح اللي كان في سلمى من ست سنين بنفس الطريقة بنفس الدم اللي مالي الأرض!
صرخت بصوت هز العمارة كلها
مايااا!!!
جريت عليها وأنا بترجف كنت حاسة الدنيا بتلف بيا حطيت راسي على صدرها أسمع نفسها كانت عايشة بس ضعيفة جدا.
مسكت التليفون وأنا ببعيط واتصلت بمحمد ما كنتش عارفة أتصرف.
رد بعد كذا رنة صوته كان غريب ومليان غل
ها يا حور شفتي بعينك شكل أختك الجديد
صرخت وأنا مش قادرة أتنفس
محمد! إنت عملت فيها كده!
رد باستغراب
أنا لسه دلوقتي راجع من الشغل بتقولي إيه
قلبي وقع
يعني هو مش هو
قلت وأنا ببعيط
مايا مرمية على الأرض ومشوهة زي أختك!
سكت ثواني وبعدين صوته اتغير تماما اتكلم بقلق حقيقي أول مرة أسمعه
استني إنتي فين دلوقتي أنا جاي فورا.
قفل المكالمة وبعد حوالي ربع ساعة سمعت صوت فرامل عربية تحت البيت.
بصيت من الشباك لقيته نازل من العربية بيجري وهو لابس نفس هدوم الشغل ملامحه مرعوبة مش غاضبة.
دخل الشقة بسرعة وشاف منظر الدم ووشه اتبدل كله.
قال بصوت مبحوح
أنا ما لمستهاش يا حور والله ما لمستها!
قلت وأنا ببكي
أمال الصورة اللي باعتها لي!
رد وهو بيطلع تليفونه بسرعة
الصورة دي وصلتلي من رقم غريب قبل ما أكلمك! كنت فاكرها قديمة فبعتها لك علشان أهددك لكن واضح إن في حد تاني بيلعب بينا.
رفعت عيني ليه وأنا مصدومة
حد تاني تقصد مين
محمد كان واقف مذهول عينيه بتلف بيني وبين الأرض اللي مليانة دم.
قال وهو بيكلم نفسه أكتر مني
نسرين معقول تعمل كده تاني بعد كل اللي حصل
قلت وأنا ببكي
مين نسرين دي يا محمد
بصلي بعينين مليانين وجع وقال
نسرين بنت عمي كانت أكبر من سلمى بسنتين وكانت بتغير منها بطريقة مش طبيعية. دايما تحاول تقلدها في كل حاجة في لبسها طريقتها حتى أصحابها.
سكت لحظة وكمل
قبل ما سلمى تموت بأيام كنت سامعهم بيتخانقوا بس ما خدتش بالي من التفاصيل. بعد الحادثة اختفت نسرين فترة وسافرت تعيش مع عمي برا مصر كنت فاكر إن خلاص لكن الظاهر إنها رجعت.
قلبي اتقبض وأنا ببص على مايا وهي نايمة في الأرض صوت الإسعاف بدأ يقرب وأنا مش قادرة أوقف دموعي.
محمد قال بسرعة وهو بيحاول يساعدني أشيلها
لازم نوديها المستشفى فورا وبعدها نبلغ الشرطة. أنا هعرف أجيب نسرين بنفسي.
وبعد نص ساعة كنا في المستشفى الأطباء دخلوا مايا العمليات ومحمد كان واقف في الممر وشكله بيغلي.
فتح موبايله وبدأ يقلب في الأرقام لحد ما وقف عند اسم نسرين وضغط اتصال.
بعد رنتين ردت بصوت بارد جدا
أهلا يا ابن عمي سمعت إن المسرحية الجديدة بدأت
صوته اتغير وهو بيصرخ
نسرين! إنت اللي عملت كده في مايا!
ضحكت ضحكة خفيفة وقالت
زي ما عملتوا زمان في سلمى الحساب كان لازم يتسدد.
قلت له وأنا بترجف
محمد حط الموبايل ع الاسبيكر.
حط محمد الموبايل على الاسبيكر وصوته بيرتعش من الغضب والصدمة
نسرين انطقي! إنت كنت هناك يومها يوم ما سلمى ماتت
ضحكت بهدوء ضحكة مليانة حقد وقالت
كنت هناك وشفت كل حاجة. وشفت كمان إزاي سلمى كانت فاكرة نفسها أحسن من الكل حتى مني!
كنت دايما بسمع الناس وهي بتقارن بيني وبينها سلمى أحلى سلمى أذكى سلمى مؤدبة أكتر زهقت! زهقت من المقارنات دي!
قاطعها محمد بصوت عالي
يعني قتلتيها عشان الغيرة! دي كانت أختك يا نسرين!
أختي! لأ يا محمد كانت لعنتي! كانت السبب في كل حاجة راحت مني. حتى لما حاولت أتكلم محدش صدقني. فاكر