رواية يارا وسيف ورغد جميع الفصول كاملة بقلم ضحى عبد المقصود
في أول يوم جامعة ليها في القاهرة.. دخلت بنت جميلة وخجولة جدا متعرفش حد خالص في القاهرة وملهاش اصحاب.. وهي داخلة الجامعة خبطت شخص فقالها بصوت عالي.. انتي عامية ولا ايه
البنت بارتباك.. انا آسفة جدا والله ما اقصد
الشخص.. غبية
وسابها ومشي
يارا كانت بنت حساسة جدا فعيطت لمجرد انه علي صوته شوية عليها
جت بنت ماشية شافتها بتعيط فقالتلها.. مالك بتعيطي ليه
يارا.. خبطت في ولد واعتذرتله.. بس علي صوته وقال اني غبية
البنت.. طب معلش متعيطيش بس.. انا رغد.. وانتي
يارا.. اسمي يارا
رغد.. ممكن نبقي أصحاب لو تحبي
يارا.. اه طبعا يا ريت انا ماليش صحاب
رغد.. ماشي.. تعالي بقي اعرفك علي صديقي من وانا صغيرة
يارا.. يلا ونبقي شلة هههه
يارا مشيت مع رغد عشان تعرفها علي صديقها
رغد.. اعرفك دا صديقي رامز
يارا.. اهلا انا يارا
رامز.. ازيك يا يارا
يارا.. كويسة الحمد لله
رغد.. رامز فين سيف
رامز.. اهو
رامز شاور علي سيف وهو جاي من بعيد ناحيتهم
سيف بعصبية.. انتي تاني
رغد بصتلهم باستغراب.. انتو تعرفو بعض
يارا.. ايوة دا نفس الولد اللي قولتلك عليه.. انتي تعرفيه
رغد بصتلها.. أخويا
سيف مسك دراع يارا.. انتي قولتلها ايه عليا يا بت انتي
يارا بنرفزة.. سيبني بقي.. انا حكتلها اللي حصل وبس مش اكتر ولا اقل.. وبعدين انت ازاي تمسكني كدا.. وعلي فكرة انا ليا اسم
سيف برزالة.. اسمك ايه بقي ان شاء الله
يارا بغيظ.. يارا
سيف.. حصلنا القرف ياختي
رغد مسكت دراع سيف.. سيبها يا ابيه هي معملتلكش حاجة
سيف ساب دراعها وقال.. يلا عندكم محاضرة دلوقتي
وسابهم ومشي وراحوا كلهم علي المحاضرة
لما دخلوا المحاضرة لقوا الدكتور واقف بضهره ف يارا مشافتش وشه لحد
سيف بابتسامة.. صباح الخير
كلهم ردوا عليه لكن يارا مش عارفة تتكلم من صدمتها
وأثناء المحاضرة سيف سأل يارا سؤال صعب جدا وكان عايز يستفزها وخلاص.. لكن يارا ابهرته بذكائها وجاوبت علي السؤال.. سيف اعجب جدا بذكائها وكان فرحان بيها اوي
بعد المحاضرة
يارا.. هو اخوكي دكتور في الجامعة
رغد.. اه اتصدمتي صح
يارا.. اه متوقعتش كدا ابدا
بعد ما كل المحاضرات خلصت
يارا.. باي باي رغد لازم امشي
رغد.. ممكن نوصلك البيت
يارا.. شكرا حبيبتي.. بس انا مش هروح البيت
يتبع..
رغد.. براحتك.. سلام
يارا.. سلام
يارا راحت تدور علي شغل بعد الجامعة لأنها عايشة لوحدها لأن باباها ومامتها متوفيين ولقت إعلان يناسب وقتها من بعد انتهاء يومها في الجامعة وقالت في نفسها.. دا اللي انا عايزاه بالظبط.. انا فرحااانة اوي
راحت يارا للشركة ودخلت للمدير
سيف.. انتي تاني هو في ايه النهاردة ليه كل ما اروح في حتة الاقيكي
يارا برجاء.. ارجوك مترفضش توظيفي هنا.. انا محتاجة الوظيفة دي جدا
سيف مردش عليها بس بص علي الملف بتاعها وبصلها وقالها.. ممكن تبدأي من دلوقتي اصلا
يارا بفرحة.. بجد
سيف.. اه بجد
يارا.. شكرا جدا مستر سيف.. ممكن أسألك سؤال
سيف.. اتفضلي
يارا.. حضرتك دكتور في الجامعة ومدير شركة.. ليه بتشتغل الاتنين
سيف.. الشركة دي كانت بتاعة والدي.. لكن الجامعة انا اخترت كدا عشان اكون قريب من رغد.. لو معندكيش مانع
آخر جملة قالها بتريقة بس يارا مهتمتش اوي وراحت علي الشغل
تاني يوم
في الجامعة
يارا.. ازيك يا رغد مش هتصدقي ايه اللي حصلي امبارح
رغد.. ايه اللي حصل
يارا.. روحت امبارح عشان ادور علي شغل بعد الجامعة فلقيت وظيفة في شركة دخلت لمديرها عشان الاقيه
رغد ضحكت وقالتلها.. كدا انتي هتشوفيه كل يوم في الجامعة وفي الشغل.. ومين عارف يمكن تشوفيه في مكان تاني غير كدا
رغد قالت آخر كلمة بمكر
يارا.. تقصدي ايه
رغد.. متاخديش في بالك هتعرفي بعدين
يارا مهتمتش اوي
بعد ما المحاضرات خلصت
يارا راحت علي الشغل
سيف.. يارا تعالي مكتبي دلوقتي عايزك
يارا اتوترت شوية لكن راحت
سيف.. عندنا ميتنج كمان ساعة ونص جهزي الملفات اللي قولتلك عليها
يارا.. حاضر
بعد ساعة ونص.
.. ازيك يا سيف
سيف.. ازيك يا طارق
يارا كانت واقفة جنب سيف فطارق بصلها من فوق لتحت بتفحص ومدلها ايده وقال.. ازيك يا قمر
سيف مدله ايده وسلم عليه بدل يارا وقال.. يلا علي الاجتماع يا طارق
طارق حس بالإحراج ومشي مع سيف للاجتماع.. طارق مكانش بيشيل نظره من علي يارا ف سيف قالها ب نوعا ما.. يارا امشي دلوقتي واستنيني في مكتبي
يارا مشيت بهدوء وهي مرعوبة تكون غلطت في حاجة وسيف يرفدها من الشغل لحد ما سمعت صوت من اوضة الاجتماعات
عند سيف وطارق.
سيف.. عجبتك يارا
طارق بهيام.. طبعا دي بنت جميلة جدا
اثناء ما طارق كان بيتكلم سيف قفل الباب وبدأ يشمر الاكمام بتاعة قميصه
سيف وهو بيقرب منه.. يعني عجبتك
وبدأ يضرب فيه بأقوي ما عنده وبيقول ب وعصبية.. ازاي تتجرأ وتبصلها اد.. انا مش هسمحلك بكدا حتي في أحلامك يا طارق.. فاهم
برا الأوضة.
رامز.. فين سيف وايه الصوت دا
يتبع..
الحلقة الثالثة
رامز دخل لمكتب سيف عشان يدور عليه
يارا باستغراب.. رامز انت ايه اللي جابك هنا
رامز.. انا
وسمع صوت من اوضة الاجتماعات فجري ناحيتها بسرعة عشان يشوف سيف ماسك طارق من رقبته وبيقول ب.. الصفقة انتهت يا طارق غور ومشوفش خلقتك هنا
رامز مسكه بسرعة وبعده عن طارق وقال.. ايه اللي حصل بتعمل فيه كدا ليه
سيف.. انت مشوفتش كان بيبص ليارا ازاي لا وكمان كان عايز يمسك ايدها
رامز وهو مش فاهم.. وانت ايه مشكلتك يارا متخصكش.. صح
سيف سكت شوية وقال في نفسه.. اه صحيح.. هي ايه مشكلتي.. دي مجرد طالبة في الجامعة وسكرتيرة عندي في الشركة
سيف خرج من الاوضة وساب رامز ودخل لمكتبه
يارا.. انت ليه خرجتني من الميتنج.. هي الصفقة تمت
سيف ب.. اخرسي.. مش عايز اسمع صوتك
يارا بعياط.. اخرس ليه.. هو انا عملت ايه
سيف اتنهد وقال بعدوء.. ىوحي بيتك دلوقتي يا يارا
يارا روحت وهي بتعيط وكانت فاكرة انه رفدها من الشغل
تاني يوم.
في الجامعة.
رغد.. مالك يا يارا ليه زعلانة كدا
يارا بحزن.. سيف رفدني من الشغل
رغد.. وهو ليه يعمل كدا.. انتي أكيد معملتيلوش حاجة.. انا هتكلم معاه
يارا.. لا انا هدور علي شغل تاني
وراحوا محاضرتهم
بعد ما كل المحاضرات خلصت.
يارا كانت هتروح للبيت ف سيف قالها.. تعالي معايا هنروح مع بعض عشان في ملفات كتير المفروض نخلصها
يارا.. بس انت رفردتني من الشغل امبارح
سيف.. انا معملتش كدا.. انا قولتلك روحي دلوقتي بس
يارا بفرحة.. بجد انا كنت فاكرة انك رفدتني
يارا كانت فرحانة جدا
في العربية وهما رايحين الشركة
سيف.. انتي ليه مهتمة بالشغل كدا مع إنك لسا في الجامعة
يارا بدموع.. لأني عايشة لوحدي.. بابا وماما ماتوا
سيف بأسف.. الله يرحمهم.. انا آسف بجد ماكنتش اعرف
يارا كانت بتحب باباها ومامتها جدا ف اتأثرت اوي بسؤال سيف وقعدت تعيط
سيف وقف العربية علي جنب.. خلاص والله ما كنت اعرف.. خلاص بطلي عياط
يارا بهدوء وبعد كدا ادرك اللي هو عمله فبعد عنها بسرعة
لما وصلوا الشركة
سيف.. هاتيلي فنجان قهوة
يارا.. حاضر
يارا راحت تجيبله القهوة وجابتها وفي نفس الوقت دا كان سيف خارج من المكتب فخبطوا في بعض والقهوة اتدلقت علي سيف
سيف بألم.. اههه.. اتني فعلا غبية حرقتيني بالقهوة
يارا بارتباك.. انا آسفة جدا والله ما اقصد
وسابته وجريت بسرعة وسيف رجع لمكتبه ومعداش دقيقة ويارا رجعت ومعاها تلج وعلاج للحروق
يارا.. انا فعلا آسفة جدا ماكنتش اقصد..
