رواية عرفته واحببته وتزوجته في يوم واحد جميع الفصول كاملةبقلم راندا عبدالحميد

انا مش بقول نعمل فرح لانه عارفه عايز تجهيزات بفتره كبيره قبلها انا بقول فستان. 
طيب بص هو مين فى اصحابك قريب منك قوى
فقال.. خالد ومحمد. 
فسالت ومين فيهم متجوز 
فقال.. خالد فقالل هو عنده اولاد. 
فاستغرب اسالتها بس عايز يشوف الاخر فقال لا اصلا هو متجوز قريب. 
فقالت.. تمام كده. اتصل بيه وقوله اننا قربنا نوصل القاهره وانت تخليه ينزل يحجزلى فورا فى بيوتى سنتر الراحت فيه عروسته او حد قريب من شقتنا مثلا او خلى مراته هيا التحجز 
ولو قالوا مش هينفع ترفع السعر شويه هيوافقوا 
والفستان اغلب البيوتى سنتر بيبقى تبعهم اتليه او قريب منهم واحد وانا ان شاء الله مش هحيرك فيه. 
فبصلها وقال.. وبعدين ايه الهيحصل. 
فقلت.. انت هتودينى وهتبقى مرات خالد هناك وهتسيبونا وتروحوا تاخد دش وتلبس بدله شيك وتيجى لما نخلص تاخدنا نتصور ونلف بالعربيه شويه على الكورنيش لو فى وقت ونروح. 
ويبقى كده اقدر ابعت الصور لاهلى واقولهم انك عملت الفرح مفاجاه ليا على الديق وخلاص وهما يخلوا قرايبى واصحابى يشوف الصور ويتاكدوا انى عملت فرح وانا يبقى عندى صور حلوه لفرحى كذكرى. 
ايه رايك فسكت شويه يفكر وبعدها مسك التليفون وكلم خالد وقاله على الفكره المجنونه. 
ففرح وقاله ماشى وكلم مراته وفرحتلنا واتصلوا حجزوا وراحت تلبس وتنزل تختارلى احلى الفساتين فى البيوتى سنتر وتجهزلى مشتملاتهم. 
وبعد خمس دقايق اتصل خالد بيسال وبيقول ان مراته بتساله انا مقاسى كام عشان تشتريلى صندل. فضحكت وقلت.. لا انا معايا واحد فى شنطتى. 
وفعلا اتنفذت الخطه وكان وليد فرحان بعد ما كان قلقان. 
وودانى البيوتى سنتر وروح جهز ولبس. وكنت واثقه انه هيبقى زى القمر بس حاولت ابين انى ما اخدتش بالى من شياكته معجبةولا طعامته معجبةولا اى حاجه خالص معجبةههههههههههاحلى ابتسامة. واول ما خرجت وقف بصلى شويه. 
وقالى.. نعم. 
فقلت.. نعم الله عليك مالك فيه ايه 
قالى.. ما فيش. مستنى عروستى. 
فقلت.. والله طيب تخرجلك بالسلامه عن اذنك انا بقى. 
وجيت امشى فقالى.. على فين 
فقلت.. عادى لقيتك مش فاضى فقلت اروح ادور على عريس غيرك. 
فضحك وقالى.. وليه دا الاقربون اولى بالمعروف. 
فقلت.. خلاص زى بعضه انتى اولى من الغريب. 
وقعدنا نضحك على نفسنا. 
فقال.. بس ايه يا بت الحلاوه دى دا انتى طلعتى قمرين مش قمر واحد 
فقلت.. باستنكار بت حد يقول لعروسته يوم فرحهم يا بنت 
فضحك وقالى طيب ايه الحلاوه دى يا مزه. 
فقربت منه وجزيت على سنانى وقلت.. هو انا قلتلك قبل كده انك قليل الادب 
فهز راسه بالايجاب وهو مش قادر يبطل ضحك. 
فقلت طيب اعتبر انى قلتها تانى. 
فميل عليا وقال. تعالى نركب العربيه عشان الناس عماله تبص علينا. واحنا مش هنبات هنا. 
فرسمت هاديه وبصيت على الحوالينا لقيت الناس عماله تبص علينا وخالد ومراته بيضحكوا لما دمعوا. 
فوطيت صوتى وقلت يلا افتح باب العربيه عشان اركب وعيش اللحظه. 
وهنا لقيت كل الحاول يتماسك بيها راح وانفجر فى الضحكباضحك باضحكوميل على العربيه وايده على بطنه وعمال يضحك. 
فاتكسفت من الناس وضربت كتفه وقلت.. كفايه كده فضحتنا يلا عشان نمشى. 
وهو عمال يضحك. 
فقلت.. احنا مالنا ومال الافراح والجواز ما كنا روحنا على طول عاجبك الفضايح دىانا متنرفزة. 
وبرضوا فطسان من الضحكباضحكباضحك. 
فقلت طيب ادينى العنوان وانا اروح ولما تخلص ضحك تعالى ورانا. 
وهو يضحك باضحك باضحكوكل ما اتكلم يضحك اكترباضحك باضحك وخالد ومراته سخسخوا خالص. 
بصراحه اتكسفت قوى وان الناس كلها بتتفرج علينا واتغظت منه. 
وقلت.. بابتسامه كلها غيط طيب يا وليد لما نرح ان ما علقتك من صرصور ودنك وحطيت السيخ المحمى جواها ابقى اتكلم. وهو كانه واخد برشام الزغزغه
مش بيعمل غير الدحك وعنيه كلها دموع. 
فقلت.. طيب انا هارجع ادخل البيوتى سنتر تانى وانت لما تخلص الزغزغه الانت فيها ابقى كلمنى. 
وكنت هامشى لقيته مسك ايدى وفتح باب العربيه وهو برضوا بيضحك
وركب هو جنبى وخالد ومراته قدام. وكل ما واحد فيه يوقف ضحك التانى يفكره. 
وكان نفسى امسكهم كل واحد منهم الطش فيه لما يقول كفايه بس فضلت اسكت عشان خدت بالى ان كلامى بيزغزغهم. ولما خلصوا ضحك حرك خالد العربيه من غير ما يتكلم بس كل شويه يتزغزغ لوحده ويضحك وطبعا هما يردوا الزغزغه قصدى الضحك ويضحكوا. 
المهم وصلنا على الاستوديوا وهيا كانت ناقصه قلت ادب يعنى صور مش عارفه اقول ايه استغفر الله العظيم شويه حط ايدك وشويه حط رجلك وشويه ميل عليها ووليد سايق الاستعباط وعاجبه الوضع والزاد وغطى عايزينه هااا زي الافلام قدامهم فانا رفضت رفض قاطع ولما قرب منى طبعا غمضت عينى تلقائى واتفاجئت انه عمل زي المصور ما قال ولما حسيت بالبيحصل وفتحت عينى كنا اتصورنا وبعدت عنه وهو كمل وصلت الضحكوانا قعدت اضرب فيه واقوله انت قليل الادب وايز تتربى وانا هوريك. وهو بس يضحك وكتفنى والمصور ما صدق وخد لقطه كده لينا. 
وهو كمان يضحك ويقول ما فيش احلى من الطبيعى. 
وانا اتغظت منهم وقلت ماشى ياوليد زعلت منك. واديته ضهرى وفعلا ادايقت منهم انا شفت المصور بيغمزله بس قلت ممكن تكون حاجه عاديه او بيظبط وضع ما كنتش عرف انهم بيظبطونى هههههه.
قالى خلاص ما تزعليش غصب عنى والله انتى دمك زى العسل ما كنتش اتوقع ان ليله فرحى تبقى كده خالص. 
فقلت.. لا فرح ايه البتتكلم عليه دى مسرحيه اعادل امام مش فرحنا. 
فضحك عليا خلاص يا رونى ما تزعليش انا عارف اننا زودناها بس غصب عننا والله. 
فابتسمت وقلت طيب يلا هنروح على طول.
فقالى مش هنلف بالعربيه. 
فقلت لا كفايه عليك ضحك النهارده ابقى نكمل فى يوم تانى. 
فضحك وقالى فعلا والله دا ضحك سنه قدام ربنا يخليكى ليا. 
وركبنا العربيه وخالد اشترالنا عشا من مطعم عشان كان عايز يعزمنا. 
فوليد قاله اننا تعبنا وعايزين نروح ولما وصلنا عند العماره
لقينا مفاجأة ان محمد جاب فرقة زفة استقبلتنا قدام العماره وفضلوا يرقصوا بارقص بارقص بارقص لغايه لما تعبنا خالص. 
وودعناهم وطلعنا وحط العشا على السفره طبعا كان طلع الشنط لما جه اول مره مع خالد وقعدنى شويه فى الصالون نرتاح. ووقفت فجاه وقلتله..
الحلقه الحاديه عشر..
وكان وليد فرحان بعد ما كان قلقان .
والمفاجاه ان محمد جاب فرقه زفه استقبلتنا قدام العماره وفضلوا يرقصوا مع بعض لغايه لما تعبنا خالص وودعناهم وطلعنا. وحط العشا على السفره.
طبعا كان طلع الشنط لما جه اول مره مع خالد 
وقعدنى شويه فى الصالون نرتاح..
ووقفت فجاه وقلتله.. يلا بقى كفايه كده اتكلمنا كتير وضحكنا كتير ولعبنا كتير كفايه كده .
واتفضل قوم قدامى على جوه .لقيته رفع حواجبه الاتنين وتنح وما نطقش .
فقلت برجاء.. يلا والله تعبت وعايزه اغير هدومى تعالى ساعدنى .
فحسيت انه زاد استغراب .
وقال.. انتى بتتكلمى جد عايزانى اجى اساعدك .
فهزيت راسى لفوق وتحت يعنى بالموافقه .
وقلت.. معلش اصلهم حطوا علبت دبابيس كامله فى الطرحه عشان تسبت ومش هاعرف افكهم لوحدى .بصلى شويه وقالى.. يلا .
فخرجنا من الصالون ومشينا فى طرقه طويله ما شاء الله الشقه كبيره قوى خمس اوض فشوفت اوضه نوم جميله وقلت.. ماشاء الله دى حلوة قوى زوقك حلو .
فابتسم وقال طبعا والدليل انى اختارتك
بعد ما اشتريتها شوفت اوضه نوم تانيه حسيت انها محتاجه اميره تكون فيها مش اى حد فاشتريتها هيا كمان وقلت اكيد هتعجبك .
ومسك ايدى وخدنى بره وودانى للاوضه التانيه فعلا كانت رائعه مش جميله بس وما ينفعش عليها اى اسم غير اوضه الاميرات كانت منتهى الذوق والشياكه والاناقه وكل حاجه حلوه .
فكنت مش قادره اتكلم من جمالها وبلف حواليا وحاسه انى دخلت قصه وانا دلوقت فى اوضه الاميره بتاعت القصر. فابتسم وقالى.. ايه رايك 
فبصتله وقلت.. جميله جدا ورائعه معقول احنا عندنا حد يعرف يعمل الجمال ده كله .
اكيد تمنها غالى اوى اوى .
فابتسم وقالى.. الغالى يرخصلك يا ست العرايس .
وقرب منى وقعد يشيل الدبابيس من الطرحه .
وقال.. ايه ده دا فعلا حطوا علبه دبابيس كامله ايه كل الدبابيس دى
فكلمته وانا ببصله فى المرايه
وقلت.. طبعا انت فاكر كنت بضحك عليك .
فقال.. ما كنتش متوقع كل ده انا كنت فاكر زودوا العدد بس مش العلبه كلها وليه كل ده 
فابتسمت وقلت.. عشان ما تقعش واتحرك براحتى وما ابقاش قلقانه .
وبعد ما خلص لفيت عليه بسرعه .وقلت.. مرسى جدا والله تعبتك معايا يلا بقا عشان تلحق تغير هدومك .
فتنح وقال.. انتى مش كنتى عايزانى اغيرلك فضحكت وقلت.. لا طبعا انا كنت عايزه تفك الدبابيس من الطرحه والحمد لله فكيتهم والسسته كانوا عاملين الجزء الفوق بطريقه معينه عشان ما يتفكش الفستان والحمد لله شلت العقده العاملينه .
اما انا فهاعرف اغير لوحدى وشكرا واتفضل بقا عشان تلحق تغير انت كمان عشان ما تتاخرش اكتر من كده .فقالى.. ايه رايك افضل معاكى يمكن يكون فى عقده هنا او هنا نسياهم .
فابتسمت بخجل وبصيت فى الارض وقلت.. شكرا يلا بقى مع السلامه .
فخرج وهو عند الباب عدل وشه وقالى.. هاخرج يا رونى فقلت.. اتفضل .
قالى.. هاتندمى
فابتسمت وقلت لا ان شاء الله مش هندم .
فقالى.. لن انسى لكى هذا الموقف .
فضحكت عليه وقفلت الباب .
وفتحت شنطتى وخرجت بجامه كان نفسى البسها قوى من ساعت ما ماما اشتريتها فى جهازى كانت 3 قطع جاكت نص كم وبدى بحماله واحده وبنطلون براموده. ولبستها وبصيت فى المرايه حسيت انى شبه العرايس البشوفهم فى الافراح فرحت قوى بيها .
وبصيت لسرير الاميرات وقلت. . ودلوقت الدور عليك .
ونطيت عليه وكان طرى وناعم .
وجو الاوضه مع التعب يشجع على النوم العميق وطبعا انا ما صدقت وكنت فى سابع نومه .
وما حستش بحاجه الا الصبح وبتلعب فى صوابعي او زغزغه مش عارفه .
فتحت عنيا بالراحه ولقيت واحد مدينى ضهروا
وبسرعه ضربته بركبتى فى وشه واول ما بعد عنى قمت فى ثانيه كنت عند الدولاب .
وببص لمين الولد العنده الجرائه يدخل اوضتى وانا نايمه وعمل كده .
ولقيته هو بتاع امبارح وليد .
وبعدها بصلى بغيظ وقالى.. حد يعمل كده .
هيا دى صباح الخير يا رونى .
فرديت بعصبيه وقلت.. انت ازاى جيت هنا وكنت بتعمل ايه وانا نايمه .
فبصلى بنص عين وقال.. كنت نايم.
وصحيت عشان التدريب وقلت اصحيكى عشان تيجى معايا بس كنتى نايمه بعمق .
قعدت جنبك اتاملك وفرحان بيكى وانتى معايا .
فبصتله بمنتهى الضيق وال وقلت.. ومين سمحلك تنام جنبى اصلا .
هو عشان بقيت مراتك خلاص تنام جنبى مش فيه اوضه تانيه تنام فيها .
وبعدين ايه المدخلناش امال الحصل امبارح كان ايه . فلقيته برق واتصدم وسال بجديه وقال.. هو ايه الحصل امبارح يا رونى 
فقلت بنفاذ صبر.. هو بعد الزفه مش دخلنا شقتنا يبقى دخلنا ولا لا ودخلنا اوضه الصالون يبقى دخلنا ولا لا ودخلنا اوض النوم سواء دى او التانيه يبقى دخلنا ولا لا غير انا دخلت فى الفستان لما لبسته فى البيوتى سنتر احسب انت كام دخله دخلناهم وانت جاى تقول ما دخلناش فبصلى شويه وبيدقق فيا وقالى.. رونى انتى فاهمه انتى بتقولى ايه .
هيا الدخله انك تدخلى الشقه والاوض وتدخلى فى الفستان 
فقلت بمنتهى الغيظ.. لا طبعا اى واحده فيهم تكفى يعنى الناس الفقرا العندهم مثلا اوضه مش شقه او بيت او العندهم خيمه اى حاجه هيدخلوا فيها هتبقى دخله المهم بعد الفرح او على الاقل الناس تبقا عارفه انهم دول دلوقت متجوزين .
فقعد على السرير وبصلى شويه وقال.. رونى انتى بتتكلمى جد ولا مكسوفه منى معقول انتى عندك 20 سنه.
وبتقولى كده مش ممكن 
فعقدت حواجبى وقلت.. وهو ايه فى الانا قلت غلط ولا هو ايه اليكسف فى الموضوع عشان اتكسف منك فيه فسكت شويه وغمض عنيه واخد نفس واتنهد بصوت عالى وابتسم وهو لسه مغمض .
وفتح عنيه وقال.. عشان كده كنتى بتتكلمى بقلب جامد وتعال ساعدنى اغير وفكلى الطرحه اتاريكى من بتوع الميعرفوش الفرخه بتبيض ازاى .
وانا الكنت مستغرب الجرائه الكنتى فيها اتاريكى لسه طفله من بتوع الفرخه .
فدبيت رجلى فى الارض وقلت.. ما تقلش الكلمه دى تانى بتستفزنى قوى اصحابى احيانا بيبقوا يتكلموا واسالهم وانا مش فاهمه كلامهم . فبيضحكوا عليا ويقلولى انتى لسه طفله لما تكبرى .
فلو سمحت ما تقولهاش تانى لانى بجد هازعل منك.
فابتسم وقال ما تزعليش كله بيعدى وبكره تكبرى زيهم . فقبل ما ارد لقيته بيضحك عليا وبيشاور عليا ومش قادر يمسك نفسه فاضايقت منه.
وقلت.. لو سمحت اطلع بره .
فحاول يتماسك شويه .
فقام وقالى خلاص يا حبيبتى دا انا جوزك عادى .
فضربته على صدره وقلت خلاص اسكت .
فكمل ضحك .
وقال عارفه انا كنت عامل حسابى انك هتاخدى وقت عشان تتعودى عليا وكده بس ما كنتش عارف ان المعلومات ميح خالص .
كده دا احنا معانا ربنا .
فبصتله بعدم فهم وقلت.. معلومات ايه الميح 
هو ايه الانا مش عارفاه .
فضحك وقال لما تكبرى هتعرفى .
فضربته كذا مره على صدره وصرخت فيه بغيظ .
وقلت.. اطلع بره مش عايزه اشوفك وانا كبيره ومش عايزه اعرف حاجه من اى حد اطلع يلا.
وهو عمال يضحك.
. الحلقه الثانيه عشر
فضحك وقال لما تكبرى هتعرفى .
فضربته كذا مره على صدره .وصرخت فيه بغيظ .
وقلت.. اطلع بره مش عايزه اشوفك وانا كبيره ومش عايزه اعرف حاجه من حد. . .اطلع يلا.
وهو عمال يضحك ومش قادر يوقف ضحك .
ولقيت عنيا دمعت وبصيت للناحيه التا نيه .
وهو بطل ضحك ولفنى ليه .
وقال.. ليه الدموع والله باضحك معاكى يا رونى .
فقلت عارف لما اصحابى بيقولوا كده وبيحسسونى انى طفله وصغيره ..بحس ان فيا حاجه اقل منهم او ان فهمى قليل مع ان والله ياوليد كل الناس بتقولى انى زكيه بس فى بعض الحوارات وخاصه عن موضوع الجواز والرجاله مش ببقى فاهمه قصدهم .
وحطت اديها على وشها وابتدت تعيط . فصعبت عليه فطبطب عليها .
وقالها والله يا رونى انتى ما عندكيش نقص ولا اى حاجه وحتى عشان اثبتلك والله انا كنت ناوى لما اخرج من عندك هروح اصلى ركعتين شكر لله ان ربنا كرمنى بوحده زيك طيبه وبريئه وانك الحمد لله جميله من جوه وبره كمان وبالعكس ان زمايلك دلول ممكن يكونوا بيغيروا منك مش احسن منك .
فبصتله وهيا مش مصدقه وقالت.. هيغيروا منى ليه فابتسم وقال.. لانهم ماعندهمش الطيبه الجواكى احنا قربنا من بعض من امبارح . اينعم انا دايما بخلى ابن عمتك يكلمنى عنك وياما حكالى مواقف عنك وكنت عارف انه فيكى صفات جميله كتير .
بس ما كنتش اعرف انك طيبه قوى كده وبريئه للدرجادى انا بشكر ربنا عليكى قوى وبحمده انك من نصيبى نادر لو لقينا فى زمانه ده واحده زيك.
بجد يا رونى انتى تستحقى قد الحب الحبتهولك الف مره . ومش هيكفوا حقك وربنا يقدرنى واعرف احافظ عليكى وما اكونش سبب زعلك ابدا .
فابتسمت وقالت.. .شكرا . بس انا ما استاهلش الانت قولته ده كله .
فقال.. انتى اجمل جوهره قابلتها فى حياتى وهقعد احمد ربنا عليكى طول عمرى .
وبعدها عنه شويه وقال.. باسلوب مرح بس ده ما يمنعش انك ضحكتى عليا برضوا .
فبصتله باستغراب وقالت.. ليه انا عملت ايه 
فرد وقال.. انا عارف انك بتصلى الفجر حاضر واتكلت انك هتصحينى واحنا الاتنين ما صلناش حاضر ينفع كده .
فبصت على البلكونه بتلقائيه وهيا مدايقه واستغفرت ربنا وقالت.. والله ما حستش خالص ربنا يسامحنا انا هاروح اتوضا واصلى دلوقت وربنا يسامحنى .
فقال.. طيب ممكن كمان تلبسى بسرعه عشان ما نتاخرش على النادى.
فبصتله وقالت.. ليه هو انا هاروح معاك .
فبصلها برجاء وقال معلش يا رونى تعالى معايا غصب عنى مش قادر ابعد عنك خالص لو ده مش هيضايقك .
فردت بسعاده وقالت.. لا والله دا انا هبقى مبسوطه جدا جدا.. وانا عارفه ان السبب الحقيقى انك عايزنى عشان تتمنظر على اصحابك بالبنت الزى العسل المعاك 
بس زى بعضوا هديك الفرصه دى وهخليك تعيش الدور .وقطعت كلامها لما حست انه شالها من على الارض ولف بيها وهيا ماسك فيه وخايفه تقع .
وتقوله.. خلاص نزلنى باضحك معاك .
ونزلها على السرير .
وقالها.. يعنى اعمل فيكى ايه وانتى زى العسل كده وعايز اكلك اكل .
فتصنعت الخوف واتحركت لورا وقالت انت ايه حكايتك مع ان عايز تاكلنى انت متجوزنى وجايبنى لاخر الدنيا عشان تستفرد بيا وتاكلنى لا يا عم مش لاعبه روحنى لبابا. فمسكها من كتفها وشدها قدامه للحمام .
وقال.. خلاص توبه مش هاكلك بس ما تقوليش تانى روحنى .ماشى .
فابتسمت .وقالت.. ما تخفش انا على قلبك وهتلاقينى حتى لو طرتنى مش هامشى انت خلاص بقيت ابنى وصاحبى واخويا قبل ما تكون جوزى .
فمسك ايدها وقالها ربنا يخليكى ليا .
فقالت يلا انتى كمان البس وانا مش باخد وقت بالبس عشان انت عارف مش بحط ميكب وانا خارجه فمش هاتاخر .
فقالها ماشى وان شاء الله هنفطر هناك عشان ما نتاخرش .
فابتسمت وقالت ما فيش مشكله .
واخدت شور سريع واتوضت ولبست لبس خروج وصلت وخرجت .
وقالت.. باسلوب مرح برافو برافو ايه انت لابسه ده دا انت كده هتتخطف منى مش هينفع نمشي سوا كده .
فابتسم وقال والله انا اللي خايف يحسدونى عليكى وحط ايده على دماغها وقرا ايه الكرسى والمعوذتين وشويه ادعيه ومسك ايدها وخدها وخرج .
ونزلوا ركبوا العربيه وطول الطريق ماسك ايدها وكل شويه يبصلها ويبتسم ويدعى ربنا انه يحفظهاله ويديمها نعمه ونور على حياته .
واول ما وصلوا النادى اتلم الناس يباركوله .
وقالها.. انا واثق ان محمد كتب خبر جوازى فى مجلت الحائط النهارده .
واكيد جه بدرى ولف على النادى كله يقولهم عشان كده شايفه الكل عارف .
فابتسمت وقالت.. ماشاء الله واضح انهم بيحبوك قوى.. وواضح انهم مش مجرد بيسلموا او يبارك دى مشاعرهم من قلبهم .
وبص لقى محمد وخالد وشويه زمايلهم جايين يباركولهم. ومحمد جايب كاميره يصورهم .
وهيا عشان مش بتسلم على اولاد فكانت اغلب الوقت مانكجاه يعنى لافه ايدها من تحت ايده وايدها التانيه حطاها فوق ايده وهو كان بيسلم بايده التانيه ولما يسلم على حد يبعدها عنه شويه صغيرين ولسه برضوا ماسك ايديها وكانت بتحيي الناس براسها او بابتساه او بترد عليهم بالله يبارك فيكم .ربنا يسعدكم .وكده .
لغايه لما جه يصورهم محمد فهيا بعدت شويه لورا فمحمد افتكر انها مكسوفه.
فراح بسرعه وقال.. وهو رايحلها انتى مكسوفه مننا انتى بقيتى واحده مننا .
ولسه هيمسك ايدها ويشدها تقف معاهم فى الصوره فهيا رجعت خطوتين لورا .
وقالت.. نقاش حاد احنا هنهزر ولا ايه خليك مكانك ما تقربش ..و..
الحلقه الثالثة عشر..
ولسه هيمسك ايدها ويشدها تقف معاهم فى الصوره فهيا رجعت خطوتين لورا .
وقالت.. احنا هنهزر ولا ايه .خليك مكانك ما تقربش وبصتله ب .وسبتهم ومشيت بسرعه .
وكان المطعم قريب فدخلت وقعدت على طربيزه جنب الشباك عشان اشم الهوا واهدى .
اما وليد بص لمحمد بغيظ بس ما اتكلمش وجه ورايا على طول .
ومحمد اصحابهم استلموه انت مالك تتصور ولا .
واليقوله احنا كلنا ولاد كانت هتقف فى وسطينا يعنى .
واليقوله ايه ما شفتش هيا ما سلمتش على واحد فينا بايده واخرها بتهز راسها او تقول شكرا عايزها تقف معانا. واليقوله كده وليد زمانه زعل منك .
اما وليد جه قعد جنبى وابتسم .
وقالى.. عارفه ان دى اول مره اجرى ورا وحده بنت احلى ابتسامة.
فبصتله بغيظ وبصيت الناحيه التانيه .
فاتكلم بجديه وقالى.. بصى يا رونى محمد صاحبى طيب جدا جدا وتلقائى فوق ما تتخيلى وعشان كده الفى قلبه على لسانه . وهو فرحان بيا قوى عشان كده جابلنا الفرقه امبارح وجايب الكاميرا صورنا بيها .ده من فرحته بينا وانا واثق انه العمله ده من فرحته بينا وكان معتبرك زى ما يكون بيتعامل معايا لسه ما خدش على الاختلاف وواثق انه هيجى بعد شويه يعتزرلنا . فعشان خاطرى ما تزعليش ولو جه ما تكسفهوش .ماشى