رواية عرفته واحببته وتزوجته في يوم واحد جميع الفصول كاملةبقلم راندا عبدالحميد
يا رونى
وانا هشد ودنه بس وانتى مش معانا عشان ما يحسوش انك جيتى خدتينى منهم .
فبصتله وقلت.. حصل خير يلا نفطر عشان ما تتاخرش .
وطلبنا الفطار وقبل ما يجى جه محمد وشكله كان خايف وعامل زى التلميذ المش عامل الواجب.
ووقف قدام وليد وقاله.. اسف يا وليد ما كنتش اقصد ويا ريت ما تزعلوش .
فبصلى وليد وقال بمرح .ايه رايك يا رونى نسامح الواد ده ولا ايه
فبصتيت للسقف وقلت بشرطين .
فاستغرب وليد وقبل ما يرد جه الفطار . فحطوه على التربيزه .
وقال وليد وهو متررد وخايف اكسفه قدام صاحبه.. وايه هيا شروطك .
قلت.. اولا يكمل تصوير لينا ويتصور معانا .
فبصولى الاتنين وبتفاجى . وكملت وانا مبتسمه .
والشرط التانى يقعد يفطر معانا .
احنا صعايده وكرمه وما ينفعش يبقى الاكل موجود وهو موجود وما يقعدش ياكل .
بس ده ما يمنعش انه ليه عقاب وهو انه يعمل حسابه انه هيدفع الحساب بتاعنا .
عشان لو فكر يكرر الموضوع ده مع غيرنا يفتكر الفلوس الدفعها فميكررهاش .
ايه رايكم فى كلامى.
وفجاه قعد محمد على التربيزه .
وقال.. ينصر دينك يا شيخه دا انا قلت الصعيديه دى خدت الواد ودلوقت هيرجع لنا ماسك البندقيه وبيقولى التار ولا العار يا بوى .
فرفعت حواجبى
وقلت.. والله .
الظاهر ان الفطار حسابه ما كفاش الظاهر انك محتاج تعزم الفريق معانا عشان تاخد بالك من كلامك .
فحط ايده على بقه . وقال.. والله سماح النوبه .
هو ده وشاور على بقه البجيبلى الكلام لو يسكت ما كنتش ادبس فى الفطار ده .
فقلت واضح ان حساب الفطار مزعلك لو مش معاك وليد يسلفك .
فرد وليد وقال.. ايه ده وانتوا لسه فاكرين انى فى وسطيكم موجود .
فضحكت وقلتله اصلا انا خلاص مش زعلانه انت وصاحبك اتصرفوا مع بعض .
فبص محمد لوليد باستعطاف وقله.. ايه رايك يا كبير بعد الفطار اعزمكم على حاجه سخنه او حاجه ساقعه وتسامحنى .
فرفع وليد حاجبه وقال.. وانا زعلى يشترى بحاجه نشربها يا محمد باشا .
فرديت انا وقلت.. خلاص يا وليد .
الكابتن محمد دفع كتير من امبارح عشانه خليها عشانى المرادى ولو زعلنا تانى يبقى جابه لنفسه .
فرد وليد وقال.. عشانك بس هاسامحه .
فوقف محمد وقال.. بجد ربنا يخليكى ليه يا مدام وبجد يا وليد ربنا يباركلك فيها عرفت تختار عقبالى يا رب .
وجه يمشى فقله وليد.. ايه يا محمد ها تكمل اكلك .
فرد عليه.. وقال لا انا كده تمام يا كبير .
ورايح اطمن الشباب انى خرجت سليم كانوا مستنين يعزوا فيا النهارده .
وضحك هو وليد .
وطبعا رفض وليد انه يدفع الحساب وقاله اننا بنهزر معاه وانا كمان اكدت على كلام وليد ومشى .
وبعدها بشويه قام وليد راح غير هدومه وجه خدنى لمكان فى الاستاد اكون قريبه منهم واقدر اشوفه وهو بيدرب .
وكنت مستمتعه جدا وحسيت بشخصيته مع اصحابه والمدرب وكل الحواليه بالرغم من قوه شخصيته الا انه مش بيغلط فى حد ولا بيتعدى حدوده ولا بيحسس الاقل منه بكده بحس انه بيحسسه انه صاحبه وكنت بتامل كل خطوه بيمشى فيها وشكلى كده هابتدى احب الكوره ههههههههه .
وبعد ما خلص التدريب جه قعد جنبى.
وقالى.. وحشتينى .
فبصتله وانا فرحانه بيه وما ردتش .
فابتسم وقالى.. ايه معجبه .
فقلت.. يوه من زمان انت لسه فاكر تسال .
هو اتفاجى بردى وقال.. بجد يا رونى كلامك ده .
فضحكت وقلت.. انتى ما بتصدق يلا قوم غير بسرعه عشان ما تبردش ولا تتعب .
فوقف باحباط ومشى من غير ولا كلمه .
فقلت.. وليد .
فبصلى . فقلت.. لو سمحت ما تتاخرش عليا.
وعنيا كلها شوق ليه وبتقوله هتوحشنى من قبل ما تمشى
فابتسم وقال.. من عنيا يا رونى .
وفعلا ما اتاخرش وجه .
وقالى.. ايه رايك تحبى تتغدى فين .
فقلت.. اى مكان .
فقالى طيب
فقلت.. تيجى نتغدى فى البيت الاكل الجابه خالد امبارح زى ما هو فى التلاجه تعالى نروح اسخنه نتغدى .
وفى العشا لو ما كنش فيه اكل فى البيت نطلب دليفرى .
قالى.. ماشى .
وقالى.. تحبى تروحى اى مكان نتفسح .
فبصتله وقلت.. ليه انت مش بتنام شويه بعد الغدا .
فقالى.. وانتى عرفتى منين .
فبصتله وانا مبسوطه .
وقلت.. ودى مش محتاجه زكاء يعنى بعد كل التدريبات دى والهده فيهم اكيد مش هتحتاج اكتر من انك تتغدى وتدور على اقرب سرير عشان تنام .
فازدادت ابتسامته .
وقال.. طيب انتى ده مش هيخليكى مدايقه
يعنى انتى عروسه وعايزه تخرجى وتتفسحى وتشترى النفسك فيه .
فقلت.. اى انسان بيحب يخرج ويتفسح بس طبعا ده مش هيكون على حسابك وحساب صحتك .
احنا ان شاء الله نروح نتغدى ونام
ولما نصحى لو بقى وقت ابقى ننزل او بكره او بعده او فى يوم اجازتك يعنى الايام جايه كتير .
وبعدين ان مومنه ان كل حاجه رزق وانا عارفه ان رزقى هيجى لغايه عندى فمتشلش همى .
ولو سمحت مش عشان ابقى مبسوطه تيجى على نفسك وانا البقولك كده عشان ..
.. الحلقه الرابعه عشر ..
انا مومنه ان كل حاجه رزق وانا عارفه ان رزقى هيجى لغايه عندى .
فمتشلش همى .ولو سمحت مش عشان ابقى مبسوطه تيجى على نفسك وانا البقولك كده .
ووقف وشبك ايده فى ايدى ورحنات المسجد صلينا الظهر.
وقلنا خلاص هنروح .
وقبل ما نخرج من النادى فجاه من تحت الارض لقيت واحده اترمت على وليد
وبتقوله وليد وحشتنى شهر كامل ما شفتكش صدقنى لسه راجعه من السفر امبارح بالليل .
وقلت لازم الصبح اجى النادى عشان اشوفك بجد وحشتنى موت .
انا بقا سبت ايده ووقفت اتابع المشهد الرومانسى وعماله تتكلم .
وهو اول ما استوعب الوضع شدها بسرعه وبعدها عنه وزعقلها .
وقلها.. لو سمحتى يا انسه سهى ما يصحش كده ابدا عيب بنت زيك تعمل كده مع ولد مش جوزها عيب انتى بنت ناس محترمين .
فقالت بدلع.. ايه يا لودى احنا مش فى حكم المخطوبين .
فاستغربت جدا وحلفت على ليله مطينه بطين ومهببه هتكون النهارده على دماغه بس مستنيه اشوف المشهد هيوصل لفين والحساب يجمع .
اما هو فرجع خطوتين لورا وقال.. ايه الانتى قلتيه ده مين قال الكلام الفارغ ده .
فردت باستنكار وقالت.. ايه يا لودى هو احنا مش بنحب بعض وكل النادى عارف .
فقالها.. ايه بنحب بعض دى والكل عارف .
ايه البلاوى دى وايه لودى دى
هو انتى فكرانى وحده صحبتك . ده ايه القرف ده.
اولا اسمى كابتن وليد والكلام ده ليكى ولكل البنات الفى النادى .
وهو قال كده عشان كانت جايه ومعاها صحباتها .
ثانيا.. انا لا عمرى وعدتك بحاجه ولا اصلا فكرت فى الجواز منك او من اى وحده فى النادى ولا وقفت اتكلمت مع واحده الا لو جات تكلمنى هيا او تسال على حاجه والموضوع ده مش بياخد دقيقتين او تلاته .
وده ذوقيا منى مش اكتر عشان ما احرجهاش قدام البنات مع انى مش بحترم اى بنت تيجى تقف عشان تكلمنى او تهزر معايا او مع غيرى .
وياريت كل واحده تتلم وتحترم البيت الهيا خارجه منه . ومسك ايدى وقال.. عن اذنكم .
واول ما مشى خطوتين صرخت وقالت.. هيا دى الفلاحه الرحت جبتها من البلد عشان تتجوزها
هيا دى الهتشرف وليد الجاسر وتقف وراه فى الحفلات والمجتمع الراقى يا كابتن .
فبصلها باستخفاف وقال.. ايوه بالظبط دى الهتشرفنى بدليل انى جبتها قدام الكل وقلت دى مراتى.
دى الهتصونى دى الهحافظ عليا دى الانام وانا واثق انها بتتقى الله فيا هيا .
دى الهتشرف انى اجيب منها عيالى .
وما اتكسفش لو سالونى انت اخترت مين تبقى امنا .
هيا دى الملت عنيا وقلبى ودنيتى هيا دى عملتلى الكلكم ما تقدروش تدهونى.
هيا دى الجزمتها اللبسها ليها قيمه عندى من وجودك نفسه انتى وغيرك .
واعتقد عرفتى الفرق الشاسع البينك وبنها .
فردت وقالت بكره تندم يا كابتن. وبكره تشوف انى مش هاهنيك بيها وهارجعها للفلاحين الجات منهم .
فرد وقال.. لو فيكى خير ورينى هتعملى ايه وساعتها هتعرفى وليد الجاسر ممكن يعمل ايه .
ومسك ايدى ومشى .وركبنا العربيه وهو حط ايده على وشه وقعد يستغفر ربنا شويه . ونزل ايده .
وبصلى وقال.. رونى بصى انا عايز اشرحلك الموضوع .
فقلت بلاش نتكلم دلوقت لما نروح يبقى بينا كلام تانى .
فقال.. رونى والله اول مره تعمل العملته النهارده ده وما كنتش اتوقع ان فى بنات بالجرائه وقلت الادب دى
وما كنتش فاكر انها بتفكر كده .
وقطعت كلامه وقلت.. وليد .
واتنهدت وقلت.. بالرغم انى ما عشتش معاك كتير وما اعرفش انك بتتعامل معاهم ازاى بس الكلام السمعته من بابا وقرايبنا عنك خلانى اطمنلك واطمن لحياتى معاك وده يمكن من اهم الاسباب الخلتنى اوافق اجى معاك .
بس مش هسامحك لو لقيتك خدعتنى او على علاقه باى بنت حتى لو قبل ما تعرفنى وده عشان مش عشانك .
ده لانى انا متاكده انه كما تدين تدان وان ده من الديون اللازم الواحد بيتعاقب فيها فى دنيته .
ومش هاسمح لا ليك ولا غيرك ان اكون تصفيت حسباتهم فيا .
وابتسمت بسخريه وقالت.. وبالرغم من كل الحصل قدامى مش عارفه ليه واثقه فيه وما منالك ومش ندمانه على وجودى معاك بس يا رب يفضل ده شعورى على طول .
فقال.. والله يا رونى عمرى ما اتعديت حدود ربنا وديما بتقيه وان شاء الله مش هتندمى ابدا على جوازك منى .
فابتسمت وقلت.. ان شاء الله .
بس لو سمحت نعتبر الموضوع الحصل ده كانه ما كانش ومحدش فينا يتكلم فيه تانى .
فقالى.. متاكده مش عايزانى اتكلم او اشرحلك عن اى نقطه فيه .
فقلت يمكن جوايا وجعنى شويه من كلام البنت دى .
بس خلاص مع الايام هيتنسى بس بينى وبينك الموضوع ما نتكلمش فيه تانى ويلا نروح عشان ما يفتكروش انهم نجحوا يفرقوا بينا او ا ننا بنتخانق عشانهم فباس دماغى وقال ربنا يخليكى ليا وساق العربيه ومشينا ..
الحلقه الخامسه عشر.. ..
فقلت يمكن جوايا وجعنى شويه من كلام البنت دى وتصرفها. بس خلاص مع الايام هيتنسى
بس بينى وبينك الموضوع ما نتكلمش فيه تانى ويلا نروح عشان ما يفتكروش انهم نجحوا يفرقوا بينا او ا ننا بنتخانق عشانهم
فباس دماغى وقال ربنا يخليكى ليا وساق العربيه ومشينا.
وروحنا اتغدينا وصلينا ودخلت الاوضه .
لان ده وليد مفروض ده وقت نومه فلقيته جه ورايا وراح على السرير ونام واتغطى .
فقلت.. وليد انت هتعمل ايه
فابتسم.. وقال هنام يا رونى عايزه حاجه
.فقلت هو مش عشان نمت امبارح جنبى من غير ما حس يبقى خلاص كل يوم تيجى تنام جنبى.
فعقد حواجبه وقال.. وايه المشكله يا رونى انتى مكسوفه منى ولا مش عايزانى جنبك
فقلت.. هو بصراحه انا مش متعوده حد ينام جنبى وكمان ولد
فقام وجه مسك ايدى وقعدنى وقالى.. رونى حبيبتى انا اقربلك ايه
فابتسمت وحطيت وشى فى الارض وقلت.. وليد .
فضحك وقال.. مش باسالك عن اسمى انا باسل عن علاقتى بيكى سبب وجودنا سوا فى المكان ده تحت بند ايه .
فكنت مكسوفه اقول جوزى .فسكت وانا لسه باصه فى الارض .
فقالى.. للدرجادى الكلمه تقيله عليكى .ولا انا نفسى الوجودى فى حياتك هو التقيل عليكى .
وكان صوته فيه نبرت زعل وعتاب .
فرفعت وشى وقلت.. لا والله مش كده بالعكس والله . بس اصلها جديده عليا وما اتعودش انطقها . فحاسه انى مش ..مكسوفه اقولها وكمان قدامك .
فتنهد وابتسم وقالى.. ماشى يا رونى .بصى يا حبيبتى اولا هنتفق على حاجه انى مش ممكن هافرض
فقلت.. ماشى .
فقالى.. دلوقت مش اى اتنين متجوزين بيعملوا اوضه النوم عشان هما الاتنين يناموا فيها يعنى مثلا مامتك وباباكى مش بيناموا فى نفس الاوضه اى حد فى قرايبك مش بينام مع مراته هو ده الطبيعى والعادى ان اى اتنين متجوزين زينا بيناموا مع بعض .
اما يا حبيبتى لو انتى مش عايزانى انا بالتحديد اكون معاكى فى الاوضه انا مش هاغصبك .
اما لو كسوف فان شاء الله هتمشى مع التعود .
فقالت.. هو انا ما فكرتش كده .يعنى انا متربيه انه ما ينفعش البنت تنام جنب ولد بس ما فكرتش زيك كده .
فضحك وقالى.. طيب ودلوقتى عايزانى ولا اقوم امشى .
فبصت فى الارض وقالت.. مش عارفه براحتك .
فقال طيب انا راحتى انى انام زى امبارح وانتى معايا تسمحيلى بده .
ففتحت عنيها على الاخر . ووقفت وقالت.. هو انت نيمتنى معاك امبارح .
فابتسم وشفت المكر فى عينه وقال.. لا طبعا انا جيت انام عادى ولقيتك مسكتي فيا .
بقولك.. مالك يا رونى .
قلتى.. مش عارفه انام الا وانت قريب مني .وفعلا قد كان .
فوقفت مزهوله وقلت.. انا انا مش ممكن اعمل كده .
فقال.. اكيد كنتى بين النوم والصحيان يا رونى فمش فاكره .
ففضلت افتكر وافتكر ومش فاكره حاجه .
فقلت.. انت متاكد من البتقوله ده . يعنى انا فعلا انا عملت كده . معقول
وفجاه لقيته قام وشالنى وبقى بيدور بيا الاوضه .
وقال.. معقول يا ناس فى بنات لسه فيها طيبه وبالبرائه دى .
وانا مسكت فيه جامد خايفه اقع اصلى مش متعوده على الجنان ده .وخليته نزلنى بالعافيه .
فاتكسفت من كلامه .
وقلت.. انا مش هارد عليك تانى انا هامشى وانت نام براحتك .
فقالى.. على فين .
فقلت.. هاطلع اعمل اى حاجه او اسمع التليفزيون .
فقالى مش هتنامى.. فقلت لا انا اصلا كنت جايه ارتب هدومى الفى الشنط واحطها فى الدولاب .
فقال.. انتى شفتى الحاجات الجبتهالك فى الدولاب .
فقلت.. لا . انت جبت ايه .
فقام وفتح اول ضرفه وكان الرف الاول عباره عن علب ملفوفه هدايه .
والتانى والتالت لبس للبيت وواضح انها منتهى الجمال والشياكه وكتير .وقالى ايه رايك .
فقلت.. واو واضح ان ذوقها عالى انت لحقت تشتريهم امتى وتختار هم بعنايه كده
واضح انهم مش مشتريهم عدد وخلاص .
فابتسم.. وقال.. انتى فاكره انك عندى تستحقي اى حاجه وخلاص .
انا كل ما اخرج للمول او اسافر واشوف حاجه شيك وتشدنى اشتريها واشيلهالك .
وده الشتريته فى السنتين من ساعت ما شفتك .
اما بالنسبه للهدايا.. كان خلال السنتين اى عيد او مناسبه او عيد ميلادك او اى مناسبه كنت بشتريلك الهديه واجى اشيلهم فى دولابك بعلبتهم زى الهدوم ما هى بكياسها .
انا كنت مش مصدقه .
وقلت.. انت بتتكلم جد .
انت كنت بتعمل كده . طيب افرض ما كنتش من نصيبك .
فحضنى وباس دماغى
وقال.. كنت هاستنى باقى عمرى اللحظه التجمعنى بيكى برضوا .
مش ربنا قال انا عند ظن عبدى فى
وانا ظنى فيه كان كبير مش معقول هاحبك كل ده وبعد ما اتحرمت من بابا وماما هاتحرم منك انتى كمان .
وصدقينى من المره الاولى الشفتك فيها وحسيت انك النص البدور عليه وحسيت انى بحبك قوى ومن زمان كمان .
فابتسم وقالى.. كان نفسى قوى تبقى معايا وكنت بتمنى اللحظه الهتبقى قدامى واقولك انى بحبك وبعشقك قوى يا رونى
فقلت.. بصراحه كده انت الكلامك الواحد مش لاقى رد يساويه .
فقالى نفسى اشوفك وانتى بتفتحى الهدايا ممكن .
فقلت.. بشرط لو قلت كل علبه فيها ايه قبل ما نفتحها وافتكرت مناسبتها .
فمسك علبتين . وخدنى وقعدنا.
وقال.. دى لعيد ميلادك الاول من بعد ما شفتك والتانيه لعيد ميلادك التانى.
والاولى ده
وقالى كل سنه وانتى طيبه يا رونى. احلى ابتسامةاحلى ابتسامة
فضحكت وقلت وانت طيب
التالي
