رواية ورد وسيف الانصاري كاملة جميع الفصول عشق متملك بقلم إسراء ابراهيم
انتي عارفة دخلتك انهاردة علي مين ده سيف الانصاري اشهر رجل اعمال في مصر كلها ده انتي الف بنت بتحسدك انهاردة..... وانتي قاعدة بتأوأي وعمالة تندبي حظك
ورد بانهيار
ولما انا محظوظة اوي كدة مجوزتهوش بنت من بناتك ليه اشمعني انا يا مرات عمي ولا صح منا مش بنتك واكيد خايفة عليهم لانك عارفة سمعة الراجل ده عاملة ازاي وانه قاسي ومعندوش قلب
حنان بغيظ
ماهو لسانك ده اللي جايبلك الكافية..... وبعدين يا ام لسانين انتي لو كان اتقدم لواحدة من بناتي كنت وافقت ومن غير تفكير بس هو بقي طلبك بالاسم يعني عاوزك انتي من يوم ما شافك في شركته
ورد بدموع وندم
كان يوم اسود يوم ما اشتغلت عنده.... انا لو يرجع بيا الزمن كنت مۏت نفسي ولا اروح اشتغل عند الشخص ده
حنان بضيق
بقولك ايه بطلي بقي وصلة النكد دي .... خلاص كلها يومين وتبقي مراته وتروحي تعيشي في العز وتنسينا اساسا.... يلا قومي عشان نلحق نفصلك كام فستان
ورد بانفعال
انا مش عاوزة حاجة سيبيني في حالي..... سيبيني في اللي انا فيه
حنان بغضب
اما انتي عيلة مبيطمرش فيكي حاجة صحيح... خلاص ياختي خليكي هنا واندبي.... بس صدقيني مهما عملتي مش هتفلتي من الجوازة دي عشان هو خلاص حطك في دماغه ومش هتخرجي من هنا الا علي بيته فاحسنلك بقي ترضي بالامر الواقع
قالت كدة حنان وسابتها وخرجت ووقفت ورد تبص لنفسها في المراية وهي بټعيط وبتدعي ربنا انها تقدر تهرب من الجوازة دي ويبعد عنها الانسان ده بس ازاي وهو قالهالها في اخر مرة شافته فيها لما واجهته وقالتله انها مش عاوزاه... هي مش هتنسي ابدا ملامحه وهو بيقولها بحدة شافتها في عنيه وكلامه لما قالها انتي
هتبقي ليا سواء برضاكي او ڠصب عنك وكل ده بسبب القلم اللي ادتهوله وخلته اتحول وكأنه واحد تاني بس كانت هتعمل ايه وهي شايفاه بيقرب منها.... كان لازم تدافع عن نفسها ودلوقتي هي اللي بتدفع التمن
............................
الصالة كانت مليانة ناس والزينة البسيطة اللي مزينة البيت.... كلها بتلمع من الفلوس اللي دفعها سيف الأنصاري. و ورد قاعدة على الكرسي وطرحتها نازلة على وشها ودموعها مغرقة عينيها من غير ما حد يحس و قلبها كان مقبوض كأنه عايز يهرب معاها
فريد بص لحنان وقال وهو بيضحك
شايفة يا حنان بقينا قرايب سيف الأنصاري... محدش في البلد هيقدر يطولنا من النهارده.
حنان هزت راسها وابتسامتها مليانة طمع
ولا بقى على القصر اللي هتعيش فيه ورد يا بختها والله أنا لو منها كنت وافقت وروحت بمزاجي مش عملت اللي هي بتعمله ده
ورد سمعت كلامهم ودمها اتحرق وحست نفسها سلعة اتباعت مش بنت ليها كرامة ووقتهت دموعها نزلت أكتر و مسحتها بسرعة عشان محدش يلاحظ بس قلبها بيصرخ
ليه أنا ليه رماني القدر في إيد سيف ده ليييه
ثواني وسيف دخل بخطوات تقيلة وكل الناس قامت تحييه وتسقف وكان حضوره مرعب... عينيه السودة والباردة وكأن مفيش فيها رحمة...قعد قدام المأذون اللي بدأ يقول وهو يقول وراه
وورد وقتها اتخنقت وحست بكلمة قبلت زواجها دي زي سکينة بتقطع قلبها.... ومكنتش قادرة تتكلم ولسانها اتربط لما الماذون سألها و كل اللي عملته إنها هزت راسها ڠصب عنها بعد ضغط من عمها ووقتها الشيخ قال
بارك الله لكما وبارك عليكما وجمع بينكما في خير
المعازيم سقفو والزغاريد عليت و ورد قلبها اتكسر في لحظة دي
حنان بفرحة للناس
ورد بقيت مرات سيف الأنصاري يا عالم... احنا ناسبناه
ورد قامت بسرعة من على الكرسي وهي مش مستحملة الزحمة ولا فرحة الكل و دموعها مغرقة طرحتها ولقت نفسها بتخرج تجري بره البيت وخطواتها سريعة كأنها بتهرب من مۏت محتوم
ورد لنفسها وهي بتجري
لا مش هكمل. مش هعيش أسيرة لواحد زي ده.... انا لازم أهرب لازم ألحق نفسي قبل ما يموتني
وصلت لنص الشارع وقلبها بيدق بسرعة و إيديها بترتعش وهي بتحاول تاخد نفسها و أول ما ارتاحت...فجاة اتجمدت مكانها لما لقت سيف واقف قدامها بعربيته السودا الفخمة و ساند على الباب العربية والسيجارة في إيده وعينيه متثبتة عليها ببرود قاټل ووقتها ابتسم ابتسامة صغيرة مرعبة وقال
انتي فاكرة إنك هتهربي يا ورد فاكرة إنك هتفلتي كتب كتابنا اتكتب وانتي خلاص بقيتي مراتي واللي بتعمليه ده لعب عيال.
ورد رجعت لورا بخوف دموعها مش مبطلة
سيبني بالله عليك سيبني
سيف رمى السيجارة وداس عليها برجله وقرب منها بخطوات هادية بس مرعبة وبعدين مسك إيدها جامد فصړخت وحاولت تفلت بس إيده كانت زي الحديد.
سيف بقوة
انتي هتيجي معايا دلوقتي ڠصب عنك أو برضاكي.... أنا قولتلك قبل كده اللي أنا عاوزه لازم يبقى ليا. والقلم ده انا هدفعك تمنه غالي اوووي
قال كدة وجرها بالعافية وفتح باب العربية ورماها جوة وهي بتصرخ وتضربه بضعف
لااا سيبني مش عاوزة حرام عليك!
قفل هو الباب بقوة وركب جنبها وببرود قاټل قالها قبل ما يتحرك
اتعودي يا ورد حياتك من انهارده مش هتبقى زي قبل كده.
ورد عيطت بصوت عالي و قلبها اتقبض وهي حاسة نفسها اتسحبت وفجأة جسمها تلج وعيونها غمضت و فقدت الوعي
سيف بصلها وهو سايق وعينيه غامقة بس في لحظة صغيرة بان فيها صراع داخلي غريب بس رجع يركز في الطريق وقال ببرود
حتى لو هتكرهيني في الآخر هتفضلي ليا
................................
فاقت ورد لقت نفسها في اوصة في القصر بتاع سيف فكانت خايفة اوي لما فاقت وكانت متوترة وهي بتبص حواليها بخوف لحد ما سيف دخل و قفل الباب وبيبصلها ببرود.
ورد بصوت مبحوح من العياط
سيبني أروح بالله عليك أنا مش عاوزة الجوازة دي... ارحمني
سيف بابتسامة سخرية وهو بيرمي المفتاح عالترابيزة
تروحي فين يا ورد ده خلاص بيتك
ورد بعصبية
ده عمره ما هيبقى بيتي... أنا اتجوزتك ڠصب عني دي مش جوازة.... انت ازاي اصلا تقبل تتجوز واحدة مش عاوزاك
سيف بقسۏة وهو بيقرب منها
الجوازة تمت والناس كلها شهدت....وانتي بقيتي مراتي ڠصب عنك أو برضاكي النتيجة واحدة اما بقي ازاي اقبل فانا قبلت عشان اردلك القلم اللي ادتهوني
ورد دموعها نازلة وهي بترجع لورا
بس أنا مش ندمانة انا عملت كدة عشان ادافع عن نفسي.... انت كنت بتقرب مني وانا لازم ادافع عن نفسي
سيف شدها من دراعها جامد وقربها منه
واديكي بقيتي ملكي وبرصه هقربلك والنهاية واحدة.... وبعدين متحاوليش تخدعيني و وتبيني انك كويسة انتي زيك زيهم... كلكم صنف واحد مبيجيش غير بالفلوس
ورد بصرخة
انت حيوان.....و معندكش قلب وانا لو كنت كدة كان زماني دلوقتي فرحانة بجوازتي منك لكن انا اتمني المۏت ولا انك تبقي جوزي ..... انت كلك علي بعضك
سيف بص في عينيها بحدة وتحدي
وانتي فاكرة ان الجملتين الخايبين دول هيخيلو عليا ويا تري بقي قعدتي تحفظي فيهم ايه
ورد بسخرية وسط دموعها
لا مش انا اللي اكدب واعمل مؤامرة انا مش زيك ..... لكن انت عايز تثبت إنك تقدر تاخد أي حاجة حتى لو ڠصب.... بس انا بقي مش هسمحلك بده الا علي جثتي يا سيف
سيف غمض عينيه لحظة وكأنه بيحارب نفسه وبعدين فتحها ببرود
يمكن بس في الآخر صدقيني هخليكي تتمني المۏت ولا تطوليه لحد ما تعترفي انك كنتي قاصدة تعملي كدة عشان انتي فعلا زيهم
ورد بحد وهي بتحاول تفلت إيدها
انا لا يمكن هعترف بحاجة كدب ومحصلتش يا سيف وانا عمري ما كنت كده ولا بتاعة فلوس و انت فعلا لو راجل بجد كنت سبتني ومخلتنيش اتجوزك ڠصب ...... لكن انت انسان حقير
قلم نزل علي وشها جامد لدرجة انها وقعت علي الارض
ورد بصوت مكسور
انت بټنتقم مني عشان القلم واديك رديته دلوقتي بقي ارتحت كدة رضيت غرورك انا بكرهك يا سيف بكرهك
سيف حاجة جواه اتهزت بس مبينش وقرب منها وقالها وهو بيبص جوا عينيها
القلم ده خلاني أفكر إزاي واحدة ضعيفة زيك تجرؤ تمد إيدها عليا ومن وقتها قولت لنفسي مش هتعدي وافتكري انك السبب في كل اللي انتي فيه.... انا هخليكي تقولي يارتني ما فكرت ارفع ايدي عليه
ورد بدموع وكسرة
أنا عمري ما هندم ابدا اني عملت كدة حتى لو ضړبتني الف مرة يا سيف
سيف بجمود
تمام.... الوقت كدة كدة معاكي.... المهم دلوقتي هسيبك تجهزي عشان دخلتنا.... انتي ناسية انها انهاردة
ورد بخوف وهي بترجع لورا
مستحيل.... انت لا يمكن هتقرب مني..... انا مش هسمحلك بده
سيف ابتسم ابتسامة غامضة
قبولك أو رفضك مش فارق أنا كدة كدة لما بعوز حاجة بعملها
ورد بصوت عالي وهي بټعيط
انا بكرهك يا سيف عمرك ما هتلاقي مني غير الكره.
سيف رفع حواجبه وقال ببرود
أهو ده التحدي اللي عاجبني هنشوف مين في الآخر هيكسب
ورد
بصوت مهزوز
أنا هكرهك لآخر نفس فيا.
سيف قرب من وشها وقال بهدوء مخيف
حتى لو كرهتيني في الآخر هتفضلي هنا تحت ايدي
قال كلامه وسابها وخرج وفضلت ټعيط ورد وهي منهارة من العياط
.......................
تاني يوم فاقت ورد من النوم بعد ما نامت من التعب مكانها
سيف ببرود بعد ما
