رواية ورد وسيف الانصاري كاملة جميع الفصول عشق متملك بقلم إسراء ابراهيم
المحتويات
كتاب قديم بس دماغها مش في مكانها وكل شوية تفتكر الكلام اللي سمعته من سيف وهو بيتكلم في التليفون لحد ما فجأة انتبهت ولقت سيف واقف قدامها ملامحه تقيلة بس عينيه فيها أثر سهرة طويلة من غير نوم
سيف ببرود
انتي كنتي واقفة بتسمعيني امبارح صح
ورد اتوترت لحظة بس حاولت تمسك نفسها
لا أنا قولتلك أنا كنت عطشانة.
سيف ضحك بسخرية بس ضحكة فيها مرارة
عطشانة! ولا فضولك خلاكي تتجسسي
ورد رفعت راسها بثبات لأول مرة
مبحبش كلمة تجسس.... أنا مسمعتش غير اللي صوتك خلاه يوصللي يمكن ربنا كان عاوزني أعرف ليه بتعاملني وحش اوي كدة
سيف يضيق عينه
وعرفتي إيه بالظبط إن الستات كلهم كدابين وانكم مالكوش امان.
ورد اخدت نفس عميق وحاولت تتكلم بثبات رغم رعشة صوتها
لا
عرفت انك إنك مجروح.
سيف اتجمد لحظة كأن الكلمة وقفت في عقله وبعدين ضحك بسخرية مرة وهو بيحاول بتجاهل كلامها
مجروح! أنا! أنا اللي كلو بيخاف يقف قداميابقي مجروح! انتي شكلك لسة متعرفنيش يا شاطرة
ورد بثبات وصوتها فيه قوة لأول مرة
القوة مش إنك تخوف الناس القوة إنك ما تسمحش لجراحك تغيرك.... أنا فاهمة دلوقتي ليه انت قاسي ليه شايف كل ست نسخة من اللي باعتك بس أحب أقولك حاجة أنا مش زيها ولا يمكن هكون زيها
سيف ملامحه اتجمدت وكأن ورد داست علي جرحه فقرب منها وهي خافت ورجعت لورا لحد ما بقي سيف قدامها بالظبط
سيف بټهديد
انا متبعتش وهي اخدت عقابها... ا
تحبي تعرفي عملت فيها ايه حبستها... خلتها عبرة لكل ست مش اصيلة
ورد بتلقائية وهي باصة في عنيه
وارتحت لما عملت كدة معتقدش... عارف ليه... عشان انت لازم تقنع نفسك الاول انك مش غلطان ومفي فيك عيب عشان هي تعمل كدة..... هي اللي كانت مش كويسة مش انت ولازم تتأكد ان مش كل الستات زيها..... وانك ممكن تقابل حد غيرها وتحبك بجد مش مصلحة
سيف رفع حاجبه ورد وهو عينه بتلمع بحدة
كلكم بتقولوا نفس الكلام. أنا مش زيهم أنا مختلفة وفي الآخر الطبع بيغلب.
ورد بصتله في عينه من غير ما ترمش
بس أنا اتربيت من غير أب وأم و ده مخلانيش أبقى وحشة بالعكس اخدت من الدنيا دروس علمتني أتمسك بأخلاقي ولو كنت اتكسرت كتير بس عمري ما بعت نفسي.
سيف صوته بقي خشن أكتر كأنه بيحاول يغطي
أخلاق! الأخلاق دي مبتأكلش عيش لما تطمعي هتعملي زيهم
ورد بحسم
لو كنت زيهم كان زماني من بدري دورت على طريق أسهل بس أنا اخترت أعيش بكرامتي حتى وأنا في بيتك دلوقتي ڠصب عني
سيف اتنفس ببطء وهو بيقرب أكتر والمسافة بينهم
بقت قريبة بشكل خلي قلب ورد يدق بسرعة بس حاولت تبان ثابتة.
سيف بصوت واطي فيه نبرة غريبة مش واضحة
انتي بتحاولي تقنعيني إنك ملاك
ورد تهز راسها بنفي
مفيش حد ملاك بس في ناس لسه عندها ضمير واخلاق وأنا واحدة منهم سواء انت اقتنعت او لا يا سيف
سكتو للحظةو سيف كان بيبصلها بحدة وعينيه بتلمع بحاجة غير الڠضب إحساس مش فاهمه. حاول يخفيه بالتكشيرة المعتادة
سيف وهو بيبعد فجأة
كفاية فلسفة.... أنا مش طالب دروس أخلاق منك
وردبهدوء بس فيه حزم
يمكن انت مش طالب بس شكلك محتاج وانا موجودة لو احتجتني وبعدين انت مش خسران حاجة اديني فرصة اثبتلك
سيف وقف مكانه و بصلها لحظة وحاول يرد بس لسانه اتعقد ولف ومشي بسرعة كأنه بيهرب من المواجهة وورد فضلت واقفة مكانها وقلبها بيدق بس في عينيها لمعة انتصار صغيرة عشان لأول مرة هو اتلخبط قدامها
...................
بعد يومين كانت قاعدة ورد على طرف الكنبة تحت في الفيلا وهي ماسكة مجلة صغيرة ووقتها الجرس بيرن وسعدية بتروح تفتح وورد فجأة بتلاقي واحد من رجال الأعمال اللي بيتعاملوا مع سيف بس شكله مغرور اوي وعينه رايحة جاية عليها من وقت ما لمحها
نادر بابتسامة وهو بيمد ايديه لورد
ما شاء الله إيه القمر ده إنتي تقربي إيه لسيف بيه... انا اول مرة اشوفك هنا
ورد بهدوء من غير ما تمد ايديها ليه
أنا ابقي مراته.... اتفضل هروح ابلغه انك هنا
نادر بضحكة سخرية وهو بيقرب أكتر
مراته بصراحة غريبة اصل اللي زي سيف مبيتجوزش لانه يعني مشغول دايما واكيد اي ست بتبقي عاوزة شوية اهتمام
ورد بحدة
لو سمحت احترم نفسك... انت اصلا ملكش حق تتكلم معايا عن حياتنا الشخصية انا وجوزي واعتقد انه بعد ما يعرف بكلامك ده هيعيد نظر بشغلكم سوا
نادر ابتسم بسخرية وهو بيحاول يلطف الجو
طب اهدي كده أنا قصدي خير يعني واحدة زيك ماينفعش تبقي مرمية هنا
قال اخر جملة وهو بيمد ايديه وبيلمس ايديها
ورد بصتله بعصبية وفجاة ضړبته
إيدك دي متتمدش عليا تاني يا حقير انت
في اللحظة دي صوت سيف جه من فوق السلم بعد ما كان شاف كل حاجة و عينيه مركزة على ورد ووشه مش باين عليه غير جمود وڠضب وكان بينزل بسرعة لحد ما وقف قدام نادر
سيف بصوت هادي بس مرعب
إنت عملت إيه دلوقتي
نادر بتزتر وكدب
لا لا مفيش يا سيف بيه.... إحنا كنا بنهزرمش كدة يا
سيف قاطعه وهو بيمسكه من لياقة قميصه بقوة
بتهزر مع مراتي! إنت شكلك فاكر نفسك داخل كباريه مش بيتي يا حيوان وصدقني انت جبت لنفسك المۏت
نادر بړعب وهو بيحاول يبرر
والله العظيم سوء تفاهم صدقني انا مقصدش وبعدين انت ناسي ان بينا شغل مهم وشراكة كبيرة يا سيف
سيف بصوت عالي اوي وڠضب اعمي
مفيش شراكة بينا اعتبره انتهي واطلع برة بدل ما اخليك تطلع علي ضهرك يا كلب
نادر هرب بسرعة من الفيلا و ورد لسه واقفة مكانها و إيديها بتترعش من اللي حصل وخايفة سيف يكون فهم غلط وصدق انها فعلا كانت بتهزر مع نادر ده
ورد بتسرع بخوف وهي تبص لسيف
صدقني أنا هو اللي حاول
سيف بيقاطعها بسرعة وبجدية وهو بيبص في عينيها
أنا شوفت كل حاجة مش محتاجة تبرري.
ورد وهي بتبصله بلهفة
إنت بجد شوفت
سيف بثبات وهو بيهديها
أيوه وشوفت كمان إزاي وقفتيه عند حده يمكن أول مرة أشوف ست ټضرب راجل بالقلم عشان تدافع عن نفسها
ورد بخجل وهي تبص في الأرض
أنا اكيد مش هسمح لحد يتجرأ عليامهما. كان هو مين
سيف بصلها ثواني وعينه فيها لمعة مختلفة بس بسرعة يرجع لنفسه ويرد بجدية
كويس خليكي كده على طول بقي
ولف ومشي ناحية السلم من غير ما يقول كلمة زيادة بس أول مرة وهو بيبعد ابتسامة صغيرة تطلع منه و ورد كانت مكانها وقلبها بيدق بسرعة وبعدين تبتسم بخفة وهي بتهمس لنفسها
أول مرة يصدقني
.............................
بليل كانت قاعدة ورد لوحدها في اوضتها وفجأة النور بيقطع فخافت اوي وقامت بسرعة وهي بتبص حواليها وبدأت ټعيط لانها بتخاف من الضلمة اوي وبقت تنادي علي سيف بكل قوتها لحد ما لقته بيفتح الباب وبيقرب منها بلهفة
سيف بلهفة
ورد انتي كويسة... انا هنا مټخافيش
ورد جريت علي نور الكشاف اللي في ايد سيف ولقت نفسها بتترمي
سيف بتوتر ولخبطة
اهدي انا خلاص معاكي
ورد بدموع وهي متبتة فيه
انا بخاف من الضلمة يا سيف...ارجوك متسبنيش خليك معايا لحد ما النور يرجع
سيف وهو بيهديها
حاضر انا هفضل جمبك....اهدي انتي بس وتعالي اقعدي
ورد برفض وهي متبتة فيه
لا خليني كدة اوعي تبعد عشان خاطري انا خايفة
سيف بحنان
خلاص طيب انا معاكي.... اقولك اتكلمي في اي حاجة عشان مټخافيش وتنسي النور خالص
ورد بتردد
هو انت لسة بتكرهني
سيف بصدمة وتردد
لا يا ورد.... بس انا صعب اتعامل معاكي.... حتي لو من جوايا متأكد انك غير اي بنت
ورد بحزن
بس انا مش كدة... انا غيرها صدقني.... حتي حاول بس وانت تعرف
سيف بابتسامة علي برائتها
العيب مش فيكي... العيب فيا انا... انا طول الوقت هبقي قلقان وخايف صدقيني وانتي بعيدة عني كدة احسن وبعدين مش ده اللي كنتي عاوزاه..... انتي ناسية اول يوم جيتي فيه هنا... كان نفسك ابعد عنك ومتشوفنيش اصلا
ورد بتردد وهي باصة للضلمة
يمكن بس دلوقتي لا... انا بعد ما عرفت انك من جواك كويس وانك مش بتكرهني عشاني انا حسيت اني عاوزة اقرب منك.....حاجة جوايا بتقولي انك غير اي راجل عرفته.....بصراحة كنت فاكراك انك من نوعية عمي بس طلعت غير كدة خالص
سيف بابتسامة
تعرفي اول مرة قربت منك لما ضربتيني بالقلم كنت فرحان....حسيت وقتها انك غير اي بنت.....انا حسيت كدة من اول ما شوفتك ويمكن ده اللي خلاني افكر اختبرك وانتي فعلا طلعتي غيرهم
ورد بتردد وخوف
ممكن اعرف هي عملت ايه.... والله متزعلش لو مش عاوز تحكي خلاص اعتبرني مقولتش حاجة
سيف وهو بيتنهد بحيرة
كانت اخت صاحبي وطول الوقت معايا وحسستني انها فعلا بتحبني وبتخاف عليا لحد ما لقيت نفسي بطلبها من اخوها وفعلا اتجوزنا... اتغاضيت عن طلباتها الكتير وخروجها اللي من غير داعي وعمري ما كنت اتخيل انها مش بتحبني لحد ما في يوم نسيت موبايلها في البيت واتأخرت برة فرنيت عليها وعرفت انها نسيته ووقتها فتحت فونها وأكيد معروفة حصل ايه...
ورد كانت حاسة بيه فتبتت في ايديه وردت بصوت مميز
هي اللي خسرتك صدقني مش انت.... انت انضف منها بكتير
سيف قلبه دق وكان مغمض عنيه وهو بيسمع ورد ووقتها النور جه فبصتله ورد وهي قريبة منه اوي وسيف
متابعة القراءة
