رواية ورد وسيف الانصاري كاملة جميع الفصول عشق متملك بقلم إسراء ابراهيم
بص في عنيها بتركيز وحيرة وبعد فجأة وقام خرج وكأنه بقي واحد تاني وهي بصت لاثره بحزن وكأنها حاسة بالصراع اللي جواه
تاني يوم كان سيف
واقف بيتكلم مع واحدة ست أنيقة جدا بتشتغل عه في الشركة وكان باين من نظراتها لسيف انها معجبة بيه. و ورد كانت نازلة من فوق ولما سافتهم
ملامحها اتبدلت وكشرت بغضب ونزلت وهي بتبصلهم بغيظ
ورد بضيق
صباح الخير... مين دي يا سيف
سيف باستغراب
صباح النور.... احم دي نادين السكرتيرة بتاعتي يا ورد
ورد ضيقت عنيها وهي بتسلم عليها ببرود وراحت قعدت بعيد عنهم و كل ما تشوف نادين بتضحك لسيف بدون مبرر تحس نار بتاكلها من جوه
نادين بابتسامة
بصراحة يا سيف بيه مفيش حد بيعرف يتابع من البيت الشغل غيرك رغم اني اشتغلت من ناس كتير.... حقيقي أنا منبهرة.
سيف بهدوء وبرود
الشغل مش محتاج انبهار.... محتاج التزام وياريت تركزي في اللي بقوله
نادين ضحكت بخفة وهي بتبص لورد من بعيد و ومدت إيدها تمسك ورقة من إيد سيف وتتعمد تلمس ايديه ووقتها ورد تقوم فجأة من على الكنبة ووشها يحمر وهي مش قادره تسيطر علي ڠضبها وغيرتها وتقوم بسرعة تدخل المطبخ
سعدية باستغراب
مالك يا ست ورد وشك مكشر كده ليه
ورد متوترة وببتهرب
مفيش الجو حر شوية برة قولت اجي هنا اساعدك احسن
سعدية ببتسم بخبث وهي بتقرب منها
حر! ده التكييف هنا مخلي الدنيا تلج... قولي الصراحة بقى انتي مش طايقة اللي واقفة مع سيف دي مش كدة
ورد بتتوتر أكتر وتعض شفايفها
لا
سعدية ضحكت بخفة
هو حر اه بس انتي قلبك مش حر.... وعينك فضحاكي يا بنتي.... وليكي حق هي من ساعة ما جت وهي بتتكلم معاه وطريقتها كدة مش ولابد
ورد سكتت وهي باصة بعيد بعصبية وبتحاول تمسك دموعها
ورد بصوت واطي
انتي
مش فاهمة انا معرفش مالي.... بس انا مخنوقة
سعدية بتمد إيدها تطبطب على إيد ورد
لا فاهمة وزيادة...وحقك مش جوزك لازم تغيري عليه..... هو يمكن مش واخد باله دلوقتي بس صدقيني مفيش راجل في الدنيا ما بيحسش باللي بيحبه. وانتي بتحبيه أكتر ما انتي عارفة
ورد بصدمة
بحبه معقولة
سعدية بحنان
اايوة.... وانا لو منك اخرج ادافع عن جوزي ومسيبهوش مع البت الملزقة دي
ورد بقوة وهي بتبص لسعدية
عندك حق... انا رايحة
خرجت ورد و عينيها مركزة مع
سيف من بعيد ولاقته لسه بيتكلم مع نادين بس من غير أي اهتمام بيها وده خلي قلبها يهدى لحظة وتكتم تنهيدة طويلة خارجة منها
سعدية بابتسامة وهي بتقرب منها
شايفة هو واقف معاها بس عينه مش عليها.... دايما بيبص ناحيتك وانتي مش واخدة بالك.
ورد بتتفاجئ وتبص بسرعة ناحية سيف و فعلا تلاقيه لثواني مركز عليها وهي مشغولة مع سعدية فتتوتر أكتر وتبتسم ليه ووشها يحمر ڠصب عنها...
سعدية بهمس
شوفتي... هو كمان واقع... وانتي وشطارتك بقي
ورد بخجل
طب اعمل ايه دلوقتي اروح ليهم و
سكتت ورد وبان علي ملامحها الڠضب لما شافت نادين وهي بتضحك بصوت وهي
يعني مش هتقبل العشا اللي بعزمك عليه ده مجرد وجبة عمل يا سيف بيه.
ورد قلبها وقع في رجليها وبصتلهم بغضب بس رد سيف صدمها
سيف ببرود
انا معنديش الكلام ده ....
أنا راجل متجوز وعندي مراتي
ورد لما سيف بصلها اتوترت و قلبها دق بسرعة ولقت نفسها بتبتسم بتلقائية
نادين بإصرار
طب على الأقل تيجي الأسبوع الجاي في المكتبانت بقالك كتير مش بتنزل
سيف بحدة بسيطة ونظرة جامدة
لو في شغل نتكلم. لكن أي حاجة تانية مش محلها وانا انزل وقت ما احب انتي فااهمة
قال كلامه و سحب الورق من إيدها بطريقة حادة و ورد وقتها حست براحة غريبة و فرحة صغيرة بتلمع في عينيها من غير ما تبين
نادين بتوتر
حاضر يا سيف بيه زي ما تحب.
قالت كدة ومشيت وسيف حول نظره ناحية ورد اللي كانت متوترة وعينيها فيها لمعة مختلفة ووقتها
ابتسامة صغيرة بتظهر على طرف شفايف سيف وهو بيبصلها
سعدية بهمس لورد
شايفة رفضها في وشها كأنها ولا حاجة
ورد حاولت ترد وهي مرتبكة وصوتها مش طالع
انتي انتي مكبرة الموضوع يا طنط سعدية... سيف اكيد معملش كدة عشاني
سعدية بتضحك
لا يا حبيبتي انا متأكدة... سيف ده تربيتي
ورد بصت لسيف تاني و لقته لسه مركز معاها وكأنه مستني رد فعلها فتنزل عينيها بسرعة للأرض وتحاول تدارى ابتسامتها اللي طلعت ڠصب عنها
............................
بليل كانت ورد قاعدة في اوضتها و قلبها بيرقص من الفرحة بسبب اللي حصل بس مش عايزة تبين ده وكان سيف
سيف بابتسامة
غريية انك فرحانة دلوقتي... انتي كنتي متضايقة لما كانت نادين هنا
ورد بتتفاجأ فبترفع عينيها بسرعة وتنكر
ورد بتوتر
لا وانا هضايق من إيه
سيف قرب خطوة وعينيه مركزة في عيونها
مضايقة من وجودها مثلا ومن طريقتها ولا إني كلمتها وكنت قاعد معاها
ورد بتوتر وهروب
انت بيتهيالك ثم وأنا مالي أساسا.
سيف بابتسامة صغيرة لأول مرة تبان صافية قالها بصدق
ماليش غيرك يا ورد.... من أول ما دخلتي حياتي وأنا فاكر إني اتجوزتك عشان اكسرك وإنك هتكوني مجرد اسم على ورق بس إنتي كل يوم بتغيريني من غير ما أحس.
ورد عينيها بتدمع وقلبها بينهار وتبتسم من غير ما تحس
انت بجد شايفني كدة يعني مبقتش تكرهني انت اصلا كنت دايما بتبعدني
سيف اتنهد بعمق وهو بيقرب أكتر
يمكن لأني كنت بخاف بخاف أصدق تاني.... اټخنت مرة واحدة واتكسرت جوايا اجمل ما فيا قولت لنفسي مفيش ست تستاهل... بس انتي كسرتي كل الحواجز دي من غير ما تعملي حاجة... بمجرد بس وجودك اتغيرت
ورد بتحاول ترد بس صوتها بيتهز فتقول بهمس
أنا بحبك يا سيف..... وعمري ما كنت اتخيل بعد ما كنت بكرهك اني احبك اوي كدة... انت بقيت بالنسبالي الامان اللي عشت اتمناه
سيف ابتسم ابتسامة واسعة أول مرة تبان على وشه و قرب أكتر ومسكها بتملك
وأنا كمان بحبك يا ورد وعمري ما هسيبك ابدا... عشان انتي سبب وجود سيف التاني اللي حب وعاش من جديد
ورد ابتسمت
تمت
