رواية تميم وتماره كاملة جميع الفصول بقلم ندى الشريف
المحتويات
روتينيه لحد ما اتفاجئت ببسنت جايا بتجري وهيا فرحانه وبتقولي
هتلبسي ايه في الحفله!
قولتلها بإستغراب حفله ايه
_حفله مستر تميم بمناسبه ان دي السنه الأربعين للشركه..
سنه أربعين! هو مستر تميم فاتحها من قبل ما يتولد!
_ايه الغباء دا يبنتي الشركه دي اللي عملها جد مستر تميم وبعدها اداها لأبو مستر تميم وبعدها أبو مستر تميم اداها لمستر تميم ف مستر تميم بقا..
هششش هشش ايه العقد اللي بتقوليها دي! الحفله أمتى
_المفروض أخر الأسبوع.. وسكرتير مستر تميم هينزل دلوقتي يبلغنا بكل التفاصيل..
طيب يا اختي يلا اتكلي من هنا عشان مديرك لو ملقكيش على مكتبك هيزعلك..
قالتلي وهيا بتاخد بونبوني من اللي محططوين على المكتب ماشي يا اختي..
معداش دقيقتين وكان سكرتير مستر تميم نزل يبلغنا التفاصيل.. بس اللي فات مع مستر تميم حاجه!! والحفله حاجه تانيه خالص..
كنا رايحيين و.. .
يتبع..
بس اللي فات مع مستر تميم حاجه!! والحفله حاجه تانيه خالص..
قبل الحفله بيوم نزلت أنا وأخويا عشان نشتري لبس للحفله لأننا هنروحها سوا!
Nada_El_Shrief
أشترينا البدله بتاعته ودخلنا محل في وسط البلد عشان نشتري فستان شيك للمناسبه لأن كل لبسي كاچول..
قالي وهو قاعد على الكرسي اللي في محل
ايه فستان السندريلا د!
قولتله وانا برفع راسي بفخر
يبني عيب عليك انا أحلي أي حاجه ألبسها..
قالي وهو بيقوم لأ انتي شكلك ناويه تلفي على واحد من اللي جايين الحفله..
أي حد هيسمع الجمله دي هيجي في باله نفس اللي جه في بالي.. هو قالها بهزار بس ميعرفش انها حقيقه..
Nada_El_Shrief
قولتله وانا داخله البروڤه عشان أغير
اتشطر أنت كمان وشوفلك عروسه..
دخلت وبصيت لنفسي في المرايا وانا بالفستان!! هادي وشيك.. بس أكيد هيكون في بنات أحلى مني..
قولت جوا نفسي انا مهتميه ليه كد برأيهم في داهيه رأيهم المهم رأيي أنا..
حسيت ان عقلي بيرد عليا جوايا وبيقولي طب ورأي تميم!!
تاني يوم لبست أنا وأخويا قبل المعاد بساعه.. اتصلت ببسنت اللي سبقتني على هناك عشان لازم تكون موجوده قبل مستر معتز..
ركبنا العربيه واتحركنا لهناك!! أول مره أكون متوتره كد.. خصوصا إنهم أول مره يشوفوني بفستان ودا موترني.. يا ترى هيعجبهم ولا لأ!وهيعجب مستر تميم ولا لأ!!
Nada_El_Shrief
أخويا قالي لما لاحظ اني سرحانه
مالك يا طمطم سرحانه في ايه وانتي عسل كد
سالم.. شكلي حلو!
_انتي هبله يا بنتي طب والله انتي هتبقي أحلى واحده هناك.. كفايا انك مش حاطه غير ميكب خفيف لا يذكر مش زي البلياتشو اللي هناك..
طب ود مش هيقلل مني!
باس ايدي وقالي محدش يقدر يقلل منك.. انت هتبقي أحلى واحده فيهم.. وبعدين هما دول ستات.. دول كلهم عمليات يا بنتي..
كلامه صبرني شويه.. بس برضه كنت متوتره.. وصلنا في معادنا تقريبا قدام المكان.. كان فندق فخم أوي..
Nada_El_Shrief
أول ما نزلت من العربيه سالم أخويا خدني وسألنا عن مكان القاعه اللي فيها الحفله..
أول ما قربت من باب القاعه لاقيت بنات ورجاله كتير واقفين برا.. ومنهم زمايلي..
اتفاجئت بحد بيخبطني في كتفي من ورا.. لفيت لاقيتها بسنت اللي قالت وهيا فاتحه بقها من الفرحه سبعه متر
ايه الحلاوه دي.. شكلك متغير أوي..
كنت هرد عليها بس سالم قالي في ودني قبل ما يمشي
انا هسيبك مع صحابك.. خدي راحتك ومتخافيش انا معاكي.. وخليكي متأكده أنك أحلى واحده فيهم..
Nada_El_Shrief
أبتسمتله بعد ما سابني
انا مستنياكي بقالي كتير.
محبتش أجي بدري بس.. بس ايه اللي انتي لابساه دا..
قالتلي بهبل ايه رأيك.. دا انا دوخت لحد ما لاقيت فستان بيلمع كدا..
قولتلها بإبتسامه شكلك جميل..
أول ما دخلت القاعه اتفاجئت بالعدد الموجود.. والبنات الموجوده!! كلهم أحلى مني.. أقل واحده حاطه ميكب كامل.. وفساتين لمعتها أكتر من النور اللي في القاعه..
حسيت ان شكلي وحش جنبهم.. فستاني هادي مش منفوش ومبيلمعش .. ومش حاطه ميكب كتير كدا .. انا مش حلوه زيهم..
وانا ماشيه وبتفرج على المكان مع بسنت خبطت في واحد وانا مش شيفاه..
مش تحاسبي يا متخلفه..
_مستر معتز!! ازي حضرتك عامل ايه..
زي الزفت طبعا مادام شوفت وشكوا انتو الاتنين..
بسنت قالتله بس حضرتك حلو بزياده النهارده.. البدله هتاكل من حضرتك حته..
Nada_El_Shrief
قالها وهو بيعدل الجرافت بتكبر طبعا يا بنتي.. دا انا معتز.. وبص علينا وقالنا وانتو والله شكلكوا حلو.. بس طبعا مش احلى مني..
بسنت قالتله وهيا بتمشي بعيد وبتشدني معاها
طبعا طبعا.. عن إذن حضرتك..
روحنا مشينا لحد ما لاقيت زمايلي في قسم البرمجه قاعدين مع بعض.. انبهروا بشكلي في الفستان.. وكلهم قالولي إن مميزه عشان مش مبهرجه زي الباقي..
قعدت على كرسي على طرابيزه جنب الطرابيزه الرئيسيه اللي هيقعد عليها مستر تميم وصحابه..
الإضاءه عليت وسمعت صوت مستر معتز في الميكروفون بيقول
every one رحبوا ب تميم باشا
الناس اللي عند الباب وسعوا وفجأه هل بهيبته!! كان ماشي وسط رجالته ورجال الأمن..
Nada_El_Shrief
سقفت بحراره وانا باصه عليه.. كنت حاسه اني شيفاه بفلتر!! الباقي مشوشين بس هو اللي واضح!!
دخل بإبتسامته على الحضور وسط تسقيفنا.. مبحبش اللون البترولي بس بدلته حببتني فيه.. لازم أعترف.. انا شكلي بحبه بجد!!
دخل ووقف على المنصه العاليه في القاعه ومسك الميكرفون من مستر معتز اللي كان متبت في الميكرفون..
قال خطابه ووسط ما القاعه كلها ما كانت منتبه ليه واتفاجئنا أنه كرم أفضل الموظفين في الشركه.. واللي كان من ضمنهم سالم.. أخويا..
بعد ما خلصوا تكريم مستر تميم قعد على الطربيزه الرئيسيه اللي انا قاعده جنبها..
معرفتش اداري أعجابي بشكله وبضحكته وسط أصحابه.. كنت مفكره انه مش هيشوفني أبدا لأنه مشغول.. بس اتفاجئت بيه مره واحده رفع عينه ناحيتي ووطى راسه في تحيه.. شاورتله بأيدي بعدها اديته ضهري وبصيت للي معايا في الطرابيزه اللي اتفاجئت بيهم كلهم باصلني بصدمه.. وقالو تعليقات سخيفه زي مثلا
_اوبااا شكل في حد هنا مصاحب تميم بيه..
_عرفتوا بعض امتى
_شكله مصاحب واحده صاحبتنا..
قولتلهم بتبرير متسرحوش بخيالكم.. كل الحكايه ان حصل موقف ما بين انا وهو مستر معتذ.. عشان كدا عارفني..
Nada_El_Shrief
كانو هيعترضوا على كلامي بس اتفاجئنا كلنا لما لاقينا بنت في منتهى الجمال دخلت من باب القاعه وسط رجال أمن..
أول ما دخلت بإبتسامتها الصفرا كان متوجهه ناحيه مستر تميم..
مدت ايدها وسلمت عليه.. كنت هموت واسمع حوارهم بس مسمعتوش!!
بس مقدرتش أتماسك من الغيظ لما لاقيتها قعدت جنبه!! انا عارفه انه مش بيفكر فيا واني مجرد واحده وسط الاف الموظفين بس دا ميمنعش اني بحبه.. اقصد معجبه بيه.
فضلت اهز في رجلي من الغيظ واكل في نفسي وسط نظراتي اللي بتقتلها.. بس حسيت بإحراج لما لاقيت مستر تميم بيبص عليا تاني.
سمعت صوت بسنت من ورايا بتقول وهيا بتاكل جاتوه
شوفتي الحريم.. مش احنا.. يا شيخه انا قرفت من نفسي..
مش وقت كلامك دا.. روحي شوفي بتعملي ايه..
_هكون بعمل ايه.. بقولك ايه انا في واحد هنا معانا عمال يبص عليا ويبتسم.. شكله قمور.. ما تديني رقمه!
انتي اتهبلتي يا بسنت.. هجبلك رقمه ازاي..
_يبنتي ما هو اخوكي.
قولتلها وانا بشوح بأيدي امشي يا بسنت مش وقت هزارك دا..
مشيت بعد ما هزقتني.. راجعت كلامها في دماغي ورجعت بصيت على البنت اللي جنبه.. عندها حق.. انا ايه وهيا ايه
رجعت بصيت عليهم لاقيت مستر تميم باصصلي من غير ما يحرك ملامحه لأي تعبير..
Nada_El_Shrief
بصيت في الأرض بعدها قررت اني هقوم أمشي.. وانا قايمه سمعت صوت مستر معتز بيقول
انا رأيي نسيبنا من الرسميات ونقوم نفرفش شويه.. جه وقت الرقص..
كلهم سقفوا والأغاني اشتغلت.. كل واحد خد صاحبته او حبيبته ورقص معاها.. وفي الصحاب اللي رقصوا سوا.. بصيت بحزن على مستر تميم بس الحزن اتحول لصدمه لما لاقيتها قامت من مكانها وماسكه ايد مستر تميم في ايدها..
مستنتش أشوف الباقي عشان عارفه.. هيرقصوا!!
جريت من القاعه وانا مخبيه وشي بأيدي..
وقفت برا عند العربيات وبدأت أعيط.. مكانش المفروض أجي.. مكانش المفروض اجي.
وسط ما انا واقفه بعيط جنب عربيه أخويا.. سمعت صوته جاي من ورايا
بتعيطي ليه!
لفيت لاقيته.. قولتله وانا بمسح دموعي مفيش حاجه يا مستر تميم.. شويه تعب..
قالي وهو بيربع ايده وبيبتسم متأكده انه تعب!
قولتله ايوا.. ايه جاب حضرتك هنا
انحنى بضهره وقالي كنت قايم أرقص معاهم بس لاقيتك خرجتي ف لفتي انتباهي جيت أشوف مالك.
رفعت عيني في عينه وقولتله انا شوفت حضرتك وانت قايم ترقص معاها مش معاهم.. مفيش داعي انك تكدب عليا..
Nada_El_Shrief
مردش عليا وفضلنا باصين لبعض بعدها قالي بإبتسامه
كانت بتسحب أيدي عشان تقومني أرقص معاهم مش معاها..
قولتله وانا بتدارك الموقف حتى لو.. انا مليش دخل يعني.. حضرتك متهتمش بيا.. وبعدين انا حته موظفه عند حضرتك.. وفي جوا ناس أهم مني..
فرد نفسه وقالي كلكم مهمين عندي.. مهمين يا ..
سكت شويه وقالي تعرفي يا إنك مميزه عن باقي اللي جوا..
بصتله عشان يكمل ف قالي أنتي أرق بنت فيهم.. كلهم زي بعض الإ انتي مختلفه عنهم..
وبص في السما بسرحان وقال صدقيني انا نفسي مش عارف ليه!
قولتله وانا بحاول أصطنع الإبتسامه حضرتك في ناس جوا مستنيينك.. أكيد هيسألو سبب تغيبك..
ضحك وقالي طب تعالي يلا.. وبطلي عياط.. اه صحيح كنتي بتعيطي ليه!
قولتله مفيش افتكرت حاجه زعلتني..
لمحته بيبصلي بطرف عينه وبيقولي صادقه يا ..
دخلنا احنا الاتنين تاني بس المرادي نظرات الناس كانت غريبه.. الناس كلها ثبتت عينها علينا واحنا داخلين..
حسيت ان مستر تميم فرحان.. بصيت على اخويا واستغربت منه مش متفاجئ!! كأنه عارف إني هخش معاه..
Nada_El_Shrief
بس إتفاجئت اكتر لما مستر معتز قال في الميكروفون اللي مش عايز يسيبه
دلوقتي جات الرقصه الثنائيه.. وكمل بهزار أي اتنين مرتبطين أو بيلمحوا لبعض أو مش طايقين بعض يتفضلوا يشاركونا..
القاعه ضحكت وانا إديت مستر تميم ضهري وكنت هروح لأخويا بس اتفاجئت بيه شد دراعي وقالي
معنديش فكره مين هتشاركني الرقصه .. مفيش حد فيهم مميز.. ايه رأيك لو ناولتيني الشرف ورقصتي
بصتله بصدمه ورجعت بصيت لسالم أخويا اللي كان فرحان وبيهز دماغه بالموافقه.. كأنه عارف اني هبصله..
ملحقتش أرد واتفاجئت بناس كتير حوالينا بيرقصوا والإضاءه قلت بالتدريج.. وشغلوا أغنيه أجنبيه..
مقدرتش أقول لأ.. انا كان حلمي اني اتكلم معاه!! بس اللي حصل حاجه تاني.. كنت محرجه في البدايه بس الفرحه مختلفه.. وتدريجيا حسيت اني نسيت الناس اللي حوالينا..
معرفش عدا قد ايه من الوقت.. بس حسيت اني بطير!!مستر تميم اختارني انا!! مفوقتش غير لما لاقيت الناس كلها بتسقفلنا وانا وهو بس اللي كنا بنرقص والباقي بيتفرج!!
بصيت على اخويا لاقيته فرحان بيسقف.. معقول!! أخويا قلب إريل!!!!
بعد كد م.. .
يتبع..
بصيت على اخويا لاقيته فرحان بيسقف.. معقول!! أخويا قلب إريل!!!!
Nada_El_Shrief
بعد كد محستش بالوقت.. صحابي جم خدوني وقعدوا يسألوني عن مستر تميم.. دا غير بسنت اللي كانت في عالم موازي وعايزه رقم أخويا.. لحظه.. أخويا!!
أخويا المفروض يزعقلي.. أو يستغرب دا كان بيسقف!!
كنت قاعده معاهم بس مبردش من التفكير!! قومت من وسطهم ودورت على سالم بعيني ملقتهوش!!قولت أخرج برا أكيد واقف مع حد من صحابه..
Nada_El_Shrief
أول ما خرجت أتصدمت لما لاقيته واقف مع زميله بيتكلموا..
مش فاهمه حاجه!! اه انا مبسوطه في نفس الوقت مستغربه من رد فعل أخويا..
قولتله وانا بقرب عليهم دورت عليك جوا ملقتكش.. بتعمل ايه هنا
قالي صاحبي كان عايزني في حاجه ايه حصل!!
قولتله مش عارف ايه حصل
رفع كتافه وقالي لأ معرفش.
معرفتش أقوله ايه بس سيبته ومشيت أول ما دخلت القاعه لاقيت واحد بيعترض طريقي..
بعد إذنك عايزه أعدي!
_أهدي بس متخافيش مستر تميم مش هيروح في حته..
بصتله بعدم فهم وقولتله بتحذير انت اتجننت! ازاي تقولي كدا! أبعد عن وشي..
Nada_El_Shrief
قالي وهو بيبعد من حق الجميل يتدلع!! هبعد بس المرادي بمزاجي!
بصتله بقرف ودخلت لاقيت بسنت واقفه مع مستر معتز اللي شاورلي أروحلهم..
نعم.. حضرتك شاورتلي!!
_الحفله هتنتهي دلوقتي مستر تميم ورجال الأعمال وصحابه هيطلعوا يتعشوا..
بسنت قالتله بغباء مش فاهمه نوكلهم يعني..
قالها بقرف بس يا بت.. تميم بيه كلفني إني افضل هنا لحد ما كله يمشي وانا عندي معاد مهم دلوقتي عايزكم تتولوا الموضوع دا.
كنت هعترض بس بسنت قالتله بسرعه تحت أمرك يا مستر معتز..
قالنا وهو بيبعد هديكم مكافأه على الموضوع دا..
قولت لبسنت وانا بزعقلها انتي بتوافقي ليه عايزه تفضلي للأخر..
قالتلي بتبرير وفيها ايه انتي وراكي حاجه!!
سبتها ومشيت عشان أشوف سالم وأعرفه بس اتفاجئت بيه بيرن على موبايلي..
ايه يا سالم
_ معلش انا نسيت ملف مهم أوي في البيت ولازم أروح اجيبه استنيني لحد ما اجيبه!!
ملف ايه دا!
Nada_El_Shrief
_مستر تميم هيمضي عقد بينه وبين شركه تانيه النهارده والمفروض هيمضوا عليه بعد ما يتعشوا وانا المسؤول عن ملف الصفقه ونسيته.
طيب ماشي هستناك بس متعوقش.
في خلال نص ساعه كانت القاعه فضيت واتبسطنا انا وبسنت لما عرفنا ان مستر معتز قال لرجال الأمن ينفذوا اللي هنقولهم عليه..
القاعه فضيت ومتبقاش غيري انا وبسنت ولأن بسنت كانت جايا مع صحابها اللي مشيوا من غيرها فقعدت معايا نستنى سالم.
وإحنا واقفين برا في الهوا لاقينا مستر تميم وناس تانيه من ضمنهم البت الصفرا اللي قعدت جنبه والراجل اللي اعترض طريقي في القاعه..
كانوا خرجين من الفندق مستر تميم لما شافنا قالنا وهو بيقرب علينا
ايه دا مروحتوش
قولتله بإبتسامه مستنيين أخويا عشان يوصلنا..
قالي بتذكر ايوا قالي هيروح يجيب الملف طيب تعالوا معانا متقفوش لوحدكم هنا.
قولتله لا شكرا احنا هنفضل هنا..
قالي
متابعة القراءة
