رواية احببت مدمن رغده وقاسم كاملة جميع الفصول بقلم ايمان شلبي
المحتويات
تكاد تكون معدومه عشان كده مكنتش بشوفه كتير لحد ما في يوم عمي قرر يعزل وقتها زعلت لاني مش هقدر اشوفه تاني بس قدرت اتخطي الفتره دي بشويه لعب وحلويات كان بابا بيجبهالي كل يوم لاني وقتها كنت مازلت طفله لحد ما نسيته حتي علاقه بابا وعمي اتقطعت نهائيا واول مره اشوفه وقت عزاء باباه كنت كبرت وهو كبر وقتها مر عليا شريط ذكرياتنا الطفولي وابتسمت لكن ابتسامتي اتلاشت لما شوفت شخص تاني شخص نظراته بارده قرفان من كل الناس وخاصه بابا شخص غير الطفل البرئ اللي كنت بلعب معاه زمان عرفت من نديم اخوه واللي اتقرب مننا ومن كل العيله من بعد ما ساب مامته اللي عايشه في امريكا مع جوزها اللي اتجوزته من بعد موت عمي بشهرين عرفت أنه شخص مستهتر بيشرب مخدرات كل يوم مع واحده ولحد دلوقتي مش قادره افهم سبب الكره ده ايه !
يالا ياعروسه عريسك علي الباب ادخله
فوقت من شرودي علي صوت زينب بنت خالتي وهي بتقولي أن قاسم علي الباب
رسمت ابتسامه مزيفه علي وشي واخدت نفس طويل وانا بهز راسي بالرغم من الرعب اللي جوايا
اتفتح الباب وثواني ودخل قاسم اللي ريحه برفانه سبقته
رفعت راسي واتقابلت عيونا ببعض كانت نظراته بارده خاليه من اي مشاعر كعادته وانا نظراتي كلها خوف ورعب عكس الابتسامه المزيفه اللي رسمتها علي وشي ببراعه عشان محدش يلاحظ اي تغيير
قرب مني وهو بيبتسم وبيقولي بهدوء
مبروك
رديت بتوتر
ا الله يبارك فيك
مدلي دراعه وبصلي من غير ولا حرف فحطيت ايدي في دراعه وخرجنا من الأوضه وسط تهليل الكل وصدمه ولاد عمي اللي عارفين قاسم !!!
بارك الله لكما وبارك عليكما وجمع بينكما في خير
يااااااه للدرجادي محستش بالوقت انا اخر حاجه فكراها اني خرجت معاه من الأوضه ازاي محستش بالوقت اللي عدي والإجراءات وموافقتي اللي مش فاكراها وكأني كنت غايبه عن العالم ومفوقتش غير علي جمله المأذون وهو بيعلن إتمام الجواز !!!!
مبروك
قالها بهمس جنب ودني وهو بيضحك نفس الضحكه اللي وكأنها ضحكه انتصار مش عارفه في ايه بالظبط !!!
بلعت ريقي وقلبي بيدق بسرعه
ا الله يبارك فيك
اتنهد وهو بيقولي بشماته
بس برافو عليا والله طلعت ممثل هايل
بصيتله باستغراب
يعني ايه مش فاهمه!
بصلي بصدمه مصطنعه
هو انا مقولتلكيش
مقولتليش ايه !
سامر بفرحه وضحكه شيطانيه
أن انا اللي خليت سامر يسيبك بالاجبار عشان اتجوزك
انت بتقول ايه ا انت .....
قطعت جملتي وهو بيسحب ايدي بين أيده وبيضغط عليها بقوه لدرجه حسيت صوابعي هتتكسر من ضغطته ولسه هعترض لقيته بيلفلي رأسه وعلي وشه نفس الابتسامه وهو بيقولي من بين أسنانه
اقسم بالله العظيم لو نطقتي بحرف واحد ما هيكفيني عمرك عدي ليلتك علي خير يارغده وبلاش تفضحي نفسك وتفضحي اهلك لانك لو اتكلمتي كل حاجه هتتكشف والناس هتعرف ان عريسك سابك و وقتها انتي عارفه السيناريو اللي هيحصل وانتي واهلك في غني عن الكلام اللي هيتقال التزمي الصمت احسنلك
عيوني اتملت بالدموع وانا ببصله وبسأله بهمس ونبره صوت كلها وجع
ليه عملت كده انا عملت فيك ايه او آذيتك في ايه
اتنهد وبصلي وهو بيقرب أيده من عيوني اللي اتملت بالدموع وبيمسحها برقه وهدوء
ممكن متعيطيش
زقيت ايده بعنف وانا بقول بعصبيه
ابعد ايدك عني انت فاكر اني هخاف منك !
هه تبقي عبيط ولا انت ولا عشره زيك يخوفوني الفرح يخلص من هنا ولينا كلام تاني اوعي تفتكر اني بعد اللي عرفته اكمل مع واحد زيك الناس بس تمشي وتطلقني
بصلي بابتسامه غامضه وهو بيقول بتحدي
ده في أحلامك ياقمري
ربعت ايدي وانا ببصله بتحدي أكبر
ده في أحلامك انت ياحبيبي
قولتها بتلقائية وانا ببص قدامي وثواني واستوعبت الكلمه !
غمضت عيني وانا بتمني لو الارض تنشق وتبلعني وتخلصني من العذاب اللي انا فيه ده
ضربات قلبي كانت سريعه لاول مره اقول لحد ياحبيبي بالرغم من نفوري من قاسم وخوفي من اللي ممكن يحصل إلا أن الكلمه ديه زلزلت كياني معرفش ليه في الوقت ده اتمنيت لو كان بالفعل حبيبي اتمنيت لو كنا بنحب بعض ومختارين بعض عن حب بكامل ارادتنا اتمنيت لو اقول للعالم كله أنه حبيبي لكن مش كل اللي بنتمناه بنطوله في الحقيقه
جسمي كله اترعش لما قرب مني وقال بهمس في ودني
كلمه حبيبي طالعه منك زي السكر والله
رمشت عيني اكتر من مره وحسيت أن جسمي اتجمد من همسه اللي كان ليه تأثير قوي
بلعت ريقي وانا بنادي بصوت يكاد يكون مسموع علي ماما اللي لولا أنها كانت واقفه علي قرب مني بتتكلم مع واحده جارتنا مكانتش سمعتني
نعم ياحبيبتي عايزه حاجه
كنت لسه هتكلم بس سبقني وهو بيضغط علي ايدي بقوه
اه ياريت كوبايه مايه يامرات عمي عشان انا عطشان جدا
بصيتله ماما وهزت رأسها بضيق
حاضر
اول ما بعدت قرب مني تاني وهمس لكن المره ديه بنبره كلها تحذير و وعيد
عدي ليلتك يارغده احسنلك ومتنطقيش بحرف لأن نطقتي أو منطقتيش انا كده كده اتجوزتك خلاص بلاش تفضحي نفسك الفضائح مش لمصلحتك ولا مصلحه اهلك
بصيتله بكره وانا بقول بدموع
انا بكرهك ياريتني كنت طلبت مساعده كلب من الشارع ولا طلبت مساعده حقير زيك
بص قدامه ببرود وهو بيحط رجل علي التانيه بغرور
مطلبتش منك تحبيني كده كده الكره مشترك بينا
بصيتله بكره وانا مش قادره افهم معني جملته يعني ايه الكره مشترك
طب انا بكرهه لأنه خدعني لانه كان السبب في تعاستي واجبر سامر يسيبني معرفش ازاي وامتي وليه بس ده اكتر شيئ يخليني أكرهه حتي لو قال الف مبرر حتي لو قالي أنه اكتشف أن سامر تاجر مخدرات مش من حقه ابدا مش من حقه ياخد قرار يخصني لانه ولا ابويا ولا اخويا ولا حبيبي ولا حد يقربلي هو مجرد ابن عمي بالاسم !
انما هو ليه يكرهني انا عملت ايه !
انا مفتكرش اني اتعاملت معاه من الاساس مفتكرش اني هينته أو حتي اتكلمت عليه مع حد راسي هتنفجر من كم الاسئله اللي فيها الف سؤال وسؤال مش لاقيالهم اجابه مريحه
قطع شرودي صوت ماما وهي بتقرب مننا وبتديله المياه
بصيتله وهو بيشرب بكل برود اتمنيت لو اخد الكوبايه منه واكسرها فوق رأسه ميه حته عشان يبقي يضحك كويس ضحكته المستفزه اللي فيها شر وفرحه وغموض حقيقي بني آدم مستفز ومغرور
اتنهدت وفضلت قاعده في مكاني واصحابي قربوا مني وشدوني عشان ارقص معاهم وسط اعتراضي لكن مع الحاحهم وافقت وقررت اتبسط باليوم حتي لو جوايا عكس كده بس الايام مش بتتعوض وانا لازم استغل اي فرصه تفرحني ومخليش حد ينكد عليا ولا يخوفني بنظراته أو تهديده لاني عارفه اني في النهايه مش هتهزم انا اللي هكون منتصره وبجداره
أما عن عريس الغفلة كام واحد من صحابه وأخوه قربوا
خلصنا وروحت قعدت مكاني بتعب وثواني لقيته بيقعد جنبي في مكانه
اخدت نفس طويل وانا بقول بهمس
مستفز
ضحك ببرود وهو بيهمسلي
عارف
بصيتله وانا مكشره وبقوله بغيظ
طب كويس الاعتراف بالحق فضيله
ضحك وهو بيبص قدامه ومردش عليا وانا قاعده هفرقع من الغيظ
كنت مستنيه اليوم يخلص عشان انفجر فيه واعرف ليه عمل كده ولما اعرف اهزقه وأمسح بكرامته البلاط وبعدين اتطلق واشوطه علي السلم ولا من شاف ولا من دري بس عرفت أن احلامي هتكون مجرد احلام وهميه لما قام مره واحده وهو بيعدل من وضع بدلته بوقار وبيقول بصوت عالي
طيب ياجماعه لحظه واحده بس عايز اقول كلمتين
بلعت ريقي بتوتر وانا بحط ايدي علي قلبي اللي صوت دقاته كانت عاليه مش عارفه هيعمل ايه ولا هيقول ايه
اولا انا حابب اشكر كل الناس اللي موجوده واقولهم ان فرحتي كملت بوجودكم وعقبال اللي متجوزش وعقبال اللي اتجوز يتجوز مره تانيه هههههههه
الكل ضحك علي جملته ماعدا انا بصيتله بقرف وانا بقول بهمس
ابو تقل دم امك علي المسا
لقيته لفلي وضحك ببرود كعادته وبعدها لف يكمل كلامه
ثانيا بقي انا بجد بعتذر جدا بس انا حاجز طياره طالعه علي باريس عشان شهر العسل ومعادها كمان نص ساعه فلازم اخد العروسه ونمشي حالا وشكرا ليكم مره تانيه
قال جملته ولف شدني من ايدي وسط تصفير صحابه ومباركه كل الناس اللي حولينا وبابا وماما ليا واللي مكانش باين علي وشهم اي استغراب أو صدمه زي !!
دقائق ولقيت نفسي جنبه في عربيته معرفش أمتي وازاي !
بصيت حوليا بتوتر كان سايق بكل برود من غير ما ينطق حرف واحد
اتنفست بصوت عالي وأنا دموعي علي خدي ومنهاره بالمعني الحرفي
احنا رايحين فين و وقف العربيه انا مش هروح معاك في مكان
مردش عليا وكمل سواقه فهزيت كتفه وانا بقول بعصبيه ودموع
بقولك وقف العربيه ياحيوان ياحقير يا.....عااااااااا
قطعت جملتي وهو بيوقف العربيه مره واحده لدرجه صوت احتكاكها كان عالي وقبل ما استوعب اللي حصل لقيته بيحط مسدس علي راسي وهو بيبصلي وبيقول بتحذير وهمس مرعب
اقسم بالله العظيم كلمه كمان وهفرغ المسدس كله في دماغك
بصيتله وانا بترعش ودموعي علي خدي
ا انا
اخررررسي
زعق فيا جامد وانا بعدت لورا بخوف وانا بهز راسي اكتر من مره
حط المسدس في التابلوه وكمل سواقه ببرود وانا جسمي بيتنفض بين اللحظه والتانيه من ملامح وشه اللي كانت كلها غضب وشر
وصلنا قدام المطار وانا دموعي مازالت علي خدي مكنتش اتوقع ان احنا مسافرين بجد!
كان في اعتقادي أن هو قال كده عشان ينهي الفرح ونمشي لانه مش طايق فكره ان ده فرحه وانا عروسته
مسحت دموعي واخدت نفس طويل وانا بحاول اكون ثابته
احنا رايحين فين
باريس
رد من غير ما يلتفتلي ونزل من العربيه وقفل الباب ولف نحيتي وهو بيفتحلي الباب من غير ما ينطق حرف
رفعت راسي واتقابلت عيوني في عيونه اللي كانت بارده بعيده كل البعد عن شخصيته اللي كنت بستمد منها الامان واحنا صغيرين
هنفضل كده للصبح
فوقت من شرودي علي جملته اللي قالها بكل سخريه وبرود كعادته
اخدت نفس وخرجت من العربيه وهو رجع خطوه
قربت منه وانا برفع راسي وببصله بتحدي
انا مش هسافر معاك غير لو عرفت ايه سبب جوازك مني وليه طفشت سامر
رفع حاجبه بتحدي أكبر وهو بيقرب مني خطوه وبيقول بسخريه
وده تهديد !
بصيتله بشجاعه مزيفه بالرغم من خوفي اللي كان جوايا لا ميغركوش انا اصلا استرونج ومان ا احم بس مش اوي يعني
اعتبره زي ما تعتبروا
اتنهد وبصلي بهدوء
يالا يارغده مفيش وقت
ربعت ايدي بعند وبصيتله بابتسامه بارده زيه
وانا قولت مش هسافر غير لما اعرف الحقيقه
جز علي أسنانه وهو بيقول بغيظ
بقولك يالا يارغده متخلنيش افقد اعصابي
أفقدها
قولتها بكل برود وانا بهز اكتافي الاتنين وبلعب في حواجبي باستفزاز
لقيته غمض عينه واخد نفس طويل وهو بيضغط علي أيده الاتنين واسنانه لدرجه عروق رقبته برزت بالرغم أن المكان مكانش منور اوي بس قدرت اشوف تعبيرات وشه اللي كلها غضب وكأنه علي وشك يدمر المكان باللي فيه
بلعت ريقي ومسحت العرق اللي اتكون علي جبيني وانا ببعد خطوه لورا كان هاين عليا اجري أو الارض تنشق وتبلعني اتمنيت في اللحظه ديه لو يحصل بركان ولا اي حاجه واخلص من الهم ده حسبي الله ونعم الوكيل انا كنت قاعده في بيت ابويا فطيري سريري عصيري كنت ملكه والله بس الظاهر قاسم بيه هيحولني لشرشوبه أو هيوديني اشوف تيته الله يرحمها ايهما أقرب
عاااااا
صرخت بفزع وانا مبرقه لما قرب مني وسحبني من دراعي وهو بيبص في عيوني بتحذير
انا معنديش خلق للكلام انجري قدامي وإلا
وإلا!
قولتها برعب وانا ببلع ريقي
بصلي وهو بيقول بخبث
وإلا هشيلك وانتي حره
نفضت دراعي من أيده وانا ببصله وبرفع صوابعي في وشه بتحذير
الزم حدودك انت سامع
لعب في حواجبه وقالي باستفزاز
اتكلم بأدب ياولد
بصيتله وانا بعمل حركات مضحكه بوشي وبقول بتريقه ظريف نينينيني
اتنهد وبصلي بابتسامه لكن مكانتش بارده كعادته حسيتها خارجه من قلبه !
طب يالا ياحبيبتي الطياره فاضل عليها خمس دقائق
ايه ده ثانيه واحده !
هو قال حبيبتي ولا انا بيتهيألي
قلبي دق لا دق ايه ده انا حسيت أن في طبول بتدق علي قلبي بفرحه لما سمع كلمه حبيبتي
ملامحي لانت كنت بتنفس بسرعه وشي بقي احمر احاسيس كتيره مكنتش قادره افسرها
غمضت عيني وحاولت اسيطر علي اعصابي وانا بقول بصوت يكاد يكون مسموع
ل لو سمحت ياقاسم خلينا نتكلم بعقل ومن غير خناق ممكن
اتنهد وبص في الساعه اللي كانت في أيده وقال بهدوء
طب ممكن نركب الطياره وهحكيلك علي كل حاجه
هزيت راسي برفض وعند
لا مش ممكن انا عايزه اعرف كل حاجه دلوقتي
قاسم بغيظ
رغده مش بحب العند
قولت بغيظ اكبر
وانا مش بحب الغموض
قاسم بصوت عالي نسبيا
يالا امشي قدامي دلوقتي وهتعرفي كل حاجه بعدين
لا انا...
يالا قداااامي
قالها بزعيق اتنفضت علي أثره وعيوني اتملت بالدموع وكنت لسه هتحرك بس سمعت صوت عربيه بتقرب مننا بسرعه رهيبه لفيت بفزع وبرقت أما شوفت سامر بيقرب بعربيته مننا وعلي آخر لحظه شدني قاسم وبعدني عن الطريق وبعد معايا وخلاني ورا ظهره وهو بيتنفس بسرعه وقلق
وقبل ما استوعب اي حاجه لقيت سامر بينزل من العربيه ومعاه مسدس وباين علي وشه الشر
بتلقائية وخوف مسكت في قميص قاسم وانا بترعش من منظر سامر اللي مكانش طبيعي علي الاطلاق
أما عنه كان
كنت مستنيك غريبه يعني اتأخرت !
كنت مستغربه اللي قاله بعدت عنه وانا ببص لسامر اللي اتكلم بغيظ
مكنتش متوقع انك ندل اوي
متابعة القراءة
