رواية احببت مدمن رغده وقاسم كاملة جميع الفصول بقلم ايمان شلبي
وأنا بسحب ايدي وبقول بحزم
ده كان زمان لما كنت لوحدك انما دلوقتي الوضع اختلف
ابتسم بهدوء
صدقيني مش هقدر اتعودت أفطر سموم
سألته باستغراب
يعني ايه
خرج من جيبه كيس بودره وهو بيقول بحزن
اتعودت اشربه مع القهوه كل يوم الصبح
اخدت منه الكيس بعنف وانا بقطعه وبرميه كله علي الارض
من النهارده مفيش سموم تاني خلاص انت هتبطل
بصلي وهو بيقول بصدمه
ايه اللي انتي عملتيه ده حرام عليكي يارغده ده كان آخر كيس معايا
قربت منه وانا ببص في عيونه بتحدي
مفيش تاني خلاص انت هتبطل برضاك أو غصب عنك
حط رأسه في الأرض وهو بيقولي بحزن
مش هقدر ابطل بين يوم وليله يارغده
قولت بحزم
يبقي تتعالج تروح مصحه
هز رأسه بنفي
مقدرش اسيبك لوحدك
انا مش لوحدي
بس انتي في خطر طول ما سامر لسه موجود
بس سامر في السجن !
اتنهد بحيره
ممكن يخرج زي الشعره من العجينه
بصيتله باستغراب
للدرجادي أيده طايله!
اتنهد بتعب
وأكتر
طب انا هروح اعملك فطار ومش عايزه اعتراض انت سامع!
هز رأسه بتعب وهو بيفرك أيده وبيهرش في جسمه بطريقه غريبه خوفتني ونبهتني أن اللي جاي مش هيكون سهل ابدا
دخلت حضرت الفطار وانا سامعه صوته وهو بيهبد علي الكنبه الواضح أن تأثير المخدرات اختفي ولازم ياخد جرعه تانيه
بس لا انا مش هسمحله مش هدخل سموم في جسمه تاني حتي لو كان التمن ايه انا هقف جنبه هحميه بكل ذره فيا هساعده يبطل مخدرات
خرجت من المطبخ وقربت منه حطيت الصينيه علي الطربيزه اللي قدامه
كان قاعد وجسمه لقدام وهو حاطط وشه بين ايديه
لمست ضهره وانا بقول برقه
قاسم
رفع رأسه وقال بتعب
نعم
قعدت جنبه وانا بقرب الصينيه منه
يالا ياحبيبي عشان نفطر
هزلي رأسه وهو بيقول بتعب وضعف
مش قادر
الدموع لمعت في عيني وانا بمسك أيده
عشان خاطري لو بتحبني
لفلي وهو بيضغط علي ايدي براحه
طب بتعيطي ليه دلوقتي
حطيت راسي علي كتفه وانا بقول بدموع
مش قادره اشوفك بالشكل ده
طبطب علي شعري برقه وهو بيمسح دموعي بطرف صوابعه
انا هكون كويس طول مانتي معايا هقاوم عشانك
مسكت ايده وبوستها برقه وحب
وانا مش هسيبك لحظه
ممكن بقي تفطر عشان خاطري !
ابتسم وهو بيهز رأسه بموافقه
حاضر بس بشرط
ايه هو
غمزلي بمشاكسه
تأكليني
ضحكت بحرج وبدأت أ اكله وهو باصص في عيني بحب ومابين اللحظه والتانيه بيبوس ايدي برقه
فات اليوم وكلمت ماما وبابا اللي كانوا قلقنين عليا وطمنتهم اني بخير
بليل كنت قاعده انا وهو وانا سانده راسي علي رجله وبنتفرج علي التلفزيون
كان بيحسس علي شعري وهو بيقولي بفضول
رغده انتي بتحبيني!
تلقائيا خدودي احمرت من سؤاله المفاجئ وبعدت عنه وانا بفرك ايدي بتوتر
ا انا
مسك ايدي وهو بيبص في عيني وبيقولي برجاء
قوليها يارغده قولي أنك بتحبيني زي ما بحبك
قربت منه وانا بسند راسي علي صدره
انا بحبك ياقاسم بحبك من واحنا لسه اطفال عمري ما نسيتك بس اللي مش قادره اعرفه لحد دلوقتي ليه عمي اخدك واختفيتوا
اتنهد وهو بيسند رأسه علي راسي
عشان عرف اني بحبك خاف قلبي يتعلق بيكي اكتر من كده ولما نكبر اصمم أن احنا نتجوز
طب وليه كان رافض ليه عمي مكانش بيحبنا!
عشان جدي
ابتسمت بحب وانا بدفن راسي في صدره
ربنا يخليك ليا
ويخليكي ليا
طال الصمت لدقايق ولسه هغمض عيني حسيت بجسمه بيتنفض فرفعت راسي لقيت حالته غريبه ومرعبه بعدت عنه بخوف
في ايه !
مش قادر م مش قادر يارغده عايز اي مخدر مش قادر
كان حالته مرعبه جسمه كله عرق بينهج بسرعه رهيبه كنت دايما اشوف المدمنين في التلفزيون بالشكل ده يصعبوا عليا مع اني عارفه أنه مجرد تمثيل بس عمري ما كنت أتوقع اشوف اقرب حد ليا بيعافر بيموت قدامي زيهم عمري ما كنت اتخيل اتحط في الموقف ده !
طب هعمل ايه هتصرف ازاي هسيبه يموت هسيبه يعافر لوحده ياريتني ما كنت رميت المخدرات علي الارض انا السبب في اللي هو فيه
دموعي نزلت وانا بحاوط وشه
قاسم حبيبي قاسم بصلي
كان مغمض عينه وهو بيهز رأسه بهستريه وبيهرش في دراعه وجسمه كله
مش قادر يارغده مش قادر ابعدي عني
هزيت راسي وانا بقول بدموع
لا مش هبعد هفضل معاك هنعافر سوا
لقيته زق ايدي وهو بيقوم يقف بغضب
بقولك ابعدي عني ابعدي روحي الاوضه واقفلي الباب علي نفسك انا مش مسؤول عن اللي هعمله هيكون خارج إرادتي ابعدي عني يارغده ابعدي
مكنتش فاهمه كلامه كنت ببصله بخوف وهو متشنج وعروق رقبته بارزه
مكنتش قادره افهم ليه عايزني ابعد عنه هو ايه اللي ممكن يعمله ويأذيني!
قررت افضل مكاني وأشوف هنوصل لايه انا مش جبانه انا بحبه وهفضل جنبه لآخر نفس فيا طول مانا بتنفس هفضل بحاول هفضل معاه مش هسيبه لوحده أبدا لاني ببساطه محبتش ولا هحب زيه معنديش حد اخاف عليه غيره حتي نفسي مش خايفه عليها
عاااااا
صرخت بفزع لما لقيته بيهبد دماغه في الحيطه بجنون مره ورا التانيه.
جريت عليه وانا ببعد دماغه اللي متغرقه دم وبصرخ في وشه بفزع
ليه ليه بتعمل كده حرام عليك
اتفاجئت لما اترمي وفضل يصرخ بهستريه
مش قادر مش قاااادر يارغده عايزه جرعه انتي السبب انتي السبب لو مكنتش رميتي اخر كيس مكانش حصل كده حرام عليكي
دموعي كانت نازله علي خدي وانا بضمه وبهمس بوجع
انا اسفه اسفه ياحبيبي حقك عليا
بعدت عنه بفزع لما سمعنا صوت الباب بيخبط بعنف
بلعت ريقي وانا ببصله كان واقف باين عليه التعب بس بالرغم من كده شاولي بثبات اني متكلمش
هششش ادخلي جوا واقفلي الباب علي نفسك
بس
قاطعني وهو بيبصلي بتحذير
اسمعي الكلام يارغده بسرعه
هزيت راسي اكتر من مره ودخلت وقفلت الباب بس فتحته نص فتحه
أما عنه اتنهد وراح يفتح الباب بثباته المعتاد
برقت بخوف وانا بحط ايدي علي بوقي لما شوفت واحد داخل هو وكام شخص باين عليهم الحراس بتوعه
ضحك بخبث وهو بيحط أيده في جيبه
ازيك ياقاسم ولا نقول ياعريس !
بصله قاسم بثبات وحط أيده في جيبه زيه
اتفضل ياخالد بيه
ضربات قلبي زادت لما عرفت ان ده خالد وفضلت مراقبه الحوار وانا حاطه ايدي علي قلبي
خالد وهو بيبص في كل ركن بخبث
اومال فين عروستك مش هتسلم علينا
قاسم بغيظ
معلش اصل هي تعبانه شويه
خالد بسخريه
لا الف سلامه لا ده احنا لازم ندخلها ونقولها سلامتك بنفسنا صح ولا ايه ياشباب
لقيت قاسم
تدخل فين ياخالد انت اتجننت!
قرب منه خالد برفعه حاجب
اتجننت!!!
مسح قاسم علي وشه وهو بيقول بهدوء ظاهري
انت عايز ايه
شده خالد من قميصه وهو بيجز علي أسنانه
اشرب من دمك ادمرك امحيك من علي وش الدنيا
ابتسم قاسم بسمه جانبيه وهو بيقول بهدوء
يبقي عرفت
خالد بتشنج
عرفت حقيقتك الزباله عرفت بس اوعي تفتكر أنها هتعدي !
رفع حاجبه بتحدي
وهتعمل ايه !
مردش عليه انما بص للحراس اللي اتحركوا نحيه الاوضه
بتاعتي فبلعت ريقي برعب وانا بقفل الباب بسرعه بالمفتاح
سمعت صوت قاسم اللي اتحرك نحيتهم يمنعهم
لو حد مس شعره منها هموته
سمعت صوت ضحكه خالد العاليه واللي كانت بمثابه رد وسخريه من تهديد قاسم اللي ملوش لازمه بالنسبه لحد في سلطته وقوته !
كنت سانده ظهري علي الباب وسامعه قاسم بيضرب الحراس اللي مسمعتش ليهم أي صوت يدل علي وجعهم وفجأه قلبي اتنفض لما سمعت صوت قاسم بتوجع وهما بيضربوه
كنت لسه هفتح الباب بس سمعته صوته بيقول بضعف
اوعي تفتحي الباب مهما حصل اوعي تفتحي لو بتحبيني
مكنتش عارفه اعمل ايه قلبي كان بيتعصر وانا سامعه نبره صوته اللي كلها وجع وتعب في حيره بين قلبي وعقلي اللي بيصورلي ابشع سيناريو لو فتحت الباب وقدر خالد واللي معاه يطولني وقتها ممكن يحصلي ايه !!
غمضت عيني وانا بترعش وبعيط بصمت وبقول يارب يارب انقذني انا وحبيبي يارب انت كنت بتقف معايا في كل لحظه يارب كمان المره ديه يارب
ولأن ربنا سامع صوتي وشايف وحاسس بخوفي لقيته فورا بيستجيب وسمعت صوت فون مكانتش رنه الفون بتاعي
بصيت علي الكمود لقيته الفون بتاع قاسم روحت بسرعه البرق وانا برد من غير ما اعرف مين المتصل
الو
الو رغده ازيك
كان صوت نديم اللي وكأنه رجعلي الروح
رديت بخوف ورعشه
نديم الحقني
نديم بقلق
رغده في ايه قاسم كويس
هزيت راسي بهستريه وانا بقول بدموع
لا بلغ البوليس بسرعه وتعالي احنا مش كويسين بيضربوا قاسم و......
الفون وقع من ايدي وانا ببلع ريقي وبرجع خطوه لورا وبهز راسي بهستريه لما الباب اتفتح فجأه وظهر قدامي خالد اللي كان بيضحك بشر وخبث وهو بيقول بصوت مرعب
يا اهلا بالعروسه
تلقائيا لقيت عيني بتبص علي قاسم اللي كان نايم علي الارض غرقان في دمه مش قادر يقاوم من كتر التعب والضرب اللي اتعرضله عينه اتقابلت في عيني كانت عينه مدمعه وكأنه بيقولي مش بأيدي كأنه بيتأسفلي علي ضعفه اللي مش بأيده
كنت بتنفس بسرعه وخوف وانا بدعي ربنا ينقذني وبرجع خطوه وكل ما ارجع هو يقرب كل ما ارجع يقرب لحد ما وصلت للحيطه وهو قدامي
عيوني كانت مليانه رعب لاول مره في حياتي اتحط في موقف مرعب بالشكل ده
لقيت خالد بيلف لقاسم اللي كان متكتف وبيغمزله
لا بس ذوقك حلو
قال جملته ولف مره تانيه كنت أنا في الوقت ده ساحبه كوبايه مايه كانت علي الكمود وضربته علي دماغه بأقصي قوه عندي وقبل ما يستوعب اي حاجه زقيته وطلعت اجري
بس للأسف مقدرتش أخرج لأن الحراس مسكوني
عااااااااا سيبوووني عااااااا الحقونااااااااي ياناااس الحقونااااااااي عاااااا ياقاااااسم ياقاااااسم الحقني فوووق متنامش ياقاااااسم عشان خاطري
كنت بصرخ برعب حقيقي وانا بعيط بحرقه وبنادي علي قاسم يلحقني بس للاسف لا حياه لمن تنادي كان فاقد الوعي من كتر التعب والضرب
كان خالد ماسك رأسه اللي كلها دم وبيبصلي بغيظ وشر
لعبتي في عداد عمرك
قال جملته وقرب مني والحراس مثبتني وانا بهز راسي بهستريه
لا لا لا لا لا يارب يااااارب يااااارب اقف جنبي ياااارب يااارب ي....
وقفت جملتي لما باب الشقه اتكسر مره واحده ودخل نديم ومعاه مجموعه من الظباط وقربوا من خالد والحراس وبعد معافره سابوني واتقبض عليهم
واول ما سابوني علي عكس توقعاتهم جريت نحيه قاسم اللي كان بالتقريب بيصارع الموت
قاسم حبيبي قاسم رد عليا عشان خاطري قاسم انا رغده حبيبتك فوق ياحبيبي فوق خلاص الكابوس انتهي خالد ورجالته اتقبض عليهم خلاص وانت هتتعالج وهتكون كويس صح
صح ياحبيبي انت هتكون كويس عشاني
قرب مني نديم وقعد قدامه علي ركبته بدموع
قاسم فوق عشان خاطري وخاطر رغده مش انت كنت بتقولي انك بتحبني وبتحبها
مش قولتلي قبل كده أن انا وهي نقطه ضعفك وان احنا لو جرالنا حاجه ممكن تموت فيها وقتها كنت عايز اقولك أن انت اللي نقطه ضعفي كنت عايز اقولك أن انت اللي بتقويني فوق عشان خاطري انا من غيرك ولا حاجه
وبعد دقائق جت الإسعاف ونقلته علي المستشفي والدكتور بلغنا أن هو دخل غيبوبه وان المخدرات آثرت عليه مع الضرب وانا ونديم محدش فينا سابه لحظه واحده
بعد مرور خمس شهور
كنت واقفه في الأوضه بحضر شنطه هدومه مستعدين نخرج من المستشفي بعد ما اتعالج من الأدمان
كنت واقفه مبتسمه وقلبي بيرقص بفرحه وانا مش قادره اصدق ان آخيرا قاسم اتعافي بعد تعب خمس شهور بعد معافره بعد دموع وسهر وهروبه اكتر من مره من المصحه لانه مش قادر يكمل بعد جري وتدوير اكتر من يومين عليه وبعد ما الاقيه يكون رجع لنقطه الصفر وشرب من تاني كانوا اصعب خمس شهور يمروا عليا بس كان اللي مصبرني حبي ليه حتي لو اضطريت أضحي بنفسي لأجل يكون بخير هعمل كده قاسم مش مجرد شخص ظهر في حياتي وحبيبته قاسم حب عمري شخص ساكن جوايا من وقت ما كنت بضفاير قاسم نصي التاني وانا استحاله اتخلي عنه حتي لو كان التمن عمري يضيع بس الاهم يكون هو بخير
فوقت من شرودي لما خرج من الحمام وهو بينشف وشه ورأسه وبيقرب مني بابتسامه مشرقه وجميله زيه
حبيبي خلصتي ولا لسه
هزيت راسي وانا ببتسم برقه وبتأمل كل ذره في ملامحه اللي بالرغم من تغيرها شويه بسبب التعب والعلاج بس في نظري كانت احلي واجمل ملامح ممكن اشوفها في حياتي !
قرب مني ومسك ايدي بحب
سرحانه في ايه
مسكت ايده بحب وانا عيني بتلمع
فيك
رفع حاجبه بمشاكسه
للدرجادي جمالي ميتقاومش!
ضحكت
حمدلله علي سلامتك
اتنهد وهو بيقول
الله يسلمك ياحبيبتي واسف
رفعت راسي وانا بسأله باستغراب
اسف علي ايه
اتنهد وهو بيبعد عني وبيديني ظهره وبيتكلم بوجع
اسف علي كل لحظه عيطتي فيها بسببي اسف علي تعبك معايا اسف اني خليت حقير زي خالد يأذيكي اسف علي كل حاجه حصلت بسببي اسف اني موفتش بوعدي وكنت الزوج الصالح ليكي اسف
قربت منه وانا بقول بهمس
متتأسفش انا نسيت كل حاجه لما قومت بالسلامه خلينا
لف وهو بيتنهد
انا بحبك اوي
غمضت عيني بحب
وانا بحبك ياقسومتي
طب وهي!
هي ضلي وهي أجمل شيء فاضلي
هي روحي وهي ناسي
وببقى ناسي معاها حزني
هي بالملي مقاسي
تمت بحمد الله
