رواية حب من اول علقة ( الفصل السادس إلى الاخير ) بقلم اسماء الطبلاوي

الفصل 6
لف ادم لقى والدته واقفه وراه ومعاها نادين والشاب الاصغر منها بسنتين اللي اتجوزته وقتها ارتبك وما اعرفش يعمل ايه يروح لاخته يطمنها ولا يطيب خاطر نور من الكلام اللي سمعته ولا يطيب وجع قلبه اللي حس بيه لما شافها.
ناهد ما بتردش يعني يا ادم يبقى زي ما بيقولوا السكوت علامه الرضا وانا صح في اللي انا قلته.
زعق آدم بصوت رعب الجميع منه
ادم انا مش عايز اسمع ولا كلمه من اي حد وانت يا مراد خد عم سالم وندى روحهم واطمن عليهم وارجعلي وانتى يا شهد تعالي معايا وانتى يا نور ما تتحركيش من هنا قبل ما انزلك فاهماني.
شد آدم شهد من ايدها وطلع بيها لاوضتها حطها في السرير ومسك ايدها وطمنها ادم شهد انا مش عايزك تخافي من اي حاجه وانا موجود انا هتصرف واحل كل حاجه عايزك بس تثقى فيا وتهدي وترتاحي خالص تمام
شهد بخوف حاضر يا آدم حاضر انا هنام خليك جنبي شويه بس لحد ما انام.
ادم بحنان انا جنبك اهو يا حبيبتي ومش هنزل قبل ما تنامي اطمني.
وفي الوقت ده كان مراد اخذ عم سالم وندى روحهم بيتهم وللاسف كانت نور واقفه في وش ام ادم وجوزها ونادين لوحدها وحست ان في كارثه جايه فعلا وما استنتش كثير.
ناهد وانتى بقى واقفه مستنيه ايه ما خلاص كله بقى واضح هو مشي عيلتك واخد اخته وطلع انت ما تفرقيش معاه في حاجه خلي عندك كرامه وامشي
نادین هههههه انتى بتطلبي من واحده ما عندهاش ذره كرامه يبقى عندها كرامه والله ضحكتيني يا طنط دي واحده شرشوحه من الشارع تعرف ايه دي عن الكرامه دي اصلا بتصطاد عريس وبالشكل ده عرفت توقع ادم
صرخت نور في وشهم من غير وعي وهي حاسه بوجع في قلبها من كتر الاهانه.
نور لو سمحتوا بلاش غلط انتم مین اداكوا الحق اصلا تتهموني بالطريقه دي وبعدين ادم هو اللي جه وطلب ايدي مش زي ما بتقولوا بصطاد عريس.. ده حتى لفظ وقح ما يتقالش من بنات ناس والمفروض يعني انكم
ما لحقتش تكمل نور كلامها لما ام ادم شدتها من شعرها وزقتها على الارض دماغها خبطت في ترابيزه واتجرحت و نزفت.
ناهد احنا محترمين غصب عنك يا وقحه امشي اطلعي بره من بيتي قبل ما تسمعي مني كلام عمرك ما كنت تتخيلي انك تسمعيه انتى فاكره انك هتيجي هنا لحد بيتي وهسيبك تخدى ابني وتمشي ده بعدك.
خرجت نور بسرعه من القصر وهي مش شايفه قدامها من كثر الدموع كان ادم وقتها اطمن ان شهد نامت و نزل بسرعه علشان يشوف حل للموضوع ده ويلحق نور لكن ما لقاش اي حد الا اهله في الصالون ونور مش موجوده
ادم بصدمه ايه ده هي فين نور ايه اللي حصل بالظبط
ناهد واحنا يعني هنعملها ايه هناكلها وبعدين مش تقول حمد لله على السلامه الاول يا ماما ده احنا لسه جايين من السفر ولا انت نسيت الذوق والاصول 
ادم بغضب انا سالت سؤال واضح وصريح فين نور والله لو طلع حد فيكم اذاها ولا جرحها بلفظ ما هرحم حد فيكم ابدا لا قريب ولا بعيد واضح كلامي.
نادين بدلع واحنا يعني يا دومي هنعملها ايه هي اول ما انت طلعت خرجت على طول ورغم انك قلت لها تستناك بس هي شكلها اخده على كده
ادم بانفعال انتى تخرسي خالص يا نادين نور مش زيك واظن انتى فهماني كويس ولا لازم اتكلم واوضح اكثر من کده ده انتم عيله تكسف...
طلع ادم تليفون وكلم مراد يساله لو كان شاف نور وهو راجع بس هو قال له ما شافهاش كان ادم عارف حالة نور دلوقتي ايه وكان خايف يغمى عليها في اي مكان وهو مش عارف عشان كده نده على طقم الحرس بسرعه
ادم انا عايزكم تقلبوا الدنيا على مدام نور تجيبوهالي من تحت الارض عايزها قدامي في اقل من نص ساعه ولو لقيتوها مغمي عليها محدش يلمسها كلموني بس وانا هبقى عندكم في لحظه يلا امشوا وخليكم على اتصال
قائد الحرس امرك يا آدم بيه هندور بس احب اقول لحضرتك ان ما فيش مخلوق خرج من بوابة القصر غير المعازيم انما مدام نور مخرجتش.. يبقى اكيد نور هانم لسه جوه القصر
ادم بردو الامر ما يسلمش دوروا انتوا بره وانا هدور هنا في القصر
الحرس امرك يا ادم بيه بعد اذنك
وفعلا طقم الحراسه خرج يدور وادم لما مراد جه خده وبداوا يدوروا لحد ما وصلوا

المنطقه اللي بيربوا فيها الكلاب ومراد شاف حاجه بتلمع في الارض
مراد آدم انا مش عايزك تقلق بس مش هو ده حلق نور اللي كانت لابساه
آدم برعب لا يا مراد لا مش معقول يكون حصل لها حاجه ده فعلا حلقها وما نلاقيهوش الا هنا عند الكلاب تفتكر يكونوا اذوها
مراد اهدی بس یا ادم اكيد ما فيش حاجه حصلت والا كان بان ما فيش اي اثر ليها هنا غير فردة الحلق دلوقتي باذن الله نلاقيها اهدى بقى.
دمع ادم وهو بيبص للسما وبيدعي
ادم یا رب تكون بخير وما حصلهاش حاجه
اتسمر ادم في مكانه وهو بيبص فوق لما شاف نور على سور القصر عينيها مغمضه وبتطوح في مكانها
ادم بصدمه یا نهار اسود الحق يا مراد دي على سور القصر وبتتطوح تعالى ورايا بسرعه وما تخليش حد يطلع ورانا
مراد زهو بيجري اوعى تسرع ناحيتها يا آدم احسن تتفزع ويختل توازنها وتقع
وصل ادم ومراد فوق سطح القصر وكانت هنا الصدمه اللي واقفوا مفزوعين بسببها عيون نور كانت مغمضه صحيح بس منفوخه من كتر العياط وفي سائل احمر نازل على وشها وشفايفها كانت زرقه من الساقعه وحالتها وحشه
مراد قرب منها على مهلك يا آدم احسن تصحى فجاه على صوت حركتنا وتقع
ادم حاضر یا مراد ولو اني شاكك اصلا انها فاقده وعيها مش نایمه
لما كانوا بيتكلموا وهم بيقربوا فجاه اتطوحت نور للجانب الغلط من الصور وكانت هتقع لكن ادم ومراد هجموا عليها مره واحده ومسكوها وشدوها لجوه
ادم دى زي الثلج ونفسها بطيء قوي بسرعه يا مراد كلم الدكتور وهاته على اوضتي.
شال آدم نور بین ايديه بحذر شديد وحطها في السرير وغطاها كان حاسس ان قلبه هيقف من الرعب عليها خدها في حضنه وهي بتهلوس
نور الحقني يا ادم ما تسيبهمش يعملوا كده فيا
وقتها بص لها ادم بحزن
ادم انا جنبك يا قلب آدم والله ما هسيبك بس انا مين اللي هيلحقني منك يا نور
سمع ادم خبط فوق الباب بتاع اوضته وكان مراد معاه الدكتور
الدكتور لو سمحت يا استاذ آدم قوم علشان اعرف اكشف عليها
ادم بعضب اكشف عليها وهي في حضني واعمل اللازم انا مش هعطلك في حاجه
مراد یا آدم ما تخافش ان شاء الله خير بس سيب الدكتور يشوف شغله
ادم بنفاذ صبر يوووه وهو انا معطل شغله في ايه يا مراد اخرج انت بس استناني بره واما يخلص هطلعلك
وفعلا خرج مراد من الاوضه وبدا الدكتور يفحص نور وهي في حضن ادم لحد ما اخلص دكتور لو سمحت يا آدم باشا عايزك في كلمتين بره من فضلك
خرج ادم مع الدكتور بعد ما نيم نور كويس في السرير وغطاها
ادم لو سمحت يا دكتور قولي هي فيها ايه بالتفصيل
الدكتور بتوتر بصراحه يا آدم بیه مش هخبي عليك المدام نور اتعرضت لضغط نفسي شديد ادى لارتفاع السكر واكيد حضرتك عارف ان عندها سكر وبيتاثر بحسب نفسية المريض اما الجروح اللي في وشها واضحانها اتخبطت في جسم صلب وكمان في شعر منزوع من مكان في راسها وده معناه ان كان في حد بيمد ايده عليها اما بقى درجه حراره جسمها وشفايفها الزرقاء ده من اثر التعرض للبروده وانها عيطت كثير وده عمل لها نسبه جفاف وهي ان شاء الله محتاجه بس رعايه مشدده يومين وتتدفى كويس والاكل صحي وبس وتجيب لها العلاج ده والكريم ده علشان الكدمه اللي في راسها وباذن الله بعد يومين اشوفها.
مشى الطبيب بس ما كانش يعرف ان كلامه ولع بركان جوه ادم علشان مراته حصل لها كده ويوم الفرح ما كانش مصدق ان كل ده حصل
مراد مالك يا آدم انا اول مره اشوفك في الحاله دي انا طبعا مقدر انك قلقان عليها وكده بس ليه اوعى تكون.....
ادم بعصبيه اه.. اه يا مراد حبيتها انا حبيت نور یا مراد وما تسالنيش ازاي انا اصلا مش مصدق اني بحبها انا حسيت بحاجه ناحيتها من يوم ما شفتها وحصل ما بيننا الخلاف ومش عارف امتى الحاجه دي كبرت وبقت حب لو تعرف قلبي وجعني ازاي لما شفتها قاعده على السور في الحاله دي حسيت ان قلبي بيتعصر انها بالمنظر ده وامتى يوم فرحنا بس وحياة غلاوتها في قلبي ورحمه ابويا ما هعديها على خير
قرب مراد من ادم وحضنه بقوه وهو بيطيب خاطره
مراد یاااه یا آدم كل ده حاسس بيه ومخبي طب قول لي يا جدع انا اخوك هو انا غريب امال ايه بقى اللي متجوزها علشان انتقم لكرامتي ده انت طلعت قلب خسایه
ادم فعلا یا مراد ده اللي كان في نيتي والله بس انت ما شفتهاش وهي بتتنفض في حضني وبتقولي وهي مش واعيه اساسا الحقني يا ادم ده غير كلام الدكتور وبعدين ايه علاقه حبي ليها بإني انتقم انا صحيح هنتقم بس بعد ما اتاكدت اني بحبها هيبقى انتقام من نوع خاص
مراد هههههه برده ما فيش فايده فيك مش هتتغير طيب هات اما اروح اجيب العلاج وادخلها انت اكيد هي محتاجاك جنبها دلوقتي بالذات
ادم متشکر یا مراد بجد انا تعبتك معايا النهارده بس هعمل ايه نصيبك كده يا ريت تتم جميلك وتبعتلي داده عزيزه وانت نازل وبكره تروح الشركه بدري علشان انا مش هروح الاسبوع ده ماشي يا مرمر
مراد بضحك مرمر اه ما انا عارف معرفتك معرفه سوداء اتفحت انا شغل وانت هنا بتعسل.. طيب يا عم على كل حال الف مبروك
ادم اه اهو كده وضحت انا قلت برده ان دي عينك عمال يحصلي مصايب من الصبح غور يا مراد وابقى عدي عليا الصبح عايزك
بعد ما مراد مشي دخل ادم الاوضه بص باتجاه نور اللي نايمه وحزن وقعد جنبها ومسك ايدها
ادم اه يا نور لو تعرفي حاسس بايه وانا شايفك كده قدامي بس وغلاوتك عندي ما هسكت هتشوفي لما تفوقي انا هاخد حقك ازاي وهرد اعتبارك بس افهم منك اول ايه اللي حصل ووصلك للحاله دي يا ترى يا نور بتحبيني زي ما بحبك ولا مش حاسه بحاجه ناحيتي اصلا و مجبوره على جوازك مني يا وجعه قلبي انتى
قاطع كلام ادم مع نفسه دخول داده عزيزه زي ما طلبها
ادم اتفضلي يا دادا لو سمحتي عايزك تيجي تغيري لنور هدومها وتلبسيها حاجه ثانيه علشان هي تعبانه شويه
عزیزه حاضر يا ابني اغير لها على عيني ما هي لازم تكون تعبانه يا حبة عيني من اللي حصل معاها واللي سمعته ما كانش قليل خصوصا في يوم فرحها
ادم بتساؤل ليه يا دادا هو ايه اللي حصل معاها هو انتى شفتي ايه اللي خلى نور تمشي اتكلمي يا دادا ريحيني ارجوکی
عزيزه ربنا يريح قلبك يا حبيبي بس انا لو قلت لك مش هترتاح بالعكس هتتعب وهيحصل مشاكل كثير هنا
ادم بغضب انا مش عيل عشان تخافي عليا زي زمان قوليلي ايه اللي حصل وسيبيني اقرر هعمل ايه واتصرف ازاي
عزيزه حاضر يا ابني شوف اللي حصل انك اول ما طلعت مع شهد ومراد بيه خد الجماعه وصلهم والدتك ونادين هانم راحوا لنور وقالوا لها كلام ما يصحش يتقال ابدا كنت واقفه وسمعاهم بيقولوا لها انك سبتها وطلعت يبقى هي ما تفرقش عندك وانها ما عندهاش كرامه وواحده شرشوحه من الشارع وانها اصطادتك وعلشان كده لازم تمشي لو عندها دم ولما ست نور جت ترد على كل الاهانه دي والدتك شدتها من شعرها ورميتها على الارض دماغها اتخبطت في الترابيزه وطردتها بره البيت وشفت نور وهي خارجه بتعيط ودماغها بتنزف.
كان ادم بيسمع كلام عزيزه وهو بيعصر ايده بغضب وبعنين حمراء عشان والدته رجعت تمارس هوايتها في تحطيم النفوس من تاني والمره دي على مراته
عزيزه وبصراحه يا ادم يا ابني مش ده بس اللي شفته انا كمان بعد ما نور خرجت شفت نادين بتضحك قوي وهي بتقول لوالدتك ده انت جباره يا طنط حذفتيها على الترابيزه عشان تتعور.. وانا يا ابني سمعت الكلام ده وما كنتش مصدقه والله ان في ام كده ومشيت على طول
ادم بغضب انتى متاكده يا دادا من اللي انتى بتقوليه شفتي بعينك يعني ولا حد قال لك
عزيزه ايوه يا ابني والله شفته بعيني ده انا ما كنتش حتى ناويه اقول لك بس عارفه انك مش هتسكت غير ما تعرف وكمان ممكن الكلام يتعكس ويغلطوا نور
ادم طب اتفضلي انتى يا دادا غير لها هدومها وانا جاي حالا.
وهناك في بيت سالم نعمان كان الكلام ده دایر بینه وبين ندى
سالم انا عايز افهم انتى عايزه ايه دلوقتي يا ندى فهميني
ندی عایزه افهم يا بابا انت ازاي تسمع الكلام اللي اتقال لنور ده يوم فرحها وقدامك وما تردش وكمان اول ما ادم قال لمراد يروحنا خرجنا على طول من غير اي رد انا هتجنن ازاي سمحت بكده
سالم انا عارف انا بعمل ايه يا ندى نور بنتي وما حدش هيخاف عليها اكثر مني وبعدين في حاجات كتير انت ما تعرفيهاش زبلاش استغراب من كل تصرفاتي
ندى طب ما تعرفني يا بابا ده انا بنتك وخلاص البيت فضي عليا انا وانت
سالم بعدین یا ندى انتى واختك هتعرفوا كل حاجه بعدين بعد اما اطمن
وعند مراد في فيلته كان قاعد وحيد بيكلم نفسه.
مراد انت من امتى وفي واحده بتعلق في دماغك كده ما تكونش اتدبيت وحبيت
وفي بيت الصواف تحديدا في الصالون كانت قاعده ناهد هانم ومعاها جوزها ونادين بيتكلموا وكان الحوار كالتالي
ناهد انا قلتلك يا نادين اني هجوز هولك ولو هيحصل ايه
ناهد انا قلتلك يا نادين اني هجوز هولك ولو هيحصل ايه بلاش موضوع جوازه ده يقلقك اديكى شفتي انا عملت فيها ايه
نادین بغيظ هتجنن يا طنط هفرقع انتى ما شفتيش كان بيدور عليها زي المجنون ازاي ولما لقاها كان شايلها زي البيبي في حضنه ازاي ده انا اخر زياره ليا هنا اما عملت اغمى عليا وهو واقف نده للبواب يشيلني وسابني وراحالشركه اشمعنا هي بقى
زیاد یا ناهد يا حبيبتي نادين عندها حق لازم تقلقوا من البنت دي شكل ادم بيحبها وما تستبعديش يعمل اي حاجه عشانها
ناهد بضحك هههههه حب.. ادم يحب مش معقول ابدا
و اتصدمت لما ما كملتش كلامها ولقت آدم نازل زي الاعصار غضبان.
ادم اه بحبها يا ناهد هانم وبرغم ان العيل بتاعك ده ما لوش حق يتكلم عن حياتي الخاصه الا انه عنده حق.. انا ممكن اعمل اي حاجه علشانها وبعدين مش معقول ليه هو انا مش انسان وبحس... ولا اه صحيح نسيت انك ما تعرفيش لا الحب ولا الاحساسالفصل 7
ناهد اتصدمت من نزول ادم المفاجئ واعترافه بحب نور وقام زياد باندفاع يتكلم
زیاد آدم انا ما اسمحلكش تتكلم معاها كده الزم حدودك دي مراتي
مسك ادم زياد من قميصه بقوه
ادم لا اسمع بقى يا امور البيت ده انا اللي بسمح فيه وانا اللي ما بسمحش وبحط الحدود.. وصوتك يعلى ثاني قدامي لاي سبب هخلي الحرس يرموك بره انت والهوانم طبعا علشان ما توحشوش بعض
ادم كانت اتملك منه شيطان الغضب وما اقدرش يقف عند كده كمل كلامه بمنتهى العصبيه.
ادم وعلشان يبقى واضح للجميع ... البيت ده بل وكل املاك الصواف ملكي وملك اولادي من بعدي والبيت ده ليه ست واحده بس وهي نور مراتي واللي هيفكر بس مجرد تفكير انه يزعلها او حتى يخليني اشوف دمعه في عينها يبقى يجهز كفنه وقبره اول لاني مش هرحم حد.
وبعد ما مشي ادم بغضبه الشديد اتكلمت ناهد بخبث.
ناهد انا بقى هوريك يا ادم مين هي ست البيت ده والست هانم بتاعتك دي هخليها تتمنى الموت مني ومش هحسن عليها بيه وبكره تشوف.
طلع ادم اوضته مطرح ما نور نايمه بسبب المنوم دخل الحمام وغير هدومه وقعد على الكرسي جنب سريرها.
ادم انتى حيرتني معاكي يا نور من ناحيه كرامتي وجعاني بسبب اللي عملتيه ومن ناحيه تانيه كل اللي في حياتك وكل اللي بيحصل معاكي وحبي ليكي اللي عمال يزيد جوه قلبي مخليني مش عارف اعمل ايه فيكي.
كان آدم بيكلم نفسه لحد ما انتبه ان نور بتتحرك وهي بتتقلب وشالت الغطاء من عليها وهو ارتبك.
ادم او با ايه الحلاوه دي طب اعمل ايه انا دلوقتي في ام الليله دي اعض في الارض.. يعني لازم يعني يا داده عزيزه تلبسيها القميص ده عرسان قوي احنا ما البنت متد شدشه اهي ومش داريه بحاجه.
وقف ادم وقعد يتمشى شويه في الاوضه وحلف على نفسه انه ما يقربلهاش خالص لحد ما يتاكد من حبها ليه و اتخض لما سمع صوتها وهي نايمه بتكلم وبتعيط
نور اااه الحقني يا ادم حرام عليكوا النهارده فرحي.. بابا انا لازم ادي بابا علاجه
ادم نور اهدي يا حبيبتي انتى هنا في حضني ما تخافيش ما حدش يقدر ياذيكي.. حتى وانت نايمه وتعبانه بتفكري في غيرك
استسلم ادم لتعب اليوم وطلع جنبها على السرير ونام نوم عميق وثاني يوم الصبح في بيت سالم نعمان لبست ندى هدومها عشان تلحق جمعتها بعد ما فطرت ابوها وراحت تخرج اتفاجئت بمراد قدام الباب.
مراد صباح الخير يا انسه ندى عم سالم موجود طبعا.
ندی بسخريه لا نزل يشتري عيش في حاجه.
مراد ههههه لا والله.. طب بعد اذنك عايز اكلمه.
ندی اتفضل كلمه وانا كنت حوشتك.
عدى مراد ودخل للحاج سالم وشايل معاه شنطه في ایده اداها لسالم بين ايديه
مراد صباح الخير يا حاج اتفضل دي ادويه حضرتك كلها لمده شهر آدم بعتها لحضرتك وبيقول لك كل شهر